|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
[green]قصة قصيدتين
الفارقت سيد ريدا
أو الفارقت سيد بيتا
وقصيدة
وين يا بشير ماجيتا
حجبوكا ولانسيتا
تزوج اليوزباشي بشير بادي الشاعرة الملكة بت حاج أحمد وكانت حقيقة ملكة
شفناها في أخر أيامها ويزينها جمال باهي مثل الذهب نفيس ويشهد بجمالها كل نساء شندي
ناهيك عن الرجال
وكان أيامها الشاب لبنت عمه
وكان لبشير بادي الكثيرات من بنات الأعمام لكنه القلب قال ولما يقول القلب لا مجال
وكسر بشير بادي تلك العادة واصر على الزواج من الملكة بت حاج أحمد ورضت الاسرة بأمر الله
لكن كانت هناك أشياء تحاك من تحت لكي يفشل هذا الزواج وحملت له القيل القال
إلى جاء أنفصال عانت منه الشاعرة كثيراً لانها ظلمت بقول لم تقله
في يوم حبت أن توضح للحبيب قوها وأنها برئية وعقدت الموعد معه وحملت الوصية لإنسانة
تثق فيها وكان الموعد على الساعة السادسة مساء
لكن خاب ظنها عندما لم يأتي بشير في الموعد المضروب رغم أن عُلم
وكان ميلاد القصيدة الأولى
وين يا بشير ما جيتا
حجبوك ولا نسيتا
وهنا نرى شفافية الشاعرة وخلقها للأعذار للحبيب
حجبوك اي منعوك أن تقابلني
ولا نسيت موعدي
هناك الكثيرين من ينسبون أن هذه الأغنية مجهولة الشاعر لكن نثبت أنها قصيدة شاعرتها من شندي
المدينة مربع سبعة وأسمها الملكة بت حاج أحمد
علمت انها أعطت هذه الأغنية وأغنية والفارقت سيد ريدا للفنان عثمان الشفيع
وأوصته أن لا يذكر اسمها ( كان عيب أن تقول وتبوح أمرأة في زمانها بقول مثل هذا غزلا في شعر )
| |
  
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
حمل الفنان الشفيع وحفظ وصية الشاعرة واعطى الأغنيتين للشاعر القرشي
عدل فيهاالقليل
وقال في هذه القصيدة
وين يا سمير ماجيتا
حجبوك ولا نسيتا
وقعت الأغنية في يد الفنان الطيب عبدالله وهو من أبناء شندي وغناها بنفس رواية الشاعرة الملكة بت
حاج أحمد ولم ينقص منها شئ
عثمان الشفيع حتى يخبئ أثر الشاعرة الملكة عدل في بعض الكلمات وهذا بحاء من الشاعرة وهي التي طلبت ذلك
وكما تغنى بهذه الأغنية الفنان الجابري والفنان زيدان إبراهيم
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
دام الفراق بين الشاعرة واليوزباشي بشير بادي فترة من الزمان
وقد لعب الأهل في هذا البعاد دوراً كبير من طرف أهل الرجل
كان أهله يريدون أبنهم ضابط الجيش الكبير في ذلك الزمان أن يكون زوج لاحد
بنات عمومته
أتعب الشاعرة هذا البعاد كثيراً وقالت فيه الكثير شعرا وقولا حلو
وأذكر ذات مرة قال الاستاذ حسين خوجلي ليت كل مرة يتأذم شاعر في حب حتى نسمع كلام حلو جميل
وفعلاً الشعر النابع من أزمة له الأثر البالغ في النفوس غير الشعر المصطنع
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
الفارقت
الفارقت سيد ريدا
الليلة وين يا روحي
شوفي كيفن رايق
يفتخر بي تيهو
صوريلّو عيني
الباكية من عينيهو
وأعرضيلّو قلبي
المخلص الحابيهو
لاتهابي جمالو
ولا الدلال البيهو
قولي ليهو سميرك
أمسى كالمجنون
الليلة وين ياروحي
كم جلستَّ معاهو
وأحتميت بي نورو
كم قسمت معاهو
الحُب وضقتا سرورو
كم تعبت معاهو
يوم حرقني نفورو
هو الحبيب الحازم
والوديع في خدورو
بلغيهو سلامي
الحاجبو يحكي النون
الليلة وين يا روحي
القطار فرقنا
ليه القطار فرقنا
آه حُزنا ملكنا
بي إتصالنا الروحي
برانا نحن برعنا
في الرمال الباسمة
يحكي الرياض مجلسنا
فيها هلَّ هلالو
وبين ربوعا نشأنا
الوداع يا حبيبي
الوداع يا روحي
ربي لينا يصون
الليلة وين يا ورحي
الأغنية بصوت الفنان عثمان الشفيع
سيد الجلد والرأس
http://www.youtube.com/watch?v=2ubixYJXXuU
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
يا سلاااااام.... دايرة ليها خبر من الحمام والقمري...
أهل البادية يتركون أحبابهم وأسرهم في الدَّمر ويتوغلون
في الجنوب، وتأتي اسراب الهرع والغمام الراحلة من الجنوب إلي الشمال،
فتسألها البدوية وهي مشتاقة كما سألت مغنيتك يا خالد الحمام ، فقالت البدوية تسأل الهرع الرَّاحل
"الهرَع الجيت من فجُرْ
دقشت آتو في البذُر
لقيت عبدول ود صقُر
وهاد كاكليت فوق بكُر
ماعندها الباب الأخدر يا خالد أخوي ، لكن عندها البيوت الممدودة طنائبها ،
ويالها حين تسدل سجافها ويرمين الكُجر رعابيب صاحب السماوة والنفوس متطايبة، يا ليل ياليل.....!
............................................
