دي الثورة كراره خَمَدانا ترف القول والقمره لو حاره تلقانا نحن حقول برهان وحميدتي جبريل وود هَجّو دي الدنيا غَرباله يمه الدموع لسه وكت النصر ما جا ما تبكي يا أختي مشوارنا دا وماشين برطم ومناوي راجيكم كتير الدين أبو هاجه القدل يا ناس خلونا النشوف حدو الثورة مفتوحة حُمْرَة شرار في جبين يا نحن يا إنتو أنْصَاف حلول مافي الشر وكت بنتو خميرة عذاب إنتو طباخ السم دا لابُدا ح يضوقو ح يضوقو بس الحزام شدو الثورة ما ح تقيف يا شوكت المقرف شوف الشباب بنزف وإنت الرماد كلتو دي العنصرية مرض ناديها نادي ضعيف الجبن خالاتو والعقده عماتو براك التلت شلتو الثورة حب وجمال حاديها مابي يقيف الراكزه ديك مريم والراكز دا ود الخال واقفين معاو أجيال وواقفات وارو آمال سودانا ألوان طيف الود البراو ثورة مليونية وحرارة دم الصامد صمود معجز رمز النضال توباك والله ما نسيناك ولا لحظة يا الملهم كيفن كمان ننساك دا المستحيل ينقال العهد ليكم عهد قسماً قسمنا كمان لا إنت لا الشهدا تنساكم مساراتنا أبداً في أرواحنا وفي عيونا في الاسماع في غناوي البلد كلها في سماها في الأوجاع في نجوما الدرر شاهده في بروق الضحى السايره الخناقة والشالعات
عبدالماجد موسى/ لندن
عناوين الاخبار بسودانيزاونلاينSudaneseOnline اليوم الموافق 04/17/2022
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة