|
الفيك بدربو والعيب اقدلبو .......
|
حيث اننا فشلنا في شراء بوست خدر – الاحراج - كما فشلنا في اجبار محب على التنازل عن بوسته – الفصل و الطرد - لذا فقد اضطررنا – اسفين - لانزال هذا البوست حتى نتفسح فيهو براحتنا و نرحب بكل المشاركين و المشاركات على ان لا يمتنع احد.
كثيرا ما امعن التفكير في الامثلة السودانية ذات المغزى و ابحث عن نظيرها من الامثلة العربية او امثلة الشعوب و الثقافات الاخرى ...
و نبدأ بهذا المثل العجيب الغريب:
الفيك بدربو والعيب اقدلبو
فهل ياترى يماثل نظيره العربي:
رمتني بدائها و انسلت
و قد يغنيك مثل واحد عن كتابة مقال .....
و بالمناسبة البوست دا ممكن ينحرف في أي اتجاة لذا لا تثريب عليكم ان حدث ذلك و العندو أي حاجة بس يجي يكتبها و بنلقى ليهو تخريج ...... يعني حكاية الامثال دي لو ما جابت دخل حنغير النشاط لموضوع تاني و ذلك حفاظا على البتاع من الهدر ....
.
|
|
|
|
|
|
|
|
Re: الفيك بدربو والعيب اقدلبو ....... (Re: ASAAD IBRAHIM)
|
معليش ياملاسي ...انا متابع من بعيد في الشعب"السوداني المعقد" ..اه اقول ايه ..علي العموم سوف اشارك لاحقا ...بالمناسبه لا افهم كثير في الامثال ..لكن بعرف واحد .."اخوك كان عسل "ماتلحسوه كلوه .." ..وياملاسي ..عندي سؤال خبيث كدا ..ليه كل الامثال "مذكره" واطالبك بالجواب ..ومن غير الباب البجيب الريح سده واستريح ..
| |
|
|
|
|
|
|
Re: الفيك بدربو والعيب اقدلبو ....... (Re: ASAAD IBRAHIM)
|
صديقي و شريكي المهيب محب
Quote: "اخوك كان عسل ماتلحسوه كلوه .." |
يا خي المثل دا قالوا اتغير و بقى:
اخوك كان عسل ما تلحسو ..... أكلو ....
Quote: عندي سؤال خبيث كدا ..ليه كل الامثال "مذكره" |
و الامثال مذكرة ببساطة لانو زي المثل دا لو اتأنث حيحصل سوء فهم بيّن
| |
|
|
|
|
|
|
Re: الفيك بدربو والعيب اقدلبو ....... (Re: ASAAD IBRAHIM)
|
Quote: سؤال اخير : شنو الشفقة في الرد علي وحتي تجاوز المتداخلين قبلي انشاء الله خير ؟؟؟؟؟؟؟ |
اخونا في الماضي و الحاضر و المستقبل اسعد
اجابة ما اخيرة:
خير .... مافي شفقة و لا حاجة ... دا بس اسمو الترحيب الزايد ....
لكين مافي مشكلة المرة الجاية ما بتجاوز ليك بقية المتداخلين ...
يا رديت عليك في دورك يا اخرتك شوية, بس انت Take it easy
بس يا اخي عندى سؤال افتراضي كدا ... لو زول كتب قبلك و انا ما
داير ارد عليهو .... اعمل شنو ؟
| |
|
|
|
|
|
|
Re: الفيك بدربو والعيب اقدلبو ....... (Re: khider)
|
Quote: لازم تأجل عمل اليوم الي الغد |
تعرف يا خدر قالوا عمنا سليمان نصر - الله يرحمو - كان معلق في "الحمام" الحكمة الخالدة
Do it now
و انتا تجي تقول لي لازم تأجل و مش عارف ايه .... بعدين حتتجهجه و تكوس في البيخارجك .....
