أنا عندي ليكم سؤوال يا بنات الأحفاد مالكن كلكن سمحات وجضومكن منفخات ونديانات ومفرهدات وهدومكن سمحات. وتلهطن في سندوتشات البيرغر والببيسي الصاقط والواحد يديكن ضهرو ويمشي على جامعة أم درمان الإسلامية يلقاهن كلهن مكعكعات وشينات وكل واحدة مادو بوذا مترين. وتلقاهن ياكلن في الفول مع الميكانية وناس المنطقة الصناعية.
السبب شنو يابت الحلال
04-08-2002, 01:41 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
شماشى الله يلعن شيطانك ياخوى الوصف وعرفناه من الصورة لكن انت العرفك شنو بحكاية الهامبرغر والبيبسى الساقط اظنك ياخوى من المتحاومين بى هناك وناس النظام العام يطاردوا فيهم
04-08-2002, 02:48 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
شماشي ياخي والله بالغت لمن غلط انت الظاهر كنت معنا زمان في الجامعة لمن كنا في العرضة وبنات الاحفاد ديل الواحد لمن يشوفن يدخل المحاضرة بالوة في القعاد برة في شارع الاحفاد او الجلوس في البنابير بتاعت بتاعين الفول والطعمية دا كان زمان لمن كانت في كافتريا واحدة شرط دي كانت جمب استاد المريخ ولكن يتعرفوا ياجماعة السبب في مجي بنات الاسلامية من ودنوباوي للعرضة في مكان كلية الاداب شنو فوالله ما بتصدقوا اثناء الهجمة الشرسة من ابراهميم احمد عمر الوزير في الوقت داك لمن رجع كل الطلبة البدرسوا في الخارج على نفقة الدولة وكان من ضمن العائدون طلبة من غرب اوربا وشرقها ومصر والعراق وغيرها فكان معنا بعض الطلاب العائدون فعندما جاءوا للجامعة لم يجدو الجكس والخلط فقالو لنا كيف تدرسون هنا قلنا لهم ليس لنا سوى الاحفاد وهذه تكون بعد نهاية المحاضرات او اثناء الفطور وهم على بدو يدكو في المحاضرات وما عندهم هم سوى الخلط وكب النقة مع جكس الاحفاد وهن ما صدقن انو يجيوهم ناس كانو بدرسوا بره على كل حال في من الايام كنا بنفطر في كافتريا رياض وهي مشهورة في وسط الطريق بين الاحفاد والاسلامية وقاعدين في بنابر ومعنا بعض الجكس من الاحفاد فنتفاجاء بقدوم العميد د.الشامي فنحن انسحبنا بسرعة اما الطلبة العائدون فلم ينسحبوا وسالهم العميد اين تدرسون فقالو له في الخلوة ديك فقال لهم اعطوني بطاقاتكم فرضوا وقالو لهم من انت حتى نعطيك البطاقات وزعل عمك العميد وعلى طول للفتيحاب مكتب المدير احمد محمد علي بابكر فقررو فورا نقل الاولاد لودنوباوي والبنات للعرضة وكان العذر بان ياثرن بنات الاسلامية في بنات الاحفاد ونحن نذهب لمقابر احمد شرفي في الثورة المهم حصل العكس بدل من ان ياثرن بنات الاسلامية في بنات الاحفاد بنات الاسلامية تاثرن بالاحفاد واصبح لا هم لهن سوى تقليد بنات الاحفاد وشد الملابس مع بعض بالرغم من انهن كلهن ما عارف جايبنهن من وين شنا ما عادية ولكن برضوا فيهن واحدات شرط لمن غلط وديل بنعود ليهن مرة تانية اسف جدا للاطالة
