Post: #3 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 07:53 AM Parent: #2
ميوية !!!
كل عام وأنت بخير ..
العريس لكل واحدة بتنطبق عليها المواصفات دي ..
عموما منتظراك لمن ترجعي والباقي مسنجر !!
سعيدة بطلتك ..
Post: #4 Title: Re: قنبلة ... مقبلة على الزواج بماذا تنصحوني ؟؟؟ Author: هشام آدم Date: 10-04-2008, 07:59 AM Parent: #3
عطوفة .. كل عام وأنت بألف خير والقابلة كده على أمنياتك
Quote: مقبلة على الزواج بماذا تنصحوني ؟؟؟
أنا شخصياً أنصحك بأن تعدلي عن الفكرة
Post: #5 Title: Re: قنبلة ... مقبلة على الزواج بماذا تنصحوني ؟؟؟ Author: Abureesh Date: 10-04-2008, 08:02 AM Parent: #4
الأخت عواطف،
نصيحتى لك أن تكون هـذه المداخلة أخر البوست.
هـذا هو الموضوع الوحيـد الذى يجب أن لا تدخلى فيه أحداً غيركما....
Post: #7 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 08:06 AM Parent: #5
أبو ريش ..
تحية من القلب ..
وكل عام وأنت بألف خير ..
شكرا رايك على عيني يا بعد عيني !!
Post: #6 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 08:03 AM Parent: #4
هشومي ..
سلامات ..
شكرا بقول المثل أسال مجرب ولا تسأل طبيب ...
إنت مجرب ولا طبيب ..
Post: #8 Title: Re: قنبلة ... مقبلة على الزواج بماذا تنصحوني ؟؟؟ Author: هشام آدم Date: 10-04-2008, 08:20 AM Parent: #6
Quote: إنت مجرب ولا طبيب
أنا راضي بذمتك يا عطوفة الخِلقة دي خِلقة مجرّب؟
Post: #10 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 08:24 AM Parent: #8
هشومي !!!
طبيب لكان ؟؟
شكرا على طلتك البهية ..
Post: #18 Title: Re: قنبلة ... مقبلة على الزواج بماذا تنصحوني ؟؟؟ Author: صديق عبد الجبار Date: 10-04-2008, 08:55 AM Parent: #6
أستاذة عواطف ...
لكي التحية وكل عام وأنتي بخير ..
أهنيك على هذا البوست المبتكر والذي يطرح موضوع هام للغاية وقضية ساخنة ..
أولاً أستاذنك في الرد على أخونا أبوالريش ، فلقد قلب الحكاية ، هو دا الوقت الصحيح الذي يجب يدخل فيه الآخرين ، ولكن بعد أن تقع الفاس في الراس ، وتبدأ معارك المؤسسة الذوجية، عندها تكون نصيحة أبوالريش (VALID).
وأقول وبصفتي مجرب لمدة (27) سنة حسوما ، فأنصح القادمة/م على الذواج أن لا يعتقد/تعتقد بأنه داخل/ة إلى (Paradise) جنة من الزهور والورد وحني علي أنا يا تيتي ...!! فإن أمر لو تعلمون ثقيل ..!!
ولا يختلف في ذلك المتذوجون عن حب (ريدة) ، أو فرض بواسطة الأهل ، أو عبر الخاطبة (ودائماً عندنا في السودان تكون الأخت أو الخالة) وظهر الآن الذواج بواسطة الإختيار عبر الحواسيب والشات رومس في الشبكة العنكبوتية.
أنا تذوجت عن ريدة ، وبالمناسبة منذ أن كنت مراهقاً وحتى اليوم لدي رأي واضح في كلمة (حب) ولا أستخدمها إطلاقاً في حق العلاقة بين الرجل والمرأة ، ولكن أستخدمها فقط عندما أتحدث عن علاقتي بالوالدين ، الأبناء ، الأهل والأصدقاء ، ورأيي الشخصي إنها أستهلكت وأصبحت مبتزلة في كثير من الأحيان ، إلا من رحم ربي.
تذوجت عن ريدة ، وجئت إلى المؤسسة الذوجية ، ليست لدي أدنى خبرة بالنساء إلا من أشعار نزار قباني وأغاني سماعين ود حد الزين يشدو بها الزعيم محمد عثمان وردي ، ولكني كنت مسلحاً بكثير من الثوابت الدينية والأخلاقية والأعراف ، وهذا ما مكنني من الإستمرارية حتى اليوم قابضين أنا وذوجتي على الجمر .
فالذواج يأتي بمخلوقين مختلفين في كل شيء ، مظهرياً وجوهرياً ، ويضمهما بين أربعة حيطان ، وفي لحظات التجلي وعند الغسق والسحاب يعمل فشك فشك تحدث العلاقة الكاملة والمقدسة ، وينتج عنها الأولاد والبنات ، وصدقيني هم زينة المؤسسة الذوجية.
الطلاق كما قيل في الإسلام هو أبغض الحلال إلى الله ، ولكني أنا صديق أبوفواز أقول : بما أن الذوجين إختارا عن طواعية لحظة الغسق التي تحدثنا عنها أعلاه ونتج عنها أبناء وبنات ، فالطلاق حرام ...حرام ...حرام .. وجريمة لا تغتفر.
أنا وذوجتي الفاضلة إبتسام نختلف كثيراً ، فكرياً وثقافياً وبيئياً ، وشكلنا مع بعض أصبح من نوع الشكل النبيل والمتواصل ، ولكننا متفقين على أن لا تنهار أبداً هذه المؤسسة الذوجية على رؤوس أبنائنا وبناتنا، نحترم بعضنا كثيراً ، والود موصول بيننا، وكل منا يقوم بمسئولياته تجاه الآخر على أكمل وجه ... ولكننا لسنا في الجنة ...!!! فنحن على الأعراف !!
تحيتي لكي أستاذة عواطف ..
ومتعك الله بالصحة والعافية
"أبوفواز"
Post: #21 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 09:24 AM Parent: #18
الأخ النبيل أبوفواز ..
كل عام وأنت طيب ..
أعجبتني مداخلتك لما بها من صراحة ووضوح وبالفعل يجب أن يعرف كل المقبلين على الزواج أن هذا الحب
تتمخض عنه مسئولية كبيرة لا يقدرها عليها إلا من يملك العزم و الإرادة والنية الصادقة في الاستمرار
مهما كلف الثمن ولكن ألا توافقني يا عزيزي أن هناك أزواج وزوجات يتنصلون من مسئولياتهم عند أول
منعطف ويتركون أبناءهم في مهب الريح ؟ طبعا حكاية تنصل الأزواج أكثر ما جعل أغلب الزوجات singll mothers?
ظاهرة تخلي الأب عن مسئولياته الأخلاقية والتربوية والمعنوية دفعت بعض الفتيات إلى العزوف عن
الزواج لأن المرأة وليس تحيزا نادر ما تتخلى عن مملكتها .. عن بيتها وأبنائها ..
لك ولأم فواز كل الود ..
Post: #35 Title: Re: قنبلة ... مقبلة على الزواج بماذا تنصحوني ؟؟؟ Author: صديق عبد الجبار Date: 10-04-2008, 10:35 AM Parent: #21
الأخت الفاضلة عواطف ...
أتفق معك بلا تردد :
Quote: تتمخض عنه مسئولية كبيرة لا يقدرها عليها إلا من يملك العزم و الإرادة والنية الصادقة في الاستمرار
مهما كلف الثمن ولكن ألا توافقني يا عزيزي أن هناك أزواج وزوجات يتنصلون من مسئولياتهم عند أول
منعطف ويتركون أبناءهم في مهب الريح ؟ طبعا حكاية تنصل الأزواج أكثر ما جعل أغلب الزوجات singll mothers?
ونسبة للتجارب المأساوية التي شاهدناها ونشاهدها كل يوم ، فلقد توصلت إلى فتواي الخاصة بتحريم الطلاق على الأذواج الذين لديهم أبناء وبنات ، وتمتد فتوى الفقير إلى الله صديق بن عبد الجبار بن محمد بن طه المكنى بأبي فواز ، قدس سره ، إلى أكثر من ذلك وهو تحريم تعدد الذوجات لهذه الفئة أيضاً... !!! وقولي يا لطيف .. الكلام دخل الحوش ...!!!!
وإنني أعتقد عندما قال المتعال سبحانه وتعالى إن الرجال قوامون على النساء ، كان في فكره جل وعلى أيضاً هذه الرخصة التي أعطيت للرجل وهي رخصة الطلاق ، فالقوامة الحقيقية هي أن يسردب الرجل ولا يسيئ استخدام هذا الكارت (TALAGH ABUSE) وأن يبعد هذا الكارت إلى أبعد مسافة ممكنة منه ويا حبذا لو أمر بالإحتفاظ به في لحده الذي سوف يوارى فيه عندما تتوفاه ملائكة الموت.
نعم أتفق معك على أن مسئولية الطلاق 99.999% تقع على الرجل ، ولكن على الحلوة أم رشم وام مساير ، أم العول أن لا تنوم قفا على هذه الشهادة ، فالرجل إنسان وإنسان ضعيف جداً ، دائماً ما أقول لأم فواز أنني وجميع الرجال أطفال صغار في هيئة رجال أمام المرأة ، فأبسط شيء يغضبهم وأبسط شيئ يبهجهم ويكون بطعم (حلاوة الحربة) ، فعلى المرأة أيضاً أن تساهم في أن يسردب الرجل بمؤسسة الذوجية، وأن تلاحظ رغباته الصغيرة والتي لا تكلفها أكثر من التركيز وعدم النسيان وأن تحاول صنع الفرحة والضحكة والروقة والمزيقة والعديل والزين داخل البيت والريحة الحلوة ، ولا تتكل على الرجل في ذلك ، فالراجل يا صديقتي دبش ومتنيل بستين نيلة.
ياخي إنت زول رايع جدا .. غايتو أم فواز تكون نايمة ملء جفونها عن شواردها ويسهر الخلق جراها
ويختصموا أهنيك على هذه الفتوى والدبلوماسية النبيلة .. يا ريت كل الناس تعمل زيك .. كان الحال
انعدل وبقينا مضرب مثل ..
شكرا ومتأسفة على التأخير ..
Post: #9 Title: Re: قنبلة ... مقبلة على الزواج بماذا تنصحوني ؟؟؟ Author: Dr.Mohammed Ali Elmusharaf Date: 10-04-2008, 08:21 AM Parent: #1
الاخت الفاضلة استاذة عواطف
كل عام وانت والاهل بالف خير
معزتي
Post: #11 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 08:25 AM Parent: #9
حمووووودي !!
سلامات يامان ..
كل سنة وإنت طيب ..
شكرا على المرور الزاهي ..
Post: #12 Title: Re: قنبلة ... مقبلة على الزواج بماذا تنصحوني ؟؟؟ Author: على محمد على بشير Date: 10-04-2008, 08:27 AM Parent: #9
عواطف
قولى ليها اتوكلى على الله لانو ضل راجل ولا ضل حيطه
Post: #14 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 08:32 AM Parent: #12
علاوي !!!
سلامات ..
كل عام وأنت بخير..
لازم تعقلها وتتوكل لأنه عدد البنات بقى أكتر وظروف الشباب بقت أنيل .. سواء مادية أو اجتماعية
المعوقات كتيرة وأحلام الشباب تضاءلت وأصبحت لا تتعدى وظيفة تسد رمق العائلة الممتدة ..
شكرا مرورك أسعدني ..
Post: #22 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 09:26 AM Parent: #9
المشرف !!!
شرفتنا بهذه الطلة البهية ..
دام عزك وفضلك ..
كل عام وأنت بألف خير ..
Post: #13 Title: Re: قنبلة ... مقبلة على الزواج بماذا تنصحوني ؟؟؟ Author: عبد الدائم سيد أحمد Date: 10-04-2008, 08:27 AM Parent: #1
خوفي يكون قنبلـــة مسيلة للدموع
العيد لسه ما انتهى افرحى شوية والسنة الجايه عروس ...
Post: #15 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 08:34 AM Parent: #13
عبودي ...
كل عام وأنت متألق ..
جمعا .. أوعى تكون المدام جنبك ..
إنت الجنيت على روحك !!
Post: #16 Title: Re: قنبلة ... مقبلة على الزواج بماذا تنصحوني ؟؟؟ Author: حسن مضوي Date: 10-04-2008, 08:41 AM Parent: #15
العزيزة / عواطف بت إدريس تحياتي الحارة العيد مبروك وكل سنة وأنت طيبة نحن من جانبنا ننصح العروسة بأن تقوم بإجلاس العريس لعدة اختبارات في (العباطة والهبالة وعدم الشخصية والفلس وإدمان الخمور واللغات المشتركة والعواطف الجياشة والرومانسية و و و و ... ألخ ) وزي العروس دي طبعاً العريس بكون بالنسبة لها بطيخة مقفولة ما عارفة عنه أي شئ لكن كم جلسة في كم حديقة مع قطيع النجيلة والمفاوضات والبروتوكولات والاقتراحات والشكاوي واحتساء مشروبات كل محلات العصائر يمكن أن تكتشف شخصية العريس الغامضة بالنسبة لها . بعدين أنا مؤمن بالحب البعد الزواج يمكن لهذه أن تحب بعد الزواج لماذا لا بس ربنا يستر عليها من النوع الذي يوهم العروسة بأنوا عندوا رصيد في البنك وعقارات وشركات وفي النهاية يطلع كذاب ويجبرها بأن تقبل بالواقع والحصل ما كان بخاطري أنا كذبت عشان خاطر حبي ليكي وكدا ههههههههههه
Post: #23 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 09:31 AM Parent: #16
مضوي !!!
في الليلة الظلماء يفتقد البدر ..
