انا والتـاريخ زمن كرونا - النوبــة مش مسالمين وشعب أمي

07:14 AM April, 10 2020 سودانيز اون لاين
HAIDER ALZAIN-
مكتبتى
رابط مختصر

(adsbygoogle = window.adsbygoogle || []).push({});ا

التحايا والمودة ..
في الحقيقة الموضوع جاب موضوع وحاجات نكتها المقريزي وشئ من الأوبئـة والتاريخ والقوة ..
المهم وقت كتبت ليـك انه صاحبي المحسي كانت بيشوف انه النوبة مسالمين اكتر من اللزوم والمسألة دي مخلياهو في نزاع داخلي ما تميت ليك القصة
وكنت ناوي الرجعة اكمل ليك باقي نقاشنا بعد تكمل كلامك ومقالك الجميـل عن اللغة النوبيـة ومفردات القذف فيـها فجاء حبيبنا بشاشا وشغل الرشاشة :)
وكلام بشاشا ما بناباهو بس الفيهو معروفة قرقرقر
المهم تذكرت بكلام بشاشا الموغل في - كوشنة النوبة - وتكويش النوبة علي حساب كل السودان مش السودان بس بل افريقيا والعالم وكمان الاديان ..
وقطعاً وبالتاكيد لا استطيع ولن يستطيع التاريـخ مغالطة بشاشا .. حبيت اول شئ اكمل قصة انه النوبة ما مسالمين ودا من واقع التاريـخ وان خلت مفرداتهم من لغة القذف والعنف.
وأهديك كتاب على سبيــل الرد على نظريـة بشاشا في سلبطته النوباوية في تاريـخ كوش .. وانت حر بعدين بعد تقراهو تتفاهم مع بشاشا :)

الكتاب هوتلخيص اواسمو تاريخ موجز لسودان وادي النيــل القديــم ..
تأليـف زميـل المنبر عبد الله شم ود. أنس بشيــر ..
دار المصورات 2019م

فيهو فصل - الثالث - بيتكلم عن الخلط الحاصل مابينحضارة كوش والنوبة بما ويرد على نظرية بشاشا


المهم عنوانك للتوصيل بواسطة فيدكس وإن شاء الله يجدك في هذه العطلة وكرونا على اتم صحة وعافية وفاضي تقرأ :)

مودتي

ــــــــــــــــــــــــــــــــــــــ..
مع تقديري للاخ علي عبدالوهاب الحبيب .. غيـرت عنوان الموضوع لسببين .
الاول تجنباً للحساسية ..
والثاني لإضافة كلمة شعب امي طلباً ورغبة في إستفزاز من ياتي لإثبات غير ذلك ويتحفنا بتدوين وكتابات للنوبة
او على أقل تقدير الرفد بـالمرويات والمافهات القديمة إن وجدت للاستزادة من تصور مجتمع او شعب بنشكل كلنا امتداد وموروث له
ومسالة الشعب أمي - اغلب السودان - دي حاتكون نقطة حا اضيفها لي قدام.
اعتذاري للأخ علي في وضع اسمه بالعنوان ومرة اخرى لتغيير العنوان..
لكن زي ما تكلمنا في التلفون ما تكون ونسة شخصية ..وافضل نوسع الماعون
محبتي وسعيد انت السمعت صوتي :)
تحياتي

نرجع للنوبة كحضارة ودولة في التاريخ المحقق تقريباً ورد ذكرهم مابعد ظهور المسيحية والممالك المسيحية في السودان ..
قبل التاريخ ذكروا كعرق وقبيلة غرب النيــل حوالي ميتين سنة قبل الميلاد ..
تواتر بعد التاريـخ دا ذكرهم بلفظ النوبة في اغلب كتابات من ذكر شمال السودان ..
الكتاب السابق بيستند على الفصل ما بين النوبة وشعب كوش .. ودي قصة تانية
البيتعلق بكلامي انه المثبت بما لايخضع للجدال النوبة للآن عمرهم 2220 سنة
عاصروا اثناءها ممالك اكبر واكثر واضخم من مملكتهم وكانت ممالك توسعية
وتعتمد في توسعها وفتوحاتها على إرث ثقافي وديني يبرر عدوانها ..
فشلت في إخضاعهم وظل على الدوام ذكر النوبة عند المؤرخين المعاصرين للأحداث بالقوة والمنعة
والسلب والنهب والغارات على أراضي جيرانهم وفرض الأتوات مع فشل حملات غزوهم وكفهم ..
بالتأكيد الحكم والتعميم أعلاه ناقص لانه بيرتبط بجيران النوبة وممالكهم في مصر او القيروان ودون الإطلاع على علاقتهم الحدودية في الجنوب والجنوب الغربي ..
- وبالنسبة لي ماوصلت للقراءة عن المملك العاصرت النوبة في وسط وغرب افريقيا - ودا عيب بيخليك تعتمد على المدوينين المعاصرين من غيرك ، ما علينا
النقطة هي :
عشت كل السنوات دي دون خضوع وإبتزاز بقوة ومنعة - ودا بيتطلب وحدة داخليـة تجمعهم - ديـن او دم !
مارست غزو وشنيت غارات ووقفت في وجه عدوان خارجي - بتطلب قوة وروح قتاليـة ومعنوية وحشد إعلامي -
دا في الإطار النظري ..
طيب الوحدة الداخلية والبتجمع النوبة مفهومة في إطار دين الممالك المسيحية ولحمة القبليـة.
الروح القتاليـة والحشد ولغة بث الروح القتالية بتستوجب بالأساس عداوة الآخر وذمهم وتقليل شأنهم والتعنصر عليه
بالتركيز على مثالبه ..
فكيـف مثلاً اذا سلمنا بتاريخ النوبة بصورة عامة كما قلت اعلاه - رغم اختزاله وقصوره - تكون اللغة لا تحتفظ او تكثر بها مفردات عنصرية ؟!
او بمعنى آخــر هل كانت اللغة مختلفة زي ما بيقول مؤلفو الكتاب اعلاه في الفصل الخامس ..

في نقطة قاعد تتذكر دائما عن علاقة العرب بالنوبة والسودان زمن عبدالله بن ابي السرح
ودا حقيقة ما صاح نهائي ..
لانه بعد اتفاقيـة البقط التجاريـة - لم يحدث تواصل او سلام بين النوبة والعرب
وعاد النوبة لعزلتهم وشن الغارت على ممالك المصريين بمختلف انواعها ..
أول خضوع للنوبة وتسليمهم بشروط ووجود قوات اجنبية على أراضيهم كان زمن الظاهر بيبرس قبل 600 سنة ..!
والسبب الاساسي في كدة كان غاراتهم الوصلت لغاية الاقصر ومابعدها عند انشغالهم بحرب المغول والصليبيين..
ورغم انه سواكن وسواحل ارتريا كانت ممالك اسلامية قبل دخول بيبرس الظاهر النوبة وقبل وجود المماليك لكن مافي علاقة بينهم النوبة وتلك الممالك .
ولم يخضع النوبة لغيرهم ابداً الا بداية فترة غزو عيزانا للسودان ولجزية سنة واحدة بس .

سلام يا ولدنا
موضوع في غاية الروعة اتمنى تسهب فيه اكثر
تذكرت كبير رطانة المنبر الباشمهندس ابوبكر سيداحمد اكثر من اثرى البورد عن تاريخ وثقافة النوبة
له الف تحية ..

تحياتي يا حنين
وياسلام ياخ جبت سيرة وصورة زول جميل ومن امتع من شارك هنا علماً ومعرفة ..
له التحية استاذنا الباشمهندس ابوبكر سيد احمد ..
حقيقة مافي اضافات كتيرة الا باثراء النقاش من هواة التاريـخ والعارفن..
كرونا والعزلة .. نفضت كم كتاب قديم كدة دفعت الزمن للتاريخ اكتر ووجهوا بوست العزيز علي عبدالوهاب للتفكير ..
قريت لبشاشا مسبقاً نظريتهم عن الأصل الكوشي .. بالنسبة لي ما مقنعة لشواهد من التاريخ المدون في اكثر من مصدر في مقابل كلام بشاشا المرسل على اطلاقه دون تحقيق مصدر..
مسألة اني ارفض روايات وكتابات المؤرخين والمعاصرين إنطلاقاً من نظرية التآمـر دون أي بديـل غيـر القراءة الخاصة المفتقرة للأساس العلمي وتضخيم الذات لدرجة التأثير على الأديان
والامم ..بل والعرق البشري كله بعتبره طموح ازيد من اللزوم.
لكن بيخلق عندي سؤال اجهل إجابته .. عن التدوين عند النوبة من بداية الميلاد وحتى العصور الوسطى ..
الاستقرار موجود .. اللغة موجودة .. الدين موجود..
هل في كتابة مدونة وممنهجة في افرع من فروع العلوم ؟
لانه تدوين التاريخ اتعرفت فيما سبق ظهور اسم النوبة في التاريـخ .. وعاصروا المسلمين والعرب حين تدوين وكتابة التاريخ بصورة مبوبة ومفصلة .

في واحده من مداخلاتك هنا علمت بي صداقتك
لي يونس ود دكيم .. وهو قطعا يونس ود أبوي
موسي محمد نور وهو كوشي الأصلي وامنا مدينه
الجعلية المنسوبه للمك نمر ربنا يتولاها برحمته ...
في الحقيقيه اولا اصابني الإحباط لانو اخونا الصغير
يونس نزل الي مستوى هذا العريبي الذي لا يفقه
شياءا" وهو ذلك الأديب الاريب منذ الصغر ... وكنت
سابقا لم أقرأ لك كثيرا ... المهم بعد اطلاعي علي كم
بوست مؤخرا ومن ضمنها بوست جقود الذي وضعته
بكل ذلك اللسان الطويل داخل فيتيل (تصغير فتيل)
صغير بدأت اهتم بما تكتب سابقا وحاليا ... حيث
اقتنعت بأنك فايت حاج العوض بي سته شهور
ضوءيات مع المتعه عند ناصية الكتابة ....
كيف حالك ود الزين والسلام موصول لي يونس ...

متابعين

حبيبنا حيدر .. تحياتي الحبيب
يا سلام عم علي التربال بقى فوق الشهرة
البوست الرابع بإسمي في المنبر ..
=====================
الحبيب حيدر ورد في مداخلتك :
(( اول شئ اكمل قصة انه النوبة ما مسالمين ودا من
واقع التاريـخ وان خلت مفرداتهم من لغة القذف والعنف.
الكتاب هو تلخيص او اسمو تاريخ موجز لسودان وادي النيــل القديــم ..
تأليـف زميـل المنبر عبد الله شم ود. أنس بشيــر ..))

نعم لم يكن النوبة مسالمين أبداً امتدت فتوحاتهم حتى أورشليم لا يمكن
لدولة في ذلك الزمان ان تعيش بدون عدوانية وعنف .. واحيانا يومنا هذا
لحقت بهم الهزيمة في الفتح الاسلامي وكانت اتفاقية البقط .. ولكن منذ ذلك التاريخ
تأكدوا ان السلم هو الافضل ..
=========================
((( كان غاراتهم الوصلت لغاية الاقصر ومابعدها عند انشغالهم بحرب المغول والصليبيين..)))

نعم كل شيء وارد غارات قتال .. ولكن بعد معركة رماة الحدق .. جنحوا للسلم لأن كل حروب
الأرض لها نهاية .. نتيجة حتمية
أنا تطرقت للغة والسلوك السائد في المنطقة وقلة نسبة الجرائم .. فقط
أما التاريخ والجدال الدائرة ما بين الكوشية وا لنوبية
هؤلاء حصري على الباحثين والمتخصصين في هذا المجال ومنهم
عبدالله ودشم وقدمت سمعت له في زيارة لمنطقتنا بل في قريتنا الدفوفة حضارة كرمة
ديل ناس مختصصين

تماماً أنا متفق معك .. لم يكونوا مسالمين
و لكن ملاحظتى جاءت فقط قلة نسبة الجرائم عندنا
حتى عكاكيز وسكاكين .. وجرائم القتل نادرة جداً
حتى الفتح التركي كانت مواجهة بسيطة لا تذكر في منطقة سكوت بعد حلفا
وفي المهدية في منطقة حفير مشو كان معسكر يونس ودالدكيم ومجاعة سنة ستة
الناس هجروا قراهم إلى الجزر مستغلين عدم معرفة الانصار بفنون الملاحة والسباحة
والمراكب .. الى اليوم هناك نكتة بيننا وبين اهلنا الشايقية بأننا سمحنا بالاتراك المروصر
وهم من قابلوا الاتراك ..
الحبيب حيدر كلامك صحيح 100% وأنا متفق معك تماما
ولكني تحدثت عن الواقع الحالي أو موت جماعي لدينا
بعد الحروب القديمة كانت من الكيزان اطلقوا النار على
شباب صغار كانوا في مظاهرة ضد سد كجبار .. واتمنى ان يكون الاخير

أما حديثك عن كوش والنوبة .. موضوع يحتاج إلى تخصص ودراسة وبحوث
تركيز وحضور ذهنى حتى لو بدأت اليوم العمر ما يكفي

أكرر الحبيب حيدر .. كلامي ملاحظة في المجتمع حولي .. ويمكن
ان يتغير يوما .. ليس بحث علمي

تحياتي الموضوع الكوشي النوبي ده تخصص بشاشا

لا أعرف السطور تتداخل في مداخلتي لكن مفهومة

هناك في بوست علاء باسمي أيضاً .. فيه غناء وطرب نوبي جميل
اذكرني ايام القعدات والدكاي .. سوف أرجع ان شاء الله

البوست كان مفروض باسم الكوشي بشاشا
وأدين لك بالمحبة والتقدير لاختيارك لموضوعي

Quote: فكيـف مثلاً اذا سلمنا بتاريخ النوبة بصورة عامة كما قلت اعلاه - رغم اختزاله وقصوره - تكون اللغة لا تحتفظ او تكثر بها مفردات عنصرية ؟!

دي خلاصة الموضوع.
عايزين البينة علي هذا الإدعاء.

الحبيب حيدر
لا قداسة لأحد
حتى قرأت مرة ان بعض أهلنا كان لهم باع في تجارة الرقيق
======
كلامي كان عن قلة السرقات ، والقتل ، والضرب .. الخ
لأن عندنا قانون العيب أذا ارتكب شخص أي ممارسة معيبة
تكون وصمة في حياته وحياة ابنائه واحفاده ( مثلا : امشي انت ابوك كان حرامي )
وذلك ربما لقلة الغرباء في القرى وخاصة الجزر عبارة عن سواقي ورثة منذ مئات السنين
والزواج من نفس النطاق

اليوم هناك تغيير حتمي يحدث في المنطقة خاصة بعد الظلط من امدرمان إلى حلفا
زمان السفر كان موت .. أما اليوم كمان ما ننسى الدهابة من كل الوطن الحبيب ..

دي صورة عن المنطقة ..

عشان البوست بإسمي قلت اعمل فيها عبدالله الطيب رحمه الله

كيف اللغة العامية .. عربي دنقلا

الحبيب حيدر ..
انا عملت الى الان خمسة ردود
سوف احضر لاحقا ان شاء الله

مودتي .. الحبيب

حبيبنا علي تحياتي.
لغتك العربية لغة زول متمكن.

الحبيب علي عبدالوهاب ..
البوست اصلاً ما عشان تنافح عن قولك او فكرتك او إثبات عنصرية للنوبة ..
لا والله البوست اول شئ فكرته كانت ارسل ليك ماسنجر اسألك عنوانك عشان ارسل الكتاب الذكرتو ليك .. كتاب صغير ومختصر لكن حقيقة مفيد
فيالتبويب وذكر المصادر وتحديدها والمصادر دي كنز لي عشان بتديك اقتراحات لقراءات متعددة وبثقة حول موضوع محدد..
بعدين عدم الشغلة بيفليَك القمل . قلت ارسل ليك الكتاب واطرح تساؤلاتي دي بصورة عامة وفي عشاق تاريخ او من لهم باع ممكن يفيدوا بما يظن..
أما بشاشا هداه الله طول عامل لينا لوثة وخوتة بكوشنتو للكل .. وحقيقة اخترت العنوان عشان تكون كتابة رايقة وحنينة زيك كدة
وأبعد من بشاشا وعفيصو الما بيتصاقع :)

فتحياتي لمن ارجع بالتحية لعارف ولود الزبيــر ود التوم برد يونس الدكيم الطويل والمرهق ..


.

او إثبات عنصرية للنوبة

==============
مافي في الدنيا أي تجمع خالي من العنصرية أبدا
حتى مجلس الصحابة (( سيدنا بلال وأبو ذر ))
في عنوان البوست تبعي أنا اشرت بأن كلامي هذا ما عنصري
أنا قصدي اللغة خالية من الشتائم
بس ده كان غرضي

تحياتي يا جميل .. مودتي التي تعلم

سلامات حيدر وزوارة الأكارم ..
عارف يا حيد أظن مافي منطقة جغرافية في العالم تعددت مسميات حقبها التاريخية زي وادي النيل الأعلى حتى تاريخها الحديث ..
سواء كان عن قصد أو بدون ..
ابتداءا من كوش ثم نبتة ثم اثيوبيا ثم مروى ثم النوبة بمسمياتهم الثلاثة نوباتا ومقوريا والودا ..
ثم السلطنة الزرقاء ، مملكة الفونج مشيخة العبدلاب مملكة سنار ..
كل المسميات دي لتاريخ منطقة جغرافية واحدة ؟
وكأن المنطقة دي بتم افراغها من سكانها واحضار آخرين !!
اسم النوبة اول من عممه هو عيزانا في نقشه بعد هزيمتهم في مروي ..
الغريبة عيزنا بقول في نقشه بانه هو حاكم كوش ( كوس) ..
اسم كوش في تقديري بعني النسبة إلى الاصل كما ورد في الرويات اليهودية كوش بن حام ..
وهو كأصل تنتمي إليه كافة العرقيات في أفريقيا ..
بعض المصادر بتقول فعلا النوبة انتقلوا الي النيل من الغرب ..
ولكن هذه المصادر لا تربط بين هؤلاء العائدين الي النيل وبين اسلفائهم ..
أولئك الذين عمروا المنطقة ومارسوا فيها الرعي عندما كان مناخها رطبا ..
وهجروها غربا عندما تحول المناخ ..
قبل أن يشق النيل طريقة بين الغابات والحشائيش الكثيفة ..
ويصل هذا الجزء الذي انحسر عنه المناخ الرطب ..
ايضا في مصادر غير نقش عيزانا..
قالت بان النوبة كانوا يشغلون وظائف مهمة في نظمام السلطة في مروي ..
وبعد سقوط القيادة الهرمية دانت لهم السلطة ..
الخلاصة النوبة والبجا وكل من عاش في شمال وشرق وغرب افريقيا بما فيهم الحبش منسوبين لكوش ..
وتغليب اسم النوبة وشيوعه في التاريخ المعاصر..
سببه في تقديري المصادر العربية المتاخرة بعد فتح مصر..
ولا يعني بانهم شعب من الغرباء.