04-08-2002, 02:42 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . سلام يا استاذة ناهد دعينى نصبح رأي وراي اخر رغم وجود هذا الرقى والاوركسترا ومكتبة الحفيد ما تحويه من مرجعية فكرية وتكنلوجياو وما شملت من علم وانترنت وذاك الجو الجامعى الذى يبذل القائمين عليه جل جهدهم فى توفيره حتى يسمو بهذا الصرح التعليمى الى العلا !!! لكن اجد ان كلية الاحفاد الجامعية والتى تعتبر رائدة تعليم البنات الجامعى والجهد الذى بذله آل بدرى والاستاذ بابكر بدرى خصوصا فى الوصول بها الى هذه المرحلة الا نها صارت مرتع لممارسات اجتماعية واخلاقية خاطئة بعيدة كل البعد عن اخلاقيات البنت السودانية وعن عاداتنا وتقاليدنا فهذه الجامعة الفكر التى ضمت خيار الاساتذه فى يوم ما وقامت بتخريج اطيب وارقى وافضل الفتيات اصبحت الان ولاسف بؤرة مصغرة للفساد فقد اصبحت المخدرات وشمات الكوكايين والهيروين تجد رواجها بل وموزعيها بين هذا المجتمع الذى كان يوصف بالمثالية لقد صارت بنت الاحفاد مثال للفتاة اللعوب بكل ما تحويه من غنج واظهار مفاتنها وتنافسهن كأنهن فى صالة غاليرى او معرض لعرض الازياء وصارت البنت بل قفزت الى المرتبه الاولى من حيث الانحراف الاخلاقى بلا شك ان لتدهور المجتمع ككل اثر .. وللتربية وشعور بنت الاحفاد تلك البرجوازية الصغيرة اثر اخر وللادارة التى ما زالت تبزل جهدها اثر ثالث .. . الا تتفقين معنى الان ان كلية الاحفاد الجامعية تعيش طرفي نغيض والتحية لبابكر بدرى وجميع الاخوة هنا وهناك شماشى قال الشاعر يا ابنتى ان اردت ايه حسن **وجمالا يزين جسما وعقلا فأنبذى عادة التبرج نبذا ** فجمال النفوس اسمى وابقى وكما تفتخر انت اردد خلفك وطني ولا ملي بطني سكاتي ولا الكلام الني
قرشــو سلام ايها السامق
04-08-2002, 03:10 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . سلام يا استاذة ناهد دعينى نصبح رأي وراي اخر رغم وجود هذا الرقى والاوركسترا ومكتبة الحفيد ما تحويه من مرجعية فكرية وتكنلوجياو وما شملت من علم وانترنت وذاك الجو الجامعى الذى يبذل القائمين عليه جل جهدهم فى توفيره حتى يسمو بهذا الصرح التعليمى الى العلا !!! لكن اجد ان كلية الاحفاد الجامعية والتى تعتبر رائدة تعليم البنات الجامعى والجهد الذى بذله آل بدرى والاستاذ بابكر بدرى خصوصا فى الوصول بها الى هذه المرحلة الا نها صارت مرتع لممارسات اجتماعية واخلاقية خاطئة بعيدة كل البعد عن اخلاقيات البنت السودانية وعن عاداتنا وتقاليدنا فهذه الجامعة الفكر التى ضمت خيار الاساتذه فى يوم ما وقامت بتخريج اطيب وارقى وافضل الفتيات اصبحت الان ولاسف بؤرة مصغرة للفساد فقد اصبحت المخدرات وشمات الكوكايين والهيروين تجد رواجها بل وموزعيها بين هذا المجتمع الذى كان يوصف بالمثالية لقد صارت بنت الاحفاد مثال للفتاة اللعوب بكل ما تحويه من غنج واظهار مفاتنها وتنافسهن كأنهن فى صالة غاليرى او معرض لعرض الازياء وصارت البنت بل قفزت الى المرتبه الاولى من حيث الانحراف الاخلاقى بلا شك ان لتدهور المجتمع ككل اثر .. وللتربية وشعور بنت الاحفاد تلك البرجوازية الصغيرة اثر اخر وللادارة التى ما زالت تبزل جهدها اثر ثالث .. . الا تتفقين معنى الان ان كلية الاحفاد الجامعية تعيش طرفي نغيض والتحية لبابكر بدرى وجميع الاخوة هنا وهناك شماشى قال الشاعر يا ابنتى ان اردت ايه حسن **وجمالا يزين جسما وعقلا فأنبذى عادة التبرج نبذا ** فجمال النفوس اسمى وابقى وكما تفتخر انت اردد خلفك وطني ولا ملي بطني سكاتي ولا الكلام الني