شكرا على هذه المداخلة القيمة ولكن ألا تتفق معي أن كل ما يقال من كلام أثناء قطيع النجيلة بيصبح
حبر على ورق على أرض الواقع ؟
أنا معك الحب بعد الزواج قد يكون أقوى ولكن تحيطه بعض المخاطر .. لنفرض إني ما حبيت العريس بعد
الزواج أيه اللي حيصير حأقول ليكم أنا مقبلة على الطلاق بماذا تنصحوني أليس كذلك ؟
Post: #17 Title: Re: قنبلة ... مقبلة على الزواج بماذا تنصحوني ؟؟؟ Author: سيف الدين مصطفى كرار Date: 10-04-2008, 08:48 AM Parent: #1
كل عام وانت بخير
مشتاقيين لبوستاتك المنورة المنبر
اتمنى لكى دوام الصحة والعافية
رغم تكرار هذة الاجابة التى سوف اذكرها حسب ما اعتقد, لكن يتحتم على ان اذكرها
اغنية الفنانة نادية القلعة
ما علينا ما علبنا
مهما يقولو قالو
هذة الاغنية توضح شرط من شروط الزواج السليم اليس كذلك؟!!.
اهدى لكل عاشقين او مقدمين على الارتباط العاطفى التوفيق والنجاح والازدهار.
مودتى
Post: #24 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 09:35 AM Parent: #17
أبو السيوف ..
والله مشتاقين ..
وكمان عنترة بن شداد والله معاه حق لما قال:
وددت تقبيل السيوف لأنها
لمعت كبارق ثغرك المتبسم ..
مداخلتك تحتوي على الكثير من الرومانسية وصدق العواطف .. ربنا يهنيك مع من تحب ..
شكرا على كلماتك الرائعة .. بكم ومعكم نكتب ونستمر فأنتم الشمعة التي تتوهج في الفكر وتشع في
الوجدان..
Post: #19 Title: Re: قنبلة ... مقبلة على الزواج بماذا تنصحوني ؟؟؟ Author: عزام حسن فرح Date: 10-04-2008, 09:10 AM Parent: #1
عواطِف ...
Quote: عايزاكم تنصحوني عشان ما أفشل وأقول يا ريت اللي جرى ما كان .. بس النصيحة تكون صادقة من القلب وأخوية لوجه الله تعالى .. ..
عليكِ بِالـ< الصبر >
بشوفِك شربتي مِن كاسي ... ده البِساوي عاري وكاسي ... ده البِخليك ما تكون راسي ...
Post: #25 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 09:37 AM Parent: #19
عزام ...
الزوج الهمام ..
للصبر حدود..
ما تصبرنيش ..
ما خلاص أنا فاض بي ومليت ..
Post: #20 Title: Re: قنبلة ... مقبلة على الزواج بماذا تنصحوني ؟؟؟ Author: خالد الجبل Date: 10-04-2008, 09:17 AM Parent: #1
دا تعريف بسيط للزواج
Quote: **** Married life is full of excitement and frustration: In the first year of marriage, the man speaks and the woman listens. In the second year, the woman speaks and the man listens.In the third year, they both speak and the NEIGHBOUR listens.
Post: #26 Title: Re: قنبلة ... مقبلة على الزواج بماذا تنصحوني ؟؟؟ Author: كمال علي الزين Date: 10-04-2008, 09:39 AM Parent: #20
Post: #30 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 10:21 AM Parent: #26
كيمو ...
عيدك مبارك أيها الجميل ..
من قلبي عقبالك يا راسي يا زين ..
Post: #27 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 09:41 AM Parent: #20
ود الجبل !!
ها .. ها .. ها ..
ضحكتني من أعماقي دة السبب اللي بخلينا ما نجي المولد تاني ..
Post: #28 Title: Re: قنبلة ... مقبلة على الزواج بماذا تنصحوني ؟؟؟ Author: طارق أحمد خالد Date: 10-04-2008, 09:58 AM Parent: #1
هلا عواطف الظريفة عيد سعيد
الله يكفينا شر القنابل... غايتو اصرفي نظر وابعدي عن القنابل
اها دي القنبلة
Post: #32 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 10:25 AM Parent: #28
الرائع طارق !!!
عيدك مبارك وكل عام وأنت بخير ...
شكرا جزيلا على هذه الأغنية كلك ذوق ..
Post: #29 Title: Re: قنبلة ... مقبلة على الزواج بماذا تنصحوني ؟؟؟ Author: EMU إيمو Date: 10-04-2008, 10:06 AM Parent: #1
عوطف عيدك مبارك وأيامك السعيدة تنعاد عليك من تاني
نصيحتي إذا ظهر العريس أمسكيهو من إيدو وإلى أقرب محرر فواتير زواج
وربنا يهنيك
Post: #33 Title: Re: قنبلة ... مقبلة على الزواج بماذا تنصحوني ؟؟؟ Author: khaleel Date: 10-04-2008, 10:25 AM Parent: #29
عطوفي
انج سعد فقد هلك سعيد
Post: #39 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:06 AM Parent: #33
خلي !!!
عيدك سعيد .. يا سعيد ..
سأنجو بنفسي في أسرع فرصة ..
كل شيء ولا الهلاك ...
Post: #38 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:03 AM Parent: #29
إيمو ..
سلامات يا رجال ..
والله زمان ..
نصيحة غالية شديييييييييد ..
بس عايزة إتنين شهود ..
زكل سنة وإنت طيب ..
Post: #31 Title: Re: قنبلة ... مقبلة على الزواج بماذا تنصحوني ؟؟؟ Author: معتصم الطاهر Date: 10-04-2008, 10:25 AM Parent: #1
عواطف تحياتي
الموضوع دا .. سهل فى عضمو .. وصعب فى أطرافو الكتيرة أها أنا بجيب رابط .. رغم انو بكرى ما بريد الحاجة دى لكن عشان نوفر كثير من جوانب النقاش و بعدو ندخل عليك فى عضم سؤالك بالدغرى ..
Post: #40 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:10 AM Parent: #31
ود الطاهر ..
كل عام وإنت بخير ..
قريت موضوعك الجميل وهسة العريس دة نسبته 60 % يعني أكنكنش طوالي ولا شنو ؟
منتظراك تدخل في العضم على طول فيشان الموضوع دة ما بحتمل التأجيل ..
شكرا على المرور
Post: #34 Title: Re: قنبلة ... مقبلة على الزواج بماذا تنصحوني ؟؟؟ Author: عبدالوهاب علي الحاج Date: 10-04-2008, 10:28 AM Parent: #1
الاخت عواطف
عيدك مبارك
كان دايرة تبيعي نوم عينيك .. مالنا بيك
Post: #41 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:12 AM Parent: #34
كدة يا هوبي ؟؟
ما كان العشم ...
مشكور رفيق ما قصرت ..
Post: #36 Title: Re: قنبلة ... مقبلة على الزواج بماذا تنصحوني ؟؟؟ Author: tarig almakki Date: 10-04-2008, 10:43 AM Parent: #1
عواطف يا عوطف عارفك ضل وما كايسة ضل go for it الحياة أقصر من إننا نحجم رغباتنا وإشتهاءاتنا وأحسن ليك من تقضي الباقيات بتفكري في إنو لو كان كان حيكون كيف سمح كعب خشي وأطلعي يا بي بهجتو يا بي عبرتو صاحبي وليد عندو صاحبو بريطاني بيقول: ( في المقهى لا يقدم الساقي الأزواج ساخنين أو سيئين) وأنا واثق منك .
Post: #37 Title: Re: قنبلة ... مقبلة على الزواج بماذا تنصحوني ؟؟؟ Author: فيصل محمد خليل Date: 10-04-2008, 10:59 AM Parent: #36
انا كنت مدور عربتي وجايكم
لما سمعت الخبر رجعت من لفة كاب الجداد
Post: #43 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:16 AM Parent: #37
فيصولي !!!
زوغة لا ؟
عموما تعال ما تبتعد قرب ..
في الإنتظار على المدار ..
Post: #44 Title: Re: قنبلة ... مقبلة على الزواج بماذا تنصحوني ؟؟؟ Author: ابو جهينة Date: 10-04-2008, 11:16 AM Parent: #37
الأخت العزيزة عواطف
كل سنة و إنت طيبة
مقبلة على الزواج تعني أمرين :
الأول : الإختيار الثاني ما بعد الزواج
ففي الأمر الأول لو بقي المعيارعلى أنه : ( قنبلة عديل كدة طول وحلا ) .. فمن الطبيعي أن يكون الأمر الثاني هشاً تذروه أقرب رياح مشكلة زوجية.
من الطبيعي أن تتزوج ... و الإختيار لا بد أن يتحكم فيه العقل و القلب معاً دون أن ينفرد أحدهما بإتخاذ القرار و هنا تكمن مشكلة كثير من قتياتنا ، ينخدعن ببهرج الشكل و الحالة المادية و لكن ينسين في غمرة أن الحياة ستكون سهلة في كنف زوج مقتدر ، ينسين أهم جانب : و هو نظرة هذا الزوج لها ، نظرته لها. الحب أحياناً يغطي على عيوب كثيرة فتتزوج الفتاة ، و تواصل مسيرتها معه مستندة على حبها له ، ثم تستند فيما بعد على أطفالها مرددة حكمة الحبوبات ( البركة في الجنيات ديل ) .. متجاوزة سلبياته ثم تبدأ هي في المناكفة و العناد مما يأتي بنتائج غير مرضية تصب في غير مصلحة الأبناء.
فترة الخطوبة أيضاً يغلفها كثير من ورق سلوفان العواطف.... بقليل من الحصافة و تحكيم العقل يمكن للفتاة أن تعرف بعض أساسيات هذا الذي ستعيش معه. يجب أن تضعه أمام إختبارات كثيرة و تدخله في محكات كثيلرة ، لأن الخطوبة ليست هدايا و طلعات و مناسبات و تلفونات.
و بالتوفيق
دمت
Post: #45 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:30 AM Parent: #44
جوجو ..
وقطعت جهينة قول كل خطيب ..
من النادر أن يحكم الإنسان قلبه وعقله في الوقت نفسه ففي أغلب الأحوال القلب قبل العقل لذلك تظهر
عند أقرب منعطف ..
هل نحتاج إلى تمارين عقلية مكثفة لنحكم عقلنا قبل العاطفة ؟ وهل ينجح الحب المستند على العاطفة
فقط ؟ وهل يتسبب الأطفال في استمرارية الزواج حتى ولو انعدمت العواطف .. بماذا تنصحوني ؟؟ في
النهاية ؟؟
Post: #47 Title: Re: قنبلة ... مقبلة على الزواج بماذا تنصحوني ؟؟؟ Author: ابو جهينة Date: 10-04-2008, 11:56 AM Parent: #45
عواطف
سلام من تاني
Quote: من النادر أن يحكم الإنسان قلبه وعقله في الوقت نفسه ففي أغلب الأحوال القلب قبل العقل لذلك تظهر
عند أقرب منعطف ..
دة كلام صاح بس التجارب بتاعة الناس لازم نتعلم منها و نحاول قدر المستطاع
Quote: هل نحتاج إلى تمارين عقلية مكثفة لنحكم عقلنا قبل العاطفة ؟
نعم ... النتائج أحياناً قاسية و لكنها في النهاية في المصلحة
Quote: وهل ينجح الحب المستند على العاطفة
دة بيتوقف على الطرف التاني .. بمعنى أن لا يستغل حب الطرف الآخر له .. بل يجب أن تكون عاطفته أيضا على الأقل في نفس المستوى
Quote: وهل يتسبب الأطفال في استمرارية الزواج حتى ولو انعدمت العواطف ..
في حالات كثيرة نعم. و لكن يعيش الأبناء في حالة إنفصام عاطفي مشتتين بين الأب و الأم و أحيانا لا هذه و لا ذاك فينشأ نوع من الأجيال يتسم بالقسوة و عدم اللامبالة ، و يضع الأنانية كأولوية
Quote: بماذا تنصحوني ؟؟ في النهاية ؟؟
تزوجي على بركة الله .. بس الطول و الحلا يكونوا في ذيل المواصفات
تخريمة :
Quote: جوجو ..
تعرفي لما قريت الإسم دة .. ناديت على جوجو الأصلية .. و هي بنت ( إثيوبية ) يتيمة تكفلت بتربيتها بعد وفاة والدها هنا .. قلت لها من اليوم تنازلي عن إسم الدلع بتاعك دة لأنو بقى حقي
بالفعل كنت بحاجة ماسة لمعرفة رايك في الأسئلة السابقة لأني عارفة إنك من حكماء المنبر أما حكاية
طول وحلاة دي بس لزوم تحلية البوست لكي لا يكون ناشف حطبة .. عليك أمان الله لو طولو شبر ووشو زي
وش القرد بس يكون زول فاهم وراقي وزوج مثالي زي أزواج قناة الشروق ديك يبقى مافي عوجة تب
شكرا على اهتمامك بالموضوع ..
Post: #42 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-04-2008, 11:14 AM Parent: #36
توتو ..
سلامات ..
كل عام وأنت بخير ...
كلامك سمح بلحليل كالعادة ..
نصيحتك يا بعد عمري عالعين والراس ..
تسلم ..
Post: #48 Title: Re: قنبلة ... مقبلة على الزواج بماذا تنصحوني ؟؟؟ Author: soma Date: 10-04-2008, 11:56 AM Parent: #42
عطووووووووووف الحبيبة من القليب قريبة العيد مبارك عليك.. علينا وعليك يتبارك العفو لله والرسول .. بوست مهم وشيق اتمنى التوفيق للجميع مداخلتى بخصوص هذا البوست ورأى الشخصى سوف اختصره فى كلمتين واتمنى من بنات جنسى ان يتفهمن صراحتى وصدق تعبيرى وان لا اتهم بتحاملى عليهن كما حدث لى من قبل... فى النهاية الكلمة الصادقة ضمير صاحبها واتمنى السعادة للجميع رأى الخاص جدا هو .... ان الحياة الزوجية او عش الزوجية شراكة بين اتنين ولكن بكل صدق وصراحة مفتاح السعادة فى يد المرأة .. وايضا معول الهدم فى يدها .. تحياتى للجميع بحياة زوجية هانئة وكل المحبة ليك يا عطوفة الظريفة وكل عام والجميع بالف خير تحياتى اسماء الجنيد / مسقط
دي معلومات مضللة كراهية في الزواج missleading informations وكدة !!
