|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكتب الاستاذ نادر يقول عن فرقة الاستاذ الفنان عثمان الشفيع
قال : أستطاع عثمان الشفيع أن يكون أوركسترا موسيقية لعبت دوراً كبير في أخراج هذه الأغاني بصورة أرضت حضوره ومستمعيه ولابد من ذكر افراد تلك الفرقة الموسيقية ... على ألة الكمان .... حسن الخواض بدر التهامي أحمد حامد النقر بشير عمر عازف ايقاع خميس جوهر .. الذي جاء مع عثمان الشفيع من قاهرة المعز كان يعيش هناك وهو أول من عزف ايقاع البنقز في السودان البنقز بمفهومه المعروف ( بنقز ) لم يكن موجود في صحبة الموسيقى السودانية وكان أول من أدخله عثمان الشفيع في الفرقة الموسيقية كألة ايقاع مع الطبل
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
سكنت كل الفرقة ومعهم عثمان الشفيع بشارع العرضة في أم درمان بجوار مسجد الملك فيصل الحالي وكان هذا المنزل بمثابة ورشة عمل موسيقية علىإنسجام تام وفي هذه الفترة كان الفنان عثمان الشفيع يعمل كسائق عربة أجرة ( تاكسي ) أشتراها يكسب منها قوته اليومي ويستخدمها في ترحيل الفرقة الموسيقية لبيوت الأفراح والحفلات العامة المستمع لأغاني الشفيع في تلك الفترة يجد أنها أتصفت بطريقة عزف موسيقية متميزة ونفس هذه الفرقة عزفت كل أغاني الفنانة مهلة العبادية ( زوجة الموسيقار أحمد حامد النقر ) وكذلك أغاني الفنانة فاطمة الحاج وبعض المطربين الأخرين
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: يامك جهجهة باكاتنا اتزوج بعد ماتوفي ولا كيف؟ الشفيع ده يامك حاجة يونيك علي قولة الخواجات فوق الغُنا ضكارةً ... وماعندو غنية تستبعدا من المتعة. |
ههههههههههههههه يا فاضلابي ما أنا الجهجهت أفكارك وباكاتك دا رمضان ياسيدي تزوج الشفيع مرتين زواجه الأول لم تلد زوجته فتبنى أبنه اخته افتكر وعاشت معه وحتى بعدما تزوج مرة ثانية أم بناته الاتنين من صلبه ذكريات ومعزة هما بنتاه من صلبه وبنت أخته تبناها قبل زواجه الثاني يا فاضلابي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ويواصل استاذ نادر يزيد الحكي حلاوة ونغماً مع أنغام فرقة الشفيع الموسيقية أكسبت هذه الفرقة الموسيقية شخصية الفنان الشفيع صبغة جديدة كان الشفيع يمتميز على بقية الفنان أنه كان يغني مع فرقة حفظت كل ألحانه وتعزف أغانيه بطريقة متقنة وجيدة ... وفيها تفرد الشفيع بتناغم وإنسجام بين الكورس والموسيقى ( وكما ذكرنا أن الشفيع كان يحب ترديد الكورس في أغانيه ) وقد غير الفنان الشفيع الكورس الرجال بكورس نسائي في كل أغنيات الشاعر عبدالمنعم عبد الحي
ايامنا أنساني داك الصباح وغيرها ............................. فكانت الجمال والمتعة في اللحن الكلمة والأداء سوياً لذا صمدت كل أغاني الشفيع عبر العصور وما زلنا نرددها ونسمعها ونجد فيها انها متجددة
كأنه بث فيها نبض دمه وعثمان كان رجل كريم وحنين وصديق لكل من عرفه وتبقى أغانيه كما بقى هو في روح كل من عرفه
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ونتابع مع أستاذ نادر
قال : كان الشاعر مجمد عوض الكريم القرشي والفنان عثمان الشفيع كثيرا التردد على مقهى جورج مشرقي وكان جورج صديقاً حميماً للشاعر القرشي يفرح ويبتهج لحضوره لأم درمان وزيارته في المقهى وكان ذاك المقهى عامراً بأهل الفن السياسة في ذلك الزمن الجميل وكانت تعرف بسوق الموية لأن الخواجة جورج كان يملأ جرادل بالماء الثلج ( موية باردة ) لكل الرواد مجاناً وكذلك كان رواد سينما برمبل يحظون بماء بارد يبل عروق دمهم وهم خارجين من الدور الأول أو الدور الثاني فصبغ عليها اسم سوق الموية وزادها شهرة فوق شهرتها بروادها البارزين
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
