هاشم صديق...الرائع

هاشم صديق...الرائع
صديق من الخرطوم ملتقى النيلين عندما كنت غريرا وصغيرا كان ضوء الشمس يشرق من قصيده او شعار ومن تفاسيم المصانع والمنازل كان غبن الظلم يطلع ثم يسطع الميادين تقاتل ..الدكاكين تناضل ..الرواكيب تجادل المناشير تنازل كانت الدنيا عزيزة ..ولذيذه ..رغم اتراح السواقى رغم اركان المنافى ..رغم السوار الفاصل ..والمقاصل كان زهو الفجر منقوشا على صدر المحالج ..الطواقى الحمر تغزل فوق احضان المناسج المناديل المزركشه ..الزهور ..الرسائل والعطور اللقاءات البريئه ..الهتافات الجريئه ..الليالى الشاعريه فى المنابر شقشقات الوجد فى ثغر الدفاتر كان صدق القلب من طرف اللسان والصداقه سيسبان كانت الدنيا مضيئه ..وحديقه ..المواهى ..المقاهى المسارح ..الجماهير ..السوارى ..قدلة الاعياد وترنيم الامانى ..الاغانى ..الرياضه ..المحينه والرهيب رجل الثوانى كانت السينما صديقه ولذيذه ..سايكو فى سينما برمبل فى ..كلزيوم ..وفى المناظر ..اعلنوا صوت الموسيقى يجهر المذياع بالشدو الجميل ..وردى غنى المستحيل الدراما ..الكرامه ..الصحافه ..الحصافه ..الثقافه .القيافه والامـــان من اعلن النعى على ذاك الزمان؟ من اصدر الذكرى على ذاك الزمان؟ كان طول العام مثل الالف من الزمان المعاصر كان كذب الناس من جنس الكبائر ..كنا نجتاز الصغائر القراءة ادمنتنا كالسجائر..كانت اخبار المطابع مثل لمح البرق فى الحى تسافر نقرا الكتب القديمه والجديده ..ثم ناتىلنجادل ونسامر ندوه فى النادى الفلانى ..ونسه فى الركن اليمانى قعده فى ظل الاغانى مافى زولا ..كان مدبرس ..او مشتت ..اوممزق او بعانى نكته ..والضحك انفجار كنا بنعرف الهظار كان القلب لمن يشوف البت يدق زى ..نوبة طار الحب وجود ..الحب قضيه عندما كنت صغيرا وغريرا ..كانت الدنيا سلام اسرجتنا جذوة الاحساس بالزمن النبيل ارسلتنا نحو كنزالارخبيل