انا بقول ان في كل مجتمع في الكويس و ما الكويس و ماعلي الانسان الا انة يفرق بينهم the_girl لكن يا اولاد ما شاء الله...الواحد بس يجيب كلمة الاحفاد تتلفتوا عليوا ملاحظة:السبب يا شماشي انوا ديلك بياكلوا فول و ديل بياكلوا همبرجر ما سبب؟؟عليك الله
04-08-2002, 04:16 PM
7abib_alkul 7abib_alkul
تاريخ التسجيل: 02-05-2002
مجموع المشاركات: 3757
دا كلام صاح كل مجتمع فيه الصالح والطالح يا قريل لكن لمن الطالح اكون ظاهره تشد الانتباه ببقي في خلل في حته مفروض الناس تعرفه وتعرف مسبباتها مش ندفن رؤوسنا في الرمال ونقول كل مجتمع فيه وفيه وانا حقيقي باكد كلام العزيزه بناديها في رايه حول جامعه الاحفاد ومستوي الانحلال الخلقي وتفشي الجريمه باشكال مختلفه فيها من مخدرات ودعاره واحتيال وتملك جنائي لكن دا ما بمنع من انه فيها قله وبكرر علي قله دي من بنات محترمات للغايه والكلام دا ما بقولو عن حكواي تروي او مظاهر بشوفها في الشارع والا من راي العسكريه البقول الشر يعم والخير يخص لكن صدقوا من واقع تجربه عمليه من خلال مجال عملنا والعزيزه ناهد نعم الكورال جميل شديد لكن لوحضرتي حفله للكورال في الاحفاد ممكن اعرف رايك لبنات الاحفاد في اثناء الحفله وبعد الحفله وهم منتشرات في الشارع او جلسات علي كبوت العربيات ومعليش لو الكلام دا بمس ناس غالين علينا في البورد ونحن بنثق فيهم ونحترمهم جدا لكن الحقيقه لازم تتغال وجبتها ليكم علي بلاطه دون تغليف
04-08-2002, 04:18 PM
7abib_alkul 7abib_alkul
تاريخ التسجيل: 02-05-2002
مجموع المشاركات: 3757
دا كلام صاح كل مجتمع فيه الصالح والطالح يا قريل لكن لمن الطالح اكون ظاهره تشد الانتباه ببقي في خلل في حته مفروض الناس تعرفه وتعرف مسبباتها مش ندفن رؤوسنا في الرمال ونقول كل مجتمع فيه وفيه وانا حقيقي باكد كلام العزيزه بناديها في رايه حول جامعه الاحفاد ومستوي الانحلال الأخلاقي وتفشي الجريمه باشكال مختلفه فيها من مخدرات ودعاره واحتيال وتملك جنائي لكن دا ما بمنع من انه فيها قله وبكرر علي قله دي من بنات محترمات للغايه والكلام دا ما بقولو عن حكواي تروي او مظاهر بشوفها في الشارع والا من راي العسكريه البقول الشر يعم والخير يخص لكن صدقوا من واقع تجربه عمليه من خلال مجال عملنا والعزيزه ناهد نعم الكورال جميل شديد لكن لوحضرتي حفله للكورال في الاحفاد ممكن اعرف رايك لبنات الاحفاد في اثناء الحفله وبعد الحفله وهم منتشرات في الشارع او جلسات علي كبوت العربيات ومعليش لو الكلام دا بمس ناس غالين علينا في البورد ونحن بنثق فيهم ونحترمهم جدا لكن الحقيقه لازم تتغال وجبتها ليكم علي بلاطه دون تغليف
04-08-2002, 04:33 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
