|
|
 Re: وردي يقول: الأستاذ محمود أبوي الروحي بقلم (Re: أزهري بلول)
|
سلام يا عزيزي أزهري
ومبروك الاشتراك في سودانيز أونلاين اليوم.
لاحظوا ما قاله الراحل المقيم وردي في الدقيقة 1 والثانية 26 من هذه الشريحة من حفل الذكرى الأولى للأستاذ محمود في يناير 1986 في نادي الأساتذة جامعة الخرطوم .
((في يوم استشهاده كنت في القاهرة. أخذت النبأ بالتلفون. وما قدرت أقدم أي شيء في شخصه للشعب السوداني في ذلك اليوم إلا أنشودة "يا شعبا تسامى"))
يا شعبا تسامي للشاعر محجوب شريف
يا شعبا تسامي.....
ياهذا الهمام
تفج الدنيا ياما
و تطلع من زحامها
زي بدر التمام
تدي النخلة طولها
والغابات طبولها
والايام فصولها
والبذرة الغمام
***
قدرك عالي قدرك
ياسامي المقام
ياملهم
رماحك سناها الصدام
ام در والطوابي
في صدرك وسام
ملامح
كم تسامح
تغضب لا تلام
***همه وعبقرية
ذمة وفنجرية
ضد العنصرية
و تحلم بالسلام
***
فداك وفي حواك
يامدد الكلام
عفوك انت ورضاكا
و برنا ليك تام
و بحلم في هواك
بي حسن الختام
دينك كم علينا
منك والدينا
واجمل ما لدينا
من يوم السماية
ومن قبل الفطام
منك كل حتة
في الخاطر صبابة
جنبك نبتة نبتة
نكبر نحن يابا
نسألك انت
وانت
ورينا الاجابة
علمنا الرماية
والحجي والقراية
والمشي بي مهابة
في الضحي والظلام
| |
  
|
|
|
|
أزهري بلول
Yasir Elsharif
ABDALLAH ABDALLAH
فيس بوك
تويتر
انستقرام
يوتيوب
بنتيريست