03-03-2002, 09:33 AM

masarat

تاريخ التسجيل: 02-28-2002
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)
هاشم صديق الوجع الخرافي ممدودة السكة هجير وحجارة خيولك زاحفة تعافر وتضلع تطلع وتنزل زي أيامك وحال أحلامها حصاد .. ورماد سواد .. وبشارة ×××××× عيونك صايمة ورقرق فيها الزمن المافي أحزانك صاحية ودجّت فيها حوافر الذكرى النصلها حافي معذور الفرح اللملم نفسو وقبّل وشو واصبح جافي لمتين يرجانا ونحن نكابر وليلنا مشاتر ووجعو خرافي ×××××× أيامك مسخن ماص ألوانها المطر الشاحب جسورك هشّة خواطرك طامحة وطوفك قشّة مساربك جافلة وخيلك غافلة جروحك دهشة تمُر مداخلة فصول ومذاهب ×××× مركون في الوحدة ونبضك يناجي القمر الغائب للحب تتشابا وتغرس وردك وتحصد حلمك شوك وغرايب لا الحب يدّيكا سلام الرفقة لاعيونك تقرا سريرة صاحب ×××× أسوارك طالت تميمتك ضاعت وسط الزحمة وراكا الحِكم اندفنت وعِدمت غابت قمرة فاطنة السمحة وقدامك زاحفة هواجس زمنك ومنك شاردة مرافئ الرحمة ××××××× الشين ياعين اتجمّل وغشّ عيون الواقع الجُمل الصادحة حروفها انسجنت وشلّ خطاها الزمن الواقع في قد الإبرة الكون اتجمّع ضقنا وضاق الصبر الشاسع بي أيد رحلتنا حفرنا جرحنا في غار رحلتنا مسينا صبحنا وتاريخنا مكتّف وفوقو يحلّق صقر المحنة معذور الفرح اللملم نفسو وقبّل وشو واصبح جافي لمتين يرجانا ونحن نكابر وليلنا مشاتر زحف (انحنا زحفنا وكل العالم مابوقفنا) انحنا ولاد الجوع والمحنة انحنا الفقرا وسرقو قمحنا ××× خريفنا الرّازة واحلامنا حرازة مخاصمة سمِحنا -------------------------------------------------------------------------------- إبتسمي إبتسمي الدُغش البدري يلالي ويسطع العشم المحري في عرق الشارع يناغم ويجري الصوت من ليلنا يتاوق ويطلع عيون الفرح الكِتلت مرة وضاقت المُرة تفتّح وتلمع ××× إبتسمي البذرة تفتّق وتصبح فكرة تسامر وترفع الوجع الطاغي يفارق غادي يهاجر ويرجع الأمل الغامر يسوق الحاضر يحاور ويدفع حروف الشُعرا في صدر الضلمة تولّع جمرة وترفض تركع ×××× إبتسمي الشمس الغامرة تنادي خيوطها تطرّز وتجمع الأرض السمرا تمد ادينها تقلد الفُقرا تبارك الشُفع المدن النايمة تكبّر قايمة ويجلجل صوتها في وش المدفع -------------------------------------------------------------------------------- سيرياليزم الحاضر الزمن إتدوّر الزمن إتكوّر إتماص إتناقص قلّ وخفّ حتّل روحو كرفس روحو وأصبح لفّة ××××× الفُقرا الكانو بقسمو النبقة الجوع الكافر أصبح شكلو حديث ومعاصر خلى النبقة إتبدّل دينها وصبحت منقة الحب الكان مربوع ومصدّق إتهلهل ساسو وتوبو إتلفّق صوتو اتشقق ومات بالسكته وكف الخنقه ×××××× مجنونة مغاور الزمن الماري الجوفها مدبّب وطافحة مجاري مسكينة مآثر العصر الجاري الطولها مغطى وعرضها عاري غطانا وكالنا رماد الكلمة حاصرنا وطالنا جراد اللمّة حلوقنا إتعثر شوفها وقلّ بكّانا الحاضر غشّانا الحاضر كرفسنا الحاضر وشالنا رمانا في بطن السلّة ××××× سرقتنا النقة دقتنا النقة بيناتنا إتمادى محيط الشقّة صدورنا اتقلّت وصومها حرقنا وأحلامنا إنداست وسط الزنقة

03-03-2002, 09:36 AM

masarat

تاريخ التسجيل: 02-28-2002
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)
شكرا جزيلا للخناجر للمغايس للمتاريس للدسايس للطريق لامن يضيق للوجع سوى البدع فتح مدارس شكرا جزيلا للأمل وسط السراب لى حراب ناس قراب للعذاب فى كل باب للمحكات العجيبة والمشاوير الغريبة لى تمن عشق الوطن جمر الضريبة شكرا جزيلا للعصار للغبار للبروق الباقة نار للملمات الكبيرة للأسى اللف الجزيرة الكتب الغنا وضو البصيرة شكرا جزيلا لى سلاطين الحسادة للصعاليك والسيادة للابر فوق الوسادة للحفر فى كل ممر للركوب وسط الخطر لى ملوك فن النميمة للأباطيل اللئيمة والأساطير القديمة لى جبر كسر العذيمة والعبور فوق الهزيمة شكرا جزيلا للكآبة لى طبول عصر الحرابة للتفاسير للتقارير للرقابة للجروح الفتحت ورد الغنا وفجرت شبق الكتابة

03-03-2002, 09:51 AM

suna

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)

جواب للبلد

اســـمـــي iiهـــاشـــم

وأمـــــــي آمـــنـــة

وابـــويـــة iiمـــيـــت

وكـــــان iiخــضــرجـي

ومرة صاحب قهوة في ركن الوزارة

(جــــــواب iiلــلــبــد)

هــــل مــــن مــزيــد

03-03-2002, 09:55 AM

gootagood

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)
كان كذب الناس من جنس الكبائر ..كنا نجتاز الصغائر فعلا في قد الابرة السودان اتجمع ياخي معاناة السودان دي ولدت ادب خرافي ووجع خرافي لكن برضو لينا الحق نحلم ...بغد خرافي البياز عوافي