امشي يا زول الله "يسهل"عليك ......
| |
|
|
|
|
|
|
Re: الفيك بدربو والعيب اقدلبو ....... (Re: doma)
|
خالتنا الكبيرة مقاما و احتراما دومه
تحية و احترام
Quote: ملاسي سلام انا غايتو مثلك دا ما فهمتو |
انا يا دومه مثلي دا برضو ما فاهمو .... بس اكيد بيكون في الفهمو ... اها و عليه فاننا و من هذا المنبر نوجه نداءنا لكل من فهم هذا المثل ان يتكرم و يتنازل و يقوم بافهامنا اياه ....
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
الاستاذ السيد حسين ملاسي عندى كم مثل من النوع ابو كديس لكن ما بتكتبوا هنا اسوى شنو؟؟؟ ارسلن ليك وانت تتولى النشر... انا عضويتى دى ما لميت فيهابالساهل و ما بهظر فيها اها رأيك شنو...تشترى
نموذج: سيد المركب....ي(.....) فى الشرق
بالمناسبه الالقاب الفوق دى لانى اتأكدت انو جابوهو ليك
| |
|
|
|
|
|
|
Re: الفيك بدربو والعيب اقدلبو ....... (Re: مراويد)
|
اخونا الحبيب مراويد
كيف يا دفعة
Quote: بالمناسبه الالقاب الفوق دى لانى اتأكدت انو جابوهو ليك |
تصدق يا مراويد للان مافي زول جابو لي .... و ما دام السيرة جات خلينا نطلب هنا برضو, احتمال زول يجيبو:
يا اخوانا العارف تلفون التيجاني المشرف " يجيبو لي" بالله
و بعدين يا مراويد الامثال الما بتتكتب هنا دي طوالي رسلها لي بالماسنجر و خلي الباقي علي ....
ما تخاف يا مراويد دا ما استدراج .... عضويتك ما بتجيها عوجة
| |
|
|
|
|
|
|
Re: الفيك بدربو والعيب اقدلبو ....... (Re: مراويد)
|
Quote: شغال فلكلور الايام دى من رقيص عروس للرجال الدلاليك اسع الامثال |
بت العم بيان
نعمل شنو يا بيان, الغربة الطويلة خلت اهتمامنا يتعاظم بالفلكلور و الموروثات الشعبية (شمال و جنوب ) و الاساطير و الخيال الاغرب من الحقيقة ....
| |
|
|
|
|
|
|
Re: الفيك بدربو والعيب اقدلبو ....... (Re: Walid Safwat)
|
وليد صفوت
كيف حالك يا كريمينال
Quote: العندو حنة يحنن اباطو ..(بعد التعديل) |
العندو حنة دا يا وليد كويس .... يحنن الدايرو ...
بس المشكلة في الماعندو حنة و داير يتحنن .... ياهو دا البيحنن
و زي ما قال ابراهيم عوض: حبيبي "حنني" و غير حالي حير فكري دا
الشغل بالي ....
| |
|
|
|
|
|
|
Re: الفيك بدربو والعيب اقدلبو ....... (Re: Alia awadelkareem)
|
العزيز ملاسي رمتني بدأئها وانسلت، يصلح تلخيصاً لبوستات كثيرة في هذا البورد. لعل أصحابها لم يقتنعوا بالمثل الذي يقول: إذا كان بيتك من زجاج، فستتعب من تنظيفه!! وفي روايةأهل إصحاح البيئة: إذا كان بيتك من زجاج فستعاني من الانحباس الحراري.
| |
|
|
|
|
|
|
Re: الفيك بدربو والعيب اقدلبو ....... (Re: نزار محمد عثمان)
|
جارنا نزار
تحياتي
Quote: إذا كان بيتك من زجاج، فستتعب من تنظيفه!! |
اصبت كبد الحقيقة ....
لكن السؤال الموضوعي .... منو القال انو صاحب البيت الزجاجي تهمه نظافته ....
Quote: إذا كان بيتك من زجاج فستعاني من الانحباس الحراري |
.
