فى مطار نيويورك الغالي شفيقات والمستشار حميدتي يوسف الماهري بتاريخ الجمعه 12/22/2023
Post: #2 Title: Re: وصول زميل المنبر ومستشار حميدتي يوسف الما Author: هدى ميرغنى Date: 12-23-2023, 04:57 PM Parent: #1
سلام واحترام اخى النذير~ بالله شوف داعية الحرب يتجول يكون عايز يحصل رأس السنة والكريسماس وغيرها من احتفالات … *وبعد ان اشعلوا حروبهم ، هربوا وتركوا السودان للدمار -كان عنده لقاءت مع قناة الجزيرة قبل شهرين أو ثلاثة وهو فى فى أمريكا - واشنطون دى سى وإيضا من نيويورك
Post: #3 Title: Re: وصول زميل المنبر ومستشار حميدتي يوسف الما Author: Biraima M Adam Date: 12-23-2023, 05:02 PM Parent: #2
ألف شكر ول أبا النذير حجازي
عيال أبا، المستشار يوسف عزت الماهري وول أبا الغالي شقيفات .. منورين ما شاء الله.
كسرة: حبيبنا بكري شكراً على التوثيق، تعرف يا بكري، الماهري كان عندو بوست إجتماعي جميل عن حياة البقارة والأبالة في غرب السودان، كتبه في منبر سودان فوور أول، عملت بحث عن البوست ما لقيتو، تخيل يا بكري بعد ما بقى مستشار حذف حسابه في منبر سودان فوور أول، ومسح كل بوستاته هنالك، أظنه سيتصل بك لمسح بوستاته أيضاً، وكل شيء جائز.
محباتي واحتراماتي للجميع
Post: #7 Title: Re: الغالى شقيفات Author: Biraima M Adam Date: 12-23-2023, 05:56 PM Parent: #6
ول ابا النذير
Quote: تخيل يا بكري بعد ما بقى مستشار حذف حسابه في منبر سودان فوور أول، ومسح كل بوستاته هنالك، أظنه سيتصل بك لمسح بوستاته أيضاً، وكل شيء جائز.
محباتي واحتراماتي للجميع
منبر الأخ بكري، غير منبر سودان فور أوول .. بكري يعتبر المواضيع توثيق لحياة السودانين والتطورات السياسية في السودان خيرها وشرها .. ودا السبب كل شيئ في المنبر محفوظ. وليس هناك أي شيئ يقدح فيما كتبه عزت في المنبر .. بل كل شيئ كتبه جميل وجاذب للقراء وتداخل معه كبار الأدباء أمثال ول أبا فضيلي جماع وغيره الكثير.
أنا ما عارف سودان فور أوول لماذا سحب بوستات ول أبا عزت الماهري .. علماً أن كتابات عزت من أجمل الكتابات التى تربط ما بين التراث المحلي والبعد القومي .. نطالب سودان فور أول بأرجاع بوستات المستشار عزت الماهري ..
ول أبا الغالي شقيفات معروف عنه رجل صحفي سوداني قدير .. والغالي يكتب في البعد القومي للقضايا مثله مثل الأخ عزت الماهري .. وله تواصل كبير مع مكونات داروفور بجميع ألوان طيفهم .. رجل ذو نظرة قومية وحس وطنى .. ليس بالأسان السهل.
Post: #9 Title: Re: وصول زميل المنبر ومستشار حميدتي يوسف الما Author: Hassan Farah Date: 12-23-2023, 06:05 PM Parent: #1
النذير سلام الحكاية شنو .... نيويورك لسع مصييفة فى اواخر ديسمبر؟
Post: #10 Title: Re: وصول زميل المنبر ومستشار حميدتي يوسف الما Author: النذير حجازي Date: 12-23-2023, 06:15 PM Parent: #9
Quote: أنا ما عارف سودان فور أوول لماذا سحب بوستات ول أبا عزت الماهري .. علماً أن كتابات عزت من أجمل الكتابات التى تربط ما بين التراث المحلي والبعد القومي .. نطالب سودان فور أول بأرجاع بوستات المستشار عزت الماهري ..