03-03-2002, 10:20 AM

SILVER MOON

SILVER MOON
تاريخ التسجيل: 02-24-2002
مجموع المشاركات: 300

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: gootagood)
عيونك ديل عيون أهلي حنان زى نغمة في مقطعٌ

03-03-2002, 10:24 AM

bunbun

bunbun
تاريخ التسجيل: 02-04-2002
مجموع المشاركات: 1974

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: gootagood)
شكرًامسارات -جديدة - و ننتظر المذيد عندما كنت صغيرًا كانت الوردة داري والينابيع بحاري محمود درويش

03-03-2002, 04:28 PM

masarat

تاريخ التسجيل: 02-28-2002
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: bunbun)
thank u ppl nice to share with u this poems to the best sudanese poet ever. هاشم صديق من مسرحية نبتا حبيبتى طهارة الكلمة فى الفنان وصدق الحرف فى صدقو وحصاد اجيالنا فى شتلو ولو داس الشرف خانو قلوب الناس تسد الباب تعاند طبلو والحانو لانو الكلمة شرف الرب وصدق الرب وتاج الرب ولوغشت قلوب الناس محال الناس تحس تطرب

03-03-2002, 04:40 PM

seventy

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)
حاجة فيك هاشم صديق حاجة فيك تقطع نفس خيل القصائد تشده اجراس المعابد توهتنــى 00 تعبتنــى 00 وجننتنــى وجننت حرف الكــــلام وبرضو ادتنى السلام حاجة في شرف المدائن وفي غرف كل السفائن وجوة في عمق المناجم والعيون حاجة زى ما تكون محلق في العواصف فجأة تهبط في السكون حاجة زى نقر الاصابع لما ترتاح للموسيقى حاجة زى اخبار تناغم من جريدة حاجة زى وتر الموانى لما يصـدح لى سـفينه حاجة فيك لا بتبتدى 000 لا بتنتهى خلتنى ارجع للقلم 00 واتحدى بالحرف الالم واضحك مع الزمن العريض وأنسف متاريس الطريق واعرف متين ابقى المطر وافهم متين اصبح حريق حاجة فيك ...

03-03-2002, 05:08 PM

bunbun

bunbun
تاريخ التسجيل: 02-04-2002
مجموع المشاركات: 1974

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: seventy)

إنتبـه

هاشم صديق

لا تركب الموج البناغم وجرسو ناغم بكرة بعتمدك iiغريق

لا تخت قليبك في عيونك وتعتبر كل وش صديق

لا تصدق العسل البنقّط في المثل لاترمي نبضك للوحل لا تغني للقمر iiالعتيق

اقبض عذابك ايد حديد لا تبيع جروحك لي عساكر او iiلسيد

لا تأمن الفرج البجيك مع كل iiضيق

مرات بتنداس البشاير بي حوافر خيل مغامر وتلقى طائر في سما الحرية تحول رقيق

اقبض نصل حد ازمن انفض نعاس طيف الوهن اسمع كلام صوت iiالكون

لا تبرا نجمًا تقرا في وهمو iiالطريق

لا تفرحك مدن السفر تغسل غبارك في المطر وتهيم على رمل المضيق

اقرا الملبّد في الوشوش واقرا المغلف في iiالكلام

اركب على ضهر الصعب امسك شديد فوق iiاللجام

فوقك حريق تحتك حريق حولك حريق وقدامك الاحلام iiتضيق

ادفر جوادك في اللهب وابصق على الذمن iiالصفيق

لا تنام وترتاح في عيون صّدق ابر وخذ iiالظنون

زمنك كعب سفرك صعب لا تغشىللفرح iiالجنون

اختار جمر حرفك صديق اختار قلق عقلك صديق iiانتبه

لازم iiتفيق

(عدل بواسطة Frankly on 03-04-2002, 02:00 PM)

03-04-2002, 01:24 PM

masarat

تاريخ التسجيل: 02-28-2002
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: bunbun)
مالكم يا جماعة نفسكم ضيق كدا؟

