|
|
|
 Re: عقد قران ابنوس مبروووك (Re: Amir Mussaad)
|
الف مبروك يا عزت
ورغم خلافاتنا
لكنك رجلا اصيل
واحترم شخصك المبدئي في الخصومه والما بيخلط الكيمان.
ان شاء الله بيت مال وعيال.
وبركه الاتخارجته من شلة المضربين عن الزواج في هاملتون.
وعقبال كل العزابه.
شكرا يا محمد الامين.
تراجي.
| |
 
|
|
|
|
|
|
|
|
Re: عقد قران ابنوس مبروووك (Re: خالد العبيد)
|
شكرا محمد على الخبر السبق
تهاني حارة و أكيدة ليوسف عزت بزواجه الميمون
قطعا الحياة الجديدة لن تحجبه عن الإبداع و الحوار
و أن شاء الله بيت مال و عيال في ظل دارفور معافاة و آمنة
بوعسل أبوعسل
| |
|
|
|
|
|
|
|
|
|
Re: عقد قران ابنوس مبروووك (Re: Khalid Kodi)
|
تهانينا الحارة للأخ الأستاذ عزت الماهرى
وأمنياتنا لك بحياة زوجية سعيدة تملئها البهجة والسرور
فزلقة:
بنات حواء نهر سعادة فياض وعليك بأجادة فن السباحة
أخوك
بريمة م أدم
| |
|
|
|
|
|
|
|
|
|
Re: عقد قران ابنوس مبروووك (Re: محمد الامين محمد)
|
خــــال ابنوس وبرلومى (محمد الامين)
كدى ابنوس (خلو) انت مالك ماتعرس!!! مش خلو؟؟؟
والا عايز تبارى (الغنايات وتجقلب)؟؟!!!
ابنوس يا صاحبى تعمله كده؟؟؟
عموماً الفيك اتعرفت ، والف مبروك فرحنا ليك والله
بيت مال وعيال ، لكن انا شايف انو حيكون بيت كتب وصور
الله يعين الشفع الحاتجيبهم
وكلم خالك ده خليهو يعرس يا عزت
مبروك مـــــــــــــــبروك
| |
|
|
|
|
|
|
|
|
|
Re: عقد قران ابنوس مبروووك (Re: elsharief)
|
الأصدقاء هنا ، لكم شبال الود ، وأمنيات ممزوجة بخمرة الوعد
هكذا كل نفس ذائقة الفرح ، ندخل بهذا التاريخ 3/فبراير عالم أمل ...بزغاريد مرسلة عبر التلفونات وعبر ما كتبه خالي ( ود اللمين ) وما سطرته حروفكم من أمنيات – مال وبنون – وحياة مليئةبالبهجة والامل .
شكراً لكم وسأعود بتفصيل جميل ، ولكني الآن هنا أعيش لمّة أصدقايئ الذين عبروا إلى منذ البارحة ..
لكم وتحياتي أمل
| |
|
|
|
|
|
|
|
|
|
Re: عقد قران ابنوس مبروووك (Re: ابنوس)
|
شكراً يا عزيزنا محمد الامين علي هذه الاخبار
المفرحة ومبروك لزميلنا عزت هذه البنت التي تمتد
في دنياه سهلا وربوعا ً وبقاع, ولعله يامحمد موسم العرس
وسط شباب الاونلاين .. ونامل أن تسفر هذه التجارب
بمزيد من الابداع لعزت والخوض والبرنس وإلهام وسلوي
والمني أيضاً أن تتآلف الاصوات طراوة وندي
علي لغة أهلنا الشعراء المجربين
وطبعاً يامحمد القبال لو أن المسألة في
خضم التأمل
وألف مبروك
| |
|
|
|
|
|
|
|
|
|
Re: عقد قران ابنوس مبروووك (Re: النصرى أمين)
|
| Quote: تماضر اناهسع في العقد وبكتب ليك من موبايلي وفي غناية قاعدة تغني خليني اجقلب شويه واديك التفاصل نقطة نقطه |
وااااااااااااااااااااااااي
وااااااااااااااااااااااااااااك
قرقرقررقرقر
الله يقطع مصارنك يا جنا
قويه
تبيع !!