te: دحين اب سنينة الكوج وين فات؟ شايف الفاضلابي معاك - كان في محلك بطردو طوالي ومحل رهيفة تنقد بقى يصوم ويفطر ابوسنينة علي محادثة يومياً من وداحـــــة في بردها وصقيعها بعدين يا سجم الفاضلابي لما تجيب سيرتو قول السيد الفاضلابي دا زولاً فينا كبير وما تتعدى حدودك يا مرفعين الدندر على التسماح الأتبراوي ( ستيت )
عيييييييييييييييك مالي ايدك بالفاضلابي - خم وصر اناااااااااااااااااااااااااااااا هنا يا سجم الرماد اها المك حاكل كراعوا وبالمرصاد ليك يا عريبى
والفاضلابى حافى يا مسنوح اسمع كلام المك ونفذ يا عريبى قبل الحعليين ما يقوموا فيك الحد هههههههههههههههههههههههههههههه
يا اهلنا ويا حبيبنا السموحة والعفو والعافية
اليوم على قوم غريبة القريب الاطوار والمقالات نفقاركم شيالين مكة ان شاء الله وبنعمل لينا عمره و العيد مع سيدى المصطفى على افضل السلام دعواتكم لينا بالسلامة
النية كانت على بلاد ود المنسى لكن الله غالب والقدم ليه رافع
بنحاول نراكم بنشيل لاب توبنا الحرير معانا
فى رعاية ربى وحفظة الموبايلالالات على قول حبوبتى معاكم رنتكم علينا بتسعدنا كثير الوسلام ختام
يا ولدى عليك بالوستة السريعة توصل المكتوب الى البردانة قبال العيد ما يحل ههههههههههه
والمسنوحة فى بلاد العجم والتجم تبعدها وتحفظها من المسانيح
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: اليوم على قوم غريبة القريب الاطوار والمقالات نفقاركم شيالين مكة ان شاء الله وبنعمل لينا عمره و العيد مع سيدى المصطفى على افضل السلام دعواتكم لينا بالسلامة
النية كانت على بلاد ود المنسى لكن الله غالب والقدم ليه رافع
بنحاول نراكم بنشيل لاب توبنا الحرير معانا
فى رعاية ربى وحفظة الموبايلالالات على قول حبوبتى معاكم رنتكم علينا بتسعدنا كثير الوسلام ختام
يا ولدى عليك بالوستة السريعة توصل المكتوب الى البردانة قبال العيد ما يحل ههههههههههه
والمسنوحة فى بلاد العجم والتجم تبعدها وتحفظها من المسانيح |
ود أبوسنينة والله مشتاقين .... يا أخوي ربنا يتقبل عمرة ومجاورة لقبر الرسول في أيام مباركة وترجع بالسلامة وكل سنةوأنت والوليدات بخير وعافية وعيدكم مبارك إن شاء الله بينا ألو تعرف يا أبوسنينة أخر محادثة من المسنوحة كانت مغرودة في تلفون عشان كدا أتصلت بي أصلها رمت طوبتي من بدري ما ظنيت أنها في بلاد العجم سامع لي صوت كركبة شواكيش وصاج التقول عليها في منطقة صناعية ولا سوق جمال ما عارف اصوات وهرجي وناس ولمة وطق طق رب رب وعييييييك الشئ السمعتو دا ما هدؤ بلاد العجم تحياتي ومودتي ابوسنينة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعود لسيرة الراحل الجميل الفنان عثمان الشفيع وشاعر الحِسان القرشي قال الاستاذ نادر :
ذكر الفنان عثمان الشفيع في أحد المرات في إذاعة أم درمان في عام 1983 أنه بينما هو جالس مع الشاعر القرشي في مقهى جورج مشرقي أتى رهط من طلبة المدارس الثانوية كانوا قد خلصوا من الامتحان النهائي للشهادة السودانية ( كيمبردج ) في تلك الأيام وجلسوا معهما يتجاذبون الحديث في الفن والشعر وفجأة تحرك الشاعر القرشي إلى داخل المقهى وطلب ورقة وقلم من الخواجة جورج مشرقي بدأ في كتابة نص شعري وهو ( الشباب النضير ) وفي نفس اليوم ذهبوا لدارهم في شارع العرضة بأم درمان وتم تلحين النص بسرعة خيالية وصدح بها الفنان عثمان الشفيع ولاقت قبولاً ونجاحاً فائقاً وتم تسجيلها في إذاعة أم درمان
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: صوت كركبة شواكيش وصاج التقول عليها في منطقة صناعية ولا سوق جمال ما عارف اصوات وهرجي وناس ولمة وطق طق رب رب وعييييييك الشئ السمعتو دا ما هدؤ بلاد العجم |
لاحولاااااااا يامك مابتريحو ياخ الملكة يمكن كانت بتلعب ضُمَنَة وات سامع كشكشة الظهر نامن يَشُكُّوها,,, المنبر ده علمنا نبرر اي شئ ــ ــ المرفعين مالو جيتو قلَّت ختيت لو شرك ولا شنو؟ إنت ابوسنينة ده بقول ماشي العمرة ويقول يدعو ليهو؟ كدي افقدو شوفو ماش يعمِّر وين العمرة الداير يدعو ليهو فيها دي؟؟؟
