دعواتكم لزميلنا المفكر د.الباقر العفيف بالشفاء العاجل
|
|
 قنبلة ... مقبلة على الزواج بماذا تنصحوني ؟؟؟
|
كل عام وأنتم بألف خير وصحة .. تامين ولامين ..ومنورين في حوش بكري الخزين .. دخري السنين .. طبعا
حتقولو كسير تلج مش ؟ أبدا والله لقد أعلنت عليه الحب من قبل وما زلت على ذمة هذا الحب .. المهم..
بصراحة كدة المرة دي العريس فعلا قنبلة .. سماحة الزول طول وعلا زي ما بقول الفنان .. لكن طول عمري
برفض العرسان .. بطلع فيهم ألف عيب وعيب .. واحد بقول عليه عبيط وأهبل .. والتاني عديم شخصية
والتالت مفلس وعدمان والرابع سكران وحيران والخامس , مافيش لغة مشتركة هو بتكلم عربي وأنافرنسي
وإنجليزي كمان !
فضلا عن ذلك التجارب القدامي كلها زي مابقولوا الجماعة ( مخستكة ) المتزوجين عن حب مش ولابد ! أما
المتزوجين على أساس قسمة ونصيب ديل فعينك ما تشوف إلا النور كل يوم شكلة لي رب السماوكمان تعال
شوف المتزوجين بناء على رغبة الأهل .. ديل عليك أمان الله من يوم الدخلة وكل واحد مقبل على الحيطة
أولادهم بس أتقول أطفال أنابيب مع إنهم غريبة بشبهوا الأبو والأم شبه عجيب يا ربي دة من شنو ؟
بتصدقوا يا جماعة كل ما أقيف في الإشارة بركز على المتزوجين عشان بس ألقى إتنين بحبو بعض وأقوم
على ضوء ذلك أغير فكرتي في الزواج لكن أول ما أتلفت ألاقى كل واحد مقبل على جهة تانية أو ألاقى
اتنين متشكلين لدرجة إنهم ما شافوا الإشارة لما ولعت خدرا لغاية ما الزهاجة الوراهم يزمروا ليهم
بعض صديقاتي المتزوجات زادو الطين بلة .. كل ما أفكر في العرس يجوا ناطين .. هووووي أحسن ليك
كدة free woman in free land مااااااااالك ؟ الجابرك شنو على القراية أم دق ؟ يااخونا دي حالة
شنو دي ؟المهم عايزة أقول ليكم العريس دة لقطة.. قنبلة عديل كدة طول وحلا !! بالإضافة إلى ذلك باقى
لي سنة واحدة وأتحسب عانس وأقعد أكتب في مذكراتي وإنت تجوا تقروا .. عارفاكم شمشارين وبتموتوا على
الشمارات .. عشان كدة قررت أوافق على العريس دة لأنه قنبلة من مجاميعه وما بتفوت لكن قبل كدة
عايزاكم تنصحوني عشان ما أفشل وأقول يا ريت اللي جرى ما كان .. بس النصيحة تكون صادقة من القلب
وأخوية لوجه الله تعالى .. ..
داخل النص : الفرح حيكون حاجة ما حصلتش والدعوة عامة ..
خارج النص : بالله واحد من الشاطرين في نزيل الأغاني ينزل لي أغنية قنبلة وأهديها بدوري لعريس
الغفلة !!
وفتكم بعافية ..
|
|
 
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
أستاذة عواطف ...
لكي التحية وكل عام وأنتي بخير ..
أهنيك على هذا البوست المبتكر والذي يطرح موضوع هام للغاية وقضية ساخنة ..
أولاً أستاذنك في الرد على أخونا أبوالريش ، فلقد قلب الحكاية ، هو دا الوقت الصحيح الذي يجب يدخل فيه الآخرين ، ولكن بعد أن تقع الفاس في الراس ، وتبدأ معارك المؤسسة الذوجية، عندها تكون نصيحة أبوالريش (VALID).
وأقول وبصفتي مجرب لمدة (27) سنة حسوما ، فأنصح القادمة/م على الذواج أن لا يعتقد/تعتقد بأنه داخل/ة إلى (Paradise) جنة من الزهور والورد وحني علي أنا يا تيتي ...!! فإن أمر لو تعلمون ثقيل ..!!
