|
Re: نحن مطعمين ضد جدرى القرود؟ (Re: Abureesh)
|
برسل ليك التقرير فى الواتساب يا محمد إذا رقمك لم يتغير . بعد تقرا التقرير ممكن تعمل بوست منفصل لانه التقرير طويل و ما قريته كله. طبعا انا عدو لدود لنظريات المؤامرة لكن الصدفة فى هذه الحالة مدهشة
التقرير قدم توقيت لبداية انتشار المرض فى 15 مايو 2022 و فعلا حصل
| |
|
|
|
|
|
|
Re: نحن مطعمين ضد جدرى القرود؟ (Re: Abureesh)
|
سلام عليكم منظمه الصحه العالمية اشارت انو لقاح الجدرى بتاعنا زمان ناجع لدرجه كبيرة (85%) فى الوقايه من جدرى القردة الخطرعلى الاجيال الجديده لو صدق ماذكر ماذكر على لسان غيتس هل هى موجهحرب بيولوجيه ام مافيا الاقتصاد والاستثمار فى الدواء ؟؟
| |
|
|
|
|
|
|
Re: نحن مطعمين ضد جدرى القرود؟ (Re: Asim Ali)
|
اهلا عاصم السؤال هل نحن فعلا مطعمين ضد الجدوى؟ العلامات (الاوشام) فى جسمنا هل ممكن تورى نوع التطعيم ؟ مرات الوشم بيكون دائرى او بيضاوى .
الوشم بتاعى الفوق فى الصورة اعلاه ياتو تطعيم؟
| |
|
|
|
|
|
|
Re: نحن مطعمين ضد جدرى القرود؟ (Re: النصرى أمين)
|
Quote: عزيزى القارئ فوق الخمسين افحص ذراعك اليمنى و البسرى ، هل ترى وشم ؟
|
اتنين قراحه الجدرى من قمت لقيتها(عملوها بدرى قبل ما اميز ) واحدة تانيه شبهها واصغر فى اليد اليمين من حقنه المسدس جونا لغايه الفصل وادونا ليها (الله يرحم الايام ديك خدمات صحيه ممتازة قياس بمستوى البلد)
| |
|
|
|
|
|
|
Re: نحن مطعمين ضد جدرى القرود؟ (Re: النصرى أمين)
|
Quote: السؤال هل نحن فعلا مطعمين ضد الجدوى؟ العلامات (الاوشام) فى جسمنا هل ممكن تورى نوع التطعيم ؟ مرات الوشم بيكون دائرى او بيضاوى .
الوشم بتاعى الفوق فى الصورة اعلاه ياتو تطعيم؟
|
دا بتاع جدرى انا عندى فى الرجل بيضاويه بطول عقلة صباع حاليا . قالو وقفو للاجيال الجديده على اساس نهاية المرض دا لكن يبدو انو طلع من الباب رجع بالشباك ربنا يلطف
| |
|
|
|
|
|
|
Re: نحن مطعمين ضد جدرى القرود؟ (Re: أبوبكر عباس)
|
سلام للجميع~ قبل سنتين لقيت موضوع ممتع أيام مقاومة السودانين القفل بسبب فيروس الكورونا، ومعلومة عن الجدوى والحجر الصحى فى السودان - مملكة سنار:
Quote: [/كما أشرنا سابقا، لم تكن مملكة سنار معزولة عن العالم ، وأن الجدري أو الطاعون وفد للسلطنة من الخارج، مثل “الكورونا” الحالية، وكان المرض يصل للبلاد عبر تجار القوافل عند عودتها من العالم الخارجي، في مواجهة هذا الوباء اتخذت الحكومة والمواطنون اجراءات لمواجهته مثل : قيام المحاجر الصحية في الحدود ، وعندما يتم اكتشاف حالة جدري يتم الحجر علي كل القافلة وسكان محطة الدخول لمدة سنة ويوم، يكون المرض أخذ دورته وانتهي ( راجع جاى اسبولدنق، ص 126- 127، مرجع سابق).
في داخل البلاد ايضا استخدموا الحجر الصحي لمنع انتشار عدوى الجدري وفي مدائح الأولياء الصالحين مقطع شعري واحد يقول :
جابوك للكتـل لا كليت ولا مليت
يا جدرى الكروفة الفرزو لك بيت
ومنه نعرف أن العامة عرفت المرض بأسمه وعرفت فتكه وطريقة العدوى به ، كما عرفت الوقاية منه ، ليس ذلك فحسب بل أنه يسجل معرفة الناس بنظام الحجر الصحي ، فالكرفة بيت من القش خارج العمران يعزل فيه المريض ( للمزيد من التفاصيل : راجع د. أحمد الصافي، مدخل لدراسة الطب التقليدي في السودان، مجلة الدراسات السودانية 1982).
لكن رغم الحزم في تنفيذ القرار بالحجر في الحدود ، الا أن موجات الجدري استمرت في التسرب داخل البلاد .
كان من الاعتقاد الشائع عند مواطنى سنار شراء القروح من المصابين وتحصين الأطفال بها بعدوى، ونلاحظ أن النظام الصحي الذي اتبعته الحكومة والمواطنون بالحجر والتحصين ضد المرض لا يخلو من الصواب العلمي.
تاج السر عثمان |
B]
| |
|
|
|
|
|
|
Re: نحن مطعمين ضد جدرى القرود؟ (Re: أبوبكر عباس)
|
سلام أخ النصري ماهي كيفية ووسائل إنتقاله ؟ هل هناك مصل أو لقاح تطعيمي مجرب وفعال ؟ هل هناك علاج متوفر لهذا الوباء ؟ أقصد علاج مش لقاح تطعيمي هل هذا المرض قديم ـ أم هو مجرد طفرة جديدة للجدري القديم ؟
| |
|
|
|
|
|
|
Re: نحن مطعمين ضد جدرى القرود؟ (Re: يحي قباني)
|
Quote: ده شنو يا عاصم !!
جراحة الرجل كانت للبنات عشان ما يشوهو يدينهم ..
شكلو اهلك كانو واعيين 🙂
|
اول مة اعرف القصه دى لانو كان معانا فى الفصل فى الابتدائى زميل اكبر مننا شويه فى السن ومن فريق المدرسه كانت برضو فى الرجل وظاهرة لم ينجح الرداء فى اخفائها ---- الاهل كانو فى الاسرة الممتده ضمن الجيل المتعلمين الاتمردو حتى على قصة الشلوخ لذلك مابستغرب انو يكون عندهم اختيارالقراحه فى الرجل
| |
|
|
|
|
|
|
|