المشهد يقول اننا في السودان لم نستطيع أن نخت الكره واطه ، فينا البلعب ضفاري شايت كده وفينا المقرش الكره ، وفينا المجلي الكره ، وفينا الحريف وفينا اللفيف ،وبعد ده يجيك ناس زعيط ومعيط ونطاط الحيط يقول ليك لا لحكم العسكر ، بالله حندكوكا وماجوكا قال لا لحكم العسكر قال شوف ديل ، ديل دايرين السودان ينبشق ولو انبشق السودان لاقدر الله طبعا تحتضنهم سفاراتهم الاجنبيه وجوازاتهم الاجنبيه وهاك يافللي من البلد ، عشان تخرب نحن نقول لهؤلاء لا لا للعملاء ،التتريس ضدكم في مطار الخرطوم وفي بوابات السفارات وفي الحدود السودانيه شرقا وغربا شمالا ووسطا وجنوبا ، قال لا لحكم العسكر من الذي رفع رايه اول مواجهه عسكريه ضد المستعمر اليس ابناء السودان من خريجي كليه غردون ، من الذي رفع رايه لا اله الا الله محمد رسول الله صلي الله عليه وسلم اليس كتائب المهديه انصار الامام المهدي في الاستعمار الاول الي ان تحقق الاستقلال ، قال لا للعسكر قال ، من الذي دعم الاستقلال الثاني في السودان اليس قوه دفاع السودان يجيوا عايدين قواتنا المسحلين ياالله الم تقل هذا عائشه الفاتيه غناء وعطاء من اجل تحفيز المقاتل السوداني ، بلد بلا قوات تدافع عنها ماذا تريدون ؟ يقولون جيش مهني بالله عليكم كده اشرحوا لينا كلمه مهني دي كيف ؟ الجيوش في كل العالم لها عقيده تدريبيه وعقيده قتاليه وعقيده عطاء وولاء للوطن يجسد هذا في قسم التدريب عند التخرج في الكليات او مراكز التدريب للعسكريين من الجنود والضابط وصف الضباط ، جدودنا زمان وصونا علي الوطن علي التراب الغالي الماليه ثمن أو تمن بالعاميه السودانيه ، تقول لي شنو وتقول لي منو قال جيش مهني قال ، وقال لا للعسكر، لما تضرب الدلوكه ويحمي البطان تجد فرسان دار جعل والجموعيه في الميدان ، ولما تتوسع الداره في النقاره هناك تظهر رجاله البقاره ،ولما يضرب المردوم هناك الناس في الداره بتعرض وتبعد الهموم ، ده السودان ادروب ظهر وعثمان دقنه بالسيف جنن المستعمر ضهر ، هاي ياعيال انجروا طرف قالوا قال لا للعسكر لولا العسكر لما بقي السودان موحد في زمن الحقائق ولوي عنق الحقيقه ، العسس من زمان هم العسس يعني العساكر حماه الوطن في عهد الرسول صلي الله ومذ عهد الجاهليه ،قال لا للعسكر قال ديل حماه الوطن . جيش واحد شعب واحد .
عناوين الاخبار بسودانيزاونلاينSudaneseOnline اليوم الموافق March, 02 2023
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسامه مهدي عبد الله (الجمعاني)
فيس بوك
تويتر
انستقرام
يوتيوب
بنتيريست