Quote: نقش عيزانا: "أنا ملك الملوك عيزانا ابن ‘Ella و ‘Amida مواطن Halen ملك آكسوم وحمير وريدان وSaha وSalhen وSeyamo و البجة وKasu [كوش]. حاربت النوبا [Noba] لأنهم ثاروا وتباهوا بذلك، وقالوا إن الأكسوميين لن يعبروا نهر تكازى [نهر عطبرة]، ولأنهم كرروا الهجوم علىMangurto والخاسا والباري [منطقة كسلا الحالية] وعلى السود [قصد بهم سكان جزيرة مروي الوسطى] والحمر [قصد بهم سكان شمال مروي]. لقد حنث النوبا عن قسمهم مرتين وثلاث، وقتلوا جيرانهم بدون رحمة ، وهاجموا المبعوثين الذين أرسلتهم للتحقيق معهم بخصوص غاراتهم وسرقوهم وجردوهم من ممتلكاتهم. وقد حذرتهم لكنهم رفضوا الانصياع وتَرْك أعمالهم الشريرة وتهيأوا للحرب. فحاربتهم علي نهر تكازى عند مخاضة Kemalke فلم يصمدوا وفروا، وطاردتهم 23 يوما قتلت بعضهم وأسرت البعض الآخر، وأحرقت مدنهم المشيدة بالقصب والمشيدة بالطوب، وأخذت طعامهم ونحاسهم وحديدهم، وحطمت التماثيل في معابدهم وخربت مخازنهم وقُطْنهم وألقيت بكل ذلك في Seda[النيل]. ثم أتيت إلى Kasu وخضت معركة وأخذت أسرى عند إلتقاء نهري تكازى وسيدا. وفي اليوم التالي أرسلت جيش Damawa وPalha وSera للإغارة على القطر والمدن المشيدة بالطوب والقصب، المدن المشيدة بالطوب هي مدن علوة وDaro [ربما الكدرو الحالية]. ثم بعد ذلك أرسلت جيش Halen و Lakenفي مجرى سيدا الأدنى لمحاربة المدن الأربعة المشيدة بالقصب... والمدن المشيدة الطوب والتي أخذها النوبا هي Tabito وFertoti. ووصل جيشي إلي حدود النوبا الحمر وهزموهم بعون الإله ورجعوا بسلام، وعينت حاكما على ذلك القطر عند ملتقى نهر سيدا وتكازى." ///////////////////////////// ترجمة أخرى نص نقش عيزانا1. بقوة سيد السموات الذى حقق النصر في السماء وعلى الأرض ضد (كافة) المخلوقات عيزانا بن على أميدا، بسخالينا، نجاشي أكسوم، و حاكم حمير. وريدان وسبأ وصالحين، و حاكم سيامو و البجة وكاسو، نجاشي النجوش، ابن على أميدا غير المهزوم أمام الأعداء. بقوة سيد السموات الذى وهبني السيادة على الجميع، جاعلاً منى محبوباً لديه الملك غير المهزوم أمام الأعداء. لا يقف في وجهي عدو، ولا يطاردني عدو من ظهري بقوة سيد الجميع هجمت على النوبا حين أشهر أهلها الحرب وتفاخروا قائلين: لن يجتاز التكازى . أهل النوبا. أساءوا معاملة أهالي مانجورتو والخاسا والباريا، على الزرق هجموا وعلى الحمر هجموا، وخنثوا بعهدهم مرتين وثلاث وقاموا مرة أخرى بقتل جيرانهم بلا رحمة، دع عنك سفيرنا وكل من ذهب من طرفنا وكل من أرسلته لهم لإعادتهم للانصياع، فإنهم سلبوهم ونهبوا ممتلكاتهم وسرقوا منهم صولجاناتهم، وحين راسلتهم مرة أخرى فإنهم لم يصغوا إلىَّ ورفضوا العدول عن أفعالهم وتمادوا يراوغون و يمارسون الشرور. حينها هجمت عليهم. شرعت في حملة بقوة سيد الأرض، وتعاركت معهم عند نهر التكازى ومخاضة كيمالكى حتى لاذوا بالفرار و ما توقفوا. تعقبت الفارين على مدى عشرين يوماً وثلاث فقتلت وأسرت واستوليت على الغنائم والأسرى الذين جلبتهم قواتي التى نفذت الهجوم. حينها حرقت مدنه، تلك المشيدة بالحجر وتلك المشيدة بالتبن. ونهبت (القوات) حبوبهم وفضتهم وحديدهم ولحمهم المقدد، ودمرت رسوم معابدهم ومخازن حبوبهم وقطنهم، ورموا أنفسهم في نهر سيدا ومات الكثيرون منهم غرقاً،أعدادهم غير معروفة،عندها صعدت قواتي إلى داخل مراكبهم المليئة بالناس رجالاً ونساءً. أخذت في الأسر زعيمين كانا قد وصلا على ظهري جمليهما للتجسس واسميهما اييّساكا وبوتإلى، كذلك أسرت إنجا بنتسا الكبير. أولئك الذين لقوا حتفهم من الزعماء . دانوكفي، وداجإلى، وأناكفي، وحبارى، وكاركارا، وجرح كاهنهم بداية و نزع عنه تاجه الفضي وخاتمه الذهبي. وأولئك هم الزعماء الذين لقوا حتفهم، ووصلت إلى إقليم كاسو وقتلت منهم وأسرت عند ملتقى نهري سيدا والتكازى. في اليوم الثاني بعد وصولي (إلى هنا) أرسلت كتائبي: كتيبة ماحازا، وكتيبة حارا، وداماو، وفلاح، وسيرا إلى أعإلى سيدا حيث المدن المشيدة بالحجر وتلك المشيدة بالتبن. وتسمى مدنه المشيدة بالحجر علوة و دارو. وقتلت (القوات) وأسرت ورمت في الماء ورجعت بدون خسائر أصابتها بعد أن أدخلت الرعب في قلوب الأعداء و أخضعتهم لارادة سيد الأرض. بعد ذلك أرسلت كتيبة خالين، وكتيبة لاكن، وكتيبة صابرات، وفلاح، وسيرا إلى أسفل سيدا إلى مدن النوبا المشيدة بالتبن: نجفس، وإلى المدن المشيدة بالحجر والتابعة للكاسو لكن النوبا سلختها عنهم وهي تابيتو وفيرتوتى. ووصلت القوات إلى مناطق خاضعة للنوبا الحمر، ورجعت قواتي بدون خسائر آخذة في الأسر بعد أن قتلت وسبت مواشيهم بقوة سيد السموات. ونصبت عرشاً في موضع ملتقى نهرى سيدا و التكازى ضد المدن من الحجر التى هي في هذه الجزيرة. كل ما وهبني إياه. سيد السموات: 214 أسرى من الرجال، و415 أسرى من النساء، كل ذلك كان 629 و الرجال الذين قتلوا 602، والنساء اللآئى قتلن والاطفال 156 كل ذلك كان 700 و 58، وكان الأسرى والقتلى 1378، و كانت الغنائم من الأبقار 10.500، و60، و من الضان 51.500. ونصبت عرشاً هنا في شادو 45، بقوة سيد السموات الذى وهبني المساعدة و حباني بالملوكية. منقول من بوست هنا: http://www.sudanyat.org/vb/showthread.php؟t=23460http://www.sudanyat.org/vb/showthread.php؟t=23460

الحبيب حيدر .. تحياتي
حضر الملك الحبيب .. ومداخلاته الدسمة والمفيدة

ليته يواصل
لتعم الفائدة ..

حيدر
اميرة النوبية بتشكرك على البوست المفيد على حد تعبيرها وانها متابعة الموضوع
وتقول ليك ان اللغة النوبية فعلا مفردات السب والقذف فيها قليلة جدا ،ولكن النوبيين
اشداء على الاعداء ،اعداء الدولة ،رحماء بينهم ،،،

Quote: أنا قصدي اللغة خالية من الشتائم بس ده كان غرضي

حبيبنا علي امبس.
إلا تعتبر مفردة العنصرية شتيمة

الحبيب عارف .. تحياتي
أنا لم اقل كذلك .. العنصرية اكبر من الشتيمة بل هي جريمة
وليست هناك لغة أو حتى بني آدم خالي من العنصرية كل يتعالى
على من دونه .. أنا قلت مفردات الشتم قليلة ..
ولم أدين العربية لأن لغة مفرداتها بالملايين وهي لغة متكاملة لا مثيل لها في الكون
يكفي أنها لغة القرآن ..
اعترف أن اللغة النوبية بها مفردات ترمز للعنصرية أنا لم أقل خالية (قليلة)
في بعض الناس حتى اتهموا القرآن بالعنصرية ( استغفرالله )

تحياتي عارف .. يبدو أننا سوف نخرج من مسار البوست

الحبيب عارف .. تحياتي
الظاهر عشان انك انت مقيم في امريكا بلد القوانين
والمؤسسات تدقق على أي كلام عابر .. نحن هنا في المجتمعات
المتخلفة الكثير من الناس
مرات بدون قصد تحرش أو عنصرية أو غيرها
لأن ليس هناك رادع ..
ومعظم الاخطاء تأتي بحسن نية .. ونحن في الخليج اكثر ناس
معرضين للعنصرية .. حتى بقت حاجة عادية وبدون اي حساسية
زمان أنا واحد يقول لي يا ( زول ) كنت اموت من الغيظ

مودتي الحبيب .. خلي البوست نوبة كوش

Quote: يونس ود دكيم .. وهو قطعا يونس ود أبوي موسي محمد نور وهو كوشي الأصلي وامنا مدينه الجعلية المنسوبه للمك نمر ربنا يتولاها برحمته ...

كتب يونس الدكيم بعد - وريتو درب المنبر وقرأ مداخلتك لك التحية والتقدير كما يلي :


قدوتنا كانوا رجالاً .. وتربينا تحت اعينهم

الباشمهندس / صلاح الزبيــر التوم ...
لولاكم ما كنا ، ولولا الشهامة التي كنا نراها فيكم ما كنا ، يالها من ايام مترعة بالمحبة الصافية .
كنا بيوتاً تتلاصق ، ولكنها مثل الجسد ، أجيال تتوكأ على أجيال ، قيم تقود إلي قيم.
كنا أولاد الكادحيـن نملأ الشوارع بالشموخ، كان الأباء قامات ، كنتم انتم ،اولاد الزبيـر أولاد موسى، أولاد عثمان
كانت الأمهات ، كان الحنان ، كان الكرم .
ياله من تاريخ مترع بالنجاح ، والكرامة والشمم ، تلك الحياة قصة كفاح لم تكتب بعد ، ومن يجرؤ ، هي قصة خي ليس مثل كل الأحياء .
قصة بيوت ليس مثل كل البيـوت ، كانوا الأباء الأنبياء وكانت الأمهات من سلالات الآلهة ، أما الأخوات هذا ما لايمكن وصفه .
كنتم انتم الجيل البكور وتربينا تحت أعينكم ولا يسعنا الا ان نفتخر.
الحي الشعبية بحري - جيل التأسيس - جيل ناجح كله
تحياتي ود الزبير .. تحياتي أولاد ابونا الزبيــر.
يونس موسى محمد نور
اللقب ( الدكيم ) .. أولاد موسى
الجمعة 10 ابريل 2020م




إنتهى التقل بالشولة .. التعليق لاحقاً .. :)

Quote: الحبيب عارف .. تحياتي الظاهر عشان انك انت مقيم في امريكا بلد القوانين والمؤسسات تدقق على أي كلام عابر..

علي امبس.
علي بعد ساعتين منك في مدينة الطائف.
البوست عن المفردات العنصرية شنو كمان نخليهو نوبة وكوشية.

لم تجب علي سؤالي.
إلا تعتبر المفردة العنصرية شتيمة.

بالله الحبيت انت في الطائف
من اهلنا اكثر خمسين واحد (القصور) ودائماً ما نحضر هناك
نعم شتيمة واللغة النوبية فيها عنصرية والعنصرية شتيمة وبما ان الوضع
كذلك تكون اللغة النوبية فيها شتائم ربما قراءتي كانت قاصرة وجل من لا يخطأ
وخير الخطاءون التوابون .. لقد أخطأت في قراءتي للغة النوبية
والآن صححت وضعي نعم بها مفردات شتائم ولم أدرك هذا الأمر إلا بعد
كلمة عنصرية ..
عفوا لهذا الخطأ .. حتى لا ندور في دائرة مغلقة ..
طبعاً بعد الاعتراف بالخطأ ما في نقاش .. خلاص يصدر الحكم

تحياتي الحبيب .. نعم خطأ وادركته تماماً ولن أكرره بارك الله عرض لك
أخطاءك شكر كثير كثير ..

يا عارف
استاذنا علي جاوب على سؤالك وقال ليك أن المفردة العنصرية أكبر من الشتيمة بل هي
جريمة ....
وبعدين كمان ما تحكها كده لغاية ما تجيب الدم وتفتل البوست وخلي البوست كوشي نوبي
ولا هسع ننادي ليك بشاشا ههههههههه

بوست ضد الكورونا ام فورتن ألف وضد الsocial distancing برضو
حاجزين

شلوم ياحيدر او مشتاغ ون...

وقسما بامون مصيبتنا في السودان المازال مصري انجليزي، مصائب!!

ياعزيزي قنا اي انسان اسود اين ماوجد في قارات العالم، نـــــــــوبي، دعك من افريقيا، او حتي السودان!!

المعيار هنا، هو الثقافة، وليس لون الاضان او الجغرافيا!

ياعزيزي ماعندك ادني فكرة عشان زي كلامي ده، قبليي المحس تحديدا، مسحو بي الارض قدر شنو، حتي خارج المنبر!

ولكن الان قامو صوف!

اذن ياعزيزي، للاسف انتا زاتك منطلقاتك في البوست ده، قبلية، صرفة والمصيبة الكبري هنا!!

خصمتكم بامون تطلعو من خبوب الوعي والفرذ القبلي، اللي لاعلاقة له، بارثنا الكان روحي خالص لوجه امون رع، اي "امين" كما نتلو في سورة الفاتحة!

اذن لاعلاقة لبشاشا من قريب او بعيد بهكذا فهم قبلي متخلف، وافد واجنبي لي ارثنا الحضاري.

زي ماقتا، الفهم ده نتاج طبيعي لي طرح مدرسة الاحتلال الثنائي اللي صاغ السودان الحالي والوعي المدمر السائد فيهو للاسف الشديد!

نعم الخواجات بي خبث كالعهد بهم نفخو في كير هكذا خبوب وعي قبلي انتهي بحصر من يسمونهم "نوبة" في المحس اولا، ثم الحلفاويين، وربما الدناقلة!!!
ليه ربما الدناقلة؟

لعداءم الشديد للمهدية، والمهدي ك"دنقلاوي"!!

اذن هذا خبث استعماري، للاسف ياحيدر انتو بترمرمو فيهو، كرد فعل اعترف، لي شطحي غلاة قبلي المحس، في السودان او في الكنبر ده!!

ياعزيزي اخوك عارف بقول في شنو، لاني كان لي الشرف بالمشاركة في تاسيس هذا الحراك الكوشي، علي علاتو، منذ 1979م، بجامعة الخرطوم!

نعم كنتا سكرتير اللجنة الثقافية لاسبوع التراث النوبي في الثمانينات، اللي كان اعترف، حصري اي خاص بالمحس اولا، ثم الحلفاويين ثم الدناقلة!!

فالعزيز عبدالله شم للاسف كلامو او طرحو كلو، شغل رد فعل لي قبيلة غلاة قبليي المحس بزعامة البروف صديقي اعترف واستاذي، عثمان محمد صالح عميد كلية الاثار في زمنا في الثمانينات وزعيم هذا الحراك او مؤسسو، له التحية رغم انف السوالب!

اذن كلامك عن طرح بشاشا، غريب شوية!

النوبة الجد جد، وانا اسف لاستخدام لغة كهذه، في السودان، هم اهلنا نوبة الجبال، وليس اي محسي، دنقلاوي، او حلفاوي!

بمعني، احنا في الشمال قمنا صوف من مفردة "نوبي" وادعينا كما بقية اهلنا، اصل عربي، والكلام ده لحدي الثمانينات!!

لهذا كبارنا الي اليوم مابعرفو مامعني كلمة "نوبة" لانها ارتبطت في وعيهم ب"العبيد"!!

زي ماحكيت كتير انا سمعتها اي كلمة "نوبي" اول مرة في حياتي، ك"شتيمة" وجهت لي حبوبتي وانا طفل!

لهذا اهلنا في الجبال هم الانكوو او دفعو ثمن فادح جدا جدا، لتبعات حمل هذا الاسم عبر القرون، لانهم بالفعل في العصر النوبي اللي تلي العصر الكوشي، كانو بمثلو الطبقة الحاكمة للدولة النوبية البتمثل اخر مرحلة وعصر كوشي سوداني في تاريخنا.

نعم ورغم انف الثمن الفادح الدفعوهو اهلنا نوبة الجبال، للحفاظ علي هذا الارث، الان الذينا اللقوها باردة، قامو هابرين بالارث ده او حصريا، يا للنكتة من دون مايدفعو فلس كثمن للحفاظ علي هكذا ارث الان قاشرين بيهو بلا خجلة، او كمان حصريا!!!

المرحلة دي انتهت بسقوط عرش كوش/نوبيا في دنقلا!

اذن ياعزيزي خصمتك تطلع من خبوب هكذا وعي قبلي، وافد اجنبي!!

سلامات حبيبنا عارف ..
المسألة زي ماسبق كلامي لعلي ما اثبات او مدافعة او توضيح لعنصرية او شتم هي سؤال وتساؤل بدر لبالي في اطار اللغة
لحضارة أو مجموعة في حالة حرب ودافعة لازيد من ألف وخمسمائة عام بالميت على المؤكد .. غيـر التاريـخ المشترك والمعاصر والمشتر مع كوش.
لا تشكيك او نفي لكلام الاخوة النوبة الهم ادري بلغتهم في قولهم بقلة وندرة ( المفردات العنصرية والنبذ ) في اللغة النوبيـة .. السؤال هو ليييه ؟
مسألة انك ترجعها لمسالمة المجتمع او الطبيعة المسألمة للنوبة ما أظنها بتظبط مع سيرتهم ..!
الاستاذ علي عبدالوهاب قال للجنوح نحو المسالمة بعد الخضوع وبداية طغيان دول اخرى ..
وفيهو نظر .. لانه استسلام مجتمع ممكن يكسر شوكة سيفه وقوة سنانه وحربه لكن ما اظن ممكن يكسر اللغة ويحطم المفردات ..
أهو عندك العرب .. تسيدهم عواصم ممالكهم الفرس والاتراك وخضعوا للعثمانيين في نفس فترة خضوع النوبة ..ولغتهم ومجتمعاتهم ما شاءالله
مش نست العنصرية زايدة فيها زيادة في كل يوم مفردة ومصطلح ..

مداخلة مكررة

بالله الحبيب انت في الطائف
من اهلنا اكثر خمسين واحد (القصور) ودائماً ما نحضر هناك
نعم شتيمة واللغة النوبية فيها عنصرية والعنصرية شتيمة وبما ان الوضع
كذلك تكون اللغة النوبية فيها شتائم ربما قراءتي كانت قاصرة وجل من لا يخطأ
وخير الخطاءون التوابون .. لقد أخطأت في قراءتي للغة النوبية
والآن صححت وضعي نعم بها مفردات شتائم ولم أدرك هذا الأمر إلا بعد
كلمة عنصرية ..
عفوا لهذا الخطأ .. حتى لا ندور في دائرة مغلقة ..
طبعاً بعد الاعتراف بالخطأ ما في نقاش .. خلاص يصدر الحكم

تحياتي الحبيب .. نعم خطأ وادركته تماماً ولن أكرره بارك الله من عرض لك
أخطاءك شكر كثير كثير ..

عشان اوضح حاجة وإحتمال كلامي سبب او بيسبب خلط في قصور كتابة المراد ..عندما اتكلم عن العنصرية الواجبة للتجييش ورفع الروح المعنوية والتحشيد للقتال .. فالمقصود بيها اللغة البستخدمها انا كمقاتل وقائد لوصف الآخـر العدو بالانتقاص من أخلاقه وتقليل قيمته وعرقه وعقيدته المخالفة بالضرورة بالروح الحربية الواجبة لقتل الآخر وإستباحة دمه وماله ....في الكتابات والمنقوشات القديمة لملوك كوش بنقرأ انه بعانخي مثلاً نقش في لوح النصر بعد سيطر على مصر إنه رفض يدي ملوك من ملوك مصر الإذن بسبب إنهم حسب قوله (غير مختونين ويأكلوا السمك..)
السبب التاني .. توضيح قوة ومنعة وإستقلالية الشعب والاستزادة من علاقاتهم بجيرانهم ومعاصريهم .. خاصة من الجنوب والجنوب الغربي زي ماذكرت ودا بتحققه زي اضافات مولانا الملك بخطبة عيـزانا مثلاً ..
التالت الوقوف حقيقة على التدوين ان وجد ولماذا اذا إنعدم ..فالشعب ليس منعزل والتدوين والورق قديم بتاريخه ..

...

حيدر
الاميرة النوبية بتقول ليك وفق تعليقك الأخير بأنك تكلمت عن أن ملوك
كوش استخدموا تصرفات عنصرية ضد ملوك مصر ...وتؤكد ليك أن العلاقات
بين دولتين تختلف بين العلاقات بين الأفراد..وان النوبيين لا يستخدمون ألفاظ شتائم
وسب بين الأفراد إلا نادرا جدا لان ألفاظ الشتم والسب قليلة جدا في اللغة النوبية ولا يستخدمون
تلك الألفاظ إلا نادرا جدا ...وتقول ليك مرة ثانية أن النوبيين اشداء على الاعداء
ورحماء فيما بينهم ...

(غير مختونين ويأكلوا السمك..)

======================
الحبيب حيدر
هذه مداخلتي في بوست الاستاذة نعمات
كان باسم ( اكلات مليانة فيروسات )
كنت اتحدث عن ملوحة .. وتطرقت الى أكل السمك لدى أهلنا
ولكن عندما قرأت مداخلتك عن بعانخي استغربت جداً

هذه هي المداخلة في بوست الاستاذة نعمات عن السمك :


ج
HGPF



أما بالنسبة للسمك .. الشيء الغريب جداً أن في التراث النوبي ليست هناك عادة أكل السمك .. والحقيقة حتى صائدي الاسماك لم يكونوا من ابناء المنطقة .. تخيل أن أهلنا ( زمان ) كانوا يعتبروا السمك طعام الفقراء من ليس لهم سواقي أو اراضي زراعية .. يعتقدون أن السمك هي تربية الله سبحانه وتعالى .. وهي جاهزة فقط للصيد والأكل لا أحد يطعمها أو يسقيها أذكر في احدى مرات وأنا كنت معلم بالبلد قرأت عن مادة اليود ونقصها والمشاكل .. ويوم سوق القرية اشتريت كم قطع سمك .. وعند وصولي البيت أقسمت الوالدة يرحمها الله بأن هذا السمك لن يدخل البيت هكذا ربما موروث وبدون تبرير .. بل قالت لي هذا موسم (كاريه متول) وهو موسم نادر مرة كل عشرات السنوات تجد السمك من الكثرة تقفز الى الشاطئ والاسطورة تقول ان هذا السمك مسكون بالجن .. عندها استحضرت حيتان السبت لدى اليهود الذي ورد في القرآن .. والسمك الذي كان ياتى الى الساحل ..
سبحان الله لم تكن هذه النظرية تنطبق على الملوحة ( التركينج )

الموضوع طويل إن شاء سوف افتح بوست .. ربما تطرقت للموضوع في سودانيز من قبل لا أذكر ..
أما اليوم أغلى سلعة لدينا في سوق القرية السمك ..
اصبح طعام الارستقراطيين ..
تحياتي الاستاذة نعمات ..

