نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: محمد أحمد الريح)
|
أخ خالد تحياتى ولك الشكر وأنت تتحفنا بذكرى هذا الرجل الصديق عليه من الله الرحمة والغفران. فى مطلع العام 1964 تخرجنا من الكلية الحربية وتم توزيعنا على مختلف وحدات الجيش بجميع أنحاء الوطن. كنت أنا من ضمن المجموعة التى نقلت إلى القيادة الشمالية شندى وكان عثمان يزورنا بالقيادة كلما حضر إلى مناسبة بالمدينة وحينما تم إنذارنا بالنقل إلى حامية أعالى النيل بعد ما يقارب العام بشندى حضر عثمان الشفيع خصيصاً لوداعنا وفاء لوعد قطعه على نفسه مسبقاً وكان الختام حفلاً خاصاً بنادى القيادة إستمر من مساء الخميس إلى صباح الجمعة غنى فيه عثمان عشرات الأغنيات من أغانيه وأغانى آخرين مما لم يغنى من قبل ولا من بعد. هنالك أغنية غناها عثمان تقول: من ديم مدينة ...أبوى أبوى وبرحولو ما رضينا .....حرام كنت أحتفظ بتسجيلات تلك الأيام الخوالى مع مئات الأشرطة للعديد من الفنانين وأشعار الدوبيت والحماسة والمناحة على أشرطة التسجيل الدائرية القديمة وقمت بنسخها بعد ظهور أشرطة الكاسيت بألمانيا الإتحادية بصورة ممتازة ولكن مع الأسف تم السطو على منزلى ونهب ممتلكاتى ومن بينها المئات من الأشرطة وأفلام الفيديو بواسطة جهاز أمن الجبهة الفاشى فى مساء نفس اليوم الذى أعتقلت فيه فى العشرين من أغسطس من العام 1991. بهذه المأساة فقدت أعمالاً فنية لا تقدر بثمن ضاعت على أيدى عصابة لا تقدر الفن والإبداع. اكرر لك شكرى وتقديرى على مجهودك فى نقل هذا التوثيق لعزيزنا الراحل المقيم المغفور له بإذن الله عثمان ود معزة سائلا المولى جل جلاله أن يدخله مدخل صدق. من خلالك خالص التحايا للأخ نادر أحمد الشريف
عليك الله شوف الكلام ما بكى عدددددددددديل كدا يا خلود
هسع يا خلود عليك ترد لى عمنا ود الريح تقول شنو
غايتو مغايص تشق عدددددددددددددديل كدا
استمر يا مبدع واترك من المسانيح
قلت لى ذى السفة المرمية هههههههههههههههههههه هوهى العاجبها فيه شنو ما بعرف ؟؟؟؟؟؟؟
| |
 
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: عليك الله شوف الكلام ما بكى عدددددددددديل كدا يا خلود
هسع يا خلود عليك ترد لى عمنا ود الريح تقول شنو
غايتو مغايص تشق عدددددددددددددديل كدا
استمر يا مبدع واترك من المسانيح
قلت لى ذى السفة المرمية هههههههههههههههههههه هوهى العاجبها فيه شنو ما بعرف ؟؟؟؟؟؟؟ |
الله يجازي الكان السبب
سعادة ود الريح شرد في نفسه وأجبروه لترك البلاد
فهل تفتكر هولاء يهمهم ما كان يمتلك
يا أبوسنية قيل كان في واحد جبهجي يختف ويسفح ويلفح ويتملق إلى أن وصل وصار والي لولاية
أو يوم دخل المكتب جاب معه لوحة مكتوب فيها ( هذا من فضل ربي ) جاءه الشيطان وضرب اللوحة رماها هناك وقال لي
نعلمكم كيف تسرقوا .. كيف تلفحوا .. كيف تتملق كيف تكون إنتهازي واعي
وتجوا في النهاية تقولوا هذا من فضل ربي ربك الحكيم بجيبك بي الطريقة السلكتها دي
الله يكون في العون وكل ظالم له يوم
وحق ناس ود الريح لايضيع عند الله أبداً لأنهم ظلموا في أنفسهم مباشرةً
ههههههه مو صح بالله العرريب زي ( الجِرة ) ما قلتها لي وضاحة لانو أكيد ما حا تفهمها لي
| |
|
|
|
|
|
|
|
 Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
للقنيص الخيل خفَّ راسن
نحن ما بنخاف من مراسن
المكارم غرقنا ساسّن
والمجاهل مين غيرنا ساسّن
إن عطشنا نمز مُر وآسن
وإن عِشقنا بنعشق محاسن
وفي محاسن كفى يومنا راح
أنظر كيف جمع الخلي في هذا المقطع
بين كُل من وصف وفخر وغزل وينسل من وصف لفخر في خِفة وأبداع ويضمن فخره غزلاً
في المحبوبة في بلاغة تحتاج الوقفة تأني لتمعن جمالها والذوب فيه يا سلااام يا خليل
وما أجملك من شاعر
أنظر كيف بدأ وهم يستعدون للقنيص في البادية بوصف الخيل
للقنيص الخيل خفَّ راسن
خف اي هبت نشيطة
ومن ودمح البيت الثاني بادية لفخر
وقال نحن
ومن قال نحن تراه يريد أن يفتخر والفخر معزة عند الشعراء
فقال :
نحن ما بنخاف من ميراسن
اي لا نهاب جموحهنّ ( الخيل )
ركابين عليهو الناصع أبـ غُرة
وشدو لي الحُصان الغليد ملان
لعلي الصميم فارس أم درعان
والحصان الغليد .. القوي .. السريع .. الجامح هيبة الفرسان
وهل رأيت فارساً يركب حِصان كحيان
وما بتحصل القوي لي القوي والقوي هو الله
ويواصل في الفخر ويقول :
المكارم غرقنا ساسّن
يعني انهم ورثوا مكارم الأخلاق عن أسلافهم وغرقوا لها الساس حتى لا تنهار وتنهدم وتضيع
وقدتحُمل بمعنى أن مكارم الأخلاق فينا ساسها متين وقوي ومتأصلة فينا
والمجاهل مين غيرنا ساسّن
اي أمر مبهم غير واضح بنعرف كيف نعالجه والقاسية عندنا هينة هذا هو معنى مختصر لهذا الكلام
القاسية عندنا بتهون والمجهول يصبح معلوم ومحدد
إن عِطشنا نمز مُر وآسن
وهنا بلاغة عالية في هذا البيت يقصد الشاعر أنهم تدربوا وتمرنوا على الصبر ومكاره
وحتى إن عطشنا نشرب مر نروي به ظمأنا
وكما قال أخر
الليلة العيال شربو شراب الغُل
وهناك معنى أخر لهذا البيت والله أعلم قد يكون قصده الشاعر لكن جعل للمعنى القريب موضعا ( وهذه تورية بلاغية )
وهذا كان في زمان كان شراب الخمر ثقافة بين الشباب في جلساتهم وأنسهم
والمُر هو العّرق وطعمه آسن وما بتبلع وبعشرق بي الزول
وإن عِشقنا بنعشق محاسن
ويفتخر وما زال ويقول حتى في عِشقنا عشقنا كُتر ما بنعشق من طرف بنعشق كُل حسُن وجميل
وفي محاسن كفى يومنا راح
ومحاسن هنا
قيل والله أعلم هي حبيبته التي كان يحبها
