|
|
|
 Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
الأخت أيمان
شكراً على الرد الراقي الموضوعي .. الأستاذة عواطف إدريس كتبت عن نظرة المجتمع وليس هناك إصطياد في ماء عكر أو صافي بل هي مجرد مداخلات وإجتهاد مني وعبارة عن أراء قد تحتمل الصواب أو الخطأ .. والتعبير الدارج لكلمة ( قروشك فرعنتك) يعني فوّت قلبك ولا أظن فيه ما يسيء لك .. أما إذا تلمحين بمصري ومغربي لأمرٍ في نفس يعقوب فليس هناك ما يخجل أو يشين فأنا فعلاً خبير وخبير جداً .. لكن أوصف ليك راجل إشتغل خاطبة وممكن يلمك في إبن الحلال من أي من الجنسين إسمه ( الحبوب)!!
| |
 
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
ايمان انا جيت رغم انو البوست شبه مقفول على النساء..
بس عندي نصيحة محرقة لي روحي دايرة اقولها ليك:
الصقر وكتين يقع كترة البتابت عيب ... 
| Quote: انا طلقت راجلي التاني الحقوني يا ناس التكنلوجيا المتقدمة |
بعدين ناس التكنولوجيا المتقدمة ديل يفزعوك في شنو؟ انت راجلك دا الي ولا شنو؟
ولا انت ذاتك يرمموك ؟ سؤال انتي ليش اضربتي عن الشيخ اب شرا وسيدى الحسن ؟
يعني دا استعداد للتاني (بعدما فكوا الملح)
لك الشكر... اعتبر البوست بتاعك من اميز البوستات وعلى فكرة دا الخلاني اضرب عن تحذيرك للنساء واقوي قلبي وادخل..
حليمة
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: محمد عثمان محمد طه)
|
على فكرة يا ايمان يظهر انو الناس فهمت انو فى ماسنجرات بينا بالجد ...
يا شباب الكلام دا فبركه ساكت ... عملت كوبى لى صفحة الماسنجر عندى وختيتها فى وورد عادى وغيرت فيها الكلام وبعدين حملتها على شكل صوره عاديه .... وايمان عملت نفس الفكره لانو اصلا مافى بيننا ماسنجرات ....
عشان ما يجينى واحد يقول لى الكلام دا عيب منك يا ام حاتم وبت حاتم ..... سمح
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
| Quote: عشان ما يجينى واحد يقول لى الكلام دا عيب منك يا ام حاتم وبت حاتم ..... سمح |
خاصة بعد بقيتي تتكلمي في السياسة..
اسع يجوك الوعاظ وبكرة زول يلاقي امك يقوليها
رندا قالت عايزة تختف رجال النسوان
والكلام يصل الخرتوم
الناس تقول رندا عايزة تختف رجال النسوان
اصلو مافي زول بيكون خاتي بالو انك متزوجة
وانه الموضوع كلو هظار ما غير...
وهكذا تطلع الاشاعات من هذا البورد وتلف المدن والاقطار والقارات..
في زول قال مرة لاختي اني شتمت واحدة قلت ليها يا بايرة
واصلو لا اذكر ذلك
وزول قال اني بدافع عن الانقاذ واني كوزة واصلو ما قدر يجيب
الكلام دا متين وين برضو الناس صدقتو
واسع واحد ضرب لي قالي قلتي لزول عبد
شوفتي كيف بتطلع الاشاعات؟
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: ملكة سبأ)
|
قالوا يا الملكة
في تلاتة اسود
قارضة ليها منطقة من مناطق الجزيرة قرض شديد
كل يوم يمرقوا وكت صلاة المغرب
يحوموا في البلد
وياكلوا الناس ويرجعوا الغابة تاني
اها في وليد من وليدات المنطقة
اتعلم الموسيقى
وبقى شاطر شطارة شديدة فيها
اها جا يوم البلد اجازة
وسمع بقصة الاسود
قال لي ناس المنطقة
اسمعوا انا عندي فكرة
وكت صلاة المغرب
لما الاسود تجي مارقة
انا بقعد اعزف هنا في نص البلد
والعزف البعزفه بينوم الاسود
اها اول ما الاسد ينوم
تهجموا عليه وتكتلوه طوالي قوام قوام
قالوا ليه سمح
اها وكت الصلاة
الوليد خت كرسيه
وقعد شايل الكمنجة حقته في كتفه
الاسد الاول جا مارق من الغابة
والوليد يعزف عزف سمح
والاسد يتدروخ ويقع يشخر
الناس يصفقوا فرحانين
ويجروا يكتلوا الاسد
اها الاسد التاني يجي مارق بعد شوية
والوليد يعزف عزف سمح
والاسد يتدروخ ويقع يشخر
الناس يصفقوا فرحانين
ويجروا يكتلوا الاسد
اها الاسد التالت يجي مارق بعد شوية
والوليد يعزف في عزفه
والاسد ماشي عليه
وهو يعزف
والاسد ماشي
وهو يعزف
لمن الاسد وصله
وكف
اكله هو وكمنجته وكرسيه
في قردين اتنين قاعدين فوق شجرة بيتفرجوا
واحد في القردين عاين للقرد التاني
وقال ليه
ما قلت ليك الاسد الاطرش بياكله؟
ههههههههههههههه
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
أنا عندي سؤال .....