علي بعد ساعتين منك في مدينة الطائف.

========================

الحبيب عارف .. ربما لو تلاقينا تزول كل اسباب الشكوك
ما دام انت في الطائف .. فرصة سعيدة للتعارف مع بعضنا
أنا هاتفي ظاهر في البروفايل 0544068026
وعنوان منزلي في جدة تقاطع شارع الجاسر مع الكيال في حي الروضة
لو كنت حريف في السواقة كنت وصلت عندك في الطائف وخاصة لدينا جالية
ضخمة هناك ..
مشكلتي اني ضعيف في السواقة يا دوب داخل جدة وبحب الزحمة لأنني لا أحب السرعة

بالمقابلة الشخصية سوف تزول الصورة النمطية لشخصي الضعيف في ذهنك
وتكون فرصة سعيدة

الأهم الاخوة .. كل شيء هين .. قبل كده كان لي حضور جميل في الطائف
مع رابطة ابناء حلفا والمحاضرة كانت عن الساقية ونقلت في قناة زول

في انتظارك .. مع انك انت مصحح جيد .. ذكرتنا أيام التدريس بس المشكلة انك تدقق
في العنصرية .. قالوا في الغرب اي مرشح أو منافس يمكن تحطيمة بمصطلح العنصرية
عشان كده أنا افتكرتك في امريكا ..

في سعودية شبعنا من الحتة دي .. مرة أنا وواحد من الجماعة في مصعد المستشفى العسكري
المصعد واسع وكبير في سعودي جاء بالعائلة وعندنا دخل بعض الشباب السعوديين تسريحة
وآخر وسامة تعرف السعودي قال لعائلته (( وخروا على السوادنة )) يعني امشوا على السودانيين
ما فينا أي شيئ مثير .. جلاليب وعمم كبيرة ,, ما زعلنا لأنه ده تفكيره ومستواه

تحياتي .. ان شاء الله مما تشوف خلقتي وتقعد معاي دقيقتين حتغير رأيك على الطول
ونكون اصحاب الى الابد .. كلام البوستات والحروف ده خليهو

مودتي الحبيب عارف

أريحك يا حيدر وكنوبي تجميع من اثنيتي النوبة ..
النوبة مسالمين صحيج - بس لي منو
1 -انك تكون منهم
2 -إنك تكون من جنس هم راغبين في التواصل معاهو
غير كده هم غير مسالمين اطلاقا

اقربها ليك الآن في مناطق النوبيين
من مصر وحتى السودان
قبائل معينة من العرب قدرت عاشت معاهم ..
وامتزجت فيهم واتصاهرت معاهم
وبقت جزء من مكون النوبة قديما وحديثا ..
وزي ما قلت إنت ما جات محاربة او فارضة نفسها
أبدا جات فارضة قيمها وتركيبة شخصية افرادها
فتشابهت وقيم المجتمع النوبي المنغلق ..
بدون ذكر اسماء قبائل عشان مانزعل زول
عندنا في المنطقة النوبية قبائل ومكونات اثنية
قدرت تتغلغل وتذوب جوه المجتمع النوبي
وقبائل أخرى مابتقدر حتى تعبر وسط المنازل عبورا للنيل
يبقى هم مسالمين وغير مسالمين
حسب مافي قاعدة ثابتة ..

Quote: بالله الحبيت انت في الطائف من اهلنا اكثر خمسين واحد (القصور) ودائماً ما نحضر هناك

علي امبس.
يمثلون أكبر جالية في الطائف وطبعا الكوتشينة عندهم شيء مقدس.
صاحبي اسمو أحمد تمساح لما يطبخ التركين يتصل علي وخاصة لما تكون موص.

Quote: وبعدين كمان ما تحكها كده لغاية ما تجيب الدم وتفتل البوست وخلي البوست كوشي نوبي ولا هسع ننادي ليك بشاشا ههههههههه

امتثال انزيك.
في الحلة دي تاني ما بجي نقعد فراجة وبس.
لو اتكلمنا عن بشاشا تقولوا كسير تلج. 😆
مع اعتذاري لود الزين لو فتلنا البوست.

علي بعد ساعتين منك في مدينة الطائف.

========================

الحبيب عارف .. ربما لو تلاقينا تزول كل اسباب الشكوك
ما دام انت في الطائف .. فرصة سعيدة للتعارف مع بعضنا
أنا هاتفي ظاهر في البروفايل 0544068026
وعنوان منزلي في جدة تقاطع شارع الجاسر مع الكيال في حي الروضة
لو كنت حريف في السواقة كنت وصلت عندك في الطائف وخاصة لدينا جالية
ضخمة هناك ..
مشكلتي اني ضعيف في السواقة يا دوب داخل جدة وبحب الزحمة لأنني لا أحب السرعة

بالمقابلة الشخصية سوف تزول الصورة النمطية لشخصي الضعيف في ذهنك
وتكون فرصة سعيدة

الأهم الاخوة .. كل شيء هين .. قبل كده كان لي حضور جميل في الطائف
مع رابطة ابناء حلفا والمحاضرة كانت عن الساقية ونقلت في قناة زول

في انتظارك .. مع انك انت مصحح جيد .. ذكرتنا أيام التدريس بس المشكلة انك تدقق
في العنصرية .. قالوا في الغرب اي مرشح أو منافس يمكن تحطيمة بمصطلح العنصرية
عشان كده أنا افتكرتك في امريكا ..

في سعودية شبعنا من الحتة دي .. مرة أنا وواحد من الجماعة في مصعد المستشفى العسكري
المصعد واسع وكبير في سعودي جاء بالعائلة وعندنا دخل بعض الشباب السعوديين تسريحة
وآخر وسامة تعرف السعودي قال لعائلته (( وخروا على السوادنة )) يعني امشوا على السودانيين
ما فينا أي شيئ مثير .. جلاليب وعمم كبيرة ,, ما زعلنا لأنه ده تفكيره ومستواه

تحياتي .. ان شاء الله مما تشوف خلقتي وتقعد معاي دقيقتين حتغير رأيك على الطول
ونكون اصحاب الى الابد .. كلام البوستات والحروف ده خليهو

مودتي الحبيب عارف

حبيبنا حيدر .. أنا بقيت ماركة تجارية ( ماكدونالز )
ههههه (كيف يتم استخدام هذا الاسم التجاري الرائج بدون حفظ الحقوق ؟؟ )
اليوم لو فتحت محل بإسم مالكدونالز بدون مشاورة وحفظ الحق الادبي والتجاري
سوف تتعرض لمشكلة ههههه
لأنني لاحظت بأن اسمي اصبح علامة تجارية جاذبة للزبائن .. وخاصة في بوستات
العنصرية .. ههههه الآن فكرت جدياً إذا طلعنا من الكورونا سالمين لأننا في عمر خطر

افتح مطعم بس أرجو من الاخوان ان يختاروا لي الاسم الجاذب

وعليه فإنني وفقا لما ورد أعلاه سوف اقاضي كل من يفتح بوست بإسمي قبل مشاورتي
هيييع كما قال حبيبنا ودالباوقة .. زول تربال وبقي مهم في سودانيز ههه حتى لو بكري

مودتي الحبيب الجميل حيدر ,, بقيت اعرف الهزار والاخوانيات ايه رأيك بالضبط

واستثني من هذا الحبيب علاءالدين لأنه ود حلتي .. وأيضا الامير بدرالدين لأنه علمني
كيف اخاطب بالعامية

علي امبس.
اجبرتني علي الدخول للرد عليك.
ده برضو تلفوني 05779274058
ان شاء الله كان الموت خلانا بنتقابل.
مودتي.

الحبيب عارف .. تحياتي
سهل جداً قراءة أي عبارة بأنها عنصرية
هي تأتي حسب تفكير الشخص القاريء
مثلا أنا عادي جداً يخاطبوني يا رطاني
مع ان الرطانة هي لغة الحيوانات تقريباً
لكن اقسم بالله ما زعلت من حد منهم بل أعتبرهم
أخوة ودلع بالنسبة لي
فتح بوستات للجدال والمناقشة بإسم شخص دي مشكلة
الاسم حق حصري .. إلا اذا كان للسؤال عن الصحة والغياب
ولكن لمناقشة موضوع من مستمر من أيام الاخوين حام وسام
معليش لو شخصية عامة او في الدولة ..

لا أعرف كمان لماذا ناس أي كلام عادي يفسروه أنه عنصري وموجه
لهم وأنا زاتي شنو عشان أكون عنصري لا شكلا لا موضوعا
مثل هذه الافكار خطيرة جداً ومضرة للصحة ..

معليش بوستات اهداء اغاني سؤال عن الصحة
اخوانيات زي حبيبنا بدرالدين الامير

تحيات الحبيب عارف

طبعا مافي لغة بتخلو من عبارات الشتم والقذف قلت أم طغت ..
واتفق مع حيدر ان اللغة ليست معيارا صالحا يقاس عليه سلوك او اخلاق جماعة..
ولكن وربما اراد الاستاذ علي عبد الوهاب أن ينسب سمات المسالمة وعدم اللجوء للعنف الاجتماعي المفضي للجرائم الكبرى ..
في المجتمع النوبي الي لغة الخطاب ..
ولكن في تقديري يعود ذلك لسمات التواضع وعدم الزهو الموروثة مما يحد من سلوك التميز على الآخر ..
هذه حكاية مروية عن سلوك احد ملوك النوبة وردت في المصدر المرفق.

Quote: الأمير الأموي وملك النوبة ذكر المنصور يوماً في مجلسه زوال ملك بني أمية وما جرى عليهم، وأنهم عاشوا سعداء وماتوا فقراء، فقال له إسماعيل بن علي الهاشمي: إن عبد الله بن مروان بن محمد في حبسك، وله قصة مع ملك النوبة. فأحضره واسأله عنها. فأحضره، فقال: السلام عليك يا أمير المؤمنين ورحمة الله وبركاته. فقال المنصور: رد السلام أمن ولم تسمح نفسي بذلك، ولكن اقعد! فقعد، فقال: ما قصتك مع ملك النوبة؟ فقال: يا أمير المؤمنين، كنت ولي عهد أبي فلما طلبتنا دعوت عشرة من غلماني ودفعت لكل واحد ألف دينار وأوسقت خمس بغال وشددت في وسطي جوهراً له قيمة عظيمة وخرجت هارباً إلى بلاد النوبة، فلما قربنا بعثت غلاماً لي، فقلت له: امض إلى هذا الملك وأقرئه السلام وخذ لنا منه الأمان وابتغ لنا ميرة. فمضى وأبطأ حتى أسأت به الظن، ثم أقبل ومعه رجل فدخل وسلم وقال: الملك يقرئك السلام ويقول لك: من أنت وما جاء بك إلى بلادي؟ أمحارب، أم راغب في ديني، أم مستجير بي؟ فقلت له: رد على الملك، ما أنا بمحارب ولا راغب في دينك ولا ممن يبتغي بدينه بدلاً بل مستجير به. فذهب الرسول ورجع إلي وقال: الملك يقول لك إني أجيء إليك غداً فلا تحدث نفسك حدثاً ولا شيئاً من الميرة. فقلت لأصحابي: افرشوا الفراش، ففرش لي وجلست من الغد أرقبه، وإذا هو قد أقبل وعليه بردان قد ائتزر بأحدهما وارتدى بالآخر، حافي الرجلين، ومعه عشرة معهم الحراب: ثلاثة يقدمونه وسبعة خلفه، فاستصغرت أمره وسولت لي نفسي قتله، فلما قرب إذا سواد عظيم، قلت: ما هذا؟ قالوا: الخيل. فوافى بها عشرة آلاف عنان، ووافت الخيل عند دخوله فأحدقوا بنا، فلما دخل جلس على الأرض، قال: فقلت لترجمانه: لِمَ لمْ يقعد على الموضع الذي وطئ له؟ فسأله، فقال: قل له إنه ملك وكل ملك حقه أن يكون متواضعاً لله وعظمته إذ رفعه الله على عباده. ثم نكت بإصبعه الأرض طويلاً ورفع رأسه وقال: قل له كيف سلبتم هذا الملك، فأخذ منكم وأنتم أقرب الناس إلى نبيكم؟ فقلت: جاء من هو أقرب منا قرابة إليه، فسلبنا وغلبنا وطردنا فخرجت إليك مستجيراً بالله، ثم بك. قال: فلم كنتم تشربون الخمر وهو محرم عليكم؟ قلت: فعل ذلك عبيد وأعاجم دخلوا في ديننا وفي ملكنا من غير رأينا. قال: فلم تركبون على الديباج وعلى خيولكم سروج الذهب والفضة وهي محرمة عليكم؟ قلت: فعل ذلك عبيد وأعاجم دخلوا في ديننا وفي ملكنا بغير رأينا. قال: فلم كنتم إذا خرجتم إلى الصيد مررتم على القرى وكلفتم أهلها ما لا طاقة لهم به بالضرب والإهانة ولا يقنعكم ذلك حتى تحطموا زرعهم في طلب دراج قيمته نصف درهم، والتكليف والعناء محرم عليكم؟ قلت: فعل ذلك عبيد وغلمان وأتباع. قال: لا! ولكنكم استحللتم ما حرم الله عليكم وأتيتم ما نهاكم الله عنه فسلبكم العز وألبسكم الذل ونصر أعداءكم عليكم، ولله فيكم نقمة لم تبلغ غايتها بعد، وإني أخاف أن تنزل بك النقمة إذ كنت من الظلمة فتشملني معك، فإن النقمة إذا نزلت شملت، فاخرج بعد ثلاث، فإن وجدتك بعدها أخذت ما معك وقتلتك ومن معك. ثم وثب قائماً وخرج وقمت ثلاثاً ورجعت إلى مصر فأخذني عاملك وبعث بي إليك، وها أنا ذا والموت أحب إلي من الحياة. فرق له المنصور وهم بإطلاقه، فقال له إسماعيل بن علي: في عنقي بيعة هذا. قال: فما ترى؟ قال: ينزل في دار من دورنا ويجري عليه ما يجري على مثله. ففعل به ذلك، انتهى. المصدر كتاب اعلام الناس بما وقع للبرامكة مع بني العباس هنا : https://books.google.nl/books؟id=DDtvDwAAQBAJandpg=PT90andlpg=PT90anddq=%D8%AD%D9%83%D8%A7%D9%8A%D8%A9+%D9%85%D9%84%D9%83+%D8%A7%D9%84%D9%86%D9%88...%D9%88%D9%8Aandf=false

فعلا كرونا مصيبة اى بمعنى الصواب
اى حد داير اثير معه مشلكة اوحتى غلاط
زى بتاع عادل الحوثى يخزلنى ويحاورنى بكل رقة
حتى انت يهذا

فعلا كرونا مصيبة اى بمعنى الصواب
اى حد داير اثير معه مشلكة اوحتى غلاط
زى بتاع عادل الحوثى يخزلنى ويحاورنى بكل رقة
حتى انت يهذا
========================
الأمير الجميل بدرالدين ..
علي النعمة ما فهمت المداخلة
كل منك يا جميل خليتني مشهور
شفت الرطاني استفاد كيف .. بوستات ضخمة بإسمي
بقيت اشهر من ماكدونالز اسم تجاري جاذب
أرجوك تفتح بوست بإسمي اهداء أو تهنئة
مع مشكلة الكورونا .. منتظرين الشركة نص الراتب أو اجازة بدون راتب
الاسوأ تحت بند ( القوة القاهرة )

عزانا الوحيد مع الحبس سودانيز

مودتي الحبيب الامير والعائلة الكريمة

مشكلتنا في جدة الباكستان والهنود والمصريين
لا يلتزموا ابداً والعدد ضخم جداً

الله يهون ا

Quote: المهم تذكرت بكلام بشاشا الموغل في - كوشنة النوبة - وتكويش النوبة علي حساب كل السودان مش السودان بس بل افريقيا والعالم وكمان الاديان

حنواصل مع الصديق حيدر لحدي مايرد علي كلامنا الفوق:

عزيز بشاشا القارئي،

انشاء امون تكون انتبهتا للخلل الاساسي في طريقة تفكير حيدر اللي بمسحا في حيطة بشاشا القصيرة شغل اسقاط!!!

نعم حيدر بينظر لمن يسمون نوبة، حصريا، اي الدناقلة المحس، والحلفاويين، كمجموعة مستقلة موازية لال العباس، من امثالو، منذ فجر التاريخ والي اليوم!!

هذا مرعب، ولكن للاسف وعي الفرذ القبلي كده، والمصيبة هنا!!

ياعزيزي،
كوش، نوبيا، اثيوبيا، سودان، تاستي ..الخ مسميات لذات السودان كبلد اوالسودانيين كشعب، بعامة، من دون الحدود الحالية، في مراحل مختلفة من تاريخينا الطويل او مش لمجموعة او مجموعات بعينها، كما تتصور علي نحو مسبق وهذا عجيب!

قال كوشنة النوبة!!

حولا ولاقوة!

في فهم الصديق حيدر، "النوبة" بالفهم القبلي الجهوي الحالي، غير الكوشيين بذات الفهم القبلي، وهذا يموخل!!

نعم هو بيسقط معايير وعينا المستعرب المسترق القبلي الجهوي علي تاريخنا كولو والمصيبة هنا!!

نعم وفقا لعدسات وعينا القبلي الجهوي، اللاصقة، اخونا حيدر، يري ان الدناقلة، غير الشوايقة، كمثال والمصيبة كلها في الحتة دي!هو ياخي ما هكذا برز مفهوم ديل "زرقة" او نحنا "عربة" وكنتيجة ولعت!!

ياعزيزي اي مخلوق اسود، كوشي، نوبي، اثيوبي، كمتي، سوداني، لو المعيار هو الثقافة بالنسبة لي!

اين ماذهبتا في الكون العريض ده، الاخرين سلفا بينظرو لامثالك، كمجموعة بشرية واحدة، وهذه حقيقة!لذا عجيب، كلامك عن تكويش بشاشا، للنوبة!!!

اتمني القارئي ينتبه لهكذا طريقة تفكير اللي ماخاصة بالصديق حيدر، وانما هذه طريقة تفكيرنا كلنا كسودانيين، للاسف كمستعربين، وكنتيجة ابدنا بعض بالوكالة، بالملايين!!

الفرذ القبلي، اصلا كده!

....يتبع.......

العزيــزة امتثال وصحبها الأميرات الكنداكات ..
تحياتي وتقديري وصباحنا خيـر وانتو كيف امسيتو ..

Quote: حيدر اميرة النوبية بتشكرك على البوست المفيد على حد تعبيرها وانها متابعة الموضوع وتقول ليك ان اللغة النوبية فعلا مفردات السب والقذف فيها قليلة جدا ،ولكن النوبيين اشداء على الاعداء ،اعداء الدولة ،رحماء بينهم ،،،

نعم اكيد ودي شرعة ربنا العادلة لي خلقه زي ما تضمن ردك إقتباس الآية ..
في الحقيقة لو حاولنا نتفلسف وننظر ونعاين للأمر من زاوية علم الاجتماع التاريخي وزي مايقول الانسان كائن إجتماعي في طبعه بنقول التوادد والتراحم الداخلي والشدة على الاعداء طبع وفرض سواء
بنقول الانسان إجتماعي كيف؟ .. والبيفرض الإجتماعية على طبعه شنو ؟؟
وممكن نجاب بما يغيظ بشاشا أكتر وقت نرجع الامر لحكمة الله وغرضه من خلق البشـر في الخلافة واعمار الأرض ..
انت كمخلوق وجودك بيتطلب الاكل والامان ..
والأنسان كفرد وحيد مع محدودية قدرة جسده في مواجهة الحيوانات الاخرى مابيتحقق ليهو الامان الا بعون آخرين او سلاح ..
كما انه قوته وطعامه بيحتاج إما لإخضاع هذه الحيوانات او أدوات مساعدة للحصول على الطعام من مصادر اخرى زي ادوات صيد او زراعة..
دي فرضت عليـهو التآزر والتعاون وبالتاكيد اللغة للتواصل والتجمع للأمان وبعدها بتتخلق الحوجة للتنظيم والتخصيص وسن القوانين والشرائع ومن يدير دفة هذا النظام..
كل الشرائع والقاونين البتتوضع بنلقاها بيدور محورها حول حفظ النفس والمال والعرض وتدعو لمكارم الاخلاق وإعانة الفقراء ..
لو شرائع سماوية او وضعية .. كان بوذا كان حامورابي كان اخناتون كان يهودية او مسيحية .. وانا بتكلم عن عضم ومقصد الشريعة والقانون نفسه مش بعد كدة التفسير والتطبيق.
ولانه ما ممكن مجتمع يتزايد ويكبر ويتوسع إلا خلاء من القيم والاخلاق البتخلق إستمرارية التعاون والتكافل بينهم كأفراد وإلا تمزق لمجموعات صغيرة..
ولو راجعنا اي حضارة سابقة بنلقى بداية انهيارها الفساد وانعدام الاخلاق والامن .. ولو راجعت قيامها ونشؤها وبدايتها بتلقى العكس انها قامت على شرائع فاضلة ..
العايز أقولوا انه بفشل لو فتشت لمثال لمدينة قامت على عكس دا واستمرت جيلين مثلاً ..
بتجي بعد كدة فترة بتفوق عصبية او مجموعة أو قهر جماعة لأخرى واستعبادها ونلقى في إزدواجية في تطبيق القانون ودا موضوع تاني ..
وإن كان اكبر قيمة الامر بيكون عند القادة والملوك بالنسبة لأخلاق المجتمع .. وعندما قيــل الناس على ديـن ملوكها ما كان عبث ..
فعلي دين الملوك يكون دين الرعيــة غالباً .. وباخلاقهم يتخلقوا والشعوب بتنخلق فيها النخبة الحاكمة والطبقة الإرستقراطية القال عليهم ربنا إذا اردنا ان نهلك قرية امرنا مترفيها ففسدوا فيها
ودا ما معناهو في تقديري انه ربنا بياخد بقية اهل القرية بذنب غيرهم لكن تأثيرهم بيكون اقوى على البقيـة الاسرع في التقليــد ..
اخلاق النوبة اذا فرضنا انهم امتداداً لحضارة كوش بيمثلها كلام خاليوت بن بعانخي حين قال :
إنن لا أكذب.
ولا اعتدي على ملكية غيري
ولا ارتكب الخطيئة
وقلبي ينفطر لمعاناة الفقراء
إنني لا اقتل شخصاً دون جرم يستحق القتل
ولا أقبل رشوةً لاداء عمل غير شرعي
ولا أدفع بخادم استجار بي الي صاحبه
ولا أعاشر امرأة متزوجة
ولا أنطق بحكم دون سند
ولا أنصب الشرك للطيور المقدسة
ولا أقتل حيواناً مقدساً
إنني لا اعتدي على ممتلكات المعبد والدولة
أقدم العطايا للمعبد
وأقدم الخبز للجياع
والماء للعطشى
والملبس للعراة
أفعل هذا في الحياة الدنيا
وأسير في طريق الخالق
مبتعداً عن كل ما يغضب المعبود
لكي أرسم الطريق للأحفاد الذين يأتون من بعدي
في هذه الدنيا وإلي الذين يخلفونهم وإلي الأبد .


