|
|
|
 Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
الفاضلة ايمان تحياتى
خليك تفتيحة وشوفى ليك شيخ اتسببى بيهو  المشكلة انو دى تالت مرة ) لكن حاولى برضو بس خلى شيخك واصل
Quote: فى سؤال مباغت بصيغة الامر بدأت نضال الحديث
تزوجنى ،، ؟؟ (كلمة واحدة تحمل السؤال والامر معا")
كان النسيم يحمل عطر الياسمين من غمازتيها بذات النونات الاستوائيات الخجولات
حاجبيها شمسان من النضارة والوضاحة والجمال ،
كلما بسمت ثمة شمس تود ان تشرق واخرى تود ان تغيب .
وهو .. يود ان يبكى ... فلا ظل ولامال ولا عمل
كيف اتزوجك وانتى عارفة انا حيلتى التكتح ماعندى غير بنطلون الجنز ده ، كيس الصعوط دة شحدتو هسى دى من واحد وهدا قميصى انهرد من ورا . ( قد من دبر) بإغواء من هذا الزمن اللعين والفقر المقيم ، ان الفقر يغوى أكثر من الراقصات الشرقيات وان كن عاريات.ياخى انا شدة مامفلس جاى كدارى من امدرمان عشان اشوفك بس وارجع كيف اتزوجك بس ورينى .؟؟
بحلقت فيه بعينيها الواسعتين كإقليمين زراعيين خضراوين متجاورين
فانكسر مرة أخرى من تلك الشموس التى تشرق فى ظلام يأسه وقلة حيلته . فمجرد ان تبحلق فيه تعبر خاطره تسكن غضبه وتهدىء من روعه
واعقبت .. ماعارفة تزوجنى بس وخلاص ماعايزة منك ولا من اهلك حاجة تزوجنى لانك لوما تزوجتنى حاتندم طول عمرك يااسماعيل وحااندم ، بصراحة كدا ابوى عاوز يزوجنى لشيخ حسن رئيس اللجنة الشعبية فى حينا . تتصور عندو مرتين ودستة شفع اولادو رجال وبناتو فتوات وبعد ده كلما اجى طالعة ابحلق فينى زى الصقر .
|
| |
 
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
يا ايمان
عايني اقتراح رندا حق تعرسو راجل واحد دا ما تفكري فيه
رندا ذي في الحتة دي بتكون معاينة لقصة القروش
دي لآنها على ما يبدو بتؤمن بالمادية الجدلية
على راي جازولت.. واسع ذي عايزة تطرح ليك تشاركيها في زوجها
بيكونو مزرورين في قصة بناء البيت كدا
طبعا دا قبل يظهر البنيان الرخيس الجنن نذار دا.
اها رندا دي داخلة على طمع ولذا
طلبها يرفض ولا ينظر اليه البتة البتة
اصلو لو هي عايزة تشارك ما اشاركها انا صاحبتها جننا تعرفو
ولا كيف؟
يا افكاتو نذار
تاني اسمك حيكون نذار 3 بانيل..
اوعى تتكلم عن البنا كثير كدا
تجي زوجتك تطرحك وتقول تريد شريكة فيك..
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: bayan)
|
يا نجاة هووووى ما تقصى لى .....
شنو يا زوله ... ايمان دى قالت دايره راجل تانى ... وانا كمان قلت دايره راجل تانى .. يعنى المساله يا اختى فيها مصاريف وشيله ومهر ومعازيم وبعد العرس كمان ح يحتاج مصاريفو اليوميه .. ومع العرس البقى غالى اليومين ديل اخير نتشارك لينا فى راجل .....
وبعدين كان على مسالة البيت وكدا اخير برضو نتشارك لانو هسى يا بيان كان قمنا لقينا راجل بتتوفر فيهو كل المواصفات المطلوبه وحضرتو قال الا يكتبو ليهو البيت بى اسمو اها ... يا الواحد يقول لا ويبدا الكواسه من جديد ويا عالم نلقى راجل عليهو الرك ولا لأ .. ولا كمان نوافق اها فى حالة الموافقه المشاركه مفيده .. بدل يعنى هى تخسر تعب عمرا وانا كمان نقوم نقسم حق البيت فيفتى فيفتى ...
