بوست النمل .. والديمكراتيه .. وماخفي أظرط .. للجميع!!

Quote: تاملت كثيرا في ما يكتبه بعض الاخوة في ذاك المنبر, ولا اجد اكثر من ان اقول ان تلك الكتابات التي كتبها البعض, ناقدين ادارة سودان فور اول واجبارها على ان تحب شخص ما والا هي ليست ديمقراطية وباطشة وحرامية وتتكاثر مثل البكتريا وقراصنة يستولون على حقوق الاخرين هذه الكتابات لا تصدر في اعتقادي عن ضعف في النظر وضعف في المعرفة فهذه ليست مشكلة لكنها اي الكتابات تعكس عن روح خسيسة دنئة. هامش غايتو يا حسبو وطارق لو كان عندي منبر وتجو تكتبوا لي الكلام البتقولو فيه ده كنت امسكم واربطكم في طرف بنمبر واتكل بيكم باب المنبر لزوم تهوية ولا انسى مع الاشغال الشاقة القراءة بشغف. ال ديمقراطية ال يخس يخس يخس.

Quote: ولو كانت سلطة عجوز على حافة القبر ولوح وحيزبون .

Quote: و جاهل مدّه في جهله ضحكي حتى أتته يدٌ فرّاسةٌ و فمُ سيف اليذل يا زول أنا سكتت ليك إنت ما فهمتَ، اتظارفت معاك قلت ليك ورينا اعتراضاتك نجاوبك عليها أبيت، نجيك بالعديل تكوس المغتغت، أها أنا اتضرست من نسنستك و خباثتك دي و من أجندتك الوسخانة و مرضك البتبث فيهو دة. جدّك سيف بن ذي يزن القلتو ليك، البطل الملحمي العربي الشنو دة الذي استعاد أمجاد العرب، الراجل دة كان نفعي و شريميط زيّك كدة، ما كان بطل و لا أي شيء، الحبش بالوا ليهو فوق راسو، و قام يتجارى بالمياعة و الاستجداء، ما خلّى بلاط ما برك فيهو، عشان يلقى من ينصره على البايلين ليهو فوق رأسو ديلاك، جرى لي الروم يتمجمج ليهم زي وحوحتك دي طردوهو، جرى للفرس يلحس في البلاط قالوا ليهو يا زول مصلحتنا فيك شنو؟ قاليهم: رابطانا الجبلّة البيضاء دي، قصدوا الحبش عبيد سود و أنا أقرب ليكم منّهم، شفت غماسة الشريميط؟ يكوس في الواهي و المتين، و الحق و الباطل عشان ينصروهو على السوكروهو قلع ضراع و رفع كراع. و إنت ما فضلت ليك خصلة كويسة نتحرّى بيها الخير من جهتك، راقد على صفحتك الزمن بطوله و متفنس في القطيعة و السواطة، كبّو لي جالون، حتى لو بالدين.. إنت يا النزل شغلتك شنو و أجندتك شنو؟ سودانفورأول إدارتو كعبة؟ قلنا ما عاجبانا طريقتهم و نشوف الله بيقدّرنا على شنو، و سوينا الما بسويهو نسناس متلك، هناااك بالدرب و في حكرهم.. و قول ما سوينا، سودانفورأول كعععبة، إنت شغلتك البتسوي فيها دي سمحة؟ شايل طارك و مديدتك و حايم تلخبط و تسوط و تحرَّش؟: (طارق ساكت لي إسماعيل مالك؟ إنت يا طارق قلبك مات و للا المسكنة دي شنو؟) (حسبو شايفك نطّيت، حسبو تلحس كلامك؟ يا حسبو ما تخليهم أيوة) (يا الجريفاوي حا تتخذ موقف متين؟ يشطبوا بوستك؟ شوف عثمان حامد سوّا شنو) (حاتم الياس يخس عليك، و كمان عامل حوار مع نجاة؟ إنت يا حاتم حا تتخذ موقف متين؟) و دواليكـ يافلانة تعالي و يافلان حُكَّ لي دي شغلة شريفة ليك هسة يا سيف؟ بعدين تعال هنا، إنت مواقفك شنو؟ أذكِّرك؟ طيب هاك في بوست النمل المتباشر بيهو دة و عامل صدر المحافل حقّتك، وكت سلوى صيام دي سألتك دغري إنت شايت وين؟ مالك ما قلت ليها كلام من النجيييض البتزقِّد فيهو للناس دة، شوف كلامك: Quote: الأربعاء 8 نوفمبر 2006 سلوى صيام كتبت: اقتباس: خلينا من بيع المراجع هسع .. ورينا انت فهمت التصاوير دى ولا لا .. عشان نصنفك معانا ولا مع الخيانة ؟؟ -قمت إنت ردّيت ليها رد مُحكم و صريح و شجاع و لا يخاف الردى، قلت ليها: Quote: متين ووين أنا إتكلمت عن بيع مراجع؟ بس ياها زاتا: (جينا نساعدو في فهم التصاوير دس المراجع) قالوا كترت الكلام بتبوّظ الكاريكاتير، وبتجيب "الظراف" للطين! اقتباس: معانا ولا مع الخيانة ؟؟ ممكن الاتصال بـ ص د ي ق دة خلِّيهو كان ما دليل على مداراتك و سلفقتك، جاييك الأسوأ، النت دة عيبو الأرشيف يا البطل الملحمي، خليك كدي معاي هنا أها تاني أجندتك شنو؟ الناس تمرق من سودانفورأول؟ عشان تبقى إنت تمثّلت صورة البطل العربي سيف اليزل؟ ما مارقين، و نمرق عشان شنو؟ عشان قاعدين بيفصلوا الناس؟ طيب لسة حا يفصلوا، و أنا ذاتي حا اتفصل، دااااك شايفو، لكن إدارتهم دي أشرف منك، أجندتهم فوق الطاولة، قالوا دي عرفتنا و بصارتنا. إنت ليك أربعة شهور تنوح في شنو؟ حارقك وين؟ نق نق نق نق وي وي وي وي، يازول عملك دة عمل مرض و التواء جواك، مش إنت مشيت سجّلت هناك و اتدهنست ليهم ما خليت شعار موقع و لا خليت عزيزي و أستاذي و محبّتي لامن سمّعوك وسخ اضنينك؟ قلنا ليك ما عندنا شيء نتضامن بيهو معاك، و إنت ما مرقت بشرف و لا عشان قضيّة و زول مدّعي عام ساي، قصتك ما فايتة مغصتك من عفصتهم ليك، مش قلت في حوارك مع عقدتك الجواك أنّو جاتك عشراات الرسائل و الفاكسات؟ خلاص، الله الغني ياخ، لمّهن في بطن موبايلك و بيتك و نوح نواحتك قبلك، ما عندك شغلة غير التعرِّص دة؟ أها تعال نسألك يالثوري و أبو الدقيق، إنت قايل سودانيز أونلاين دي ما فيها الفصل و سحب البوستات؟ لا لا انت عااارف و من زمان و برّرت للممارسة نفسها في سودانفورأول، أذكِّرك؟ هاك شوف قهمتَ صاحبك طارق دة المجوبنو الليلة هنا، و متين؟ Quote: الأحد 12 نوفمبر 2006 كتب طارق: اقتباس: -هل سحب البوست وارجاعه سيصبح سكين ذبح الخط الديمقراطي علي مواقع الانترنت السودانيه !! فإنبرى له سيف اليزل قائلا: - ليس للأمر علاقة بذبح الخط الديمقراطي في مواقع الإنترنت السوادنية، لأن سحب البوست قد تم على موقع هذا المنبر، كما أن أمر سحب البوست هو اسلوب متبع في كثير من المواقع على الإنترنت سودانية وغير سودانية، ولأن المعني بالحديث هنا بوست اخونا