دي أخلاقيات ملوك كوش الورثوها لأحفادهم كما طلب .. وعلى دين هؤلاء الملوك تسيـر الرعية
فرحماء بينهم دي اصلاً ما بالغتي فوقها . دا طبع وإرث في النوبة وحافظوا عليهو
باقية أشداء على الاعداء دي :)

تحياتي

الحبيب بشاشا ..
سلامات ومحبة ..

Quote: نعم حيدر بينظر لمن يسمون نوبة، حصريا، اي الدناقلة المحس، والحلفاويين، كمجموعة مستقلة موازية لال العباس، من امثالو، منذ فجر التاريخ والي اليوم!! هذا مرعب، ولكن للاسف وعي الفرذ القبلي كده، والمصيبة هنا!!

لمن ارجع لمداخلة الملك الدسمة يا حبيب فعاوزك ما تتعب نفسك والله لاأني حا اخذلك ..
أصلاً وعي زي دا مافي ..او على الأصح في وعي من غيبوبة مصطلح آل عباس وقبيلة اسمها جعليين .. قرقرقرقر
المهم بجيك بي مهلة للنقطة دي الـ للأسف الواحد كانت شايلة فيهو زمن طويل ..
لكن المهم العاوز أقولوا هنا .. إنه قصة التكويش على أرث كوش بإسم النوبة ما واقعة لي ولا ماتفق معاك فيها ..
خليك قريب بس
مودتي

سلامات يا ملك وشكراً للإضافة المقدرة ..

Quote: عارف يا حيد أظن مافي منطقة جغرافية في العالم تعددت مسميات حقبها التاريخية زي وادي النيل الأعلى حتى تاريخها الحديث .. سواء كان عن قصد أو بدون .. ابتداءا من كوش ثم نبتة ثم اثيوبيا ثم مروى ثم النوبة بمسمياتهم الثلاثة نوباتا ومقوريا والودا .. ثم السلطنة الزرقاء ، مملكة الفونج مشيخة العبدلاب مملكة سنار .. كل المسميات دي لتاريخ منطقة جغرافية واحدة

أيوة وبالاضافة:
تأسيتي حتى 3100 ق. م
تأنحسيو
تأخنتي
كوش إلي 300 ق.م
أثيوبيا
النوبة
ودي كلها بتشمل المنطقة المقصودة بالسودان حالياً باستثناء ممالك الفور.
مملكة سنار وسلطنة الفونج مع مشيخة العبدلاب بتجي تجزئية في المسمى وتخصيص للمنطقة النوبية..
تجيك تاني مسميات السودان المصري.. والسودان وجمهورية السودان ولمن نصل للأقاليم المركزية ودستور 2005م ونيفاشا ههههه
إفراغ المنطقة من سكانها أو إحلال سكان محلهم بستبعد إنه يتم بصورة كاملة او تامة زي مابنحاول في تاريخنا تصوير الامر بدخول عرب ومهاجرين أثروا على تركيبتنا السكانية
في فترة ميتين وخمسين سنة بحيث تذوب حضارة شعب عمرها 6000 سنة في قرنين فقط ..
ممكن تقنعني حاجة واحدة بس - ودا علي نفسي - بإقتباس النموذج المصري في أثر تعدد الغزاة والهجرات على مصر والتغييرات الحصلت عندهم ..
النموذج المصري متوفر جداً ومتاح في كتابات المعاصرين والمؤرخين الاتناولوهو بدقة شملت طبيعة السكان وكيفية معاشهم وحتى نظم الادارة وضبط الاسواق
والنقود وغيرها البتديك فكرة مفصلة جداً .. والاهم تاريخ الأةبئة والامراض وتأثيرها حتى على تغييرات التركيبة السكانية كأثر اكبر من اثر الغزوات..
لو وضعنا النموذج المصري والقبط كحالة سكان بتماثل النوبة بصورة متقاربة مثلاً بقدر اطلع ليك الاثر على القبط كشعب قديـم حتى من زمن الأنبياء كأدريس عليه السلام
وإلا مابعد الهكسوس اللي بشاشا ذكرهم وهم غزاة مثلهم وغيرهم من الشعوب الإتحكمت في مصر على مر التاريـخ بدون مانفصل في الاتراك والمماليك الأثرهم هو الكون مصر الليلة وليس العرب على الأطلاق ..
في السودان دا النموذج بيختل فقط في حتة استباحة المنطقة بالغزاة .. ودي ماعندنا بالنسبة لإستباحة الديار ..
بيتبقى عندنا مفتاح اكيد في الشرق الأثيوبي .. ودا بيت الراحة :)
باقي استذكار العوامل الاخرى بس ..
كلامي بينقصو العلاقات مع غرب ووسط افريقيـا .. ودي نشوفها قدام

تحياتي

Quote: اسم كوش في تقديري بعني النسبة إلى الاصل كما ورد في الرويات اليهودية كوش بن حام .. وهو كأصل تنتمي إليه كافة العرقيات في أفريقيا ..

بعديـن يا الملك الرواية التوراتية في الاسرائليات دي ما اظنها راكبة عدلها وفيها كم من التناقضات وبتكبر تناقضاتها وقت يتناولها ويتبناها المؤرخين المسلمين كمان ..
توزيع الخليقة بين ابناء نوح ما بيصمد حتى أمام الرواية الدينيـة نفسها ونقده ودحضه من داخلها ..
غيـر انه هو مفتاح استعباد واضطهاد الجنس الأسود وتخصيصه بالرق عند الاوربيين بضميـر ديني مرتـاح ..
سبق الأوربيين الاخوة العرب طبعاً لكن بفهم مختلف مابيتن استعباد الاسود واسترقاق الأبيض .. ودا بطبيعة المهنة والوظيفة مابين الاتنين ..
المفارقة إنه الاوربيين وقت بدوا استعباد المفارقة من نقطة بداية العرب كان العرب تجاوزوها وتجاوزوا حدود طبيعة استعباد الااسود والابيض..
فملكهم واصبح ملوك دولهم رقيق مشترون بالزمن ودا في كامل الاراضي العربية والاسلامية بينما الجيش وصلب جنوده من الرقيق السود..
ودي قلبة وعجلة تاريخ دارت بنمط مختلف ومتسارع في الغرب . .
التأريخ الديني في اقصى بعده بيديك عمر البشرية 6000 سنة
ودا ممكن يكون عمر عضم علوة :)

حبيت اخت النقطة الدين دي عشان اتذكر الرد الديني وقت نعاين لي نظرية بشاشا الكلام جاء عن العبودية والسواد براهو وكويسة نقطة مناقشة مع تشريف الاخ حاتم ابراهيم للبوست..

تحياتي

لايفوتني الترحيب بحبيبنا حاتم إبراهيم ..
والأرو النوبي بشاشا ..
سعيدين بطلتكم

Quote: الكتاب هوتلخيص اواسمو تاريخ موجز لسودان وادي النيــل القديــم .. تأليـف زميـل المنبر عبد الله شم ود. أنس بشيــر .. دار المصورات 2019م

حيدر الزين إزيك!

ومع احترامنا لخياراتك المصدرية، لكن الباحث عبد الله (شَم، شُم) غير مؤتمن على تاريخ هذه البقعة المسماة جمهورية السودان وأي حضارات تخص المجموعات البشرية فيها. لعدة أسباب: 1- ينتقي من التاريخ فقط ما يدعم رغبته ولا أقول رؤيته. 2- يؤلف ويضيف في تفسير الآثار ما يروق له بخفة وبدون أي تروي وتحقق. 3- يعجز عن الرد على أسئلتنا البسيطة والمنطقية فيما يتعلق بتاريخ المنطقة التي ينسبها لأجداده. مثالين للنقطتين 2 و 3 أعلاه، النقطة رقم 1 ستظهر في اقتباساتك. (2) أ. زعم أن الموس (razor blade) اخترعها أجداده، الدقيقة 5:34 في الفيديو أعلاه، بافتراض أن أجداده كوشيين، و هذا غير صحيح مطلقاً، فشفرة الحلاقة المخصصة للاستخدام مرة واحدة (disposable) اختراع أمريكي ولا يزيد عمرها عن 120 عام. ب. زعم أن (اللون الأسمر) هو أساس الألوان الأخرى في السودان بما فيها الأسود، وأنهه أقدم من اللون الأسود، وبأن اللون (الأسمر) هو (الأصل) وبقية الألوان (تحولت منه) الدقيقة 6:19 ولا نحتاج إلى المغالطة هنا في عدم وجوده المدعي، لكن النوبيون لونهم أسود وهذا ربما ما جعله يأتي بهذا الزعم المفارق عديم العلاقة لا بالمنطق ولا بالعلوم. ج. زعم أن تهراقا كان يرتدي العمة السودانية المعاصرة. الدقيقة 9:58 من الفيديو أعلاه. وهذا غير صحيح مطلقاً، فالعمة السودانية هي ذاتها العمة عند أهل موريتانيا أمس واليوم. والعمة هي كدمول المدينة والكدمول هو عمة الصحراء، بمعنى أن إسدال جزء منها على النصف السفلي للرأس يحدد نشاط وموقع مرتديها. الكدمول الحضري أو العمة السودانية الحالية مع الجلابية البيضاء هي زي أهل موريتانيا من الفقراء تحديداً، فالمقتدرين يرتدون (دراعة) يعني جلابية أشبه بالقفطان، بلون أزرق عادة وموشحة بكل أنواع التطريز والتريكو برسومات غامضة غير واضحة المعنى بالنسبة لي حتى الآن. و(الجلابية السودانية) بهيئتها الحالية هي زي العوام من أهل السنغال ومالي أيضاً. موريتانيا مالي السنغال ___ على فكرة الراجل في الصور أعلاه اسمه (حيدر)، فالاسم شائع في كل من مالي والسنغال، تحديداً، في قارة آسيا يشيع في اليمن . (3) أ. عجز عن إثبات وجود (تمثال) مشلخ في أي من المتوفرة حالياً للعرض بزعم أن لوحة أماني شخيتو تظهر فيها (مشلخة) الدقيقة 3:28 في الفيديو أعلاه. والمبدأ الذي يحاول القياس عليه أن شلوخ أجداده هي تاريخ مدون على التماثيل بينما الحقيقة أن شلوخ الوجه (scarification) سواء كانت أفقية أو رأسية هي عادة متوارثة في غرب أفريقيا بالدرجة الأولى، أما الفصد أو الوشم أو الرسم بأنماط معينة على الصدر أو البطن فهي ما يميز مناطق الجنوب والشرق انطلاقاً من وسط السودان الحالي. ب. عجز عن تفسير فقرات بدت لي (متعجلة ولا تعتمد الوضوح) في بحث منشور في مجلة تاسيتي: Quote: أسمح لي أيضاً أخ عبد الله شم أن استرسل في نقطة مهمة جداً، ورد في ذات العدد 1 من مجلة تاسيتي 2016 الفقرة التالية: _____________ ساد الإسلام واللغة اللغة العربية بين سكان منطقة النيل الأوسط الذين تحركت مجموعات كبيرة منهم نحو الشمال والجنوب الشرقي إبان الحروب التي أدت إلى سقوط مملكة علوة. وتكون المجتمع الجديد في منطقة النيل الوسطى وانتشرت الخلاوي وزرائب الفقراء وبدأت كفة متكلمي اللغة العربية في العلو، فاختفت اللغات والانتماءات القديمة، وظهرت الانتماءات والأسماء القبلية للمجتمع الجديد مثل الجعليين والشايقية والرباطاب. فحلت اللغة العربية محل لغة السكان الكوشية القديمة. أما مناطق النيل حيث تعيش المجموعة المعروفة الآن بالمجموعات الجعلية وهم السكان المفترض فيهم أن يكونوا متحدثي اللغة الكوشية )السودانية القديمة( بحكم ارتباطهم بموطن اللغة الأصلي، فقد انقطعت صلتهم بلغة أسلافهم القدماء وحلت اللغة العربية محل لغتهم القديمة. _________________ فيها اختزال لجانب مهم جدا من التاريخ الخاص بانتشار اللغة العربية والإسلام، في الحقيقة لا يوجد أي توضيح ، فكيف ساد الاسلام واللغة العربية في منطقة (النيل الأوسط)؟ أرفق سؤالي هذا مع ملاحظة قديمة أكررها من أن سكان تلك المناطق المتحدثين بالعربية تتطابق أسماؤهم مع الأسماء الموريتانية على نحو مذهل جداً، الأسماء الموريتانية أقصد بها مجموعة من حوالي 200 إلى 250 اسم أورد منها الأهم والمشهور في هذه العجالة (أحمد_الأمين، محمد_الأمين، محمد_أحمد، سيد_أحمد، أحمد_البشير، أحمد_المصطفى، محمد_المصطفى، محمد_الحسن، أحمد_الحسن، محمد_زين، أحمد_المبارك، محمد_المبارك، الزين، بلة، بلال، بليل، بليلة، الطيب، طه، الحبر، النور، الزبير، الشفيع، نور_الهدى، الطالب، الفاضل، الهد، السالك، العبيد، الناجي، بابا، حنين، سالم، بابكر، مختار، مصطفى، معاوية، شيخ، قسم_السيد، فضل_السيد، حاج، حيدر، عوض، عثمان، صم، فضل_السيد، جبارة_الله، خير_السيد، محمد_عثمان، باب_الله، جوى_الله، حواية_الله، ضيف_الله، حب_الله، إدريس، المعتصم... وغيرها). وهي ليست أسماء معاصرة محدثة بل تتواصل على أجيال كما تعرفون، وقد مررت ببعض منها يظهر للجد الثالث في السودان ولكن لم أوفق في التوصل أبعد من ذلك، ربما لمحدودية سرد الأسماء في الوثائق الرسمية، وبالتأكيد أن من بين الباحثين في المجلة من يحملها كما أرى، فكيف تسقط هذه الملاحظة التي تسند نفسها بقوة في مجال الدراسة من بحوثكم حول الأصول التاريخية للغة العربية والإسلام؟ وكيف تفسرون تطابق الأسماء بين هذه البقعة في سودان نهر النيل وأخرى على بعد أكثر من 6000 كيلومتر في غرب أفريقيا جنوب الصحراء؟ الرد الوحيد الذي حصلت عليه من الباحث عبد الله شم كان ما يلي" Quote: اعلاه كما كتبت انا نقلا عن الدكتور احمد الياس حسين استاذ التاريخ استفساري المنطقي جاء قبل 8 شهور من الآن ولم يتفضل أي من السادة العلماء للإجابة عليه. كثافة (الأسماء الموريتانية) ولم يسع لاستشارة المؤرخين مع إلحاحي الشديد على طرح الاستفسار على أي منهم، (*) وانتظر حتى هذه اللحظة أن يفيدونا بخلاصات بحثهم أو مجرد التعليق على ظاهرة وجود (الأسماء الموريتانية) في المواقع الكوشية. جيبو لينا يا (حيدر الزين) جيبو ومعاهو المؤرخين الاتنين، النوبة مسالمين ولا عدوانيين دا ما الموضوع كما هو باين يا حنين. ____ (*) يأتي تعريف المصطلح والتفصيل لاحقاً.

Quote: نعم حيدر بينظر لمن يسمون نوبة، حصريا، اي الدناقلة المحس، والحلفاويين، كمجموعة مستقلة موازية لال العباس، من امثالو، منذ فجر التاريخ والي اليوم!! هذا مرعب، ولكن للاسف وعي الفرذ القبلي كده، والمصيبة هنا!! +++ في فهم الصديق حيدر، "النوبة" بالفهم القبلي الجهوي الحالي، غير الكوشيين بذات الفهم القبلي، وهذا يموخل!!

مش جايز يكون محق، من وجهة نظر أخرى!، أقصد الفرز

بشاشا إزيك! العباس خليهو يمكن تقارب الجغرافيا فرض نوعاً من الحذر في الخيارات، فالبعيد يكون أشد جرأة في الزعم من القريب. يا أخوي ترى الرسول ذاتو طلعوا ليهو أحفاد مزعومين في غامبيا والكميرون ونيجريا. دي من فوائد الإنترنت، شفت كيف! غامبيا دي بعدها مافي بشر إلا في نيكاراغوا وكاراكاس وشوية نيس مشتتين في جزر الكاريبي. فالشغلة كبيرة ترى، ومنتشرة، تأريخ جديد تتم صناعته، على عجل. أنت أمسك ما يليك وأنا كفاني شم والباحثين الخبراء. ___ دُق.

Quote: النوبــة مش مسالمين وشعب أمي

غايتو الا تكون قاصد شعب أمي بمعنى أُمومي ..
لو كده أنا معاك هناك ريادة لدور النساء النوبيات
ابتداء من توريث الحكم لابن البنت أو ابن الأخت
ودور الأم الكبير ومكانتها عن شعب النوبة قاطبة ..
كان تشيل اسم علي عبد الوهاب من العنوان وبس
بدل تتورط في منحى جديد حيُساء فهمه بلا شك ..
وحيبعدك خالص من مغزى البوست واتجاهه السابق

سلامات حبيبنا ود القوز ..
مقدر للصحة في وجهة نظرك لكن صراحة مافي اي مجال لزول يسئ فهمه ومقصوده ..
وهو من مطالب زمن الكرونا .. وامي بقصد بيها الأمية في الكتابة والتدوين بالتعريف المقصود ..
ومن ناحيـة تانية بتستوعب الأميـة العلميـة لو قدرت اوضح اني بقصد بيها ما نقدر نلمسه في العلوم والمعارف الممكن نجدها في حضارات
او مدنيــات عاصرت أو سبقت بقليل وجودهم ومنها ما جاء بعدهم ..
مستوعب وفاهم انه كلامي على اطلاقه في مسألة حضارة ومعارف دي ما دقيق لانه ممكن ندخل اللغة والآثار والثقافة جواها لكن كلامي مابيخلو من صحة
إذا قسنا وضوح وأثر المعارف للمقارنة..
حقيقة بكون سعيد ومساعي ومرادي لو يجي زول يطلع كلامي خارم بارم .. ومتاكد البيقرا البوست حايسعد اكتر مني

تحياتي

Quote: وامي بقصد بيها الأمية في الكتابة والتدوين بالتعريف المقصود ..