عموما كل عام وإنت طيب ..
Post: #55 Title: Re: قنبلة ... مقبلة على الزواج بماذا تنصحوني ؟؟؟ Author: وضاحة Date: 10-04-2008, 12:23 PM Parent: #1
عطووووووووووووووف يا ستهم
اقول ليك شنو غايتوا اتورطنا ورطة عدوك
قدرنا
زكرتينى صاحبتى قطرية لما تجى زهجانة من زوجها بتقول لى تعرفى الرجال ديل زى الجواتى ونحنى مشكلتنا ما نقدر نمشى على الارض بدونن
علشان كده يا حبيبة اختارى مقاسك ما يطلع كبير يبرطش بيك او صغير يعزبك فى المشى
Post: #59 Title: Re: قنبلة ... مقبلة على الزواج بماذا تنصحوني ؟؟؟ Author: soma Date: 10-04-2008, 12:29 PM Parent: #55
Quote: زكرتينى صاحبتى قطرية لما تجى زهجانة من زوجها بتقول لى تعرفى الرجال ديل زى الجواتى ونحنى مشكلتنا ما نقدر نمشى على الارض بدونن
علشان كده يا حبيبة اختارى مقاسك ما يطلع كبير يبرطش بيك او صغير يعزبك فى المشى
الحبيبه وضاحة كل سنة وانتى طيبه ان شاء الله وتعود الايام وربنا يحقق كل امنياتك السمحة ويسعدك يا يمة
مع احترامى لرايك وصاحبتك القطرية لكن بالجد تعبير ما فى محلو على الاطلاق حتى ولو كان هزار الله يعزك يا وضاحة الجواتى ديل ما بنمثل بيهم لى شريك الحياة ايا كان صعب فى تعامله وقولى لى زولتك القطريه دى ممكن جدا تمشى حافية او تقعدى فى بيتك مع تحياتى الخالصة ليك وعيدك سعيد تحياتى اسماء الجنيد/ مسقط
انتي عايزة الجد وللا اللي جنبو .. لو عايزة نصيحة عابرة فانا انصحك بالابتعاد عنه (العرس مش العريس) .. ولو عايزة الجد ما تسمعي نصيحة زول .. بحكم تجربتي مع النصائح فقد كان الجميع ينصحونني بالزواج .. ومنهم طبعا الذين سبقوني في التجربة .. اول ما تزوجت كان هولاء السابقون اول الشامتين بل ان بعضهم كان يقول لي : ياخي ما كان تشاورنا? مع انهم هم انفسهم الذين دفعوني للتورط ..
بدون شك يا بعد عمري ومن هسة بقول ليك أحجز لي على الklm !!
Post: #66 Title: Re: قنبلة ... مقبلة على الزواج بماذا تنصحوني ؟؟؟ Author: maia Date: 10-04-2008, 12:44 PM Parent: #1
العزيزة عواطف
هي واضح انها مقتنعة بالعريس وشايفة فيه صفات كويسة وممكن تتزوجه مشكلتها في مرحلة ما بعد الزواج وخوفها من الفشل ودي مرحلة لا تحتاج فيها الى اراء الغير او تجاربهم لانه ما بتفيد كتير ، دي مرحلة يتحكم فيها طرفان لا ثالث لهم الزوج وشريكة حياته وبالاساس في اعتقادي انه بتعتمد على التفاهم والاحترام والقدرة على احتواء الطرف الاخر وعدم الدخول للمرحلة دي بمبدأ القدامك ده عدوك انما هو الشريك المحب البيكون اقرب من اي شخص تاني بايد راي سوما في انه الزوجة بتقع على عاتقها مهمة الاحتواء دي بدرجة كبيرة ، يمكن في ناس بيرفضوا الحاجة دي لكن الواقع بيقول كدا مهما تمت مغالطته ، لانه المسالة ما تحدي ولا معركة ذات الصواري فيها منتصر وخسران ، لو الناس عاينت ليها انه دي من اسمى العلاقات البتجمع بين اتنين في الدنيا ما بيكون في (قومة نفس) وده حقي وده حقه وليه كدا وليه يحصل كدا وفلسفة الامور وكلام ( اقنعني واقنعك) وفهمها انه زوجين يعني شريكين اثنين مفروض يكون بينهم الفة ومحبة واحترام وبكدا المركب بتمشي
Post: #85 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:14 AM Parent: #66
العزيزة مايا !!!
يسعد صباحك ..
يكملك بعقلك يا حبيبتي كلامك صاح ولكن الأ تعتقدين أن كثرة التجارب الفاشلة تؤثر سلبياعلى نفسية
المقبلين على الزواج على الرغم من أن لكل تجربة خصوصيتها ومفرداتها ؟ وهل تتفقين معي أننا كمجتمع
لازلنا بحاجة إلى معرفة الكثير من الأسس التي يستند عليها الزواج الناجح ؟
بالفعل الزوجة تقع على عاتقها مهمة احتواء الأمور ولكن عندما تجد من يتفهم أن الزواج شراكة بين
عواطف ... كل سنه وانتي طيبه وامنيات محققات انشالله ..
Quote: تنصحوني
بقول الشاور .. ما خاب .. انا بقول ما كلها .. بعض المشاورات .. بتودي التوج اخيتي .. تجارب الغير لا يكمن ان تكون مقياس .. سلبا وايجابا .. لكن .. التجارب الخاصه .. هي المستفاد منها وغيرها .... فلا والزواج رباط مقدس . الدخول فيه بقدسيه وايضا الخروج منه
اخت الكل عطوفة.. (أهى فرصة نجدّع) فى غياب شيقا وود ابارو ... كل سنة وانت والآسرة بخير. أنا جربت كل الصيغ اللى ذكرتيها فوق دى وما فى واحدة نجحت فيهم الاّ بتاعت القسمة والنصيب دى .. ,انا زمان قلت ليك انو المشكلة مافى الرجال .. المشكلة انو النسوان كل واحدة عندها قفلة تختلف عن قفلة التانية ,,, وهنا تكون فكرة القسمة والنصيب دى انت ونيتك ,,, وعمايلك ,, عموما أم أيثار شكلها كدى اللى حا اعتزل معاها ,,, عشان كدى المقبلين على حكاية القسمة والنصيب ديل أقول ليهم Go a head على ضمانتى ... بالمناسبة يا طوفى (قبل ما يجوا خرابين العامرة اياهم) فيسل هليل نزّل فى بوست ود المنسى البردانة على Google Earth ,وانا أتجول فيه لمحت ودشيقوق شايل ليه رتينة ويقدّم فى بنيات الفريق لكن ياخسارة النضارة اللى كانت فى وشّه من أكل الباسطة فى عمان حلّ محلها أثر الأكثار من الخبز الداودى وأكل الويكاب بالمرس والكول. وتجولت فى ربوع شندى شمالا فلمحت ود ابأرو فى طاحونة القرية متأهبا لأمتطاء ظهر حمار العمدة (طبعا سمحوا ليه بركوبه عشان الولد هو ممثلهم الوحيد فى سودانيز أون لاين ,, ووعدهم انو المرة الجاية حايرفع راسن ويمثلهم فى الجزيرة دوت نت ذاتها) ورايته قد كتب على حائط الطاحونة (للذكرى والتاريخ من أخوكم ود أبارو ...) كل عام وانتم بخير ...
Post: #79 Title: Re: قنبلة ... مقبلة على الزواج بماذا تنصحوني ؟؟؟ Author: baha eassa Date: 10-04-2008, 09:09 PM Parent: #77
العزيزة عواطف .. .. عيد مبارك .. في البداية قنبلة وحب واشواق .. .. وبعدين نرجع لاغنية وردي الفوق دي .. ..ونردد معاه غلطة كانت غرامي ليك .. وا خسارة دموعي فيك .. .. غلطة قلبي سلمتو ليك .. .. وهي المرحلة الاخيرة بعد التعود .. والحلقة قبل الاخيرة من الملل .. ..
Post: #92 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:35 AM Parent: #79
آآآآآآآآآآآخ يا بهاء ..
ياخي دايما بتضرب في الوتر الحساس ...
أرشح هذه الأغنية للفوز بملكة جمال الأغاني ..
ليه كدة يابهاء بتقلب المواجع تئبر ألبي ؟؟؟
Post: #91 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:33 AM Parent: #77
يجازي محنك يا عزو والله ضحكتني لمن وقعت على قفاي ..
بالفعل أنا ملاحظة حكاية القسمة والنصيب أفضل بكتير من إنك ترتبط بشخض بتعرفه وبتحبه وتجي تتصدم
فيه صدمة العمر .. يعني المابتعرفه قد تجد ليه العذر ولكن الكان بمثل عليك الوقت كله وبعدين
ظهر على حقيقته دة يسوا ليه شنو ؟
ود شيقوق أمبارح رسل برقية مستعجلة قال أثناء سرحته بالغنم خرجت إحدى غنيماته ولم تعد لذلك
طلب أن يمد إجازته حتى الحصول على الرايحة ..
أما أبارو دة طبعا بيعتبر نوارة فريقه لأنه عضو في سودانيز أون لاين فلا أستغرب أن يسمح له بركوب
الحمارة أكيد يحق له ما لا يحق لغيره ..
تحياتي لك ولإم إيثار .. قول ليها خليك مكنكنشة الدنيا بقت ما معروفة ..
Post: #90 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:26 AM Parent: #75
عبودي !!!
عيدك سعيد ..
ياخي كلامك منطقي جدا .. لكن أنا بطبعي وسواسة .. وبخاف من نفسي ولمن أشوف تجارب الغير بقول يا لطيف
وبعدين بيني وبينك كدة أنا رومانسية جدا والرجل السوداني بنتهي الحب عنده مع انتهاء الحفل أعمل
أيه على قولة عزام حسن ؟؟؟
Post: #78 Title: Re: قنبلة ... مقبلة على الزواج بماذا تنصحوني ؟؟؟ Author: د.محمد حسن Date: 10-04-2008, 09:09 PM Parent: #1
طبعا يا عواطف البوستات الزي دي بريدها عشان يتجدع فيها باسلوب التداعي الحر
يلا نبدا من هنا
Quote: أولادهم بس أتقول أطفال أنابيب مع إنهم غريبة بشبهوا الأبو والأم شبه عجيب يا ربي دة من شنو ؟ ..
عندي واحد صاحبي بعد ان عاث في الارض فسادا ونساء تزوج سالته بعد الزوا ج اها الزواج كيف قال لي : زي اكل المستشفى صحي لكن مسيخ
Post: #81 Title: Re: قنبلة ... مقبلة على الزواج بماذا تنصحوني ؟؟؟ Author: soma Date: 10-04-2008, 09:28 PM Parent: #80
Quote: خالتوا سوما سلامات
كل عام وانتى بالف صحة وعافية وخير
كيفك والف سلامة ليك قالوا وقعتى خففى الوزن شوية شايفاك نصحانة في الصور بتاعت مسقط
والله وحشتنى مسقط وشوارعها
صاحبتى دا رايها وطبعا بتمزح الرجال ديل فيهم اخوانا وابواتنا
بس زهجة منها
تسلمى يا ست الكل .. والله ناس مسقط زاتهم انتى وحشتيهم يلا تعالى طلينا سريع وعذرا لتأخير المداخلة .. والله من اللحظه ديك وانا مع ضيوف العيد ما شاء الله .. لانه بكره شغل والشكية لى الله اجازة العيد انتهت الما لحق عيد كلو جاء يعيد اها شفتى ناس مسقط طاعمين كيف ؟؟؟
عطوفة سلامات .. كيف امسيتى مع مشوارات الاحباب والاصحاب والبجى عابر وبدق الباب ما شاء الله شايفة ضيوفك عامرين ديمع عامره ان شاء الله يا ستى مافى اى زعل يعلم الله اهو ونسة بين الاخوات ووضاحتنا دى رغم هظارها قليبها كبير انا عارفاها عشان كده دقيت قلبى وبادرت بالنصيحة ارقدوا عافية وشكرا مره تانية عطوفة للبوست الظريف
Post: #82 Title: Re: قنبلة ... مقبلة على الزواج بماذا تنصحوني ؟؟؟ Author: keiga2000 Date: 10-04-2008, 09:38 PM Parent: #81
سيري فعين الله ترعاك
ابومصطفى
Post: #97 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:52 AM Parent: #82
أبو المصطفى ..
كل عام وأنت بخير ..
سعيدة بوجودك معنا في المنبر ..
نورت البوست ..
Post: #96 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:51 AM Parent: #81
ست الحبايب سوما
من أي جنس أنت يا امرأة ؟
من قبعة أي ساحر خرجت ؟
من يدعي أنه سرق مكتوبا واحد
من مكاتيب حبك .. يكذب
من يدعي أنه سرق إسوارة ذهب صغيرة
من خزانتك يكذب ..
من يدعي أنه سرق مشطا واحدا
من أمشاط العاج التي تتمشطين بها ..
يكذب ..
من يدعي ..
أنه اصطاد سمكة واحدة ..
من بحار عينيك .. يكذب
فلك منا كل الحب ..
Post: #94 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:41 AM Parent: #80
بيبو !!!
يعطيك العافية يا بعد عمري ..
بيني بينك كدة في ناس لازمها كلاشنكوف ..
