في آخر يوم من شهر رمضان الكريم 2016 ، أرسل لنا المحامي خفيف الظل محمد عيسى (شخص) (ود الصحافة شرق) نكتة سودانية كاربة ، فقمنا بادخالها في ورشة ود الدابي لسمكرة النكات فطلعت بالشكل الآتي: واحد خرج في صباح يوم الوقفة مع مرتو ولم يعد حتى الآن ، اوصافو كالآتي ، مادي بوزو ووشو يلعن قفاهو وقصتو كالآتي: في صباح يوم الوقفة مرتو قالت ليهو: عليك الله وديني السوق بس دايرة ابدل البلوزة دي بي سرعة وانا واقفة على حيلي ونجي راجعين هوا!! صاحبنا وقع في الفخ ومشى مع مرتو السوق ولى هسه ولى بكره مرتو قاطراهو يدخلو في دكان ويمرقو من دكان ..... يدخلو في دكان ويمرقو من دكان .... زولنا دا وقع وقعة سودة وما حيرجع البيت إلا مع اذان الفجر ... والفطور والعشاء والسحور يشمهم قدحة !!!!! فيصل الدابي/المحامي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل الدابي المحامي
فيس بوك
تويتر
انستقرام
يوتيوب
بنتيريست