حبيبنا حيدر الزين .. سلامات

طيب مقياسك كان شنو للأمية يا حيدر !! ...
ولاّ كان حكم انطباعي ساي بنيته وحسب فهمي ...
على إنه اللغة النوبية حتكون خصم على تعليم اللغة العربية ..
التعليم بصفة عامة وفي منطقة بالثقل الحضاري ده ..
لشعوب نوبية أكتشفت التعدين وصهر المعادن وتشكيلها ..
وابدعت في فنون البناء والتشكيل باكرا
وأسست بيهو لحضارة بالشكل ده من غير المنطقي أن يكون شعبها أمي !
لانه الأمية تقتضي الجهل والانحطاط وانعدام الحضارة
ده فيما يخص قديما فإنسان المنطقة النوبية ..
كان لاينقصه تعليم وإلمام بالمعارف والعلوم ..
كانت زاد في انطلاقه الحضاري وتسيّد بيها المناطق من حوله
أما فيما يخص المنحى الحديث المنطقة النوبية ..
زيها وزي بقية مناطق السودان لايميزها نسبة أمية
بل بها أوساط متعلمين كبيرة ويجيدون الكتابة والقراءة ..
بل كانت اللغة النوبية وعكس ما يفتكر الناس ..
عامل مساعد في تنمية خيال خصيب ساعد في نبوغ متعلمي المنطقة ..
ولم تكن على الاطلاق خصما على التعليم والتعلم
وبقدر أقيس على وسطي أنا والدي ووالدتي الاتنين بيكتبوا ويقروا
عندي 6 خيلان منهم الاتوفى ومنهم الموجود أطال الله عمره
جيدين جدا قراءة وكتابة وفيهم من تخرج من الأزهر الشريف
أعمامي ثلاثة توفى واحد كلهم متعلمين والذي توفى خريج الأزهر
عماتي ثلاثة واحدة كبيرة توفاها الله كانت أمية ..
لكن الاتنين الأخريات بيكتبن ويقرن أطال الله أعمارهن ..
وعلى ذلك قس في بقية الأسر الأخرى ..
كل الذكرتهم ليك ديل لغتهم الأولى هي النوبية بشقيها دنقلاوي / محسي ..
وتعتبر العربية لغة ثانية بالنسبة لهم لكن ذلك لم يجعل منهم أميين
ولا يخفى عليك قوة ومتانة علاقة المنطقة النوبية قديما مع مصر
فكان تعليم الأجيال الكبيرة في المنطقة يتكيء على العلاقة والتسافر لمصر
غايتو حسب قياسي المنطقة النوبية فيها كم هائل من المتعلمين
فمن أين لهم التعليم إن لم تكن كتاتيب المنطقة متوفرة وأداءها ممتاز ..
فليتك تنورنا وصلت لي الأمية في الوسط النوبي دي كيفن؟
عموما نسبة الأمية قليلة في السودان وده مقياس ممكن تتكيء عليهو للقياس
عارف مصر القريبة دي فيها نسبة أمية تفوق السودان بمراحل ..
وعندهم كم هائل من الأمية في اريافهم عكس السودان
التعليم ما كان قاصر على المدن والبنادر ..
وكان للارياف ريادة في نشر التعليم والتعلم كما تعلم

ـــــــــــــــــــــــــــــــــــــــــــ

كيفن مافي مجال الزول يسيء الفهم والمقصد ؟!!! ..
أنا صراحة كضبت نفسي وقلت حيدر ده زول حريف
مستحيل يقع في مسألة إنطباعية لا تستند على أدلة علمية مقنعة
لكنك صراحة خذلتني تتخيل أنا لمن رديت قبيل غيرت المداخلة بتاعتي ..
وأزلت كل الأجزاء الخاصة بي المنحى الانت قلت قاصده ده

المهم خش على توضيح قياسك وأقنعنا بوجهة نظرك ..


احترامي وتقديري يا (حريف) ...
بالمناسبة تقييمي في مكانه لكن انت شكلك استعجلت
وكان همك تغير العنوان بعيدا عن اسم الانداندي ..
عمنا الارتاوي الجميل علي عبد الوهاب

سلام يا حيدر الزين

Quote: الكتاب هوتلخيص اواسمو تاريخ موجز لسودان وادي النيــل القديــم ..تأليـف زميـل المنبر عبد الله شم ود. أنس بشيــر ..دار المصورات 2019م

للاسف الشديد يا حيدر اخوى مصدرك زميل المنبر عبدالله شم ومن كانوا معه يروجون لهذا الخطل عبر القنوات الفضائية والصحف اليومية ليس لديهم مصداقية اطلاقاً حتى استطاعوا من تحويل الاحتفالات السنوية والتى كانت تقام فى الدفوفة الى منطقة البركل .ومن تلك المآسى قيام تلك المجموعة بمصادرة ومنع تداول كتاب النوبيين العظماء للامريكية دورسيلا فى معرض الخرطوم الدولى فى عام 2017م من اجل تحقيق اهدافهم فى تحويل وتجيير الحضارة الكوشية السودانية باسم الحضارة النبتية والمروية .والاغرب من الخيال انّ الحضارة النبتية والمروية ايضاً حضارة نوبية والحضارة الكوشية التى يتحدثون باسمها ويقولون بان النوبة لا علاقة لهم بها :

يحدثنا المؤرخ السودانى الدكتور محمد ابراهيم بكر فى كتابيه عن تاريخ السودان القديم :
- تاريخ السودان القديم حضارة كرمة - قيام دولة كوش - مملكة نبته
اصل الحضارة السودانية وجدولها الزمنى -
مملكة مروى ونهايتها . ( الطبعة الاولى 1971م )
- المدخل الى تاريخ السودان القديم .
فى هذين الكتابين القيمين يتحدث المؤرخ عن اصول الكوشيين فيقول :الحضارة الكوشية كانت لها ثلاث عواصم كل واحدة منها امتداد للاخرى وهى :
- كرمة
- نبتة-
مروى وعندها انتهت الحضارة الكوشية

ويتحدث ايضا انّ من اعظم ملوك كوش فى كرمة كانوا : تهراقا وبعانخى حيث وصلت المملكة الكوشية الى اوجها فى عهديهماحتى وصلت الى الحبشة .
ويتحدث ايضا عن انّ اسم النوبة اسم حديث نسبيا اذا ماقورن باسم كوشى ذلك ان المنطقة الممتدة من الى الجنوب من اسوان شمالا وحتى جزيرة تنقسى الى الجنوب من دنقلا العجوز جنوبا لم تحمل هذا الاسم الا منذ القرن الثالث الميلادى تقريباً .:
ويقول ايضاً : " منطقة النوبة العليا : تمتد الى الجنوب من الشلال الثانى شمالا حتى جزيرة تنقسى جنوباً وذكرت هذه البلاد فى المصادرباسم تانحسى اى : ارض السود او ارض السودان "

والظاهر قبل فترة من الزمان قرأت مقال فى جريدة من الجرائد ما فاكر بالظبط اسم الجريدة انّ الفلاشا الاثيوبيين الذين قام بتهجيرهم الى اسرائيل جعفر النميرى كانوا آخر بقايا الكوشيون فى اثيوبيا .

بالمناسبة انا بتفق مع بشاشا فى كل مايكتبه عن الحضارة الكوشية
بشاشا زول مطّلع على لوح الحضارة .

مرحبتين حباب العزيز بشاشا..

Quote: اذن ياعزيزي، للاسف انتا زاتك منطلقاتك في البوست ده، قبلية، صرفة والمصيبة الكبري هنا!! خصمتكم بامون تطلعو من خبوب الوعي والفرذ القبلي، اللي لاعلاقة له، بارثنا الكان روحي خالص لوجه امون رع، اي "امين" كما نتلو في سورة الفاتحة! اذن لاعلاقة لبشاشا من قريب او بعيد بهكذا فهم قبلي متخلف، وافد واجنبي لي ارثنا الحضاري.

في اللول عشان تفهم منطلقي في البوست أو - طبيعته - يجب اول انك تفهم الهدف منه والفائدة العاوزها منو على مستواى الشخصي ..
وفي العموم اذا تجاوزنا الكتابة الخطابية البتهدف لإقناع الآخر أو اثبات حجته نحشد العبارة والجملة والصياغة واستثارة الشعور العام بما هو بديهي.
بتلقى القناعة بتكون مؤقتة بنهاية زمن الخطيب وانتهاء اللمة ..
في طريقة تانية ممكن نعبر عنها ارخنة التأريخ وضبط الخطاب...شكراً حاتم إبراهيم لقيت عندو نموذج ومثال لرد القول لمصدر قابل للتحقيق والرد والعطاء ..
في الطريقة التانيـة الحقيقة ليست مطلقة ولا حكر لدى جهة وتختلف قرايتها بإختلاف العوامل الإضافية البتستصحبها في قراءة الحدث الواحد..
مايهم فيها توسيع إطار القراءة وزاوية الشوف بمنحي حق أشوق واتحقق من قولك ..
إذا إنت شفت وعرفت وجيت كلمتني سنة 1978 مثلاً ووقت اجي اشوف معاك قهمتني بتحديد مساحتي في قيد قبيلة بيبقى شنو!
الدعم الوعي القبلي منو من قولة تيت !
خليك من دي ..
الليلة وقت اجي في نقاشي لقرايتي التاريخية الخاصة جداً والمامستوعبة كل الجهات الأريعة لمنطقة محددة جداً بسكانها وعمرانها..
وأحاول افهم التراجع والتدهور الحصل في الحتة دي سببه شنو وعلاقة انسانه بي دا وجيرانو شنو بيهو شنو مفروض أقيف واعاين من وين؟
ما انا اساساً لاحظت وشفت وعرفت وانا واقف نص المعمة الاتكلمت عنها انا بـ 600 سنة وما عبثاً..
الليلة أخوي جمال القوز وعاوز يقنعني بعدم امية الشعب ما قدر يتجاوز الـ600 سنة دي لا غادي إلا آثاراً ونقوشاً
وبعد كدة ماذكر لي كتاب علم او تاريخ واحد مصنف مثلاً الممكن اضرب ليك المثل بعشرات المصنفات والمقالات والمخطوطات قبل التاريخ دا فيما ذكرته من مثال.
هل المسألة دي فيها تجني !
اقنعني أديتك معياري .. تجادلني بمعيار آخر بيبقى كلام خارج منطلق البوست ..
لانه في النهاية استقرأ لنمط وتطور منطقة وشعب في رقعة محددة فيها تأكيد وإثبات لحضارة قديمة جداً توقفت فيها عجلة الزمن الحضارية من مدة وجيـزة ..
ظاهـر عندي إنه أقلاهو لغايـة بداية القرون الوسطى - والحروب الصليبية ومابعيدة 900 سنة كانت متماسكة وفيها قوة ومنعة
سنة 300 م جيرانهم قطع البحر كانوا في الغي والصلالة يعمهون وشمالاً في الذل والعبوديــة يرسفون..
.بعد 1600 سنة جات الكرونا وقعدت اتتبع في خبر عمار الأرض وخرابها واثار شعوبها وأممها
ومد عمرانها وطرقها..
إذا أخذنا غلبة الشفاهة وعدم الكتابة في كل شعوب المنطقة في شريط مستطيل حدوده الشمالية البحر المتوسط وجريناهو شرقا وغربا ..
فبنلقىفي الغالب في تدوين وتسطير للأحداث السابقة المروية وكتابة للأحداث المعاصرة بما ويجعلك تتبع تاريخ المنطقة من مصادر محققة
لمن عاش وعاصر وكتب تلك الاحداث على الأقل من المية الميلادية الاولى..
المسألة دي من كترتها بتعطي القراية والرواية المختلفة للحدث الواحد وبتثري بما حوته متون الاختلاف بين المؤلفين ..
بتبرز المسألة الأخرى في توالي المدنية وتطور البنى التحتية وحتى ان حل الخراب في منطقة او مدنية بتقوم من جديد
مافي حاجة اسمها حضارة اندثرت او بادت وحلت محلها اخرى وخلاص تلاشت وبقت اثار وطوب..
لو انت ماكتبت بيكتب غيرك ويحكي الشافتو عينو وسمعتو اضانو .. وبيحدد ليك متين ووين شاف وسمع..
في الطبيعة وحقيقة الأشياء كلامو ماحايكون صحيح في مجمله وعلى إطلاقه لكنه على الاقل حدد ليك زمن وبكان ..
بنفس المستوى أنا مطلوب مني ارد اعرض الحدث من جانبي بما يوافق نفس الفترة والمكان ..
وإلا كانت كلامي روايـة وسيــرة زي أي علم تاريـخ ديني بيعتمد الروايـة الموسعة والاخبار المجملة الغير مقيدة بي زمان ومكان ..
وبكدة بيبقى التصديق فرض عيـن مع الإباحة والرخصة تعديد السيناريو زيها وزي اي فيلم هندي..
بعديـن المسألة ماكدة وبس..!
كيف يعني تقوممملكة في عز وسط أرض وشعب مخترقة العمق وتستولى على أفضل واخصب مناطقه فارضة لغة ودين وثقافة مختلفة!؟
سؤالي الاستنكاري دا على فرضية التاريخ المدرسي المعروف بعجوبا الخربت سوبا ..

Quote: عزيز بشاشا القارئي،انشاء امون تكون انتبهتا للخلل الاساسي في طريقة تفكير حيدر اللي بمسحا في حيطة بشاشا القصيرة شغل اسقاط!!!نعم حيدر بينظر لمن يسمون نوبة، حصريا، اي الدناقلة المحس، والحلفاويين، كمجموعة مستقلة موازية لال العباس، من امثالو، منذ فجر التاريخ والي اليوم!!هذا مرعب، ولكن للاسف وعي الفرذ القبلي كده، والمصيبة هنا!!ياعزيزي،كوش، نوبيا، اثيوبيا، سودان، تاستي ..الخ مسميات لذات السودان كبلد اوالسودانيين كشعب، بعامة، من دون الحدود الحالية، في مراحل مختلفة من تاريخينا الطويل او مش لمجموعة او مجموعات بعينها، كما تتصور علي نحو مسبق وهذا عجيب!قال كوشنة النوبة!!حولا ولاقوة!في فهم الصديق حيدر، "النوبة" بالفهم القبلي الجهوي الحالي، غير الكوشيين بذات الفهم القبلي، وهذا يموخل!!نعم هو بيسقط معايير وعينا المستعرب المسترق القبلي الجهوي علي تاريخنا كولو والمصيبة هنا!!نعم وفقا لعدسات وعينا القبلي الجهوي، اللاصقة، اخونا حيدر، يري ان الدناقلة، غير الشوايقة، كمثال والمصيبة كلها في الحتة دي!هو ياخي ما هكذا برز مفهوم ديل "زرقة" او نحنا "عربة" وكنتيجة ولعت!!ياعزيزي اي مخلوق اسود، كوشي، نوبي، اثيوبي، كمتي، سوداني، لو المعيار هو الثقافة بالنسبة لي!اين ماذهبتا في الكون العريض ده، الاخرين سلفا بينظرو لامثالك، كمجموعة بشرية واحدة، وهذه حقيقة!لذا عجيب، كلامك عن تكويش بشاشا، للنوبة!!!اتمني القارئي ينتبه لهكذا طريقة تفكير اللي ماخاصة بالصديق حيدر، وانما هذه طريقة تفكيرنا كلنا كسودانيين، للاسف كمستعربين، وكنتيجة ابدنا بعض بالوكالة، بالملايين!!الفرذ القبلي، اصلا كده!

المداخلة أعلاه يا بشاشا هي اقرب مثال لي انا زغت في الاهداء ببوست منفصل /
وهي مثال للاسلوب الخطابي الغيـر منضبط إلا بالظن والتخمين ثم التأويل وطرح نظرية تتعامى عن المدون والمكتوب لتتجاوز وعي الفرد بي الحالة العامة لتضعه في ضيق الخاصة..
في مجمله الخطاب بصورة عامة ما خطأ وواحدة من متلازمة قرايات اسباب ازمتنا..
بل كلام بشاشا إطلاقاً ما غلط لانه في البيعبر عنهم بشاشا ويمثوا كلامو من الكتاب .. لذلك مقبول عنده ومنه كخطاب تحشيد وقهم..
لكنه خطأ وقت نجي نخته بمقاس الفحص والنظر والتمحيص بما يخص الحدث الاتقال فيهو .
لو حددنا الحدث بصورة بسيطة ( بوست بعنوان انا والتاريخ والكرونا الخ )
مكان الحدث .. المنبر العام .. الزمان السبت 11 ابريل
طرف الحدث - حيدر الزين ..
راوي الحدث الاخ بشاشا كتب التالي // ..
حيدر الزين كتب البوست إنطلاقاً من موقف قبلي وبينظر للنوبة والمحس والدناقلة كمجموعات مستقلة وموازية لمجموعتو من الا العباس
أو / اخونا حيدر، يري ان الدناقلة، غير الشوايقة، كمثال والمصيبة كلها في الحتة دي!هو ياخي ما هكذا برز مفهوم ديل "زرقة" او نحنا "عربة" وكنتيجة ولعت!!
////


بنلقى الحدث حقيقي .. التاريخ والزمان والكاتب حقيقة ..
لكن هل الرواية وشرح الراوي حقيقية وبتصمد أمام المدون والمكتوب بالبوست ؟
بالتمحيص في المكتوب على لسان حيدر ما بتلقى إلا تأويل بشاشا لمحاولة استجلاء غرض ومافي بال حيدر بناءاً على علمه المسبق بماهية الكاتب . .
لكن البيعارض ويحقق ما حايلقي شوف بشاشا لسبب بسيط لأنه مافي نص بيدل عليه ..
ا
النقطة التانية لأنه منطلقات الاسلوب الخطابي والحماسي زي ماقلت للتحشيد والإقناع بفكرة دون الخوض في تفاصيل إثباتها أو حقيقتها او وجاهتها
والخطاب دا بالتاكيد إرث ديني .. وما ممكن تحصل محاورة وفائدة على نقاط مشتركة وقت يكون الطرح المقابل اسلوبه عدم القناعة والشك المستند على مشاهدة ومكان وتاريخ
وتحكيم عقل القانون الطبيعي البيسرى على البشر في جميع الكون.. قد أصل في نهايته لأنه كوش هم اصل السود والعالم والدين حا اصل ليها بي واحد اتنين تلاتة من حتتها
ومع استصحابي لرؤية ومشاهدة ورواية البيقول خلاف كدة والاقتناع بالحجة عليه .. لكن اطلاقاً ما مستعجل
قد اقتنع بانه البجا والفور والزغاوة وجميع قبايل الوسط والباريا والحبش والزيلغ والبربر والسواحليين كلهم في الاصل نوبة ضاليـن تايهين وآدم من سنار وحواء من سنكات .. ما بعيد
مابعيد..
لكن ما مستعجل اعرفها على طريقة الايمان العصبوي .. دا علم ومعرفة متاحة ولنا مايناظرنا من بني البشر وطبيعة وقانون حكم واثار واضحة واطلاقاً ما في علم بشري
بيقوم على نظرة مقفولة .. والا بقت رؤيتي للتاريـخ كراوية وبلاد الزنج احفاد حام بن نوح الذين شافوا عورة ابيهم نوح وهو سكران فدعا عليه بان يكون ابناءه خدماً لابناء اخوته
وببلادهم توجد الحيات الضخام التي تبتلع فيلاً وتجرى انهاراً من يأقوت ..
في النهاية بعيد وكلامك ونظرية بشاشا في الحق والحقيقة كانت دافعت وعنصر أساسي من بدء معرفتنا بي منبر اسمو سودانيز بتثير الاسئلة وتدفع للبحث المعرفة
وأطلاقاً ما تقليل ولا استصغار من معرفتك بالعكس .. لكن دا ما معناهو الحقيقة مسلمة ومطلقة ولا أظنك انت بتقول كدة .. لكن وعيك الخلاك تعتمد وتقفل على رؤية بتتبناها
وتحشد خطابك للإقناع بيها بيختلف من الوعي عندي والـ قلت اثاره خطابك لكن مشى وبيتبع طريق تاني في رؤية الحقيقة..
بيبقى ليه قلت النقاش والاقناع مستحيل ..
لانه مشيت بعد سمعت كلامك فيبقى ما ممكن ارجع اناقشك .. بسمع الاركان البعيدة منك كمان وبعدها اقيس ..
ودا بالضبط كلام واضح تماماً ومثبت فوق وقت تكلمت عن كتاب الاخ الزيز عبدالله شم وشكرته عليهو وعلى الجهد والفائدة الاستفدتها منه
وحددت بصورة اكتر نوع الفائدة الجنيتها
أظن قلت انه ذكر المصادر واتاح فرصة للقراءة المختلفة..
يبقى لو جاء زول دور معاي نقاش بإعتباري متبني موقف وكتاب عبدالله شم بل وقبيلته وندواتو ممكن أرد عليهو بشنو؟
مامشكلة عارف انه دا نمط الحوار والمشاركة لكن أقلاها البيشكك في حدث او رواية للكاتب يفيدنا نحن المستمعين بإستنادو وروايتو البديلة..
مش من مبدأ الاجنبي غلطان ..
قالوا سعادتك الأتنين اجانب .. قالوا أجل غلطان المصري

تحياتي

Quote: قصة التكويش على أرث كوش بإسم النوبة

عييييييييييك!!

عزيز بشاشا، القارئي،

كما ملاحظ العزيز حيدر ماقادر خالص، يتخارج من حكاية النوبة غير الكوشيين، دي، اي ناس "جعلي حر" الزيو!!!

نعم في وعيو النوبة حصريا، هم التلاتة مجموعات اياها، دعك من قبائل اي الحلفاويين، المحس، والدناقلة، اما الكوشيين فهم ناس "جعلي حر" اللي جدو العباس!!!

نعم حيدر ينطلق في فهمو لي تاريخنا، من التصور القبلي، الجهوي، المسبق هذا، والمصيبة كلها في هكذا طريقة تفكير!!

نعم حيدر بيسقط مفاهيم وطريقة تفكيرنا الحالي، الولعت بلدنا علي تاريخنا، وهذا عجيب!!

نعم بنقول ليهو كل السود اين ماكانو، حول العالم، نوبة، يقول ليك لا، النوبة هم الساكنين مابين دنقلا وحلفا!!

انا اعترف، من جانب اخر، ده رد فعل، للطرح القبلي المدمر للمشروع ده، اللي فرخووهو غلاة قبلي المحس للاسف!