03-05-2002, 01:53 AM

masarat

تاريخ التسجيل: 02-28-2002
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)
المحارق....والرؤى تأملات من نوافذ الأحزان المصيبة -------------------------------------------------------------------------------- (1) لا أملك مثل زرقاء اليمامة- ذروة البصر الشفيف لكي أرى خلف الغبار لكنني -ببصيرة الشعراء- ألمح غابة الأشجار تمشي عند رابعة النهار كم حدثوني عن (سليمان وابنه) وعن تعاويذ البطولة عند (أشباه الكبار) لم ينتفض قلمي ولا قلبي ولا (.....) فقد استقلت عن المباذل وعن مقارعة الصغار الشمس تفتح كوة للحق جهراً واقتدار ويا سيدي البحر فينا قد استقال عن الدوار (2) عفواً فهذي الأرض أضحت من بيات الحلم جُرُزاً لم تزل تهفو إلى نيل ينافح منذ (هولاكو) و(كسرى) تعزف الشمس على وتر المذابح بعد فجر (القادسية) لم يقف نجم على خشب المسارح كل زيد جاء ليلاً أو بصبح كان مشروخ الملامح يدخلون ويخرجون من (اليمين) وبالأواسط (و) اليسار يحرقون الوعد في حمم التناحر والشجار كل طاؤوس تطاول كان فحلاً في الخطابة ينحر الأفعال جهراً في التناقض والغرابة من يصدق يا ألهي وأنت جاهي إنهم قد (خصخصو) الحب الألهي؟! من لي (بفيزا) من سفارة أو (بعقد) تحت وضع اليد أو رهن الإشارة؟ (3) لا أدري كيف اغتال الوالي كل الأشياء الموروثة وكل الأحلام المألوفة وكيف أكتشف قنابلنا الموقوتة واخذنا لساحة سوق الوطن ونادى السياف فجرّ عقيرتنا فأدمنا غناء الثورة في السر وسبحنا في موج الفعل على البر ومكثنا نحلم مثل الحشاش الأعمى بالشمس وبالأزهار وأطيار في غابات فضية وشهرنا على الشرفاء الأحقاد الرعناء الثورية يا وطن الثورة والفقراء (عزة) خلف السور ونحن نسامر في البغضاء هل تسمع صوت الريح يصفر في القضيان فتعلم أنّا قد صعق العجز فتوتنا فتزهد فينا؟!! لا شيء يجيب فالوطن فضاء والزمن فضاء والناس فضاء أحياناً تتساقط من سقف الوطن النازف منشورات ثورية لا أدري آخر منشور من أول منشور إلا بالتاريخ المكتوب على صدر الأوراق فالمنشورات توائم تتشابه في الأنف وفي الأذن وفي التهويم وفي الأطراق في كل تقاطيع الأخبار في عجز الصوت وضعف النار لا أدري كيف يكون خلاصُ الشعب بهذا الورق البالي؟ هل سيسقط يوماً منشور من سقف القصر على عنق الوالي فنسمع في المذياع بأن الوالي قد انتقل لدار أخرى بمؤامرة كبرى؟ أم سيهبط منشور في قلب الأمة مثل غرام أو غضب فارع فيؤجج نيران الشبق الصاخب في أوردة الشارع فتبدأ أعراس دموية؟؟ لا ادري لكني أعلم أن الرحم ولود وعزة انثى نارية قد يطرق يوماً فرش أنوثتها فحل مجنون فتحمل عاصفة تقتلع الظلم من الأرض السمراء الطينية (4) من رفرف الجمر قد اختارُ أشيائي من غبن الحوانيت ومن ثمر البساتين البكائية اقتات من نظري ومن غُبني ومن بؤسي ومن حقبي الخماسية أسست بنياني على (جرفٍ) من التاريخ والتلميح والتصريح والإيمان بالحُسنى لأني أغرس الأشتات من عصبي ومن جُرحي واحصدها لأغدقها على الأحباب تذكرة وأمنية (5) أذكر أن أمي علمتني أن لا أُدر خدي لصفع الوحل والأحزان وأن أرتاب من زمني وأن أدري بأن الناس قد تأتي تصلي الفجر تلبية وإيمان وقد تأتي لأن النوم لم يأتي وقد تأتي لأن الفجر تزكية لدى السلطان (6) اختلاف الرأي يفسد للود قضية الآن تسقط بعضُ الأمثال الشعبية هذا (عصر) الأمثال (العصرية) (النساء كالبصات إن فاتك بص لا تحزن فهناك بقية) لكني شخصياً إن فاتني بصُ لا احزن أو أزأر فالمثال الآخر (المرأة أنثي والبص