وقد تكون محاسن رمزاً كما كان الشعراء ايامها يرمزون للبنت التي يقصدونها
باسم متعارف بينهم أو ارقام تحل محل الحروف
ومية وتمانية وستة وستة
حبيبي حليلو القام يوم ستة
| |
|
|
|
|
|
|
|
|
 Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
في الخميلة إنجلت المحاسن
عيني حايرا ومشى قلبي جاسن
بعض حُسنك هِن يا محاسن
الحرير حين قدميك داسن
والنعيم فاح بكر الملاح
في كثير من الأحيان يغني الشاعر لمقصد ونفهم نحن ونغني على ليلى الفي قلوبنا
وها قول الخليل
حسب فهمي للمقطع كانت كل القصيدة أجترار لذكريات في عقله يوم جميل في بادية السودان
جمعه برفقة أصدقاء ورفقة حسان كانت بينهم المحبوبة ( كانت رحلة للبادية هجرة من حر الكماين في البندر )
وفي الخميلة اي تحت تلك الخميلة ( الشجرة الظليلة جلسنا او جلستنَّ أنت ومعك رفاقك من الحسان )
في الخميلة إنجلت المحاسن
وتنجلي المحاسن ونحن نجلي النظر في المحاسن وهنَّ كُحلاً لنا يجلي العيون
وأجلي النظر يا صاحي
وما أروع أن تنظر لمحاسن الخالق في خلقه
عيني حايرا ومشى قلبي جاسن
وكانت الحيرة من الجمال والمحاسن لكن القلب رمى نباله وإشعاعات من ريدة نمت في الضمير
وللقلوب حديث وحديث يفهمه المعنيان فقط وقد يُلحظ من أطراف أُخر لكن الفهم لهما فقط
وجلسنَّ تحت الخميلة كُل الحِسان وكنتي أجملهنَّ روحاً طلعةً وبدنا
بعض حُسنك هِن يا محاسن
الحرير حين قدميك داسن
والنعيم فاح بكر الملاح
نعم هنَّ حِسان لكن كان جمالهنَّ بعض من جمالك أُخذ ورش عليهنَّ فصرنَّ من الجمال يشينَّ خويلا ومرحا وتباهي
ويقصد بي الحرير شعرها وهي جالسة كان تحت قدميها فاح منه عطر بكر ( البكر ) هو أول الشئ وهو أجوده
وحتى البكر في البنين يُحظى بحب الوالدين أكثر وناس الشربة البكر من الخمر هو أجودها مذاقاً ( كُولتي )
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
يا الطبيعة الواديك ساكن
مافي متلك قط في الأماكن
ياجمال النال في ثراكن
ويا حلاة البرعن أراكن
بي قفاهن تور قرنو ماكن
لا غِشن لا شافن مساكن
في الخُزام والشيح والبراح
وهنا في هذا المقطع وصف كامل لجمال طبيعة البادية
وعندما نقول طبيعة ننعني طبيعة خلق الله على الفرة التي أوجدها بها ولاتدخل يد البشر
فيها بأي شئ
نقول هذا شئ طبيعي وعلاج طبيعي لم تدخل علية الكيمائيات في شئ والآن هذا اصبح علاج في الدول المتحضرة بعدما عرفت مضار
العلاج الغير طبيعي وأصبحت هناك الصيدليات المتخصصة في أنواع العلاج الطبيعي ولاتدخل فيه الكيماويات
وصف الطبيعة ونرى أن الخليل لم يفصل في الوصف حتى يكتمل الجمال ( جمال الطبيعة )
الجمال في طبيعة خلق الله يكتمل بإكتمال ركائزه ( ماء وخضرة ووجه حسن ونزيد وحـــ يوان )
يا الطبيعة الواديك ساكن
مافي مِتلك قط في الأماكن
وفي السكون رحمة وجمال تأمل
مافي زي الطبيعة شئ يريح النفس من العناء في الجو الطبيعي صحة
ياجمال النال في ثراكن
النال نوع نباتات تكثر في البادية والخلاء في الأرياف
الثرى هو حبيبات التربة
ويا حلاة البرعن أراكن
بي قفاهن تور قرنو ماكن
الأراك هو نوع من الاشجار
البرعن أراكن يقصد بها الغزلان ( القطيع منه )
بي قفاهن : اي خلفهن
تور : التور يقصدبها فحل القطيع ( هو ذكر )
لا غِشن لا شافن مساكن
في الخُزام والشيح والبراح
ويقصد انها على طبيعتها لما تستأنس وتعيش بين الناس بل عشقت وعاشت في طبيعة الله وعلى طبيعتها
بين خضرته خُزام ( نبات ) الشيح أيضاً ( نبات )
البراح : اي الوساع من أرض الله الواسعة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: البراحة ان شاء الله فى الدارين يا ود المنسى
واصل وانت توثق اجمل ثرات فنى سودانى
كلمات لها طعم خاص |
الحبيب ود أبوسنينة
ويزيد طعم التوثيق بطعم حروفك التي كانت لنا دوماً دافع لقول ما بي النفس من ذكريات
بالناسبة أنا أصغر كتير من ( دا درس الأولية وبي جلابية زمن برفع الطالب جلابيته تفتيش الملابس الداخلية
الأظافر وههههههههههههههه وحكة الرقبة عشان يشوفك استحميت قبل كم يوم ههههههههههههه)
تحياتي ومودتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
شوف صباح الوادي وجمالو
شوف خدارو وصيدو ورمالو
شوف يمينو وعاين شمالو
شوف نسيم الليل صاحي مالو
شوف فريع الشاو مين أمالو
البدر خجلان من كمالو
والصباح لاح بهل الوشاح
الصباح وما اجمل الصباح في البادية لحظة شروق الشمس تتطل على الروابي بجذوتها
تكسي الرُبى حُلة الشفق الصباحي حمرة
وما أجمل المنظر قبل بزوغ الشمس وبعد الفجر
وشوف جمال الوادي وجمالو
وشوف يمينو وعاين شمالو
وكلها مناظر تسر العين الناظرة
يصف لنا الخليل جمال الصباح في وديان البادية ولا يعرف ويقدر هذا الجمال إلا الذي عاشه ونظره
والصباح لا بهل الوشاح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
شوف صباح الوادي وجمالو
شوف خدارو وصيدو ورمالو
شوف يمينو وعاين شمالو
شوف نسيم الليل صاحي مالو
شوف فريع الشاو مين أمالو
البدر خجلان من كمالو
والصباح لاح بهل الوشاح
الصباح وما اجمل الصباح في البادية لحظة شروق الشمس تتطل على الروابي بجذوتها
تكسي الرُبى حُلة الشفق الصباحي حمرة
وما أجمل المنظر قبل بزوغ الشمس وبعد الفجر
وشوف جمال الوادي وجمالو
وشوف يمينو وعاين شمالو
وكلها مناظر تسر العين الناظرة
يصف لنا الخليل جمال الصباح في وديان البادية ولا يعرف ويقدر هذا الجمال إلا الذي عاشه ونظره
والصباح لا بهل الوشاح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
شوف صباح الوادي وجمالو