بقول كلامي ده كشاهد عيان منذ الثمانينات في القرن الماضي، او مش فقط في هذا الفضاء!

ولكن ده ماعذر او مبرر يا حيدر، لتمرير هكذا وعي قبلي ياحيدر!

شئ يموخل ان يختزل تاريخ البشرية كلها من حيث الاصل، في مجموعة او قبيلة بعينها!!!

ياحيدر، ياخي كلنا افارقة، اثيوبيين، كلنا سودانيين، كلنا كوشيين، كلنا نوبيين ياعزيزي او مش مجموعة بعينها!!!

معليش، للاسف هذا يفضح طريقة تفكيرك انتا وليس الموجه ليهم الاتهام، او علي كده ياريت لو تديها صنة او تفكر في كلامي ده!

اكرر، انا مقدر انو ده رد فعل لي افعال غلاة قبلية، العاملين فيها نوبيين حصريا، ولكن هذا لايبرر هكذا وعي قبلي من جهتك!

كده بقيت زيهم واحد!

ود القوز يا حبيب

Quote: على إنه اللغة النوبية حتكون خصم على تعليم اللغة العربية

ذكرتني بالمعتوه حسين خوجلي حين قال :

Quote: أتمنى أن يأتي اليوم الذى تنقرض فيه رطانات الحلفاويين والدناقلة والمساليت والزغاوة والهدندوة وتسود لغة الضاد الموحدة فلسان الذي يلحدون إليه أعجمي وهذا لسان عربي مبين.. هذه معركة ذات نطع وغبار أطلقها في الهواء الطلق لصالح الثقافة المركزية، نعم معركة فلقد سئمنا المقالات المسطحة التي لا تكسب الفكر عدواً ولا صديقاً. < نعم أتمنى سيادة العربية «ولعن الله أقواماً يحسدوننا على عطر الأماني".

تحياتي عزيزنا بشاشا
بالله اردم لينا ود الزين ده ردم الكورونا :)

Quote: والعمة هي كدمول المدينة والكدمول هو عمة الصحراء، بمعنى أن إسدال جزء منها على النصف السفلي للرأس يحدد نشاط وموقع مرتديها. الكدمول الحضري أو العمة السودانية الحالية مع الجلابية البيضاء هي زي أهل موريتانيا من الفقراء تحديداً

سلام ياحاتم،

اسمح لي اختلف معاك بخصوص العمة والجلابية:

اولا لو قصدك بالمورتانيين، الMoors ف"مورز" لغة معناها "سودان" بالعربي،

اي Blacks بالانجليزي، او علي كده فهؤلاء سودانيين، اي كوشيين زينا بالضبط،

وهؤلاء هم من نقلو اوربا لعصرها الحديث من بعد عصور الظلام هناك.

العراقي، السروال، الجلابية، الطاقية، وبالذات طاقية الانصار قديمة جدا جدا، وهي بتمثل التاج الاخترعو او لبسو اجدادنا.

اذن لاجديد هنا. لاحظ ناس الطرمبة، اي بيض اوربا، ماكانو عندهم كزي غير قطعة جلد تور لستر العورة فقط!!!

اذن باختصار العمة، اللابية، الطاقية، السروال، ازياء سودانية من السودان الحالي

من حيث التاريخ، والمورز سودانيين زينا واحد، احد، لافرق اطلاقا!

سلام ياحيدر،

معليش مافهمتا التكتح من كلامك اعلاه!!

خلينا في النقاط الاساسية:

انتا شايف "النوبة" بالفهم القبلي الجهوي، الحالي اي البحصر المصطلح ده في المنطقة بين دنقلا او حلفا، كمجموعة مختلفة عن "الكوشيين"،

مرة اخري بالفهم القبلي الجهوي، بتاع ناس "جعلي حر" الاصبحو "فجعاة" الكوشيين حصريا في السودان، راكلين جدهم العباس!!

انتا للاسف تنطلق من هكذا وعي قبلي، او لما ضبضناك متلبس قعدتا تلف او تدور حول نفسك تقول في كلام مامفهوم!!

رجاءا جاوب:
هل النوبة غير الكوشيين، ام الاتنين واحد؟
خالص الود.

سلامات بشاشا ..
ما مشكلة اصلو قالو كلام العرب قاسي هههههههه
نمشي زي ما نقول لتحقيق الرواية فيما تقتبسه إنت وركز شوية :)
كتبت لإبتداءاً ../

Quote: فجاء حبيبنا بشاشا وشغل الرشاشة :) وكلام بشاشا ما بناباهو بس الفيهو معروفة قرقرقر المهم تذكرت بكلام بشاشا الموغل في - كوشنة النوبة - وتكويش النوبة علي حساب كل السودان مش السودان بس بل افريقيا والعالم وكمان الاديان .. وقطعاً وبالتاكيد لا استطيع ولن يستطيع التاريـخ مغالطة بشاشا .. حبيت اول شئ اكمل قصة انه النوبة ما مسالمين ودا من واقع التاريـخ وان خلت مفرداتهم من لغة القذف والعنف. وأهديك كتاب على سبيــل الرد على نظريـة بشاشا في سلبطته النوباوية في تاريـخ كوش .. وانت حر بعدين بعد تقراهو تتفاهم مع بشاشا :) الكتاب هوتلخيص اواسمو تاريخ موجز لسودان وادي النيــل القديــم .. تأليـف زميـل المنبر عبد الله شم ود. أنس بشيــر .. دار المصورات 2019م

حيدر ذكر هنا انك بتقول بكوشنة النوبة والتكويش باسمها على حضارة كوش ؟
حيدر عبر في روايته عن الدهشة او الاستغراب .
حيدر قال انه في رد على سلبطة بشاشا وذكر جهة ومصدر وعنوان الرد ..
حيدر وصى وقال البقرأ الرد دا اليتفاهم مع بشاشا ..
أنا عاوز اتناول موضوع تاني في إطار الأسم او باب التاريخ الواسع ..

يبقى إنت وقت تجي يا بشاشا تتكلم بماودون دقة وضبط لما كتبه حيدر وتنطلق من نقطة دفاعية فقط لنظريتك
بيبقى كلامك ياهو البقولوا فوق في إختلاف معيار الطرح ونبقى طير في الباقيـر بدلالة انك بتجي تسألني انا رأي شنو هل هم والا ماهم !
يا سيدي قبل ما تقول لي انا عارفك جعلي قبلي كان تسألني بصورة مباشرة
وحينها كان بقول ليك والله اهو بنفتش الودرانة يدك معانا..
لكن هي قبليتك وجهويتك انت حمانا الله البتخليك كزول نوبي شمالي بتفترض انك الحقيق والوصي بكهانة معبد أمون رع ..
ثم إذا كان النوبة هم كوش او لا كوش هم الجعليين دا بيفرق شنو سؤالي
أين العمار والعمران
والا كان برضو القصة مقهومة بانه دي صنعة عرب وحلب ودع عنك .

المسألة التانية المفروض تسألني منها عشان أجاوب هي مسألة كوشنة الدين وافريقيا وسود العالم ..
لا ما متفق معاك وشايف نظريتك غلط واوفر زيــادة ..
بتثبت كلامك حبابك بالمنهج المنضبط في إحالته والرد المنضبط عليك بنفسالمستوى
أما الخطاب التجييشي فدا ما لا ناقة لي فيه ولا جمل كما قال العرب هههههه

مودتي

سلامات عبدالله إدريس

Quote: social distancing

والله ياهو ..
وهو عموماً بينقصك ما بيزيدك على مستوى المقصد والهدف من التواجد والتفاعل الانساني في تبادل المعرفة والفوائد ..
الإشكالية حالة الإنغلاق مع الرفض والإقصاء والإبعاد بما يشمل من معرفة وعلوم غير انه بيجهل الىخرين بيزيف وعي ونظرة التاني لي بناءاً على التخوف البخلقوا أنا ..
ودا بيودي دائماً لبتر ورواية غير امينة للحدث وزاوية شوف الراوي ..
بيتغفل الجانب دا بالباطلفي سبيــل اني ازيد وأبرر لعزلتي ..
ناخد منها كمثال مدونات ونظريات الآخر وكيف ممكن استفيد منها في توسيع مدارك ومرامي العلم عندي ..
أمثلة المنع والحرق والرفض متاحة بمختلف انواعها ..
في امثلة التدليس والرواية المضللة ووضع شعار ليها كأنها دي خلاصة نظرة التاني ليك بقصة دا الدليل شطب مافي داعي لمعرفتها .
رفض نظرة التاني وخلق شعار عن - عنصريته هو - او قبليتو او كفره - ونبذ روايتو من المنطلق دا شكل من اشكالية الإشكاليات ..
بتثير وتؤدي غرضها لكنها ما بتصمد قدام الحقائق والنظر بتمعن لو أردت أدراك لما قيـل ما قيل ؟
نجيب نموذج مثلاً عشان ما نطلق الكلام ساي :/
اليـوم لو قلت ليك ابن خلدون في زمنه كان علمه وكتابته الأفضل واستفادت منها ممالك ودول نشأت وتنظمت وسادت باستصحابها وفرض قراتها وتعليمها
وإنها فيها حقايق لا جدال فيها .. وسكتت .. رد الفعل حا يكون شنو ؟!
ورفض المستهجن او استغراب الرافض حايكون تحت شعار شنو!

دا نموذج بسيط للبتكلم عنه هنا ..
راجي الإجابة بس :)

HAIDER ALZAIN






مسكاقني للجميع
سلام صديقي العزيز ود الزين
مقشاشا دا ح يجر ليك البوست
لحدي ما تنتهي الكرونا زاتو
عااااااااطر الاشوااااااااق .

،،،،










عزالدين عباس الفحل
ابوظبي

الحبيب الفحل ..سلامات وتحياتي يا مك

Quote: سلام صديقي العزيز ود الزين

عليك الله هسع مافي داعي للصحوبية وتطلعني ود اهلك وكدة
المسألة ما ناقصة والله هههههههههههههههه

الاحباب الكرام ..
مشكلة الباحثين السودانيين انهم يكتبون من صالوناتهم بدون معايشة واقع وجغرافية وزمن ومكان البحث
والباحثين اوربيين عن النوبية أو الكوشية كانوا يأتون الى الحاضنة ومعرفة لغتها وعاداتها وكلماتها
تخيلوا أنني كنت أقرأ للرحالة والباحث بيركهارت .. وجدت كلمة ( إرد) في النوبية وهي ترمز لفرس ا لبحر
وكيف أنه رأي هذا الحيوان هناك ورجعت الى واقعنا اليوم وجدت ان كلمة ( إرد AIRID ) مستخدمة
اليوم للشخص الضخم الجثة .. وثبت لدي أن هذا الحيوان كان موجود عندنا زمان ..

الباحث مثلا عن تاريخ النوبة إذا لم يكن لديه إلمام باللغة النوبية ومفرداتها من الصعب جداً ان يكون بحثه مطابق
فهؤلاء الباحثين الغربيين كانوا يأتون إلى المنطقة وعيش فيها بين السكان ومعرفة المفردات كما شارلي بونيه اليوم
وهيرمان بيل الذي تردد على المنطقة لسنوات طويلة حتى جاء بمعجم النوبية

تخيلوا عندما حل الفرنسي شامبليون رموز وحروف حجر الرشيد .. اصا ب المصريين في المقتل لانها جاءت مطابقة للنوبية
مثال بسيط :
اسم تحوتمس .. جاء في شرح شامبليون ( بأنه نموذج المتدين المثالي ) ومعروف عن تحتمس بالمثالية
ما هو المقابل للانسان المثالي في النوبية ( توت مس ) مستخدم اليوم في لغة النوبية هو الشاب الرائع الجميل
وهذا الاسم اليوم مستخدم في للغة النوبية الدنقلاوية ( توت - ابن - او كما يقال بالعامية - جنى فلان ) حتى بالانجليزية TOT
في القاموس الانجليزي ( a very young child.) لاحظ الانجليزية والنوبية خالية من حرف (الحاء )

لفظ آمون .. حسب الباحثين مدلول الاسم ( ابن الشمس ) والثاني ( ابن الماء )
بالنوبية ( اون ) القمر ، البدر ، الهلال أو الكوكب في السماء ( اليوم الكلمة مستخدمة عندنا .. ورمضان قادم ويردد فيه اسم اوون
المعنى الاخر ( ابن الماء ) بالنوبية المحسية الماء ( امون) AMOAN ( اليوم في تردد .. امون قا ارييه .. جيب موية )
هنا أيضا يتطابق المعنى ..

البحث العملي لا يتم من الصالونات والقوقل
فمثلا إذا كانت لدي رغبة في عمل بحث عن أهلنا البجا لا بد لي ان اقضي سنوات في منطقتهم
أولا لأعرف اللغة والمفردات وهي الاهم .. ولكن بحوث تتم من صالونات ومكتبات جماعة الخرطوم
وغيرها .. معليش اذا كان في الادب والشعر العربي والانجليزي وغيره

ولماذا أتى شخص مثل بيركهات من المانيا وهو في ربعان شبابه وطاف في المنطقة
وعرف مفرداتها ألى أن اصابه مرض الحمى وتوفى في القاهرة على ما أذكر وهو دون 35 عام
تخيل هيرمان بيل يعيش في المنطقة شهور تاركاً المانيا بعزها ويجي وسط الملاريا والتايفويد
لتقديم دراسة موثقة ..
===============================

هل كان شامبليون دنقلاوي أو محسي عندما فكك رموز حجر الرشيد
وكيف لحضارة ان تستمر يوم واحد بدون توثيق كما حجر الرشيد
لماذا جاءت المفردات مطابقة مع المفردات النوبية المستخدمة اليوم حتى بدون تأويل
مطابقة في كل شيء في النطق والتنغيم والامالة .. ولماذا قامت المخابرات المصرية
بتصفية الباحث النوبي ( لا استحضر اسمه الحين ) بحادث دهس بالسيارة عندما كتب عن توافق المفردات النوبية مع حجر الرشيد
وأن اصل تلك الحضارة نوبية ..
ولماذا كتب شامبليون بأن اللغة فيها نظريات هندسية معمارية وذلك والى اليوم فإن المصريين كاتمين سر
الهيروغلافيه ومدلولاتها ومفرداتها ..

===================================
المشكلة أن الباحثين السودانيين يدخلون بالتاريخ الى مكايدات عرقية وسياسية

وأنني ولدت ونشأت والى اليوم منزلنا على بعد أقل من 2كلم من حضارة كرمة والدفوفة
وعدد سكان القرى عندنا محدود جداً يعني تعرف الغريب على طول

منذ طفولتنا وسنوات طويلة مع صعوبة المواصلات كنا عشرات الاوربيين من الباحثين
ياتون الى قرانا للعيش معنا مع بداية الشتاء رغم المعاناة والتعب والمرض

اولاً كانوا يحاولون معرفة العادات والتقاليد في ذلك الزمان .. زيارة النيل والاعراس وطقوس اخرى
ويقضون يومهم بين آثارات كرمة وتبو .. وكان أهلنا وخاصة الناس العاديين لا يعرفون البحوث وغيرها
فقط كانوا يظنون ان هؤلاء أتوا للبحث عن الذهب ..

طوال هذه الفترة الممتدة من العمر لم نرى باحث سوداني واحد اتى للقرية
فقط اليوم وبعد اسلفت وطرق والكهرباء يأتون في مجموعات وفي زيارات لحظية
غناء وشواء وطرب ونزهة وتصوير وفيلم تلفزيوني ثم يغادرون في ويومين او ثلاثة
===================================
دعك من التاريخ القديم فإن الباحث السوداني يرتجل هكذا .. في لقاء تلفزيوني
عن خليل فرح كان يقدمه حسين الخوجلي وذهب الكلام الى بعد آخر لم أكن اصدق
أن باحث عندما تناول عبارة (عزة ما نسيت جنة بلال ) ذهب الى بعد آخر وهو بلال بن رباح رضي الله عنه
ودخل في متاهات اخرى طويلة .. واذا كان هذا الباحث زار قرية خليل أو مكان منزله اليوم كان عرف أن
خليل يقصد ( بلال بيرم ) جده من أمه ونخيله والناس في الشمال كانوا يعتزوا بجنائن النخيل
والى اليوم ( بير إكي ) في صاي ساب .. الكلام ده قبل سنوات .. قادتني بنت أختى إلى عمارة جميلة في الخرطوم وهي استاذة في جامعة السودان
واصرت علي بأن هذا الكلام مهم وذهبت بي الى حيث مكتب حسين خوجلي وشرحت له هذا الكلام .. وكثير من ابناء المنطقة يعرفون بلال بيرم وجرت
نقاشات في المواقع النوبية عنها وعن الخلط في البحوث والتأويل حسب الغرض والسياسة

هذا نموذج بسيط .. حتى كتاب عون الشريف ومدلولات الاسماء لدى المحس فيها تناقضات ..
هذه مشكلة البحث والباحثين لدينا ..

المهم اذا لم تعرف لغة قوم لا تنظر فيهم ابداً
وكل ما كانت معرفتك بعدة لغات تجد ان لك مساحة واسعة من مناورة والتأويل


مودتي .. الاحباب الكرام ..

Quote: للاسف الشديد يا حيدر اخوى مصدرك زميل المنبر عبدالله شم ومن كانوا معه يروجون لهذا الخطل عبر القنوات الفضائية والصحف اليومية ليس لديهم مصداقية اطلاقاً حتى استطاعوا من تحويل الاحتفالات السنوية والتى كانت تقام فى الدفوفة الى منطقة البركل .ومن تلك المآسى قيام تلك المجموعة بمصادرة ومنع تداول كتاب النوبيين العظماء للامريكية دورسيلا فى معرض الخرطوم الدولى فى عام 2017م من اجل تحقيق اهدافهم فى تحويل وتجيير الحضارة الكوشية السودانية باسم الحضارة النبتية والمروية .والاغرب من الخيال انّ الحضارة النبتية والمروية ايضاً حضارة نوبية والحضارة الكوشية التى يتحدثون باسمها ويقولون بان النوبة لا علاقة لهم بها :

بالضبط كده يا علاء فالأخ عبد الله شم وجماعته (الكوشيين الجدد) عايزين يحصروا كوش في منطق معينة ويعيدوا تدوير مأساة ومحرقة الإبادة المدورة في
السودان باسم العروبة والإستعلاء علي بقية خلق الله من أول وجديد.
كوش يشمل جميع السود علي وجه الأرض وليس في السودان وحسب ونوبة الشمال جزء من كوش وليس العكس قالوا لا النوبة تحديدا قالوا أتوا من الصحراء
وهم قوم سيئين دمروا الحضارة المروية علي حسب زعم (المنافق) عالم اللغويات كلود راللي لأنهم بيعرفوا إنو النوبة أكتر ناس متمسكين بكوشيتهم.
____________
الكوشيين الجدد ألفوا ليهم أغنية إسمها أنا كوشية غنتها الطيرة ندي القلعة علي طريقة دخلوها وصقيرها حام خخخخخ
سلام يا حيدر نقاشك مع بشاشا جميل واصلوا وإن شاء الله نحن نستفيد.

الى الان يمكن القول بأن هناك صراع بين مدرستين ، ان جاز تسميتهما بالمدارس ..
الكوشيون الجدد ، كما اسمهاهم بشاشا ومحمد محمد قاضي ، و مدرسة بشاشا ، وهي مدرسة متجاوزة
في نظري تخلط العلم بايديولوجيات العرق . لم اطلع على كتاب عبدالله شم ولا ادبيات الكوشيون الجدد
الا لماما من خلال بعض مداخلات عبدالله شم في بوستات سابقة.
لكني ارى بوجوب اخضاعه ، أي الكتاب، لمبضع النقد ، لا اطلاق الاحكام كيفما اتفق. لأني لم أر في
سياق البوست أي نقد علمي مؤسس ومدعوم بالمصادر واكتفى البعض بلعب دور سلبي يستند على
رأي شخصي فحواه ان عبدالله شم غير مأمون على التاريخ ، كأنما التاريخ أصبح "عتود كرامة" !

Quote: ياعزيزي قنا اي انسان اسود اين ماوجد في قارات العالم، نـــــــــوبي، دعك من افريقيا، او حتي السودان!! المعيار هنا، هو الثقافة، وليس لون الاضان او الجغرافيا!

بشاشا عودا حميدا ياخ
عدل الحتة دي لانها ما بتظبط ، ما ممكن تقول اي انسان اسود (تؤكد على اللون) وبعدها بي
كم كلمة تقول المعيار هو الثقافة !
السود منتشرين حول العالم ، دي حقيقة ، بس ثقافاتهم مختلفة حتى داخل افريقيا نفسها.

تحياتي وسلام حاتم ابراهيم ..