بتصدق إني شفت كلاشنكوف سيد الإسم زاتو الصنع المصيبة دي أكتر من مرة في معرض أبوظبي الدولي للدفاع؟
أسعدتني مداخلتك .. أبق معنا ..
Post: #93 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:39 AM Parent: #78
حمودي والله إنت تحفة ..
ياخي اتجدع زي ما عايز هو الجديع بقروش ؟؟
لكن فطستني من الضحك على أكل المستشفى آل صحي ومسيخ آل !!
حأعمل بنصيحتك وأشوف النتيجة يا جيتك لغاية جدة بعكازي يا رسلت ليك ماسنجر شكر..
الجامعة/المعهد: جامعة الخرطوم كلية الآداب الحالة الاجتماعية: Married سلام عطوفة وكل سنة وانتي طيبة Can you explain that to me first then I will tell you my sincere advice!!looool
Post: #99 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 06:58 AM Parent: #83
سوسو الحلوة ..
كل عام وأنت بألف خير ..
واحشاني موت ..
الحكاية شرحها يطول يا ست الحبايب .. سمي على النبي وأدخلي !!!
محبتي التي لا تحتاج إلى explanation
Post: #84 Title: Re: قنبلة ... مقبلة على الزواج بماذا تنصحوني ؟؟؟ Author: Huda AbdelMoniem Date: 10-05-2008, 02:10 AM Parent: #1
توفى عيدك سعيد
بتصدقوا يا جماعة كل ما أقيف في الإشارة بركز على المتزوجين عشان بس ألقى إتنين بحبو بعض وأقوم
على ضوء ذلك أغير فكرتي في الزواج لكن أول ما أتلفت ألاقى كل واحد مقبل على جهة تانية أو ألاقى
اتنين متشكلين لدرجة إنهم ما شافوا الإشارة لما ولعت خدرا لغاية ما الزهاجة الوراهم يزمروا ليهم
بعض صديقاتي المتزوجات زادو الطين بلة .
لاسف ما قابلتينى انا و سمعة
لكى حبى و احترامى
Post: #100 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 07:00 AM Parent: #84
هدهد ...
محبتي ..
ربنا يديم المحبة بينك وبين سمعة فهو بصراحة رجل والرجال قليل ..
شكرا على الطلة الحلوة ..
Post: #163 Title: Re: قنبلة ... مقبلة على الزواج بماذا تنصحوني ؟؟؟ Author: عماد محمود علي Date: 10-07-2008, 08:30 AM Parent: #100
عطوفة
نهارك سعيد ...
ياستي توكلي على الله وتزوجي وما تسمعي لي كلام وضاحة دي ... ( بس هي التصبر لي ) ياستي ظل راجل ولا ظل حيطة ... بس أهم حاجة ما يكون ذي شيقا ولا تبقي صمتي وفطرتي على بصلة ... ، صلي إستخارة فلا خاب من استخار .... وفي إنتظار الدعوة لحين الحضور .....
من غير مودة مراعاة لشعور العريس ....
عماد
Post: #171 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 10:28 AM Parent: #163
عمودي !!!
بركة الجيت .. بركة الجيت ..
عسل إنت وبسكويت ..
منور يا عمدة ..
Quote: ياستي ظل راجل ولا ظل حيطة
بتصدق يا عمدة إنه الحتة بتاعتنا ما قدامها أي حيطة نتكل عليها
Quote: بس أهم حاجة ما يكون ذي شيقا ولا تبقي صمتي وفطرتي على بصلة ... ، صلي إستخارة فلا خاب من استخار .... وفي إنتظار الدعوة لحين الحضور .....
بتصدق يا عمدة لغاية هسة ما فطرت !!
آل شيقا آل !!
ما هم زي ناس شيقا ديل البخلونا نطفش من العرس !!
آل شيقا آل !!
Quote: من غير مودة مراعاة لشعور العريس ....
ما عليك العريس لا شعر ولا شعور ..
Post: #95 Title: Re: قنبلة ... مقبلة على الزواج بماذا تنصحوني ؟؟؟ Author: maia Date: 10-05-2008, 06:50 AM Parent: #1
العزيزة عطوفة
صباحك خير
استسمحك عذرا اني ادخل واسلم على الاخت العزيزة هدى عبدالهادي
العزيزة هدى
عيد سعيد عليك والاخ اسماعيل والاسرة الكريمة
عجبتني جملتك جدا
نمسك الخشب
بجيك راجعة يا عواطف
Post: #98 Title: Re: قنبلة ... مقبلة على الزواج بماذا تنصحوني ؟؟؟ Author: ترهاقا Date: 10-05-2008, 06:57 AM Parent: #95
والله يا عواطف بالغتى ، يعنى ما كلمتينا إنك دايرة تتزوجى تانى
Post: #102 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 07:05 AM Parent: #98
ملك ملوك النيل هنا ؟؟
يا مرحبا .. يا مرحبا ..
بصراحة أنا اتلومت لوم السواد والرماد وحقك علي يا بعد عمري !!
أريتك تبقى طيب إنت ..عرسي .. وعدم عرسي كله هين ... أها لقيتني كيف ؟؟؟
Post: #115 Title: Re: قنبلة ... مقبلة على الزواج بماذا تنصحوني ؟؟؟ Author: Huda AbdelMoniem Date: 10-05-2008, 11:59 AM Parent: #98
سعيدة انا بالتداخل معك مرة اخري بعد ما هرب منى بوست المدارس الثانوية القبل رمضان داك
عندى ليك كلام مهم و(اعتقد)مثمر بخصوص البوست اللذيذ دا وعن تجربة كمان ,لكن ما الليلة بكرة باذن الله مواعيدنا
اختك د:سلافا العاقب احمد
Post: #122 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 05:58 AM Parent: #118
الحلوة الأنيقة د. سلافة ..
كل عام وأنت بخير ..
منتظرنك تعالي بسراع قبل البوست ما يطير ويقع في البير ..
محبتي ..
Post: #101 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 07:01 AM Parent: #95
مايا الهادية ..
الزهرة النادية ..
نتشرف بعودتك ..
Post: #130 Title: Re: قنبلة ... مقبلة على الزواج بماذا تنصحوني ؟؟؟ Author: ALMURADABI Date: 10-06-2008, 08:01 AM Parent: #95
Quote: داخل النص : الفرح حيكون حاجة ما حصلتش والدعوة عامة ..
سلامات يا عطوفة يارايقة،، وكل سنة وكل من حولك بخير وصحة وعافية وسرور وحبور غير منقطعين،، آآآآمييين
مواضيعك دائماً في السلك ونتابعها حسب التساهيل وما تجود به الأيام من أوقات مريحة للترفيه والتفكر مشاركة الأفكار والتجارب
تعرفي المشكلة إنو فكرة الزواج عند البنات (أغلبهن) تنحصر في الطقوس وإجراءات السيرمونيس بتاع الزواج وهي عادات سودانية نسائية بائسة فالفرح تزرعة البساطة والتلقائية لو يعلمن مع الرضا بأي شكل يتم ب الزواج
في ظل ما أعلاه نجدهن (أغلبهن) يتجاهلن الفكرة الأساسية للزواج والمتثلة في (تكوين أسرة) ويتجهن للبهرجة والأحلام الطائشة،،،
المعادلة الصحيحة للزواج (عدم التمسك بالإجراءات والشكليات) أي البهرجة والذي منه من الأفكار السطحية
بعد الزواج القيام بالواجبات الزوجية بنفس وروح طيبة ودون تذمر (حسن تبلعكل لزوجك) هو مربط الفرس
التبرير: من اختار فتاة للزواج أبتداءاً لا بد أن رايده (بلاش كلمة حب الممجوجة والفارغة دي) كما قال الفاهم الراقي والرائع والمرصع بالخبرات أبو جهينة، وبالتالي إن قامت بواجبها وتبلعت له بما يحب ستجد كل الخير
تحذير: أبتعدي عن الجندرة بمعناها الممجوج فإنها مهلكة(شهد شاهد من أهلها)
أسعدتني هذه المداخلة المتأنية والمطبوخة على نار هادئة لذلك أؤيد كل ما جاء فيها خاصة حتة الجندر
لأني حسب ما سمعت ما مصنفة جندريا بناء على تعليمات الجهات المسئولة عن الحركة
عموما يا عزيزي مهما حصل أو سيحصل في الآخر لا يصح إلا الصحيح ويجعله عامر ..
معليش تأخرت عليك في الرد لأني ما شفت هذه المداخلة الرائعة سوى الآن فقد أنحشرت بين المداخلات
الأخرى ..
أتمنى أن تجود الساعات فتقرأ هذه المداخلة ..
Post: #103 Title: Re: قنبلة ... مقبلة على الزواج بماذا تنصحوني ؟؟؟ Author: maia Date: 10-05-2008, 07:13 AM Parent: #1
العزيزة عواطف
جيناكي تاني
يمكن كثرة التجارب الفاشلة بتخلق حالة من الخوف ، لكن الامر يعتمد على الاقتناع بالطرف الثاني
احنا كمجتمع فكرة الزواج عندنا منحصرة الى حد كبير بان تتكتب في خانة الحالة الاجتماعية ( متزوجة) للظهور والقشرة قدام الناس انه والله فلانة دي ماشاءالله متزوجة ، ويتبع ذلك ذلك لبس ( ماسك) الزواج من حنة وتوب والظهور مع الزوج في المجتمعات كمظهر اجتماعي رفيع المستوى قدام الناس فقط وراجلي وراجلك والونسة العاضة ديك بتعت النسوان والشكية من حين لاخر من الراجل واهله وياهو ده الزواج لديهم لتمر السنوات وتلقا البوز ممدود شبرين ونص والتكشيرة هي سيدة الموقف ومؤسسة الزواج عبارة عن قطية من الكرتون قابلة للانهيار مع اول كتاحة خفيفة دي فكرة مؤسسة الزواج لدى الكثيرات حسبما بشوف وبسمع في الواقع لكن الدخول بعمق في فكرة ومعنى الزواج الحقيقي دي مفقودة الى حد كبير ، واللي هو بمعنى مودة ورحمة وفهم واحترام رغم انها كلمات بسيطة لكن عاوزة مجهود وفهم حقيقي وارضية مشتركة قائمة على الاسس المذكورة
Post: #104 Title: Re: قنبلة ... مقبلة على الزواج بماذا تنصحوني ؟؟؟ Author: Amira Elsheikh Date: 10-05-2008, 07:23 AM Parent: #103
Quote: بالإضافة إلى ذلك باقى
لي سنة واحدة وأتحسب عانس
الاستاذة عواطف...
كل سنة وانت طيبة وانشاءالله المريخ غالب الليلة..
غايتو وقفت زى عشرومية مرة فى باقى لى سنة واعنس دى...
بالله فى هو فى سن محددة للعنوسة وانا ماعارفة...
عشان كدا دايرين نشوف سنة العنوسة دى من كم لى كم وكمان الاكسبير ديت
عشان نعرف اننا ان كلوديد اور نوت....
اها ياجماعة ورورنا سنين العنوسة دى..
Post: #105 Title: Re: قنبلة ... مقبلة على الزواج بماذا تنصحوني ؟؟؟ Author: ترهاقا Date: 10-05-2008, 07:54 AM Parent: #104
Quote: عشان كدا دايرين نشوف سنة العنوسة دى من كم لى كم وكمان الاكسبير ديت
عشان نعرف اننا ان كلوديد اور نوت....
الاخت أميرة عيد سعيد ليكى وللاسرة - والتحية لست البوست التى طرحت هذا الموضوع بإحترافية شديدة
العنوسة كلمة أعتقد تشمل المرأة والرجل ،المسالة ما عندها (إكسبايرييشن دى) لكن المشكلة فى الاستسلام من الجانبين كان راجل وإلا كان سيدة بتقمصهم شخصية إنهم خلاص كبروا فى السن ، ودى أنا بعتبرها مسألة إنهزام ، مافى حاجة إسمها عنوسة إلا فى فهمنا الشرق أوسطى وربما الافريقي ، الحياة مستمرة ويجب أن تستمر بكل معطياتها
اوع أكون عكيت ؟ ولكم الود
Post: #106 Title: Re: قنبلة ... مقبلة على الزواج بماذا تنصحوني ؟؟؟ Author: Amira Elsheikh Date: 10-05-2008, 08:09 AM Parent: #105
Quote: اوع أكون عكيت ؟ ولكم الود
الاخ ترهاقا....
ابدا ما عكيت ..لكن اذا قريت الكوتيشن الانا اخدتو من كلام الاخت عواطف..
بتجد عبارة باقى سنة واعنس..دى معناهاى فى سنين محددة للعنوسة...
على ضؤ التحديد ممكن يكون النقاش...
ولاانت رايك شنو??
اهااوعى انا اكون عكيت
Post: #107 Title: Re: قنبلة ... مقبلة على الزواج بماذا تنصحوني ؟؟؟ Author: محمد سنى دفع الله Date: 10-05-2008, 08:36 AM Parent: #106
عطوفا اختي العزيزة قلت عطوفة ماله سحروها وفرتقت وجنت وعايز تعرس تاني لقيتك بقيتي احسان عبد القدوس تشيلي وتكتبي في حكايات صحاباتك ننصحك بي شنو زول ما عرس وعايش نصيح وسليم العقل جارنو للمشاكل ليه اجيب ليه زول معاه اشاركوا في عيشتو واضايقو في سرسرو وابشتن ليهو مطبخو وبعد ده كلو ما بدفع الشيرنق بتاعوا وبدوهو القروش كلها واعدمك الحبة ننصحك بي شنو ؟؟؟؟ الله اكون في عونا مافي نصيحة
Post: #108 Title: Re: قنبلة ... مقبلة على الزواج بماذا تنصحوني ؟؟؟ Author: Amira Elsheikh Date: 10-05-2008, 09:59 AM Parent: #107
Quote: زول ما عرس وعايش نصيح وسليم العقل جارنو للمشاكل ليه اجيب ليه زول معاه اشاركوا في عيشتو واضايقو في سرسرو وابشتن ليهو مطبخو وبعد ده كلو ما بدفع الشيرنق بتاعوا وبدوهو القروش كلها
وينك يااحلام عشان تشوفى العك الصحى صحى...