لذا يكون هروب المنحبسين حراريا للامام دائما يا دكتور ....
و تقبل تقديري
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
اول حاجة يا حسين ملاسى ولدك حلو شديد عسل بس عندى صديقة بنتها الصغيرة كلما تكون موجودة وافتح البوست بتاعك تبكى وتقول لامها انا عاوزة عشرة اخوان زى ده ... ما شاء الله وصلات النبى وعينى باردة يشبه امه مش كده ؟
الامثلة :- الجمل ما بشوف عوجة رقبته امشى عدل يحتار عدوك فيك الاحوص طبزوا فى عينه قال اصلها بايظة بايظة ولى عودة .. امال ام وضاح
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
من الامثال العاجبانى عدالة القصص ام قصة عوجا وشكارتا دلااكتا بالله يا ملاسى لو تشرح لى الاخير دا بكون شاكر بعدين ياخى ما تحرجنا دايما مقصر رقبتنا عشان الدكتوره دى ما بت عمك ودا ماقطعتو من راسى لكن من كلاما حيث قالت لك ود الخاله ومن هنا اما ان تقولها بت الخال او بت الخاله يعنى مافى احتمال ابدا تكون بت العم شوفتا كيف بالله مات تتاخر عشان بكره الجمعه وانا عارف ناس الخليج بخمسو كويييييس وصلاة الجمعه سكو وبالمناسبه سكو دى اصلها من وين
| |
|
|
|
|
|
|
Re: الفيك بدربو والعيب اقدلبو ....... (Re: WAD ELGAALI#4)
|
يا اخونا زول بس يورينا الحاصل شنو ....
امس قبل مشاركة اخونا ود الجعلي و بعد مثل اذا كترت الهموم ادمدم نوم المهدى للاخ هوبفول
شاركت الاخت رجاء العباسي بمثل بصراحة انا ما فهمتو بس فيهو سيد الدكان و كدا ... المهم
الليلة لا لقينا المثل لا لقينا حتي اثر اختنا رجاء .... يعني مش بس تم التحرير و مسح
المطلوب .... بل تمت ازالة مشاركة رجاء كاملة و كأن لم تدخل او تتداخل .... ما يذكرني
بازالة مشاركة الموناليزا الشهيرة تلك " اقصد مشاركة الذي كتب باسمها "
المهم هل المثل المكتوب بتاع سيد الدكان دا فيهو حاجة .... و لو كان فيهو حاجة لم لم يتم
الاكتفاء يتحريره تعديلا او شطبا كما هو الحال في الحالات المشابهة دون الحاجة للاستعانة بقوى
خارقة لسحب اثر المشاركة من الاصل كأن لم تحدث .....
و هل الداعي لذلك المثل المكتوب ام ان مجرد المشاركة في بوستي هذا هو ما يستوجب اخفاء الاثر ..
تساؤلات نرجو ان نجد الاجابة عنها .... و ان لم يكن على الملأ فلا بأس من استعمال الماسنجر او اي
وسيلة اخرى ....
و ان راي ذو الشأن ان ليس لي حق ابدأ هذه التساؤلات فانني اسحبها - التساؤلات - او يمكنهم
سحبها ايضا
مع خالص تقديري و احترامي للاخت الفاضلة رجاء و لمن قام بسحب المشاركة كائنا من كان ....
حسين ابراهيم ملاسى
| |
|
|
|
|
|
|
Re: الفيك بدربو والعيب اقدلبو ....... (Re: WAD ELGAALI#4)
|
Quote: عشان الدكتوره دى ما بت عمك ودا ماقطعتو من راسى لكن من كلاما حيث قالت لك ود الخاله ومن هنا اما ان تقولها بت الخال او بت الخاله يعنى مافى احتمال ابدا تكون بت العم |
كدي نديك سؤال كدا في حساب المثلثات يا جعلتي:
لو عمك اتزوج خالتك ..... اولادهم - لو ربنا رزقهم بابناء صالحين - حيكونوا بيبقوا
ليك شنوووووو
كدي فكر في دي لحدي الويك اند بتاعكم و ما تستعجل في الاجابة ....