وشكراً للبيان العملي لعلم الجرح والتعديـل .. ودا البنحكم بيهو على اهلية الرواة حيـن يستصعب الأمر او تحكمنا القدسية ..
ووضعه مهم جداً في التاريـخ والسيـرة لرواة غرائب اخبار الأحداث الهم وقوف عليها شخصياً او خبرها موقوف عندهم ..
لكن الجرح والتعديل في العلم ما بيكون مطلوب لسبب . لانه خاضع لقواعد وأسس وبرهان ..
تدوين وكتابة التاريخ مفروض انها علم بتقديري وتركز على ذكر تاريخ الأحداث والامم ووملوكهم مع المصدر والدليل والبرهان ..
ودا بنخرج فيهو من ذمة الباحث أو الكاتب لذمة صدق وحقيقة ماذكره ودونه وبراهينه وأدلته وتحققه تم كيف ..
جدي قال لي سمع فلان دا حكمو في الجرح والتعديـل ..
ماذكروا عبدالله شم من تواريخ ومن مصادر قابلة للتحقق .. دا تاريخ يخضع للتمحيص ويشكر للمجهود إن نجحت الأدلة وقواعد العلم كعلم ..
وتبقى مفروزة الصحيحة من المدلسة او موضوعة .. دون رفض الصحيح بحجة فساد البعض .. لا

ووقت يجي يطرح رأيو او نظريتو بناءاً على قرايتو للحدث وتعليلوا للأسباب وخلاصة تصوره لما حدث فيما قرأ وتحقق ..
بيبقى هنا عندي مجال افند وانقد واطرح واناقش بناءاً للقرايات المختلفة حول نفس الحدث بدون ما اكون بجادل بمنهج مقولات ومسلمات
البتدفعني للجرح والتعديل وتقييد الشهادة :)

بالنسبة لكلامك دا .. تساؤلك في الصميم ..
بداية زمن الكرونا تسألت بدون أقرأ كلام شم دا اللخصتو انت .. إنه المسألة دي ما ممكن تنقال ببساطة كدة
ونحن بنتكلم عن تاريخ قريب وحضارة وشعب منيع .. تستقبل هجرات تستقبل غزوات مابيؤثر بالسرعة دي
دا ولسه ما وصلنا حتة مقارنة وتدقيق تواريخ..
دا رفض في مرحلة ما قبل الجرح والتعديل زاتو وهي قول ما لايقبله عقل ولايخضع لقانون ههههه
لطبيعة وجغرافيا التاريخ والديمغرافي وعلم الاجتماع وكل المظاهر الممكن استصحبها والشواهد المماثلة والمجاورة بترفض الطرح دا ..
وإن كان للأوبئة والطواعين في كذا مدونة بتؤثر في الديمغرافيا بصورة كبيرة في سنوات قليلة ..
ودا إستدراك نفاج كسبيل التحية والتقدير للكرونا والجدري ..

تحياتي

Quote: أسمح لي أيضاً أخ عبد الله شم أن استرسل في نقطة مهمة جداً، ورد في ذات العدد 1 من مجلة تاسيتي 2016 الفقرة التالية: _____________ ساد الإسلام واللغة اللغة العربية بين سكان منطقة النيل الأوسط الذين تحركت مجموعات كبيرة منهم نحو الشمال والجنوب الشرقي إبان الحروب التي أدت إلى سقوط مملكة علوة. وتكون المجتمع الجديد في منطقة النيل الوسطى وانتشرت الخلاوي وزرائب الفقراء وبدأت كفة متكلمي اللغة العربية في العلو، فاختفت اللغات والانتماءات القديمة، وظهرت الانتماءات والأسماء القبلية للمجتمع الجديد مثل الجعليين والشايقية والرباطاب. فحلت اللغة العربية محل لغة السكان الكوشية القديمة. أما مناطق النيل حيث تعيش المجموعة المعروفة الآن بالمجموعات الجعلية وهم السكان المفترض فيهم أن يكونوا متحدثي اللغة الكوشية )السودانية القديمة( بحكم ارتباطهم بموطن اللغة الأصلي، فقد انقطعت صلتهم بلغة أسلافهم القدماء وحلت اللغة العربية محل لغتهم القديمة. _________________ فيها اختزال لجانب مهم جدا من التاريخ الخاص بانتشار اللغة العربية والإسلام، في الحقيقة لا يوجد أي توضيح ، فكيف ساد الاسلام واللغة العربية في منطقة (النيل الأوسط)؟ أرفق سؤالي هذا مع ملاحظة قديمة أكررها من أن سكان تلك المناطق المتحدثين بالعربية تتطابق أسماؤهم مع الأسماء الموريتانية على نحو مذهل جداً، الأسماء الموريتانية أقصد بها مجموعة من حوالي 200 إلى 250 اسم أورد منها الأهم والمشهور في هذه العجالة (أحمد_الأمين، محمد_الأمين، محمد_أحمد، سيد_أحمد، أحمد_البشير، أحمد_المصطفى، محمد_المصطفى، محمد_الحسن، أحمد_الحسن، محمد_زين، أحمد_المبارك، محمد_المبارك، الزين، بلة، بلال، بليل، بليلة، الطيب، طه، الحبر، النور، الزبير، الشفيع، نور_الهدى، الطالب، الفاضل، الهد، السالك، العبيد، الناجي، بابا، حنين، سالم، بابكر، مختار، مصطفى، معاوية، شيخ، قسم_السيد، فضل_السيد، حاج، حيدر، عوض، عثمان، صم، فضل_السيد، جبارة_الله، خير_السيد، محمد_عثمان، باب_الله، جوى_الله، حواية_الله، ضيف_الله، حب_الله، إدريس، المعتصم... وغيرها). وهي ليست أسماء معاصرة محدثة بل تتواصل على أجيال كما تعرفون، وقد مررت ببعض منها يظهر للجد الثالث في السودان ولكن لم أوفق في التوصل أبعد من ذلك، ربما لمحدودية سرد الأسماء في الوثائق الرسمية، وبالتأكيد أن من بين الباحثين في المجلة من يحملها كما أرى، فكيف تسقط هذه الملاحظة التي تسند نفسها بقوة في مجال الدراسة من بحوثكم حول الأصول التاريخية للغة العربية والإسلام؟ وكيف تفسرون تطابق الأسماء بين هذه البقعة في سودان نهر النيل وأخرى على بعد أكثر من 6000 كيلومتر في غرب أفريقيا جنوب الصحراء؟

بس اعفاني من حتة مورتانيا دي في بصمي على تساؤلك لانه شايف بشاشا زي ما راضي كدة :) :)

Quote: حيدر ذكر هنا انك بتقول بكوشنة النوبة

عوووووك يا اهل المروة!!

يااعزائي، اعملو فيني معروف او وصلو النقطة دي لي حيدر:

نعم النوبي هو ذات الكوشي، والكوشي هو ذات النوبي!نعم لافرق اطلاقا!!

نعم في زمن او مرحلة معينة نفس الزويل اسمو تغير من كوشي لي نوبي!نعم تغيير في الاسم فقط!

حتي هنا نوبيا مثلا بشير للوطن اولا او مش للسكان من حيث المعني الحرفي لي اسم نوبيا اللي ماخوذ من الدهب كمعدن!

حيدر لانو، وبحكم وعي الفرذ القبلي، الجهوي، منحوت في لاشعورو،

انو "النوبة" حصريا هم تحديدا "قبائل" الدناقلة المحس، والحلفاويين، اما الكوشيين فهم ناس "جعلي حر" من العباس امثالو، حصريا!!!

قنا كلام حيدر ده، اصلا ردفعل لي شطط غلاة العامليين نوبيين حصريا!!

نعم حيدر ينطلق من فهم كهذا محفور حفر في الذاكرة، او عشان كده، بفهم كلامي كلو من منطلق هذا التصور القبلي، الجهوي، المسبق لانو اسير وعي قبلي للاسف!!

شئ عجيب، بحق!!

عجيب جدا ان تحاكم بي تصورات خصمك، المسبقة ملقية ومسقطة اسقاط، بالبراشوت فوق نافخوك!!!

ياحليل اهلي في الهامش!!!

حتي هنا، النوابة، والكواشة، مرقوهم بي قد القفة!!!

ولكن نمشي او نجي، او نقول، نحن سعداء بهذا حقيقة، واول الغيث قطرة!!

تدافع كهذا مهما كان، للتسربل، للتمسح، بالاصل الكوشي، النوبي، بهزني هز، حقيقة، بغض النظر عن الجوانب السلبية،
المتوقعة سلفا، الناجمة عن طريقة تفكيرنا الحالي، المستعرب، القبلي، الجهوي!!

زي ماقتا، الحراك ده بدا في ثمانينات القرن الماضي فقط، في اوساط المثقفاتية لانو الكل في الشمال كان جاكي
من اي علاقة تربطو بي اسم "نوبي" اللي كان يعني حتي ذلك التاريخ "عبد"!!

نعم حتي الخمسينات الانجليز رسميا كانو في معاجمم بعرفو اسم ومصطلح "نوبي" بي معني "عبد"!!

لهذا، الي هذا التاريخ، كبارنا في اقصي الشمال مابعرفو زاتو مامعني "نوبي"!!

التحية لاهلي في الجبال، مرة اخري، الدفعو فاتورة بقاء هذا الاسم الكبير جدا، خارج السودان الان، الي هذا التاريخ علي لسانا، عشان يجو امثال بشاشا،
او يلقوها باردة، او من دون مايدقو طورية، او يهبرو بالاسم ده، حصريا!

نفس المشهد الان يتكرر من ال العباس، اللي بدورم وبذات الطريقة مادايرين اي زول ما جدو العباس، يكون كوشي!!!

ده كلو خير بالمناسبة، ما تنزعجو، فهذا مرحليا طبيعي بحكم وعي الاسترقاق العروبي، الحالي!!!!امنتو، بامون!!

يا بشاشا أنت وصل لنفسك نقطة أنه حيدر ذكر المعلومة دي وإنت معترف انك بتقولها وكل مرة بتثبت كلامي..
وحيدر ذكره في عرض مصدر بيخالف قولك وبذكر اختلاف كوش عن النوبة وانه بناءاً على اثبات المصدر فكلامك تكوييش
إنت ما نفيت ماذكره حيدر بل ضمنياً بتقول ايوة كوش والنوبة واحد ..
وليتك اكتفت..
بل بتجزم انه كلامك هو الصحيح ونظرتك مسببة ومن يخالفك ودون ادني اعتبار لأي مسألة بيكون السبب لموقف الوعي القبلي بتاعو البيحركو ..!
هنا انت ما شاعر انه في شئ غلط ؟؟!

بعد تقع ليك النقطة دي ..
بقدر اشرح ليك الأثر الديني في خطاب بشاشا ..

Quote: لأني لم أر في سياق البوست أي نقد علمي مؤسس ومدعوم بالمصادر واكتفى البعض بلعب دور سلبي يستند على رأي شخصي فحواه ان عبدالله شم غير مأمون على التاريخ ، كأنما التاريخ أصبح "عتود كرامة" !

سلام يا عبدالله ادريس اخوى
سأقوم بالرد عليك لاننى احد المشمولين فى المقتبس اعلاه .
شخصياً انا من القائلين بأن عبدالله شم غير مأمون على التاريخ وذكرت فى مشاركتى الاسباب والدفوعات :
- مشاركاته فى البرامج الحوارية فى تلفزيونات الكيزان وصحفهم وهنا مشاركاته الكثيرة فى سودانيز اون لاين
والجريمة الكبرى ( منع تداول كتاب النوبيين العظماء للامريكية دورسيلا فى معرض الخرطوم الدولى فى عام 2017م )

والاهم من هذا هو :

ايراد مصادر تاريخية تفند زعمهم فى انّ النوبة لا علاقة لهم بالدولة الكوشية واحلت كلامى لمصدرين :

-

Quote: المؤرخ السودانى الدكتور محمد ابراهيم بكر فى كتابيه عن تاريخ السودان القديم : - تاريخ السودان القديم حضارة كرمة - قيام دولة كوش - مملكة نبته اصل الحضارة السودانية وجدولها الزمنى - مملكة مروى ونهايتها . ( الطبعة الاولى 1971م ) - المدخل الى تاريخ السودان القديم . فى هذين الكتابين القيمين يتحدث المؤرخ عن اصول الكوشيين فيقول :الحضارة الكوشية كانت لها ثلاث عواصم كل واحدة منها امتداد للاخرى وهى : - كرمة - نبتة- مروى وعندها انتهت الحضارة الكوشية

و زيادة على هذا الدكتور محمد ابراهيم بكر يقول فى كتابه تاريخ السودان القديم حضارة كرمة قيام دولة كوش مملكة نبته :
انّ الحضارة الكوشية قامت فى المنطقة النوبية .

وانا بصراحة ما عارف ( يا اما انتا تكون ما قريت مشاركتى بالكامل او تكون قاصد مشاركة شخص آخر any how

Quote: و مدرسة بشاشا ، وهي مدرسة متجاوزة في نظري تخلط العلم بايديولوجيات العرق

عبدالله ادريس تحياتي

اولا كمدخل، خليك فاهم بالنسبة لينا، العرق هو مركز دائرة وجود الثقافة الارية المهيمنة علي عالم اليوم.

بالفهم ده حتي مايسمي علم اساسو العرق لوتعلم!!

نعم هذا العلم اثبت انو امثالنا من "النقرووذ" كما يطلقون علينا، "دون"، والبيض متفوقين!!

عشان كده او بناءا عليه، "العلم" ده قال، حضارة السودان اسسوهابيض اوربا تحديدا، اما نحن فقالو لم نسهم قط في تاريخ البشرية بشئ!!

القالو الكلام، "علمــــــــــاء" كبار جدا في امريكا، تخرجو من "هـــــارفارد"!!!

اها " العـــــــالم" القال الكلام ده "علمــــــــاء" الخواجات نصبوهو ك"اب" لي تاريخ الحضارة "النوبية"!!!

لاحظ ده كلو باسم "العلــــــــم"!!!

قال مدرسة بشاشا تخلط العلم بايديولجيا العرق!!!

قرقرقرقرقرقر!!

ياعزيزي، تذكر، بشاشا ده، فعلا بجيد رندوق "الرومان".

ولكن بي وعي، وعن المام ومعرفة عميقة باساليب هؤلاء، انطلاقا من مرجعيتو هو،
عكسك انتا الطرورك مصوب، تشيلو شيمة كاسحة مغربابو او قبل مايصل قيف الغرب، تجرفو تاني شيمة كاسحة، مشرقابو!!

ليه؟

لانك لاتقف علي قدمي مرجعية ثقافتك انتا، كافريقي!!!

عشان كده طرورك مصوب، لانك كما نبات السلعلع بلا جذور، اي بلا ارضية خاصة بيك، تقيف عليك،
او عشان كده او سلفا بتتخيل ترهات الخواجات والعرب، كعلم، او كمان "دين"!!

من حيث الدين، حتي هنا، دينم بقول امثالنا من السود ملعونيين، ولهذا في امريكا كان ممنوع انسان اسود يعتنق المسيحية!

هكذا تم استرقاق امثالنا في عالم اليوم باستخدام "العلم" و'الدين" لاننا طيور بمعني المفردة!

نعم بحكم مركب النقص، كلام الخواجة او العربي، طوالي "وحيو، اوحي"!!!

شئ مخيف، جدا، ايمان امثالنا الساذج، الببغاوي، بي ترهات، "علم"، "حداثة"، "استنارة"، "علمانية" او كمان "مهنية!!

ود القوز تحياتي او مشكور علي الترحيب.

Quote: بالمناسبة انا بتفق مع بشاشا فى كل مايكتبه عن الحضارة الكوشية بشاشا زول مطّلع على لوح الحضارة .

العزيز علاء،
مشكور علي الاطراء، ونتمني نكون قدر حسن ظنك بينا.

حيدر حسن ميرغني،
مشتاغون ياخي، ليك وحشة.

Quote: يا بشاشا أنت وصل لنفسك نقطة أنه حيدر ذكر المعلومة دي وإنت معترف انك بتقولها وكل مرة بتثبت كلامي..

وقسما مافاهم ياحيدر انتا قاصد تقول شنو، لما تقول لي:

"انت معترف انك بتقولها"؟

معترف بي شنو، مثلا؟

انو النوبة هم القاطنين مابين حلفا او دنقلا، حصريا، وبالتالي هؤلاء يختلفون عن الكوشيين، اي ناس "جعلي حر"؟

بعدين الطريف جدا، مشيت جبتا كلام واحد قتا ديكتور، كدليل علي صحة كلامك، من دون ما تنتبه، كيف كلامك
او طريقة تفكيرك انتا والدكتور ده، هو فعلا القاعدة في السودان المازال مصري انجليزي!

اقصد الوعي القبلي النفخو كيرو مستعميرنا بخبث او بي ذكاء، هو اساس طريقة تفكيرنا الحالية، القبلية، الجهوية!

ماعشان كده علي ع اللطيف سجنوهو لما اصر يقول انا سوداني "فل استوب" كاجابة للسؤال المتكرر من قبل المستعمر عن "قبيلة" هذا البطل!

نعم كان جريمة ان تقول انك سوداني او "بث"، منبت قبليا!!

اذن انتا لاتحتاج لي دليل لتثبت طبيعة تفكيرك كقبلي، وكذلك الدكتور الجبتا سيرتو!

نعم الدكتور ده من دون مااعرف عنو اي شئ، هو خريج النظام التعليمي الوضعو مستعميرنا، وبالتالي امثال هؤلاء هم المسؤولين من طريقة تفكيرك دي!!

انا خريج كلية غردون، وبالتالي شاهد ملك شاف ده كلو لما نزل الشارع في الثمانينات!

نعم رسميا في كلية غردون، النوبيين حصريا كانو هم سكان المنطقة بين دنقلا او حلفا!

نعم جمعية الدراسات النوبية واسبوع التراث النوبي السنوي في الثمانينات كان خاص وحصريا بالمجموعة دي، حسب المقرر الرسمي الوضعو مستعمرينا!

او حتي ده زاتو تبلور في الثمانينات فقط لما هم اي الخواجات انسبحو بي هدوء من "نوبيا" الاصلا كانت حقتم هم،
ليدافعو عن "مصر" حقتم افتراضا، حسب هذا المقرر اللي صاغو هم، لما خسرو الصراع مع المدرسة الافريقية السودانية، خارج السودان!!

واضح جدا ده موضوع ماساوي ضخم جدا جدا ياحيدر لوتعلم، ولكنك لات

حيدر
اميرة النوبية بتقول ليك انك سمعت كلام عضو المنبر العام جمال ود القوز وغيرت العنوان
وحذفت اسم استاذنا علي عبد الوهاب وانك جيت تكحلها عميتها،لانك غيرت
العنوان واضفت كلمة امي ، بوصفك لشعب كامل بانه امي ،،وان ده كلام عيب تقول
ان النوبيين اميين، الا اذا انا قاصد بكلمة امي من الامومة زي ما قالوا ليك،،(انتهى كلام اميرة)،،
،،وانا بدوري ايضا اشيد بالبوست المفيد ولكن كلمة امي دي ما عاجباني،،،
والله يبعد عنكم شر الكرونا ،،،

Quote: وحيدر ذكره في عرض مصدر بيخالف قولك وبذكر اختلاف كوش عن النوبة وانه بناءاً على اثبات المصدر فكلامك تكوييش إنت ما نفيت ماذكره حيدر بل ضمنياً بتقول ايوة كوش والنوبة واحد .. وليتك اكتفت.. بل بتجزم انه كلامك هو الصحيح ونظرتك مسببة ومن يخالفك ودون ادني اعتبار لأي مسألة بيكون السبب لموقف الوعي القبلي بتاعو البيحركو ..! هنا انت ما شاعر انه في شئ غلط ؟؟!

سلام يا حيدر الزين - شلوم

ليس هناك اختلاف كلو كلو مابين النوبة وكوش و الادلة كتيرة هاك هذا الدليل مثالا :

- تفسير الكتاب المقدس - العهد القديم - القمص تادرس يعقوب
سلسلة "من تفسير وتأملات الآباء الأولين"
إشعياء 18 - تفسير سفر أشعياء
كوش تقدم هدية الله

Quote: يُقصد بكوش جنوب مصر، حاليًا النوبة، والسودان وأثيوبيا، وكان ملكها القدير ترهاقة (2 مل 19: 9) قد ملك على كوش ومصر؛ هذا بعث برسل على سفن صغيرة مصنوعة من حلف البردي إلى يهوذا طالبًا التحالف معه ضد سنحاريب ملك آشور.

ليكون موقفى واضحاً وجلياً فى كتاباتى هنا فى هذا البوست او اى بوست اخر فى نفس الموضوع هو :

- انّ الدولة الكُوشية نشأت فى المنطقة النوبية وانّ الحضارة الكوشية كانت لها ثلاث عواصم كما قال ذلك المؤرخ دكتور محمد ابراهيم بكر :

Quote: فى هذين الكتابين القيمين يتحدث المؤرخ عن اصول الكوشيين فيقول :الحضارة الكوشية كانت لها ثلاث عواصم كل واحدة منها امتداد للاخرى وهى : - كرمة - نبتة- مروى وعندها انتهت الحضارة الكوشية

- للاسف الشديد فى عهد الفوضى والضياع فى سودان الكيزان حاولت مجموعة من بعض الاثنيات سرقة تاريخ السودان وابعاد النوبة عن تلك التاريخ
وتجيير التاريخ والدولة الكُوشية العظيمة لصالح تلك الاثنيات ولكن هيهات ,

والله دي مصيبة كمان بقي يرحب ويطايب ويوصل الباب كمان ولسه سادر في خطابه الإسقاطي الغير واعي ومنضبط ..

عزيزي بشاشا ما هو إنت ما ممكن تقول للزول أنا ما فاهمك بتقول في شنو هنا ولا قاصد شنو ثم تستدرك بانك تفسر وترد على كلامو إنطلاقاً من موقفك من قبيلتو او جهتو ..
كدة بتكون ياعزيزي ا طلعت من الموضوع والمكتوب قدامك الي التخمين والاسقاط وورجغة القطيــع ..