03-05-2002, 03:21 AM

Elkhawad

تاريخ التسجيل: 02-05-2002
مجموع المشاركات: 2843

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: masarat)
وجـــــــــــــــــــــــــــود لا محتاج عشان المس وهَج روحِك أمد ايدَي. لا محتاج عشان شوفتِك تشوف عيني. ملامحك حاضره !وين بتروح؟ ووهجك فيني ساكْن الروح 24/7/1991م

03-06-2002, 11:10 PM

MXB6N

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: Elkhawad)
العزيزة مسارات أهنئك على الاختيار الراقى لمادة البوست الدسمة الاعزاء جميعاً من أول اسم مشارك الى اخر اسم المبدع هاشم صديق نموذج للمثقف المتكامل ولا يحتار فى انتقاء أى أداة مناسبة لتوصيل المضامين..مرة شاعراً ومرة مخرجاً ومرة قاصاً ومرة تشكيلياً ان اعيته الفكرة ولم يتمكن من ايصالها! اخترت لكم هذا الديالوج الملئ بالرمز ونعلم حاجز الموية والطين الذى زرع بينه وبين أجهزة الشعب الصحافة عدد الاتنين 4 مارس 2002 م هاشم صديق ديالوج:اجتماع لجنة النصوص الدوغرية للنصوص الفنية (أعضاء اللجنة الاربعة يجلسون على مقاعد حول مائدة وضعت عليها أوراق وملف) الاول : نشوف القصيدة الفضلت من الاجتماع الفات الرابع : هى القصيدة دى بتاعت منو ؟ الثالث : الاستاذ أيسر مؤمن أيمن الاول والرابع : أعوذ بالله من الشيطان الرجيم الاول : (يرفع يده بالدعاء)اللهم أبعد عن أجهزتنا أشعار الشياطين (يرفعون أيديهم بالدعاء والثانى يبدو كا المغصوب على أمره وهو يردد معخم الدعاء) الثلاثة : أمين الاول : اللهم أفتح بصيرتنا على المعانى الخفية المدسوسة ضد الحكومة فى المضامين الثلاثة :أمين الاول : وأكشف لنا الرمز فى أشعار العملا الخائنين الثلاثة : أمين الاول : اللهم أنصر الشعر الجاهلى الرصين الثلاثة : أمين الاول : وأحمنا من فتنة الطابور الخامس والبنيويين الثلاثة : أمين الاول : نناقش القصيدة (للثالث ) اقرأ النص الثالث : (يضع النص على الملف ويبدأ القراءة)أحبك و ... الاول والرابع : (بصوت واحد) أعوذ بالله .. يخص .. بدأ بكلمة بذيئة الثانى : (يلتفت بينهم فى حيرة )ما .. ما مجازة .. مش ؟ الاول : كدى نسمعها كلها .. واصل الثالث : أحبك وأغرسك فى الطين الرابع : قليل أدب ومرمغها فى الوحل كمان الثالث : (يواصل ) تفرهدى فى الزمان الشين الرابع : الزمان الشين؟؟ الثالث : الشين الرابع : (كمن اكتشف سراً خطيراً) شفتو الثانى : شنو؟ الرابع : الزمان الشين .. ده طبعاً رمز واضح الثانى : لشنو؟؟ الثالث : (بحذلقة) يقصد زمان القبح .. زمان الدمامة الثانى لازال ينتظر التفسير ) أها الرابع : أها شنو .. ما واضح ياخى؟ الثانى : (بنفس العفوية المضحكة) الواضح شنو ؟ الرابع : (بنفاد صبر) ياخى الزمان الشين.. يقصدالزمن ده (يتلفت وهو يتلجلج فى انفعاله) زمن .. زمن الاول : (صارخاً ومحزراً بصورة مضحكة) أوعك دى تقولها الرابع : أعمل شنو اذا كان مخو مقفول الثانى : (بعفوية وبساطة) حسا هو القال كده .. ولا انتو القلتو كده يا جماعة مالكم طوالى عاوزين تقولو الناس حاجات ما قالوها .. تبتقى فى الزمان الشين ما معناها ..الزول دا يقصد زمن الـ.. الرابع : (وهو يكاد يشد شعر رأسه من الغيظ) ياخى انت ما بتعرف الرمز .. ما بتعرف الحاجات البدسوها فى الرمز الثانى : أنا بعرف بس الحاجات البدسوها فى المخازن عشان يرفعوا الاسعار الرابع : (حانقاً) فى مضمون مدسوس فى القصيدة دى الثانى : هى لكن ما واضح انو بقصد كده .. بالقوة ياخى الرابع : (يقفز نحوه فى غيظ شديد محاولاً خنقه) والاول والثالث يحولان بينهم والاول يعيد الرابع الى مقعده) الاول : هدى نفسك ياخى .. سيبك منو ده أصلو كدة .. وفهمو ما شاء الله (ثم للثالث) واصل ياخى وأقرأ..