سلام يا حبيبنا بريمة،
برضو إحتمال وارد جداً بأن إدارة سودان فوور أول هي من حذفت حسابه وبوستاته، كل شيء جائز، وأتفق معك بأن بوستات عزت توثيقية ومافي شيء يعيبها أو يخجل منها
تحياتي
Post: #11 Title: Re: وصول زميل المنبر ومستشار حميدتي يوسف الما Author: النذير حجازي Date: 12-23-2023, 06:22 PM Parent: #10
Quote: النذير سلام الحكاية شنو .... نيويورك لسع مصييفة فى اواخر ديسمبر؟
سلام يا حبيبنا أبو علي،
هل تعتقد بأنها صورة قديمة؟! على العموم مع تغير المناخ، الجو عندنا هذه الأيام في الساحل الشرقي الأمريكي دافيء نسبياً هذه السنة.
وكل شيء جائز لكن من أرسل لي هذه الصورة من مصادري الموثوقة
Post: #12 Title: Re: وصول زميل المنبر ومستشار حميدتي يوسف الما Author: Hassan Farah Date: 12-23-2023, 06:50 PM Parent: #1
النذير هذه هى حالة الجو فى مطار نيويورك اليوم John F. Kennedy International Airport, Queens, NY, United States / Weather 6°C Saturday Cloudy High: 7°C Low: 3°C اوعك من ضنب الككو
Post: #13 Title: Re: وصول زميل المنبر ومستشار حميدتي يوسف الما Author: هدى ميرغنى Date: 12-23-2023, 07:33 PM Parent: #12
يبدو انها صورة من جولته الاولى فى سبتمبر أو أكتوبر من هذا العام *شاهدت له لقائين مع الأستاذ أحمد طه (الجزيرة) واحد كان متواجدا بالعاصمة الأميريكية واشنطون والثانى كان متواجدا بمدينة نيويورك *آخر لقاء له قبل أسابيع كان متواجدا بباريس والشعب السودانى يموت وإرضه تُنهب فى حرب هو واحداً من دعاتها
*يكون هو من آل البيت (دقلو والماهرية) وخازن الذهب والمال القذر فى واحد من لقاءته بدايات هذى الحرب يعدد فى خدمات الدعم السريع قال "أنهم يمنعون الهجرة لأوربا…" الشعب السودانى دخله شنو فى هجرة العباد !؟ حتى ينط الدعم السريع ويتكسب من ورائها المال القذر الطائل ليشتروا به سلاحا مع مال ذهب السودان ويقتلوا ويشردوا به الشعب السودانى **كذلك عند مجزرة اعتصام القيادة العامة استعملوا نفس إجهزة الاستكشاف والإضاءة التى زوّدتهم بها دول الاتحاد الأوربى 🤮
Post: #14 Title: Re: وصول زميل المنبر ومستشار حميدتي يوسف الما Author: Amira Hussien Date: 12-23-2023, 07:47 PM Parent: #1
غريبة …….تاريخ وصولم ده ونيويورك تكاد تكون عبارة عن ديب فريز وهم بى القمصان الأفريقية والإفرنجية ……يارب التهاب رئوي حاد
Post: #15 Title: Re: وصول زميل المنبر ومستشار حميدتي يوسف الما Author: حيدر حسن ميرغني Date: 12-23-2023, 07:56 PM Parent: #14
مستشار الدعم السريع يوسف عزت لقناة الجزيرة : ظروف قاهره تمنع حميدتي من مقابلة البرهان لكن لدينا حسبو محمد عبدالرحمن يمثل الدعم السريع
Post: #16 Title: Re: وصول زميل المنبر ومستشار حميدتي يوسف الما Author: Zein Abdalla Date: 12-23-2023, 08:08 PM Parent: #15
صورة عزت المهاري ليست في مطار نيويوك. الصورة في محطة قطار مونيهان ببنسلفانيا
Post: #17 Title: Re: وصول زميل المنبر ومستشار حميدتي يوسف الما Author: Zein Abdalla Date: 12-23-2023, 08:24 PM Parent: #15
Quote: مستشار الدعم السريع يوسف عزت لقناة الجزيرة : ظروف قاهره تمنع حميدتي من مقابلة البرهان لكن لدينا حسبو محمد عبدالرحمن يمثل الدعم السريع