ولا يختلف في ذلك المتذوجون عن حب (ريدة) ، أو فرض بواسطة الأهل ، أو عبر الخاطبة (ودائماً عندنا في السودان تكون الأخت أو الخالة) وظهر الآن الذواج بواسطة الإختيار عبر الحواسيب والشات رومس في الشبكة العنكبوتية.
أنا تذوجت عن ريدة ، وبالمناسبة منذ أن كنت مراهقاً وحتى اليوم لدي رأي واضح في كلمة (حب) ولا أستخدمها إطلاقاً في حق العلاقة بين الرجل والمرأة ، ولكن أستخدمها فقط عندما أتحدث عن علاقتي بالوالدين ، الأبناء ، الأهل والأصدقاء ، ورأيي الشخصي إنها أستهلكت وأصبحت مبتزلة في كثير من الأحيان ، إلا من رحم ربي.
تذوجت عن ريدة ، وجئت إلى المؤسسة الذوجية ، ليست لدي أدنى خبرة بالنساء إلا من أشعار نزار قباني وأغاني سماعين ود حد الزين يشدو بها الزعيم محمد عثمان وردي ، ولكني كنت مسلحاً بكثير من الثوابت الدينية والأخلاقية والأعراف ، وهذا ما مكنني من الإستمرارية حتى اليوم
قابضين أنا وذوجتي على الجمر .
فالذواج يأتي بمخلوقين مختلفين في كل شيء ، مظهرياً وجوهرياً ، ويضمهما بين أربعة حيطان ، وفي لحظات التجلي وعند الغسق والسحاب يعمل فشك فشك تحدث العلاقة الكاملة والمقدسة ، وينتج عنها الأولاد والبنات ، وصدقيني هم زينة المؤسسة الذوجية.
الطلاق كما قيل في الإسلام هو أبغض الحلال إلى الله ، ولكني أنا صديق أبوفواز أقول : بما أن الذوجين إختارا عن طواعية لحظة الغسق التي تحدثنا عنها أعلاه ونتج عنها أبناء وبنات ، فالطلاق حرام ...حرام ...حرام .. وجريمة لا تغتفر.
أنا وذوجتي الفاضلة إبتسام نختلف كثيراً ، فكرياً وثقافياً وبيئياً ، وشكلنا مع بعض أصبح من نوع الشكل النبيل والمتواصل ، ولكننا متفقين على أن لا تنهار أبداً هذه المؤسسة الذوجية على رؤوس أبنائنا وبناتنا، نحترم بعضنا كثيراً ، والود موصول بيننا، وكل منا يقوم بمسئولياته تجاه الآخر على أكمل وجه ... ولكننا لسنا في الجنة ...!!! فنحن على الأعراف !!
تحيتي لكي أستاذة عواطف ..
ومتعك الله بالصحة والعافية
"أبوفواز"
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: صديق عبد الجبار)
|
الأخ النبيل أبوفواز ..
كل عام وأنت طيب ..
أعجبتني مداخلتك لما بها من صراحة ووضوح وبالفعل يجب أن يعرف كل المقبلين على الزواج أن هذا الحب
تتمخض عنه مسئولية كبيرة لا يقدرها عليها إلا من يملك العزم و الإرادة والنية الصادقة في الاستمرار
مهما كلف الثمن ولكن ألا توافقني يا عزيزي أن هناك أزواج وزوجات يتنصلون من مسئولياتهم عند أول
منعطف ويتركون أبناءهم في مهب الريح ؟ طبعا حكاية تنصل الأزواج أكثر ما جعل أغلب الزوجات singll mothers?
ظاهرة تخلي الأب عن مسئولياته الأخلاقية والتربوية والمعنوية دفعت بعض الفتيات إلى العزوف عن
الزواج لأن المرأة وليس تحيزا نادر ما تتخلى عن مملكتها .. عن بيتها وأبنائها ..
لك ولأم فواز كل الود ..