اي بالحيل أخوي العبيد
كانت عادة الشعراء ينتظرون هبة نسمة من جهة الحبيب
ينتظرون
الزاجل حمام
قمري
طير رهو
وكل الطيور تحمل لهم نفحة شوق وحنين من جهة المعشوق وسكن القليب
ويكفيك رائعة الجميل عليه رحمة الله صلاح أحمد إبراهيم
الطير المهاجر
بالله يا طير
قبل ماتشرب تمر
على بيت صغير
من بابو
من شباكو
بتلقى الحبيبة
بتشتغل منديل حرير
لحبيب بعيد
أقيف لديها
وبوس إيديها
بلغ سلامي ليها
وورد المرسال محمل للطير كثيراً في أشعارهم
بالله يا سرب الحمام
أنا يا حمام
لآمن تور دار ود قمر
بلغي بالشوق الكتير
حتى التراب
حتى النعاج الراقدة
فوق ضُل العصر
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كان الفراق بين الشاعرة الملكة بت حاج أحمد وبشير بادي
يوم الوداع في محطة شندي وكانت لم تنعم بعودة المياه لمجاريها
ورجوع الود بينها وبين بشير بادي بادي
فكانت البعثة العسكرية أن فرقت بينهم مرة أخرى لكن فراق غصباً عهما الأثنين
أمر عسكري عندما دعى داعي الجهاد سفر بشير بادي ليحارب مع أخوته المصريين
في عمق فلسطين سنة 1948
جلست في محطة شندي تنظر قدوم القطار محمل بالعسكر من البندر ( الخروطوم )
وجاء موعد القطار وفرق بين الأحباب وكانت فرقة كتبها الله للأبد
مات بشير بادي في تلك الحرب وقد شهد له زملائه المصريين وكان من ضمن أمرته
الرئيس جمال عبدالناصر وأنور السادات وغيرهم من الضباط الصغار المصريين
وقد شهدوا بشجاعته وإستبساله في تلك الحرب
رحمة الله على اليوزباشي بشير بادي
والقطار فرقنا
ليه القطار فرقنا
ربنا لينا يصون
كأنها تنعي حبيب العمر قبل موته والقلب يشعر ويحس بالفراق
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: واصل يا العشاء نحن معاك
ال..................
خالد اخوى انسى فوق وزركز فى فى النقط الكتيرة تلاقى ورهااااااااااااا دعوب بنت ستين فى سبعين
العربى لسانووووووووووو متبرى منه
ولو قاليك واصل العشاء بلبن كان اجمل |
أبوسنينة
والله مشتاقين
وينك يا رجل الغيبة
هل رمضان دخل العضام
أم ماذا يا حبيب
زولك ملك النقاط وانظر لمداختله الأخيرة يريد أن يرميني بتلك الصفة ويحرش فيني بكري
أبـ رويس
وزلك الأيام شغال حوليات ساكت شايل فكمو وحايم من فطور لي فطور ويفاقق مابدي زول معا فرصة نضمة
مو بياع حكي وكلام ودي مهنته هههههههههههه
يكرب العميمة ويقج حفيان ينسى مرات مركوبه
طبعاً مشتري لي مركوب نمر للمناسبات
يا أخي ما طول الغيبة أرقد عافية وتحياتنا للأسرة الكريمة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: واصل يا العشاء نحن معاك
ال..................
خالد اخوى انسى فوق وزركز فى فى النقط الكتيرة تلاقى ورهااااااااااااا دعوب بنت ستين فى سبعين
العربى لسانووووووووووو متبرى منه
ولو قاليك واصل العشاء بلبن كان اجمل |
أبوسنينة
والله مشتاقين
وينك يا رجل الغيبة
هل رمضان دخل العضام
أم ماذا يا حبيب
زولك ملك النقاط وانظر لمداختله الأخيرة يريد أن يرميني بتلك الصفة ويحرش فيني بكري
أبـ رويس
وزلك الأيام شغال حوليات ساكت شايل فكمو وحايم من فطور لي فطور ويفاقق مابدي زول معا فرصة نضمة
مو بياع حكي وكلام ودي مهنته هههههههههههه
يكرب العميمة ويقج حفيان ينسى مرات مركوبه
طبعاً مشتري لي مركوب نمر للمناسبات
يا أخي ما طول الغيبة أرقد عافية وتحياتنا للأسرة الكريمة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نأسف للتكرار
..........
بعد وفاة اليوزباشي بشير بادي
عمَّ الحزن كل الأسرة وكانت الزوجة أكثر تأثرا لفراق الحبيب
أنجبت له بنت واحدة أسمها سعاد سوف نعود لها
لكن يجب أن نوضح شئ للتاريخ
تزوج بشير بادي بأمر من الأسرة من بنت عمه الشيخ عبدالرحمن ( ست النساء ) وأنجبت له أيضاً بنت واحدة
أسمها بدرية بشير بادي
تزوجت زوجة المرحوم بشير بادي الملكة بت حاج احمد من شقيقه الأصغر ختم بادي وهو أساساً كان متزوج
لكن كانت عادة أهل البلد أن لاتترك مرأة شابة بعد موت زوجها دئماً يتزوجها أخيه لو كان له أخوان
وأنجبن بناته الأثنين سعاد بشير وبدرية بشير الكثير من البنات والبنين
وحكمة الله سمت كل منهما بشير أحياء لذكرى أبيها
بشير إبراهيم محمد بادي ( أبن سعاد بشير بادي لانه تزوجها أبن عمها إبراهيم محمد بادي )
بشير خليفة الخير خليفة ( ابن بدرية بشير بادي )
رحمة الله على الرجل بشير بادي
هناك خلط يجب أن يصحح
ذكر لي مرة في محادثة تلفونية بيني وبين الأخ النصري ألتقيته في منبر مكتبة الأغنية السودانية
أن عثمان الشفيع ذكر في لقاء أنه غنى مع بشير بادي
عثمان الشفيع عندما بدأ الغنا هواي غنى مع الفنان علي الأمين عمر
والثنائي سر الختم بادي وبادي الأمين
وسر الختم بادي هو شقيق بشير بادي
وكان بشير بادي نعم بغني لكن سبقهم بفترة وكان فقط يغني في جلسات مع الأصدقاء والأحباب
وكان صوته جميل
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نأسف للتكرار
..........
