عصيان ممتد ماليه حدود قدر الخوف الفينا اشتد... من مجهولنا.... وصحية بكرة الميها سند .... قدر النية الكان امبارح... وعزم جنيهنا الشيكو ارتد .. قدر الماضي من تاريخنا وجدودنا الجد... زي احلامنا الما مهزومة وشوقنا الليها امتد مدد.... ؛؛؛؛؛::::::::؛؛؛؛؛؛؛ ياصلاح الدنيا الزايلة .. ويا فلاح .. الارض البايرة يا اولاد الحارة الحايرة ... ي احباب البت النايرة شيلوها مدد ؛؛؛؛؛؛؛؛؛؛؛؛؛؛؛؛؛؛؛؛؛ عصيان عصيان عصيان امتد ضد الطغمة وحق اللقمة والحيلا انهد نحن عوافي احلامنا بلد كان متصافي وجد متعافي هردوه هرد... هرسوه هرس وصلوهو الحد فيما سكاتنا وطولة بالنا وفيهو الجاتنا جردوهو جرد... ؛؛؛؛؛؛؛؛؛؛:؛؛؛؛:؛:؛:؛؛؛؛؛؛؛؛ عصيان عصيان عصيان ممتد جانا الككو الكان منفكو سافل الدنيا وتاجر البنقو ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ شايلو كتاب في جيبو قلم لا فاق لي شئ لا فاتلوا بلم لا ليه نسب ماليه اسم كان ميهي الدنيا ألمي محمودة لا اصحاب لا ليه حشم كان راعى القيد وفيهو اتلم ؛؛؛؛؛؛؛؛؛؛؛؛؛؛؛؛؛؛؛ عصيان عصيان عصيان امتد ... نبذر بذر الوطن السامي ونفتح جدول صادق وهامي نشد النيل للحقل النامي نشر نجمات والجو الغامي نعزم المطرة والضل الرامي ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ عصيان عصيان شان طفلنا يحبو لا خايف شوك.... لا شك في قلبو شان مدرسة ناصية وحق العافية امات يتلمن والضحكة الصافية لي حق المرقة والايد الوافية لا جر جرورة للعازم اصحابو لي حق الكورة للبت الحلوة الماشة الجامعة والحال مستورة لي حق الحفلة ورحلة جمعة والناس مسرورة من حقنا نعصي عصيان عصيان عصيان يمتد شيلوها مدد
حيدر الشيخ هلال الثلاثاء ٢٩/١١/٢٠١٦ #العصيان_المدني_السوداني_في_يومه_الثالث
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حيدر الشيخ هلال
فيس بوك
تويتر
انستقرام
يوتيوب
بنتيريست