عثمان فأرجو أن أقول أنه لا يعني نهاية الديمقراطية هنا أو هناك ولا يوقعنا في الكفران بحق التعبير واحترام الرأي الآخر على موقع سودان فورال، بقدر ما ينبهنا جميعا أن بناء خط ديمقراطي يظل مسئولية الجميع، فقد كان بالإمكان ترك بوست عثمان مفتوحا للحوار وعلى الإدارة أن تبين وجهة نظرها فيما خلص إليه عثمان حامد في عجلته المشهودة تلك فربما إتفقنا جميعا مع وجهة نظر الإدارة وتفضل عثمان بحذف البوست وربما إكتفينا بنقده الاخير حين قال بوقوعه في العجلة التي أفضت به الى الندم وربما أتيح لنا جميعا الرد على ماكتب أسامة الخواض!! . و بعدين كنت أكثر تبريرية (؟) في نفس المشاركة ردّا على سؤال؟ طارق التاني و تشجيعا لعثمان للقبول بمقص الإدارة (مش من زمان اسمو كدة؟) و للا عملتو سماية بعد استقالتك؟ Quote: كتب طارق: اقتباس: هل سحب بوست سيفقد عثمان كـ (نموذج للعضوية ) الشهية في الكتابه بحُجة احتمال تدخل مقص الادارة ؟؟ برضو فانبرى له سيف اليزل قائلا: - في إعتقادي أنه إذا أقر عثمان بخطأ لازم البوست "البائس" موضوع النقاش وانتقد عجلته في قبوله اعتذار أسامة الخواض كيفما كان، فذلك وحده كفيل بأن ينأى به من الوقوع في مظان الخوف حد مداراة الكلام خوفا من مقص الإدارة ويفتح شهيته كنموذج للعضو الديمقراطي بالمنبر، علماً بأن ركوب "العجلة" ما بتنسي! . يا ريت لو علي تبرير سحب البوستات بس، داير زيادة؟ ندّيك يا زول، شوف بيانك المتملِّق دة، يافارس الساعة الخامسة و العشرين: قلت يا سيف يوم الثلاثاء 18 يوليو 2006 مخاطبا عزيزك أبوبكر: Quote: رغم أن المواقع مبذولة للجميع لم (تصيبني) الرغبة في نيل عضوية تخصني هنا او هناك لحجة بسيطة متواضعة وهي انني لن أفقد شيئاً ولن تخسر تلك المواقع شيئا في ابتعادي عنها ووجدتني أقول: هي ناقصة!! لكن يظهر انو العنقدة ليها حدود كمان، فوجدتني عضواً في سودان فورال لأنه مختلف بالنسبة لي ويسعى نحو أهداف تقوم على أسس للحوار اتفقت معها ورضيت ورغبت في العمل من خلالها .. ودي كلها حكاية بسيطة وعادية وممكنة، لكن... بعد ده ربما تلحقك الاساءة المجانية لا أيدك ولاكراعك من هنا أو هناك مثلاً تعابير من شاكلة (والمشاركين في المقبرة الاسفيرية) وأنا شخصياً ما أكلتها في حناني ولاحاجة ..ذلك من باب علمي المتواضع أن الشطارة والفهلوة والزكاوة والمكاوشة والمكابرة وإفتعال المعارك الهوائية والجلبة الواهية وغيرها وغيرها أمور ما استعصت يوما على أحد وهي متاحة لكل خلق الله إلا من أبى.. لكن ... كلو في شنو؟ في ناس رأيهم أنو الموقع ما متحرك، ما متحرك يعني ما مسخن ما فيهو عناوين مثيرة وعجيبة ومضحكة تخلي الواحد يقع من الضحك في شر أعمالوا، ومرات يقولوا ليك: ياخ خلو الناس تاخد راحتها في الكتابة والكلام موش قلتوا منبر وحر وديمقراطي ... وهوكلام لا ندعو لتجاهله وعدم الانتباه له وتقديره لكن لا يمنعنا هذا من القول أنه لايصمد طويلا أوان الرد عليه من حيث أنه محض ترهات. دي بالذات عايزة لنك http://sudaneseonline.com/forum/viewtopic.php?p=9994&sid=...c5cccccfb78a1d8#9994 يعني نفهم أنّك من زمان عارف المواقع الكتييرة دي سودانيزأونلاين (الروم) و سودانات (الفرس) و الخ، لكن لقيت نفسك في سودانفورأول لأنه مختلف، سمح ما قلنا شيء حقّك، لكن لما سودانفورأول يركِّبك النملة، تبقى المواقع التانية دي سمممحة و نحدثك يالثوري الهمام، بكري دة بيفصل برضو، بي بصيرتو و حكمتو الفوق راسو دة، و بيودّي الخور بلا شورة، و بيسحب بوستات. أها موقفك شنو؟ و الثورية دي ما لون أو زخارف. يا زول نحدِّثك، قضيتي و قضيتك ما شيء واحد، عشان ما تجي تاني تنيص لي و تتحكحك فيني بالمساحكة بتاعتك دي، إنت زول نسناس و لخباط و بتلعب لي صالح مرضك، و قدر ما مدّيت حسن النيّة و التظنّن في الخير ما لقيت عندك غير الخناسة و الفتنة و الغرض القيّح، يا زول أنا قاعد هناك في فورأول دة و إلّا اترفت حتى اسيبو، و حسن موسى دة انضف منّك بلا مقارنة.. و مشاكل مع متسلّط مستقيم و واضح، أفضل من حلف مع زول دسيس و لصيص يدور بين الناس بالنميمة و الفتن و نقل القوالات، شغلتك دي خرية، و ما فيها شرف و لا ضمير، و الناس ما أدوات لي مداواة وجعتك الشخصية و صغَرة نفسك، أمش يا زول كان عندك فن و للا مهارة تانية غير الخناسة دي أعملها، و لو بس ياها شغلتك سودانفورأول و دق الطار يبقى اخترت محلّك و تتحرق حيث انتهيت عارف سيف ذي يزن جدّك في النهاية الفرس اتجوّدوا عليهو كيف؟ رسّلوا معاهو المساجين حقينهم حاربوا ليهو، الناس القنعانين من خيرا فيهم، أها يا سيف ذي اليزل، نحنا هنا في سودانيز و للا سودانفورأول و للا سودانات ناس أحرار، و زول ساجننا مافي، و ما بنحارب ليك يا بطل (؟) و سلِّم على المعاك،،، *كنت ممكن أصبر أشوف دهنستك لي عادل عبد العاطي حتى أجيب كلامك فيهو (شوف الفتن الماخمج) لكن هسة أنا مارق، نذكِّرك قولتك عنّو مقدّما (برضو في مبايعة لي حسن موسى) و تعال ورينا حا ترد عليهو كيفن قلت يا سيف يوم الثلاثاء 17 اكتوبر 2006 في بوست حسن موسى الاسمو عاطب عبد الجاهل الحرامي لو متذكِر: Quote: ياحسن موسى أ د ي ل و . . . وان شاء الله عين الجبناء ما تغمد كلو كلو سيف اليزل (المقصود و الله أعلم هو عادل عبد العاطي دة ذااتو) أها المشارك الفوقي دة ياهو عاطب عبد الجاهل داك، عشان ماتكون مسهّي، همّتك يا الثوري المستقيم، نعيش و نشوف - أسمع؛ شايف أحمدي نجاد أطلق سراح البحّارة البريطانيين و سالمهم أمس كمان، افتكر دة موضوع كويس ا معاك، الراجل نطّ

