ناس بلادي تدفع الغالي النفيس لأجل حريتك وللأمان تضرب وتهان وترمي من خلف الغضبان لكن لأجلك مستعدون لتلغاء ما يرميه عليهم القدر متمسكون بالمبادئ صامدون ضد الرياح وأشرار البشر من أجلك يا السودان ضحوا صابرون رغم المصاعب سابتين ما إتزحزحوا وقدموا التضحيات مرة وتانية وفي كل مرة لأجيال بكرة ولكرامة عزة ونفيسة وماري وكريستينا وقمر لكى يعيش الوطن ويزدهر وكتمة الظلم الشادي حيلو تنغمر وكم أنت غالي يا وطن بوابة الفجر يجب أن تكون ولابد أن تكون وللوطن تصون تشفي الجراح تمسح الدمعة الفي خديدها وتشيل الهم من وليدها ما خلاص الفجر لاح وأشرق نور الصباح حلم لابد من تحقيقو بإرادة قوية بنجيبو زى ما قال ود شريف حنبنيهو يا عزة ما خلاص تعبتي راحة بالك بتسعدني أشيلك في حدقات عيوني إنتي مكان وميلاد وجودي ونيلك جاري في عروقي ترابك غالي يا بلدي صرخة طفلة من بعيد بتبكي ودمعة أم شايلة هم وليداتها أكليها وشربيها وعالجيها وعلميها الناس دي جارية حايمة كايسة والحكومة رافعة يدها عشان ربك يزيدها تاكل من دم الغلابة سحابة فوق السما غطت البلد البريدها طفت النور الإلاهي والظلام عم المكان وضاع الأمان يا سودان متين يمشي حكم العسكر والجنجويد والدعم السريع وجهاز الأمن المتسيطر وتجف الدمعة من خديدها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عائشة حسين شريف
فيس بوك
تويتر
انستقرام
يوتيوب
بنتيريست