بعد وفاة اليوزباشي بشير بادي
عمَّ الحزن كل الأسرة وكانت الزوجة أكثر تأثرا لفراق الحبيب
أنجبت له بنت واحدة أسمها سعاد سوف نعود لها
لكن يجب أن نوضح شئ للتاريخ
تزوج بشير بادي بأمر من الأسرة من بنت عمه الشيخ عبدالرحمن ( ست النساء ) وأنجبت له أيضاً بنت واحدة
أسمها بدرية بشير بادي
تزوجت زوجة المرحوم بشير بادي الملكة بت حاج احمد من شقيقه الأصغر ختم بادي وهو أساساً كان متزوج
لكن كانت عادة أهل البلد أن لاتترك مرأة شابة بعد موت زوجها دئماً يتزوجها أخيه لو كان له أخوان
وأنجبن بناته الأثنين سعاد بشير وبدرية بشير الكثير من البنات والبنين
وحكمة الله سمت كل منهما بشير أحياء لذكرى أبيها
بشير إبراهيم محمد بادي ( أبن سعاد بشير بادي لانه تزوجها أبن عمها إبراهيم محمد بادي )
بشير خليفة الخير خليفة ( ابن بدرية بشير بادي )
رحمة الله على الرجل بشير بادي
هناك خلط يجب أن يصحح
ذكر لي مرة في محادثة تلفونية بيني وبين الأخ النصري ألتقيته في منبر مكتبة الأغنية السودانية
أن عثمان الشفيع ذكر في لقاء أنه غنى مع بشير بادي
عثمان الشفيع عندما بدأ الغنا هواي غنى مع الفنان علي الأمين عمر
والثنائي سر الختم بادي وبادي الأمين
وسر الختم بادي هو شقيق بشير بادي
وكان بشير بادي نعم بغني لكن سبقهم بفترة وكان فقط يغني في جلسات مع الأصدقاء والأحباب
وكان صوته جميل
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعود من تاني لأغاني أطرب بها الفنان عثمان الشفيع
وهي أغاني لصحت التسمية أغاني حقيبة
أغنية عازة وصالك للشاعر مصطفى بطران
أغنية في الضواحي للشاعر خليل فرح
وهناك أغنية ثالثة يا ناعس الأجفان للشاعر محمد بشير عتيق
كتب الأستاذ نادر كلمة طيب في حق مصطفى بطران والخليل فرح يجب أن نذكرها هنا
قال:
عاش خليل فرح في مدينة أم درمان وبحري والخرطوم إلا أن الشاعر مصطفى بطران عاش في مدينة الخرطوم بحري كل حياته
في الحلفاية أو حلفاية الملوك ..فكتب في حدائقها وجمالها وهام بحبها وحب حسانها النساء فقد كان عاشقاً ولهان
وكما كان شاعر الطبيعة وصف الطبيعة وصفاً دقيقا في أشعاره ..
كان رجل يتمتع بوسامة جذبت إليه قلوب الحسان لكنه أحب أمرأة واحدة في حياته وعشقها بصدق
كان مصطفى بطران تربطه صداقة ضاربة في العمق جزورا مع الشاعر خليل فرح وجمعت بينهما صفات متشابه كثيرا كما ذكرنا سايقاً
كانا يحضران منتدى دكان الشاعر أحمد حسن العمرابي
ونواصل بإذن الله
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قلنا كانا يحضران منتدى دكان الشاعر أحمد حسن العمرابي
في السوق العربي الخرطوم حيث كان يجتمع هناك الكثير من الشعراء
الشاعر العبادي
الشاعر ودالرضي
الشاعر خالد حسن
الفنان سرور
الفنان عبدالله الماحي
محمد الحسن عثمان منصور
أحمد سكر
المطبعجي
حسن غندور
عبدالقادر سليمان
وكان خليل فرح يطرب الجمع في جلساتهم بالعود طربا
ومعروف أن كرومة والأمين برهان كانا يصدحان بكل أشعار الخليل
وأما الفنان سرور قد تغنى بأشعار الشاعر مصطفى بطران
ماعدا أغنية دمعة الشوق التي لحنها سرور وتغنى بها الفنان كرومة
وأغنية عقلي إنشغل بهواك التي تغنى بها الفنان الأمين برهان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كلمات أغنية
ناعس الأجفان
الشاعر محمد بشير عتيق
يا ناعس الأحفان
أنا من صفاك مسحور
بالله إنتَّ ملاك
ولا من حِسان الحور
تذرف دموعي بحور
أقضي الليالي قيام
ما بين شوق وهيام
وأرعى النجوم في سحور
وفؤادي آه منحور
مقتول بغير سلاح
وأقول بكل صراح
سببي العيون الحور
فيك الكمال محصور
أكظمت كُل حسود
وحُسنك مقامو يسود
على كُل جيل في عصور
وطرفك لحاظو تريع
أسداً شُجاع وهصور
ليك نفرة الغزلان
مع جبرة الفرسان
في هيبة المنصور
أهيف رشيق متبور
تتهادى تيه ودلال
مابين غُرف وظلال
نعمة وترف وحبور
سهمك علي مبهور
أيه ذنبي غير هواك
أنا يا جميل بهواك
من قلبي ما مجبور
يا ناعس الأجفان
يا البي العفاف مشهور
ندك عبير فياح
وقوامك المياح
أينع ثمر وزهور
بي حبي دمعي جهور
أنا في دُجاك يا ليل
نجمك بقى لي خليل
فارقت نومي دهور
ياناعس الأجفان
أنا لي زمن مأسور
هجراني ما هماك
يا اللي قاسي لِماك
من طول جفاك مسحور
وحياة خديدك وجيدك
وطريفك المكسور
أنا شعري مابوفيك
مهما أبالغ فيك
منظومي المنثور
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: زولك دا هجام بقى زي محمد حسنين هيكل اي شئ هو حاضرو وقال وقالو لي
يعني بالصح والكضب هو حاضر كل شئ
والله زولك دا يحير عمرو 90 سنة وحاضر البديهة
اظنو بشرب ال ....... كل صباح زى رئيس وزراء الهند الحكيت ليكم عنو |
هههههههههههههههههههههه
السنون لحقت الرقدوا
الحاجة واقفة في صف السكر بتاع الدكان قال ليها يا حاجة السكر دا عندك لي سنون
قالت يا ولدي كان .......