والله بكل صراحة لكل الاخوة الذين يريدون ان يخوضوا في هذا الموضوع والذي اشار اليه حبيب الكل وقيل فانا من خلال تجربة عايشتها بين جدران الاسلامية والاحفاد فالواحد ما يظلم كل البنات اللاتي درسن او يدرسن في الاحفاد فصحيح هنالك فئة ليس لها اي وازع اخلاقي اوديني فليس لها هم سوى ان تطلع مع هذا وتسهر مع هذا وذي ما ذكر ااخ حبيب الكل فالواحد ما بحكم الا من خلال تجربة ومعايشة فاصحاب السيارات الفارهة هم الذين لهم نصيب الاسد في صيد من هي تريد ان تنجرف وكذلك حافلات النقل الجماعي اصبحت وكر متحرك للفساد والجريمة فوالله العظيم انا عايشت قصة مع شخص يملك حافلة تقوم بنقل الطالبات من نمرة اثنين وهن بنات مرتاحات لمن غلط وصاحب هذا السائق او المالك للحافلة فنان مشهور جدا جدا ومن الشباب الطالعين في الكفر فهؤلاء الشباب يمارسون مع كل اساليب الفساد من مخدرات وسكر وعربدة وغيرها وغيرها بل لهم مروجات داخل حرم الجامعة انا لا اقول هذا الكلام للتعميم ولكن لفئة هي باعت نفسها وشرفها والثقة التي وضعوها فيها اهلها هذا غير الداخليات التي اصبحت بؤرة فساد غير عادية لارابط ولا حسيب ولا حتى مشرفة وهذا كله ادي ما يمسى بالزواج العرفي ودا جاء من وين ياجماعة نريد الاجابة وشكرا للاخت ناهد التي فتحت هذا الموضوع ولكن بطريقة ذكية تنم عن حس صحفي وتحقيق خفي لهذه الظاهرة تحياتي
04-08-2002, 04:39 PM
bob bob
تاريخ التسجيل: 03-03-2002
مجموع المشاركات: 3353
الله من الاحفاد انتو عارفين انا لمن اجى بى جمب الاحفاد بتجينى قشعريره وقلبى بدك من اشوف الطلبه بتاعين الاحفاد هم ياناس البنات البقروا فى الاحفاد ديل الواحده لمن تجى تقدم بكون فى اعلان مكتوب فيهو مرحب بالحلوين ممنوع الشين الغبش هههههههههههه يكه بوب
04-08-2002, 05:30 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . الاخ العزيز/ حبيب الكل مجرد توضيح معاك اخوك تبلدينا وليس بناديها وكثيراً يحدث هذا اللبس وهو امر عادى فانا وبناديها اصدقاء وجيران بس هو عجوز شوية وانا لسه بحتفل بعيد ميلادى 34 وبذا يصبح العزيز بناديها وليست العزيزة بناديها فاصبحن كلانا اعزاء وليس عزيزات .. وهيييييييييييه يكه
تعقيب سريع على الموضوع الذى يبدو اننى انحرفت به الى زاوية اخري بدون موافقه ست الموضوع ونستمر حتى عودتها الاخ / ابراهيم على هذا بلا شك يؤكد ما صار يدور فى اروقة الجامعات واخص هنا الاحفاد حيث ان معظمهن من القادرات حيث ان العام الدراسي للكليات النظرية على حسب اخر ما تابعت هو 2 مليون للسنه والعلمية 4 مليون وهذا مبالغ غير المصاريف الاخرى للطالبات المقتدرات ومن تمارس الزواج العرفى هنا انا متاكد ليس بسب المادة او المال ارجو الرجوع الى موقع اخر سودان نت وتجد حواراً اشعلناه هناك يدور عن الطالبه الجامعية والزواج العرفي وهذا الامر الذى لا يماس بصفة شائعة فى الاحفاد فهى تملك المال لشراء شمة الهيرووين وتمارس الرزيلة حبا فى المغامرة
عفوا الامر ليس للتعميم ولكن لمناقشة ظاهرة ما يدور فى كلية الاحفاد .. اعود