ياخى .. واصل (الثالث يواصل القرأة) الثالث : أحبك واغرسك فى الطين تفرهدى فى الزمان الشين أكتبك فى القلب اسمين أشيل قافك واخت الغين الاول : (فى حيرة)وأشيل شنو ؟ الثالث : وأشيل قافك واخت الغين الرابع : بقصد شنو؟ الثالث : حاجة تحير الاول: تحير وبس ( يهرشون رؤوسهم بطريقة مضحكة .. وهم يتحركون حول المقاعد فى حالة تفكير وحيرة تتابعهم الموسيقى المرحة) (الثانى يقبع فى كرسيه وهو يتابعهم فى حيرة مضحكة) (تخفت الموسيقى قليلاً) الثانى : انتو .. انتو مالكم يا جماعة؟ الاول : (حانقاً) مالنا كيف ؟ .. ما شايف الرمز اللغز دا؟ الثالث : (فى غبن) ابن الايه ده باين عليهو يقصد حاجة خطيرة جداً الرابع : مؤكد .. دى لازم تكون أخطر حاجة اتقالت ضد الحكومة (يواصلون هرش الرؤوس والحركة حول الكراسى) (الثانى يتابعهم للحظات) الثانى : يا جماعة الحكاية دى واضحة وما عايزة تفكير وتعب (الثلاثة يلهثون نحوه فى لهفة ويجلسون على المقاعد) الاول : (فى لهفة شديدة )قدرت تحلها؟ الثانى : واضحة يا جماعة الثلاثة : (بصوت واحد)يقصد شنو؟ الثانى :يشيل حرف القاف من أول اسمها ويخت محلو غين الثلاثة : (فى لهفة) أها الثاانى : أها شنو ؟ ما خلاص وضحت الاول : (يضيق) لكن يقصد شنو يشيل القاف ويبدلها لى غين الثانى : ولا حاجة داير يغير القاف لى غين .. مش على كيفو؟ (الاول يقفز نحوه محاولاً خنقه فى انفعال مضحك) الثالث والرابع يحولان بينهما) الثالث : معليش خليهو الرابع : أنا قبيل كنت عايز أخنقو.. مسكتنى ليه؟ (الاول يعود لمقعده وهو يلهث فى انفعال) الثالث : معليش أهدا الاول : ( وهو يحاول أن يسترد أنفاسه) كدى تم المقطع.. يمكن نفهم الرابع : أقرأ المقطع كلو مع بعض الثالث :أحبك واغرسك فى الطين تفرهدى فى الزمان الشين أكتبك فى القلب اسمين أشيل قافك واخت الغين وبعد الغين كمان غينين (ينظرون الى بعضهم فى حيرة ويهرشون الرؤوس بصورة مضحكة) الثانى : (بعفوية مضحكة) غين وبعدها غينين.. تبقى غغغ الاول ضائقاً) ياخى انطم الرابع : (فى حيرة) وبعدين الثالث : الحكاية بقت معقدة أكتر الاول : دى أصعب مضامين ضد الحكومة تمر علينا فى اللجنة دى الرابع (محتاراً يردد لنفسه)يشيل القاف يخت الغين .. وبعد الغين كمان غينين(يهز رأسه فى حيرة مضحكة) الاول : (مهموماً) كدى أقرأ المقطع البعدو الثالث : أشوفك فى السما الممدود الاول والرابع : (بصوت واحد) استغفر الله العظيم الثانى : (بنفس العفوية) مالكم يا جماعة؟ الاول : يشوفا فى السما الممدود ؟ السما مش الذات الالهية؟ الثانى : يا جماعة انتو كم شاعر شافو حبيباتهم فى السما .. وكم حبيبة يا صوتها لما سرى..صوت السما.. وكم ضحكة شرحت قلب السما.. هى بس بقت على الشاعر ده (ثم) انتو ذاتكم مش قاعدين تقولو الاسعار وصلت السما ؟ يعنى الاسعار وصلت الـ.. الاول : هس .. براحة.. عاوز تودينا الاخرة بدرى مالك؟ الثانى : لكن يا جماعة الزول ده ما يقصد يقول.. الاول : (ضائقاً ومنفعلاً) قلت ليك انطم ياخى (ثم للثالث) اقرا واصل الثالث : أشوفك فى السما الممدود وأطير بيك سواعدى حدود الرابع : دى طبعاً واضحة جداً .. رمز تقريرى الاول : (بلهفة) يقصد شنو؟ الرابع : يقصد يحلق بيها الى ما وراء الحدود.. الى المعارضة فى الخارج