اها نجي لسكو ..... سكو دي بت جيران فكو و ما بتبقى ليها ....
اما شكارتا و ام قصة عوجا بقولها ليك لمن تجاوب لي سؤال حساب المثلثات
| |
|
|
|
|
|
|
Re: الفيك بدربو والعيب اقدلبو ....... (Re: abuguta)
|
Quote: الماجك فى كسرة رجلك ما تديه فكرك |
الماجك فى كسرة رجلك اكسرلو كبايتك
متلومين معااك يا ابو قوتة ياخي .... و الايام ديك كان عندنا توجيهات كدا انو ما
نكتب بوستات اجتماعية من تهنئة و تعزية و كدا .... عشان كدا ما نزلنا ليك بوست
امنيات عاجلة بالشفاء .... بس اسه خلاص ما اظن في مشكلة .... بس انت شد حيلك
معانا و نحنا ما بنقصر تاني
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
ملاسي وحاة كتاب الدين انا امبارح كتبت ليك امثال والليلة الصباح ما لقيتها0000 يعني زي موضوع رجاء00000
لكن هاك ديل
بصلة المحب خروف
جيتك يا عبد المعين تعيني
المال تلتوا ولا كتلتوا
القرد في عين أمه غزال
الجاتك في مالك سامحتك
وفي نوع أمثلة كدة الواحد ما بيقدر يكتبها عشان التعليق وكدة000
ناس البتدوروا تسموا بخيت والبتابوا تسموا000000000 وناس الاسد لما يعجزالغنماية00000000000000000
يلا يا ملاسي قصرت معاك
يديك العافية
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
اخونا ملاسى انا ترانى يادوب دخلت على بيتك ده،لانى كنت قايل فيهو شكله لمان شفت العنوان قلت كدى النشوف الشكله دى كيفنها ومع منو.. اها ما اطول عليك،انا فى مثلاية كده عاجبانى،مازينه وعاجبانى بتاعة الكابلى بقولو؛ سهر الجداد ولا نومو
تصبح على خير ونوم العوافى
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
العزيز ملاسى والخالة دوما اها عايزين امثال حبوبتى الحرم الله يرحما العندو حنة يحنن(..)حمارو المرفعين لو ما عارف (..)..(..) ما ببلع اللالوب
غلفا وشايلة موسا تتطهر بحر ما فيه تمساح يقدل فيه الورل .. اما فى اليمن فى مثل كده يشبه الخيل تجقلب والشكر لحماد يقولو القبقبة للولى والفايدة للقيم وفى مصر ادى الخنفساية كحلة تلقى الخنفساية تحلى يشبه مثل الشين شين ولو غسل وشو مرتين وفى العراق تباهي المعزو بلية النعجة والتحية لكما مجددا
وعموما كثرة الامثال دلالة علىذكاء الشعوب وكل ما كان المثل بذىء كان اكثر فعالية فى لجم الخصوم
| |
|
|
|
|
|
|
Re: الفيك بدربو والعيب اقدلبو ....... (Re: adil amin)
|
الحبيب ملاسي سلامات
احشفاء وسؤ كيله
كلما قرأت " لأحدهم" .. استحضرني هذا المثل
دا من شنو يا الله؟
وافق شنن طبقه
اما هذا فلا يقفذ الي ذهني الا اذا رأيت القوم يتناصرون دون معرفه بالأمر او تروى فاردفه بالمثل العامي "يبكي وما عارف الميت"
ويكون هذا علي نقيض المثل "شكارته دلاكته" وانا انظر من المسطبه التانيه ..
بعدها ادلف لعمود النور الناصيه لاري احباب "النور" وهم يتمسكون بمقوله "الكلب ينبح والجمل ماشي" وهم يحتسبون ازعاج الحشرات حول الضؤ وتعكيرها لهم وازعاجها المتواصل ..