يعني كوز رسمي اسمه حسبو عبد الرحمن عايز يقابل كويز اسمه البرهان لحل قضايا السودان
Post: #18 Title: Re: وصول زميل المنبر ومستشار حميدتي يوسف الما Author: هدى ميرغنى Date: 12-23-2023, 08:48 PM Parent: #17
عبارة Hakuna matata التى تعنى "لا توجد مشكلة" مطبوعة فى التى شرت الذى يلبسه عزت+الماهرى👿 وهو كما زعيم الضباع اللذين أحاطوا يومها بالمعتصمين امام قيادات الجيش *كانوا يشبهون الضباع التى فى فيلم ال Lion King وأعدادهم تتزايد وقتها يوميا حتى هجموا على المعتصمين تحت جنح الظلام #لعنة الله عليهم أجمعين
Post: #19 Title: Re: وصول زميل المنبر ومستشار حميدتي يوسف الما Author: محمود الدقم Date: 12-23-2023, 08:55 PM Parent: #15
سلام اخ حيدر، الخبر مفبرك.
Post: #20 Title: Re: وصول زميل المنبر ومستشار حميدتي يوسف الما Author: Biraima M Adam Date: 12-23-2023, 09:07 PM Parent: #19
Quote: Hakuna matata
كلمة سواحيلية تعنى No Problem
-------------------- ول أبا محمود الدقم، هل مصادرك موثوقة .. أنا ماشي نجيب ختم ضنب الككو .. حلاة الختم في ول أبا النذير!
بريمة
Post: #21 Title: Re: وصول زميل المنبر ومستشار حميدتي يوسف الما Author: هدى ميرغنى Date: 12-23-2023, 09:41 PM Parent: #20
معليش أخى النزير ، لكنى أستحضر المعنى فى هذا الفيديو كثيرا كثيرا وكل ما تجئ المناسبة
Post: #22 Title: Re: وصول زميل المنبر ومستشار حميدتي يوسف الما Author: النذير حجازي Date: 12-23-2023, 11:53 PM Parent: #21
Quote: معليش أخى النزير ، لكنى أستحضر المعنى فى هذا الفيديو كثيرا كثيرا وكل ما تجئ المناسبة
Post: #23 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 00:06 AM Parent: #22
Quote: Quote:
أنا ماشي نجيب ختم ضنب الككو .. حلاة الختم في ول أبا النذير!
😁😁😁😁😁 أقول ليك: Hakuna matata الروح رياضية
كسرة: غايتو لو عزت الماهري بتحاول في نيويورك ، بكرة أسامة خلف الله ح يبلو زي بلتو لولد لباد، لو ما شوفت الڤيديو بتاع زرة أسامة لولد لباد نص عمرك ضاع يا بريمة
Post: #24 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 00:13 AM Parent: #23
Quote: الصورة في محطة قطار مونيهان ببنسلفانيا
سلام يا الزين، وشكراً على المعلومة، وياريت تدينا تاريخ الصورة، تكون ما قصرت معانا
Post: #25 Title: Re: وصول زميل المنبر ومستشار حميدتي يوسف الما Author: Biraima M Adam Date: 12-24-2023, 01:13 AM Parent: #24
الأخ النذير .. نستأذنك في الرد علي الأخت هدي ..
Quote: معليش أخى النزير ، لكنى أستحضر المعنى فى هذا الفيديو كثيرا كثيرا وكل ما تجئ المناسبة
طبعاً كلكم تعرفون أن هدي، شانة حملة علي شخصي منذ أن حضرت إلي المنبر .. وهذه حقيقة، لكن المحزن أنها لم تواجهينى بشرف .. في هذا المنبر لدينا شرف الخصومة، أنا أحب الحوثي عادل أمين لأن حينما يخاصمك يخاصمك بشرف، ويردمك لما ريحتك تبقي طير طير وفي وشك .. أنت يا هدي، تطاعنى .. والمطاعنة أسلوب حقير في التعبير عن الرأي ولا يفيد القارئ أو المتابع لأنهم لا يعرفون الحاصل ...
