|
|
 دواس بس ..
|
و في الأخبار الواردة من أبوجا ..
أن المفاوضين غلبوا حيلة مع المحاربين ..
فالمحاربين جاءوا إلى هناك ..
و كل همهم إظهار الحكومة بمظهر ..
من يرفض الحوار و يسعى لإشعال الحرب ..
لكن الحكومة ..
كانت تفتيحة ..
و كانت شايلة مفاتيحها ..
فما أن عرض الوسطاء عرضهم ..
حتى تبسمت الحكومة ثم قالت يستر الله ..
و قبلت البيعة ..
فأسقط في يد المحاربين ..
إذ أن السيك في قبولهم .. جد حار ..
سقطت أوراق التوت ..
و بانت سوءات النضال ..
أعاقل من يترك كل هذا النعيم النضالي ..
و يتلظى في حمم السلام ؟؟
المحاربون في نعيم ..
أين السلام من كل هذه البهرجة ..
و الراحات ..
إذن لا بد من الخرخرة ..
و لا بد من التعجيز ..
فأنى للمناضلين أن يجدو أسايلماً..
في زمن السلام ..
تقول الطرف أن رجلاً حينما بلغت زوجته سن اليأس تزوج عليها بواحدة كانت جميلة إلى حد أبهر حتى الضرة نفسها .. و حيث أراد الرجل أن يؤكد على عدله بين ألأولى و الثانية .. فقد حاول إقناع الأولى ..
_ إن شاء الله يكون يوم ليك و يوم ليها !!
* لا .. لا .. ما عايزة ..
_ ( محاولاً إسترضائها ) طيب ياخي إنتي عارفاني أنا بحبك أكتر أهة يومين ليك و يوم واحد ليها ؟؟
** لا لا .. كدة ظلم برضو ما عايزة ..
ـ ( و قد نفذ صبره ) ياخي خلاص أنا الأسبوع كلو حأكون معاك و يوم واحد بس أكون مع التانية ..
** ( في خرخرة ظاهرة ) شوف دا .. أنتا قايلني عويرة .. برضو ما عايزة ..
ـ طيب عايزة شنو ..
** عايزة نتقاسمها( تقصد التانية ) عديل كدا .. أنا يوم و إنتا يوم ..
_ !!!!!!!! الليلة ووووب ..
و مع ذلك ..
فالمحاربين رفضوا أن يتقاسموها ..
و قالوها صراحة ..
دواس بس ..
و لا زال الليل طفلن يحبو ..
بالله يا جماعة الشباب القاعدين جمب الساوند ديل يتخارجوا ..
|
|
 
|
|
|
|
|
|
|
|
Re: دواس بس .. (Re: عصام دهب)
|
Quote: سقطت أوراق التوت ..
و بانت سوءات النضال ..
أعاقل من يترك كل هذا النعيم النضالي ..
و يتلظى في حمم السلام ؟؟ |
موش بالله
يا ود دهب كلامك دهب
بس مين يقدر يقول كدا
عشان يتهموه انو كوز وبن ستين كوز
| |
|
|
|
|
|
|
|
|
|
Re: دواس بس .. (Re: معتز تروتسكى)
|
كوماندري الرائع / تروتسكي ..
مبروك الحديدة .. و تربى في عزك كدا لحدى ما تكبر و تشوفهاهوفر ..
هاك دي ..
哈弗B3火辣上市
طبعاً الكلام وقع ليك ..
بس الجماعة ما يجو ناطين فيني و يقولوا الزول دا قاعد ينبذ فينا ..
عشان كدة الليلة بلاش :
http://www.gwm.com.cn
أهة قول لي رأيك شنو .. القائد عايز يجرب الحديدة الهوفر دي بس متردد ..
أحتاج لنصيحة ثورية ..
قبل إرتكاب هذه الهوفر ..
و ثقتي فيك يا كوماندري أنك لن تتردد في إسداء نصائحك و تسخيرها لدعم قائدك الخطير ..
تحياتي الثورية ..
| |
|
|
|
|
|
|
|
|
|
Re: دواس بس .. (Re: bayan)
|
Quote: بس مين يقدر يقول كدا
عشان يتهموه انو كوز وبن ستين كوز |
الفاضلة د. بيان ..
تحياتي ..
يقولوا كوز .. يقولوا هلالابي .. يقولوا أي حاجة .. أصلو ما مهم ..
خليهم يقولوا .. زي ما الناس يقولوا ..
المهم ..
العندو بخور أنشم .. و الفيهم أتعرفت ..
و الحمباكين ظهروا ..
بعد وزعوها ..
قال أيه ..
قالوا عايزين يدكوها ..
مالهم ؟؟
يمكن يكون ورقهم زايد !!
و لا ورقهم إنكشق ؟؟
عفواً يا دكتورة للملافظ ..
بس الشباب يستاهل أكتر ..
تحياتي ..
| |
|
|
|
|
|
|
|
|
|
Re: دواس بس .. (Re: عصام دهب)
|
الاستاذ: عصام دهب.
لك التحية .
يعنى معقولة عاد تقوم تلعب وتغش فى اللعب ولما نكشف عدم نزاهتك فى اللعب تقول علينا خرخرنا وكدا.
يعنى انت المحامى والعارف كل حاجة فى القانون وكدا؟.