ايمان يا بت امى فكرى فى العرض دا كويس .. وانا منتظره ردك ...
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
البوست اخد مكانه في المزح الجميل ونقلنا من البوستات المعتادة او بالاصح المملة
لكن نصيحة لي الله يا بيان ويا ايمان ورنـدة بانكن سمعتن اخر غـدر الرجال وهذه حقيقة ومع الاسف في مجتمعنا السوداني ده.
الحقيقة هي واحد سوداني ازوج ليه واحده هنا واختنا دي شغالة ماشاء الله عليهاوفي نفس الوقت عنـدها سيارة كوريلا قام اخونا بعـــد ازوجها بعـد فترة وجيزة باع السيارة وقام طلقها... والحين ...
فاعملن حسابكن يا اخواتي ما ادقسوكن
مودتي
_______________________________
راجل مرة بنفع
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: elameen)
|
هسى يا الامين انا اقترحت على ايمان دى الشراكه .. وواحده من مزاياها انو بيكون تحت المراقبه 24 ساعه ما بيقدر يلعب بى ضنبو ...
وبعدين ايمان دى فى الباقى لى نجيضة ومدردحه وما بتتغش بالساهل ... اها ياريت انها توافق على طلبى دا... وبعد ما تفلتر السى فيهات وتختار ... انا بتقاسم معاها التكاليف كلها ... وبعدين بالنسبه لى مسالة شغل البيت والاهتمام بالاولاد ممكن نجيب ليهو شغاله تساعدو مافى مشكله...
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
هييييييييي يا رنـدة انت قدر كلامك ده اسع اكان جينا في الجد الفار بنطط في عبك وخلك اذا اكنتي انت مقتنعة وشاركتيها والله بتحت تحت اللكس بحصل من اقربائك عندي مرة اخوي حصل ليها نفس اقتراحك واول شيئ اتجاعلت وقالت قسمة ونصيب وهي تاكل قسمتها وانا اكل قسمتي لكن تعالي شوفي بعد يومين ثلاثة ..... جنس نطح وحـدري اريت ما حدريك.
يا اختى ايمان دي الظاهر صياده شديد اعملي حسابك.... خلي كلامك يكون حده النت ده بس...
مودتي
امين
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: محمد البشرى الخضر)
|
يا اخوى انا انفصامى احادى الشخصية ...
يا ايمان ... محمد البشرى دا زول نكته ومن النوع المسلى يعنى الواحد لما يرجع من الشغل بلقى ليهو وش ضاحك اخير من النقرى الفقرى ... كدى ختى السى فى بتاعتو فى اللسته ... ودالبشرى قدم ورقك بالله فى البوست دا وان شاء الله ينظر ويفاد... انا ح اعمل ليك ريكومنديشن ..
ام حتوت لو مره ديموقراطيه ح ترحب بينا ترحيب شديد....
اها يا ايمان اوعى تجينى بى كنشك ... انا عارفاك نفسك حاااار ....
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
معاك أم حتوت (الديمقراطية)
هوووووووووووي يا رندا, أسمعي الكلام دا عشان تاني ما بعيده و كلمي معاك الجمبك
أولا - أبو حتوت حاشاه ما يتخت في لستة ولا يقيف صف , الدايره هو اليجي يقيف ليه صف
ثانيا- أنا ديمقراطية جدا , وواثقة من نفسي و راجلي و ما ها ميني كلامكم دا
سلام
OFF AIR
( و إنت تاني يا أبو حتوت الله يقدرك وأشوفك ماسك ليك كي بورد , ولا قاعد ليك قدام شاشة, بوريك ليه )
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: محمد البشرى الخضر)
|
Quote: يا افكاتو نذار
تاني اسمك حيكون نذار 3 بانيل..
