Post: #1
Title: تحية لقدامى المحاربين
Author: منوت
Date: 07-18-2022, 03:36 PM
02:36 PM July, 18 2022 سودانيز اون لاين
منوت-شرق الشرق بلاد " النيهونجن"
مكتبتى
رابط مختصر
سلام ايها الاحباب. بعد غربة وشوق
|
Post: #2
Title: Re: تحية لقدامى المحاربين
Author: منوت
Date: 07-18-2022, 03:43 PM
Parent: #1
قبل عشرين عاما، كنا هنا. لك التحيات الزاكيات الطيبات باشمهندس بكري
|
Post: #3
Title: Re: تحية لقدامى المحاربين
Author: حيدر حسن ميرغني
Date: 07-18-2022, 05:09 PM
Parent: #2
يا هلا بالليموني القاعد في بلاد النيهونجن 
سعيد بطلتك يا بطل
-
|
Post: #8
Title: Re: تحية لقدامى المحاربين
Author: محمد نور عودو
Date: 07-18-2022, 07:03 PM
Parent: #2
اوووووووووو حبيبنا منوت حمدالله علي السلامة بعد غيبة يا اخي نورت البورد
وفي انتظار مساهامتك القيمة اخي العزيز
مليون مرحب بعودتك
|
Post: #4
Title: Re: تحية لقدامى المحاربين
Author: منوت
Date: 07-18-2022, 05:47 PM
Parent: #1
و انا الأسعد يا حيدر. زمن طويل، ومياه كثيرة انهمرت واندلقت على الأيام باسابيعها، وشهورها، وسنواتها، وما زال الود باقي ما بقي في الجسد نبض، والحياة متين. لك عاطر التحايا، وانبلها
|
Post: #5
Title: Re: تحية لقدامى المحاربين
Author: صديق مهدى على
Date: 07-18-2022, 05:59 PM
Parent: #4
يا سلام كمان بتعرفوا بعض انتوا اولاد حلة ولا شنو ههههههه
ربنا يديم التواصل بينكم سلام منوت في دارك يا مرحا
تحياتي
|
Post: #6
Title: Re: تحية لقدامى المحاربين
Author: بكرى ابوبكر
Date: 07-18-2022, 06:43 PM
Parent: #5
سلام و احترام يا حبيبنا منوت
ليك وحشة يا حبيب... زمن يا الليموني ...فانت من وضعوا اللبنات لهذا المكان و الله سعيدين بعودتك
منوت يضع نفسه على الكرسي الساخنمنوت يضع نفسه على الكرسي الساخن
|
Post: #9
Title: Re: من كتابات منوت في الزمن الجميل
Author: ABUHUSSEIN
Date: 07-18-2022, 07:55 PM
Parent: #7
حبيبنا منوت
عودا حميدا مستطاب
بركة الشفناك طيب
|
Post: #10
Title: Re: تحية لقدامى المحاربين
Author: حيدر حسن ميرغني
Date: 07-18-2022, 09:44 PM
Parent: #5
د. حسن محمد دوكة (منوت)
على طريقة الاخ عادل عثمان عام 2008 استلف كلام الطيب بشير الجميل ذات عام وهو يرحب بك
Quote: العنوان: إنزع اللاوو عن منوت ينقلب إليك رث المذيعين الدكتور حسن دوكة
الكاتب: الطيب بشير
التاريخ: 15-01-2004, 07:45 م
بعمق صوته كان شوقي إليه و تابعت عقد {ود دكونة} حلقة تلو أخرى و شدني لمنوت إحساس بالقرب لا أدري له تفسيرآ إلى أن وجدنا الكنز المذيع الرااائع و الأديب المتميز د/حسن دوكة أحد أبرز سفراء الشعب بماليزيا أخطأته الخارجية في مسيرتها الجستابوية و نعمت به جامعات البلد داك
صباح الخير يا وطني و البث المباشر وصلاح التوم و رجاء حسن حامد- نسأل الله لها العافية- و بعض طلات بالتلفزيون بقدر ما يسمح به الزمن الأعرج و إستشارة حول الفطور هل الأشهى فول أدروب أم عصيدة دخن الحاجة و يرجح إقتراح ثالث بأن كافيتيريا التلفزيون أفضل لأن بها إدارة جديدة و تؤمها جموع طالبات الأهلية
كيف حالك يا دكتور؟ لن تنفصل من المايك مهما بعدت عن الإذاعة و مع فرحنا الشديد بالدرجات العلمية الرفيعة لكن لن نستغنى عنك مغردآ بصوتك الباص و مخارج الحروف التي تبكي حقها و مستحقها في ظل مذيعي الصدفة {الطالعين فيها}