هنا أنت تتحدثين عن لغة بريمة التى يكتب بها .. ناس كتار لاحظوا هذا الشيئ .. لكنى أقول ليك .. أنا أكتب بلغة الأستنطاء لو قعدتى سنة لن تستطيعى أن تكبي بها جملة مفيدة .. أضف أنا أعرف كثير من الكلمات في اللغات (وليس اللهجات) العربية ما قبل الأسلام .. أنتي لأنك تعلمت اللغة العربية في المدارس، تعرفينى فقط اللغة العربية القرشية .. وما عندك كلمة واحدة غيرها، لو تعرفي ول أبا محمد النور حينما يقول "أمسودان .. أم سودان) أو ول أبا عبد الرازق الطالب حينما يقول "أمبارح .. البارحة" .. أنظري الأتي:
Quote: أم الحميرية هي إضافة ام التعريف عوضًا عن ال التعريف، باللغة الحميرية، «أم» الحميرية تستخدم في بداية الكلمات وهي لا تزال مستعملةً في بعض اللهجات العربية في جنوب غرب شبه الجزيرة (ولدي البقارة في غرب السودان).
العربية الحميرية الناقة امناقة القوم امقوم البر امبر الضرب امضرب الصيام امصيام الشمس امشمس البيت امبيت القمر امقمر القاضي امقاضي
وحينما "نأتوا" للصرف والنحو .. هناك كتب قواعد للغة قائمة بذاتها .. وهذا جزء من التنوع الثقافي واللغوي في السودان .. take it or leave لكن لا تعتبري أنت الصح والأخرون علي خطأ ..
----------------- أها ما تجي تهيجي ..
بريمة
Post: #26 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 01:26 AM Parent: #25
حبيبنا الجميل بريمة، استهدى بالله، ما أظن هدى ميرغني تقصدك، وقريت ليها مداخلة قبل كدا، وقالت ما عايزة تتداخل معاك تاني.
ولكما محباتي واحتراماتي
Post: #27 Title: Re: وصول زميل المنبر ومستشار حميدتي يوسف الما Author: Biraima M Adam Date: 12-24-2023, 01:53 AM Parent: #26
ول أبا النذير
ما عايزين نطلع من ثيما البوست .. حول زيارة ول أبا عزت الماهري، لكن اللدودة هدي تطاعن وتظن أنها علي حق .. أتذكر ول أبا طارق الفزاري "ود زينب" رد علي ناس ينتقدون الطريقة التى أكتب بها الجمع في الأفعال: نكتبوا، نقرأوا، نمشوا، نجروا، وغيرها قال لغة صحيحة ويتحدث بها في المغرب العربي .. كان كوستاوي يقول لسان أغلف .. ويقول لي أكتب نكتب بدل نكتبوا، نذهبوا ..
هذا تميز ثقافي ولغوي في السودان ويتحدث هكذا أكثر من 5 مليون نسمة .. أها، هدي كسر رقبة عايزانا نكتب بالقرشية .. نحن لنسا قرشيون .. نقطة سطر جديد .. من يقول جده العباس يكتب بالقرشية ..
متأكد يا ول أبا النذير تكون ضحكت .. ما يقولوا أنفسهم عرب .. ذاتهم بينهم خيار وفوق في اللغة .. سودانا دا لو الناس فهمته والله إبداع عديل ..!
----------- وعفوا علي الفطفطة ..