Quote: الأول: انت عايز تقول شنو؟ ناس سودان فور اول ديل ناس ما ديمقراطيين؟

Quote: و يا سيف كلامك ده كلو لا بسوقك لا بسوقنا لى قدام، الدنيا خيارات و قرارات، تواصل كده و لا نقيف و نشوف سوا الغلط وين؟

Quote: خروج سيف اليزل من هناك , أري انه نتيجة رد فعل نفسي وعاطفي وكان عليه أن لايتسرع في ذلك , والزول العنده قضية يقعد ويصارع من أجلها ويوسع صدره ويتحلي بالنفس الطويل ...

Quote: جبهة عريضة من أجل الديمقراطية وضد إدارة سودانفوراول

Quote: الكنا بنسوي فيهو ده كان تبادل وجهات نظر و عرض للمواقف يعني كنا بنقش في الدرب و بنقراء مواقف بعض و الغريبه حتي موقف (استاذنا) حسن موسي المره دي فهمتو

Quote: كتبت البوست ده وانا اشعر بملل شديد من اجترار موضوع بوست عثمان حامد المعنون لاسامه الخواض الذي رُحل الي منبر الاداره و رجع . (1) قد نتفق او نختلف في احقيه الاداره في سحب بوست يطلب من الشاعر و الكاتب اسامه الخواض العوده الي منبر الحوار بسودان فوراوول .. لكن اظننا جميعا .. اعضاء متلقيين حِجج و إداره متفقين علي احقيه عثمان حامد في ان يكتب مايراه مناسبا بإعتباره يتمتع بعضويه كامله و حمايه من التعريف الاساسي بالموقع خصصت الجمعية "منبر الحوار الديمقراطي" كجزءٍ أساسيٍ من موقعها، آملةً في أن يكون ساحةً تساهم بها، ضمن مساهمات كل الحادبين على ترسيخ أسسٍ متينةٍ للحوار وتبادل الرأي، يلتزم فيها الجميع بمبدأ احترام المخالف وتوقيره. انا اتحدث هنا ليس نيابه عن احد لكن استنادا علي ده تعريف بسودان للجميع لكن قطعا سنتفق (اعضاء / إدارة ) ان تحويل البوست لمنبر الاداره و ارجاعه و استنادا علي التعريف الاساسي بمنبر الحوار الديمقراطي .. كان خطاء . (2) - هل ماحدث هو القضيه الاساسيه !! - هل يجب ان يتجول عثمان حامد في شوارع منبر الحوار بدون عجلتة الشهيره !! وهل سيكون عثمان الذي نقراء و نستمتع .. ساعتئذ !! - هل سحب البوست وارجاعه سيصبح سكين ذبح الخط الديمقراطي علي مواقع الانترنت السودانيه !! والاسئله دي يجب الاجابه عليه بعيدا عن التشنج الاعمي المستصحب لكل الارث الانساني الما إتنقح لحدي اسه ده و نحن ماسكين فيهو من سنة ديمقراطية ويستمنستر . ودون الخوض في تفاصيل و شرح لما حدث .. هل سحب بوست سيفقد عثمان كـ (نموذج للعضوية ) الشهية في الكتابه بحُجة احتمال تدخل مقص الادارة هل خطاء الادارة في سحب البوست ولو مؤقتا يستوجب منا كل هذه الحِده و القسوة في التعامل مع الامر .. فقط لان الاسماء صاحبة الاداره اسماء لها رنين في حقول العمل العام و قضايا الانسان و الديمقراطيه و .. الخ ؟ اتمني ان ندير نقاش بي نفس هادئ

النمل صـ 5
وبدل مطاردة العضوية و ارشادهم للطريقة المثلي لفتح البوستات كان الاجدي مناقشة ده
____
بعدين ياخالد مسألة العفش داخل البص علي مسؤليه صاحبة و ممنوع التدخين و ما اليه من الضوابط
تقع في منطقة التنظيم ولا غبار لي عليها لكن كمان في ذمتكـ تختو(خالد /ادارة فور اوول ) حق عضو في
انو يحب عضو تاني لمجرد انو المحبوب علي خلاف مع الادارة في نفس السكشن ده و تقولوا انو
ده داخل ضمن التنظيم !! صلي علي حبيبكـ ياخي .

في ذمتكـ بلاتفورمي موش اخير ؟

سأواصل

Quote: كتبت الاخت نجاة : Quote: سلام يا إيمان، بحثت في مداخلة حسن موسى فلم أجد في نصها هذه العبارة: "الما عاجبو يمشي". أنا قرأتها في مداخلة حسن موسي .. " الما عاجبو يمشي " وايمان شقاق لم تأت بها من عندها .. ربما حذفها حسن موسي وهو الذي يستطيع تأكيد ذلك من عدمها .. هذا ليس بالموضوع الاساسي .. و لا أتمسك كثيرا بتوضيح من حسن موسي أو نجاة .. لكن الموضوع برمته يصيب الانسان بالخذلان و خيبة الأمل .. خالد

الماعاجبو يمشي
(2)

