|
أي حوار مع قتلةٍ متشبثين بالسلطة رافضين للشراكة المدنية, يا فولكر! كتبه عبدالعزيز وداعة الله
|
11:31 AM May, 22 2022 سودانيز اون لاين عبدالعزيز وداعة الله عبدالله-Sudan مكتبتى رابط مختصر
ندعو اولاً لشهيدى الامس بأم درمان و عاجل الشفاء للجرحى, حيث لا تزال آلة حصد الارواح و القمع و الاعتقالات دائرة مما يؤكد تشبث لجنة امن البشير بالسلطة و تمسّكهم بما قالوه في اوقات متفاوتة مِن انهم لن يتخلوا عن السلطة, و نورِد ادناه بعضاً مما قاله الجنرالان. و كان البرهان قد قال في سلاح المدرعات بعد ساعات من محاولة الانقلاب العسكري بقيادة بكراوي: (و نحن الكلام دا بنقوله نقصد نرسله للناس انه القوات دي هي البتحمي البلد, و القوات دي هي البتحمي التغيير, و هي البتسوقه سواقة محل ما دايرة توديه, ما في زول تاني بيسوقه) فهل سمع فولكر و لجنته الثلاثية بما قاله البرهان مِن انهم يسوقون التغيير اينما ارادوا و لا احد سواهم؟ و هل سمع فولكر و لجنته الامنية بما قاله حميدتي بأنه لن يذهب الى ثكناته: ( دايرين تودونا ثكناتنا زي ما الجماعة بيقولوا, موافقين نمشي ثكناتنا, لكن ما ممكن نمشي ثكناتنا و زول يسنّ في سكينه داير يضبحني, انا امشي ثكناتي كيف؟ و الله ما بمشي, عشان ما نغُشّ الناس) و هل سمع- فولكر و لجنته الثلاثية- بما قاله حميدتي على الملأ: و الله ما نقعد معاه في تربيزة واحدة تاني- يقصد الاستاذ محمد الفكي سليمان- إلاّ بالوفاق, في وفاق نقعد معاه ما في مشكلة, و من عفا و اصلح فأجره على الله, لكن ما في وفاق و الله في تربيزة واحدة ما نقعد) في تمهيد المكون العسكري لانقلابه على المدنية و قد افتعلوا تشاكسا مع المكون المدني في مجلسي السيادة و الوزراء تعثرت على اثره اجتماعات مجلس السيادة بشكل مكشوف. و هل سمع فولكر و لجنته الثلاثية بما قاله البرهان بوصايته على السودان: ( نحن وصيين(اوصياء) رغم انف كل زول على وحدة السودان, و وصيين رغم انف كل زول على امن السودان, و وصيين على المحافظة على بناء السودان) ؟ مع انه هو الشريك غير المرغوب فيه اصلا في ثورة اطاحت بنظامٍ هو عنصر في لجنته الامنية. و هل سمع فولكر و لجنته الامنية عن شروط البرهان لتسليم السلطة: (ما حنسلم الامانة إلاَّ لأيدي امينة, ايدي امينة عندنا اتنين فقط, اما عن طريق انتخابات او وفاق وطني يجمع كل اهل السودان, إذا السودانيين جلسوا جميعا في مكان واحد نحن مستعدين نجلس معاهم و نتحاور معاهم)؟ و يشترط سعادته اجتماع الكل ليحاورهم بينما جلس و حاور و قدَّم ما شاء لأكثر من اربعين حركة مسلحة من اقليم واحد في ما يعرف باتفاق سلام جوبا. و حميدتي يخشي على نفسه من المسائلة العدلية كما جاء ذلك في خطابه: ( اختاروا لينا حكومة, مش ديل, مش ديل, ديل يشاركوا من ضمن الناس, دايرين يجيبوا البيجبوه الليلة قبل بكرة, البلاء كان راجيك احسن يجيك, يجوا ديل بكرة يحكمونا بقانوننا , احسن نموت الليلة قبل بكرة بعزة كدا) و نسأل بعد الانفلات الامني و تساقط الشهداء بالرصاص الانقلابي لماذا يصمت الشرفاء في مكونات المنظومة الامنية التى يستحي الواحد ان يصفها بالأمنية, ثم اين القادة المدنيين و المجتمع الدولي؟ أدماء الشهداء رخيصة الى هذا الحد في نظرهم؟ و قال المبعوث الاممي فولكر: (لدينا علاقات جيدة مع السلطات) كما جاء في الوسائط, عِما ان السلطات حاليا محصورة عند البرهان و حميدتي. و كان البرهان قد هدده بالطرد: (المبعوث الاممي فولكر نقول له إذا تجاوزت التفويض سنخرجك خارج السودان, و نقول له عندك تفويض محدد و نحن قِبِلنا انك تجئ تحاور و تقعد في الحوار لكن ان تكتب و تتولي ادارة الشعب السوداني بنطردك) و هؤلاء القتلة الذين يحاولون النجاة من القصاص على ما ارتكبوه من مجازر و لا تزال آلتهم العسكرية تحصد الارواح لا يخافون مخلوقا و لا خالق الذي قال في الآية93من سورة النساء(وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا) ,و في الحديث الشريف (لزوال الدنيا أهون على الله من قتل مؤمن بغير حق) و كلما اسمع بسقوط شهيد اذكر الآية39من سورة القصص (وَاسْتَكْبَرَ هُوَ وَجُنُودُهُ فِي الْأَرْضِ بِغَيْرِ الْحَقِّ وَظَنُّوا أَنَّهُمْ إِلَيْنَا لَا يُرْجَعُونَ)
عناوين الاخبار بسودانيزاونلاينSudaneseOnline اليوم الموافق 05/21/2022
عناوين المواضيع المنبر العام بسودانيزاونلاين SudaneseOnline اليوم الموافق 05/21/2022
عناوين المقالات بسودانيزاونلاينSudaneseOnline اليوم الموافق 05/21/2022
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|