بريمة
Post: #28 Title: Re: وصول زميل المنبر ومستشار حميدتي يوسف الما Author: السر عبدالله Date: 12-24-2023, 07:29 AM Parent: #27
محطة قطار مونيهان فى نيويورك فى ال Penn Center فى تقاطع 8 Ave. و 33rd street .اما درجة الحرارة اذا كانت فعلا ٦ درجات فوق الصفر فمعنى هذا الجو معتدل في نيويورك ...وطبعا هذا شئ غريب فى نيويورك في أواخر شهر ديسمبر ....لكن الاحتمال وارد مع تغير المناخ وارتفاع درجات الحرارة لانه اليوم وفى جنوب كندا وفي المدن الواقعة في الحدود بين ولاية نيويورك وولاية أونتاريو الكندية فإن درجة الحرارة ٥ درجات فوق الصفر فعشان كده يا ول ابا بريمة ما تستعجل تدى النذير ضنب الكوكو لان الخبر ربما يكون صحيح ويكون عزت الماهرى وصل مطار جون كندى نيويورك وهو في الصورة في محطة قطارات مونيهان في نيويورك متوجه الى كندا وطنه الأول ...
Post: #29 Title: Re: وصول زميل المنبر ومستشار حميدتي يوسف الما Author: السر عبدالله Date: 12-24-2023, 10:49 AM Parent: #28
ولا شك أن مستشار زعيم الدعم السريع مسافر بالقطار إلى كندا من نيويورك لقضاء إجازة الكريسماس وراس السنة مع أسرته .. ولكن ارجو الا تكون هذه الحقيبة التى يحملها مليئة بالدولارات التى أتت من منهوبات الجنجويد والتي أخذوها من المواطنين الغلابة تحت تهديد السلاح في الخرطوم ومدنى ،،،
Post: #30 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 01:33 PM Parent: #29
Quote: محطة قطار مونيهان فى نيويورك فى ال Penn Center فى تقاطع 8 Ave. و 33rd street .اما درجة الحرارة اذا كانت فعلا ٦ درجات فوق الصفر فمعنى هذا الجو معتدل في نيويورك ...وطبعا هذا شئ غريب فى نيويورك في أواخر شهر ديسمبر ....لكن الاحتمال وارد مع تغير المناخ وارتفاع درجات الحرارة لانه اليوم وفى جنوب كندا وفي المدن الواقعة في الحدود بين ولاية نيويورك وولاية أونتاريو الكندية فإن درجة الحرارة ٥ درجات فوق الصفر فعشان كده يا ول ابا بريمة ما تستعجل تدى النذير ضنب الكوكو لان الخبر ربما يكون صحيح ويكون عزت الماهرى وصل مطار جون كندى نيويورك وهو في الصورة في محطة قطارات مونيهان في نيويورك متوجه الى كندا وطنه الأول
حبيبنا السر، الله يجبر بخاطرك، فعلاً 6 درجات مئوية تعادل 43 درجة فهرنهايت، بالنسبة لناس نيويورك وكندا دا صيف عديل كدا. والحاجة التانية اللي أنا متأكد منها، إنو نشطاء أمريكا لو نزلوا خبر ناشط سياسي جايي نيويورك أو دي سي، ما بغلطوا، لأنو بالواضح كدا وما بالدس، الناشطين راصدين عزت الماهري ، وأي زول بتسابق وعايز ينال شرف إنو يبل عزت، زي ما بل أسامة خلف الله ولد لباد.
محباتي واحتراماتي 👌🏽👌🏽
Post: #31 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 01:58 PM Parent: #30
Quote: ول أبا النذير
ما عايزين نطلع من ثيما البوست
سلام يا حبيبنا بريمة،
زي ما أنا قلت لهدى ميرغني بأنه مرحب بيها في هذا البوست، إنت برضو مرحب بيك في هذا البوست وتسعدني طلتك برضو، لكن يا بريمة إتهام الناس بالباطل ما حبابو، مقطع الفيديو اللي جابتو هدى عن ترمب، ما بنتقدوا لكنته بل بنتقدوا أُميته، وترمب ما عندو مشكلة لكنة، وحتى السخرية من اللكنات تعد جريمة في أمريكا، ما ممكن يدخلوا العنصرية في قناة إخبارية. وأنت هنا تتهم العزيزة هدى بالعنصرية، ولو كانت عنصرية كما تتدعي، كل المنبر ح يكون معاك، معروف منبر سودانيز أون لاين يحارب أي عنصري، وحاشا لله أن تكون عزيزتنا هدى ميرغني عنصرية.