شوف خدارو وصيدو ورمالو
شوف يمينو وعاين شمالو
شوف نسيم الليل صاحي مالو
شوف فريع الشاو مين أمالو
البدر خجلان من كمالو
والصباح لاح بهل الوشاح
الصباح وما اجمل الصباح في البادية لحظة شروق الشمس تتطل على الروابي بجذوتها
تكسي الرُبى حُلة الشفق الصباحي حمرة
وما أجمل المنظر قبل بزوغ الشمس وبعد الفجر
وشوف جمال الوادي وجمالو
وشوف يمينو وعاين شمالو
وكلها مناظر تسر العين الناظرة
يصف لنا الخليل جمال الصباح في وديان البادية ولا يعرف ويقدر هذا الجمال إلا الذي عاشه ونظره
والصباح لا بهل الوشاح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
مال نسيم الليل بي برودك
نامت الأزهار فوق خدودك
غردَّ العصفور فوق عودك
النفوس ما إتعدّت حدودك
ماعرفنا عدوك من ودودك
بس أنا المقسوم لي صدودك
يا حياتي وأملي اللي راح
ليل البادية برود ونسميه عليل ويا حلات الجلسة والرقدة في عنقريب هبابي تحت سقف السماء الصافية
في البادية تطالع النجوم وحيناً تعد وتعد تنسى العدد وترسل سلااام لكل حبيب وانت تعد النجوم
ومال نسيم الليل بي برودك
نامت الأزهار فوق خدودك
وما أجمل اصوات العصافير تأتيك من كل صوب وانت في البادية والجو عليل وصافي الهدؤ يعم كل الأرجاء
وغرد العصفور فوق عودك
النفوس ما إتعدت حِدود
وينسل من وصف الليل في البادية ليعود يناجي الحبيبة ويقول
ماعرفنا عدوك من ودودك
بس أنا المقسوم لي صدودك
يا حياتي وأملي اللي راح
وهنا لوم للحبيبة التي جفت ونأت عنه وهو محب لها يكن لها
كل الحنان والحب الجم قولاً وفعلا
ويا حياتي وأملي اللي راح
الراح كثير وليت كل ما راح يعود ويسعد قلب كل من احب يوما
والحب شئ جميل البعاد والهجر شئ يعذب العشاق
وليه نبعد ونحن نريد القرب دوما هل هو عناد لانفسنا أم ماذا ؟
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
يا أم لساناً لسع معجّن
كلمة كلمة وحرفو ضجّن
ديك خدودك غير داع وجّن
وعيونك من غير سِبه لجّن
ودموعك من نظرة شجّن
دا دلالّي .. دا دلال معجّن
ومحن الأمات يا رداح
وهنا يعودا صراحة وعاين بيان يتغزل في محبوبته التي يناديها باسم محاسن
وإن عِشقنا بنعشق محاسن
وفي محاسن كفة يومنا راح
ويقول يا ام لساناً لسة معجن
والعجن هو الدلال والدلع لصغار السن
ودلع اللسان حلو تقول بث لي بس وثمح ( سمح )
يا أم جملاً مكمل وخدود ومن يغير اي اسباب توج وتزدهر
وعيون من غير سبب لجن ولجة العين قد تكون من خوف أو من حذر او خجلاً وحياء
وكأن لسان حال الشاعر ارداد ان يقول هي صغيرة ومعجنة ومدللة
ودلال معجن
ومحن الامات يا رداح
ورداح صديق له قد يكون كان معه في تلك الرحلة في البادية
والخليل كما قلنا دائم الاستشهاد برفقته في اشعاره كثيراً
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: ومحن الامات يا رداح
ورداح صديق له قد يكون كان معه في تلك الرحلة في البادية
والله اول مرة اعرفها ( يا رداح)
يطول عمرك
لخلخ الشي يا اب احمد |
هههههههههههه
اظنك كنت بتلخها حوفا ساكت ومحن الامات يا رد..... وزي ماتجي تجي يا أبـ رويس
وهذه ميزة أمتز بها الخليل
في الكثير من أشعره لوتتبعتها
وصف الخنيلا .. وتمَّ دورو ودور .. الضواحي وغيرها كُثر
يذكر في شعر بعض من رفاقه
وقد درج الكثير من الشعراء
أمثال العبادي سايق الفيات
ذكر يا زين الشباب
وأمين الصديق
وميل بي ربوع عبده
وأبو صلاح في بدور القلعة قال
سهرة يا ابوالحاج تذكرا
ورنة الصفارة إتفكرا
وهبة بي مزيقتو أتحكرة
والأمثلة كثيرة في الشعر السوداني
وأخرهم الشاعر الجميل محمد طه القدال
حينما قال
وشن القعدة يا أبوالسرة
في ضل العمارة
أبـ كمرتن برا
ضقنا الحنضل اليانكي
وبلعنا المُرا
كملت كوتت التمباك
صقعنا الجِرَّه
والجِرَّه ما بتغباك يا الشقي
وهي السفة من التمباك المكررة اي يسفها صاحبها من الخرمة مرتين اوثلاثة مرات كُل مرة يختها في الحقة
تاني زولك مو قنعان منها ومتحير متل حيتك في كأس العالم واغاني وأغاني والتراويح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: ..Salma Salama · الأكثر تعليقا · Cedar Crest College
ملاك الروح وحاميها ازيك وكل سنة وانت طيب ، قريت وبكيت واحببتك اكثر لان لهذه
الاغنيات مذاق العطر ، هل للعطر مذاق ؟ اقول نعم ان مذاقه فى الروح ،
حين يهل من تحب بتلك الرائحة المميزة تعرف مقدمه من على بعد الف ميل ..
شكرا لك ايها الانسان الجميل |
جميلة الروح
سلمى الشيخ سلااامة
وكل سنة وأنت طيبة ورمضان كريم
وتصومي وتفطري بخير وعلي خير يا وجه الخير
نعم للعطر مذاق ومذاقه الروح التواقة لرؤوياكم
وميل يا بان المصري أتاكا
وكل عطر يجيب من طرف الحبيب رائحة ومقال له مذاق ومذاق حلو
تسعدني مدخلاتك يا بت سلااامة التي هي بطعم الرمال بعد رًشاشة
لك التحية العطرة يا رائعة والشوق لك مطر
مودتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: اظنك كنت بتلخها حوفا ساكت
ههههههههههههههها والله انا الحاميني احفظ الغناء السوداني دا الا الناس البخوهو
حوفا ساي ويخلفها ليك في النهاية يا ليلالالالا هوووووووووووووووووووووووووووووى يا ليلالالا هوووووووووووي
الايام دى انا وا بو سنينة معاك في صيوانك فارشين عديل خايفين المسنوحة تسبب ليك لوعة في قلبك دا |
عوافي يا عرريب
قلبي من فولاذ حديد ما بلين
أرقد عافية بت الحبة ما بتجيني
دا حرب محنة والمحنة مرات بتكون مكاوا
وجاهلة صغيرة دوب يا دوب
وما بتحمل لاباس التوت
إلا الطرحة
وانا الككو الفجخ الطين
وما بيناتنا حرب الحراز المطر ....