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
العزيزة / عواطف بت إدريس
تحياتي الحارة
العيد مبروك وكل سنة وأنت طيبة
نحن من جانبنا ننصح العروسة بأن تقوم بإجلاس العريس لعدة اختبارات في (العباطة والهبالة وعدم الشخصية والفلس وإدمان الخمور واللغات المشتركة والعواطف الجياشة والرومانسية و و و و ... ألخ ) وزي العروس دي طبعاً العريس بكون بالنسبة لها بطيخة مقفولة ما عارفة عنه أي شئ لكن كم جلسة في كم حديقة مع قطيع النجيلة والمفاوضات والبروتوكولات والاقتراحات والشكاوي واحتساء مشروبات كل محلات العصائر يمكن أن تكتشف شخصية العريس الغامضة بالنسبة لها . بعدين أنا مؤمن بالحب البعد الزواج يمكن لهذه أن تحب بعد الزواج لماذا لا
بس ربنا يستر عليها من النوع الذي يوهم العروسة بأنوا عندوا رصيد في البنك وعقارات وشركات وفي النهاية يطلع كذاب ويجبرها بأن تقبل بالواقع والحصل ما كان بخاطري أنا كذبت عشان خاطر حبي ليكي وكدا ههههههههههه
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: حسن مضوي)
|
مضوي !!!
في الليلة الظلماء يفتقد البدر ..
شكرا على هذه المداخلة القيمة ولكن ألا تتفق معي أن كل ما يقال من كلام أثناء قطيع النجيلة بيصبح
حبر على ورق على أرض الواقع ؟
أنا معك الحب بعد الزواج قد يكون أقوى ولكن تحيطه بعض المخاطر .. لنفرض إني ما حبيت العريس بعد
الزواج أيه اللي حيصير حأقول ليكم أنا مقبلة على الطلاق بماذا تنصحوني أليس كذلك ؟
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
كل عام وانت بخير
مشتاقيين لبوستاتك المنورة المنبر
اتمنى لكى دوام الصحة والعافية
رغم تكرار هذة الاجابة التى سوف اذكرها حسب ما اعتقد, لكن يتحتم على ان اذكرها
اغنية الفنانة نادية القلعة
ما علينا ما علبنا
مهما يقولو قالو
هذة الاغنية توضح شرط من شروط الزواج السليم اليس كذلك؟!!.
اهدى لكل عاشقين او مقدمين على الارتباط العاطفى التوفيق والنجاح والازدهار.
مودتى
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: سيف الدين مصطفى كرار)
|
أبو السيوف ..
والله مشتاقين ..
وكمان عنترة بن شداد والله معاه حق لما قال:
وددت تقبيل السيوف لأنها
لمعت كبارق ثغرك المتبسم ..
مداخلتك تحتوي على الكثير من الرومانسية وصدق العواطف .. ربنا يهنيك مع من تحب ..
شكرا على كلماتك الرائعة .. بكم ومعكم نكتب ونستمر فأنتم الشمعة التي تتوهج في الفكر وتشع في
الوجدان..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
عواطف يا عوطف
عارفك ضل وما كايسة ضل
go for it
الحياة أقصر من إننا نحجم رغباتنا وإشتهاءاتنا
وأحسن ليك من تقضي الباقيات بتفكري في إنو لو كان كان حيكون كيف
سمح كعب خشي وأطلعي يا بي بهجتو يا بي عبرتو
صاحبي وليد عندو صاحبو بريطاني بيقول: ( في المقهى لا يقدم الساقي الأزواج ساخنين أو سيئين) وأنا واثق منك .
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: فيصل محمد خليل)
|
الأخت العزيزة عواطف
كل سنة و إنت طيبة
مقبلة على الزواج تعني أمرين :
الأول : الإختيار
الثاني ما بعد الزواج
ففي الأمر الأول لو بقي المعيارعلى أنه : ( قنبلة عديل كدة طول وحلا ) .. فمن الطبيعي أن يكون الأمر الثاني هشاً تذروه أقرب رياح مشكلة زوجية.
من الطبيعي أن تتزوج ... و الإختيار لا بد أن يتحكم فيه العقل و القلب معاً دون أن ينفرد أحدهما بإتخاذ القرار و هنا تكمن مشكلة كثير من قتياتنا ، ينخدعن ببهرج الشكل و الحالة المادية و لكن ينسين في غمرة أن الحياة ستكون سهلة في كنف زوج مقتدر ، ينسين أهم جانب : و هو نظرة هذا الزوج لها ، نظرته لها.