هههههههههههههههههه
وضاحة بتمرق ساكت من النقط دي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: زولك دا هجام بقى زي محمد حسنين هيكل اي شئ هو حاضرو وقال وقالو لي
يعني بالصح والكضب هو حاضر كل شئ
والله زولك دا يحير عمرو 90 سنة وحاضر البديهة
اظنو بشرب ال ....... كل صباح زى رئيس وزراء الهند الحكيت ليكم عنو |
هههههههههههههههههههههه
السنون لحقت الرقدوا
الحاجة واقفة في صف السكر بتاع الدكان قال ليها يا حاجة السكر دا عندك لي سنون
قالت يا ولدي كان .......
هههههههههههههههههه
وضاحة بتمرق ساكت من النقط دي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبدالعزيز عثمان)
|
هههههههههههههههههههههه السنون لحقت الرقدوا
الحاجة واقفة في صف السكر بتاع الدكان قال ليها يا حاجة السكر دا عندك لي سنون قالت يا ولدي كان .......
هههههههههههههههههه وضاحة بتمرق ساكت من النقط دي
قلت لى المسنوحة ضاعت فى الطاسة
ما قلت ليك العريبى دير بالك على النقاط تحت دواهى
والله اســـــــــــــــــــــــــــــــــــــــــــــــــــــــــــــــــــــــــــــــــــــــــــــتمتاع ما بعدة
واصــــــــــــــــــــــــــــــــــــــــــــــــــــل مواصلين معاك يا مك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: استاذ خالد رمضان كريم...
احييك علي هذا البوست النبيل...
الشفيع رحمه الله كان من من شكل وجداننا...
ولا زالت ذكرياته الصادقه والجميله تثير حنيننا للضواحي وجمالها،ولقطار
الاشواق حين يمر بحلتنا فنتفقد حبيبته التي غناها...
شكرا لفتح نوافذ ازمنة المحبة والصفاء.. |
اخي عبدالعزيز نعم لقد شكلا الشاعر القرشي وعثمان الشفيع
بعض وكل وجدان الشعب الشعب السوداني بالطرب الجميل قولا وإنشادا
وفي القطار شوق نتظره دوماً
وفي الرصيف مستني
وفي الثواني بحاسب ... وأعد منظر وصوله لرؤية المحبوب
إمتى يظهر نورو
الليهو ديمة مراقب
إلى حين وقت دخول القطار
الأشرجي تراهو
لي الإشارة أداهو
نزلو سمفورو
لي مرورو براهو
وهي لحظات تتسارع فيها ضربات القلب وانت منتظر قدوم القطار يحمل قلبك وفؤادك بداخله
رحمة الله على على المبدعين الشفيع والقرشي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: هههههههههههههههههههههه السنون لحقت الرقدوا
الحاجة واقفة في صف السكر بتاع الدكان قال ليها يا حاجة السكر دا عندك لي سنون قالت يا ولدي كان .......
هههههههههههههههههه وضاحة بتمرق ساكت من النقط دي
قلت لى المسنوحة ضاعت فى الطاسة
ما قلت ليك العريبى دير بالك على النقاط تحت دواهى
والله اســــــــــــــــــــــــــــــتمتاع ما بعدة
واصـــــــــــــــــــــل مواصلين معاك يا مك |
ما تشوفو عامل فيها مفتح وتفتيحة
والله أغرقو ليك في موية فريدة بيبسي عرريب ومشدوه البندر
كان دايرو يجري قدامك بس قول لي الدكتور الهندي جاك
بخت عراقي في خشمو وبجري قدامك وعرقو يخر
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: ههههههههههههههههههههها مسنووووووووووووووووووح
كمان القراحين الزمااااااااااااااااااااااان
ات يا اب احمد ناس البوف الزمان بنطلع ليهم العناقريب عشان يرشو المرقوت فاتوا وين؟ |
هههههههههههههههه
والله ضحكتني ضحك يا ود شيقوق الله يخليك
القراحين
وعمال الرش من الحشرات
ورش الجمكسين
وواحد بي قزازتو لافي كل يوم يرش في البالوعات
كل جميل وصحي راح مع القمل
تعرف ابوي الله يدي العافية كان شقي في صغره
قال لي كنا نلبس أردية ( الرداء يا وضاحة شورت بالسوداني ) ونمشي في الخلا نقول لي عرب الخلا نحن ناس القراحة
ونوقفهم صف شايلين فتيل بانسلين فيه ( بولنا ) وموس مجرهم كلهم وبي قطنة نعمل ليهم البول ههههههههههه
شقاوة جهل
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قد ذكر الموثق والمهتم بالفن عوض أحمدان في حلقة سجلت في قناة أم درمان
أن الشفيع غنى للشاعر محمد عوض الكريم القرشي قبل أن يلتقيه وكان ذلك عن
طريق أبناء شندي في الأبيض أن حملوا له شعراً من القرشي تغنى به في شندي قبل
أن يحضر للبندر ( العاصمة حتى )
وكذلك للعلم فقط أن الشاعر محمد عوض الكريم القرشي لم يزر مدينة شندي حبيبة
الشفيع في حياته كان قد عقد النية لحضور زواج الفنان عثمان الشفيع لكن حمام
الموت لم يمهله وتوفى في يوم حنة زواج عثمان الشفيع عليهما رحمة الله
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قال الأستاذ حسين خوجلي
أنه حضر حفل زواج يوماً في حي الموردة وكان الفنان اللذي يحي الحفل
الفنان زيدان إبراهيم عليه رحمة الله
وعندما طلع للمسرح ذلك الشاب النحيل وأعتلى صدر الأوكسترا تقدم بكلمات
للحضور وقال فيها
أنا اليوم ما حا أغني اية غنية بتاعتي سوف أطرب أذانكم بفن جميل أصيل
وبدأ الغنا بأغاني الشفيع وأكمل ثلاثة فواصل كاملة وكل واحد فيها كان أجمل من سابقه
وأمتع الحضور بالإبداع في فن الجميل عثمان الشفيع
عليهما رحمة الله
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
تحدث الأستاذ عوض أحمدان عن الشاعر محمد عوض الكريم القرشي وأجاد في سرد سيرته
قال
كان عازف ماهر للعود
كان له صوت شجي جميل يطربك به حين يغرد بأحد أغانيه أو أغاني الفنان أحمد المصطفى اللذي كان يحبه كثيرا
كان شاعر متفرد في طريقة شعره نظما ويمتاز بطريقة إلقاء تجذبك للإستماع له من الألف للياء عندما يلقي
قصيدته .....
