الفاظ ضد الوحدة (عبد ,اسود ,عريبي ,قرقور,خادم ,سرية ,(ناس بحر ..سم) ..الخ,,.

Quote: (عبد ,اسود ,عريبي ,قرقور,خادم ,سرية ,(ناس بحر ..سم) ..الخ,,.

Quote: الاخ مجاهد تحياتي اتفق معاك جملة وتفصيلا، وكلامك سمح بالحيل لكن يا حبيب، دي حقيقة ما مشكلتنا هسع انا موضوع عب وحلبي وعريبي ومندكورو دا جليتو زمااااااان لا بودي ولا بجيب احنا مصيبتنا في الفساد، والخراب والانهيار الاقتصادي والسياسي والرياضي ومشكلة تصريف مياه الامطار ووقف التلاعب بالسكر والنهضة الزراعية ... الخ ودي مسائل لن تجد لمصطلحات زي : Quote: (عبد ,اسود ,عريبي ,قرقور,خادم ,سرية ,(ناس بحر ..سم) ..الخ,,. ما بتحل مشكلتك ولا مشكلتي ولا مشكلة السودان ولا الوحدة ولا الانفصال ابحثوا عن المشاكل الحقيقية، الفاظ وانت عب ######ان وامك خادم وجدك حلبي ######## او عريبي معفن لا بتقدم ولا بتأخر هسع دي اكان كل الناس من جوووا كده صفت نفوسها وبطلت تقول الحاجات دي سرا او جهرا باقيلك الكيزان ديل ح يسبوا البسوو فيهو دا؟؟ طبعا لا؟ لانهم عصابة كبيرة، فيها العريبي والحلبي والعب والخادم وود البحر وود البلد وفيهم الرطاني ويواصلوا سرقة السكر، وح يواصلوا نهب المال العام وح يواصلوا في قمع الحريات والجيش ح يواصل يعمل انقلابات، والاحزاب ح تواصل نعمل في مؤامرات ونيقى احنا في قصص قلت يا عب وانت البديت بمندكورو مصيبتنا الآن ليست مشكلة الافاظ ونظرة الناس لي بعض الباعوضة لا تفرق بين اسود وابيض، ولا بين مسلم وكافر البعوضة ياها بتهرس في الفقراء ديل حيثما وجدتهم، حلبه وللا عرب شوفوا قضيتنا الاساسية وين تحياتي

(عدل بواسطة مجاهد عيسى ادم on 08-01-2010, 01:26 PM)

Quote: مجاهد عيسى آدم قال قدور (ياشوقي بدري امدرمان الانته بتعرفا دي ما راحت من ذمان اسي امدرمان اتملت عبيد وغرابة )

Quote: العزيز صديقي مجاهد عيسى مودتي ,,, لعلنا نعيش ردة تاريخية , في ظل غياب الفكرة وبرنامج الغاية تبرر الوسيلة انهزام مشروع السودانوية ساهم فيه المثقفون قبل العامة لذلك نعيش الارتهان للماضي والركون للوهم , هنا يأتيني كلام فرانسيس حول هُوية الذين يسمون الناس ويصفونهم بالعبيد ومن هم ؟؟؟ لكن ألا تتفق معي ياصاح ان الردة الان علا صوتها لقصور يعتري مؤسساتنا وبفعل رغبة الشمولية ؟؟؟ وما الافيد لنا الديمقراطية والمعالجة من خلال ام ان ننكا الجراحات ونفتح الداء ليعم وينتظم جغرافيانا اعتقد ان البداية تكون من الحرية وبعدها وفي ظل وجود الفكرة تتلاشى الاوهام فالكل اصله السودان . ...................................................................حجر

Quote: يا أخ مجاهد مع عدم مصداقية شوقي بدري فيما يكتب وقد لاحظت ذلك كثيراً ولهذا أقول أن السر قدور أعقل من أن يقول ما ورد عنه برواية شوقي بدري. Nonetheless لو قال الكلام دا الرد جاهز ومعلّب ولا يحتاج لتفكير لو كان هو من سكان أم درمان مش نازح قديم: أحياء أم درمان العريقة: 1- أمبدة: هذا هو مكان عرضة خيل دار حامد وأميرهم أمبده تمساح. 2- ودنوباوي: هو الأمير محمد ود نوباوي قاتل الكافر غردون باشا. 3- بيت المال : هو بيت مال الخليفة. 4- حي العرضة: ميدان عرضة خيل الملازمين. 5- الملازمين: هم ملازمية الأمير عثمان شيخ الدين الخليفة عبد الله. ولي الشرف أن أجدادي لأمي وأبي مولدين في ذلك الحي، بالتحديد في منطقة مدرسة أم درمان الثانوية بنات. بالقرب من بوابة عبد القيوم. 6- أبو عنجه: وهل يخفى القمر في سماه 7- أبو كدوك: ومن لا يعرف القائد ابو كدوك. 8- أبو روف: قائد قبيلة رفاعة وأحد أمراء المهدية 9- فريق فنقر: هم أبطال من جبال النوبة الشرقية 10- حي العرب: هم عربان شمال كردفان. مش كدا كفاية ... عندما جاء نازحوا الخمسينيات والأربعينينات سكنوا أم درمان وقالوا حقتهم. أم درمان مدينة أسسها خليفة المهدي وسكانها هم ناس الغرب ماعدا الجموعية في جنوب أم درمان. لكن جو من ورا وحدقوا الضرا. يعني لو صدق أن السر قدور قال الكلام دا: يبقى مافي عوجة ... أسياد البلد جوا للبلد البناها جدودهم. (العوج راي والعديل راي) ]

Quote: صديقي الصدوق مجاهد سلام كبير تعرف يا مجاهد .. ممكن واحد يقول للتاني ياعب يا أسود يا قرقور أو يا حلبي أو يا جلابي إلخ .. بس المشكلة تكمن في شيئين : الأولى : هل النعت يتبعه سلوك و تصرف و موقف ؟ الثانية : هناك من لا ينطق بهذه النعوت و لكنه يتجمل و يتلطف تأدبا ظاهريا و لكنه يحمل معاني هذه الصفات بدواخله و يفرزها عند أول محك في قطار كريمة .. قال أحدهم يمازح آخر : يا عب ماشي وين بقطر السناجك ديل ؟؟؟ فقال الآخر دونما تفكير : أنا عب جروف ماشي محل ما إتولدت .. إنت يا تقاوي الحلب و التُرُك ماش وين ؟ و كأن شيئا لم يكن لأن النعوت لم تتعدى الألوان التي أمامهما و لم تتجاوزها إلى أي بعد آخر. فلننظر إلى هذه النعوت كنعوت فقط حسب ألوانها و مناطقها و أنسابها ، دون تجاوزها و وضعها في موازين التعامل و فرز الكيمان و الأطر الإجتماعية. دمتم