Post: #114 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 11:10 AM Parent: #108
أحلام شكلها نايمة في العسل !!
Post: #113 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 11:09 AM Parent: #107
سنسوني !!!
كل سنة وإنت طيب ..
قالو الجن بتداوى .. كعب الإندراوة .. ممكن أعرف الإندراوة معناها شنو ؟ أها أنا بقت علي جن وإندراوة
وبعدين مداخلتك دي حاول توضحها لينا أكتر منو البعمل دة كلو وفي الآخر ما بدفع ؟؟ ساعتها لكل حادثة
حديث ..
شكرا على الطلة الظريفة ..
Post: #112 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 11:00 AM Parent: #106
وإنتي برضك ما عكيتي ..
حاشاك .. سؤالك مشروع وفي محله يا ست الكل ..
Post: #111 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 10:53 AM Parent: #105
حاشاك يا بعد عمري من العك والعجن ..
كلامك صاح 100 %
تسلم ..
Post: #109 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 10:48 AM Parent: #104
بت الشيخ ...
كل عام وأنت بألف خير ..
العنوسة هي إحساس داخلي لا يحسب بالسنين فقد أكون فوق الخمسي وكلي شباب وسعادة وقد أكون
عمري 19 سنة عمر الزهور والهنا وبشعر بالعنوسة لأنه الزواج بالنسبة لي مسألة حياة أو موت
وقع ليك كلامي ولا لا ؟
تبري من العنوسة كلك شباب وحنية ..
Post: #110 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-05-2008, 10:50 AM Parent: #103
بالفعل يا ميوية نحنا عندنا الزواج مظهر وليس جوهر وقد كتبت موضوع في زهرة الخليج تحت عنوان
بيوت من ورق تناولت فيه عدم التعمق في مفهوم العلاقة الزوجية في المجتمعات العربية والإسلامية
واختلاط الحابل بالنابل في المشاعر والأدوار الرئيسية والمشاكل والملل الذي يقود في النهاية
إلى سقوط هذه البيوت الورقية .. طبعا الأسباب كثيرة لا تحصى ولاتعد أما المنزوجات just 4 show
ديل لا ليهن حد ولا عد عشان الزواج في نظرهن حنة ودخان وتياب ودهب وما عدا ذلك يغيب عن بالهن
تماما .. أما الأزواج فالواحد خلاص أكمل نصف دينه وبقت عنده حكومة تدير أمور البيت وتطبخ
وتغسل وتكوي زي الآلة بلا مشاعر أو أحاسيس وبالنسبة ليه دي قمة السعادة ..
والله يا مايا الموضوع معقد ومشربك وعايز جراح ماهر ..
عموما شكرا ياست البنات على المساهمة الطيبة مع الأمنيات لك بابن حلال يستوعب هذا الفهم والذوق ..
Post: #117 Title: Re: قنبلة ... مقبلة على الزواج بماذا تنصحوني ؟؟؟ Author: محمد الواثق Date: 10-05-2008, 12:47 PM Parent: #1
استاذتنا نحن
عيد سعيد وعمر مديد ودعوة لا ترد
من بعد ما عز المزار والليل سها وملت نجومو الإنتظار
تاني راجع
في ((( الفري لاند ))) لابد للمرأة (((( الفري ))) من شريك يحميها ويسندها وتسنده .
وهذا لايقدح من (((( فريريتها )))) شيئا !!!!!!!
Post: #123 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 06:00 AM Parent: #117
حمودي !!!
يسعد صباحك ..
والله ضحكتني بجد لزوم الفرفرة وكدة !!
شعار آخر زمن : الحرية لنا ولغيرنا ...
شعار مال أول : ضل راجل ولا ضل حيطة !!
Post: #119 Title: Re: قنبلة ... مقبلة على الزواج بماذا تنصحوني ؟؟؟ Author: Hala Hassan Date: 10-05-2008, 01:21 PM Parent: #1
عطوفة اللذيذة، عيدكم مبارك، أنتم و ضيوفكم الكرام،،،،
والله موضوع شائك، و البت فيه صعب جدا، لمن لم يكن أحد الطرفين،،،،
لنا رجعة،،،،،،،
Post: #120 Title: Re: قنبلة ... مقبلة على الزواج بماذا تنصحوني ؟؟؟ Author: غادة عبدالعزيز خالد Date: 10-06-2008, 01:35 AM Parent: #119
سلامات يا عطوفة.. كل سنة وإنتي طيبة والسنة الجاية نلقاك خلاص... تزوجتي وبعدتي من العنوسة يا بعد عمري تعرفي يا عطوفة قبل أن أتزوج ببضعة أسابيع أخبرتني زميلتي في العمل أن لا أستهون بالحياة الزوجية وأن لا أظن أننا نتنازل عن خمسون بالمائة حتى يتنازل شريك العمر عن خمسون بالمائة أيضا وتستمر الحياة الحياة الزوجية هو تنازل بنسبة مائة بالمائة من قبل كل الزوجين يعني إذا صاحبتك من النوع الممكن يقدم تنازلات يبقى تتوكل على الله غير كده... تخلي العريس هو اللي يتوكل على الله
ايه رأيك؟
معزتي غادة
Post: #121 Title: Re: قنبلة ... مقبلة على الزواج بماذا تنصحوني ؟؟؟ Author: عبد اللطيف السيدح Date: 10-06-2008, 04:05 AM Parent: #120
نصيحتي ليك يا اخت عواطف هي ان تختي سرجك فوق رقبتو قبال ما يخت سرجو
هذه وصية امرأة حكيمة لبنتها يوم زواجها
Post: #126 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 06:11 AM Parent: #121
البنسلين يا تمرجي ..
نادوا الحكيم يا تمرجي ..
الحكيم د. عبودي السيدح
عيد مبارك ..
بكل تداوينا فلم يشف ما بنا !!
Post: #125 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 06:09 AM Parent: #120
ست البنات ..
الكاملة الصفات والمواصفات ..
كل عام وأنت بخير ..
كلامك رائع وجميل بس التطبيق دايما بكون صعب يا بعد عمري ما عارفة ليه ؟
مع إنه التنازلات بتتقدم قبل الزواج بالهبل و ببلاش لكن بعد الزواج كل واحد بكنكش في رأيه وبصر إنه
يمشيه على الطرف الآخر لمن تغرق المركب عشان واحد في الريسين ديل ما عايز يتنازل
حكمة والله وحكاية تشغل أذهان العباد !!
تسلمي من كل شر ..
Post: #124 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 06:03 AM Parent: #119
هلولة العسولة ..
كل عام وأنت بخير ..
فاقدنك يا حبيبة أو بالانجليزي مسنج يو ؟
أها لقيتيني كيف في الإنجليزي ؟؟ بلبل مش ؟
ما تتأخري .. في انتظارك ..
Post: #128 Title: Re: قنبلة ... مقبلة على الزواج بماذا تنصحوني ؟؟؟ Author: mekki Date: 10-06-2008, 06:55 AM Parent: #1
كل عذابات الزواج تهون أمام لحيظة الم عزابى صاحى من الصباح....
Post: #131 Title: Re: قنبلة ... مقبلة على الزواج بماذا تنصحوني ؟؟؟ Author: أيمن الطيب Date: 10-06-2008, 08:15 AM Parent: #128
سلامات يا عواطف,,,صاحبة القنابل العنقودية الفراغية,,, حقو إسرائيل تتراجف منك زى إيران واحد,,,
مقدما كدا ألف مبروك وربنا يتمم على ألف خير,,, العرس زى السفر مكتوب وشكلو كدا الشغل دا تم والبوست دا عشان تفريغ الضغط والتوتر الناجم عن الحالة وكدا وإنشاء الله يكون بستاهلك وما مشكلة طويل ولا قصير سمح ولا شين المهم بس طيبة أخلاقو
Quote: كل عذابات الزواج تهون أمام لحيظة الم عزابى صاحى من الصباح....
ومكى دا شوفو ليهو عروس من البنات السمحات الكتار الحايمات بى هنا ديل شكلو خلااااااااااااااااااااص وحالتو بقت تحنن
حالة سعبة شديد,,,,,,,
_____________________________________________ ناذر الخليفة كتب أغنية إسمها قنبلة حقو ينزلا عشان الروعة تستكمل والفرحة تتم
Post: #137 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 11:03 AM Parent: #131
أيموني هنا !!!
والله زمان ؟؟
ليك وحشة يامان ..
بالفعل العرس زي القدر يصيبك من حيث لا تدري .. ولكن لما يكون فجأة ونهارا حار بيكون عز الطلب ..
أما أخوك مكي دة حالته بقت حالة رقم 6 الله يكون في عونه .. بس يأمر ونحنا ننفذ ويا بخت من وفق راسين
في الحلال ..
شكرا يا أيمن مداخلتك ظريفة بجد ..
Post: #132 Title: Re: قنبلة ... مقبلة على الزواج بماذا تنصحوني ؟؟؟ Author: أيمن الطيب Date: 10-06-2008, 08:15 AM Parent: #128
Post: #136 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 10:57 AM Parent: #128
مكي !!!
كلهم بقولو كدة قبل الزواج ... ولكن !!!!
كل الود ..
Post: #129 Title: Re: قنبلة ... مقبلة على الزواج بماذا تنصحوني ؟؟؟ Author: ombadda Date: 10-06-2008, 07:59 AM Parent: #1
Just go ahead and enjoy your life فالعمر لحظة....
Post: #133 Title: Re: قنبلة ... مقبلة على الزواج بماذا تنصحوني ؟؟؟ Author: Ali bas Date: 10-06-2008, 08:37 AM Parent: #129
((الزواج في شريعة الأصـول:
هناك شريعة تقوم على أصول الدين، ومتعلقها آيات الأصول فهي منها تنبعث وعليها تستند.. والزواج، في هذه الشريعة، يقوم على الكفاءة بين الرجل والمرأة.. الزواج هنا إنما هو ترسيم للعلاقة القائمة في ((الحقيقة)).. زوجتك فيه هي صنو نفسك.. ويمكن تعريف الزواج هنا بأنه شراكة بين شريكين متكافئين، ومتساويين في الحقوق، والواجبات، لا تقع فيه وصاية من الرجل على المـرأة، ولا من المرأة على الرجـل، فليس هناك وصاية على أيهما فيه إلا وصاية يفرضها على كليهما القانون الدستوري.. هما يملكان الدخول في هذه الشراكة بالأصالة عن نفسيهما، وبمطلق اختيارهما، ولهما الحق ((المتساوي)) في الخـروج عنـها،.. فهـما يتفقـان، حين يتفقان، فتكون المحبة، والمودة، والوفاق، والسعادة.. وهما يتفقان، حين يختلفان - يتفقان على أن يختلفا- فيكون فض الشراكة، من غير أن يترك مرارة، ولا عداء.. فيمارس حق الطلاق في سعة أفـق، وطيبة نفـس، ليدخل كل من الشريكين في تجربة جديـدة، مع شريك جديد، عسى أن يهتدي بهذه التجربة الجديدة لصنوه الحق، أو إلى قريب منه، فلا تكون، يومئذ، بهما حاجة إلى ممارسة حق الطلاق، وإنما هو الوفـاق، والمحبة، والسعادة.. والحكمة في شريعة الطلاق إنما هي تصحيح الخطأ الذي كثيرا ما يقع نتيجة لعدم المقدرة على، العثور على، أو التمييز بين، الشريك الحقيقي، والشريك الذي قد يشبهه، ثم لا يكـون إيـاه.. وهذا العجـز، بفضل الله، يتناقص دائما، وتحل محله القـدرة، وذلك كلما ترقى الرجال، والنساء، وكلما قويت لديهما الأنوار التي بها يكون التمييز، وتقـع المطابقة.. من ههنا تنهض حكمة شريعة الطلاق.. الـزواج، في هذه الشريعة، هو حظ العارفين، الذين يتسامون به إلى مستويات لا تدخلها معهم شريعة الطلاق.. لا لأنهم يمنعونها، بالطبع، ولكن لأنهم لا يحتاجونها.. وقد بينا كل هذا في تفصيل واف في كتابنا ((الرسالة الثانية من الإسلام)) تحـت عنـوان ((الطلاق ليس أصلا في الإسلام)).. في هذا الزواج ليس هنالك ولي، ولا مهر.. وليس فيه تعدد زوجات.. والطلاق فيه حق من حقوق المرأة، كما هو من حقوق الرجل.. ودخل الأسرة يملكه الشريكان، حتى حين يكون عمل المرأة قد استغرقه ((البيت)).. فليست النفقة منة من الرجل على المرأة..)) الأستاذ محمود محمد طه فى تطوير شريعة الأحوال الشخصية!
Post: #141 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 11:20 AM Parent: #133
ود عباس ..
الفي القهوة ما جلاس
كل سنة وإنت طيب ..
شكرا على المداخلة الطيبة التي ألقت الضوء على أهم الجوانب في مسألة الزواج ويا ريت لو هذه الشراكة
بتنتهي أو بتتفض بدون مشاكل ومرارات ولكن للأسف يا علي عينك ما تشوف إلا النور .. محاكم وقضايا والذي
منه ..
ودي ..
Post: #138 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 11:15 AM Parent: #129
أمبدة !!!
يسعد مساك الجميل ..
عارف أول ما أشوف إسمك أتذكر أهلي الحنان في أمدرمان ..
ثانيا العصافير الفي البروفايل ديل حلوين جدا ..
ثالثا Just go ahead and enjoy your life p حأعمل بنصيحتك ..
