شرطة واشنطن الكبرى تلقى القبض على مناضلين فى حالة....... أتوجد صور؟ طبعاً بالكوم وبالكيلو

Quote: يا خردة سلامات يا صديقي انا متفق معاك في كلامك كلو بالمناسبة و انا ضد الدفاع عن الاصدقاء في قضايا حساسة زي , انا اتكلمت مع اختنا اقبال عن بروسيس داخل الحزب الشيوعي , فيما يخص سلخ الاصدقاء ذاتهم انت عارف و متأكد اني معاك للاخر لكن اديك مثال بسيط : لو بكرة لا قدر الله توفي مواطن سوداني هنا في هولندا و انا طارق ده مشيت السفارة عشان اطلع ليهو فيزا ترحيل الجثمان او ما شابه من الإجرآت و شافني واحد من عضوية سودانيزونلاين في السفارة و جا قال طارق امس في السفارة السودانية في لاهاي و إتضح ليهو لاحقا اني كنت هناك بسبب الوفاة , يبقي خلاص انا سياسيا بقيت صاحب تأريخ فيهو شوائب لا إيدي لا كراعي ؟ ثم انو نفس الشخص ده هل سيعود و يكذب خبرو لاحقا بعد ان إتضح ما حدث ؟ يبقي التريث مهم من الاول قبل إطلاق الاخبار في شكل قنابل إتهام لا تحتاج لحصيف لفهم مرمي نيرانها, إذن في ظني ناقل الكفر كافر يا هجام في قضايا تمس سمعة آخرين. اها انا اتصلت و علمت التالي من 4 مصادر و كان الكلام ما متضارب - العشاء كان بعد ندوة أقامتها الجالية - العشاء تم بإقتراح من رئيس الجالية كما جرت العادة - العشاء علي شرف دينق تييرا المتحدث في الندوة (no separation for one nation) - الإحتفاء بضيوف الجالية speakers تقليد ثابت بعد نهاية اي فعالية - محمد سليمان كان حاضر الندوة مثلما يحضر عادة كل فعاليات الجالية إذن لا كان في دعوة من بتاع الامن ولا كان دعوات وزعت ولا يحزنون كل من حضر الندوة و اراد المشاركة يمكنه الحضور و ده البهمني من كل القصة دي بصراحة , لو عاوزين نلوم كل زول علي مشاركتو في العشاء ما حا نقدر لانو الحضور كلو متوقع انو فاتورة العشاء حا تندفع بي شيرنق في نهاية العشاء كما جرت العادة ودي نقطة ضعيفة جدا لانو معروف سلوكنا السوداني الضكران في دفع القروش و البوبار في الدفع و ايضا هي نقطة ضعيفة لانو وضح من الافادات اعلاه انو ما كان في دعوة عشاء من اساسو. و انا مندهش السيناريو ده ليه ما فكر فيهو عادل علي و دينق قبل ما ينقلوا خبر مشكك في ناشطين ديمقراطيين ؟ عشان كده انا قلت قبيل انو تصفيه الحسابات الشخصية دي مكانها ما هنا . بعدين يا هجام تفتكر المذنب حقا اسه الشاركوا في العشاء المفبرك ده دون ذنب جنوه سوي نشاطهم في الجالية ولا المذنب من ينقل أخبار كهذه لسودانيزاونلاين لرفع درجة الاحباط و اليأس عند المواطن ؟ يعني قضايانا كلها إتحلت و بقت علي الكم نفر الدفع حساب عشاهم بتاع امن ؟ السياسة عاوزة حكمة يا هجام و انت سيد العارفين . مودتي التي تعلم و ياخي رد علي رسائلي الختيتها ليك في تلفونك زمان لمن رجعت منك , عامل صلعتك الكبيرة دي