الحب أحياناً يغطي على عيوب كثيرة فتتزوج الفتاة ، و تواصل مسيرتها معه مستندة على حبها له ، ثم تستند فيما بعد على أطفالها مرددة حكمة الحبوبات ( البركة في الجنيات ديل ) .. متجاوزة سلبياته ثم تبدأ هي في المناكفة و العناد مما يأتي بنتائج غير مرضية تصب في غير مصلحة الأبناء.
فترة الخطوبة أيضاً يغلفها كثير من ورق سلوفان العواطف....
بقليل من الحصافة و تحكيم العقل يمكن للفتاة أن تعرف بعض أساسيات هذا الذي ستعيش معه.
يجب أن تضعه أمام إختبارات كثيرة و تدخله في محكات كثيلرة ، لأن الخطوبة ليست هدايا و طلعات و مناسبات و تلفونات.
و بالتوفيق
دمت
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: ابو جهينة)
|
جوجو ..
وقطعت جهينة قول كل خطيب ..
من النادر أن يحكم الإنسان قلبه وعقله في الوقت نفسه ففي أغلب الأحوال القلب قبل العقل لذلك تظهر
عند أقرب منعطف ..
هل نحتاج إلى تمارين عقلية مكثفة لنحكم عقلنا قبل العاطفة ؟ وهل ينجح الحب المستند على العاطفة
فقط ؟ وهل يتسبب الأطفال في استمرارية الزواج حتى ولو انعدمت العواطف .. بماذا تنصحوني ؟؟ في
النهاية ؟؟
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
عواطف
سلام من تاني
Quote: من النادر أن يحكم الإنسان قلبه وعقله في الوقت نفسه ففي أغلب الأحوال القلب قبل العقل لذلك تظهر
عند أقرب منعطف .. |
دة كلام صاح
بس التجارب بتاعة الناس لازم نتعلم منها و نحاول قدر المستطاع
| Quote: هل نحتاج إلى تمارين عقلية مكثفة لنحكم عقلنا قبل العاطفة ؟ |
نعم ... النتائج أحياناً قاسية و لكنها في النهاية في المصلحة
| Quote: وهل ينجح الحب المستند على العاطفة |
دة بيتوقف على الطرف التاني .. بمعنى أن لا يستغل حب الطرف الآخر له .. بل يجب أن تكون عاطفته أيضا على الأقل في نفس المستوى
| Quote: وهل يتسبب الأطفال في استمرارية الزواج حتى ولو انعدمت العواطف .. |
في حالات كثيرة نعم. و لكن يعيش الأبناء في حالة إنفصام عاطفي مشتتين بين الأب و الأم و أحيانا لا هذه و لا ذاك فينشأ نوع من الأجيال يتسم بالقسوة و عدم اللامبالة ، و يضع الأنانية كأولوية
| Quote: بماذا تنصحوني ؟؟ في النهاية ؟؟ |
تزوجي على بركة الله .. بس الطول و الحلا يكونوا في ذيل المواصفات
تخريمة :
تعرفي لما قريت الإسم دة .. ناديت على جوجو الأصلية .. و هي بنت ( إثيوبية ) يتيمة تكفلت بتربيتها بعد وفاة والدها هنا .. قلت لها من اليوم تنازلي عن إسم الدلع بتاعك دة لأنو بقى حقي
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: ابو جهينة)
|
جوجو ..
سلام من تاني وتالت ورابع ..
البيت بيتك تنور وتشرف ..
هو نحنا في ديك الساعة ؟؟؟..
بالفعل كنت بحاجة ماسة لمعرفة رايك في الأسئلة السابقة لأني عارفة إنك من حكماء المنبر أما حكاية
طول وحلاة دي بس لزوم تحلية البوست لكي لا يكون ناشف حطبة .. عليك أمان الله لو طولو شبر ووشو زي
وش القرد بس يكون زول فاهم وراقي وزوج مثالي زي أزواج قناة الشروق ديك يبقى مافي عوجة تب
شكرا على اهتمامك بالموضوع ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
عطووووووووووف الحبيبة من القليب قريبة
العيد مبارك عليك.. علينا وعليك يتبارك
العفو لله والرسول
..
بوست مهم وشيق اتمنى التوفيق للجميع
مداخلتى بخصوص هذا البوست ورأى الشخصى سوف اختصره فى كلمتين
واتمنى من بنات جنسى ان يتفهمن صراحتى وصدق تعبيرى
وان لا اتهم بتحاملى عليهن كما حدث لى من قبل...
فى النهاية الكلمة الصادقة ضمير صاحبها واتمنى السعادة للجميع
رأى الخاص جدا هو ....
ان الحياة الزوجية او عش الزوجية شراكة بين اتنين ولكن بكل صدق وصراحة
مفتاح السعادة فى يد المرأة ..
وايضا معول الهدم فى يدها ..
تحياتى للجميع بحياة زوجية هانئة
وكل المحبة ليك يا عطوفة الظريفة
وكل عام والجميع بالف خير
تحياتى
اسماء الجنيد / مسقط
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: soma)
|
سومة ...
فتيل المايقوما ..
كل عام وأنت أكثر جمالا ورقة ..
سعيدة بمرورك وبكلمة الحق ..
قوليها دايما ولا تبالي ..
أنا برضك قبل كدة حاربوني حرب البسوس على كلمة الحق وما اهتميت ..
بصراحة كلامك صاح 100 % ولكن في استثناءات بعض الرجال يرفسون نعمتهم بأيديهم ولما تقوم الحواجز
النفسية بينهم وبين زوجاتهم يندمون حيث لا ينفع الندم ..
نورتي يا حبيبة القسا ..
لك مني كل الحب وليس بعضه ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
الأخت عواطف ..
كل سنة وأنت طيبة ..
والقابلة كما تشتهي ..
1) صديقاتك الحذرنك من الزواج ديل ما صادقات معاك ..
2) بعد أن تستوفي البحث في الأشياء الظاهرة .. فإن كنت مازلت في حيرة من امرك عليك بالسنة النبوية ..
قال جابر بن عبدالله رضي الله عنهما: كان رسول الله يعلمنا الاستخارة كما يعلمنا السورة من القرآن ..
فعليك بصلاة الاستخارة وتكرارها إن لم لزم حتى يستبين لك الأمر سلباً أو إيجاباً ..
وتكون استبانة الأمر إما برؤية مرجحة أو ميول النفس واطمئنانها لرفض أو قبول الأمر ..
الوصية التانية يا طيبة:: الشباب لا يدوم .. فلا يغتر به الإنسان .. فكل يوم هو في نقصان ..
قلت عاوزة نصيحة لله .. وها هي نصيحتي خالصة لوجه الله تعالى ..
أخوك
جاد
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: JAD)
|
جاد ..
بالفعل إنت زول جاد ..
لذلك أحييك على هذه الجدية والمداخلة الطيبة والله كلامك دة لو بسمعنو البنات الرافعات سقف الشروط
لأقصى حد كان خلصنا من تلات أرباع البنات القاعدات بدون زواج .. لكن يا جاد مش المفروض التجارب
القدامنا تكون أحسن من كدة شوية عشان نشجع البنات على الدخول بالرجل اليمين ولا شنو رايك يا
بعد عمري ..
بصراحة كدة أنا شايفة مشكلة المتزوجين أصعب من مشكلة غير المتزوجين لأنهم قدوة فإذا كانوا
نموذج يحتذى به نكون حلينا 50 % من المشكلة .. لكن الشباب اليوم كلهم بقوا يقولو التجارب
غير مشجعة فخلينا كدة أحسن ..
شكرا على المرور ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
Quote: .. لكن يا جاد مش المفروض التجارب
القدامنا تكون أحسن من كدة شوية عشان نشجع البنات على الدخول بالرجل اليمين ولا شنو رايك يا
بعد عمري |
يا حلوة .. دعينا لا نجعل لتجارب الآخرين الفاشلة مجالاً لرسم ملامح تجاربنا المقبلة ..
بل علينا السعي لوضع نماذج محفزة للآخرين للإقدام على الزواج ..
لذلك :: بطلي بربرة زي ما بقول السعوديون .. وبس ورينا متين الزواج عشان نحتفل معاكم ..