نحن لبخ ومطر وهي اللبخ وأنا المطر برشها وتفرهد هههه طبعاً دي بتعجبك يا مسنوح
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعم هما أغنيتين رددهما الشفيع كثيراً
من أغانيالحقيبة
في الضواحي للشاعر خليل فرح
وعازة وصالك للشاعر مصطفى بطران
وجمعت بين الشاعرين الكثير من الصلات فهما من أبناء المحس
كذلك درسا في كلية غردون
نهجا نهجاً واحد في اسلوب طرح القصيدة الرمزية الوطنية أيام الاستعمار
وهما شاعرا القصيدتين الشهيرتين
عازة الفراق بي طال ( خليل فرح )
وعازة وصالك ( مصطفى بطران )
وعازة هي رمز للكفاح وقتها
وعازة هي زوجة البطل الشهيد علي عبداللطيف
اجتمعت فيها ( الشاعرين الخليل وبطران ) جب الوطن كراهيتة المستعمر الغاشم
حركا نفوس شعب الوطن بقضائدهم الثورية في ذلك الزمان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعم هما أغنيتين رددهما الشفيع كثيراً
من أغانيالحقيبة
في الضواحي للشاعر خليل فرح
وعازة وصالك للشاعر مصطفى بطران
وجمعت بين الشاعرين الكثير من الصلات فهما من أبناء المحس
كذلك درسا في كلية غردون
نهجا نهجاً واحد في اسلوب طرح القصيدة الرمزية الوطنية أيام الاستعمار
وهما شاعرا القصيدتين الشهيرتين
عازة الفراق بي طال ( خليل فرح )
وعازة وصالك ( مصطفى بطران )
وعازة هي رمز للكفاح وقتها
وعازة هي زوجة البطل الشهيد علي عبداللطيف
اجتمعت فيها ( الشاعرين الخليل وبطران ) جب الوطن كراهيتة المستعمر الغاشم
حركا نفوس شعب الوطن بقضائدهم الثورية في ذلك الزمان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعم هما أغنيتين رددهما الشفيع كثيراً
من أغانيالحقيبة
في الضواحي للشاعر خليل فرح
وعازة وصالك للشاعر مصطفى بطران
وجمعت بين الشاعرين الكثير من الصلات فهما من أبناء المحس
كذلك درسا في كلية غردون
نهجا نهجاً واحد في اسلوب طرح القصيدة الرمزية الوطنية أيام الاستعمار
وهما شاعرا القصيدتين الشهيرتين
عازة الفراق بي طال ( خليل فرح )
وعازة وصالك ( مصطفى بطران )
وعازة هي رمز للكفاح وقتها
وعازة هي زوجة البطل الشهيد علي عبداللطيف
اجتمعت فيها ( الشاعرين الخليل وبطران ) جب الوطن كراهيتة المستعمر الغاشم
حركا نفوس شعب الوطن بقضائدهم الثورية في ذلك الزمان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعم هما أغنيتين رددهما الشفيع كثيراً
من أغانيالحقيبة
في الضواحي للشاعر خليل فرح
وعازة وصالك للشاعر مصطفى بطران
وجمعت بين الشاعرين الكثير من الصلات فهما من أبناء المحس
كذلك درسا في كلية غردون
نهجا نهجاً واحد في اسلوب طرح القصيدة الرمزية الوطنية أيام الاستعمار
وهما شاعرا القصيدتين الشهيرتين
عازة الفراق بي طال ( خليل فرح )
وعازة وصالك ( مصطفى بطران )
وعازة هي رمز للكفاح وقتها
وعازة هي زوجة البطل الشهيد علي عبداللطيف
اجتمعت فيها ( الشاعرين الخليل وبطران ) جب الوطن كراهيتة المستعمر الغاشم
حركا نفوس شعب الوطن بقضائدهم الثورية في ذلك الزمان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نعم هما أغنيتين رددهما الشفيع كثيراً
من أغانيالحقيبة
في الضواحي للشاعر خليل فرح
وعازة وصالك للشاعر مصطفى بطران
وجمعت بين الشاعرين الكثير من الصلات فهما من أبناء المحس
كذلك درسا في كلية غردون
نهجا نهجاً واحد في اسلوب طرح القصيدة الرمزية الوطنية أيام الاستعمار
وهما شاعرا القصيدتين الشهيرتين
عازة الفراق بي طال ( خليل فرح )
وعازة وصالك ( مصطفى بطران )
وعازة هي رمز للكفاح وقتها
وعازة هي زوجة البطل الشهيد علي عبداللطيف
اجتمعت فيها ( الشاعرين الخليل وبطران ) جب الوطن كراهيتة المستعمر الغاشم
حركا نفوس شعب الوطن بقضائدهم الثورية في ذلك الزمان
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: (سوقا) الضمير (الهاء) التي جرفتها اعاصير اللهجة العامية -
الضمير هنا يعود لمين؟ الضمير في سوقا هههههههههههههههههههههها |
المكارم غرقّنا ساسن
والمجاهل مين غيرنا ساسّن
إن عِطشنا نمز مُر وآسن
وإن عِشقنا بنعشق محاسن
وفي محاسن كفى يومنا راح
سوقا ( هي ) البتهاتي بيها خايف أجيب إسمو الهوى يقسمّو
احي أنا ... وأموت ركن وتنعاني الصحافة وبكري يسود لي المنبر
وسوق بي خفة
نزلها جنب اللفة
وياحمام يا طاير
بشارع المستشفى
وسوق يا سواق
الليلة سوق يا سواق
ألوي الشال عِميمة وميل الرقبة مع دوسة الأبنصّ ويا دنيا ما فيك إلا جنى البردانة
الله أريتك بي برد الحُجاج
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: ما أتقلب الزمن إلا الشباب مقلوب
وحب وضااااااااااااحة صار عند الضعيف مطلوب
قصدي ضعيف عقيده وسيد مخيخ مسلوب
يترك العمه متعمد ويسوي البوب |
أي بالحيل
زمن فرندقس
لكن تبقى الملكة بتاجها
والله لو كان شفتها في دبي ناقصا التاج وهييييييع
اخوك لو ماثابت قلبو كان وقع من طولو ... نحن السماحة حارسانا من ورا
هههههههههههههههههههههه
مو زي ناس البردانة الواحد كان داير يكح يتكل علي الحيطة
ودي ( وضاحة بت ملوك النيل )
لو كنا عارفين أنو سيد عبد العزيز قالها في منو كنا قلنا قالها في وضاحة
يوم نزلت لي في بهو فندق ( العنوان address ) ...
نضارة وحُسن وجمال وتقدل زينة
يا شيقوق عندما نظم سيد عبدالعزيز القصيدة امر الأمام عبدالرحمن المهدي ان يأتوا به
وقال اقرأ القصيدة
وعندما قال الشاعر
الجبرة فيك بتخيل
محمية الحمى
الما حام حِداها دخيل
ماكان أبوك بخيل
بت عِز الرُجال
أهل الدروع والخيل
رد عليه الامام عبدالرحمن قال لي
الابيات دي المرقت رأسك من القطع امشي فوق عديلك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: ما أتقلب الزمن إلا الشباب مقلوب
وحب وضااااااااااااحة صار عند الضعيف مطلوب
قصدي ضعيف عقيده وسيد مخيخ مسلوب
يترك العمه متعمد ويسوي البوب |
أي بالحيل
زمن فرندقس
لكن تبقى الملكة بتاجها
والله لو كان شفتها في دبي ناقصا التاج وهييييييع
اخوك لو ماثابت قلبو كان وقع من طولو ... نحن السماحة حارسانا من ورا
هههههههههههههههههههههه
مو زي ناس البردانة الواحد كان داير يكح يتكل علي الحيطة
ودي ( وضاحة بت ملوك النيل )
لو كنا عارفين أنو سيد عبد العزيز قالها في منو كنا قلنا قالها في وضاحة
يوم نزلت لي في بهو فندق ( العنوان address ) ...
نضارة وحُسن وجمال وتقدل زينة
يا شيقوق عندما نظم سيد عبدالعزيز القصيدة امر الأمام عبدالرحمن المهدي ان يأتوا به
وقال اقرأ القصيدة
وعندما قال الشاعر
الجبرة فيك بتخيل
محمية الحمى
الما حام حِداها دخيل
ماكان أبوك بخيل
بت عِز الرُجال
أهل الدروع والخيل
رد عليه الامام عبدالرحمن قال لي
الابيات دي المرقت رأسك من القطع امشي فوق عديلك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: عداك العيب يا ود الاصول .............. شوف ات شن بتسوى هو كيفن برد
محن تجنن فى رمضان
ههههههههههههههههههههههههه
المسنيحة طيرها طير ابوالريش من الدريش |
والله يا أبوسنينة زي ماهو متحير يصلي ولا يشوف أغاني وأغاني ولا يتفرج علي الحسان البرازيليات ( لانو ماعندو
شغلة مع الكورة العررريب ....................
