|
Re: دواس بس .. (Re: ابوالقاسم ابراهيم الحاج)
|
الأخ الفاضل / أبو القاسم إبراهيم الحاج لك التحية .
Quote: يعنى معقولة عاد تقوم تلعب وتغش فى اللعب ولما نكشف عدم نزاهتك فى اللعب تقول علينا خرخرنا وكدا. |
إذا كنت تعنيني بشخصي أو إنتمائي فأقول لك يا أخي أخطأت العنوان .. أنا لم ألعب معكم أو ضدكم .. ربما تكون شبهتني .. أو أخذتني بالشبهة .. ما فرقت .. الما بعرفك يجهلك .. أنا مجرد متابع و متفرج وقد لاحظت كما لا حظ كل العالم ( خرخرتكم ) و ما فضل ليكم إلا تدقوا الحكم و المتفرجين بعد .. على قول أهل نجد..
Quote: يعنى انت محامى الحكومة العمايل البيعملها معانا دى حركات قانونية!!. |
و الله كتر خيرك حتة واحدة كدا عملتني نائب عام .. عشان كدا ما حأخذلك الحكومة دي ما شرعية و بتفاوض ناس لا يملكون الشرعية و بإعمال القاعدة القانونية فإن ما بني على باطل فهو باطل .. يعني إنتو و الحكومة حمام ميت.. لكن سميناها رضينا .. عشان خاطر عيون حلوين ..
Quote: شوف بالله الناس دول غشوا الاتحاد الافريقى ذاتوا وقدموا ليه الورقة الحكومية على اساس انها ورقة ( مشروع مقترح الاتحاد الافريقى للسلام النهائى فى دارفور ) وكمان يا تقوموا توقعوها يا النقوم نحرش ليكم مجلس الامن والسلم الافريقى؟!. |
طيب الإتحاد الأفريقي دا لمن عوير كدا إنتو من الأول رضيتو بيهو ليه .. و لا شايفنو قاصر و عايزين تجيبوا ليهو ماما أمريكا وصي .. المحرش ما بشاكل يا أبو القاسم .. لكن النسويهو كريت في القرض بتلقى في جلدها و الإتحاد الأفريقي دا كان خياركم إنتو .. هسع بقيتو للحمبكة ..
Quote: وقال يزنقوا وليدات دارفور البناجيس الصغار دول ما ممكن نعاملهم بمستوى الحكومة ؟!. |
يا أبو القاسم دارفور دي ما حقت زول واحد و لا قبيلة و لا إثنية واحدة .. دارفور دي وطن .. و لما يكون الكلام كلام وطن خلي الوليدات و البناجيس يلعبوا لعبهم .. و يتكلموا الناس الكبار العقلاء ..
Quote: هو نحن عندنا حاجة يا استاذ ما خسرناها علشان نخاف عليها تانى !!؟؟. |
طيب يا أخوي لمن ما فارقة معاكم .. الخرخرة لزومها شنو ؟؟ الإختشوا ماتوا .. هسع من زمان لو عملتوا الشغلانة واضحة ( نائب رئيس و كم وزير ) كان في داعي للجهجهة دي .. يا ربي يدوكم رئيسين بس إن شاء الله تتفقوا .. B]
Quote: بس مرة تانية ارجع واقرأ مسودة المقترح وتعال قول لى فيها رأيك . |
الشغلانة واضحة لا دايرة قراية و لا درس عصر .. هي لله .. هي لله .. لا للسلطة و لا للجاه .. الفيلم دا دخلناهو لما منتو جوة يا ريت ..
|
|
|
|
|
|
|
العنوان |
الكاتب |
Date |
دواس بس .. | عصام دهب | 05-01-06, 10:56 AM |
Re: دواس بس .. | bayan | 05-01-06, 11:56 AM |
Re: دواس بس .. | معتز تروتسكى | 05-01-06, 12:10 PM |
Re: دواس بس .. | عصام دهب | 05-02-06, 12:43 PM |
Re: دواس بس .. | عصام دهب | 05-02-06, 02:55 AM |
Re: دواس بس .. | ابوالقاسم ابراهيم الحاج | 05-02-06, 03:14 AM |
Re: دواس بس .. | عصام دهب | 05-02-06, 01:35 PM |
Re: دواس بس .. | عصام دهب | 05-03-06, 02:00 PM |
Re: دواس بس .. | قرشـــو | 05-04-06, 02:09 AM |
Re: دواس بس .. | عصام دهب | 05-06-06, 02:42 AM |
|
|
|