تحياتي،،
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: وضاحة)
|
Quote: زكرتينى صاحبتى قطرية لما تجى زهجانة من زوجها بتقول لى تعرفى الرجال ديل زى الجواتى ونحنى مشكلتنا ما نقدر نمشى على الارض بدونن
علشان كده يا حبيبة اختارى مقاسك ما يطلع كبير يبرطش بيك او صغير يعزبك فى المشى |
الحبيبه وضاحة كل سنة وانتى طيبه ان شاء الله وتعود الايام
وربنا يحقق كل امنياتك السمحة ويسعدك يا يمة
مع احترامى لرايك وصاحبتك القطرية
لكن بالجد تعبير ما فى محلو على الاطلاق حتى ولو كان هزار
الله يعزك يا وضاحة الجواتى ديل ما بنمثل بيهم لى شريك الحياة ايا كان صعب فى تعامله
وقولى لى زولتك القطريه دى
ممكن جدا تمشى حافية او تقعدى فى بيتك 
مع تحياتى الخالصة ليك
وعيدك سعيد
تحياتى
اسماء الجنيد/ مسقط
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: soma)
|
سوما
إنتي ما عارفة وضاحة بتحب الضحك والهزار حتى على نفسها ؟ أنا عارفة هي ما بتقصد حاجة وحشة بس
المثل البتقال في كل حتة بدون ما يكون وراه خلفية بطالة ..
معليش عشان إنت شاعرة ورقيقة بتزعلي من بعض الأشياء غير الجميلة .. لكن الحكاية مزح ليس إلا
وللجميع العتبى ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: وضاحة)
|
وضـــاحــــــة
عيدك سـعيد .....
عمره النحل ما يطلع منه غير العسل ..... ولا الورد غير الاريج بس معقوووول يطلع منك كل الكلام ده :
| Quote: تعرفى الرجال ديل زى الجواتى ونحنى مشكلتنا ما نقدر نمشى على الارض بدونن |
| Quote: علشان كده يا حبيبة اختارى مقاسك ما يطلع كبير يبرطش بيك او صغير يعزبك فى المشى |
لكل قاعدة شواذ ..... وياشماتت أبله ( شيقا ) فينا ....
وبرضو بنحبكم ....
مودتي
عماد
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
انتي عايزة الجد وللا اللي جنبو .. لو عايزة نصيحة عابرة فانا انصحك بالابتعاد عنه (العرس مش العريس) ..
ولو عايزة الجد ما تسمعي نصيحة زول .. بحكم تجربتي مع النصائح فقد كان الجميع ينصحونني بالزواج .. ومنهم طبعا الذين سبقوني في التجربة .. اول ما تزوجت كان هولاء السابقون اول الشامتين بل ان بعضهم كان يقول لي : ياخي ما كان تشاورنا? مع انهم هم انفسهم الذين دفعوني للتورط ..
| |
|
|
|
|
|
|
|
|
 Re: قنبلة ... مقبلة على الزواج بماذا تنصحوني ؟؟؟ (Re: maia)
|
العزيزة مايا !!!
يسعد صباحك ..
يكملك بعقلك يا حبيبتي كلامك صاح ولكن الأ تعتقدين أن كثرة التجارب الفاشلة تؤثر سلبياعلى نفسية
المقبلين على الزواج على الرغم من أن لكل تجربة خصوصيتها ومفرداتها ؟ وهل تتفقين معي أننا كمجتمع
لازلنا بحاجة إلى معرفة الكثير من الأسس التي يستند عليها الزواج الناجح ؟
بالفعل الزوجة تقع على عاتقها مهمة احتواء الأمور ولكن عندما تجد من يتفهم أن الزواج شراكة بين
شخصين وأنه رباط مقدس وليس حالة طارئة ..
شكرا مايا أسعدتني مداخلتك ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: ASHRAF MUSTAFA)
|
شروفي الظريف ..
كل عام وإنت بخير ..
شكرا على الهدية والوصية عاد من دربي دة على المأذون والعريس مخير هو الجنا على روحو ..
آسفة لتأخير الرد بتصدق اتلخبطت في المداخلات .. ( زهايمر )
شمار تقيل : أمبارح كان سد مال ربى بت سامية وكان حدث عديل كدة ..