وقاص يروي القصص ويشدك إلية تسمع في سرور ودون مقاطعة
ما جلس في مجلس إلا كان محط كل الحاضرين
كان مناضل شارك في موتمر الخريجين وكان سكرتيره في الأبيض كما كان يرأس سكرتارية نادي الأعمال الحرة
وكان رجل تجده في نشاط أحتماعي .. سياسي .. فني .. وادبي فهو حاضر وبقوة
وكان رجل كريم وقد أنعم الله عليه من النعم وكان ينفق في حق الله وحق اصدقائه الكثير أنفاق من لا يعرف الخوف
من الفقر
كان مثقف مستنير باهي في طلعته وسيم يمشي الهوينة وكم هوته الحسان لجمال طلعته
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
كيف مافي؟ شن جاب حد شادين ليهو الرسن كلما يقول يتشابي بجرو رسنو مع حد مطلوق اتجدع في صقيعة اب على وحسان دي ؟
الصحيح حدا رامين طوبتووووو عشان لقووة عديم فائدة وجود وعدم وجود واحد
بالعربى كسرة بموية لا تغلت عليك ولا توس خ يديك هههههههههههه
وشوفى يا عريبى تطول لسانك البردانة ما بتدخلها الا بخطاب موقع ومختوم ومن ودالمنسى
.
او تجى المسنوحة ناطة هناااااااااااااا تتوسط ليك
ههههههههههههههههههههههههههههههههههههههههههههههههه
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: وضاحة)
|
| Quote: انتوا ما صايمين الصيام ال ........ |
وحتى أنت يا بروطسة صرتي تنقطي
قادر الله الخلق ود باشري
ايوا يا وضاحتنا صايمين وبنصوم 29 يوم ومرات بنكمل عدة الشهر ثلاثين يوما ايش رأيك
غايتو ود شيقوق دا قبل رمضانين فطر لي يومين ( لقاء مع الطبيب الهندي )
لكن قضاهم وصام في محلهم 4 أيام شنو ليك مو كريم
معليش يا شيقا وود ابوسنينة رديت علي الملكة أولاً عجبتني نقطها الله يجازي الجاب النقط
ود شيقوق قال أنت بردانة صح ؟
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: Quote: فى حد احسن من حد
كيف مافي؟ شن جاب حد شادين ليهو الرسن كلما يقول يتشابي بجرو رسنو
مع حد مطلوق اتجدع في صقيعة اب على وحسان دي ؟ |
على قول سماح شقشقا
وعلي قول وضاحة شيقا
وعلى قول الرطاني أبوبكر سيد أحمد ربنا يطرى بالخير العرررريب
وعلي وقول ود الفاضلابي مرفعين الدندر
وعلى القول اللذي أجمع عليه خلق الله في المنبر المسنوح
وعلي قولي أنا مقطوع الطاري
بتتجاسر علي أبوسنينة بدهدّو
أرعى بقيد يا عررريب
رسنو فوق عديلو ورسناً حرير بارد في مسك الأيد
وكان قلتا الشدة عليها فروة يا تويجري يا مرعيد
بتعرف الفروة التويجري والفروةالمرعيد
سأل منهما ود المقدم العبيد ود الطيب وأما تتبع قول ود حاج الماحي في وصف الجمل ( البعير )
دحين يا اللخو أبعد بعيد من ود أبو سنينة البرشو بي الموية بنرشو بـ .........
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: كيف مافي؟ شن جاب حد شادين ليهو الرسن كلما يقول يتشابي بجرو رسنو مع حد مطلوق اتجدع في صقيعة اب على وحسان دي ؟
الصحيح حدا رامين طوبتووووو عشان لقووة عديم فائدة وجود وعدم وجود واحد
بالعربى كسرة بموية لا تغلت عليك ولا توس خ يديك هههههههههههه
وشوفى يا عريبى تطول لسانك البردانة ما بتدخلها الا بخطاب موقع ومختوم ومن ودالمنسى
.
او تجى المسنوحة ناطة هناااااااااااااا تتوسط ليك
ههههههههههههههههههههههههههههههههههههههههههههههههه |
ود أبوسنينة الجميل يا حلو
من ناحية رمي طربتو ( ما ظنيت ) تصدق أم عبدالله لو وضعوا العالم في كفة وشيقا في كفة بتجري لكفة
شقشقا وغرال ونافر في عينها دا أبوعبدالله
حليل أيامو أيام كان عندو لاندروفر ويساسق بين سنجة والبردانة
وفي ضُل لبخة كبيرة يستريح ( اتجاه ربوه هُندا ) يطالع قطية هُندا التي ذكرها العبادي في قصيدته
سايق الفيات الشهيرة
يروي الحلق من ظمأ الحراية ويروي ظمأ اللاندروفر لما تطفح الموية من اللديتر وتدفق تروي ظل اللبخة وهو يطالع
القطية ويجتر كل حرف ....