هل زادت غرة البياض في مستهل الهامة فاشتعل الرأس أو كاد؟ هل ما زالت حياتك شاطر و مشطور و بينهما مايك؟ هل لا تزال تحب {الله الليموني و البرتكان الناير} و متى تنوي العودة ل{الإذاعة السـودانية ,,,,,,, تقدم} تِِِِِِِِِِِِِِِششششششششش
ولن تنتهي التساؤلات دحين أقعد عافية و أبلغ عني التحايا لمنوت و قل له إمزج دمع كبرياء فضيلي جماع بريق أبي عركي البخيت و هو {يلحس} يد جون بايع السجاير المستورد أمام نادي الفنانين و اجعلهما مدادا لمساهماتك في البورد و اترك {الحبر} ليكتب به السوى و دم متميزآ يستعصي على المباراة و المجاراة
أخوك {الأثير} الطيب بشير |
|
Post: #11
Title: Re: تحية لقدامى المحاربين
Author: مصطفى نور
Date: 07-18-2022, 11:01 PM
Parent: #4
منوت
الف مرحب بيك اخى الغالى منوت نورت البورد والله رغم اننى جديد بينكم ولكن اقول ليك حبابك الف والله واهديك اجمل باقه زهور لعودتك الجمليه
اخوك مصطفى نور
|
Post: #12
Title: Re: تحية لقدامى المحاربين
Author: النذير بيرو
Date: 07-19-2022, 04:45 AM
Parent: #1
منوت
مرحب يادفعة
سلامات من الزمن الجميل
النذير
|
Post: #13
Title: Re: تحية لقدامى المحاربين
Author: محمد عبد الله الحسين
Date: 07-19-2022, 08:42 AM
Parent: #12
مرحب بالأخ منوت
وموعدين أكيد بالكتابات التي تحمل الخبرة المعتقة و الموهبة التي تنضح من خلال كتابات الزمن الجميل لتدلق جمالا في زماننا هذا ( وزمان غيرنا) ألقاً
وفكرا ومعنى..
ألف مرحب في بيتك الذي حللنا به بعدك..... ولا زلنا في انتظار ساكنيه الأوائل...
ألف مرحب في مطرحك الذي لا زلت تملك مساحته كاملة ( مِلِك حر طبعا) بعد إذن بكري.
تحياتي
|
Post: #14
Title: Re: تحية لقدامى المحاربين
Author: Osman Musa
Date: 07-19-2022, 10:18 AM
Parent: #13
مرحب ومنور يا استاذ منوت .
مرحبا بالزول صاحب البوستات الملفتة والهادفة.
زمن طويل يازول
|
Post: #15
Title: Re: تحية لقدامى المحاربين
Author: Yasir Elsharif
Date: 07-19-2022, 11:23 AM
Parent: #14
مرحب منوت
منور والله. عجبني البوست دا:
Quote: Deer Hunter
مودوع بتاع أنا دي ، بكبو كتير لناس هلوين ذي مويه ليمون، ناسات بيقول دايمن make love, not war يعني نهنا كلو نحب ناسات سودان سوا سوا ، و ما نعمل دشمان اشان قبيله بتاع نهنا أو our own religious perspectives, سلام بتاع انا بكبو لي غزال بتاع مسالمه، و همن زكرني بفلم بتاع (روبرت دي نيرو) في آخر سنه بتاع سبعينات. زمن داك أخوك بتاع انتم (منوت) كان جديد (لنج) في (كارتوم)،
اخوك بتاع انا كان في جامعه بتاع كارتوم ، و يوم كده بيقول لمنوت : يا اخوي تعال نشوف فلم نار بيكلم عن هنود همر في امريكا. منوت و اخوك بتاعو مشا لي سينما بتاع نيل ازرق . بي ان، و نهنا بشوف فلم جميله دي، و ناسات كتير بيقول ليه امريكا بيعمل دشمان بتاع موت لي ناسات مساكين؟ لكن بعد ما انا بشوف امريكا بعرف انو زول ما عندو دين كويس و سهيه ممكن يعمل دشمان مع نفس بتاعو مش مع ناسات تانيين. الليله دي في بلاد كتير و سودان منو مازال "دير هانتير" شغال ، مش في سينما بس لاكين في واقع. سلام كتير اكبو لي غزال بتاع مسالمه و ناسات هلوين زي ام منوت كده....