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: لاحولاااااااا يامك مابتريحو ياخ الملكة يمكن كانت بتلعب ضُمَنَة وات سامع كشكشة الظهر نامن يَشُكُّوها,,, المنبر ده علمنا نبرر اي شئ ــ ــ المرفعين مالو جيتو قلَّت ختيت لو شرك ولا شنو؟ إنت ابوسنينة ده بقول ماشي العمرة ويقول يدعو ليهو؟ كدي افقدو شوفو ماش يعمِّر وين العمرة الداير يدعو ليهو فيها دي؟؟؟ |
الزولة دي يا فاضلالي كان ما أخاف الكضب في نيجيريا أو العشش لاني سمعت رطانة هوسا بقولو ديم سكنا لنق بلنق ناجي إيواكا سِكْنْ كي كي ديم سكنا بلنق برتلّو
ابوسنينة دا شغلو برا مرات كدي بشبه ويسالم
قال أدعو لي معاكم في واح بقعد مع الجماعة لي الشربة وكل مرة بشرب مع الجماعة في بيتوتهم بعدين تنتهي القعدة يلف عمتو ويرجع بيتو يوم عزم الناس في بيتو وبعدما انتهت القعدة لفَّعمتو ومرقمع الناس
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
روى الفنان الراحل عثمان الشفيع قصة اغنية القطار المرَّ التى كتبها له الشاعر عوض الكريم القرشى؛ يذكر ان بينهم ثنائية غنائية امتدت لسنوات طويلة رفد من خلالها الساحة الفنية بأجمل الاغنيات ومن بينها أغنية القطار المرَّ التى اعتبرها البعض فى تلك الفترة شكلا جديدا للغناء وغير متطرق له وتغنى بها الشفيع اولا فى احدى الاعراس قبل ان يذهب فى اليوم الثانى للاذاعة ويقوم بتسجيلها وبعد الانتهاء من التسجيل كان الشفيع يتمشى سيرا على اقدامه فى شارع الاذاعة ليمر بالقرب من مجموعة من الشباب وهم يترنمون بأغنية القطار المرَّ وبعد ان كتب عنها عدد من الصحفيين منتقدين الاغنية امر الراحل متولي عيد مدير الاذاعة فى تلك الحقبة بان يتم ايقافها وعندما علم القرشى بذلك اتصل بالشفيع وطلب منه الا يغضب ليستمر الشفيع بترديدها فى المناسبات ووجدت الاغنية رواج ليتصل به بعد ايام الاعلامى محمد صالح فهمى ليطلب منه ان ياتى ليتغنى باغنية القطار المرة ليقول له الشفيع ولكن متولى عيد قال ان هذه الاغنية لن تردد عبر الاذاعة مرة اخرى ليقول له ان المستمعين يودون الاستماع لها عبر برنامج ما يطلبه المستمعون ليكتب للاغنية الاستمرار بفضل المستمعين
نقلا عن الراكوبة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
والأشرجي تراهو لي الإشارة أداهو نزلوا سمفورو لي مرورو براهو
وكانت أغنية تحي فيك شجون ملقات القطار في محطات السكة حديد موع ومستقبل ومرات فاقة وقلة شغلة بس تمشي تقيف في الرصيف مستني منو ؟ حسناء تطل عليك من نافذة القطار في الدرجة الأولى تلوح لها خجلاً عندما يصفر القطار مغادر محطة السكة حديد قد تلوح لك إذا لم تكن مراغبة حينها وقد تخيب إشارتك وترجع للبيت خائباً وغرد يا كنار وحاكي العندليب وأبسمي يا خميلة اليوم الحبيب قد دنت السعادة وقد ذهب النحيب وعطف الليلة بي وشرفنا الحبيب
شكراً ود شيقوق أخمش يخمشك الضيب ويلحقك الصح
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
يا المريودة شتلة شندي *** أقول انساك قول ماعندي يوم الجمعة أحلى زيارة *** دخلت عنبرنا تلوح انوارا كل الكان فوق سرير منهارا *** قام بي خفة ألمو أتوارا شن بِتشبِهي للبقود الجندي *** حَيَّرتي الطبيب وافندي عينيك للقلوب جبارة *** سبتى عقولنا فيك حيارا تسلمى حاشا ماك طفَّاره زاهى*** جسيمك كاسى نضاره من عين الخلوق وانظاره *** يحفظك الله ست الحاره يا المريودة شتلة شندي *** أقول انساك قول ماعندي شكراُ قلتي لي كفارة *** يا المريودة شتلة شندي
بابكر الزكار ـــــ صاحب قطار الشوق
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبدالعزيز الفاضلابى)
|