كل كلمة بالدرب التحت تجاه ربوع هُندا
وما نفرن تقول سايق الكلام إلفة
عطشان قتا ليهن قالن بدون كُلفة
تشرب بي كفوفنا لما تتكفى
يا سايق الفيات ويشرب هو يشرّب سيارته اللاندروفر ويختر متجه للبردانة بعد عناء يوم في محاكم
سنجة صوتو إنقرش من النبيح شي كضب وشي صح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كرم وجود الشاعر محمد عوض الكريم القرشي كانت تتحدث الركب
ضباح وسكينو دايماً حمرا
وبكفي ضيفانو شية ومرارة
قيل أن القرشي عندما يحضر للبندر كان يكرم اصدقائه في الخرطوم في بلدهم
وحكى الموسوعة علي المك عنه كثيراً
قال ذات مرة
كانت له علاقة قوية مع الفنان الكابلي
ذات مرة سمع الكابلي أن القرشي في الخرطوم
ذهب للفنان عبدالعزيز محمد وقال له سمعت أن الشاعر القرشي هنا في الخرطوم وأنت تعلم كيف يكرمنا الرجل
عندما نذهب للأبيض يضح لنا صباح ومساء طيلة أقامتنا في الأبيض ولو أقمنا فيها شهورا لايفتر هو وتمل بهائهم
تنتظر قدرها المحتوم في حضورنا
ذهب الكابلي وأبو داؤود لزريبة البهائم قرب الحلفاية ليشترياخروف يكرما به القرشي
وكان ابوداؤود ذو معرفة بحسن الخراف يجسها
قال الكابلي كان ابوداؤود كلما يريد أن يجس خروف يجفل الخروف جاري منه
سأله الكابلي يا ابوداؤود الخراف دي مالها بتجري منك
رد أبو داؤود بتخاف مني
كلهم يا أكلت ابوه او اخوه أو والدته هههههه
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
عداد الأغاني في الإذاعة
قال الباحث عوض أحمدان
ذات مرة دعى الأستاذ الإعلامي الكبير عثمان شفيع لمكته في الإذاعة
وأخبره أن إيراد أغاني الشاعر عوض الكريم القرشي صار مبلغاً ضخم
ومفروض أن يخبر القرشي أن يحضر لمباني الإذاعة أو يكتب توكيل لك
لصرف المبلغ .. قال عثمان الشفيع عندما ألتقيت القرشي أخبرته بالموضوع
زعل القرشي زعلاًن وقال لعثمان الشفيع أن ما كتبت الشعر ليكونمصدر رزقاً لي
ولم يستلم هذا المبلغ
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كأنت علاقات ود القرشي واسعة في كل من الأبيض .. مدني .. الحصاحيصا ورفاعة
والخروطوم أينما ما حلَّ أجتمع الناس حوله .. في حضرته تنهل من الشعر .. الأدب
وتسمع حلو النغم .. وكان يمتلك ملكة في إدارة الحوار والحديث الحلو المفيد
ومن أصدقائه المقربين في البندر
البروف علي المك
الأستاذ علي شمو
السيد محمد أحمد المحجوب
مبارك زروق
الشاعر سيد عبد العزيز
الفنان عبدالكريم الكابلي
الفنان عبدالعزيز داؤود
الفنان عثمان الشفيع
وغيرهم كُثر
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
أغنية حنتوب الجميلة
كانوا في رحلة لمدني وهم داخلين علي مدني رؤوا لفاتة مكتوب عليها حنتوب
وهاجت قريحة الشاعر القرشي وكتب الأبيات في حنتوب واللحن جاء بإحاء من الشفيع
وأول من غنى هذه الأغنية هو الفنان عثمان الشفيع وبعدها تغنى بها الفنان الخير
وفي تلك الحقبة كانتروح المحبة بين أهل الفن كبيرة لم يزعل الشفيع في هذا بل كان
من المشجعين للفنان الخير أن يغني هذه الأغنية ويسجلها للإذاعة بصوته
ونفس الموقف كان بين الشفيع الفنان عثمان حسين في أغنية حملها القرشي وأعطاها
للفنان عثمان حسين وقال له عثمان حسين هذه الأغيةتصلح أن يسجلهاالشفيع بصوته
وفعلاً كان وتلك كانت الروح محبة وأخاء ومودة بين أهل الفن في تلك الحقبة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
دعاء رجل عثمان الشفيع أن يغني يكون المغني يوم حفل زواجه ( في الحصاحيصا )
وفعلا جمع الفنان عثمان الشفيع بعض من العازفين وشدوا الرحال لمدينة الحصاحيصا
واطربوا الجمع يوم الحنة حفل جميل وبعدما أنتهى الحفل هم الفنان عثمان الشفيع
ورفاقه أن يرحلوا عائدين للعاصمة لكن العريس أصر أن يبقوا ويغنوا في حفل الدُخلة
وفعلاً كان وبعدها أصرَّ أن تكون الصبحية وبعد اليوم الثالث وهم عائدون دس العريس مظروف به مال
في جيب عثمان الشفيع
يقول الشفيع لم أفتح المظروف وأرى ما بداخله إلا لما وصلت البيت ووجدت به مال نقص مبلغ فقط 18 جنيه
من المبالغ التي صرفت في تلك الرحلة يقول وأكملتها من جيبي وهكذا كان الحال بيننا الفنانين
نغني من أجل الفن الطرب في ذلك الزمان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
حقبة من حياة الشفيع
كتب عنها الأستاذ نادر
أنه فترة أتسمت أن يردد الفنان في بداية حياته الفنية أغاني الحقيبة
وعثمان الشفيع كان مثل غيره من رفاقه اللذين سبقوه وجاءوا بعده إنطرب لفن الحقيبة
وأطرب به ... بدأ عثمان في شندي يغني الكثير من أغاني الحقيبة وكان يركز على بعض
الأغاني ( اغاني الخليل ومصطفى بطران وكما تغنى بأغنية عتيق نعاس الأجفان )
كانت له جلسات طرب في شندي قبل أن يحضر للعاصمة .. علمه وساعده لتعلم العزف على العود
صديقه الزين بابكر الشفيع اللذي كان يعمل قسم الزراعة في شندي التابع لوزارة الزراعة
لكن بداية تعلمه العزف على العود كان على يد عوض عثمان مدني اللذي هاجر للدراسة
في القاهرة تعلم منه الأسس الأولية في العزف على العود
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الاستاذ نادر
كانت نشأة الفنان عثمان الشفيع نشأة دينية حال غيره من الشباب في ذلك الزمان
درس في خلوة الشيخ ( حاج جابر ) ثم المدرسة الأولية وتركها بعد ذلك ليصبح مادحاً مشهوراً
من مداح الطريقة الختمية وهذا الذي دفعه للفن وكذلك صوته الجميل الندي
إمتهن الخياطة وبدأ بخياطة الملابس البلدية وثم طورها وأصبح خياط ملابس أفرنجية مع صاحبيه
صالح شيخ العرب والهادي الياس
وكانوا يتنافسون في ترديد الأغنيات التي كانت تردد في الساحة الفنية والحفلات والمناسبات
.........................