| |
|
|
|
|
|
|
|
|
|
Re: عقد قران ابنوس مبروووك (Re: المسافر)
|
مبروك يا عزت وأمل .أنا سعيد يا عزت لكون نصفك الآخير يلتقيك بعد كل هذه المشاوير وكل هذا الرحيل والعنامما لم يبق ظهراً بصحراء أو صقيع .عسى ان تتنفس الآن ملء الرئتين وتكتب فمشروعك يمتد أمامك مخضراً وكرومه موعودة.عسى ان نعرف جزءاً من أمل فيك
| |
|
|
|
|
|
|
|
|
|
Re: عقد قران ابنوس مبروووك (Re: محمد الامين محمد)
|
العزيز عزت الماهري الأبنوس تحياتي والتهاني القلبية بوداع محطة العزوبية
والأماني لك وللعروسة بالشهد المنقع في كل مراحل حياتكم القادمة
وكذا الأماني لأخي أحمد يوسف عبد القادر بوداع غير مسبوق لمحطة العزوبية
بحيراوي
| |
|
|
|
|
|
|
|
|
|
شكـــراً لكم جميعاً (Re: Abubaker Kameir)
|
في البدء ...
شكراً يا ود اللمين ... وإنشاء الله الجقلبة ما تنفعك !
واضح إنك إتبسطت
وود أختك بجاي ماسك التلفون .. ودافع فاتورة عرس تانية .
أمنا هادية بدر الدين ...
زي ما قالوا ناي عقد الجلاد فاجأني النهار وأنا ماشي بيناتا ...
بلي حنّتك ...
محمد آدم ...
أخوك بلّ زينــوه خلاص ، بِل راسَك .
البرنس !
ينصر دينك ... يا جالب الإيمان بعد الكفر .. تحيّة كبيرة أوي لإلهام .
أمير مساعد .
يا حبيبنا شِد أوتار عودك وتعال .. ميعادنا أوائل الصيف الجاي .
تراجي :
شكراً على التهنئة .. يا أختي لا فيها خصومة مبدئية ولا غيرها .
بلدي يا حبوب :
شكراً ولك ما تستهي من فرح .
محجوب
شكراً وزي ما شايف زدنا واحِد .
المعز
شكرًاً ..
خالد : لك الشكر
المبـدع ابو عسل : شكراً على التهنئة الرقيقة .. وعقبال ما تلاقيك الحبيبة في رواية ما لتكتب معها سيرة الأزمنة الوردية .
هنادي يا بت فضل :
شكراً على التهنئة ، وتماماً كما تشتهي يا صديقة .
عصام يا ود جبر الله .
الله يجبر بخاطرك ، وشكراً على فرحك السايل علينا .
أنـور : شكراً .. ولا مفر في هذه الازمنة من توسد حلم ما والعيش له .
فرحات ونجاة : سلامات يا حلوين ، وشكراً على طلتكم في بيت عرسنا .. وجهزوا لجيتكم علينا .
حيدر حماد : شكراً وليك ما تشتهي
شمس الدين : نور بيتنا بطلتك ، وعقبال ما تجينا في الكبيرة .
عاصم يا طيب : شكراً على الطلة وأرسل لينا نغم من رباباتك .
سوما : شكراً ولك كل الامل .
ابو ذر بابكر : ليك الحروف يا صديق ..
الاخ خالد كودي : شكراً وليك كل الوان الود
بريمة : شكراً وفي الآخِر بلاهِن الدنيا ما بتبقى .
الملك : شكراً وليك شبال من الكاتِم وناء أطفالنا الجايين .
عبد الله عقيد .
ليك الشكر ، ويلاقيك الفرح في كل دروبك .
تماضر : يا صديقتنا القريبة .. شكراً لزغرودتك التي وصلتني هنا . وليك كل الفرح .
إبن النخيل : شكراً وليك جرائد النخل الما مقطوعة .
بكري : شكراً على الطلة .. وعقبال ما نفرح بيك في زفة حاديها الكمان .
نجاة : لك كل الاماني العذبة .
بكري أبوبكر : شكراً ليك ولحوشك الوسع فرحنا .. ومشت على شوارعوا سيرتنا .
محمد عبد الرحمن :
شكراً وليك كل الامنيات الجميلة
ابو قصي : يا صديق المسافات القصية .. تلفونك وصل ، بس ما أظنوا لقى فرقة في اليوم داك .. وعايش معاك الفرح وكل الناس الجميلين حولك .. لك ما تشتهي .