ولكما محباتي واحتراماتي
Post: #32 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 02:31 PM Parent: #31
سلام تاني يا حبيبنا بريمة،
لخطورة إتهامك لهدى ميرغني بالعنصرية، علشان مافي زول يصدق إدعائك بغير وجه الحق، لقد قمت بترجمة مقطع الفيديو المعني بالذكاء الإصطناعي للغة العربية، حتى يكون متاح لجميع الناطقين باللغة العربية، وللجميع الحق في الحكم عليكما:
Post: #33 Title: Re: وصول زميل المنبر ومستشار حميدتي يوسف الما Author: Biraima M Adam Date: 12-24-2023, 03:03 PM Parent: #32
أحسنت يا ول أبا النذير
أنا تركت الأمر لحدي هنا .. no further comments
---------------------- ماذا حصل بخصوص زيارة المستشار ..؟
بريمة
Post: #34 Title: Re: وصول زميل المنبر ومستشار حميدتي يوسف الما Author: هدى ميرغنى Date: 12-24-2023, 04:12 PM Parent: #33
تحياتى وسلامى أخى النزير~ إن محتوى الفيديو ابداعاً
*شكرا وكثير التقدير على الترجمة
Post: #35 Title: Re: وصول زميل المنبر ومستشار حميدتي يوسف الما Author: النذير حجازي Date: 12-24-2023, 06:19 PM Parent: #34
دا مقطع الفيديو اللي حدثتكم عنو، وهو بل ولد لبات الموريتاني وهو صديق شخصي لعزت الماهري بنيويورك قبل عدة أشهر، والزول اللي بلاهو هو زميل المنبر الناشط أسامة خلف الله. شوفوا الكبكبة الباب راح ليهو
كسرة: أظن يا هدى ميرغني زي ما قلتي بأن عزت الماهري كان في أكتوبر الماضي في نيويورك، ومن حديث الناشط وزميل المنبر أسامة خلف الله، بأن عزت الماهري كان بمعية ولد لبات، في هذه اللحظة، ولكن عزت كان بداخل الفندق، وما طلع، وأسامة خلف الله كان قصدو يمشي الفندق يبل عزت الماهري، ولكن على حظ ولد لبات السييء عزت الماهري كان بالداخل وولد لبات بالخارج وتم بلو بنجاح:
Post: #36 Title: Re: وصول زميل المنبر ومستشار حميدتي يوسف الما Author: هدى ميرغنى Date: 10-21-2024, 04:51 PM Parent: #35
كانت له أيام *آخر لقاء له مع قناة الجزيرة كان الأسبوع الفات من "بروكسل" *يكون "شايلنه لعوزة" كما فارس النور
…ولا حيرجعوا الفكة "إذ" وضعوا كمية للإخفاء فى حساباتهم😀 *والله أعلم
Post: #37 Title: Re: وصول زميل المنبر ومستشار حميدتي يوسف الما Author: الزبير بشير Date: 10-23-2024, 09:25 AM Parent: #1
جد جد الناس ده نصيحه و مقتنعه في البتعمل فيه و عايشه من فندق لي فندق و متنعمه بمعانات الناس في القتل و النهب
غايتو الناس ده غاشه رقبتها ساكت و عايشه في وهم و غيبوبه
بالله كيف تطيب لهم نفس بالأكل و الشرب من الطعام الاسن الملوث بدماء القتل
و كمان فرحانين و شايفين نفسهم ، إنها لا تعمى الابصار و لكن تعمى القلوب التي في الصدور
اللهم ثبتنا علي طريقك القويم الي ان نلقاءك مبرئين من كل ذنب و خطيئه
اللهم ارزقنا عفوك و ادخلنا جنتك في النعيم المقيم و البقاء و الخلود و لا تجعلنا من الغافلين