اوعى تتكلم عن البنا كثير كدا
تجي زوجتك تطرحك وتقول تريد شريكة فيك. |
والله الايام دي حلمي بقي كلو سيخ وشبك؟ الغريبة الاسمنت دا اصلو ما لاقاني
في حلم...
قلنا نشرك لي ايمان دي امكن يكون عندها بيت يكفينا شر ال3 بانيل
لقيتا عندها اتنين بدل واحد ...وانسحبت لعدم الكفاءة...وهي كما تعرفين
شرط اساسي في الزواج...ما معقول زول بحلم بي 3 بانيل يلقي ليه زولة زي
ايمان دي ساكنة...وبانية تاني فنكهة...وانا لا هسي في طور الحلم البانيلي
اما زوجتي فهي اسمنتية الهوي...ولا علاقة لها وغير مقتنعة اصلا بفكرة ال 3 بانيل
وانا فقط امارس ديكتاتوريتي حسب فلسي..
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
غايتو الزمن دا اصلو مافى ليهو امان ...
هسى انتى فى ذمتك وكت رسلتى لى الماسنجر بالضرا .. وقلتى لى يا رندا شوتى معاى فى البوست دا قدر الله ما يقدرك عشان النحل يتلم ... وكلمى الفكى بتاع مايرنو يعمل لى عمل محبه (طبعا لانكم فى السعوديه وهابيين ما عندكم البلاوى دى) ... وانا استعنت بى كل مصادرى المعروفه (كيكي مثلا) والغير معروفه .... جايه هسى وكت الكلام مشى تمام وانا خاله الوراى وقدامى اشيل وارد واشيل واجامل واقلب ليك فى البروفايلات هسى دايره تزوغى موش ....
سمح يا ايمان يا بت صالح كان ما كجرت ليك بوستيك دا خليتو وقف محلك سر .. ما ابقى انا رندا ... وشيخى قال لى كان قصرت معاك تب بمشى ليها تانى مداخله مداخلتين ما بزيدن كان طمبرت ...
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
| Quote: عاد كان ما جبت ليك بكري ابو بكر يجيب الماسنجرات كلها ويفضحك ويفضح باقي الرسلوا الماسنجرات ما ابقى ايمان بت صالح |
اها ... وانا هدى قعده ... اكان بت امك بى صحى جيبى الماسنجرات .. عشان فضيحتك تبقى بجلاجل .... بس عاد اوع تتامرى مع بكرى ابوبكر .. ما بعيده عليك يا بت صالح .. انا ما جربت ماسنجرات المؤامرات حقينك (3 ماسنجرات بالعدد) ... اكتب ليك تواريخهم ولا مافى داعى ..... ولا اقول ليك كان كترتيها وواصلتى فى نكرانك دا بعملهم ليك كوبى وبيست ....
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
المنتدى العام لسودانيز أون لاين دوت كوم Messenger (Inbox)
Inbox - Randa Hatim
Inbox - New Message - Outbox
Date: 14-02-2007, 11:35 م
From: إيمان صالح
To: Randa Hatim
Subject: رجال اخر زمن
رندويه ... اسمعى يا بت امى ... انا الرجال ديل فقعو مرارتى عديييل كدا ... دايره اتفق معاك .. رايك شنو خليك مصاقره لى البوست دا 24 ساعه وانا ح اوريك كل مره تكتبى شنو وتردى على منو ... وووب على وووب على وووب على من الرجال ديل النبى فوقك كان ما ادبناهم ...
ايمان
Current Time: 15-02-2007, 07:20 ص
اها قلتى كدى .... يا ناس التكنولوجيا المتقدمه ورونى انزل الكلام دا باللون والصورة كيف ....
انا البت دى الا اقعدا فى علبها
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
لكن ياأم حاتم السويتيها رقدت
شوفي جنس المحن البقت علينا دي
| Quote: ياختي راجلك براهو الخفيف ولفيف |
أنا دخلت البوسط دا أتونس و أتفرج
قايل بي بروفايلي عندي حصانة
ما مشكلة
إيمان هينة
الكلام أم حتوت البقت تعدل في البوستات بلا باسوورد
و عملت لي قوانين و لائحة أخطر من لائحة بكري
أول مادة فيها ممنوع التداخل مع أو الرد على أي عضوة في البورد
هسي هي قامت تحضر المسلسل و أنا لقيت فرصة أكتب ليك الكلام دا
أها إرتحتي
عشا...