بعد كل هذه المأسى لا مناص من اكل بوش من دكان البرناوي مع بقية الشلة عملاً بمقولة "لقمه هنيئه تكفي ميه" مما يثقل الرأس ويشعرك برغبه عارمه في النوم عملاً بمقولة "إن كترت عليك الهموم اتدمدم ونووووم"
| |
|
|
|
|
|
|
Re: الفيك بدربو والعيب اقدلبو ....... (Re: Muhib)
|
Quote: ياملاسي ...اسمع البوست وين ..اي ..بتاع الفصل والطرد |
ايوا كدا اظهر على حقيقتك يا مهيب .....
مش كنا شركا ياخي ....
تبعي دي علاقتها شنو بتبيعات اخونا مراويد .... اوعك تكون انت المقصود
صاحبنا مراويد دا فاتح نار عديل .... احسن ليك تغير تبعي دي عشان ما يكسرك مع الدنيا
بتاعتك على راسنا كلنا
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
دفنوا الزول و خلوا التبيعه
التركى و لا المتورك
اب سلمبويتى ولا كدكاى زول
الفيك بدربو
العربى لما يشم الهوا...بسوي لى جيب فى طاقيتو مستجد النعمه ضايق او مخلوع
الما شفتو فى بيت اهلك بخلعك الما اتربى فى بيتو..ما بربى الشارع
القلم ما بزيل بلم
وكل الامثله تذكر بتبيعات حايمه هنا
| |
|
|
|
|
|
|
Re: الفيك بدربو والعيب اقدلبو ....... (Re: مراويد)
|
ابدا يا بروف ما زعلتا ... هو انت قلتا حاجة بتزعل ...و بعدين ياخي الزعل هنا مرفوع
بس منو القال ليك المحرش ما بكاتل .... و الانتا بتعمل فيهو دا شنو صفرجت ... ما ياهو كتال
ما تزعل يا خواجة البيناتنا عامرة
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
الجمل ما بيعرف عوجة رقبتو البيضة الخايصة ما بتقى سوسيو من كترة عقولنا ما اتعرفت اصولنا السفيه النبذ الباشا المابتلحقو جدعو العايز تهرى اسكت خلى لمة المتعوس وخائب الرجا جوقة السلطان البتشتم بلا مغصة الرجل الفرطوق الصفيح الرجل الدلاليك الرجل البو الرجل خيال المآتى الرجل الذى تتمنى امه لو كان حيضة خلاص يا ود عمى ولا نزيد؟
| |
|
|
|
|
|
|
Re: الفيك بدربو والعيب اقدلبو ....... (Re: wd al geran)
|
Quote: التخسة يا ملاسي ... التخسة تباعة الفواتي .. هن يصفقن وهي تزغرد. |
Quote: سمعتا المثل دا قبل كدة؟ |
ايوا سمعتا بيهو يا مراويد ......
اديني شوية كدا عليك الله اتأكد لي من حاجة و بجيك راجع ......
قلت لي التخسة مش كدا
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
يا حسين ملاسي يا اخوى شايلا معاى كده بدون سبب
و الكلام ده ما قلتو قالو الاخ "ود الجيران"
Quote: wd al geran
تاريخ التسجيل: 08-09-2003 مجموع المشاركات: 167 Re: الفيك بدربو والعيب اقدلبو ....... (Re: مراويد)
التخسة يا ملاسي ... التخسة تباعة الفواتي .. هن يصفقن وهي تزغرد.
سمعتا المثل دا قبل كدة؟ |
Quote: ايوا سمعتا بيهو يا مراويد ......
