من الحاجات الانا بشعر بالاسف للحديث عنها هي منطقة ومستشفي بئر العجم البتبعد عن المقر الرئيسي لشركة أرياب ربع ساعه فقط .
المستشفي بتعتمد عليه (6) قُري ذات تعداد سكاني متفاوت أكبرها منطقه بئر العجم نفسها الفيها المستشفي ، المستشقي من ٢٠٠٢ مااشتغل فيهم طبيب اطلاقاً وشغال بي مساعد طبي لمن اغسطس العام الماضي .
مؤخراً كانت في محاولات لادخال نظام التامين الصحي ودكتور علي شاش وافق تماماً وكان الغرض منو توفير ادوية الطوارئ لانوالمستشفي ما بتجيها ادوية الا كل تلاته شهور لاسباب مجهوله وما بتحيهو ادوية طواري لانو شركة أرياب هي المسؤولة عنو بالكامل وبسببتقاعس لجنة المسوولية المجتمعيه المسؤله من المستشفي في معانا في توفير الادوية وحتي انو في مشكله في الكهرباء ودي من المسلسلاتفي انو الادويه ما بيتم حفظها في مكان ملائم عشان كده اهلنا في المناطق المحيطه بالمستشفي بيعانوا من انعدام الادوية لفترات طويله .
المستشفي للحظة بيعاني من انو الاطباء ما بيقعدوا فيهو لانو مافي اي معينات متوفره ليكم والاستحقاق المالي ضعيف جداً لاسباب تعلمهالجنه المسؤوليه المجتمعيه هناك .
شركة ضخمه بضخامة أرياب ما قادره علي تأهيل مستشفي يبعد من الشركة كيلومترات معدودة بل وكمان بعد الحريق النشب في مكتبالطبيب داخل الشركه ، تم تجريد الاهالي من حقهم في العلاج والفحص وقاموا باخد المعدات الموجوده في المستشفي .
مع انتشار الحصبه الايام دي المستشفي ما فيهو حتي وحده لعلاج الحصبه ولا فيهو جرعات للتحصين ضدها ، المستشفي مجرد من معداتخياطه الجروح لو لا قدر الله زول من المنطقه احتاج .
اما عن حال النساء فالنساء في المنطقه ما عندهم عياده متخصصه لمتابعة الحمل والولادة واقرب مستشفي ليهم في هيا بيبعد 3 ساعات .
مؤخراً قامت مجموعه شبابيه من تحليل المياة الموجوده في المنطقه وتم التوصل الي انو المياة في منطقه بئر عجم هي مياة غير صالحهللشرب لانو فيها نسبة عالية من المعادن ، وعشان تكون صالحة للشرب محتاجه لي محطة تحليه وطبعا المحطه براها ما كفايه لانها ما بتقدرتطلع نسب المعادن العالية وباستشارة جيولوجيين ومختصين لقينا انو في جهاز للتنقية بي ٣ مليار فقط ممكن يطلع مياه تكفي المناطق ديكلها ويحفظهم من حالات الفشل الكلوي المنتشرة هناك .
عناوين الاخبار بسودانيزاونلاينSudaneseOnline اليوم الموافق June, 11 2022