يعنى انت محامى الحكومة العمايل البيعملها معانا دى حركات قانونية!!.
شوف بالله الناس دول غشوا الاتحاد الافريقى ذاتوا وقدموا ليه الورقة الحكومية على اساس انها ورقة ( مشروع مقترح الاتحاد الافريقى للسلام النهائى فى دارفور ) وكمان يا تقوموا توقعوها يا النقوم نحرش ليكم مجلس الامن والسلم الافريقى؟!.
هى!!؟.
الشغل دا لعب بقواعد فجأة إنقلب إلى نادى الحكومات والكبار .
وقال يزنقوا وليدات دارفور البناجيس الصغار دول ما ممكن نعاملهم بمستوى الحكومة ؟!.
هو نحن عندنا حاجة يا استاذ ما خسرناها علشان نخاف عليها تانى !!؟؟.
بس مرة تانية ارجع واقرأ مسودة المقترح وتعال قول لى فيها رأيك .
ولنا عودة.
| |
|
|
|
|
|
|
|
|
|
Re: دواس بس .. (Re: ابوالقاسم ابراهيم الحاج)
|
الأخ الفاضل / أبو القاسم إبراهيم الحاج
لك التحية .
| Quote: يعنى معقولة عاد تقوم تلعب وتغش فى اللعب ولما نكشف عدم نزاهتك فى اللعب تقول علينا خرخرنا وكدا. |
إذا كنت تعنيني بشخصي أو إنتمائي فأقول لك يا أخي أخطأت العنوان .. أنا لم ألعب معكم أو ضدكم .. ربما تكون شبهتني .. أو أخذتني بالشبهة .. ما فرقت .. الما بعرفك يجهلك .. أنا مجرد متابع و متفرج وقد لاحظت كما لا حظ كل العالم ( خرخرتكم ) و ما فضل ليكم إلا تدقوا الحكم و المتفرجين بعد .. على قول أهل نجد..
| Quote: يعنى انت محامى الحكومة العمايل البيعملها معانا دى حركات قانونية!!. |
و الله كتر خيرك حتة واحدة كدا عملتني نائب عام .. عشان كدا ما حأخذلك الحكومة دي ما شرعية و بتفاوض ناس لا يملكون الشرعية و بإعمال القاعدة القانونية فإن ما بني على باطل فهو باطل .. يعني إنتو و الحكومة حمام ميت.. لكن سميناها رضينا .. عشان خاطر عيون حلوين ..
| Quote: شوف بالله الناس دول غشوا الاتحاد الافريقى ذاتوا وقدموا ليه الورقة الحكومية على اساس انها ورقة ( مشروع مقترح الاتحاد الافريقى للسلام النهائى فى دارفور ) وكمان يا تقوموا توقعوها يا النقوم نحرش ليكم مجلس الامن والسلم الافريقى؟!. |
طيب الإتحاد الأفريقي دا لمن عوير كدا إنتو من الأول رضيتو بيهو ليه .. و لا شايفنو قاصر و عايزين تجيبوا ليهو ماما أمريكا وصي .. المحرش ما بشاكل يا أبو القاسم .. لكن النسويهو كريت في القرض بتلقى في جلدها و الإتحاد الأفريقي دا كان خياركم إنتو .. هسع بقيتو للحمبكة ..
| Quote: وقال يزنقوا وليدات دارفور البناجيس الصغار دول ما ممكن نعاملهم بمستوى الحكومة ؟!. |
يا أبو القاسم دارفور دي ما حقت زول واحد و لا قبيلة و لا إثنية واحدة .. دارفور دي وطن .. و لما يكون الكلام كلام وطن خلي الوليدات و البناجيس يلعبوا لعبهم .. و يتكلموا الناس الكبار العقلاء ..
| Quote: هو نحن عندنا حاجة يا استاذ ما خسرناها علشان نخاف عليها تانى !!؟؟. |
طيب يا أخوي لمن ما فارقة معاكم .. الخرخرة لزومها شنو ؟؟ الإختشوا ماتوا .. هسع من زمان لو عملتوا الشغلانة واضحة ( نائب رئيس و كم وزير ) كان في داعي للجهجهة دي .. يا ربي يدوكم رئيسين بس إن شاء الله تتفقوا .. B]
| Quote: بس مرة تانية ارجع واقرأ مسودة المقترح وتعال قول لى فيها رأيك . |
الشغلانة واضحة لا دايرة قراية و لا درس عصر .. هي لله .. هي لله .. لا للسلطة و لا للجاه .. الفيلم دا دخلناهو لما منتو جوة
يا ريت ..
| |
|
|
|
|
|
|
|
|
|
Re: دواس بس .. (Re: عصام دهب)
|
يا استاذ دهب
ما هو شوف اى حاجة تقولها الحكومة او توافق عليها الناس ديل ما عايزينها عشان ما يقولوا عليهم بعدين خشوا فى جناح الحكومة مع انهم اصلا طلعوا من جناح الحكومة ...
زى ما قلت كدى النشوف اخرتها حايرجعل الفرع للاصل ام يبقى يتيما يتسول الاخرين ؟؟؟؟؟
| |
|
|
|
|
|
|
| |
عصام دهب
bayan
معتز تروتسكى
ابوالقاسم ابراهيم الحاج
قرشـــو
فيس بوك
تويتر
انستقرام
يوتيوب
بنتيريست