عبد الله عزاز : شكراً وليك الود المقيم .
مطر : يا خريفنا الزين ...ليك شبال وليك جراري .
عادل عثمان : شكراً على دخولك بيتنا وليك أجمل الامنيات .
الشريف : شكراً يا شريف / وليك سيرة للزمن الجميل .
حسام : شكراً وإنشاء الله يلاقيك الفرح في الوريد .
منير : شكراً على التهنئة وإنشاء الله العمر كله فرح .
عاصم يا كِتــتنا : حمد الله على العودة ما بلاد الإستعمار لبلاد الإستحمار الجديد .
ومنتظر طلتك علينا في التلفون .. ويا ما ليك شوق ... وزي ما شايف أخيراً أخوك إتأهل لدوري التـلاتة !
الاستاذ صلاح شعيب : شكراً جميلاً وليك كل حروف الود .
نجاة منعم : شكراً على الزغرودة .. ولك أمنيات
صديقنا حمزاوي : شكراً ، وفي الشايفوا أظنك تاني حتعبر الحدود لفرح آخر .. وليك الأمنيات الجميلة .
الاستاذ محسن خالد : شكراً على مرورك الجميل ببيت عرسنا ، وإن شاء الله - دي من بركاتك - نجيك في يوم سيرتك لحبيبة بتشبهك .
كمال عباس : شكراً وليك كل الود .
النصري أمين : شكراً كثيراً ، وليك ما تشتهي
خدر : مرحب بيك في موبايلنا . وأظن خالي ده كان بكتب تحت إيقاع الفرح .
محمد السر : يا قريب ومافيش ، لك الفرح ولكل ناس وينزور .. وبالاخص بثينة إمام .. وعقبال فرح صديقنا الغائب .
عمر علي : شكراً كتير ، وإنشاء الجاي من العمر كلوا تهاني حلوة .
المسافر : نحن وصلنا غايتو .. وليك محظات وصول نديانة بيك .
أستاذ بشرى الفاضل :
أهلاً بطلتك الجميلة ، وكما ترى من بر لبر ، ومن بحر لبحر .. رست مركبنا في شاطيْْ بعيد ولكنوا هادي وجميل ، ويصلح لبناء قصر من حروف .
البحيرواي : شكراً يا حميم . وليك كل الامنيات .
أخونا فيصل دوسة : شكراً لطلتك الجميلة ، وغايتوا رغم إنك ما وريتونا العرس ده سمح ولا لأ .. قلنا نتوكل ونصلكم .. وكل نفس ذائقة الفرح .. ولك ودي
عادل فقاد : شكراً وليك مرسال الود .
عمر 54 : شكراً وليك 54 تحية وود
سلطان : يا سلطان ، ليك قصور من الود وككَرين من الفرح .
أبو بكر كمير : شكراً للتهنئة وإن إشاء الله نهينيك في الأيام الجميلة القادمة .
وجميعكم لكم تحيات أمـل وشكرها .
ونتلاقي في الافراح .
| |
|
|
|
|
|
|
| |
محمد الامين محمد
Tumadir
Mohamed Adam
عبد الحميد البرنس
Tragie Mustafa
بلدى يا حبوب
خالد العبيد
ابوعسل السيد احمد
hanadi yousif
أنور أدم
Farahat Sayed
Shams eldin Alsanosi
أبوذر بابكر
Khalid Kodi
Biraima M Adam
ودقاسم
Ahmed Daoud
سفيان بشير نابرى
luai
bayan
Abuobaida Elmahi
إسماعيل وراق
Aymen Tabir
gessan
مهيرة
Mohamed Suleiman
راشد يحى مدلل
محمدين محمد اسحق
Sahar Abdelrahman
خضر حسين خليل
mansur ali
الملك
عبد الله عقيد
ابن النخيل
bakri abdalla
Najat Al-Bashir
بكرى ابوبكر
محمد عبدالرحمن
ABU QUSAI
عبدالرحمن عزّاز
مطر قادم
Adil Osman
elsharief
ابنوس
حسام يوسف
Munir
صلاح شعيب
Naji A.Moniem
محسن خالد
kamalabas
خدر
omar ali
المسافر
Bushra Elfadil
البحيراوي
sultan
احمد العربي
فارس موسى
فيس بوك
تويتر
انستقرام
يوتيوب
بنتيريست