سلامات للجميع... ياجماعة الوكت حقيقية للوقوف مع أهلنا وشعبنا ما وكت إنتقاد او تحليلات او فُرجة أو تناقل أخبار وفديوهات فقط وسخط ولعن ساي... مع محبتنا وإحترامنا للجميع ... ياريت الناس تبدء تنظم في نفسها وتتحرك تتفاعل إيجابيا مع الوضع في البلد ... محتاجين نرجع ننتظم في مجموعاتنا المهنية وبتاعت الجاليات والروابط وغيرها والمجموعات السياسية الكانت من قبلي الثورة وبعدها في توحيد راينا ضد الحرب🚫 وفي تحريك المسيرات والتظاهرات في المدن والولايات الامريكية وللكونغرس والبيت الابيض والإتحاد الاوربي والسفارات ومقابلة ومخاطبة الفاعلين الدوليين زي ماكنا بنعمل دائماً في الازمات والظروف الصعبة ... ومحتاجين للمخاطبات والإيميلات والعرائض ( petitions) وتوقيعها لوقف الحرب فورا وإلزام الطرفين بي كدا وبمنع أي تصعيد دولي واقليمي للحرب أومساندة اي من الطرفين ... ومحتاجين التأهب لتحريك كل المنظمات القادرة تقيف وتدعم اهلنا مادياً وعينياً ومن أدوية وكوادر طبية و إحتياجات عاجلة ممكن يحتاجها شعبنا في كل مناطق الإقتتال الحالي ودا عايز تحركنا ووقوفنا مع بعض كللنا والسُودانيين وكت الحارة ما بتوصوا... وربنا يحفظ بلدنا وأهلنا وجميع شعبنا... والمجد للسودان... نضال عبدالوهاب 16 ابريل 23
عناوين الاخبار بسودانيزاونلاينSudaneseOnline اليوم الموافق April, 14 2023
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نضال عبدالوهاب
فيس بوك
تويتر
انستقرام
يوتيوب
بنتيريست