|
ضارب القنصل السوداني بالأردن (حسن عثمان) يطلب الإنضمام للمنبر.
|
هل تعرفونه ؟؟؟
هشام عبد الغفار محمود
شاب سوداني خرج من بلاده سنة 1996 إلى المملكة الأردنية الهاشمية
طللبا للعلم.
و بعد إكمال عامه الأول حرمته (ثورة التعليم العالي) من إكمال دراسته
و لم يجددوا جواز سفره بحجة أنو السودان فيها جامعات و الناس لازم ترجع
عندما حاول التفاهم مع القنصل السوداني (حسن عثمان) تعرض للإساءة
من القنصل .... و كأي شاب سوداني شريف يتعرض للإساءة هب واقفا
و اشتبك مع القنصل ثم مع حرس السفارة.
و أبعدوه إلى السودان حيث عاني أشد المعاناة من ملاحقة السلطات له.
هو الآن بين يدي بكري أبو بكر منذ شهر
يطلب العضوية ليسمع صوته لكم
صوتوا معي لهشام عبد الغفار للحصول على عضوية المنبر
|
|
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: محمود الدقم)
|
dear Hanni
i agree with monim suliman
the post is not well presented
it might be a good idea to give more positive information about your friend
i do recommend any sudanese to join here as i do not think we can or should chose who is given membership or not
i hope he will get his membership soon and i add my voice to dr bayan as seconding him
all the best to you and to your friend i hope he will be here soon dr mustafa
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Hani Arabi Mohamed)
|
Quote: ضارب القنصل السوداني بالأردن (حسن عثمان) يطلب الإنضمام للمنبر. |
الاخ العزيز هاني انت بتقدم المسوغات لضمه ام لفصله لا اعتقد ان ضرب القنصل اوضرب الترابي او ضرب البشير بيحل المشكلة ديل عايزين ثورة شعبية تكنسهم الي مزبلة التاريخ. وتقديمهم الي محاكمات عادلة
واثني بقوة اقتراحك بضمه ونرجو من الاخ بكري ان يستجيب لهذا الطلب واعتقد ان لديه ما يقوله لنا. مع خالص الود والتقدير
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Hani Arabi Mohamed)
|
عندي صاحبي ليهو زمن داير يبقي عضو هنا كان كدا أقوم أكلموا يشوف ليهو قنصل يقشوا كف أو ان شاء الله حتي أم دلدوم وبعد داك يقدم للعضوية غايتو يا هاني زولك دا بنرحب بيهو بس كلمو يخلي الملاقطه ويقصر ايدو شويهما يقوم كمان يسل لو عين زول هنا الزول دا بقترح يدوه الباسورد ومعاها عكاز مضبب وماسوره قلفنايز بترس ويحرسوهو الخور ويعين الفنان ناذر الخليفة مستشارا فنيا له
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Abdelmuhsin Said)
|
Quote: أقترح للأخ بكري أبو بكر أن يقدم عضوية للقنصل حسن عثمان (المضروب به) عشان يقدر يدافع عن نقسو في المنبر .. |
ناذر سجمنا انت اشتغلت في الامني وبقيت كوز؟ كيف تقول القنصل يجي هنا انت موش عارف اي قنصل امنجي؟ لا لانضمام ناس الامني والكيزان في المنبر الحر...
معاوية ازيك
تعرف ما تنسى تطالب بحفر خندق كمان يكون في خور والزول البخاف الدواس يتعمل ليه خندق اول ما العكاز يجي يجري للخندقاونلاين بسرعة البرق..
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: bayan)
|
Quote: يعني السفارة ما كانت بتجبر الناس ترجع... بل كان خيار... |
د. بيان
سلامات
القرار لما صدر قصد به ارجاع كل طالب يردس بالسنة الاولى والثانية والثالثة فقط
السفارة كانت توقف الاعانة الشهرية التي تصرف للطلاب من الملحقية الثقافية اذا اصر الطالب الذي
يدرس في السنة (الاولى والثانية والثالثة) على مواصلة دراسته
يعني كان هناك اعفاء لطلبة السنة لرابعة فقط
معروف القرار كان يستهدف الطلاب الذين بمصر من حيث انهم في المقام الاول كانوا ورقة ضغط عند
الحكومة المصرية بالاضافة لاستفادة المعارضة من الحركة وسطهم بسهولة
........