اديني شوية كدا عليك الله اتأكد لي من حاجة و بجيك راجع ...... |
Quote: يمكنك ان تخدع بعض الناس بعض الوقت او كل الناس بعض الوقت او بعض الناس كل الوقت
و لكن لا يمكنك ان تخدع كل الناس كل الوقت
مش كدا يا بروف...... |
فعلا لا يمكن ان تخدع بعض الناس و لا كل الناس
و من غشنا ليس منا
و لا شنو يا حسين
كتر خيرك على كل حال
| |
|
|
|
|
|
|
Re: الفيك بدربو والعيب اقدلبو ....... (Re: WaD OmI)
|
Quote: الغايب عذرو على جنى وعذر جنى على الغــــــــايب حجر ..... |
اختنا العزيزة نوف
عذر جني على السفير
و ان شاء الله تكوني جاوبتي على سؤال اخونا دينق داك لاننا منتظرين الاجابة برضو
و تحياتي لادروب بلدياتنا ....
| |
|
|
|
|
|
|
Re: الفيك بدربو والعيب اقدلبو ....... (Re: DKEEN)
|
البكا والزغاريت والجنازة كلب العضا الدبيب يخاف من مجرالحبل زرة كلب ابيض فى سوق فلاتة كان لاقاك حسين ملاسى الصباح..ارقد نوم ارتاح الما يعرف البورد يقول عدس البتقع من السما تحملا الواطة مش كل المدردم ليمون عايرة وادوها سوط لو ما عين ملاسى نامت القيامة قامت نوم الظالم عبادة البكرهك يحدر ليك فى الضلمة جزم ناس العمارات باسطة فى ام بدة
| |
|
|
|
|
|
|
Re: الفيك بدربو والعيب اقدلبو ....... (Re: adil amin)
|
اخونا الاخضر عادل امين
Quote: العندو حنة يحنن(..)حمار |
Quote: والمرفعين لو ما عارف (..)..(..) ما ببلع اللالوب |
Quote: غلفا وشايلة موسا تتطهر |
يا خي الامثال الذكرتها دي بتوديك في حديد و بعد شوية حيجي الحيقول ليك امثالك دي زي الزفت تشيلها و لا ..... و عندها سوف لن تنفعك شفاعة .... بس ما تخاف برضو حندخل ليك اجاويد و حركات بالشكل دا لتخرج بأقل الاضرار
| |
|
|
|
|
|
|
Re: الفيك بدربو والعيب اقدلبو ....... (Re: DKEEN)
|
اخونا دكين
Quote: الذي لايعرف حفرة الدخان .. مؤخرة يحرق |
و الذي يعرف حفرة صدام .. مقدمة يحرق
Quote: طبعا مع فارق التركيب اللغوي و فارق القياس بين مؤخرات العرب والاعاجم |
مع الاحتفاظ بنفس فارق القياس ...
| |
|
|
|
|
|
|
Re: الفيك بدربو والعيب اقدلبو ....... (Re: Nagat Mohamed Ali)
|
اختنا الفاضلة نجاة محمد علي
تحياتي
تشريفك لبوستتنا هذا بهذه الكوكبة من الامثال الفرنسية و مقابلها من الامثال السودانية بعث فينا الفخر و اثبت ان التراث الانساني لا يتجزأ و اننا لسنا باقل من الفرنسيين شأنا
و على ذكر فرنسا و الفرنساوي اذكر اننا درسنا في اولى و تانية ثانوي لغة فرنسية و كان ان انقطعنا بعد ذلك عنها تماما ... بعد حوالي 10 سنوات ذهب احد الزملاء للمركز الثقافي الفرنسي لدراسة اللغة الفرنسية......
فسأله المسؤول: ان كان قد درسها قبل ذلك فاجاب : بنعم فسألة المسؤول : ما الذي تذكره منها فاجاب : عبدو و أمينة .........
و شكرا على هذه المشاركة القيمة
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
ليسمح لنا عادل عبد العاطي ان نثري بوستنا هذا بامثاله هذه ....
يقول الصينيون:
Quote: من الصعب ان تقبض علي قطة سوداء؛ في غرفة مظلمة؛ خصوصا اذا كانت هذه الغرفة خالية من القطط!! |
ويقول البولنديون:
Quote: ليس في امكاني ان اقنعك؛ انني لست بعيرا! |
_________
و اقول انا
ليس في امكاني ان اقنعك؛ انني لست عويرا !!