يا المريودة شتلة شندي *** أقول انساك قول ماعندي يوم الجمعة أحلى زيارة *** دخلت عنبرنا تلوح انوارا كل الكان فوق سرير منهارا *** قام بي خفة ألمو أتوارا شن بِتشبِهي للبقود الجندي *** حَيَّرتي الطبيب وافندي عينيك للقلوب جبارة *** سبتى عقولنا فيك حيارا تسلمى حاشا ماك طفَّاره زاهى*** جسيمك كاسى نضاره من عين الخلوق وانظاره *** يحفظك الله ست الحاره يا المريودة شتلة شندي *** أقول انساك قول ماعندي شكراُ قلتي لي كفارة *** يا المريودة شتلة شندي
دا كلو في وضاحة صاح؟
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: يا المريودة شتلة شندي *** أقول انساك قول ماعندي يوم الجمعة أحلى زيارة *** دخلت عنبرنا تلوح انوارا كل الكان فوق سرير منهارا *** قام بي خفة ألمو أتوارا شن بِتشبِهي للبقود الجندي *** حَيَّرتي الطبيب وافندي عينيك للقلوب جبارة *** سبتى عقولنا فيك حيارا تسلمى حاشا ماك طفَّاره زاهى*** جسيمك كاسى نضاره من عين الخلوق وانظاره *** يحفظك الله ست الحاره يا المريودة شتلة شندي *** أقول انساك قول ماعندي شكراُ قلتي لي كفارة *** يا المريودة شتلة شندي
بابكر الزكار ـــــ صاحب قطار الشوق |
الفاضلابي بابكر الزكار شاعر جميل ومن اشهر أغانيه قطار الشوق اللذي حمل الشوق لكلك سوداني ونسايم عطبرة الحلوة تهدينا وترسينا نقابل فيها ناس طيبين فراقهم كان مِبكْينا
أردم المرفعين يا فاضلابي من يرفع راسو أدي طوبة في قنقونو وماترقد لي علي أمان مؤذي الدبيب
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نص الذكريات
الذكريات صادقة ونبيلة مهما تجافينا بنقول حليلا
الذكريات في كُل ليلة توحي للحبايب أشياء كثيرة فمن يغني يذكر خليله ومن بينعي ماضٍ جميلا ومن بيعبد قد طال ليلا فلتذكرون كثيراً أو قليلا الذكرى تجمعنا ونمرح طويلا
الذكرى للحبان أجمل بشارة هي للقلوب مرآة وللحب إشارة مرات تجود بجنانة ومرة نارا حيث الاثارة صعب في مرارة فذكرياتنا جميلة وكم نبيلة وأحبابنا وين في أي ليلة
رجع الصدى المحبوب بالذكريات وحي الألم والجور بالذكريات وفرح الأحبة يتم في الأمسيات حيث اللقاء يذهب ماكان وفات
يا الفي الجنوب حيِّ الشمال يا الفي الشروق ليك شوقنا طال يا الفي الغروب هاك لحن قال الذكريات نهضت بجيلة وأنا كنت حاديها ودايماً دليلة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: ورد في أكثر من موضع أن قصيدة يا عازة الفراق بي طال من كلمات خليل فرح و الصحيح أنها من كلمات إبراهيم العبادي و غالب الظن ان العبادي كتبها و هو خارج أمدرمان...لاحظ التراكيب و الجناس تشبه كثيرا اسلوب العبادي. مع ودي. |
الاخ الفاضل خالد بشير رمضان كريم وكل سنة وأنت طيب العيد على الأبواب عيد سعيد ومبارك وتقبل الله منَّا ومنكم صالح الأعمال عرف في ذلك العهد شعراء الوطنية هما خليل فرح والشاعر مصطفى بطران نظم الحليل قصيدة عازة الفراق بي طال ونظم بطرن عازة وصالك ولهما الكثير من الأغاني التي ضمنوها رمزية الفداء والنضال ورمزوا فيها بعازة لإذكاء روح النضال في الشعب وعازة كانت زوجة المناضل علي عبداللطيف العزوات كُثر قد يكون العبادي نظم قصيدة أخرى وفيها عازة لكن عزة الفراق بي طال طال وسال سيل الدمع هطال هي من كلمات الشاعر خليل فرح والله أعلم
ولك الشكر أخي خالد بشير ومودتي وتحياتي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: العزوات كُثر قد يكون العبادي نظم قصيدة أخرى وفيها عازة لكن عزة الفراق بي طال طال وسال سيل الدمع هطال هي من كلمات الشاعر خليل فرح والله أعلم |
العيد مبارك عليك يا خالد وكل سنة وانت طيب و يعود عليك بالخير و العافية. ياخالد اخوي السعي لإثبات أن نص "يا عازة الفراق بي طال" لابراهيم العبادي زي السعي لأثبات "الأوصفوك" لعتيق أو "في الطيف أو في الصحيان" للبنا أو "ما هو عارف قدمو المفارق" لخليل فرح أو"لحظك الجراح" لابو صلاح. "يا عازة الفراق بي طال" مع "سايق الفيات" و "يا حليل رياضنا الغنا" من اشهر قصائد العبادي... كدي خليني أنا ... اتصل بصديق. واسمعها عند أولاد شمبات ديل...
مودتي..