تحياتي للجميع الاخ تبلدينالك الشكر وكنا ان تواصل الاخت ناهد معنا في طرحها للموضوع الذي فتحته ولكن اختفت انشا الله المانع خير يااستاذة من وجهة نظري الخاصة جدا ارى ان هذا الموضوع يعلم به القاصي والداني ولكن هنالك من يدفن راسه في الرمال كالنعامة ويردنا كذلك ان نكون مثله فالنظام القائم اعلم وادري بالذي يجرى وهو على علم تام وما سياسة اخلاء الداخليات وتبعيتها لصندوق دعم الطلاب الا دليل على تهربه من اهم مسؤلياته وجعل الطلاب والطالبات لايفكرون الا في ما يسد رمقهم وكيفية سكنهم فصرفهم بهذه القضايا وجعلهم دمي تتحرك كما هو يريد وبالتالي انتشرت الداخليات الخاصة بالذات للبنات والتي لا يوجد فيها رقيب او حسيب فعم الفساد والفوضي واخيرا يقال بانه قد ظهرت بعض الامراض بين الطالبات والله اعلم حسب رواية احد الاصدقاء العائد من السودان قبل فترة وربك يكضب الشينة عائزين راي الاخت ناهد اذا كانت على الخط
04-09-2002, 11:00 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
كلية الاحفاد تشرح أسباب منع بعض الطالبات من الامتحانات [ 2002-04-09] الخرطوم : «الوطن» في حين اشتكى بعض من أولياء أمور الطالبات الجامعيات بكلية الاحفاد الجامعية من أن ادارة الكلية قد أبعدت بناتهم الطالبات اللائي كن يجلسن للامتحانات ، بعضها نهائي بسبب عدم تسديد الرسوم . فإن إدارة الجامعة عزت هذا القرار الى عدم تسديد المنصرفات المقررة على الطالبات المذكورات اللائي لا يتجاوز عددهن «1%» من جملة عدد طالبات الكلية البالغ عددهن «4.000» طالبة وقال المصدر لـ«الوطن» أن الكلية تتحمل العديد من النفقات وتراعي ظروف الكثير من الطالبات لدرجة أن العجز في الميزانية بلغ «2» مليار جنيه في السنة . وأوضح المصدر أن الطالبات المذكورات قد منحن فرصاًَ واسعة لتسديد ما عليهن من التزامات ولم يكن أمام الكلية غير اتخاذ الاجراءات اللازمة لتسديد الإلتزامات المقررة حقوق النشر لجريدة الوطن السودانية تاريخ 8/4/2002م شوفو اخرتها كمان برضو ناس الاحفاد بقوا ما بخلهم يمتحنو زمن والله زمن
تحياتى آسفة لمشغولياتى التى لم تدع لى وقتاً لهذا البورد الرائع والجميل وبالتالى لم أتمكن من التعقيب والرد على اضافاتكم الثرة للموضوع الذى قصدت من فتحه فى هذا الوقت بالذات مناقشة الأحفاد كتاريخ تعليمى ثم بعض السلبيات التى طفت على السطح مؤخراً...وأرجو أن يستمر النقاش كما بدأ ثرا ومفيدا وسأعود اليكم متى ما انزاحت عنى أثقال المشغوليات تحياتى وخالص مودتى ناهد
04-09-2002, 11:09 AM
shammashi shammashi
تاريخ التسجيل: 03-10-2002
مجموع المشاركات: 2278
الأخ قرشو أنا والله ما كنت قاعد اتحاوم بهناك ولا قريت في الإسلامية لكن كان بيجيبني الدرب بحكم سكني في الثورة. والغريبة أنا لمن امتحنت الشهادة - اوعك تفتكرا الشهادة بتاعة ناس الحكومة وتفكر في الاستخلاف يتخلفن فوقك العكاكيز - كنت داير أقدم للأحفاد لكن قالوا لي ما بيقبلوك. الأخ تبلدينا أنا لمن طرحت التساؤل هذا كنت ارمي للتناقض الحاصل في الشارع السوداني وكيف تجد قمة البؤس والفقر يجاور قمة الرفاهية والنعيم. بالنسبة للظواهر غير الأخلاقية فأرجو أن لا نظلم الجميع بالتعميم لكن فعلاً هنالك ظواهر غير أخلاقية في كل الجامعات السودانية وسببها الرئيسي هو العامل الاقتصادي لكن حقة الأحفاد دي طبعا سببها برضو العامل الاقتصادي لكن بالمقلوب. والظواهر الغير أخلاقية تفشت في كل المجتمع والجامعات ليست جزيرة معزولة عن المجتمع. وأحـــــــــــي أنا من بنات الأحفاد المكلبظات.