____________
و منقو قل لا عاش من يفصلنا |
|
Post: #16
Title: Re: تحية لقدامى المحاربين
Author: 3bdo
Date: 07-20-2022, 01:11 AM
Parent: #15
الليموني … يا سلاااام
مرحب بيك … وفيك ريحة خوة البورد القديمة
الجابك يجيب بقية الحلوين ( عجائز الحوش )
اظن اكتر زول كان بناديك الليموني اخونا ( ود عزة ) … كان ما نسيت الاسم انا
تحياتي واحترامي
|
Post: #17
Title: Re: تحية لقدامى المحاربين
Author: Gaafar Ismail
Date: 07-20-2022, 02:05 PM
Parent: #16
ألف مرحب بأخي الحبيب أبو محمد الدكتور حسن محمد دوكة
نفتقدك كثيرا في مجتمعنا الصغير في طوكيو وصار الجلوس
والونسة أمام ( لوسون) لا طعم له .
نحن موعودون إن شاء الله مجددا بإشراقات وإبداع الأخ
ابو محمد .
تقبل تحياتي ووافر احترامي
|
Post: #18
Title: Re: تحية لقدامى المحاربين
Author: أبوذر بابكر
Date: 07-21-2022, 11:38 AM
Parent: #1
حبيبنا منوت
الكائن الاخدراني
البركة في الشوفة ياخ
الواطا هنا بقت ما ياها
يا حليل المنبر وناس المنبر وطعم المنبر
اخبارك شنو
|
Post: #19
Title: Re: تحية لقدامى المحاربين
Author: Deng
Date: 07-21-2022, 01:46 PM
Parent: #18
الاخ منوت
مرحبا بعودتك للمنبر مرة أخرى.
|
Post: #20
Title: Re: تحية لقدامى المحاربين
Author: Abureesh
Date: 07-21-2022, 03:18 PM
Parent: #19
مرحبا أخانا منوت..
عودا حميدا لدارك واصحابك واصدقائك
|
Post: #21
Title: Re: تحية لقدامى المحاربين
Author: بدر الدين الأمير
Date: 07-22-2022, 04:43 AM
Parent: #20
كدى اول حاجة
جيب صورة الموديل
الكنت انت خاتيها صورة
لبرفايلك وجيت انا اتكسرت
فيها وتغزلت فيها قمت انت اديتنى
درس في المؤنث والمذكر في لغة الدينكا
|
Post: #22
Title: Re: تحية لقدامى المحاربين
Author: مهيرة
Date: 07-22-2022, 09:18 AM
Parent: #21
مرحب الأخدر الليمونى لحوش بكرة الماهل
والعود أحمد يامنوت
ولكن حوش السودان الماهل ضاق بأهله وساكنيه
بعد انفصال أحد أبنائه الأعزاء
وربنا يستر من مزيد من التمزق
وياليت قومى سمعوا قولك الحق يامنوت 👇
إذا خلصت نوايا أهل السودان (شمالاً و جنوباً و شرقاً و غربا )
فلن يستطيع الأفارقة أو العرب أن يستخفوا بالسودانيين ..
لذا يجب أن نؤمن بأننا (سودانويين) .. لنا خصائصنا المتماوجة بين الأفرقة و العروبية ..
و لكننا نتمي إلى بلادنا .. و في التنوع قوة .. أليس كذلك ؟
تحياتى
|
|