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Khalid Basheer)
|
Quote: العيد مبارك عليك يا خالد وكل سنة وانت طيب و يعود عليك بالخير و العافية. ياخالد اخوي السعي لإثبات أن نص "يا عازة الفراق بي طال" لابراهيم العبادي زي السعي لأثبات " الأوصفوك" لعتيق أو "في الطيف أو في الصحيان" للبنا أو "ما هو عارف قدمو المفارق" لخليل فرح أو"لحظك الجراح" لابو صلاح. "يا عازة الفراق بي طال" مع "سايق الفيات" و "يا حليل رياضنا الغنا" من اشهر قصائد العبادي... كدي خليني أنا ... اتصل بصديق. واسمعها عند أولاد شمبات ديل |
أخي خالد بشير وأنت طيب وكل عام وأنتم بخير وعلي خير إن شاء الله سوف اتصل بالأخ صديق الموج لمعرفة الحقيقة لاني وجدت في شاغل الأفكار نسبها الأستاذ نادر للشاعر خليل فرح وعلي أي حال هذا بوست توثيقي ولابد من معرفة الحقيقة ومعاً نورد الحقيقة للفايدة
ولك الشكر الجزيل مني على هذه اللفتة وما تولد الحقيقة إلا من خلاف وبعدها يكون الأثبات وتراني أسعى لهذا الحق أين ما كان
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكتب الأستاذ نادر
ومما لا شك فيه أن أختيار النص كان موفقا وكذلك ما جمل الأغنية وكساها لمسة حلوة وحملها كل مسافر معه ضمن الأساسيات تلك المقدمة الموسيقية القصيرة لكنها كانت غير موجودة في ذلك الزمن التي تشعر فيها بحنين ألة الكمان الأغنية نجحت موضوعاً ولحنا وصفق لها الجمهور ولا زالت هي من أغنيات الشفيع .............................................. اغنية الذكريات لها وقع جميل في نفوس محبيه ومستمعيه ويكفيك أن الشفيع سمى بها بنته الكبرى الدكتورة ذكريات كما أنها كانت عنوان منزله ( الذكريات )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: شايلين كعكنا في خرتاية دمورية وجاينك نبارك لك العيد و نشرب معاك الشاي في قهوة جورج مشرفي الشاي الاحمر المنعنع و عمك ود معزة في الرادي الفيلبس الكبير أب أريل شاقي الوأطة . |
أخي الحبيب ود موسى عِتمان كل سنة وأنت طيب والسنة جاية عريس يا رب وعيدك مبارك وين يا أخوي اتصلت بيك مرتين تلفونك مغلق يا سلااام يا عِتمان ذكرتني راديو جدتي ( حبوبتي ) بت الأمين ود كلياني كان عندها رادو طويل أسود حتى شكلو ذاتو غريب طويل وقصير عاملة لي رف عشان ما تصله ايدينا ونحن صغار الراديو كان جابو ليها أبن عمتنا من موسكو كان مبعوث من الجيش هناك عاملة لي فوطة تغطيه بها من غبار شندي البعمي العيون
تفتحه الصباح وتاني ما بتقفل إلا في الليل عندما تريد أن تنام وبعدما ما تنام ما في حد بقدر يفتحو البفتحو بتفتح راسو كنا حينها مفتكرين الفنانين ناس عثمان الشفيع وعلي إبراهيم اللحو ساكنين جوة ذلك الراديو وحب استطلاع كم مرة حاولنا ان نفتحه من الخلف ويومها نلنا علقة ساخنة من الوالد عندما حملت له الخبر الحبوبة بت اللمين عليها رجمة الله ومغفرته حليل يا ود موسى زمن الراديو وجمال الراديو نقعد نحرس النشرة وما فاهمين فيها شئ جاء القائد ذهب القائد وعيييييك ولحين ميسرة أخي عِتمان وكل سنة وأنت طيب
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
الشاغل الأفكار سلمتو قلبي وطار هل من عودة لي ......
قابلتو دون أستار وسعدت بيهو نهار أخلص لي الإخلاص يا ربي لينا يدوم ولمست فيهو شعور لي غيري مامعلوم وتراني ليل ونهار أنا أشكي أنا أحكي وأحكي الكنار الحبيب الشالو القطار هل من عودة لي
يلاك نزور الديار الفيها قطف الثمار هل من عودة لي يا حليلو ريدنا النبيل أنا كم رشفت رضاب من فاه كالسلسبيل تشهد نجوم الليل تشهد زهور الخميل وفيما يجدي المزار أو يشعر السُمار للظبي غزال الديار هل من عودة لي
خفَّ الحبيب واختار حبي وهواي أشعار عرفتو إني محب ينظم هواي أشعار فتعال سمار يا الشاغل الأفكار نمرح مع الأطيار هل من عودة لي عرفني أنو مدان لي قلبي دون أشعار
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
عاش الفنان عثمان الشفيع في مدينة أم درمان قبل الزواج في حي العرضة مع أصدقائه وفرقته الموسيقية وبعدما تزوج أيضاً عاش في مدينة أم درمان في منزله اللذي تزين بوابته لافتة كُتب علي منزل عثمان الشفيع ( الذكريات ) كانت له علاقات واسعة واصدقاء كُثر أحبهم وأحبوه عاش مستور الحال غني بأصحابه مودة وأحتراما كان باراً بوالدته إلى أن توفاها الله وأنتقلت لرحمته كان حريص على مواصلة وصلة الرحم لأهله في مدينة شندي التي ما إنقطع منها أبدا يحضر للصغيرة قبل الكبيرة له علاقات حميمة في مدينة شندي رفاقه وأنداده وأهله