في واقعنا العايزين تغيروه الواحد لما يحترم مرتو ويوفر ليها أسباب الراحة بيقولوا عليهو ( مستتا ) يعني مخليها ست الستات. هسي إنتو في مشروعكم الإنقلابي ده حتعملوا للراجل شنو؟ ( ترجلوهو؟ ) والا ( ترجوهو؟ ) عايزين نعرف بس عشان نطمئن على مستقبلنا.
حد يشعر بالسعادة ويمشي يختار الشقا؟
| |
|
|
|
|
|
|
|
|
 Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
| Quote: اجيب ليك ماسنجراتك للرجال الفي المنبر؟ |
كلهم يامفترية ؟!
كان جبتي اكتر من خمسين ماسنجر نمرة واحد وخمسين طوالي دي ما انا
من هسي كلمتك 
| Quote: رندا تعالي عندي معاك شغل |
حننتيني لكن !!
ريا اقصد رندا كدي خليها وتعالي اوريك الكوت بعملوهو كيف
يعني تظللي كلام الزول وتضغطي الحاجة الحولها الخط الأحمر
وللمعلومية نحن الدرس الخاص مابنقبل فيهو أقل من خمسة رجال تحت الحساب
لحدي هسة لهطتن كم ؟
انا بكرة دغش جاية افتح بوست اوضح فيه معاناة بنوت المنبر والجدب الذي يلون مساحات ماسنجراتهن جراء الهجمة الشعواء التي تشنينها انت وحليفتك على الجنس الحنيّن والسياسةالإمبريالية التوسعية الإستيطانيةالتي نشجبها وندينها ونتابعها بقلق بالغ ...
بِس عليكن
| |
|
|
|
|
|
|
|
|
 Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
Quote: هسى يا بلقيس ما اخير ليك تتضامنى معانا ... نحن ناوين نعمل مشروع استثمارى خطير
المساله دى لو ظبطت ... ح نعمل "رجكت" لكل الطلبات المقدمه ونكون برلمان النسااااااء
فكرى فى العرض دا... لا تدعوا الفرصه تفوتكم ... |
هووووووي يا رندا حاتم منو القال ليك انا نساااء ؟
دايرات تقبلن عليّ أنا كمان وتخطفن أبو وليداتي تحيرني
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: ملكة سبأ)
|
Quote:
كلهم يامفترية ؟!
كان جبتي اكتر من خمسين ماسنجر نمرة واحد وخمسين طوالي دي ما انا
من هسي كلمتك |
عارفاها انا الحركة دي يا الملكة
لكن جني وجن الفلهمة
وما عندي وقت للحركات دي
كدي سريع سريع
بلا ظللي بلا مضيعة وقت
خلاس وكت ماسنجراتك فوق الخمسين انا ذاتي ما فاضية ليهن
حصتك دي امشي اديها في فصل ناس لؤي داك
اصله هايص وجايط
قال جنس حنين قال
حنينة انتي دي والله
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
| Quote: شن اللهطى يا يمة ..... |
اها دا زاااتو الخلانا نلاوذ من مشاريعكن دي يارندا يا اختي
| Quote: قلتى لى يا بلقيس راجلك هدى ورضى وبغسل العده ولا شنو؟؟؟؟؟؟؟؟؟؟؟؟؟؟ |
بري يايمة انتي قايلاني داقسة ليك ولا شنو
انا راجلي بجيب ليهو الطشت والموية الدافية والملح وحجر الكراش وابرك ليهو في ال و اطة دي
شوفي ليك غراب جزي
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Eng. Mohammed al sayed)
|
Quote: بهظر يا إيمان بهظر
والله بهظر
بهظ (طااااااخ)
.. (طرااااااخ)
يحلها الشبكها
بهظ.. بهظر |
يجازى محنك ... يمين بالله ضحكتنى .. اتخيلتها ساكاك بالكنش وطاااخ طراااخ وانت تقول والله بهظر .. بهظ .. وقبل ما تتمها يلحقك الكنش تانى ...انت بتهابش الزوله دى مالك ... ما سمعت "ابوحتوت" قال عنها شنو؟؟؟
النبى كفاهو خلاص يا ايمان ... الزول دا قال "يحلها الشبكها" .. يعنى نده الله عديييل .. خلاص خلاص .. هو قال تاب وتانى ما بقول ليك كدا ... موش يا محمد ..
| |
|
|
|
|
|
|
| |
peace builder
إيمان صالح
عواطف ادريس اسماعيل
لؤى
حليمة محمد عبد الرحمن
محمد البشرى الخضر
محمد عثمان محمد طه
bayan
ملكة سبأ
عصام عبد الحفيظ
انعام عبد الحفيظ
محمد أبوالعزائم أبوالريش
على محمد على بشير
فيصل نوبي
BAKASH
mamkouna
فيس بوك
تويتر
انستقرام
يوتيوب
بنتيريست