تعرف الكورة بسموها التيوة وحرام عندهم لعب الكورة بقولوا العرب الكورة هي بتعلم الوليدات قلة الأدب )
انا أتحيرت معا قلت لي الضبان وراكم حبل ارتعوا واقدلو امشي ويجيني صادي طيب ما تكلما لي هههههههه
اها شن قولك اسوي لي شنو ؟؟؟
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: وضاحة)
|
Quote: لكن تبقى الملكة بتاجها
والله لو كان شفتها في دبي ناقصا التاج وهييييييع
اخوك لو ماثابت قلبو كان وقع من طولو ... نحن السماحة حارسانا من ورا
هههههههههههههههههههههه
مو زي ناس البردانة الواحد كان داير يكح يتكل علي الحيطة
ودي ( وضاحة بت ملوك النيل )
لو كنا عارفين أنو سيد عبد العزيز قالها في منو كنا قلنا قالها في وضاحة
يوم نزلت لي في بهو فندق ( العنوان address ) ...
نضارة وحُسن وجمال وتقدل زينة |
تسلم يا مك
بس مافى داعى للكلام دا هنا انت ما عارف العريبي دا شيال حال
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: وضاحة)
|
خالد علي
رمضان كريم
التحية ليك ولي ود الاخت الطيب
ولي ضيوفك
بوست جديد يحمل علامة خالد المميزة واحة جميلة للكلام الزين
وسيرة الناس الزينين كلمة ومعنى
وشوف كلام الشاعر محمد المهدي حامد في الكنداكة بنت السودان
ونفصل مقاسو على البنت الوطن البنت الخير
ايقونة ورمز يربط بين ماضي تليد للمكات والملكات
وحاضر بنت وطن وعلم وخير ويد ممدودة بالعطاء وفكر شايل هم البلد رغم المسافات
جمال سوداني خالص جوهر ومظهر يزيدة بهاء والق ورفعة على كل بنات العالم
ومين يشبهة كاملة الاوصاف
دي ما زي المطر بتقيف ولا زي البروق تشلع
دخلتها بي مسام الروح غلبني من إندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام،،،
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام ،،،،
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: دي ما زي المطر بتقيف ولا زي البروق تشلع
دخلتها بي مسام الروح غلبني من إندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام،،،
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام ،،،،
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم |
يا سلاااااام يا ودالفكي كلام حلو وجميل
وتسلم يا جميل
وكل سنة وانت طيب
ورمضان كريم
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: المنسي
علوب ود الفكي خمشتو بجاي؟
والله سفليك جلب جلب جلب
الباقي ليك تجيب لينا تراجي بت مصطفى بس |
إت في علوب ود الفكي انا خاتي ليك مفاجاءة تدوش راسك
زولت الفيس بوك في مساعي ( زولتك ) مع بكري أنها تكون عضو في المنبر والموضوع ماشي تمام
يوم بتجي تلقاها في المنبر
وهييييع خلخلت الحجبات وزحيتن لي فوق
وقول يا ساتر
من زمناً في عملو
مشاتر
أنا الككو الفجخ الطين وقدل فيهو
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
عازة
أو عزة
وكما يحلو لكم
هي أغنية الشاعر الجميل مصطفى بطران أبن بحري
الشاعر الثوري المناضل
تغنى للوطن وضمن حروفه شوقاً وحباً للوطن
وما لقيتلّو مثيل
يا النفيسة خِصالك
كيف يكون المصير
عازة عازة وصالك
لحنها كرومة بطريقة اللحن والاداء في فن الحقيبة
لكن أخذها الفنان المبدع عثمان الشفيع وأدخل عليها لمساته لحناً وأداء
فأبدع وزان الجمال في أطار زاهي بهي حلو المذاق
وللفن مذاق كما للشوق مذاق كما قالت الجميلة روحا ونفسا سلمى بت الشيخ سلامة
وعازة وصالك
ويا سلمى وصالك ونظرة يا أبو هاشم من عُلاك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: باسط المكي)
|
Quote: شكرا ود المنسي
عثمان الشفيع هو من الصوارد جهة جوير سلماان
ولا من ام كديسة وخلاوي ولاد جابر وشيوخ القران ؟
رمضان كريم |
الأخ باسط المكي
ورمضان كريم عليكم وربنا يتقبل الطاعات
لا أدري هل من أثر الصيام
ولا من كبر دخل ؟
لكن لم يستشيط العقل فهماً لسؤالك أعلاه ( لو صح التعبير لانه في أقتباس أعلى )
لكن أخدني على قدر عقلي وفهمي لسؤالك
جوير سلمان أولاد العِوضية
وقال فيهم الشاعر ود النزيها شاعر أغنية
الكنينة يا رُطب الجنية التي أشتهر بها الفنان علي إبراهيم اللحو
في قصيدته الثانية
وبرضو بغنيها اللحو
غـزلية
يقول فيها
غـزلية يا البادراب بنية بنية
غـزلية ويا سلمان ود العِوضية
غزلية يا باسبار أبو العونية
جاني مسرح القادرية
ونساني الرجوع لي اللية
ولو كنت تقصد خلواي القرآن نمجدبها الشهر
نحمد الله وهو عمل فردي
ولحين ميسرة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
بطل سلبطة ....
ما بلمكم إلا الدين الإسلامي ..