اولا التحية لكل ابناء وبنات وطنى العزيز وثانيا انا اول مرة اكتب فى هذا البورد الرائع ويمكن السبب لانى سجلت قريب فيهو وارجو انو ما اكون ضيف ثقيل عليكم. اما موضوع الاحفاد فحقيقة هى من الجامعات الرائدة فى مجال تعليم البنات وتمتاز بمنهج دراسى جيد جدا، واكيد اى مجتمع فيهو الكويس والبطال ويمكن المسالة دى بقت ظاهرة فى كل الجامعات . وعموما هى مسالة تتعلق بالسلوك الشخصى للطالبة فالتى ليس لديها استعداد للانحراف ما بتنحرف. لكن مشكلة الاحفاد انها ما عندها اى مساهمات فى القضايا الوطنية وحسب علمى لا توجد اهتمامات من جانب الطالبات للمسائل الساسية والوطنية وليست لديهن اتحاد طالبات يستطعن من خلاله تسجيل المواقف. ولا رايكم شنو
04-09-2002, 12:51 PM
7abib_alkul 7abib_alkul
تاريخ التسجيل: 02-05-2002
مجموع المشاركات: 3757
الاخ طارق تحيه طيبه اهلا بك اضافه لهذا المنبر وانا باكد علي كلامك انه عدم وجود اهتمامات بالقضايه الوطنيه سبب مباشره لش البحصل في جامعه الاحفاد بحيث انه ما بكون في هم شاغل للطالبات وبتالي الوقت المستقطع من الدراسه لازم اقضوهوا في الفارغه دي وربنا استر عليكم يا ناس كليه التقانه
العزيز تبلدينا/ناسف للشتباه فيك اما موضوع الهاء المربوطه دي دا خطاء مطبعي بس
04-09-2002, 12:43 PM
shammashi shammashi
تاريخ التسجيل: 03-10-2002
مجموع المشاركات: 2278
الاخوة جميعا وبالذات من فتحت الموضوع وكبت الزوغة ناهد تحياتي بلاحدود ارى ان هذا الموضوع لابد ان يناقش نقاش هادف بناء بعيد عن اي افكار تتطرفية اواسفاف او غلو في الموضوع فالموضوع واضح وضوح الشمس هنالك جامعة خاصة بالبنات فقط تمارس فيها بعض الافعال بشهادة الجميع مخلة بالاداب والشرف وليس للتعميم ان كل من يدرسن فيها متهمات بل العكس هن برئيات حتى يثبت العكس هو الصحيح فلكل مجتمع شواذه فمجتمع الاحفاد كما تتطرق الاخ طارق في مداخلته الرائعة ان الاحفاد ليس لها منبر طلابي يهتم بقضايا الوطن وليس لهم هم سوى متابعة الموضة واخر صيحاتها وغيرها من الاشياء التي تلهن عن خدمة الوطن وهن في الغالب الاعم ليس لهن هم وطني او من المغضوب عليهم ليس بمعني انهن منضويات تحت لواء النظام بل العكس هن بنات اسر متعلمة جدا او ثرية جدا واغلبهم من المعارضين للنظام فبالتالي ليس لهن اي اهتمامات سياسية لانهن يفتقدن الى من تشعرهن بمعاناة الغبش من ابناء الشعب واري ان المنبر الطلابي هو الذي ينمي في الطالب والطالبة ملكة الابداع الفكري والسياسي والثقافي والاكاديمي معا ولكن كما ذكر الاخوة خوفنا على التقانة ومن يحذون حذوهن من باقي الجامعات التي سلب منها النشاط الطلابي بدواعي ومسميات هي للتجميد اقرب بدل من ان يقال ان هنالك تزوير او ضرب بالسيخ فجمدت والتي هي موجودة اصبحت مجرد ديكورات وبوق للنظام تمجده وتغطي الطرف عن مساوئه وليس لهم هم سوى الخروج للمسيرات وتايد النظام في كل صغيرة وكبيرة وهذه المسيرات لم تقتل ذبابة فكفي نفاقا واعطوا الشعب حريته ومازال الموضوع في بداياته للنقاش فنرجو المزيد من الاخوة المبدعين المبعدييييييييييييييييييييييين
04-09-2002, 06:07 PM
wa7shny wa7shny
تاريخ التسجيل: 03-02-2002
مجموع المشاركات: 850