تعقيب على حديث الأستاذ نادر
في شندي كانت هناك خلاوي للتعليم مشهورة
خلوة الفكي يوسف التي درس فيها من بعده أبنائه الفكي محمد والفكي الامين ( مربع تمانية )
في مسجدهم المعروف ليومنا هذا
وخلوة حاج أحمد الفلاتي ( في مربع تسعة )
والمدرسة الأولية الكانت موجودة في شندي في ذلك الزمان هي مدرسة الشيخ خلف الله وهو ناظرها
لم أسمع بخلوة الحاج جابر
قد تكون هناك خلوة بهذا الأسم لكن ما أظن انها كانت في مربع 8 شندي فوق
وعثمان الشفيع من أبناء مربع 8 شندي فوق
لماذا لم يدرس في خلوة الفكي يوسف ؟
لم يكن عثمان الشفيع مادح بعنى كلمة مادح
لكن بحكم أن غالبية أهل شندي كانوا يتبعون للطريقة الختمية كان الشباب وبالذات الأصواتهم جميلة
يكونوا ضمن المنشدين للإنشاد بتاع الختمية في الشباب
ومعروف شباب الختمية وقد أنشد فيه الكثيرين من أبناء شندي بالذات اللذين كانت أصواتهم جميلة
مثال أنشد فيه الفنان والمنشد المعروف عباس صبحي
والد الدكتور حسن عباس صبحي عليهما رحمة الله
وانشد فيه التاج إبراهيم
النعيم عجوبة
أنشد فيه الفنان علي الامين
أنشد فيه الفنان الزين محمد الزين
وأنشد فيه الكثيرين من أبناء شندي وليومنا هذا لكنلم تطلق صفة مادح لواحد منهم
وهناك قصة طريفة
حضر رجل ليس من أهل شندي حفل أحياه الفنان عباس صبحي وكان صوته جميل
واعجب ذلك الرجل بصوت عباس صبحي
وفي صباح اليوم الثاني صادف أن كانت وفاة مرأة فذهب نفس الرجل للمقابر لتشيع الجُثمان
فوجد عباس صبحي جالس على القبر يقرأ ( براق الختيمة بصوته الجميل ) فقال له الله يديك العافية
ترقصهن في الحياة وترقصهن بعد الممات
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الأستاذ نادر
محمد عوض الكريم القرشي من عادته أن يكتب النص الشعري أولاً ثم يضع له
اللحن ...
وكان بعض الشعراء يسمعون اللحن ويضعون النص الشعري مجاراة للحن
ولا أدري أيهما أفضل ؟
اغلبية التجارب في الأغاني أنه نص ثم يوضع اللحن
ولكن كانت هناك تجارب وخير مثال ناجح أغنية ( داك الصباح .. أهو لاح )
وكانت في جلسة جمعت الشاعر عبدالمنعم عبد الحي الموسيقار برعي في مصر
وفي جلستهم سرح الأستاذ برعي مع العود وبدأ في عزف لحن ساله عبد المنعم عبدالحي
ماهذا اللحن يا أستاذ برعي
رد عليه هذا لحناً يوحي لي الصباح وعملته للصباح
تناول الشاعر عبدالمنعم عبد الحي وريقة وكتب عليها ابيات وأعاطها للشفيع قرأها ثم طلب من برعي أن
يعيد اللحن عزفاً وكان ميلاد أغنية جاك الصباح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
لى قول سماح شقشقا وعلي قول وضاحة شيقا وعلى قول الرطاني أبوبكر سيد أحمد ربنا يطرى بالخير العرررريب وعلي وقول ود الفاضلابي مرفعين الدندر وعلى القول اللذي أجمع عليه خلق الله في المنبر المسنوح وعلي قولي أنا مقطوع الطاري بتتجاسر علي أبوسنينة بدهدّو أرعى بقيد يا عررريب رسنو فوق عديلو ورسناً حرير بارد في مسك الأيد وكان قلتا الشدة عليها فروة يا تويجري يا مرعيد بتعرف الفروة التويجري والفروةالمرعيد سأل منهما ود المقدم العبيد ود الطيب وأما تتبع قول ود حاج الماحي في وصف الجمل ( البعير ) دحين يا اللخو أبعد بعيد من ود أبو سنينة البرشو بي الموية بنرشو بـ .........