وأنا في محلها بخلي ليك ... ههههههههههههه
دي جدها الشيخ حامد أبـ عصا مو الشيخ البردان
تم التعديل لتنزيل أغنية الشرف للشاعر الرائع خليل فرح
ونحن بصدد الحديث عنه وهو كما قلنا من شعراء الوطنية
دا ود عمي ودا ضرب دمي
وإنت شِنك طفيلي دخيل
هههههههههههههههههههها تتلصق مالك انت؟ أهلها من جهة أمها ناس غردون باشا و توني بلير و الاميرة دنيا
و ابوها جعلي عمرابي بطل تتلصق ساي حتك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: هههههههههههههههههههها تتلصق مالك انت؟ أهلها من جهة أمها ناس غردون باشا و توني بلير و الاميرة دنيا
و ابوها جعلي عمرابي بطل تتلصق ساي حتك |
منو ؟ اخوالها ؟
كان هي أخوالها طوني بلير انا استرالي مشلخ تي ( T )
تعرف يا شيقوق لو شلخوك تي بتكون وجيه وتبقى تشبه ود المرتضى وتقدر تأكل معا عيش
في جكس الفيس بوك هههههههههههههههه
انا أتلصق
نحن ولاد العز
البنضرب الكاس
البدورنا بندورو
والمابدورنا
بنعمل لي دوماس
دوماس : اي ما بنتشغل بي بنتجاهلو
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: الأخ باسط المكي
ورمضان كريم عليكم وربنا يتقبل الطاعات
لا أدري هل من أثر الصيام
ولا من كبر دخل ؟
لكن لم يستشيط العقل فهماً لسؤالك أعلاه ( لو صح التعبير لانه في أقتباس أعلى )
لكن أخدني على قدر عقلي وفهمي لسؤالك
جوير سلمان أولاد العِوضية
وقال فيهم الشاعر ود النزيها شاعر أغنية |
شكرا للاضافة المعرفية
في ايام الثانوي بمدرسة عطبرة
زاملاني في الدراسة من ابناء الجوير
وكان يرددون اغنية عازة وصالك ورياحليل ربوع شندي
في ليالي سمر الداخلية العتيقة وكنا نردد معهم ليت لي ليت لي
ياعازة جناح احاكي الطير
ويفتخرون بان عثمان الشفيع من قريتهم
واعمامه مازلو موجودن وجاتني تلك الخاطرة وحبيت اشارك معاك
الاهم هو عثمان الشفيع الشفيف المبدع والابداع لايعرف ديار
ايما كان هو ابدااااع التحية لك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: باسط المكي)
|
Quote: شكرا للاضافة المعرفية
في ايام الثانوي بمدرسة عطبرة
زاملاني في الدراسة من ابناء الجوير
وكان يرددون اغنية عازة وصالك ورياحليل ربوع شندي
في ليالي سمر الداخلية العتيقة وكنا نردد معهم ليت لي ليت لي
ياعازة جناح احاكي الطير
ويفتخرون بان عثمان الشفيع من قريتهم
واعمامه مازلو موجودن وجاتني تلك الخاطرة وحبيت اشارك معاك
الاهم هو عثمان الشفيع الشفيف المبدع والابداع لايعرف ديار
ايما كان هو ابدااااع التحية لك |
أخي باسط المكي
لك التحية مثنى وثلاث ورباع
درست في عطبرة الثانوية تلك المدرسة العتيقة
كما قلت الفن لا تحده حدود جغرافية
ونحن أهل شندي نعتبر شندي لاتوى شئ بدون ضواحيها وهي الغذاء الدائم لشندي
نحن نسيج موحد في شندي نعم هي معقل الجعليين وماتسمع مايقال عن الجعليين
لكن انا واحد منهم والجعليين اكثر الشعوب صدرهم رحب لكل وبعرفوا يتعايشوا مع الناس احتراماً وتقديراً
ويكفيك نسيج محتمع شندي اللذي جمع من كل حدب في بلادنا الواسعة لون
ايا اخوي عثمان ابن شندي كلها من الاتبراوي لعد شلال السبلوقة
لكن عشان اضيف لك معلومة
سكنه واهله في شندي المدينة في شندي فوق مربع 8 قرب خط السكة حديد بعيداً عن المحطة وقرب معهد التربية
شندي ويعرف حيهم هذا ( بحي ناس معزة ) ومعزة هي ام الفنان عثمان الشفيع
وناس الجوير
وهي طبعاً معروفة بجوير سلمان
أو جوير ودضبعة وناس ود ضبعة هم عمد الجوير
وهناك أغنية شهيرة للحسن ود ضبعة
سيد محكر الديوان
ثابت يا أبـ القلب
تقابة للنيران
وين متل الحسن
وشاعرها ود رفاي وهو شاعر معروف في الجوير
وللقصيدة قصة
أن الحسن اشتهر انه شجاع وما بخاف ابداً وما برمش وبنط لو حاولوا يخلعو ( اي يهجمو وهو سارح )
المهم كان هناك غرض لمأمور الانجليز ورفض الحسن تنفيذه
ومضى في سبيله وترك الانجليزي واقف
زعل المأمور وامر عسكرهان يضربو طلقات قرب ارجله عله يخاف
وضربت الطلقات لكن لم يلتفت لهم حتى ومضى في سبيله وكان حاضر
الموقف الشاعر ود رفاي
ونظم القصيدة
سيد محكر الديوان
والتي قال فيها
خبر البندقية
القالوا دي بترمي
تلب يا الصقر
توّر الرخم مني
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: أن الحسن اشتهر انه شجاع وما بخاف ابداً وما برمش وبنط لو حاولوا يخلعو ( اي يهجمو وهو سارح )
المهم كان هناك غرض لمأمور الانجليز ورفض الحسن تنفيذه
ومضى في سبيله وترك الانجليزي واقف
زعل المأمور وامر عسكرهان يضربو طلقات قرب ارجله عله يخاف
وضربت الطلقات لكن لم يلتفت لهم حتى ومضى في سبيله وكان حاضر
الموقف الشاعر ود رفاي
ونظم القصيدة
سيد محكر الديوان
والتي قال فيها
خبر البندقية
القالوا دي بترمي
تلب يا الصقر
توّر الرخم مني |
شكرا لك لهذه المعلومة الضافية
فعلا كان معانا في الدفعة العباس محمد الحسن ضبعة
وزرت بيت العمدة الحسن ود ضبعه في بيتهم في الجوير
ومسقط راسي مابعيد من الجوير من ربوع شندي ترعرت هناك
مابين جروف النيل وابرماد جهة قبة عوض الكريم ابكلوة تنفس الدوش
نفس الحياة الاولي واهداناااااااا كل الجمال كماتغني الشفيع وفي المتمة سلام
تراخت اعصباب الحنين جوانا في غبار الحياة الكثيف
في بيت انيق مكتوب علي بابه بلوحة جميلة منزل عثمان الشفيع بالثورة الحارة الرابعة
مازالت هيبة المكان كما هي الف رحمة ونور علي عثمان الشفيع ودمعزة
لك التحية
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبيد الطيب)
|
العبيد ود ابوي الطيب
كيف قيلت ؟
والعسين نبات شديد الأخضراء ينبت بعد هطول الأمطار مباشرة
والعسين ايضا تعني الأرض المنخفضة الخضراء
العسين يا العبيد اخوي عندنا هو النبات الذي ينمو الدرتية في ضهور السماسم بعد قطع السمسم وبينمو بمطر عريج الكان صحت بتقلب الواطة خريف وكمان بهيب الشتاء البحيّل العناق .