Quote: كتبت الصديقة نجاة : Quote: لذلك رأينا أنه لا يليق به توجيه شكر بهذه المجانية لشخص جعل من تبخيس هذه الساحة مشروعه الأول في الأسافير. وهذا حديث يجعلنا نعتقد بان ادارة المنتدي قد حذفت فعلا البوست ثم قررت نشره مرة أخري .. أعتقد أن ذلك يمس بمبدأ حرية التعبير و الرأي الحر .. كتابات أسامة الخواض حول هذا المنتدي بدأت بالترويج له في منتديات أخري عندما كان هذا المنتدي فكرة ولكن تغيرت وجهة النظر هذه نتيجة لممناقشات و احتكاكات .. وهذا لايعني أن أسامة الخواض يمتلك رأي صمدي ونهائي حول هذا المنتدي .. حرية التعبير داخل هذا المنتدي تصان بمزيد من الحرية و بسعة الصدر و الترفع عن ماهو صغير و هامشي و شخصي ,, و لا شنو؟؟ خالد

We missed u in the London Reunion last August
إذن ياخالد يا اخوي اظننا متفقين في انو مسألة التنظيم لا تعنينا في شي طالما لم تمس عصب ما اتفقنا علي ان نتنظم حولو ولا شنو ؟ عني انا ماعندي شغلة بي مواعيد فحص الحفرة طالما لاتمنعني من ان اكتب ما اشاء و وفق ما اري و مسألة الكتابه واعتراضكـ علي اسلوب دخلت نملة ورغم توضيحي ليهو في منفستو النمل اعتقد انو حقي البتكفلو لي كل الشرائع والقوانين و دستور 98 زاتو انو اقول ما اريد وبالطريقة التي اريد .. لم اسمع من قبل انو مفروض البوستات تتفتح توووش واحد اتنين ثلاته ..ولاشنو ؟
و قبلا في حاجة مهمة فاتت عليكـ و علي ألـ فوراوول .. كل الناس القالت انو سحب بوست عثمان كان خطأ ديل ناس قلبهم علي المشروع ده مشروع منبر حوار ديمقراطي حقيقي يعني المعترضين ديل كلهم كان الاحري بإدارة فوراوول تثمين موقفهم و إعتبارو علي الاقل موقف ناصح امين مخلص داكـ .
و للمعلوميه ياخالد كلنا ماعندنا مصلحة في إظهار ادارة فوراوول بالشكل اللي هي قاعده فيهو اسة في عيون قراء منبرها علي العكس تماما اعتقد ان معظمنا انكلودنق عثمان سيد العجلة بشرنا بفوراوول ساحة يحج الناس اليها طلبا في حوار ديموقراطي حقيقي و ازيدكـ من الشعر 3 بيوت
- ليس لي/نا عداء مع اهل فوراوول
- لا مصلحة لي/نا في المساهمة في تهديم فوراوول
- اتمني/نا لفوراوول كل التقدم بإتجاه حوار ديمقراطي حقيقي

لكن هل يعي اهل فوراوول هذه ؟ لا اظن .

Quote: أنفسنا سؤالا بسيطا ولكنه حاسم كونه يحدد سلوكنا "الاسافيري" .. والسؤال هو : لماذا يشترك الشخص منا في منتدي حوار عام ؟؟ وهل هنالك تبعات باشتراكك ونيلك لعضوية هذا المنتدي أو ذاك من نوع حقوق وواجبات ؟ وفي بالي إستقالة سيف اليزل من سودانفوراول والتي تطرح تساؤلا : مم يستقيل العضو المستقيل ؟؟ .. وأزعم أنه كلما كان العضو واع بدور له في المنتديات وواع باحترامه لضوابط تلك المنتديات

Quote: سيف اليزل الماحي انا لا استغرب اطلاقا من حالة الخضوع والطاعة التي يبديها بعض اعضاء سودان فور سوم تجاه ادارته صاحبة العقلية والممارسات الفاشستية .. هذا جزء من طبيعة بعض المتعالمين السودانيين -ولا اقول المتعلمين ناهيك عن المثقفين-.. والمتمثل في الانكسار للسلطة المعنوية ؛ ولو كانت سلطة عجوز على حافة القبر ولوح وحيزبون .

Quote: اتخذنا قرارنا في البدء ثلاثتنا معاً في أن لا نفسح الطريق لتجربة أخرى مثل واحدة سابقة