Post: #139 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 11:15 AM Parent: #129
أمبدة !!!
يسعد مساك الجميل ..
عارف أول ما أشوف إسمك أتذكر أهلي الحنان في أمدرمان ..
ثانيا العصافير الفي البروفايل ديل حلوين جدا ..
ثالثا Just go ahead and enjoy your life p حأعمل بنصيحتك ..
Post: #140 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 11:15 AM Parent: #129
عدل لزوم التكرار
Post: #134 Title: Re: قنبلة ... مقبلة على الزواج بماذا تنصحوني ؟؟؟ Author: Hala Hassan Date: 10-06-2008, 09:30 AM Parent: #1
Post: #142 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-06-2008, 11:22 AM Parent: #134
هلولة العسولة ..
في الأنتظار على المدار ..
ما تطولي الغيبات ..
Post: #135 Title: Re: قنبلة ... مقبلة على الزواج بماذا تنصحوني ؟؟؟ Author: elfadl abdellatif Date: 10-06-2008, 10:35 AM Parent: #1
الاخت عواطف الى كل مقبلة على الزواج .. اهدي هذه المادة التي كنت قد وجدتها في احد المواقع تحت عنوان عشرة رجال لا يستطيعون الزواج وحفظتها دون ان احفظ مصدرها .. مع ملاحظات انهم 8 وليس 10 .. لكن هكذا وجدتها .. وكفاية الواحدة تتجنب التمانية ديل .. عشان تفضل طول عمرها عانس .. او تختار واحد منهم تقدر تتأقلم معاه .. وتكون عارفة الراجيها ..
Quote: الأول ابن "ماما" المدلل بعض الشيء ربما يكون لديه "كرش" صغير من أكل "ماما"، يقضي معظم وقت فراغه في البيت. الشيء الذي يشدك إليه في البداية.. أنه يحب مشاهدة برامج المرأة و"طبق اليوم" معك. الشيء المرعب.. أنه سبق وشاهد كل هذه الحلقات. علامة الخطر: يقول إنك أنت الفتاة التي كانت تحلم بها والدته طوال عمرها لتكون زوجة لابنها ويعرفك عليها في أول لقاء بينكما. لكي تتخلصي منه اعترفي له أنك تفضلين الرجل الذي ينتقي ملابسه بنفسه ولايعتمد علي ذوق ماما. الثاني البخيل: لا يبدو عليه ذلك، لا يظهر في الحفلات والمناسبات إلا إذا كان مدعوا، يتزوج في سن متأخرة. الشيء الذي يشدك إليه في البداية ...ذكاؤه وحرصه الشديد على عمله وعلى مستقبله وطموحه الكبير. الشيء المرعب ..أن أمواله تسير في اتجاه واحد: إلى البنكوطريق العودة مغلق دائما للإصلاحات! علامة الخطر.. يمرض فجأة يوم ميلادك حتي لايضطر لشراء هدية. يختفي 10 دقائق في الحمام وقت دفع الحساب في أي مطعم أو مكان عام! لكي تتخلصي منه ..اخبريه أنك أكثر البنات إسرافا على وجه الأرض! الثالث مدمن الرياضة: قوي البنيان، جريء، على استعداد دائم للعب مباراة كرة قدم للتسلية.يفضل الملابس الرياضية. الشيء الذي يشدك إليه في البداية... مظهره الذي يوحي بالقوة، وهذه الحيوية الشديدة التي يتمتع بها. الشيء المرعب ... انه يقضي معظم وقته في صالة الألعاب الرياضية حيث يبني هذه العضلات وبقية الوقت أمام المرآة يختبر صلابتها! علامة الخطر .. اول مرة يدعوك للعشاء بالخارج سيختارمكانا به شاشة الخامس محب النساء: سواء كان غاية في الوسامة أو كان رجلا عاديا.. هناك شيء في هذا الرجل يجعلك تلتفتين إليه. فهو يعامل النساء كأنهن من ماس، لأنه يحبهن ـ جميعهن ـ جداً. الشيءالذي يشدك إليه في البداية.. يعرف كيف يجامل وكيف يقول كلاما يمس الوتر الحساس في القلب. الشيء المرعب ... إنه يستخدم نفس الأسلوب مع كل النساء. علامة الخطر .. يناديك باسم فتاة أخرى أثناء حديث عاطفي. لكي تتخلصي منه.. أخبريه أن والدك بطل في الرماية وأنه يريد أن يتعرف عليه فوراً! السادس الخيالي: قليل الكلام، صوت خافت وحديثه بطيء قد لا تلاحظين وجوده وسط أي تجمع. الشيء الذي يشدك إليه في البداية ..شيء غامض يلفه ويثير فضولك فتحاولين اكتشافه وتغريك رقته وابتسامته الودودة. الشيء المرعب..إنه يتعامل مع الناس حسب الصورة التي رسمها في خياله وليس حسب شخصياتهم الحقيقية.. وطموحه خيالي وغالباً لا يسعي لتحقيقه. علامة الخطر.. يختفي عادة وقت الغروب ليتأمل الشمس ويعود وعلى وجهه علامات الكآبة. لكي تتخلصي منه.. أخبريه أنك من هواة مشاهدة أفلام الحركة "الأكشن" وأن رياضتك المفضلة هي المصارعة الحرة. السابع مشروع المؤلف: يرتدي نظارة طبية أنيقة ويحمل دائما صحيفة أو كتابا في يده يستعرض ثقافته الواسعة أثناء الحديث ويدعي معرفته العميقة بطبيعة النفس البشرية. الشيء الذي يشدك إليه في البداية ... لباقته في الكلام وأفكاره المرتبة وحديثه الجذاب. الشيء المرعب.. أنك سوف تعيشين مع فنان متقلب المزاج: لا عشاء في الخارج، لا هدايا في المناسبات، يقضي معظم وقته شارداً يبحث عن فكرة جديدة. علامة الخطر.. إنه يفتعل شجارا بينكما أو حتى مشهد انفصال ليكتب مشهدا واقعيا في رواية جديدة. لكي تتخلصي منه.. أخبريه أن سلسلة "لوريل و هاردي" من أجمل الأفلام المقتبسة من أعمال أدبية وأن فيلم "ذهب مع الريح" من افشل الرويات التي رأيتها في حياتك التي قدمت في السينما. الثامن مدمن العمل: رجل أعمال بمعني الكلمة: ذكي، طموح، أنيق و"غير متاح" طوال الوقت. الشيء الذي يشدك إليه في البداية.. رجل جذاب وناجح ماذا تريدين أكثر من ذلك؟ الشيء المرعب.. راجعي عبارة "غير متاح" ضمن صفاته وفكري في معانيها المتعددة وتأثيرها على حياتك في المستقبل. علامة الخطر.. تكتشفين فجأة أن سكرتيرته أصبحت صديقتك المقربة لأنها هي الوحيدة العاشر عاشق بالمساواة: متحمس، متحدث لبق، يحب الكلام في السياسة، يقدر الدور المزدوج الذي تلعبه المرأة في المجتمع. الشيء الذي يشدك إليه في البداية.. حماسه في الدفاع عن قضايا المرأة وضرورة المساواة في كل شيء بينها وبين الرجل. يجعلك تشعرين أنك ستحصلين معه على كل احترام وتقدير. شيء آخر رائع: أنه لا يحب مشاهدة القنوات الرياضية على الإطلاق! الشيء المرعب.. في هذه العلاقة سوف تحرمين من أشياء كثيرة لن يفعلها هو لأنها ضد مبادئه مثل أن يفتح لك باب السيارة،يدفع الحساب في مطعم، يرسل لك زهورا أو حتى يوصلك بسيارته إذا تأخر بك الوقت وأنتفي الخارج. علامة الخطر.. سوف يحب أن يترك لك معظم المسؤوليات المادية ليساعدك على الإحساس بكيانك المستقل! لكي تتخلصي منه.. اخبريه أنك تبحثين عن رجل تعتمدين عليه ماديا ومعنويا
Post: #143 Title: Re: قنبلة ... مقبلة على الزواج بماذا تنصحوني ؟؟؟ Author: Ali bas Date: 10-06-2008, 11:54 AM Parent: #135
كتب محمد علي التوم من الله اليوم فى بابه اليومي: كلامتير بصحيفة الإنتباهة الآتي: اوع تعرس منهن: الفنانة والحنانة والحردانة والمدبرسة والمفلسة والنوامة والحوامة واللوامة والبوبارة والكوبارة والخبارة والممحوقة والمطلوقةواللايوقة..ثم قال: الله ينجينا نحن معرسين!!
Quote: الخامس محب النساء: سواء كان غاية في الوسامة أو كان رجلا عاديا.. هناك شيء في هذا الرجل يجعلك تلتفتين إليه. فهو يعامل النساء كأنهن من ماس، لأنه يحبهن ـ جميعهن ـ جداً. الشيءالذي يشدك إليه في البداية.. يعرف كيف يجامل وكيف يقول كلاما يمس الوتر الحساس في القلب. الشيء المرعب ... إنه يستخدم نفس الأسلوب مع كل النساء. علامة الخطر .. يناديك باسم فتاة أخرى أثناء حديث عاطفي. لكي تتخلصي منه.. أخبريه أن والدك بطل في الرماية وأنه يريد أن يتعرف عليه فوراً!
الاندراوة دى ذكرتنى طالب الثانوى العالى على ايامنا(ماعارف اذا كان لسه موجود ام لغوه) ساله الاستاذ : ما معنى كلمة امتعض ? وكان الـطالب شايقى . اجاب: والله غايتو يا استاذ انا ما عارف ,, لكن لمان يقولوا لى الزول ده امتعض ,, بس يبقا لى اندردق فى الواطة دى ,, دحين انا يبقا لى الزول العندو الاندراوة ده هو الزول البي تلقيه كاسح زى العصار (الاعصار) لايبقى ولا يذر . يطقش اى شى قدامه ,, واظن من مشتقاتها والله اعلم ,, الاندراشة ,, الانهباشة ,, الشلاقة ,, واللفافة من لفيف ..
Quote: وبعدين مداخلتك دي حاول توضحها لينا أكتر منو البعمل دة كلو وفي الآخر ما بدفع ؟؟
دى كمان ذكرتنى صديقنا جعفر وكان قاضيا بسنجة ,, وكان يقيم بميز القضائية ,, وكنا نقول له يامولانا انت ماعاوز تعرس ليه? وكان رده : انا جنى وجن زول يقعد معاك وما يدفع حق الميز بتاعه ,, وانا اعتبر رده هذا دعوة مبطنة لمناصرة حق المراة فى العمل بل دعوتها اليه ? كسرة: انتى قلتى شيقوق رايحلو غنماية ,, لكن البعرفو انا شيقوق رايحلو جمل اصهب ,, وعشان يعتر فيه ننصحه ان يحضر الدروس القديمة اللى ادوها ليه فى قص الاثر ,, عندما كان يافعا يقبض فى الجراد فى مرابع القبيلة..
Quote: وتجولت فى ربوع شندى شمالا فلمحت ود ابأرو فى طاحونة القرية متأهبا لأمتطاء ظهر حمار العمدة (طبعا سمحوا ليه بركوبه عشان الولد هو ممثلهم الوحيد فى سودانيز أون لاين ,, ووعدهم انو المرة الجاية حايرفع راسن ويمثلهم فى الجزيرة دوت نت ذاتها)
وماشفتني في إزاعة البيت السوداني بتكلم في جبنة الضحوية؟يركبك الجن الليكسر شقك
Quote: ورايته قد كتب على حائط الطاحونة (للذكرى والتاريخ من أخوكم ود أبارو ...)
Post: #158 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 06:57 AM Parent: #154
ميييييييييدو !!
يسعد صباحك الجميل ..
يا (كيس ) والله إنت كتاب كتابة ما معقولة .. في زمنا بقولو كيس وليس جكس حالة صعبة !!
ياخي جربنا الضياع بكل أشكاله وألوانه ورجعنا تاني نتساءل ضل راجل ولا ضل حيطة ؟ تئبر ألبي ..
أها نشوف الوصفة الطبية الأبارونية عسى ولعل ..
Post: #157 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 06:51 AM Parent: #153
عزو ..
نحنا فوق عزنا القبايل ما بتهزنا ..
لقيتني كيف ؟؟
أها كان كدي شيقا دة مصاب بداء الإندراوة .. الله يكون في عونه ..
وبعدين حكاية الدفع في الميز دي عندنا هنا بيحصل العكس الرجال بشاركونا في الميز وما بدفعوا
وحاة نظري صدقني .. أها يا ربي دة من شنو ؟؟
Post: #156 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 06:44 AM Parent: #152
عموري ..
والله إنت ألذ زول في البورد يا بريلم ..
Quote: ( عطوفه) . . (نقول إتصاحبنا)
كيف ما تصاحبنا يا فردة ؟؟ دة اتصاحبنا ونص !!
المهم سجلوك .. اشتغلو بيك ولا ما اشتغلوا ما ضروري إنت بس أثبت وجودك وخلي روحك رياضية ..
والله عارفاك ما بتكسر تلج .. عاجباني صراحتك شديد أمسك فيها قوي ..
تقديراتي ..
Post: #159 Title: Re: قنبلة ... مقبلة على الزواج بماذا تنصحوني ؟؟؟ Author: قاسم المهداوى Date: 10-07-2008, 07:01 AM Parent: #156
عواطف يا عطوفه صباح جديد و.... قوس الطيف وألوان قزح يبدو انى تدربكت او ارتبكت ما ان تسمعت الى هذه القنبله الانشطاريه ولكن ما هيروشيما ... ونصيحه اخويه . تدى العريس شاكوش
Qasi
Post: #164 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 09:15 AM Parent: #159
قاسي ...
شاكوش دي كبيرة شوية ..