الله يخليك يا حبيبنا المك
اوفيت وكفيت كتر خيرك كثير
العرررروب قام ليهم شوك
العنكوليب التقيف فى ................. يغلبك النضمى
المسنوحة بدات تنقط .....................سبحان الله غايتو الله يجازى بالخير الجاب النقاط
هههههههههههههههههههههههههههههههه سكن العضم تب
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
الله يخليك يا حبيبنا المك
Quote: اوفيت وكفيت كتر خيرك كثير
العرررروب قام ليهم شوك
العنكوليب التقيف فى ................. يغلبك النضمى
المسنوحة بدات تنقط .....................سبحان الله غايتو الله يجازى بالخير الجاب النقاط
هههههههههههههههههههههههههههههههه سكن العضم تب |
تعرف يا أبوسنينة أنا من أول يوم رمضانبدخل في العضم
خوك نحيف زي ولدي دا 50 كليو المسنوحة أتقل مني في الميزان
مرة مصرية سمينة شديد شافت صديقنا نحيف وقصير طلع الميزان .. المصرية حب استطلاع لازم تعرف السودان السغير دا كم كيلو
وهي لوري هينو ماشاء الله
صاحبنا وزنه كان 45 كيلو قالت المصرية ( يا حبيبي ياعصفور )
أبوسنينة تعال عيد معاي في البلد دي عيدنا حلو كتير واكيد بعجبك بعمل برنامج ما يخلص
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: ان شاء الله بنعمل المستحيل عشان نجى وربك يسهل الامور
بس خالد حبيبنا سوى ليك كم كيلو للزمن وخت فى بالك لا محال انك بتمشى السودان الكيلوات
دى بتنفعك الله يقدرك على شيلها
ما تخليك مسلول زى المسنوح فرت ملاريا تخلية فك صوف على مسقط التقول قايلها البردانه |
ها زول ها انا ولدي رهيفين في الجسم لكن دم 100% والحمد لله
العرريب لا دم ولا لحم
ديل ربع كيلو اللحم بشدو بي خمسة حلل ينزلو في الحلة وينشلو لي بكرة شمومة مدمن اللحم في حلتم
عليك أمان الله الملاريا في البلد بنركز ليها زي بطانا نشيلا ونمشي حوفا سااااكت
تسلم يا الجميل وبك تكتمل فرحتنا وأعيادنا
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قول الاستاذ نادر
أغلب أغاني الشاعر القرشي اغاني عاطفية تصويريه خرج في القليل من القصائد
ومثال لذلك أغنية أو قصيدة البان جديد
قال
ذهب وفد من طلبة مدرسة خور طقت ودعوا الشاعر القرشي للذهاب معهم لرحلة في البان جديد
خارج مدينة الأبيض وقرية البان جديد واحة غناء من أشجار التبلدي قامت مصلحة السجون بتشيد الحدائق
فيها فصارت جنة من جنان الأرض ومن المعالم الرئيسية التي يزورها الزوار القادمين إلى مدينة الأبيض
تأثر الشاعر بهذه المناظر الخلابة وسطر في ذلك اليوم ذاك التأثير في رائعته البان جديد
البان جديد
الشاعر محمد عوض الكريم القرشي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الأستاذ نادر في الشاغل الافكار
تعرف الشاعر محمد عوض الكريم القرشي في زيارته للبان جديد على بعض من الطلبة في مدرسة خور طقت
وإمتدت هذه المعرفة وفي زيارة له للعاصمة كان بعضهم أنتقل للدراسة في كلية الخرطوم الجامعية
التي أصبحت فيما بعد جامعة الخرطوم
أوحت له هذه الزيارة بداية لكتابات جديدة في النصوص الشعرية جسد فيها علاقاته الاجتماعية وصورها
أحسن تصوير ...
والتقى في زيارته تلك بموسيقين ونقاد فنيين منحوه بعض الأفكار الجديدة التي صارت نواة لنمط جديد
سماه النقاد بأغنيات ( الارباب ) جمع رب لو صح صيغة الجمع هذه
رب الجمال
رب الشعور
رب الفن
رب السعادة
إله فني
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وألتقى القرشي في زيارته تلك الكثيرين
ومن بينهم رجل كان يعمل في صمت وكان لقائه معه سبب في اللحان الجديد النمط الجديد
من أغاني القرشي
أغنيات الارباب
هو الموسيقار صالح إبراهيم العبد
والكثيرين لا يعرفون هذا الرجل اللذي كان يعمل في صمت من داخل صالونه الخاص في منزله بالخرطوم
الموسيقي صالح إبراهيم العبد كان
من كبار الموظفين في مصلحة سجلات الأراضي
ثم عمل في البنوك جتى صار مديراً لبنك في أثيوبيا وعاش هناك في الجارة الحبيبة إلى أن توفى
لرحمة مولاه عليه رحمة الله .....
كان صالح إبراهيم شخص يعمل في صمت وكانت له أسهامات كبيرة في فن وأغاني الفنان حسن عطية
وحسن سليمان ( الهاوي ) وأحمد المصطفى
كان زميلاً وصديقاً للشاعر أحمد إبراهيم الطاش حيث عملا سوياً في سجلات الأراضي
كان له منتدى كبير وتردد عليه ( المنتدى صالح العبد ) الشاعر محمد عوض الكريم القرشي
وأستمع له الموسيقي صالح وسمع الكثير من ألحانه التي كان يعرضها عليه وصحح له الكثير
وكان صالح من العازفين المهرة لألة العود
أستمع الموسيقي صالح إبراهيم العبد لأغنية ( رب الجمال ) التي كان قد كتبها القرشي
وساعده كثيراً في تصحيح اللحن
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: فتلتا البوست خليتو ماشي زي نعاج ( جبل أم علي )
هههههههههههههههههههههههههها مسنوووووووووووووووووووووووووح |
وفي الرصيف مستني
ولي الثواني بحاسب
إمتى يظهر ؟
الليهو ديمة براغب
والأشرجي تراهو
لي الإشارة أداهو
نزلزا سمفورو
لي مرورو براهو
وإنت فتلت السمفور والرصيف وخليتنا في الشاطئ يا حبان
ونقول يا حليل ربوع شندي
بلد الجمال عندي
الفيها إطرق لساني
لمناكفة شيقوق وحدي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبدالعزيز الفاضلابى)
|
Quote: عماً لينا مشي الخرطوم يزور اخوه
اخوه ساكن جنب المرحوم الشفيع
جات بنية ماشة ـ قالوا لي عمنا دي بنية الشفيع.
قال لهم ماعندو غيرها قالوا ليهو لا بس هي.
قال لهم مسكين الايد مي واحدة. |
تزوج الفنان عثمان الشفيع مرتين
كان زواجه الأول من بنت حسين أبو رأس من أهل شندي
لم يرزقه الله منها الجنى
تبنى في بنت أخته وتمسك بها كبنت له حتى توفى وكان يحبها حباً كبير
ثم تزوج من كسلا زوجته الثانية وولدت له بنتان
هما دكتورة ذكريات الكبرى
والباشمهندسة معزة التي سماها على اسم والدته معزة
تحياتي يا فاضلابي
وكل سنة وانت يب وعيدك مبارك مقدماً
| |
|
|
|
|
|
|
| |
خالد علي محجوب المنسي
الطيب شيقوق
عبيد الطيب
Yousif A Abusinina
عبدالعزيز عثمان
وضاحة
عبدالعزيز الفاضلابى
فيس بوك
تويتر
انستقرام
يوتيوب
بنتيريست