سبق وان كتبت موضوعا عن 11 نوفمبر اشتغالة امنية لتمرير تعويم او بالاصح اغراق الجنيه المصرى و اشتعال الغضبة الشعبية ضد نظام السيسى وعصابة حكام مصر منذ انقلاب 1952
لقد وجدت ان امريكا ساعدت مصر منذ 1975 بمبلغ مائة وعشرين مليار دولار و تقارب المساعدات العربية البترولية نصف هذا المبلغ
وصحيت على كابوس ان فوق هذه المبالغ الخيالية بالدولار واليورو علينا عجز مالى يقدر بمائة مليار دولار ديون خارجية والفين وخمسمائة مليار جنيه ديون داخليه
وها نزود عليهم قرض صندوق النقد باتناشر مليار دولار كمان وحنفية السعودية والخليج قفلت وبترولها وسولارها اغلق لاسباب سياسية واقتصادية لانه يمول دولة فاشلة عصابة لصوص شفطت وخلصت على فوق الثلتماية مليار دولار فى اربعين سنة من 1975 وطالع
مشروع مارشال الامريكى بعد الحرب العالمية لبناء اليابان والمانيا وكوريا تكلف ستة وتلاتين مليار وخلاهم اغنى دول العالم واقواها اقتصادا
واحنا ؟؟؟
شيل النيلة وكل تبن يا كل مصرى بلد مفلس جائع شحات ياكل لحم الحمير ويشرب مياه المجارى محكوم بعصابة دراكولا التى مصت دمنا وسرقت فوق التلتميت مليار دولار
سبق وقلت 11-11 اشتغالة امنية لتمرير قرض صندوق النقد واستكمال افلاس وتفتيت مصر من عصابة العسكر والمشايخ
ومعلش هما خوزقوا الاقباط دوبل كالعادة الحميدة للنظام
لكل قبطى مازعلش من غلق جميع الكنايس وايقاف الصلوات بمصر امبارح علشان 11-11 بحجة الامن ومالطمش على الاحتلال السلفى والميرى الامنى لكنايسنا حتى قراقوش زمانه ما قدرش يعملها
للاسف ها اواجهكم بالحقيقة المرة ان دى من علامات الساعة للسبع كنايس - هوذا انا مزمع ان اتقيأك من فمى لانك لا حار ولا بارد-
ايها القبطى ان وافقت على اغلاق الكنائس بيوم قداس ومدارس احد فانت مجرد خائن لامتك ودينك ولا توجد لديك نخوة او شرف او مقاومة ومصيبة سودا حلت فى جتت منحسة مايهمهاش يحكمها ناس اغضبت ربنا وباعت الدين والاقباط بتلاتين فضة بخنجر وخازوق مغموس بعسل التحويف والامن لانها سابقة خطيرة ان تغلق كل كنائس مصر بقرار ادارى منفرد وتعليمات متعصبة
- المظاهرات طلعت من الجوامع ولا يجرؤ اى كلب من الامن يقفلها لاى سبب انما يقدر وبسهولة يخوزقنا ويقفل كل كنايسنا بقرار ادارى بحجة الحكمة الالهية وحماية المؤمنين
احنا الحيطة المايلة والقابلة للنط على ظهرها فى كل ممارسات كلاب السلفية وكلاب الامن بحجج ماتخيلش على عيل خاصة بوجود الشباب القبطى القادر على حماية اسوار الكنائس من الخارج مع الدخول ببطاقة كنسية عليها صورة ودى سهل عملها باى كومبيوتر
- الكرامة تعود وممارسة وصلابة وطول عمرنا خرعين من اكبر عمة واطول دقن --
احنا بنقبل الاذلال بحجة النسيج الوطنى والوحدة الوطنية لما ادمناه و بنجرى وراه بمازوخية -
احنا اللى عدينا وطن بلا كنائس وعدينا قانون ازدراء الاديان وعدينا قانون منع بناء الكنايس وعدينا الدولة المدنية وعدينا ان اللى ماسكيننا عبارة عن عمة وتحتها شيطان لئيم وجبان باعنا بملاليم للجنرالات ومشايخ بيت العيلة الواطية --لم نحاسب احد ولسه بنبوس الايادى ونضرب مطانيات كسرت ظهرنا وركبنا لمن باعنا بسوق النخاسة
استغفر ربك يا قبطى واقلع بقى نضارة قبول الذل والهوان التى لا تليق بشعب الله وشيل وحط على الدقون والعمم و الميرى الوسخ اللى متحالفين على هواننا واذلالنا
وادعى لربنا يا ياخدنا ويريحنا من وشهم العكر يا ياخدهم من وشنا وكفاية ذل وهوان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جاك عطالله
فيس بوك
تويتر
انستقرام
يوتيوب
بنتيريست