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
اخي ملاس اخرجت هذا المقال من صفحه الاراء الحره بيد انه يتماشي تماما مع عنوان البوست بتاعك (الفيك بدر بيه). من هو العنصري يا حكومة السودان؟
31-3-2004 بسم الرحمن الرحيم مقال بعنوان: من هو العنصري يا حكومة السودان؟
بالأمس طالعتنا الأنباء بان حكومة الخرطوم قد أفشلت محاولة انقلابية وصفتها بالعنصرية, وأنها قد اعتقلت الذين خططوا لها وهم عشرة ضباط جميعهم من غرب السودان, إضافة إلي أعضاء من حزب المؤتمر الشعبي غالبيتهم أيضا من غرب السودان ( إقليمي دارفور و كردفان).و مهما تكن دوافع الحكومة لما أقدمت عليه, فان إجرائها هذا في حد ذاته ذا طابع عنصري لأنها استهد فت فئة معينة من جهة معينة ومن (عنصر!) معين,وهي بهذا إنما زادت الأمر سوءا إذا كانت روايتها أصلا صحيحة, رغم أن كل الدلائل تشير إلي عكس ذلك, واهم دليل علي أن الأمر لا يعدو إلا أن يكون إخراج سيئ لمسرحية أكثر سوءا انه لم تذع بيانا بالأمر كما هو مألوف في تاريخ إحباط الانقلابات والمؤامرات في السودان وهي غنية بذلك,ودونكم التاريخ. وكما يقول المثل( رمتني بدائها وانسلت), فان القائمين بأمر البلاد في السودان ألان مارسوا وما يزالون يمارسون العنصرية في جميع نواحي الحياة في السودان, سياسياو اجتماعيا واقتصاديا وتنمويا وهام جرا. وعلي المرء أن يتصفح( الكتاب الأسود)1 ليري تفاصيل ذلك . واليم نري التطهير العرقي الوظيفي علي أشده في هذا البلد المنكوب, إذ أن الحكومة ظلت تلاحق أبناء دارفور وكردفان في مرافق الدولة المختلفة وتقصيهم من مواقعهم , و خاصة في قطاع الأمن والقوات النظامية, وصلت ذروتها في فرية المحاولة الانقلابية هذه. ليس هذا فحسب , بل إنها ألت علي نفسها أن تحرم أبناء هذين الإقليمين من التوظيف في الوظائف الحكومية وبعض القطاع الخاص وحصرت ذلك لأبناء قبيلتي الرئيس ونائبه , وما رفض وزير الطاقة للمثول أمام احدي لجان البرلمان السوداني للإجابة علي استفسارات النواب بخصوص حصرية التوظيف في وزارته علي أفراد قبيلته إلا ادمغ وابلغ دليل علي عنصرية هذا النظام الذي يدعي انه إسلامي وهو ابعد ما يكون من تعاليم الإسلام الذي ينبذ العنصرية والجهوية وتعيين الرجل في موقع مع وجود من هو أكثر أهلية منه. والناظر إلي تركيبة الحكومة نفسها والي استحواذ معظم الحقائب الوزارية وإدارات المؤسسات الحكومية وغير الحكومية وإدارات البنوك, يدرك تماما ولوغ هؤلاء القوم في مستنقع العنصرية التي يوصمون الآخرين بها. وما أكثر الأدلة علي عنصرية هذا النظام, والجميع في السودان الآن, وخاصة خريجي الجامعات, يعلمون جيدا أن استمارات التقديم للوظائف بها خانة لتحديد قبيلة المتقد م للوظيفة المعنية! , لا يخفي الغرض منها إلا علي من يريد دس رأسه في الرمال. وليعلم الجميع أن خريجي جهاز الأمن لعام 2003 م , وعددهم 500 خريج, كلهم من الإقليم الشمالي و35 منهم من قرية واحدة شمال الخرطوم بحري!. الا يكفي كل هذا وغيره كثير بمؤسسية الممارسات العنصرية لهذه الحكومة ؟ وهذا ليس بمستغرب علي حكومة يتحكم فيها قلة مطلوبون دوليا لمحاولات اغتيال شخصيات دولية, ومحليا لممارسات التطهير العرقي جسديا ووظيفيا لأبناء الغرب والشرق ومن قبلهم أبناء الجنوب. وكل الذي نخشاه أن يجر حرص هؤلاء علي الاستمرار في الجلوس علي مقاعد السلطة, آن يجروا السودان إلي حرب أهلية لا تبقي ولا تذر . واني لأري الوميض الذي كان تحت الرماد وقد صار لها ضرام, فليت شعري اايقاظ أهل السودان أم نيام؟
هامش: 1. الكتاب الاسود:الجزء الاول والثاني, www.sudanjem.com
د. محمد احمد موتسو.سوداني بالمهجر جدة, ص .ب876 , السعودية e-mail: [email protected]
(عدل بواسطة Mohamed Adam on 04-11-2004, 07:06 AM)
| |
|
|
|
|
|
|
Re: الفيك بدربو والعيب اقدلبو ....... (Re: Mohamed Adam)
|
اخونا الحبيب محمد ادم
تعرف يا محمد في الاول ياخي افتكرتك بتلمح لاني عنصري بغيض ,,,,
المهم بعدين لمن روقتا المنقا شوية كدا, عرفتا انك قاصد تطابق المثل مع وصف الحكومة
للمحاولة الانقلابية – التخريبة – بانها عنصرية .... حينها تنفست الصعداء ....
و رميت دائي و انسللت .....
شكرا يا محمد على المشاركة و اتمنى ان نتقاطع كثيرا في المستقبل
| |
|
|
|
|
|
|
Re: الفيك بدربو والعيب اقدلبو ....... (Re: Hussein Mallasi)
|
الاخ حسين بما نو البوست ده ممكن ينحرف لاى مسار احتياطى وبما انو انا ما قدرت اقراء كل المداخلات فانا حاشوت بس
رايك شنو فى المثل الحبوباتى ده البتريدو تاكلو ليه الظلط والبتكجنو تفتشو ليه الغلط
لكن كلمة الظلط دى حبوباتنا لقنها وين??!!
| |
|
|
|
|
|
|
Re: الفيك بدربو والعيب اقدلبو ....... (Re: عشة بت فاطنة)
|
شكرا يا عشة على الامثال الرهيبة دي ...
Quote: وصراحة ما قدرت اقرا كل الامثال و لو كررت ماعلي عليك يا ملاسي |
و بعدين يا عشة معقول زي امثالك دي تتكرر او زول يقدر يجيب زيها – باستثناء عالية الغالية –
و بالذات:
Quote: الرجال جزم لا نستطيع ان نمشي حفاة بدونها |
Quote: يطلع مركوب ويجي برطوش |
اما
Quote: المرا كان فاس ما بتقطع الراس |
فالأصوب: المرا كان ما فاس بتقطع الراس
اما الخط فكدا تمام و عليه مافي داعي استعمل نضارة بعد كدا
| |
|
|
|
|
|
|
Re: الفيك بدربو والعيب اقدلبو ....... (Re: mekki)
|
الخيل تجقلب والشكرة لحماد
امراة غرقت وانقذها ود ولدها فقالت: مرقني ودالعدوة وكسر فيني ترقوة ، ودالحبيبة ما عندو في البحر صسبة.
ورنجع للنسوان والرجال -
يا ضامن الموية في الغربال لاتضمن الرجال
الرجال ضل ضحى
ضل حيطة ولا ضل راجل
ساواه باب للكلاب
الراجل كلب
الهجين بصلح العجين -من عندي
| |
|
|
|
|
|
|
|