الاخ هاني
اعيب عليك طريقة تقديم الاخ حسن
انت تسعى، وبحسن نية، لحشد التأييد اللازم له
وكان يقتضي عليك تقديمه بصورة احسن
صدقني ما قادر اتخذ موقف حتى الان
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: عواطف ادريس اسماعيل)
|
لا مرحبا به ولا بك تقول لينا ضارب القنصل السوداني بالاردن ونقول ليك مرحبا به والله لا مرحبا بك ولا به ويا باشمهندس ما تكون حريف ولعيب تعملها واضحة كده من غير خجل ده اذا ضرب القنصل معناه زول ما مؤدب وغير محترم مش لانو القنصل جهجى او كوز بس لانو القنصل سودانى ونحن بنحترم كل السودانيين كان جبهة او حزب امة او شيوعي المهم يكون مرخص سودانى لان السودانى شهم وكريم وذو خلق قويم حتى ولو كان كوز
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Hani Arabi Mohamed)
|
سلامات للجميع.
هشام لمن لا يعرفه
شاب مهذب خلوق
و ما حدث يومها كان نتيجة للانفعال الشديد
الناتج من الكلمات التي سمعها من سعادته.
هو الآن محتج على العنوان الذي كتبته
و لامني كثيرا على إيراد هذه القصة.
لا أريد أن أكثر الكلام عنه أو عن قصته
أتركها له لكي يأتي و يدافع عن نفسه.
نعم أنا اختلف معه في قناعاته السياسية
لكني فقط أحترم رأيه.
بانتظار موافقة بكري أبو بكر
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Hani Arabi Mohamed)
|
هاني عربي مع أحترامي ليك بس زولك ده أكيد ما زول منطق والعضوية هنا مش بالعكاز .. أحسن ليه يبعد. وبعدين يلاقط ليه قنصل تعرف إنت معنى القنصلية أوالدبلوماسية شنو؟؟؟؟ ولو عرفت أكيد بتنصح زولك ده.. وأظن زولك ده قصتو تأليف بس ومش صاح لأن رجوع الطلبة من الجامعات خارج السودان مش كانت إجباري وكان على الذي يختار الإستمرار بالخارج أن يتكفل بكل رسوم دراسته على حسابه الخاص وهذا هو الصحيح أو مش كده يا هاني وإنت أستاذ وبدرس طلبه عشان كده خليك إنسان منطقي.
مع ودي
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: ASAAD IBRAHIM)
|
اتذكرت زمان اخونا ود الباوقة الواحد دة
كان بكتب وين ما عارف
بس كتابات نارية جدا
وقام عمل ليهو مقالة عن الممثلات السودانيات
ووصفهم بالكوامر
احمد حنين للتعترو وهو اصلا متعتر
قام جاء عمل بوست عشان ودالباوقة ينضم للمنبر
زي البوست دة بالتحديد
وقاموا الجماعة كردوا ليك احمد حنين لمن عرف حاجة
العجيبة انو ود الباوقة بقي عضو متين ما عارف
بس ما كان شامي زول الا احمد حنين
اخونا "زعيم الكيزان بالمنبر " وقائد تجريدة الموناليزا" احمد الريح
كانت ليهو صولات وجولات في الموضوع بتاع ود الباوقة
_________________
الواحد الظاهر عليهو خرف
بس والله خرف مبكر
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Hani Arabi Mohamed)
|
شهادة لله .. انا كنت في الاردن في الفترة ديك وبعرف القنصل معرفة لصيقة.
حسن على القنصل سوداني اصيل وخدوم( وجعلي ) وافضاله على كتير مننا في ذلك الوقت .. منها باختصار :
له الفضل في اعادة وتسفير جميع السودانيين العائدين من العراق ( حرب تحرير الكويت ) وعلى نفقة السفارة المساعدة في ارجاع اي سوداني معسر الى السودان على نفقة سودانير. المساعدة المادية ومن جيبه الخاص لبعض الاسر والمغتربين ( ودي شهادة لله ) .
الحاجة المتأكد منها انو لو زولك ده اتجرأ ومدّ يده على القنصل حسن على : والله ما كان طلع سليم من مبنى السفارة .. أكيد هو غير صادق في المعلومة دي .
حسن على زول بسيط ومتواضع لي ابعد درجة وخدوم بس ما بيحب الحال المايل .. واكيد هو حاول يجدد جوازه وما ارفق ايصالات التجديد السابقة .. ( ودي حصلت معاي ومع غيري ) في وقتها .
على ما اذكر كان سكرتيرة السفارة ( فلسطينية) الجنسية هي المسؤولة عن التجديدات والضرائب ..كانت بتاخد عمولة على تجديد الجواز .. والمصيبة كانت بتجدد بعض الجوازات بدون علم السفارة وبدون ايصالات.
زولك مرحب بيه بس لازم انت وهو تعتذروا لحسن على قبل كل شي .
المنبر ما محتاج فتوات .