تحياتي ومعزتي ومع السلامة عشان ماشة أكنكش في الموضوع .. ( عصفور الكف ولا عشرة برة )
شكرا يا واد أمي على النصيحة الغالية ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
عواطف ... كل سنه وانتي طيبه
وامنيات محققات انشالله ..
بقول الشاور .. ما خاب ..
انا بقول ما كلها .. بعض المشاورات .. بتودي التوج
اخيتي ..
تجارب الغير لا يكمن ان تكون مقياس .. سلبا وايجابا ..
لكن ..
التجارب الخاصه .. هي المستفاد منها وغيرها .... فلا
والزواج رباط مقدس . الدخول فيه بقدسيه وايضا الخروج منه
ومن توكل علي الله فهو حسبو ..
تهانينا بالعيد السعيد .
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عبدالله كع)
|
اخت الكل عطوفة.. (أهى فرصة نجدّع) فى غياب شيقا وود ابارو ...
كل سنة وانت والآسرة بخير.
أنا جربت كل الصيغ اللى ذكرتيها فوق دى وما فى واحدة نجحت فيهم الاّ بتاعت القسمة والنصيب دى .. ,انا زمان قلت ليك انو المشكلة مافى الرجال .. المشكلة انو النسوان كل واحدة عندها قفلة تختلف عن قفلة التانية ,,, وهنا تكون فكرة القسمة والنصيب دى انت ونيتك ,,, وعمايلك ,, عموما أم أيثار شكلها كدى اللى حا اعتزل معاها ,,, عشان كدى المقبلين على حكاية القسمة والنصيب ديل أقول ليهم Go a head على ضمانتى ...
بالمناسبة يا طوفى (قبل ما يجوا خرابين العامرة اياهم)
فيسل هليل نزّل فى بوست ود المنسى البردانة على Google Earth ,وانا أتجول فيه لمحت ودشيقوق شايل ليه رتينة ويقدّم فى بنيات الفريق لكن ياخسارة النضارة اللى كانت فى وشّه من أكل الباسطة فى عمان حلّ محلها أثر الأكثار من الخبز الداودى وأكل الويكاب بالمرس والكول.
وتجولت فى ربوع شندى شمالا فلمحت ود ابأرو فى طاحونة القرية متأهبا لأمتطاء ظهر حمار العمدة (طبعا سمحوا ليه بركوبه عشان الولد هو ممثلهم الوحيد فى سودانيز أون لاين ,, ووعدهم انو المرة الجاية حايرفع راسن ويمثلهم فى الجزيرة دوت نت ذاتها) ورايته قد كتب على حائط الطاحونة (للذكرى والتاريخ من أخوكم ود أبارو ...)
كل عام وانتم بخير ...
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عبدالعزيز الفاضلابى)
|
يجازي محنك يا عزو والله ضحكتني لمن وقعت على قفاي ..
بالفعل أنا ملاحظة حكاية القسمة والنصيب أفضل بكتير من إنك ترتبط بشخض بتعرفه وبتحبه وتجي تتصدم
فيه صدمة العمر .. يعني المابتعرفه قد تجد ليه العذر ولكن الكان بمثل عليك الوقت كله وبعدين
ظهر على حقيقته دة يسوا ليه شنو ؟
ود شيقوق أمبارح رسل برقية مستعجلة قال أثناء سرحته بالغنم خرجت إحدى غنيماته ولم تعد لذلك
طلب أن يمد إجازته حتى الحصول على الرايحة ..
أما أبارو دة طبعا بيعتبر نوارة فريقه لأنه عضو في سودانيز أون لاين فلا أستغرب أن يسمح له بركوب
الحمارة أكيد يحق له ما لا يحق لغيره ..