الاخوة والاخ ابراهيم خاصة لكم التحية والله فى ارض المهجر سمعنا بهذه الاقاويل كثيرا من اكثر من واحد ولكن للاسف لا توجد لى خلفية عن مايحصل او بمعني اصح لم اشاهد غير تبرجهن فى الشارع والوقوف على الطريق لماذا لا ادري وسالت احد الاخوه انت ياود الناس البنات ديل لابسات كده لما طلعوا من البيت اهلهم ماشافوا كيف لابسات قال لى وكان حذر وخايف من الاثم في التعميم فى واحدات بيطلعوا لابسين كويس من البيت ولكن بدخلوا محلات بعرفوها مثلا كفتريات بعرفوا اصحابه ببدلوا فيها الملابس الطلعوا بيها من البيت والله اعلم وان كان هكذا ما قيل عن الاحفاد رائدة التعليم النسائ فى السودان فيادنيا عليك السلاااااام ولك التحيه اخي ابراهيم على غيرتك الشديده على بنات بلدك
يا جماعة انا بظن السبب في انهم ما بقوموا بالمظاهرات ما عدم اهتمام بل لانهم بنات بكل صراحة...البنات رقة و انوثة و جمال...اما فيالجامعات التانية لانوا في اولاد هم اللي بهتموا بالاشياء دي..ممكن البت تشارك بس ما حتتجاوز المشاركة... المواضيع دي محتاجة اولاد دي فيها ضرب و نوم في التخشيبة .. منوا حيرضي لبنتوا انها تكون كدي؟؟؟؟و خصوصا اننا كلنا عارفين المجتمع السوداني......... the_girl
طارق/ ابراهيم/ حبيب الكل/ شماسى/تبلدينا/ واحشنى تحياتى راجعة ليكم لكن عايزة استفيد من تعقيباتكم وتعقيبات كل الأعزاء والعزيزات وفى النهاية حأقول رأيى أنا...
بالفعل فقد أثريتم النقاش بارك الله فيكم جميعا تحياتى ناهد
04-09-2002, 07:26 PM
omar_ragab omar_ragab
تاريخ التسجيل: 02-05-2002
مجموع المشاركات: 1722
nahid thank u 4 the nice topic really we have to start from the eductional institutations regard build up youth talents 4 enriching the sky of sudan love u sista nadid akhoky omar ragab holland
Thank u omar iam expecting you to post your opinion in order to rectify or reconstruct our educational society and to achieve our new modern sudan goals
thanx &best regards Nahid
(عدل بواسطة nahid on 04-11-2002, 07:03 AM)
04-09-2002, 08:43 PM
7abib_alkul 7abib_alkul
تاريخ التسجيل: 02-05-2002
مجموع المشاركات: 3757
الاخت ناهد تحيه طيبه طبعانشكر الاخت ناهد لانها طرحت موضوع مهم شديد يهم كل اهل السودان وانا كمان اشكركم جميعا على تناولكم للموضوع بكل جدية ولمستوا فيهو كل شى مهم وانا اضيف لكم راى فيهو طبعا كل الاخوة ما خلوا شى نقلوا غير ان المشكله تكمن فى الاسرة نفسها لكل طالبه واضيف كمان على كل الاباء بان يكثروا من التربيه الدينيه وهى محك الطريق لابنائنا
04-10-2002, 09:39 AM
منوت منوت
تاريخ التسجيل: 03-18-2002
مجموع المشاركات: 2641
اكب سلامات كتيير لأخت بتاع انحانا ناهد ، و شكرا لخوان بيشارك في نقاش بتاع احفاد.. مؤسسه بتاع احفاد دي هي مؤسسه سودانيه، و انا بشوف كل ناسات بيكلم في بورد دي عن (انحرافات) بتاع بنات احفاد ... ليه كده ؟ انحرافات دي مش في احفاد فقط لكن في جامعات كتير .. منوت بيقول : لو انحنا بيكون جادين شويه ، ليه ما نعمل دراسات في ظاهره دي؟ ليه ما نسأل ليه بنات و أولاد كمان في سودان بيعمل حاجات (غلط) و همن لسع صغار ؟ أخت بتاع انا ناهد .. Please try to conduct a research about the factors that leds to this phenomenon?
