ما دام ماسك مبادءك صاح خليك يا الضمير مرتاح وخليك ديمة متأكد ومتيقّن، وقاطع الشك: زي ما اتقفلت تنفك بإذن الله *** خليك في حياتك ضيف ومتواضع كمان يا ضيف ومتسامح ومتصالح مع نفسك مع غيرك ولا حاقد ولا حاسد ومتغافل وماك غافل لا شايل هم لا شايل حاجة في نفسك ومتأكد وقاطع الشك: زي ما اتقفلت تنفك بإذن الله *** وما دام القرش أصبح بي شوفتو القلوب تفرح وتتقفل وتتفتّح خليك يا الضمير صاحي وأعرف قيمة الدنيا وكم تسوى وأعرف فيها مين ربك ومين ترجا ومين تهوى ومين تسلا وأفهم صاح وكون مرتاح ومتأكد وقاطع الشك: زي ما اتقفلت تنفك بإذن الله **** ما أصلو الدنيا ذاتا محك سبايط النعمة فيها محك مناشير البلايا محك تبين ليكا مين إنتا ومين ربك ومين ترجا ومين تهوى ومين تسلا وأفهم صاح وكون مرتاح ومتأكد وقاطع الشك: زي ما اتقفلت تنفك بإذن الله ***
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الريح عبد القادر محمد عثمان
فيس بوك
تويتر
انستقرام
يوتيوب
بنتيريست