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كان مخاض الصداقات الواسعة للفنان عثمان الشفيع ولادة رابطة معجبين تكونت رابطة غير معلنة وكان غالبية معجبي الفنان الشفيع من الطبقة الوسطى الموظفين والمثقفين وكانوا يتداولون أغاني وطرب الشفيع بينهم لسنين طويلة كانت تربطه بالكثير منهم علاقات صداقة قوية تنعم الفنان الشفيع بعلاقته في أم درمان لكن كان تواق للذهاب للأبيض بين الحين والأخر فكانت أمتع الأيام هي تلك التي يقضيها في معية الشاعر محمد عوض الكريم القرشي في حاضرة كردفان ( الأبيض ) وكانت دوماً يجني ثمارها رحلة وأغاني يعود بها للعاصمة رحمة الله على المبدعين محمد عوض الكريم القرشي والفنان عثمان الشفيع
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: اميرة السيد)
|
Quote: عزيزي خالد ود المنسي زي ما قلت في بوست : سياحة في مواضيع شهر رمضان:" ان هذا البوست سيرة عطرة لفنان وشاعر رائعين .. ومع ان هذا الموضع قد كتبته انت قبل رمضان ولكن لم اشاهده إلا بعد العيد.. وكل سنة وانت طيب والله يديك الصحة والعافية.. تخريمة:" ما تقول لي الولد الأمور الفي البروفايل ده انت لمن كنت صغير..( وجه ضاحك))- ما شاء الله |
العزيزة أميرة بت السيد وتاني من تاني كل سنة وأنت بخير وطيبة وشديدة السنة الجاية الفي مرادك يحققو لك ربنا يا رب وبإذنه نعم يا أميرة هو بوست من قبل رمضان عن فنان وشاعر جمعت بينهم حرف ونغم بين شندي والأبيض وزمانها كان اللوري والقطار ينتح فيها يومين مع الزوادة ويصل الزول مكتح وعطشان بعدما تكمل الماء أزيار القطر الصداقة الصادقة أصبحت هي الجامع بعد الحرف والنغم وظلت لحين توافهم الله لهما الرحمة والمغفرة ............................... تعقيب على تخريمتك وأأكد لك ان سرعتك كانت معقولة ولم تكتحي الجماعة القاعدين تحت الشدرة نعم يا ستي ما بعدتي كتير هذا هو أبني أحمد خالد علي محجوب أمه مجرية ( هنقاريا ) كلو حقنا سوداني بس اللون من أهل أمو هههههههه صديقني بالجد ولو مكضباني أسألي الفاضلابي ههههههههه يوم العيدأصلي كنت مقيل معا في نيويورك ههههههههه ( على الإسكايب كام وصوت وإتونسنا )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: اميرة السيد)
|
Quote: عزيزي خالد ود المنسي زي ما قلت في بوست : سياحة في مواضيع شهر رمضان:" ان هذا البوست سيرة عطرة لفنان وشاعر رائعين .. ومع ان هذا الموضع قد كتبته انت قبل رمضان ولكن لم اشاهده إلا بعد العيد.. وكل سنة وانت طيب والله يديك الصحة والعافية.. تخريمة:" ما تقول لي الولد الأمور الفي البروفايل ده انت لمن كنت صغير..( وجه ضاحك))- ما شاء الله |
العزيزة أميرة بت السيد وتاني من تاني كل سنة وأنت بخير وطيبة وشديدة السنة الجاية الفي مرادك يحققو لك ربنا يا رب وبإذنه نعم يا أميرة هو بوست من قبل رمضان عن فنان وشاعر جمعت بينهم حرف ونغم بين شندي والأبيض وزمانها كان اللوري والقطار ينتح فيها يومين مع الزوادة ويصل الزول مكتح وعطشان بعدما تكمل الماء أزيار القطر الصداقة الصادقة أصبحت هي الجامع بعد الحرف والنغم وظلت لحين توافهم الله لهما الرحمة والمغفرة ............................... تعقيب على تخريمتك وأأكد لك ان سرعتك كانت معقولة ولم تكتحي الجماعة القاعدين تحت الشدرة نعم يا ستي ما بعدتي كتير هذا هو أبني أحمد خالد علي محجوب أمه مجرية ( هنقاريا ) كلو حقنا سوداني بس اللون من أهل أمو هههههههه صديقني بالجد ولو مكضباني أسألي الفاضلابي ههههههههه يوم العيدأصلي كنت مقيل معا في نيويورك ههههههههه ( على الإسكايب كام وصوت وإتونسنا )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قال الأستاذ نادر في الخمسينات سافر ذات مرة الفنان عثمان الشفيع لمدينة شندي موطنه لقضاء عطلة بين اهله وأحبابه هناك وقابل فيها معظم أصدقاء الصبى وأصدقاء الكبر عندما كان يعمل خياط في مدينة شندي ... نظم له الأصحاب رحلات في جناين شندي وفي جناين المتمة ( كان له الكثير من الأصدقاء من أبناء المتمة ) وكانت ايام عسل تركت الأثر الكبير في نفس الشفيع وعندما عاد للبندر شد الرحال للحبيب الصديق محمد عوض الكريم القرشي زيارة للأبيض عندما سمع أنه كان مريض في فترة غيابه في شندي ( عرف الخبر من بعض الأصدقاء ) وهو مع الصديق القرشي كان يسرد له كيف قضى تلك الأيام الحلوة في ربوع شندي والمتمة في جناينها الخضراء ومع الأصدقاء وهنا جادت قريحة الشاعر القرشي بقصيدة ( في الشاطئ يا حبان ساهرتو بينا ) وهي قصيدة تمجد السودان والأتحاد بين ابناء الوطن ونبذ الخلاف بين الأحزاب الطائفية أيامها والتكتل من أجل الاستقلال وأن يكون هو الهدف للكل وضمنها بعض الأبيات تقمص فيها شخص الشفيع في رحلته ورحلاته مع أصدقائه في جناين شندي والمتمة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كل عام وانتم بخير والف رحمة ونور يارب تنزله على قبر عثمان