03-07-2002, 05:20 AM

masarat

تاريخ التسجيل: 02-28-2002
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: MXB6N)
شكرا اخى الكريم والله ضحكتنى تعرف دى نموزج للجان النصوص كنت اود اكتب لك قصيدة السكرية التى تحدثت عن ذات الموضوع ولكن لم اجدها وهى فى ديوانه جواب للبلد شكرا مرة اخرى

03-31-2002, 07:46 AM

suna

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق...الرائع (Re: Elkhawad)
حضـــور الموسيقى... وانتي ممافي. يجهش الوتر الموتَّر وينفلت دمع القوافي ************* والموسيقى وأنتي في يصْحَا في جوايا شي يقْلِد اللحظة ويزركش ويبقى نبض الصُحبة مدهش. وانعتق من حُزني حافي وابقي طاير جد خرافي

03-07-2002, 02:25 PM

REEL

تاريخ التسجيل: 03-06-2002
مجموع المشاركات: 880

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

هاشم صديق …دفقات صادقة (Re: masarat)
اييييي….لما يفعله هدا الرايع من خربشات مشاكسة في دواخلي لكم مني على لسانه هده الكلمات…… وصف لابتشبه القمر البتاوق من سما لابتشبه البحر الخدار وجمالها ما حاق في غنا ……… مشيها زي قدل البشاير بي مهل و حديسها زي همس النسايم للنخل ايدينها صابغن الورد وسلامها زي روق الجداول في الارض

03-31-2002, 01:58 PM

nadus2000

nadus2000
تاريخ التسجيل: 02-05-2002
مجموع المشاركات: 4756

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هاشم صديق …دفقات صادقة (Re: REEL)
هلا بيك أختنا الغالية بعد غيبة طويلة والتحايا مني ومن أبنوسة وإحتفاءا بعودتك نهديك هذا النص متى يعود المبدعون الصامتون هاشم صديق ومتى يعود المبدعون الصامتون إلى المسارح والصحافة والإذاعة؟ ومتى يصير المبدعون الصامتون (رئات) تلفاز الجماعة؟ يا أهل حرف وأهل زيف وأهل صرف يا أهل رسم وأهل عزف تدافعوا نحو المنابر بالمناكب والمواكب عوّضوا الحقب المضاعة هذا الزمان زمان تحرير الحروف من التوجس والتحسس والحصار وافتراءات الصغار واعتقال الأفئدة كل الطيور سواسية لا ضير من طير يشقشق من (تُهامة) أو (خُذاعة) لا قهر للأشجار والأوتار والأسرار والأحلام كل الخيوط تداخلت وتناسجت وتناسلت و(تبوتقت) في رحم مولانا (النظام) كل الحروف توهطت وتنسمت عبق السلام وحملت أوراقي وطرت إلى المسارح والصحافة والإذاعة أوقفت رحلي عند تلفاز الجماعة وقرأت عند الباب لافتة السلامة (لا فرق أبداً بين خزرج أو هدندوة أو تناقسة أو تهامة أو خذاعة) كل النوافذ مشرعة كل المنابع مترعة لا خط أحمر إلا العقوق وللفسوق واعتمار الزيف في زمن الأصالة وللتبرج والسفور وللخيانة والعمالة ودلفت من باب الدخول ألقيت من باب (التأسلم والأصول) سنن التحايا الرائعة لكن صوتاً مثل (رجم الصاعقة) قد صاح من خلفي - يا هذا ... أنت عُد إلى الباب الولوج وعدت أدراجي إليه تحشرجت لغتي وقلت - نعم وما الخبر؟ وتفرست عيناه مثل الصقر في وجهي وقال - البطاقة - نعم؟ - قلت لك أين البطاقة؟ وتضاعف الحرج الكثيف حين رأيت عشرات العيون تجوس في أمري وشفتي الراجفة وعلى الجبين تفصدت قطرات عرق زاحفة وظننت أنه ربما لا يعلم من أنا وتحركت شفتاي قلت - هل تدري أبداً من أكون؟ وسمعت صوته كالزئير - ويعني من نابليون؟ وضج الحضور على المقاعد يضحكون ورفعت رأسي نحو لافتة السلامة وقلت في نفسي - لكنهم نسيوا الكرامة وعدت أدراجي وتحت الإبط أوراقي وفي فميّ ابتسامة ورفعت رأسي للسماء - يا إلهي متى القيامة؟

