π جدران خارقة لدروع صمتنا الرهبب £

(6) (6)
طبعن مواضيعنا كطع أخدر حسب المناسبات؛
و ح نركز الأيام دي مسلن على الضحية و خروفها.

1- خروفي كبر فوق البيت لا بعتو انكسيت لا ضبحتو إتعشيت ؟
طبعن الجواب لا علاقة له : فدي شمة بترولنا المرقوه بوراهم شفطوه!!

2- حبوبتي {تفتيحة} من شدتا و لضتا شايلة جدي في رقبتها ؟
الجواب لعدي كل البعد : شعبنا الأبي.و قوة تحمله الخرافي ل(هؤلاء).

3- دخل القش وما قال كش؟
الجواب: إسرائيل في أجوائنا، حيث {الدفاع بالنظر}.
في خليجٍ في مياهه علوجلٌ يتسابحون و على ضفافه
عُرُبًٌ اترابٌ ثُمالَى، يدفعون و بسيوفهم يتراقصون

4- قاعدة في ديواننا و تاكل في مصراننا ؟
الجواب : العمالة الأجنبية في بلد جيعان!!

5- عندي طبيق ملان نبيق ؟
الجواب : مرتبات الموظفين في بلدي با حبوب!!

6- كطع البحر برا عضم ضهر .
الجواب: قبول أولاد المصارين البيض في كليات
{الطب الوراثي } و الوظائف المحكورة سلفا!!

7- مية و مية، ما يملن الصينية؟
الجواب : رغيف العيش في ثوبه القديم المتجدد. لامن بقت
العيشة متل كرت شحن سكراتش من سوداني و خليك سوداني

8- كان شالو ما بتشال كان خلو سكن الديار ؟
الجواب: { طبعن بديهي ، ما داير درس عصر}!!

9- بارك في الواطة و يعارك في السما ؟
الجواب : شعبنا المكلوم وكتين خراج الروح!! لكن
الحمد له جات (سلمية) برضو قالو ا لقحو ولاصمة الخشُم


10- شطة و مطة والشافها كلو نطا ؟
الجواب: ميزانية السنين الفاتت والجاية!!
😄😄😄😄😄
تخريمة
طيب تعال ياخ النزيدك في القصيد بيت:
سمعت آجنا بي المسل البيقول لك :"جدي طويل ،
و لكن برضو ما بلحق الكعكول"؟! الجواب: زمان قالو:
الدلو ؛ واحدين قالو: الدرب؛ عشان منبطح فوق الواطة
ما برفع رويسو. علا نحنا لقين لا كمان تتفسيرن آخر.
علا لاكين عجيب شوية تحين دا مو لسان عمك بشة
كان عاجز؛ يلعلع ىالطلاقات سااكت، برا مروة!!
لحدي ما جاتو طامة ال2% القلبو 98%؟!
😄😄😄😄😄