العسين يا العبيد اخوى فيهو قيمة غذائية عالية جدا وغالبا ما يسرحو الضان سربة بالليل سااااااااااااااااااااي
اما النبات البنمو مع بداية الخريف عندنا اسمو الدامة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: والعسين ايضا تعني الأرض المنخفضة الخضراء
ولذا ######ه يبرا الملاين اي يتجنب الأرض التي بها ماء حتي لاتحد من سرعته وتعيقه في الإنقضاض علي فريسته أو طريدته" الصيدة" |
أخي عبيد ود المقدم كدي نمشي واحدة واحدة
لو فرضنا العساين كما جاءت في قصيدة الخليل ( ليس العسين كما كتبت )
هو نبات : قد يكون اسم لنبات لكن هذا النبات ينمو في مناطق محددة
عوالي أو منخفضات
لقد جاء الأديب مبارك المغربي ان الملاين هي الجمع من غزلان
العساين هي منطقة مرتفعة
لو فرضنا الملاين وديان بها ماء
لايمكن ان نقول يبرا تعني يتجنب بل عكسها يبرا الشئ اي يتبعه
ويبرا الملاين من صياغ الكلام يستوي معها معنى مبارك المغربي ان الملاين جمع من غزلان
يبرا يتبعها
ففي حديثك تناقض
يبرا ( الملاين ) : اي يتجنب المناطق التي بها ماء وتحد من طريده للفريسة
ولحين ميسرة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: شكرا لك لهذه المعلومة الضافية
فعلا كان معانا في الدفعة العباس محمد الحسن ضبعة
وزرت بيت العمدة الحسن ود ضبعه في بيتهم في الجوير
ومسقط راسي مابعيد من الجوير من ربوع شندي ترعرت هناك
مابين جروف النيل وابرماد جهة قبة عوض الكريم ابكلوة تنفس الدوش
نفس الحياة الاولي واهداناااااااا كل الجمال كماتغني الشفيع وفي المتمة سلام
تراخت اعصباب الحنين جوانا في غبار الحياة الكثيف
في بيت انيق مكتوب علي بابه بلوحة جميلة منزل عثمان الشفيع بالثورة الحارة الرابعة
مازالت هيبة المكان كما هي الف رحمة ونور علي عثمان الشفيع ودمعزة
لك التحية |
لك التحية أخي ود المكي
عيال ودضبعة رجال بمعنى الكلمة
وبهم إزدانت الجوير أو جوير سلمان ود العِوضية
وكما يحلو لبعض النفر ان يسموها جوير ودضبعة
وبالمناسبة ضبعة هي أسم امهم وكانت مرأة فارسة ربتهم تربية رجال
كما قامت بنفس الور أم ووالدة عثمان الشفيع ( معزة ) وفي شندي معروف بعثمان ود معزة
وكذلك كل الحي يعرف باسم حي ناس معزة
نعم يا الحبيب تغنى القرشي والشفيع لشندي والمتمة
في اغنية ( في الشاطئ يا حِبان .. ساهرتو بينا )
وقد قيل تغنى القرشي لشندي ولم يراها
كان مفروض ان يكون حضور في زواج عثمان الشفيع لكن المرض لم يمهله
وتوفي في يوم حنة عثمان الشفيع لهم الرحمة جميعاً
ويا حليل ربوع شندي
بلد الجمال عندي
الفيها نما فني
ومن المتمة أمان
نعم منزله في الثورة الحارة الرابعة وكانت مكتوبة في لفاتته الذكريات
بعد وفاة عثمان الشفيع تزوجت زوجته من اخية افتكر أو ابن اخته الكبرى ( الله أعلم ) لكن المتأكد منه
أنها تزوجت من الأسرة
لعثمان الشفيع بنتان فقط هما
دكتورة ذكريات والمهندسة معزة
وذكريات سماها على الأغنية الجميلة التي جمعت بنه وبين الشاعر الشفيف القرشي
ومعزة سماها على أسم والدته التي كان يحبها حباً جما
تحية رمضانية أخي ود المكي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: خالد أخوي سلااااام ومعزة كبيرة
ورمضانكم مبارك وكل عام وأنتم بخير والتحيَّات عبرك لزوَّار دوحتك الوارفة |
أخوي عبيد ود المقدم
فطرت والحمد الله عشان أجيك واحدة واحدة
وكل مافي الموضوع أن نصل للحق
القول كثير والسمع أكثر
لكن كدي نمشي واحدة واحدة عشانللعلم لنا ولكم
ولكل من ير على هذا البوست ( معلومة منقحة نضيفة صحيحة )
ورمضان كريم وكل سنة وأنت طيب
Quote: كنت أظن أن الملاين هي مدلق المياه أو مدالق السيل
تيسهِن جَك مغرِّب وبي الملاين حام
وجاهِن وعافطنُّو وعيل سدوهِن قام
أو قد تكون الملاين مجري المياه وهي زلقيبة للحيوان إلاَّ الكلاب وقديما قيل
"الزَّلقيبة التكِسِر ال######" والشاعر واصدقاءه ذهبوا للصيد في العساين |
قد تكون هي مدلق المياه
لكن قبل البدء رجاءً يا الحبيب المعلومة مفروض ان تقولها بتأكيد لاني شعرت بحياك الجميل
يلف الحديث وانت الأديب المؤدب في حديثه وهذا ديدنك
ذكر مبارك المغربي في كتاب له عرض فيه أغنية الضواحي
أن الملاين هي جمع او قطيع من الغزلان
وما ذهب إليه مبارك المغربي نراه يتفق مع المعنى
شوفوا كيفن يبرا الملاين
اي الكــ لب يتبع الملاين
فلو حملناها كما قلت
أن الملاين هي مدالاق المياه
كـ لب ساكي غزلان كيف له أن يبرا الملاين
وقد حملت المعنى ان الكـ لب يتحاشى مدالق المياه
كان الأجدر ان يقول الشاعر
شوفو كيف يتحاشى الملاين
ويتبع ويلحق بالقطيع لعيين فرسيته
لابد أن تتحقق من معنى المفردة لو عندك قاموس المفردة العامية للبروف عون الشريف قاسم
تأكد لنا منها وهمنا هو الصحة والصحيح
نرجع لكلمة العساين
وانت قلت العسن هو نبات شديد الخُضرة
وذكر المغربي ان العساين هي مناطق مرتفعة عن الوديان في البادية
قد تكون اراضي تكسوها نبتة العسين كما ذكرت
لكن اللذي اريد ان تأكد منه
ذكرت أيضاً انه تطلق كلمة عساين على المناطق المنحفضة
قرب الوديان
الوادي هو منخفض وكل ما حوله يعتبر عالي او تل صح ؟
قد تكون هذا الذي قصده الشاعر منظر الغزلان في تلك الاراضي المرتفعة قرب الوادي مورد المياه
بعد ورودها للماء تروى
وتلك الأرض كان يكسوها نبات العسين وقال
قوموا خلوا الضيق في الجناين
شوفوا عِز الصيد في العساين
والله أعلم
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبيد الطيب)
|
Quote: أتدري لماذا ياخالد أخوي ؟
عشان الملاين بقوم فيها نبات الضريس الشوكي وهو يعيق الكلاب ويدمي كرعيهِن لأن الغزال عندها ضلف
الشوك ما بسمكها لذا الشاعر من شاعريتو قال "######ي خائن" أي مدرَّب ونجيض "
ثم يواصل ######ه الجري وراء الطريدة ....
وأظن كلامي هنا مافيهو تناقض يا خالد أخوي وواضح |
أخي الفاضل عبيد ود الطيب
الرجوع للحق فضيلة
قد يكون الأديب مبارك المغربي مخطئ في تقدير المعنى وهو أبن البندر
وأنا من ناحيتي حملت المعنى كما قال الحردلو في الابيات التي استشهد بها
وهي عين الحق
وتعني الملاين مدالق المياه والسيول
والحاردلو هو أبن البادية وأهل مكة أدرى بشعابها
وشوفو كيفن يبرا الملاين
اي يبرى ويجتاز كل ماهو يعيق سيره ليلحق بالقطيع ( تجاوز الملاين ومدالق المياه وهذا تصحيح
لما ورد وجزاك الله عنَّ كل خير
ما نريده هو الصحيح يا ابن البادية
ورمضان كريم
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبيد الطيب)
|
Quote: أتدري لماذا ياخالد أخوي ؟
عشان الملاين بقوم فيها نبات الضريس الشوكي وهو يعيق الكلاب ويدمي كرعيهِن لأن الغزال عندها ضلف
الشوك ما بسمكها لذا الشاعر من شاعريتو قال "######ي خائن" أي مدرَّب ونجيض "
ثم يواصل ######ه الجري وراء الطريدة ....