ممكن نحلق ليه عالناشف أيه رايك .. ؟؟؟
Post: #162 Title: Re: قنبلة ... مقبلة على الزواج بماذا تنصحوني ؟؟؟ Author: عمار الهادي Date: 10-07-2008, 07:38 AM Parent: #156
الإستاذه العزيزه
عواطف
شكراً شديد
تعجبني كتاباتك لأنو بتعرفي (تستفزي) الناس بسهوله عشان يكتبوا
أما مضوع العرس دا
أهم حاجه في العرسان قبل مايحبو بعض يكونوا بقدرا يتحملوا بعض
والباقي هيّن
إحتراماتي
عمار
Post: #165 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 09:18 AM Parent: #162
عموري !!!
وإنت الصادق ..
Quote: تعجبني كتاباتك لأنو بتعرفي (تستفزي) الناس بسهوله عشان يكتبوا
أها العريس دة نستفزو كيف ؟؟
إجابة سريعة .. قبل العريس ما يطير ...
Post: #167 Title: Re: قنبلة ... مقبلة على الزواج بماذا تنصحوني ؟؟؟ Author: عمار الهادي Date: 10-07-2008, 09:39 AM Parent: #165
عواطف ( حاف كده)
(العريس دة نستفزو كيف)
والله دا أنا مابعرفوا . . بتعرفوا براكم
لكين بقولوا يعملوا ليهو حركات كده
بس ما تسأليني حركات شنو ولا كيف
(تعال بالعندك تعال)
أو كما يقولون
عمار
Post: #168 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 09:48 AM Parent: #167
Quote: لكين بقولوا يعملوا ليهو حركات كده
عمار !!!
حاف برضو ...
بطل الغتاتة وورينا الحركات دي شنو
Post: #172 Title: Re: قنبلة ... مقبلة على الزواج بماذا تنصحوني ؟؟؟ Author: عمار الهادي Date: 10-07-2008, 10:31 AM Parent: #168
الأستاذه عواطف
كان العريس قال ليك
(( إليك البعد الرابع . . كل مدادي.
إليك العمق العاشر . . فحوي فؤادي.
نبض عروقي . .
رضاء سنيني . .
إليك أسوق حنيني وصخب العشق الثائر في الأوصال
ربيع زماني من الميلاد إلي الآجال))
كان قدرتي علي كلاموا دا
(راسو بيجي)
تمنياتي
عمار
Post: #173 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 10:38 AM Parent: #172
عموري ..
هسة كلامك الكتر دة بالعربي ولا بالإنجليزي !!!
عليك أمان الله طلعت من المولد بدون حمص ..
Post: #161 Title: Re: قنبلة ... مقبلة على الزواج بماذا تنصحوني ؟؟؟ Author: Dalal Ezzaldin Date: 10-07-2008, 07:34 AM Parent: #1
كل سنة وانت طيبة يا غاليه
النصيحه سمحه لكن الناس ما واحد وكل زول ح يديك رايه حسب قدرته والبعرفوا انتي شوفي نفسك ... المهم عندك شنو ؟؟ وبتقدري على شنو ؟؟ لانك ما ح تقدري تحددي الطرف التاني ح يتصرف بياتو طريقه , فاحسن تحددي انتي لنفسك طريقه تتعايشي بيها في الجو الجديد
في ناس بيقرروا وبتحملوا نتيجة قراراتهم مهما كانت لو كنتي كدا فشوفي زولك كويس وقرري بعدها ولو القصه فيها شك او احتمال فشل فنصيحتي انك ما تجازفي لانو بعد الاولاد مايجو ما ببقى في خط للرجعه .. ولو بقى في ح يكون على حسابهم
تحيه طيبه
Post: #166 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 09:23 AM Parent: #161
ست الحسن والدلال ...
مشتاقين ..
وكل عام وإنت طيب ..
Quote: في ناس بيقرروا وبتحملوا نتيجة قراراتهم مهما كانت
لو كنتي كدا فشوفي زولك كويس وقرري بعدها
النصيحة يا بت أمي بعد العمر دة ما عايزة أتحمل أي نتيجة قرار أها كيف الدبارة ؟
وكمان ما عايزة أي حاجة على حساب الأولاد !!
لقيتيني كيف ؟
Post: #175 Title: Re: قنبلة ... مقبلة على الزواج بماذا تنصحوني ؟؟؟ Author: Dalal Ezzaldin Date: 10-07-2008, 11:34 AM Parent: #166
Quote: بعد العمر دة ما عايزة أتحمل أي نتيجة قرار أها كيف الدبارة ؟
وكمان ما عايزة أي حاجة على حساب الأولاد !!
لقيتيني كيف ؟
لقيتك طيبه وسالمه ان شاء الله ربنا يديك على قدر نيتك ... نيتك حلوه وربك كريم
Post: #176 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 11:39 AM Parent: #175
ست الحسن !!!
تحلى أيامك يا عسل ..
مرورك يسعدني ..
ابقي معنا ..
Post: #170 Title: Re: قنبلة ... مقبلة على الزواج بماذا تنصحوني ؟؟؟ Author: elfadl abdellatif Date: 10-07-2008, 10:18 AM Parent: #1
الاخت عواطف نصيحة اخيرة طبعا الاسلام اختصر المسألة في توجيهات للجنسين لاختيار الشريك : اذا جاءكم من ترضون دينه ..... الى اخر الحديث والاخر الذي يقول : فاظفر بذات الدين تربت يداك ..
اما انا فاقول ان مشكلة الحياة الزوجية عادة لا تكون في الطرف الثاني .. او الاخر .. بل هي دائما في الطرف الاول الذي يشعر بوجود مشكلة
Post: #174 Title: Re: قنبلة ... مقبلة على الزواج بماذا تنصحوني ؟؟؟ Author: هاشم أحمد خلف الله Date: 10-07-2008, 11:18 AM Parent: #170
Quote: قنبلة ... مقبلة على الزواج بماذا تنصحوني ؟؟؟
ودي عايزة ليها نصيحة يا عطوفة
عيدك سعيد إن شاء الله
انا طبعاً بنصحك بالزواج ولا شئي غير الزواج بس على شرط ان يكون الزوج عاقل ويقدس الحياة الزوجية ان يجيد الطبخ وغسيل العدة ودي ختي تحتها خطين ما تستغربي مش هو حايتجوز ليهو جندرية ؟؟ علي فرض انو عاطل عن العمل وكده ان يكون صاحب بال طويل ويفهم في أمور تغير الحفاضات وتحضير الرضعات
وبعد كده اظن مافي مشكلة ! يا زولة مبروك عليك الزواج
انا طبعاً بنصحك بالزواج ولا شئي غير الزواج بس على شرط ان يكون الزوج عاقل ويقدس الحياة الزوجية ان يجيد الطبخ وغسيل العدة ودي ختي تحتها خطين ما تستغربي مش هو حايتجوز ليهو جندرية ؟؟ علي فرض انو عاطل عن العمل وكده ان يكون صاحب بال طويل ويفهم في أمور تغير الحفاضات وتحضير الرضعات
وبعد كده اظن مافي مشكلة ! يا زولة مبروك عليك الزواج
عليه نرشحك ملك قلوب سودانيز أون لاين بلا منافس
Post: #177 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-07-2008, 11:42 AM Parent: #170
Quote: اما انا فاقول ان مشكلة الحياة الزوجية عادة لا تكون في الطرف الثاني .. او الاخر .. بل هي دائما في الطرف الاول الذي يشعر بوجود مشكلة
طيب إذا في مشكلة حقيقية الحل شنو ؟
Post: #178 Title: Re: قنبلة ... مقبلة على الزواج بماذا تنصحوني ؟؟؟ Author: علاء الدين محمد بابكر Date: 10-07-2008, 11:48 AM Parent: #1
عواطف ....كل طيبة وانتي سنة.. تعرفي الزواج فيهو بس مشكلتين.. بتفقدي فيهو الحب الرومانسي... وتفقدي فيهو الشهوة الجنسية.. غير كدة أي حاجة تانية فيهو حلوة...!!!! مبروك عليك القنبلة..اريتا تطرشق راسك...
ولان الزواج هو مسئولية تضامنية ولان الكمال لله وحده فلا يوجد انسان كامل ذكرا كان او انثى فعلى الزوجين التعايش مع عيوب ونواقص احدهما الاخر مع محاولة تغيير ما لايعجبك منه .. وتغيير ما لا يعجبه فيك .. يعني مثلا مرة سمعت واحدة بتسأل احد اساتذة السلوك في قناة فضائية وبتقول انو زوجها ما بحبها فاعجبني رده لها بان تلك مشكلته هو وليس مشكلتها هي نرجع للخيار الاسلامي : من ترضون دينه وخلقه يا اخواتي له ميزة فهو ان احبها اكرمها وان كرهها لم يهنها والمرأة ذات الدين بنفس المستوى فالتعامل بما يرضي الله دايما بجنب الناس للمشاكل
Post: #180 Title: Re: قنبلة ... مقبلة على الزواج بماذا تنصحوني ؟؟؟ Author: Hisham Ibrahim Date: 10-07-2008, 12:23 PM Parent: #179
ليه ؟؟
بعد ان كنتي للجميع ستكونين إمراة ذات إتجاه واحد بس !
على العموم مبرووووووووووووووووووووووك وانشاء الله تغلبيهو بالمال ويغلبك بالعيال !!
دا الزواج الساير وناجح الأيام دي !!
يكفي عمرنا الشايفنو مره !!!
يا عواطف يا أختي الشايفنو مـــر دي يعني عدى العمر ومــر؟؟- والا الشايفنو مره واحدة ؟؟؟؟
أجمل ما في الزواج انك تتزوج الما حبيتها سنين طويــــلـــة عشان تعيش على حلاوة الذكرى كل يوم من جراء الكهرباء العالية في البيت !!
Quote: من ترضون دينه وخلقه يا اخواتي له ميزة فهو ان احبها اكرمها وان كرهها لم يهنها والمرأة ذات الدين بنفس المستوى فالتعامل بما يرضي الله دايما بجنب الناس للمشاكل
هذه هو مربط الفرس لا فض فوك !!
Post: #186 Title: Re: قنبلة ... مقبلة على الزواج بماذا تنصحوني ؟؟؟ Author: بلدى يا حبوب Date: 10-07-2008, 01:51 PM Parent: #1
عواطف كل عام وانت بخير مبروك نصحيتى ليك الله كريم تحياتى
Quote: عواطف كل عام وانت بخير مبروك نصحيتى ليك الله كريم تحياتى
هاياشوشو !!!
حمد لله على السلامة ..
شكرا على المباركة و إن جات متأخرة ..
تحياتي ..
Post: #188 Title: Re: قنبلة ... مقبلة على الزواج بماذا تنصحوني ؟؟؟ Author: محسية Date: 10-07-2008, 04:51 PM Parent: #1
هاك كوم النصائح دي ونطالبك بتنفيذها بالحرف ... . . عصبي، بعيون زايغة، أو حتى بخيل، كلها صفات تجعل الحياة من يتمتع بها من الرجال غير محتملة إطلاقاً، لا تقوى على التأقلم معها إلا المرأة الذكية ..
خبراء علم النفس يؤكدون أن بداخل كل رجل طفلاً حتى وإن كان رجلاً عريض المنكبين أو مفتول العضلات، ومن هنا ينصحونك بأن تخاطبي طفولته قبل أن تخاطبيه كرجل، فالأطفال وإن كان التعامل معهم ليس بالأمر السهل، لكن هناك الكثير من الوسائل التي تستطيعين بها إقناعهم بما تريدين، وهذا بالتحديد ما يجب أن تفعليه مع زوجك العزيز. وإليك نصائح الباحثين والخبراء من أجل ذلك.