_________
, lkr, rg b uha lk dtwgkh
04-10-2002, 10:34 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
الاخ واحشني وكل الاخوة تحياتي لكم اسف لعدم المداخلة في حلقة اليوم نسبة لكثرة المشغوليات والدنيا عندنا هنا نهاية اسبوع انا لسع بامن على انو هذه الظاهرة ليست ظاهرة منحصرة فقط بين طالبات الاحفاد ذي ما ذكر منوت وبقية الاخوة فهذه الظاهرة كيفية معالجتها لاتتم بالعواطف ودفن الرؤوس لابد من المواجهة والمواجهة الصريحة ورفع النقاب عن من هم المتسببين في هذه الظاهرة والتي عكست للاسف صورة غير حقيقة للبنت السودانية بالذات في بلاد المهجر عندما تطالعنا الصحف الخليجية او العربية او حتى بعض المواقع على الشبكة بتفشي ظاهرة الزواج العرفي والانحلال الاخلاقي الذي ضرب باطنابه على كل قطاعات المجتمع اين المشؤول عن كل هذا الذي يحصل هل هو رب الاسرة الذي يرى بنته تخرج وهي في قمة الاناقة والشياكة واللبس المحذق والذي يظهر كل شيء وهي تريد ان تذهب للجامعة فلا يحرك ساكنا بل يفتخر بانته التي تدرس في الجامعة الفلانية والكلية العلانية وهي ترى والدها لم يزجرها ولم يهتم بما هي لابسه في اين دور الاب اذن وكذلك المسؤولين وهؤلاء ليس لهم هم سوى الكشات والتشهير ببنات الناس فظاهرة النظام العام التي ابتدعها يوسف عبد الفتاح ومن بعده لم تاتي اكلها سوى انها شهرت ببعض الفتيات لذلك السلطة رافعة يدها تماما عن الخوض في هذا الموضوع وتعبره من المحرمات الحديث فيه وما ظاهرة التكتم على انتشار الايدز في السودان ببعيد عن اذهان الجميع فارقام هذا الوباء مخيفة لدرجة لا يتخيلها احد منكم ولنا فيها عودة
الاقتصااااااااااد الاقتصااااااااااد الاقتصاااااااااااد لا تحلموا بمدينة الجوع ان تتحول الى المدينه الفاضله الاقتصااااااااااااد الاقتصااااااااد الاقتصاااااااااااااد عند ارتفاع مؤشر الفقر تنحسر الرؤى والفضيله والحياء
ديك الجن
________________________________________________ زمنى صعب موسم جوع وجبال زهب
04-10-2002, 05:16 PM
Elmosley Elmosley
تاريخ التسجيل: 03-14-2002
مجموع المشاركات: 34683
الاستاذه/ناهد لا ادري لماذا هذا الصمت والتعقيب المقتضب منك حيال تلك الردود الساخنه فهل خرج البوست عن سيطرتك ام انك تتنتظري الي ان تجمعي جميع الردود لتعقبي عليها مره واحده والا كبيتي الشتات بلغه اولاد شمس
الأعزاء الموصلى/فيصل 144/منوت/ ديك الجن/ابراهيم على / حبيب الكل تحياتى أكبر فيكم مشاركاتكم ومساهماتكم المقدرة فى استمرار هذا البوست الهام وأنا كما أوضحت لكم سأجمع كل الأراء وأقوم بالتعقيب المطول اضافة الى رجائى بقبول عذرى اذا تأخرت عن التعقيب وذلك لمشغولياتى العديدة هذه الأيام وسأتفرغ قريبا للبورد تحياتى ناهد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قرشـــو
ebrahim_ali
7abib_alkul
bob
wa7shny
omar_ragab
منوت
Elmosley
فيس بوك
تويتر
انستقرام
يوتيوب
بنتيريست