وأظن كلامي هنا مافيهو تناقض يا خالد أخوي وواضح |
أخي الفاضل عبيد ود الطيب
الرجوع للحق فضيلة
قد يكون الأديب مبارك المغربي مخطئ في تقدير المعنى وهو أبن البندر
وأنا من ناحيتي حملت المعنى كما قال الحردلو في الابيات التي استشهد بها
وهي عين الحق
وتعني الملاين مدالق المياه والسيول
والحاردلو هو أبن البادية وأهل مكة أدرى بشعابها
وشوفو كيفن يبرا الملاين
اي يبرى ويجتاز كل ماهو يعيق سيره ليلحق بالقطيع ( تجاوز الملاين ومدالق المياه وهذا تصحيح
لما ورد وجزاك الله عنَّ كل خير
ما نريده هو الصحيح يا ابن البادية
ورمضان كريم
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: قد يكون الأديب مبارك المغربي مخطئ في تقدير المعنى وهو أبن البندر
وأنا من ناحيتي حملت المعنى كما قال الحردلو في الابيات التي استشهد بها
وهي عين الحق
وتعني الملاين مدالق المياه والسيول
والحاردلو هو أبن البادية وأهل مكة أدرى بشعابها
وشوفو كيفن يبرا الملاين
اي يبرى ويجتاز كل ماهو يعيق سيره ليلحق بالقطيع ( تجاوز الملاين ومدالق المياه وهذا تصحيح
لما ورد وجزاك الله عنَّ كل خير
ما نريده هو الصحيح يا ابن البادية
ورمضان كريم |
سلاااام ومعزة كبيرة يا خالد أخوي
وشكرا لجمال روحك وسماحتك ياخالد
إهداء لخالد أخوي وأبوي الطيب من المدسوس في الجربان
الأولي تشبه أدب ودالفراش
صَايدني هَمِكْ
مِتِلْ نَارْ العِوَيشْ حَارِقْنِي سِمِكْ
مِتَينْ يَا دَيفَةْ الرَاتْعَاتْ أَلِمِكْ
واجدعْ فوقْ جَرَايدْ إِيدِي كُمِكْ
إبدااااع ......
ويقول علي ود بلل الكباشي النورابي
أَبيـض لونَــك قُطنَــــه
شــيشـك لا تـنبُطـــنَه
لي الفـي الكـركـار مِنعطـنَه
عـناق مـا ضاقـت بِطنَـه
محبتي ودمتم سمحين
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبيد الطيب)
|
صَايدني هَمِكْ
مِتِلْ نَارْ العِوَيشْ حَارِقْنِي سِمِكْ
مِتَينْ يَا دَيفَةْ الرَاتْعَاتْ أَلِمِكْ
واجدعْ فوقْ جَرَايدْ إِيدِي كُمِكْ
إبدااااع ......
صايدني
كلمة ومفردة معبرة معبرة
صايدني الصيد بقع صريع يلتوي
ويقال مصايد اي عندما يكون مسكون بجن تلقى يتحاشى الاحتماع بخلق الله مصايد
ونار العويش سريعة الأشتعال وحارقني سِمك السم الله بينا وبينو
وميتن يا ديفة الراتعات ألمك ويحواك ضرعاتي وتحواك هههههههههههههه
وهيييييييع وحينها بقول انا الككو الفجخ الطين وقدل متهني
اجدع فوق جرايد إيدي كمك
يذكرني قول للشاعر إمرء القيس على ما افتكر لو صح قولي
وقد تفلت من المقطع لكن حلف بالله إلا اذكر ما احفظه منه الآن
لما اتاها صراخ طفلها
مالت إليه بشق
وشقها الأخر تحتي
لم يحولِ
المهم يا سيدي جطت البيت الشعري جوطة لكن المعنى موجود ههههههههه
Quote: ويقول علي ود بلل الكباشي النورابي
أَبيـض لونَــك قُطنَــــه
شــيشـك لا تـنبُطـــنَه
لي الفـي الكـركـار مِنعطـنَه
عـناق مـا ضاقـت بِطنَـه
محبتي ودمتم سمحين |
النعم فوق ودبلل الكباشي
قول سمح بالحيل
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
أغنية ( وين يا سمير ما جيتا )
حقيقة هذه الأغنية شاعرتها هي الشاعرة الملكة بت حاج أحمد عليها رحمة الله
ولها الكثير من القصائد وجدت رواج لكن لم يظهر أسمها عليها
تحفظ في ذلك الزمان أن يظهر اسم مرأة في أغنية شاعرة وبالذات لو كانت
كلماتها فيها شئ من غزل
أتصفت تلك الفترة أن تنشد المرأة شعر الحماسة وشعر المناحة ( الرثاء )
حملت الشاعرة الملكة بت حاج أحمد اغنيتين لعثمان الشفيع
( وين يا سمير ماجيتا )
( والفارقت ست بيتا )
وأوصت الفنان عثمان الشفيع وهو أبن بلدها أن يأتي باسمها من قريب أو من بعيد في هذه
القصائد
وسوف نحكي مناسبة كل من الأغنيتين
ولها الكثير من أغاني البنات المحلية والتي أنتقلت من هنا وهناك حالها كحال بقية أغاني السباتا
تغشى كل بلد ويزيدفيها ابيات اخرى يعنى تغنى مدني وبعدها نسمعها بشكل أخر في نيالا وكسلا
ومن أشهر أغانيها التي نظمتها
أغنية :
البتولة حلاتا يا زولة
البتولة ما خملة
مابتلعب في الرملة
وست البنات جملة
وغيرها كما أضافت الكثير من ابيات لبعض الأغاني التي جاءت لمنطقة شندي
وكان لها اشعار أخرى في مناسبات أخرى فهي شاعرة بكل معنى
أغنية
وين يا سمير ماجيتا
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
من روائع القرشي التي تغنى بها الشفيع
لحن الحياه منك
وما تقول نسينا الماضي
صرنا ناسينك محبوبي الجميل
سألوني منك عرفتهم
إيه الصفات عنك خبرتهم
شافو الجمال منك أقنعتهم
طولت لكنك أنا حبيب
الروح أعفيني من ظنك
محبوبي محبوبي الجميل
لحن الحياه منك و ما تقول
نسينا الماضي و صرنا
ناسينك محبوبي الجميل
سألمني بإيدو والدمع إنهمر
ذكرني بي ريدو وأوقات السمر
ساحرني بي محيو جنني وآسر
شاغلني بي نورو الكم أخجل القمر
بس تنسى كيفنك وأنت والوحيد
بالذات الكنا ذاكرنك
محبوبي محبوبي الجميل
لحن الحياه منك و ما تقول
نسينا الماضي و صرنا
ناسينك محبوبي الجميل
وفيما المand#65276;مة يا روحي
وكلي هياما يا روحي
ويا من تعامى يا روحي
سand#65276;ما سand#65276;ماً يا روحي
وذكرى محبي يا روحي
تموج بقلبي يا روحي
وأنت بقربي يا حبيبي
حياتي وحبي يا روحي
أهنا وأنت بعيد
ما كنا ناسينك والحب عليك
ازداد قمراً نفوس دنك
محبوبي محبوبي الجميل
لحن الحياه منك و ما تقول
نسينا الماضي و صرنا
ناسينك محبوبي الجميل ...
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: سألمني بإيدو والدمع إنهمر
ذكرني بي ريدو وأوقات السمر
ساحرني بي محيو جنني وآسر
شاغلني بي نورو الكم أخجل القمر
بس تنسى كيفنك وأنت والوحيد
بالذات الكنا ذاكرنك
محبوبي محبوبي الجميل
لحن الحياه منك و ما تقول
نسينا الماضي و صرنا
ناسينك محبوبي الجميل |
يا سلااام يا ودالفكي
هذا كلام جميل
سلامني بي إيدو والدمع إنهمر
ذكرني بي ريدو أوقات السحر
وكما يحلو السمر وقت السحر
وقت النعاس إتشقلبّنبو الخيل
لا بخلت ولا جادت علي بالحيل
| |
|
|
|
|
|
|
| |
Yousif A Abusinina
خالد علي محجوب المنسي
محمد مختار جعفر
الطيب شيقوق
وضاحة
علي محمد الفكي
باسط المكي
عبيد الطيب
فيس بوك
تويتر
انستقرام
يوتيوب
بنتيريست