تحياتي
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Wathig Makki)
|
Quote: شهادة لله .. انا كنت في الاردن في الفترة ديك وبعرف القنصل معرفة لصيقة.
حسن على القنصل سوداني اصيل وخدوم( وجعلي ) وافضاله على كتير مننا في ذلك الوقت .. منها باختصار :
له الفضل في اعادة وتسفير جميع السودانيين العائدين من العراق ( حرب تحرير الكويت ) وعلى نفقة السفارة المساعدة في ارجاع اي سوداني معسر الى السودان على نفقة سودانير. المساعدة المادية ومن جيبه الخاص لبعض الاسر والمغتربين ( ودي شهادة لله ) .
الحاجة المتأكد منها انو لو زولك ده اتجرأ ومدّ يده على القنصل حسن على : والله ما كان طلع سليم من مبنى السفارة .. أكيد هو غير صادق في المعلومة دي .
حسن على زول بسيط ومتواضع لي ابعد درجة وخدوم بس ما بيحب الحال المايل .. واكيد هو حاول يجدد جوازه وما ارفق ايصالات التجديد السابقة .. ( ودي حصلت معاي ومع غيري ) في وقتها .
على ما اذكر كان سكرتيرة السفارة ( فلسطينية) الجنسية هي المسؤولة عن التجديدات والضرائب ..كانت بتاخد عمولة على تجديد الجواز .. والمصيبة كانت بتجدد بعض الجوازات بدون علم السفارة وبدون ايصالات.
زولك مرحب بيه بس لازم انت وهو تعتذروا لحسن على قبل كل شي .
المنبر ما محتاج فتوات . |
اللبلة والليلة بصات ابو رجيلة الواثق امانة ما دقست خلاص حتكتب كوز وكوز كبير كمان.. من اسع تقدم لكوم الكيزان المزعومين..عشان الكوم داك حيخلي اسمك في راس قائمة الامنجية والكيزان.. كلب كالب دنقر راسك ارفع ضنبط حوطة حوطة.. وسام & فريندز ما يجو بجاي..
| |
|
|
|
|
|
|
Re: ضارب القنصل السوداني بالأردن (حسن عثمان) يطلب الإنضمام للمنبر. (Re: Hani Arabi Mohamed)
|
Quote: حسن على زول بسيط ومتواضع لي ابعد درجة وخدوم بس ما بيحب الحال المايل .. واكيد هو حاول يجدد جوازه وما ارفق ايصالات التجديد السابقة .. ( ودي حصلت معاي ومع غيري ) في وقتها . |
بغض النظر عن الصفات الحميدة التي اسبغتها علي القنصل ..ورفضنا لاسلوب الضرب غير المجدي فان جميع القناصل منذ عهد النميري يتم تعيينهم من ضباط ادارة القسم الخارجي بجهاز الامن الوطني.. هذه مسألة معروفة ..
واكرر تثنيتي لترشيح الاخ هاني لهشام لينال عضوية المنبر..فقد ضرب القنصل قبل 11 سنة وكان عمره ربما 19 او 20 سنة الان هو في اوائل الثلاثينات ولا اظن انه يعتبر ان ذلك فخر كما فهمت من توضيح الاخ هاني.
وشكرآ للاخ هاني فان عنوانه اتاح جوآ من الفكاهة رغم عنفوانية الحدث...ياله يا بكري ادي الراجل فرصة.
| |
|
|
|
|
|
|
ضارب القنصل (Re: Hani Arabi Mohamed)
|
الأه / هاني تحياتي تقديمك لصديقك بهدا الأسلوب مدعاة للإحتفاء بالمتفلتين بالمنبر أعرف شخص ( شتت الملفات ) قدام القنصل وتعرض للاستهجان من قبل زوجته بداية أتمني أن تقدم صديقك بالوجه الجميل الذي أكيد قد يحبه هو ونزار قباني قال سابقا (( العنتريات التي ما قتلت ذبابة )) وتحياتي ب
| |
|
|
|
|
|
|
Re: ضارب القنصل (Re: علي الكرار هاشم)
|
العجيبة انو ود الباوقة بقي عضو متين ما عارف
بس ما كان شامي زول الا احمد حنين
غايتو يا اسعد انا لا ضربت زول بونية ولا شلوت احمد الله . والحمد لله الما جيت المنبر عن طريق احمـــد حنين ..
غايتو انا ارشح الاخ ضارب القنصل لنيل العضوية عشان يعدمكم نفاخ النار ويريحنا منكم ...
عايتو يا هاني زولك دا انتهيت منو ... خليهو يقدم لموقع عكس الريح ...
ود الباوقة
| |
|
|
|
|
|
|
|