الليلة...المسلسل إنتهى
يلا مع السلامة و بالله كان طولت أفقدوني
(وجه يتلفت)
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: محمد البشرى الخضر)
|
إيمان هينة
الكلام أم حتوت البقت تعدل في البوستات بلا باسوورد
و عملت لي قوانين و لائحة أخطر من لائحة بكري
أول مادة فيها ممنوع التداخل مع أو الرد على أي عضوة في البورد
هسي هي قامت تحضر المسلسل و أنا لقيت فرصة أكتب ليك الكلام دا
عفيت منك يا ام حتوت
ايوه كدي
خلي كل قردا اليطلع جبلايته
قاعدين مصاقرين الكمبيوتر النهار والليل
وكل ما واحد سمع ليه بي شيلة فيها عراقي ولا سروال نطط عيونه وفكر في العرس
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
قال الصوره لقيتا فى النت قال .... النبى جيبى لينا اللينك بتاع الموقع الجبتيها منو!!!!!
على منو الكلام دا .... كدى بحبتى مخك دا كويس واتذكرى ..بطلى استهبال....
ولا اقول ليك ... رسلى لى ماسنجر
انتي لسه ما تبتي من الماسنجر ده؟
اها الصورة اعدم نظري لقيتها في النت
وحاة روح ابوي الما بحلف بيها كضب
مالك يا بت انتي مقابلاني؟
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: Randa Hatim)
|
لكن يا حنينه انتى دقستى دقسه عجيبه ....
شوفى الماسنجر الانتى نزلتيهو اول وقلتى مرسل ليك منى ...
تاريخو 7/2 يعنى قديم قبل 8 يوم ... وفى نفس الوقت عليهو علامه New يعنى لسه ما فتحتى شفتى الجواهو ... شغل فبركه ظااااهر ...
(انفع شرلوك هولمز .. صاح)
لكن عليك دينك شوفى ماسنجراتك النزلتها ليك دى ... تقدرى تغالطينى وتقولى ما رسلتيها ... اتحداااااك .......
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: فيصل نوبي)
|
فيصل
اول شئ
طلبت بالنبي تصغر الصورة الختيتها دي
تاني شئ
يا العامل فاهم في امور الكمبيوتر
رندا لا راسلتني ولا راسلتها لي يوم الليلة يعلم الله
دي صور فبركناها ساكت للضحك
البورد جايط وكله سياسة
والحكاية زي ما قالت بيان ضحك وهزار ساي
ما تعملوها جد وتلخبطوا لينا الموضوع
يلا تعال صغر الصورة
قبل ما اجيب ماسنجر منك هسه يفضحك انت ذاتك
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
يا إيمان ، أختنا الأستاذة عواطف إدريس كانت في بوست بتدافع عن موضوع الزوجات الSecond Hand
تجي تخربي ليها الرّصة .. الظاهر إنتي قريشات الإغتراب فرعَنَنِّك.. لا مشكلة برضو التغيير مطلوب طالما إتفرعنتي بي قروشك أو القروش فرعنتك .. برضو ما بطال التغيير ‘ ما معقول الواحد يقعد ياكل مفروكة دايماً؟!!.. بعدين حرام تقعدي قدام واحد بس العمر كلو .. فعلاً رتابة ممكن تؤدي للإكتئاب خاصة لواحدة عنده الإمكانات المادية للتغيير!! هي القروش سووها لي شنو ؟!!، مش عشان الواحد يمتع نفسو بيها .. غيري يا شيخة الواحد ما حياخذ من الدنيا حاجة وطبعاً الواحد بقدر يلبس جزمة لا مؤاخذة وقت طويل.. بتضايقو مش كده.. ممكن تغيري لي صندل أو شبشب يريحك!!