تحياتي لك ولإم إيثار .. قول ليها خليك مكنكنشة الدنيا بقت ما معروفة ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
طبعا يا عواطف البوستات الزي دي بريدها
عشان يتجدع فيها باسلوب التداعي الحر
يلا نبدا من هنا
Quote: أولادهم بس أتقول أطفال أنابيب مع إنهم غريبة بشبهوا الأبو والأم شبه عجيب يا ربي دة من شنو ؟
.. |
عندي واحد صاحبي بعد ان عاث في الارض فسادا ونساء تزوج
سالته بعد الزوا ج
اها الزواج كيف
قال لي :
زي اكل المستشفى صحي لكن مسيخ
| Quote: عايزاكم تنصحوني عشان ما أفشل.. |
عليك بالحمام المغربي
والمساج الاسيوي
اما له
فعليك بالدخان والدلكة البتخلي العقل لكة
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: بابكر التوم)
|
Quote: خالتوا سوما سلامات
كل عام وانتى بالف صحة وعافية وخير
كيفك والف سلامة ليك قالوا وقعتى خففى الوزن شوية شايفاك نصحانة في الصور بتاعت مسقط
والله وحشتنى مسقط وشوارعها
صاحبتى دا رايها وطبعا بتمزح الرجال ديل فيهم اخوانا وابواتنا
بس زهجة منها |
تسلمى يا ست الكل .. والله ناس مسقط زاتهم انتى وحشتيهم
يلا تعالى طلينا سريع
وعذرا لتأخير المداخلة .. والله من اللحظه ديك
وانا مع ضيوف العيد ما شاء الله .. لانه بكره شغل والشكية لى الله
اجازة العيد انتهت الما لحق عيد كلو جاء يعيد
اها شفتى ناس مسقط طاعمين كيف ؟؟؟
عطوفة سلامات .. كيف امسيتى مع مشوارات الاحباب والاصحاب
والبجى عابر وبدق الباب
ما شاء الله شايفة ضيوفك عامرين
ديمع عامره ان شاء الله
يا ستى مافى اى زعل يعلم الله
اهو ونسة بين الاخوات
ووضاحتنا دى رغم هظارها قليبها كبير انا عارفاها
عشان كده دقيت قلبى وبادرت بالنصيحة
ارقدوا عافية
وشكرا مره تانية عطوفة للبوست الظريف
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: soma)
|
ست الحبايب سوما
من أي جنس أنت يا امرأة ؟
من قبعة أي ساحر خرجت ؟
من يدعي أنه سرق مكتوبا واحد
من مكاتيب حبك .. يكذب
من يدعي أنه سرق إسوارة ذهب صغيرة
من خزانتك يكذب ..
من يدعي أنه سرق مشطا واحدا
من أمشاط العاج التي تتمشطين بها ..
يكذب ..
من يدعي ..
أنه اصطاد سمكة واحدة ..
من بحار عينيك .. يكذب
فلك منا كل الحب ..
| |
|
|
|
|
|
|
|
|
|
Re: قنبلة ... مقبلة على الزواج بماذا تنصحوني ؟؟؟ (Re: عواطف ادريس اسماعيل)
|
توفى
عيدك سعيد
بتصدقوا يا جماعة كل ما أقيف في الإشارة بركز على المتزوجين عشان بس ألقى إتنين بحبو بعض وأقوم
على ضوء ذلك أغير فكرتي في الزواج لكن أول ما أتلفت ألاقى كل واحد مقبل على جهة تانية أو ألاقى
اتنين متشكلين لدرجة إنهم ما شافوا الإشارة لما ولعت خدرا لغاية ما الزهاجة الوراهم يزمروا ليهم
بعض صديقاتي المتزوجات زادو الطين بلة .
لاسف ما قابلتينى انا و سمعة
لكى حبى و احترامى
| |
|
|
|
|
|
|
| |
عواطف ادريس اسماعيل
هشام آدم
Abureesh
صديق عبد الجبار
على محمد على بشير
عبد الدائم سيد أحمد
عزام حسن فرح
خالد الجبل
كمال علي الزين
طارق أحمد خالد
EMU إيمو
khaleel
معتصم الطاهر
عبدالوهاب علي الحاج
tarig almakki
فيصل محمد خليل
ابو جهينة
JAD
Nader Abu Kadouk
Muna Khugali
عبود عبد الرحيم
وضاحة
elfadl abdellatif
M A Muhagir
Adam Mousa
doma
ASHRAF MUSTAFA
عبدالله كع
عبدالعزيز الفاضلابى
baha eassa
د.محمد حسن
بابكر التوم
keiga2000
فيس بوك
تويتر
انستقرام
يوتيوب
بنتيريست