جيت في اليوم الاول كاوي وكنتا مصمم وناوي اجي في الخلط الاول لكني ما قدرتا اجي حتى العشريناوي بس جيت الطيش او تاني الطيش ومالو الطيش عند الله يعيش! *** وفي اليوم التاني قتا يا ود الخلط الناجح اساسو سلوك وما مهم تجي بي قميص من دون زراير او بي حزام مفكوك بس المهم كيف تبقى ظريف ولطيف وتعرف كيف تقد الجيب وتطنــش مـن العـــيب وجيت حاولتا الطف صوتي وكان يوم موتي طلع مني صوت الكلب العاوي وجيت الطيش او تاني الطيش ومالو الطيش عند الله يعيش! ***
وفي اليوم التالت مشيت على طول للحاوي وقال لي شخارم بخارم ورغم انو وشك وارم وطبعك صارم بكرة تجيك السمحة وتقول ليك عفارم وجيت فرحان اتبسم سلمتا على السمحة الاولى ما ردت وعملت نايمة عزمتا التانية فطور قالت صايمة قعدتا جنب التالتة رايحت قايمة وجيت الطيش او تاني الطيش ومالو الطيش عند الله يعيش!! ***
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل الدابي المحامي
فيس بوك
تويتر
انستقرام
يوتيوب
بنتيريست