عشقتو من نظرة هو قلبو خالي كيف الطريقا البيها يتم وصالي ما أصلو ما ممكن يرد لي سؤالي كأنوا ما شاعر كيف بشغل بالي يمر علي كالطيف وتضوي اللآلي العقل فار واحتار فيك يا غزالي سألت مين ياناس هذا المثالي اليانعة وجناتو والخصروا بالي المحتشم ومهذب وطرفو حالي هل حور أم أنسان أم شيء خيالي وفضلت أترقب برقو الموالي وأمتع النظرات في كل غالي ياالرموش العكسن اعتدالي ويا ناس أجيبوني عن سؤالي عشقتو من نظرة هو قلبو خالي كيف الطريقا البيها يتم وصالي وقالو لي ده الملهم في نفسو عالي وفارض علينا هواهو وهو سالي ده المستحيل ينزل من العلالي ده الموحي للشعراء الدرر الغوالي عشقتو من نظرة هو قلبو خالي كيف الطريقا البيها يتم وصالي ولكن غرامي عفيف وأنا ما ببالي وروني وين أهلو أكسب منالي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: علي محمد الفكي)
|
عشقتو من نظرة هو قلبو خالي كيف الطريقا البيها يتم وصالي ما أصلو ما ممكن يرد لي سؤالي كأنوا ما شاعر كيف بشغل بالي يمر علي كالطيف وتضوي اللآلي العقل فار واحتار فيك يا غزالي سألت مين ياناس هذا المثالي اليانعة وجناتو والخصروا بالي المحتشم ومهذب وطرفو حالي هل حور أم أنسان أم شيء خيالي وفضلت أترقب برقو الموالي وأمتع النظرات في كل غالي ياالرموش العكسن اعتدالي ويا ناس أجيبوني عن سؤالي عشقتو من نظرة هو قلبو خالي كيف الطريقا البيها يتم وصالي وقالو لي ده الملهم في نفسو عالي وفارض علينا هواهو وهو سالي ده المستحيل ينزل من العلالي ده الموحي للشعراء الدرر الغوالي عشقتو من نظرة هو قلبو خالي كيف الطريقا البيها يتم وصالي ولكن غرامي عفيف وأنا ما ببالي وروني وين أهلو أكسب منالي
ود الفكي كل سنة وأنت طيب وعيد مبارك عليك وين الغيبة الطويلة شكراً كتير مجزول على هذا النص عشقتو من نظرة وهو قلبو خالي وما أكثرهم القلوبهم خالية بل مؤذية ونحن نعشق ونتعذب وكم غرامنا عفيف ولا نبالي ألهب القلوب محبة بما أكتسب يانعة وجناتو وخصرو بالي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نص قصيدة في الشاطئ يا حبان
الشاعر محمد عوض الكريم القرشي
في الشاطئ يا حبان ساهرتو بينا في الوادي يا حبان ساهرتو بينا
عند النهر والنور والساقية بينا تدور القُمري يحكي الحور وبراي أنا الفنان
الموج يداعبنا والحُب يقربنا الشادي يطربنا والعود معاهو كمان
ياحليل ربوع شندي بلد الجمال عندي الفيها نما فني ومن المتمة أمان
نذكر وطنا دوام وحدة وعمل وسلام سيبو الخِلاف يا عِظام عاوزين يكون لنا شأن
مجلس برئ طاهر فيه الأدب زاهر طول ليلنا بنفاخر بي وطنا بي السودان
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: يا زول اقدل في عديلك - اميرة بت السيد ختت البوست دا مع البرنجيات
اخخخخخخخخخخخخخخخخخخخ لخلخ الحجبات وعاين للنجم وكتر النضمي مع الهواء براااااااك |
امير ملكة وأميرة ولها الشكر أجزله على هذا نحن بكري ماعبرنا يوم وختا بوست لنا في الترويسة كمان حسدتنا في تميز أمير الأميرة لنا أنت والله الزول لو جاني قمل في راسي تحسدني علي ليه ما جاك أنت
....................... برنجي هي كلمة تركية ومعناها الأول إكنجي الثاني ودخلت على العامية السودانية من الأتراك 1 = بير 2 = إكي ويستخدمها السودانيون بمعنى الكاس اي الفاز بالكأس وبرضو يعني الأول
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: انت بتكوس عز بوستيك عند بكري؟ عييييييييييييييييك
البوست بندوعلو برانا ووقت العليقة تكمل بنتلهو ب ( الى حين ميسرة ) بندليها ليهو من ضهر الخف ( بضم الخاء) فوووق ونحبسو من الغنم ههههههههههههههههههههههههههههههههههههههههههههههها |
مع أني ما بريدك وكان بدورك إنقص لكن بضحكني شديد بسناحتك ومسختك يا مسنوح قتا لي لما العليقة تكمل بتتلافا بـ ( إلى حين ميسرة )
شكيتك علي الكريم رافع السماء بلا عمد
