ألعن شياطينك ياخي وبشِّر بالوفاق او بهذا الإتفاق قول الف خير ياخي خير من ان تتاجر بالحروب ومن تجارتك بالشقاق تقفل طريق وتعادي شعبك تطعن في مصداقية صديق وتباري ليك حِتة زعامات من ورق وفي الحقيقة هي من فراغ مزاجا فتنة وريحة نتنة مفطورة بالزيف والنفاق لو كل اتنين بالسمح في بلدنا ومن ولادنا قالو ياخ نعمل سمح نكلِّم الناس بالسمح نعلٍِم الناس السمح والإتفاق على السمح اصلاً سمح ما عَزَّ يوم على الناس اردب قمح والقصة ما قصة رفاق اوشقيق او حبيب او .. أخو حتى لو ما بِتْلَقِي القصة ياخ قصة وطن مصلوب ومشحون بالمحن مجرور ومحشور في الفتن تبنوهو كيف ؟ عايزنو كيف جنة عدن؟ من غير وفاق او إتفاق .
عناوين الاخبار بسودانيزاونلاينSudaneseOnline اليوم الموافق December, 07 2022
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد قمرالدين
فيس بوك
تويتر
انستقرام
يوتيوب
بنتيريست