03-31-2002, 04:33 PM

منوت

منوت
تاريخ التسجيل: 03-18-2002
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

اكب شكر كتير ليكم يا اخوك باعنا مسرات (Re: masarat)
منوت بيجي ليكم انتم تاني و بقول سلام لاخوك بتاع انا (مسرات) و كلام لسيس دى زي مويه ليمون. اخوك بتاع انت (منوت) بيعرف كويس شاعر بتاع سودان كلو هاشم سديق، و زول جميل دي همن بيسكن جنب منوت في بانت و منوت بيحفظ كلام شويه من مسرحيه بتاعو نبته حبيبتي فارماس بقول : بدور الفكر ما يصبح نضم او خطبه او تهليل بدور الفكر يبقى سلوك و وعي يضوي درب الجيل. يا سلام يا حبيب بتاع انحنا هاشم سديق، --------------- ومنقو قل لا عاش من يفصلنا

03-31-2002, 07:38 PM

Abulbasha

Abulbasha
تاريخ التسجيل: 02-27-2002
مجموع المشاركات: 805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

هاشم الرائع... مسارات المدهشة (Re: masarat)
كنت علي ثقة تامة بأن مسارات هذا المنتدي ستنداح دائرة إبداعه بإشراقات مسارات .. فهي التي تحدد في مساراتها كتلة الوجع الخرافي التي تشرئب إلي العلا دوماً .. كنت علي ثقة تامة بأن ما قمنا به من جهد لم يعرف الكلل ولا الملل وبسرية تامة ولمدة شهرين متتابعين ستكلل بالنجاح .. خاصة بعد أن أشركنا صديقنا بكري الحبيب ود حبيب في تكثيف الحملة .. حملة التنوير وحملة الزحف المتواصل حتي إكتمل النداء .. وأتت مسارات السمحة بكل عنف مبدع يتفجر كل ذلك ألقاً كانت نتائجه الأولي هاشم الرائع .. والبقية تأتي ... لن أكتب مداخلة عن صديقي هاشم .. لأنني فرح جداً بمداخلات الشباب الجادة من خلال هذا الطرح الراقي الذي شدني شداً عنيفاً .. وسأكتفي مشاهداً من الرصيف .. ذلك لأنني اشعرالآن بفيضان يغمر إحساسي بالنشوي المتدفقة بسبب عودة صديقتي مسارات بكل عنفوان إبداعها المتجدد .. وهي تحزم أمرها وأمتعتها ميمم شطر الوطن الأحلام بعد أيام قليلة..فابت إلا أن تودع مهجرها البعيد بأجمل الأشياء في هذا البورد.. شكراً لك يا إبنة النيل.. شكراً لك يا إبنة القاش .. قد سري الطيف وهنا .. وإعتلا هائماً فكيق لحاق.. وقد عادت لنا والعود أحمد .. فأصبحنا نردد أغنياتنا القديمة لها لأنها نور .. وزهور .. وعطور .. وإستلم المجال .. صوت منساب بلور .. شبه الناس قلال.. خفة روح عصفور .. وإشراقات خيال .. خللا قلوبنا طيور .. وحال أرواحنا حال .. شكرا لك ولنا ولأهل الإبداع في بلادي

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]