والله كان عندنا جارة دلالية ومقرشة .. غيرت حوالي (13) وكلهم (صوالين) وما شا الله هي ترلة ( مقطورة نسوان أمدرمان الزمان) وكانت شاطرة دايماً العصمة في إيديها بالمناسبة.. وطبعاً نحن جيران وبنسمع لما تجي تفنش الشاب .. تصوروا حجتها ( إنت طالق بالتلاتة عشان ما قاعد تصلي) وكانت شاطرة مافي واحد قدر ياكل منها قرش واحد.. فتحي عينك وخلي بالك.. خليك زيها شاطرة ما يجيك واحد حلنقي يقشقشك ويخليك على ود الترابي وأباطك والنجم والمسا!! .. عموماً طبعاً أنا كنت فضولي ومتطفل في مواضيها بالذات لأني كنت بتسلى وبتضحكني جداً وأنا الوحيد الما عارف ليه ما فكرت تتزوجو رغم إني جار والجار أولى بالشفعة إمكن عشان بصلِّي!! .. المهم لما ناقشت معاها الموضوع قلت ليها ما إنتي إتزوجتيه أصلاً ماكان بصلي الجدّ جديد شنو؟!! فكان ردها إنها حاولت إصلاح حاله ولمافشلت أدتو إستمارة (6) إنهاء خدمات!! .. وكان كلامها لحدي هنا منطقي ولكن قامت كمّلت وقالت: القرش كان ما إشترى ليك النفسك فيهو فايتو شنو؟!!!
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
(أخيرا ....
بعد تحانيس و حلايف
ووعد بتوب و ملحقاته أول الشهر
رضيت عنا أم حتوت
وسمحت لنا بدخول البورد شريطة الإلتزام بخارطة الطريق
و إطلاعها على جميع المداخلات مع أو من العضوات
عليه أرجو إعتباري مشاركا في هذا البوسط بصفة مراقب
و ليس لي في موضوعه غرض)
إبمان صورة بروفايلك مع خفة دمك و مساخة ردودك بتذكرني الممثلة ووبي جولدبيرج
مش عليك الله الشبه شديد
الغريبة برضو بتعرس و تطلق
و حاليا كايسة عريس
أما عن بنات حاتم فيبدو أن الCASE وصل حالة متأخرة
و الأعراض باينة في موضوع المسنجرات المفبركة
أقترح زيارة نفس الأخصائي الذي يتابع حالة بنات فيصل
و السلام
محمد البشرى
عضو مراقب
| |
|
|
|
|
|
|
|
|
 Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
العزيزة اللذيذة إيمان صالح
تحياتي
بوستك لذيذ ودمه خفيف لو ما كدي ما كان دخلت هسة لأني جاية من حتة اسمها مسافي على بعد تلاتة ساعات
من أبوظبي ( إنشاء الله الصحافة تطير) المهم يا عزيزتي أول ما يتم العرس ليك علي أنشر ليك الشمار
في كل الصحف العربية والأجنبية وأعمل معاك لقاء في مجلة زهرة الخليج بصفتك أول عروس إلكترونية
تخطب وتعرس وتطلق وتقلب الأدوار رأسا على عقب رايك شنو؟؟؟ أصله كله شي بقى بالمقلوب ولو ما بقى
كدي ما حتكون في صحافة إثار أو تابلويد كما يقولون ... ودمت .
| |
|
|
|
|
|
|
| |
د.محمد حسن
إيمان صالح
peace builder
salma subhi
فيصل نوبي
BAKASH
بابكر عثمان مكي
محمد الأمين موسى
احمد العربي
bayan
معتز القريش
على محمد على بشير
مهلب خلف الله القريش
محمدين محمد اسحق
محمد البشرى الخضر
علاء الدين حيموره
نجوان
.. عفيت منك..
احمد التجانى احمد
محمد أبوالعزائم أبوالريش
عواطف ادريس اسماعيل
فيس بوك
تويتر
انستقرام
يوتيوب
بنتيريست