*********************
اجعليه يخجل من نفسه
إن كان زوجك مقصر في أمور المنزل؛ لا تقارنيه أو تعايريه بغيره، فأسلوب المقارنة خاطئ جداً في التعامل مع هذا الطفل الذي يقبع داخله، وتجنبي أن تتذمري أمام أهله أو أهلك بأنه مقصر، فقط ذكريه دائما بطلبات البيت بشكل يجعله يخجل من نفسه، وأخبريه أنك قد أحرجت كثيراً أمام أخته اليوم عندما طلبت منديلاً ولم يكن في البيت مناديل، وفي مرة أخرى أخبريه أنك تشفقين على صديقتك لأن زوجها مقصر في طلبات بيته
*********************
تعاملي مع سلبيته بذكاء
طالما قبلت الزواج من رجل سلبي ، لا تلوميه على سلبيته وتذكري دوماً بأنه ربما تعرض لظروف في طفولته ومراهقته جعلته سلبياً رغماً عنه، استكشفي ما يستطيع أن يفعله وما هو قادر أن يكون عليه وركزي مجهودك على استفزاز نشاطه وقدراته، أخبريه مثلاً أنك تستطيعين الذهاب لمواجهة مدرس أساء لولدك، لكنك تفضلين أن يذهب هو حتى لا تضطري للمجادلة مع المدرس
*********************
تجنبي إثارة عصبيته
إياك والمعاملة بالمثل مع زوج عصبي، فعصبيتك ستكون مدمرة لحياتكما معاً، واحذري أن تخاطبيه وهو في طوره العصبي. فالعصبية طبع ليس من السهولة تغييره، ففكّي قليلاً قليلاً شفرة الأمور التي تجعله يتخذ موقفاً عصبياً، حاولي تغييرها ما استطعتِ، وتأكدي أن الحل الأمثل لزوج عصبي هو تجنب إثارته لذلك استخدمي أسلوب المناورة كما تستخدمينه مع طفلك، فكما أن الأطفال ينسون عصبيتهم بقطعة من الحلوى وبكلمة حلوة فالرجال كذلك
*********************
لا تيأسي من صمته
لا تيأسي من صمته أو من المحاولة، ابدأي أنت بالتحدث إليه وأكثري من الأسئلة عن عمله وعن ما صادفه في يومه، اسألي عن التفاصيل حتى لو لم تكن تهمك، وكوني مستمعة جيدة واحرصي على التعبير عن استماعك بانفعالات مختلفة تشجعه على الاسترسال في الحديث، واعلمي أن الإنسان الثرثار هو من وجد أذناً تسمعه وانفعالات تشجعه
*********************
تعلمي إطفاء غيرته
الغيرة هي دليل الحب، لكن الشديدة منها تصبح مزعجة، وأفضل وسيلة هي تجنب ما يثيره، وفي حال تعرضك لأي موقف أثار غيرته فاطفئي نار غيرته بتجنب النظر إليه إذا كنتما مع مجموعة من الناس، وعندما تعودان إلى البيت تجنبي التصادم معه، وأخبريه لاحقاً بأنك لم تكوني تقصدين ما أثار غضبه وأن ذاك الرجل الذي عاكسك إنما أهان نفسه أمام الناس ولا يستحق بأن يثير أي مشكلة بينكما، وتأكدي انه سيستطيع بمرور الوقت التعبير عن غيرته بشكل أفضل
*********************
العناد يولد النكد
العناد أشبه ما يكون خلقة وليس طبعاً، ورغم ذلك لن تعجز الزوجة الذكية عن ترويض هذا الطبع الخلقي. بداية لا تمثلي دور المرشدة النفسية مع زوجك وتعطيه دروساً في كيفية التخلص من العناد. وهناك اختصاصيون في مجال العلاقات الزوجية قد توصلوا إلى دراسة تقول بأن أفضل أوقات التحدث مع الرجال هي في الصباح الباكر، إذ يكون الهورمون الذكري "تستوستيرون" في أعلى معدلاته، فيكون أكثر استعداداً لسماع الآراء وتلقي المعلومات وأكثر انفتاحاً لسماع الرأي الآخر، وإن كان معارضاً، فاغتنمي دائماً فترة الصباح لتروضي عناده وتمسكه بموقف ما تريدين تغييره عنه، استخدمي الابتسامة والكلام اللطيف لتخبريه بأنك على استعداد لتلبية رغباته، لكن ستكونين سعيدة جداً لو كان موقفه غير هذا
*********************
تحكمي في عصبيتك
بداية تعلمي العدّ إلى المائة عندما يجامل زوجك أي امرأة أمامك بصورة تزعجك أو يمازحها ولا تتسرعي بردة فعلك، وانتظري أن تعودي للبيت وحضري له وجبة يحبها وادخلي إلى قلبه عن طريق معدته، وأخبريه بأن تصرفه اليوم قد ضايقكِ رغم أنك واثقة من نواياه، في مرة أخرى ربما تمتلئ عينيك بالدموع وهو يمازح زميلة له بصورة تضايقك، فاحرصي أن يرى هذه الدموع وأخبريه عند سؤاله لك عنها بأنك قد تضايقت من ممازحته لها، لكن لا تحاسبيه، سيكون حذراً كالأطفال في مرات أخرى، فالطفل دائماً سيحذر من إعادة تصرف أنزل بسببه دموع أمه، وزوجك أيضاً سيكون كذلك معك
*********************
لم تتزوجي فارس أحلامك
ولكي يكون تأثير سلبيات طباع زوجك أقل وطأة على نفسيتك؛ ضعي بين عينيك أنه لا يوجد شخص كامل الصفات، وأنك لم تتزوجي من فارس الأحلام، ولن تفعل ذلك أي امرأة، ففارس الأحلام نحن من نصنعه بحبنا ونظرتنا للأمور الإيجابية دائماً ومحاولة غض بصر القلب قبل العين عن الأمور السلبية. وتعلمي دائماً أن تحبي ما تجدين وليس أن تجدي ما تحبين، فهذا ما سوف يجعل حياتك أيها الزوجة أكثر حباً وأكثر سعادة
*********************
اكتسبي مهاراتك الاجتماعية
تؤكد استشارية علم النفس الإكلينيكي الدكتورة "ميسون عودة" - حسب ما ورد بمجلة سيدتي - أنه في الكثير من الأحيان تحدث المشاكل بين الزوجين بسبب افتقار أحد الزوجين أو كليهما إلى استخدام مهارات التواصل أو مهارات حل المشكلات، أو ضبط الغضب، أو استخدام هذه المهارات بشكل خاطئ. وتؤكد عودة أن المهارات الاجتماعية تساعد بالتأكيد على تحسين مهارات التواصل بين الزوجين، مثل عدم معايرة الزوجة لزوجها، عدم استثارته، وباختصار فإن هذه المهارات تتضمن أموراً مثل: ماذا أقول؟ كيف أقول؟ متى أقول؟
وتضيف قائلة: إن نسبة كبيرة من المشكلات بين الزوجين في وقتنا هي مشكلات تواصل أدى استمرارها مع الوقت إلى تجريح الزوجين لبعضهما بعضا، فوصل بهما الأمر إلى فقدان الثقة والاحترام، أي مرحلة اللاتفاهم، وبما أن أغلبية الرجال في مجتمعاتنا الشرقية لهم طبيعة خاصة، تحد كثيراً من مبادرتهم بالتواصل ومن كبح جماح غضبهم، فإن الزوجة هنا لها دور مهم في أخذ زمام الأمور، فعلى سبيل المثال هناك عبارات قد تستخدمها الزوجة بأسلوب معين لبق وحسن، فتخفف من حدوث مشكلة، بينما نفس العبارات إذا ما قيلت بنمط آخر قد تخلق بلبلة في العلاقة الزوجية كأن تقول لزوجها بعد أن يهدأ: "أنا أعلم بأنك كنت غضبان، لكن جرحتني.."، فالزوجة الذكية تستطيع أن تتعرف على المواقف التي في العادة تجعل زوجها يهدأ وتعرف متى يمكنها التحدث معه مجدداً
*********************
انتقادك سبب صمته
هذا ومن جانب آخر فخبراء العلاقات الزوجية يؤكدون لك أنه ربما تكونين أنت السبب في سلبية طباع زوجك؛ وأهم ما يعانيه الرجل مع زوجة كثيرة الانتقاد هو الخرس المنزلي.
ويفيد الخبراء أن أكثر الرجال يكونون بحاجة ماسة إلى البوح بما يثقـل صدورهم، إلا أن معظمهم يخشون أن ينبذوا أو يرفضوا،حيث أن النساء بارعات في انتقادهم؛ لذلك فهم قلقون من أنهم إذا باحوا بمشاعرهم سوف يقابلون بالسخرية فيصبحوا منبوذين ومحرجين
واعلمي جيدا عزيزتي الزوجة أن عدم إصدارك الأحكام على شريك حياتك يتيح له البوح لك بما يجول بخاطره خاصة إذا رغبت في سماع ما يريد قوله . واعلمي جيدا أن الرجل ليس هو الرجل نفسه في جميع الأوقات ، بل يختلف من وقت إلى آخر في حياته - أو حتى من وقت إلى آخر خلال الأسبوع أو اليوم.. أفسحي له المجال ليظهر لك نفسه باختلاف جوانبها.
Post: #192 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-08-2008, 05:59 AM Parent: #188
الأخت العزيزة محسية ..
كل سنة وإنت طيبة ..
بصراحة كدة مداخلتك قمة في الروعة وأنا متأكدة لو كل واحدة نفذت 50 % منها فقط ما حتكون في مشاكل
ولكن في الوقت نفسه عايزين نصائح للطرف الآخر عشان هو ذاتو يفهم الحاصل شنو لأنه مشارك في الكثير
من القضايا السلبية وله دور كبير في انحسار العواطف وبناء السد العالي بينه وبين زوجته
عموما تشكري يا بعد عمري ما قصرت ..
Post: #189 Title: Re: قنبلة ... مقبلة على الزواج بماذا تنصحوني ؟؟؟ Author: علاء الدين محمد بابكر Date: 10-07-2008, 04:59 PM Parent: #1
Quote: إنت داخل شمال كدة من غير أحم ولا دستور ؟؟؟
توفة..أنا ما داخل شمال..
شوفتي واحد قاعد مع ناس في حوش واحد.. وكتين يتونس.. يقولو ليهو داخل شمال؟؟ ترررم أدخل شمال ويمين...
Post: #190 Title: Re: قنبلة ... مقبلة على الزواج بماذا تنصحوني ؟؟؟ Author: مدثر محمد ادم Date: 10-07-2008, 05:36 PM Parent: #189
يامحسية: معليش اسمحى لى اشوت ضفارى ,, والعب معاك بخطة دفاعية ,, لانو اول مرة الاقيك فى كونفدرالية بكرى دى ويمكن فى مباراة الرد العب معاك خطة هجومية اصلى حصل ولعبت مباراة ذهاب فى ارض المحس وعطوفة عارفة الكلام ده .. الشوته الاولى :
Quote: • خبراء علم النفس يؤكدون أن بداخل كل رجل طفلاً حتى وإن كان رجلاً عريض المنكبين أو • مفتول العضلات، ومن هنا ينصحونك بأن تخاطبي طفولته قبل أن تخاطبيه كرجل، فالأطفال وإن كان التعامل معهم ليس بالأمر السهل، لكن هناك الكثير من الوسائل التي تستطيعين بها إقناعهم بما تريدين، وهذا بالتحديد ما يجب أن تفعليه مع زوجك العزيز. وإليك نصائح الباحثين والخبراء من أجل ذلك
.
باعتبار انك اوردتى الكلام ده معنى ذلك مقتنعة بيه يامحسية ... الشوتة الاولى: اشوف كتابتك افرح ,,,وترد فى الروح واقول يا منت كريم يارب حواء بلادى اتعولمت وبقت حنينة اشوف عمايلكن ابحث عن اقرب ماذون .. كان الشوته الضفارى دى صرجت بجيك راجع فى الشوط التانى عشان انا هسع شايت عكس الهوى وليس الهواء ,,,الزعل ممنوع واهو كلو بالحب
Post: #195 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-08-2008, 06:07 AM Parent: #191
Quote: اشوف عمايلكن ابحث عن اقرب ماذون .. كان الشوته الضفارى دى صرجت بجيك راجع فى الشوط التانى عشان انا هسع شايت عكس الهوى وليس الهواء ,,,الزعل ممنوع واهو كلو بالحب
والله يا عزو نفس الشعور ..
كمان مرات أتحسس مسدسي اللي في جيبي ...
Post: #194 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-08-2008, 06:04 AM Parent: #190
دودي !!!
سلامات يابطل ..
مشتاقين ..
لازم تجرب فالتجربة خير برهان ..
شكرا على الطلة الحلوة ..
Post: #193 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-08-2008, 06:02 AM Parent: #189
Quote: يقولو ليهو داخل شمال؟؟ ترررم أدخل شمال ويمين...
كلامك دة يا علاوي بذكرني أغنية سايق العربية ..
قلبها يمين قلبهاشمال
يا سايق العربية ..
وداها سنجة .. وداها سنار
يا سايق العربية ..
Post: #196 Title: Re: قنبلة ... مقبلة على الزواج بماذا تنصحوني ؟؟؟ Author: غادة عبدالعزيز خالد Date: 10-08-2008, 06:20 AM Parent: #193
عطوفة إزيك نحنا نشيل ونرغي وننصح... وبعد ده كلو ما عرفنا صاحبتك عرست ولا لسه؟ والد معز متابع البوست على فكرة.. وجاني امس قائلا: بالله الزولة قالت ليك أعرس ولا لأ.. قعدتي تقولي ليها نسبة وخمسين في المية ومية في المية.. هو أوكازيون وحقنا للدماء.. ما حنقول البقية محبتي غادة
Post: #197 Title: Re: قنبلة ... مقبلة على الزواج بماذا تنصحوني ؟؟؟ Author: عواطف ادريس اسماعيل Date: 10-08-2008, 06:27 AM Parent: #196
ست البنات ...
يسعد مساك الجميل أعتقد عندكم الدنيا ليل ..
ربنا يخلي ليك أبو عزوز ويسعدكم بجاه النبي ..
العرس يوم الخميس الجاي على قولة المصريين والدعوة عامة ..
Quote: وحقنا للدماء.. ما حنقول البقية
يلا في انتظار باقي الأوكازيون ..
ودي يا غالية ..
Post: #200 Title: Re: قنبلة ... مقبلة على الزواج بماذا تنصحوني ؟؟؟ Author: داليا حافظ Date: 10-08-2008, 11:36 AM Parent: #197
Quote: قنبلة ... مقبلة على الزواج
القنبلة دي خليها تعرس بعيد إنشاءالله تعرس قرنيت .
Quote: بماذا تنصحوني ؟؟؟
أبعدي من الموضوع ده شديد شنو البورطك في عمل إرهابي .
نسبة لفوارق التوقيت فكلما دخلت وجدت ان الكثير المثير قد فاتني والرد والمداخلات يكون وقتها قد فات عشان كدة قررت اقعد في مقاعد المتفرجين وزي ما قال سعدالدين نشوف اخرتا التحية لكل المتزوجات والمتزوجين واتمنى للايامى من الجنسين ان يجدوا ضالتهم ولا زلت مصرا على ان علاج اي مشكلة يكون ابسط من المشكلة نفسها.. ولو انو الناس شايفين عكس ذلك .. على كل حال عشان الزواج ينجح لابد للمرأة من ثقافة ذكورية وللرجل من ثقافة انثوية ولك ولكل المتداخلين التحية
كدى ياطوفى? اها عاد الماشه تعرسيه ده شعورك معاه حايكون شنو ,,ارسل ليك سلاح امريكى ,, ? شفتى انا بقيت اكشف ورقكن كيف ?,, قالوا تعرس كتير تشوف طشاش ,,لكن برضو فى بلد العمى شوف ,, آل نفس الشعور آل ,, دى على فرعون يا آسيا,,