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الكاتب الأستاذ نادر أن الشاعر محمد عوض الكريم القرشي كتب الكثير من الأغنيات التي عرفت في الساحة الفنية ( أغنيات الربوب أو الأرباب ) ... ومعظمها من وحي كردفاني بحت وفي أشخاص من تلك البيئة أو زوار لتلك المنطقة ألتقى بهم وتركوا أثر في نفسه وجات قريحته الشاعرية بأغنية رب لإحداهنَّ وهنَّ حِسان أكيد ... وغنى الشفيع كل أغنيات الربوب أو الأرباب رب الشعور رب الشعادة رب الفن رب الجمال رب الوداعة إله فني وفي اللغة صيغة ( رب الشئ ) تعني سيد الشئ وهنا نجد ان الشاعر قصد بها رفع من وصفهم بالسيادة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: امبارح ناس البلو نايل ركبوا أغاني الشفيع كلها فد مشوار واحد بدون فواصل وبدون تعليق أولاد البندر شحتاف الروح
حرم ما ذكرني الا تعل السحابة الصاب من العشاء للصباح |
الفكي ود شيقوق راعي الأميرة أميرة لو ما رعيت ناس وضاحة وبت الشيخ سلامة .... هسي حكيك دا البفهمو ليك منو غيري ... حرّم فيسل هليل لو جابوا من المجر ما يفك شفرت كلامك دا........ تحياتي ومودتي
ويظل فن الشفيع والقرشي تصدح به الأجيال وهذا يعني أنه مصقول الذهب من شنقول الذهب لا يصدأ كان الفنان عثمان الشفيع يشد الرحال أياما وقد تمتد للشهور من أجل أن يُحظى بنص شعري جيد يصدح به سافر للأبيض وأمضى الأيام مع الشاعر مبارك المغربي اللذي كان مأمور السجن هناك وعاد بأغنية جُلَّ أغنياته شد من أجلها الرحال للأبيض وعاد بالجميل من الشاعر القرشي وأحياناً يحضر القرشي للبندر ومعه النص الجميل ومات الشفيع مستور الحال وكان يقتات من جهده وإمتلئت جيوب الأخرين وركبو الهمر من فنهم ( الشفيع و الشعراء )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: امبارح ناس البلو نايل ركبوا أغاني الشفيع كلها فد مشوار واحد بدون فواصل وبدون تعليق أولاد البندر شحتاف الروح
حرم ما ذكرني الا تعل السحابة الصاب من العشاء للصباح |
الفكي ود شيقوق راعي الأميرة أميرة لو ما رعيت ناس وضاحة وبت الشيخ سلامة .... هسي حكيك دا البفهمو ليك منو غيري ... حرّم فيسل هليل لو جابوا من المجر ما يفك شفرت كلامك دا........ تحياتي ومودتي
ويظل فن الشفيع والقرشي تصدح به الأجيال وهذا يعني أنه مصقول الذهب من شنقول الذهب لا يصدأ كان الفنان عثمان الشفيع يشد الرحال أياما وقد تمتد للشهور من أجل أن يُحظى بنص شعري جيد يصدح به سافر للأبيض وأمضى الأيام مع الشاعر مبارك المغربي اللذي كان مأمور السجن هناك وعاد بأغنية جُلَّ أغنياته شد من أجلها الرحال للأبيض وعاد بالجميل من الشاعر القرشي وأحياناً يحضر القرشي للبندر ومعه النص الجميل ومات الشفيع مستور الحال وكان يقتات من جهده وإمتلئت جيوب الأخرين وركبو الهمر من فنهم ( الشفيع و الشعراء )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
رب الفن للشاعر محمد عوض الكريم القرشي
تعال يا رب الفن يا سيدي وفيكَّ نظمت الدُر نشيدي تعال تعال تعال بيكَّ الآمال جديدة تعال اللحظة معاك سعيدة أوريك فنوني يا وحيها وعوني أوريك شجوني المرسولة من عيوني تعال أنا الليك في قلبي ريدة مُعذبة تشتاق لي وحيدا حذاري تألمني حذاري كتير يا الليك ما طاب مزاري بخليك لانك ما أرواني دنّك وأقول ليك هجرتك وتكفي الذكرى عنك أما الفي هواي عفيف وباري يصح تعذيبي وإحتقاري ؟ كتير .. دا كتير هبَّ الحبيب جاني وحباني بي لطفّو قال لي كُت عنيد وأنا حبي بتعرفو ما قصدتا أهوى براك شوفوه يا ظُرفو تعال يا أخلاق الملايكا ودنيا الحُب أسلاكا شايكا ترنم نغماتك وأسبح في آهاتك وغني البلابل منتظرا صيحاتك أعزف ليك بعودي يا رب الفن بذاتك أنا وأنتَّ الأحلام نعيده وروحي يا روحي الليلة عيده تعال يا حبيب آه وآه تعال يا رب الفن يا سيدي وفيك نظمت الدر نشيدي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
المك ود الملوك
كل عام وانت بخير وصحة وان شاء الله ربى يحقق الامانى
الشلة الجميلة والخوة النظيفة الصادقة الفاضلابى يا اخوى انت شاكى فى دعاك قلنا مسافرين اسالوا لينا الله سلامة الطريق ونحن دعينا ليكم فى الحرميين
المسنوح طبعا فقد الوطن البردانة قالوا كلها لحقت امات طة اتماصت مع المطر
المسنوحة جات بقادى تبارك العيد لحقينها ود الفكى شمر للشكل والمشاكل
خلوودى المك ود الملوك يديك العافية لقيت اتصالك يا عسل ما بتقصر اخير من ناس كتار عربان مافيهم فايدة
| |
|
|
|
|
|
|
|