لكن ببساطة إنت مش ما فاهم ..
انت ماعاوز تفهم وطبيعتك تقهر وعيــك على عدم الفهم .. هي مسألة مرتبطة بالدفاع الذاتي ..
لانه اللحظة البتفهم فيها خطابك دا حايموت تلقائيـاً وتلقى نفسك خارج السيـاق ..
عدم فهمك دا ضروري ليك لحفظ الوجود .. حنوط بيماسك اوصال خطابك المتهالك ..

مافي شئ بيخليك تفهم ..
اصلاً المفروض إنك ما تفهم وإلا انعدمت عندي النماذج الحاضرة..

كم مرة فوق قلت ليك جلا لاني فاهمك ومصر تهرطق ؛
ومابتخجل كمان تضيف حيدر قال وحيدر يرى ..

ياعزيزي بشاشا انت اليوم السبورة في زمن كرونا ..

Quote: وانا بصراحة ما عارف ( يا اما انتا تكون ما قريت مشاركتى بالكامل او تكون قاصد مشاركة شخص آخر any how

مرحبتين علاء
قريت مداخلتك لكن ما لقيت فيها البفتش ليهو او الشيء القاصدو انا ..
انا اتحدث بالتحديد عن الكتاب المذكور في صدر البوست ، لقيت اتهامات لعبدالله اثباتها بالنسبة لي ما مفروض يكون موضوع هنا
وبستلزم انو عبدالله ذاتو يكون موجود.
حيدر انطلق من الكتاب ، يبقى المطلوب هنا دحض الافكار الواردة في الكتاب كمنتج فكري بكلام موثق ومؤسس بعيدا عن شم
لانو لو ادينا الموضوع بعد شخصي يلزمنا كمان نشوف الكاتب التاني حكايتو شنو .

سلامات الاخوات امتثال واميرة ..
آمين ويحفظكم ويرفع البلاء برحمته ..

Quote: حيدر اميرة النوبية بتقول ليك انك سمعت كلام عضو المنبر العام جمال ود القوز وغيرت العنوان وحذفت اسم استاذنا علي عبد الوهاب وانك جيت تكحلها عميتها،لانك غيرت العنوان واضفت كلمة امي ، بوصفك لشعب كامل بانه امي ،،وان ده كلام عيب تقول ان النوبيين اميين، الا اذا انا قاصد بكلمة امي من الامومة زي ما قالوا ليك،،(انتهى كلام اميرة)،، ،،وانا بدوري ايضا اشيد بالبوست المفيد ولكن كلمة امي دي ما عاجباني،،، والله يبعد عنكم شر الكرونا ،،،

للحقيقة غيرت العنوان قبل اشوف مداخلة العزيز ود القوز ورايه مقدر وحكيم عندي ولوشفتها اول كان تجاوزت الاضافة من العنوان للمتن ..
لكن دا ما بيمنع اني مصر على إضافتي ( وعشان للمرة التالتة اوضح واشرح المقصد بدون ما زول يأخد في نفسه شئ ويزعل عشان هو نوبي فقط)..
لأنه الليلة وقت تجيني إنت تعرف نفسك نوبي وزعلان من وصفي لشعب بالأميـة ..فهنا بيكون موقفك وزعلك دا مبني على اساس شعور قبلي وعرقي فقط
وزعلك ودفاعك مبني على أساس انه عيب في حق اهلي .. عكس لو قلت مسالمين مثلاً وشجعان بتجيني مفتخر ..
يبقى أوضح نقطة هنا
عن نفسي إطلاقاً الشعور التضامني دا ما بعتبره عنصرية أفراد أو قبلية منهم في باب ردهم على وصفي لأنها طبيعة بشر ورد فعل متوقع -

فخرك اول زعلك المبني على شعورك دا شئ خاص وعاطفة شخصية بقدرها وبحبها وبتغمرني برضو في مواقف تانيـة ..
لكن زي مابقولوا الخواجات بيزنس از بيزنس
أنا ما جيت قلت ليك شعب أمي في معرض نبذ وشتيمة ولا معايـرة ومفاخرة ..
ولا وصف شعب وامة وشخص بالامية في عدم الكتابة والتدوين نبذ شتيمة إذا كان الحال يطابق المقال ..
ولا قللت من قيمة افضل خلق الله عليه افضل الصلاة والسلام ولا قومه..

كلامي ببساطة يا شباب الشعب العاش في القرن الفلاني في الفترة على أقل تقدير في التاريخ المدون والمكتوب قدامي ومصدرو دا
ويطابق كلام المصدر في قوله انه في شعب اسمه النوبة تحديداً كلام ومصادر من حضارات وأمم وشعوب عاشت وعاصرت هذا الشعب..
ثم قلت يا شباب .. هذه الشعوب والامم والدول المعاصرة لذلك الشعب المنيـع الغيـر خاضع لها .. هذه الشعوب لديها مدونات وكتب وتآليف
تعود عصورها لزمان قديم وقت ذكروا فيها أخبارهم وسيـرهم وأحوالهم ومعاشهم وهجراتهم وكل ما عاصروه ..
وقلت بل زادوا وكتبوا ودونوا وإخترعوا علوم كثيرة مفصلة .. وكتير من ابزواب العلم الحديث وصلتنا الآن عبرهم ..
ثم قلت يا شباب ..هذا الشعب لا أرى له لغة مكتوبة ولا كتباً منشوراً ..
وهذا الشعب لا أرى له في عصره علماء ذاع صيتهم ولا مفكرين ترجم العالم عن لغتهم ولا مؤرخين وصلتنا مدوناتهم..
لا قلم ولا قرطاس محفوظ لأعقابهم في زمن انتشر الورق والقلم والتدوين في مشارق الأرض ومغاربها ..
ثم زدت ..
إن الشعب أمي ولولا اميته لعرف الكثيــر والمهم عن حاله وأحواله وحربه وسلمه وحله وترحاله..
ولرد الكثيـر من اللغط الذي يثار عن حال الواقع اليـوم وترجح كتبهم ووتوثيقاتهم كفة الحقيقة للباحث الجاد عن حقيقة الأمر دون صياح وجدال ..

وسألت هل من يبرز لي منشوراً او مكتوباً يجعلني ارشد واستهدى وأتراجع شاكراً !!

يبقى الزعل مرفوع والعلم مطلوب ..





****
رد بشاشا من الآخر كدة على الكلام الفوق .. لكسب الزمن :
لانه حيدر بيقرأ ويعرف عربي وبيشوف انه النوبة جهلاء فمابيطلع من وعيو القبلي وبذلك يتعامى عن شوف ومعرفة العلم الكوشى للإنسان الأسود
واللي هو المعلم الحقيقي لأجداده الأغريق و الفرس والعرب والهنود وحيدر مافاهم انه نحن اساساً جدود الناس ديل والوعيناهم وبالتالي علم الامم دي كلها إنما هو إتعكاس لوع كوش
وبركات امون رع وبالتالي مافي داعي نتمسح في اي علم .. ونفهم انه العلوم دي والمعرفة كلها حقتنا نحن .. ونعتز بأصلنا وانه دي علومنا ..

معليش المداخلة مكررة

الاحباب الكرام ..
مشكلة الباحثين السودانيين انهم يكتبون من صالوناتهم بدون معايشة واقع وجغرافية وزمن ومكان البحث
والباحثين اوربيين عن النوبية أو الكوشية كانوا يأتون الى الحاضنة ومعرفة لغتها وعاداتها وكلماتها
تخيلوا أنني كنت أقرأ للرحالة والباحث بيركهارت .. وجدت كلمة ( إرد) في النوبية وهي ترمز لفرس ا لبحر
وكيف أنه رأي هذا الحيوان هناك ورجعت الى واقعنا اليوم وجدت ان كلمة ( إرد AIRID ) مستخدمة
اليوم للشخص الضخم الجثة .. وثبت لدي أن هذا الحيوان كان موجود عندنا زمان ..

الباحث مثلا عن تاريخ النوبة إذا لم يكن لديه إلمام باللغة النوبية ومفرداتها من الصعب جداً ان يكون بحثه مطابق
فهؤلاء الباحثين الغربيين كانوا يأتون إلى المنطقة وعيش فيها بين السكان ومعرفة المفردات كما شارلي بونيه اليوم
وهيرمان بيل الذي تردد على المنطقة لسنوات طويلة حتى جاء بمعجم النوبية

تخيلوا عندما حل الفرنسي شامبليون رموز وحروف حجر الرشيد .. اصا ب المصريين في المقتل لانها جاءت مطابقة للنوبية
مثال بسيط :
اسم تحوتمس .. جاء في شرح شامبليون ( بأنه نموذج المتدين المثالي ) ومعروف عن تحتمس بالمثالية
ما هو المقابل للانسان المثالي في النوبية ( توت مس ) مستخدم اليوم في لغة النوبية هو الشاب الرائع الجميل
وهذا الاسم اليوم مستخدم في للغة النوبية الدنقلاوية ( توت - ابن - او كما يقال بالعامية - جنى فلان ) حتى بالانجليزية TOT
في القاموس الانجليزي ( a very young child.) لاحظ الانجليزية والنوبية خالية من حرف (الحاء )

لفظ آمون .. حسب الباحثين مدلول الاسم ( ابن الشمس ) والثاني ( ابن الماء )
بالنوبية ( اون ) القمر ، البدر ، الهلال أو الكوكب في السماء ( اليوم الكلمة مستخدمة عندنا .. ورمضان قادم ويردد فيه اسم اوون
المعنى الاخر ( ابن الماء ) بالنوبية المحسية الماء ( امون) AMOAN ( اليوم في تردد .. امون قا ارييه .. جيب موية )
هنا أيضا يتطابق المعنى ..

البحث العملي لا يتم من الصالونات والقوقل
فمثلا إذا كانت لدي رغبة في عمل بحث عن أهلنا البجا لا بد لي ان اقضي سنوات في منطقتهم
أولا لأعرف اللغة والمفردات وهي الاهم .. ولكن بحوث تتم من صالونات ومكتبات جماعة الخرطوم
وغيرها .. معليش اذا كان في الادب والشعر العربي والانجليزي وغيره

ولماذا أتى شخص مثل بيركهات من المانيا وهو في ربعان شبابه وطاف في المنطقة
وعرف مفرداتها ألى أن اصابه مرض الحمى وتوفى في القاهرة على ما أذكر وهو دون 35 عام
تخيل هيرمان بيل يعيش في المنطقة شهور تاركاً المانيا بعزها ويجي وسط الملاريا والتايفويد
لتقديم دراسة موثقة ..
===============================

هل كان شامبليون دنقلاوي أو محسي عندما فكك رموز حجر الرشيد
وكيف لحضارة ان تستمر يوم واحد بدون توثيق كما حجر الرشيد
لماذا جاءت المفردات مطابقة مع المفردات النوبية المستخدمة اليوم حتى بدون تأويل
مطابقة في كل شيء في النطق والتنغيم والامالة .. ولماذا قامت المخابرات المصرية
بتصفية الباحث النوبي ( لا استحضر اسمه الحين ) بحادث دهس بالسيارة عندما كتب عن توافق المفردات النوبية مع حجر الرشيد
وأن اصل تلك الحضارة نوبية ..
ولماذا كتب شامبليون بأن اللغة فيها نظريات هندسية معمارية وذلك والى اليوم فإن المصريين كاتمين سر
الهيروغلافيه ومدلولاتها ومفرداتها ..

===================================
المشكلة أن الباحثين السودانيين يدخلون بالتاريخ الى مكايدات عرقية وسياسية

وأنني ولدت ونشأت والى اليوم منزلنا على بعد أقل من 2كلم من حضارة كرمة والدفوفة
وعدد سكان القرى عندنا محدود جداً يعني تعرف الغريب على طول

منذ طفولتنا وسنوات طويلة مع صعوبة المواصلات كنا عشرات الاوربيين من الباحثين
ياتون الى قرانا للعيش معنا مع بداية الشتاء رغم المعاناة والتعب والمرض

اولاً كانوا يحاولون معرفة العادات والتقاليد في ذلك الزمان .. زيارة النيل والاعراس وطقوس اخرى
ويقضون يومهم بين آثارات كرمة وتبو .. وكان أهلنا وخاصة الناس العاديين لا يعرفون البحوث وغيرها
فقط كانوا يظنون ان هؤلاء أتوا للبحث عن الذهب ..

طوال هذه الفترة الممتدة من العمر لم نرى باحث سوداني واحد اتى للقرية
فقط اليوم وبعد اسلفت وطرق والكهرباء يأتون في مجموعات وفي زيارات لحظية
غناء وشواء وطرب ونزهة وتصوير وفيلم تلفزيوني ثم يغادرون في ويومين او ثلاثة
===================================
دعك من التاريخ القديم فإن الباحث السوداني يرتجل هكذا .. في لقاء تلفزيوني
عن خليل فرح كان يقدمه حسين الخوجلي وذهب الكلام الى بعد آخر لم أكن اصدق
أن باحث عندما تناول عبارة (عزة ما نسيت جنة بلال ) ذهب الى بعد آخر وهو بلال بن رباح رضي الله عنه
ودخل في متاهات اخرى طويلة .. واذا كان هذا الباحث زار قرية خليل أو مكان منزله اليوم كان عرف أن
خليل يقصد ( بلال بيرم ) جده من أمه ونخيله والناس في الشمال كانوا يعتزوا بجنائن النخيل
والى اليوم ( بير إكي ) في صاي ساب .. الكلام ده قبل سنوات .. قادتني بنت أختى إلى عمارة جميلة في الخرطوم وهي استاذة في جامعة السودان
واصرت علي بأن هذا الكلام مهم وذهبت بي الى حيث مكتب حسين خوجلي وشرحت له هذا الكلام .. وكثير من ابناء المنطقة يعرفون بلال بيرم وجرت
نقاشات في المواقع النوبية عنها وعن الخلط في البحوث والتأويل حسب الغرض والسياسة

هذا نموذج بسيط .. حتى كتاب عون الشريف ومدلولات الاسماء لدى المحس فيها تناقضات ..
هذه مشكلة البحث والباحثين لدينا ..

المهم اذا لم تعرف لغة قوم لا تنظر فيهم ابداً
وكل ما كانت معرفتك بعدة لغات تجد ان لك مساحة واسعة من مناورة والتأويل


مودتي .. الاحباب الكرام ..

Quote: نعم حيدر ينطلق في فهمو لي تاريخنا، من التصور القبلي، الجهوي، المسبق هذا، والمصيبة كلها في هكذا طريقة تفكير!!

لعله يرد على سؤالك بوضوح، ولن يفعل!

في (رأيي المتواضع) أخينا حيدر وضع نفسه في موقع وسط بين أشتات الرأي لثلاث فئات: 1- أهل الفحيح والفرز الصريح: عادل (أحمد_لمين) وسيف الدين (بابكر)، والأسماء داخل الأقواس شائعة في (موريتانيا)، بالطبع، لا يدركون ذلك هم. 2- أصحاب التصليح والتلميح وتلقيح التاريخ بالخطأ كان أو شبه صحيح. 3- متسولي الهوية المتوثبين لكل ما يمكن أن تأتي به الريح. فهو لا يختلف عن أخينا شم في نزعته للانتساب لكوش الحضارية لكن بشروطه هو أي شم الباحث: أ- أن لا تهمل الأسماء العربية إن وجدت في الآثار، ليها حوجة حين يأتي أوان الأوبة للعباس والأساس. Quote: عن قناعة شخصية وفق شواهد تاريخية اعتقد ان الجعليين كانوا موجودن اصلاً وهي مجموعة من اضخم المجموعات الكوشية تشكل مثلث مع المجموعة النوبية ومجموعة البجا جاء اليهم حفيد العباس وحب في ال البيت نصبوه قائداً هو وحاشيته ثم حصل التزواج واصبح الكل يربط نسبه بهذا القائد (ابراهيم جعل) حتى اصبح هو الثابت وتنتهي عنده كل الانساب Re: الجعليون : الاصل الكوشى ورواية ورواية النسب Re: الجعليون : الاصل الكوشى ورواية ورواية النسب Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب� ب- أن يكون الأصل في كوش هو اللون الأسمر على ما عداه، بل أن ينسل الأسود والأبيض منه تحديداً إن جاز التعبير. Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب� Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب� ج. أن تسود اللغة العربية لأنها لغة الأجداد التي لا يعرفون غيرها Quote: مسألة اللغة اعتقد انها تشكل معضلة في اعتقادي فالجعليين لا يعرفون غير العربية لغةً على عكس بقية المجموعات الأخرى التشابه الكبير في الشكل بين النوبة والجعليين من جهة والبجا والجعليين من جهة اخرى يدعم هذا الافتراض عادات وثقافات الجعليين لا توجد الا عند الجعليين وهذا يؤكد ان الجعليين مجموعة قديمة جدا ومنذ اللاف السنوات ضمن المنظومة الكوشية القديمة حدث لها تعريب في اللسان Re: الجعليون : الاصل الكوشى ورواية ورواية النسب Re: الجعليون : الاصل الكوشى ورواية ورواية النسب د- أن لا ترتبط كوش بأفريقيا الزنجية، الله لا كسبا. Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب� (الله لا كسبا) دي تميمة من عندي. حيدر يا بشاشا يخوض في ميعة وسطاً بين فرز عادل وبابكر وبين اعتراف ذلك القائل بأن الكنداكة لا تمثله! ولو كان سلك طريق أي من الاثنين بالدغري لما وضعت قيمة لما يخطه هنا، لكنه آثر السلبية بالبصق في الإناء الذي أكل منه فصاحب الكنداكة صريح ويعلم أن لا علاقة له بتاريخ كوش أو شخوصها، فكفانا مؤونته، أراح واستراح. حيدر لا يتحدث بما يعتقده بل بما يتمناه بعقله الباطن، يتمنى أن يكون الشعب النوبي أمي! كما كانت شعوب السودان أمية تصدق كل ورد في كتاب الطبقات (السفر الفضيحة) كفاحاً فهذا هو الظن الوحيد لتمرير ما يتم الترويج له لأجيال اليوم العصية على الانسياق في وجود مصادر المعلومات وأدوات الاستيثاق، يسميها حيدر (الجرح والتعديل). ويتمناه عدوانياً حتى يفتح الباب لكل صاحب قول أو غرض أو رغبة مساهمة من جهته في النشاط القائم والذي كلله بالمصدر أعلاه. أهل الفحيح يمثلهم (بابكر) لاحظ (القلبة) الحادة بتاعة "عيونو" الزاغت من حالة: Quote: أتحدى أي سوداني شمالي أن يأتي بدليل جيني (Genetic) سواء بتحليل DNA أو غيره يصلح دليلاً على أن دمائه عربية ولو بأقل نسبة؟ بمعنى دماء ساميّة؟ إن جميع السودانيين الشماليين والجنوبيين هم مزيج عرقي إلى الأحباش والفولاني والزنج أقرب.. Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب� وبعدها بسنتين إلى وضعية: Quote: إن الله قد خلق العرب المسلمين ليكونوا متبعوين لا تابعين .. قائدين لا منقادين. إن العرب المسلمين ومن تبعهم من المسلمين غير العرب هم أهدى البشر طريقاً في هذا العالم الضال. إن الله خالق الكون بما فيها ومن فيه قد منحنا نحن العرب المسلمين ومن تبعنا من غير العرب المسلمين، منحنا منصب القيادة على الشعوب والأمم الأخرى مسلمها وكافرها، ومنحنا منصب الشهادة عليهم جميعاً إن الله قد خلق العرب المسلمين ليكونوا متبوعين لا تابعين .. قائدين لا منقادينإن الله قد خلق العرب المسلمين ليكونوا متبوعين لا تابعين .. قائدين لا منقادين ودي كلها سمات التفاعل في حوض نهر السنغال. البيحصل دا نسخة معاصرة منها. الضيف ما بيدور الضيف. ___ أما متسولي الهوية فلا أضيع الوقت في الكتابة عنهم. +++ Quote: اسمح لي اختلف معاك بخصوص العمة والجلابية: اولا لو قصدك بالمورتانيين، الMoors ف"مورز" لغة معناها "سودان" بالعربي، اي Blacks بالانجليزي، او علي كده فهؤلاء سودانيين، اي كوشيين زينا بالضبط، وهؤلاء هم من نقلو اوربا لعصرها الحديث من بعد عصور الظلام هناك. العراقي، السروال، الجلابية، الطاقية، وبالذات طاقية الانصار قديمة جدا جدا، وهي بتمثل التاج الاخترعو او لبسو اجدادنا. بالرجوع لموضوع الزي حيوا معي أولاً (بيظان تكرور) من (عرب الأندلس) لأيام خلون. لا أتحدث عن الطاقية أو سواها من أغطية الرأس الخفيفة. العمة بشكلها الحالي، الملفوفة فوق الراس بهيئة غير منتظمة (مقارنة بعمة السيخ) أو عمائم عمداء ممالك غرب أفريقيا العمة السودانية تأتي على نسق عمائم غرب أفريقيا في نسختها الوظيفية وليس التشريفية وبالتأكيد تهراقا ما كان راعي في الصحراء، على الأقل هذا ما أعتقد. وجودها وظيفي وليس تزييني، المناطق في صحراء غرب أفريقا تتطلب تغطية الوجه من العواصف الرملية ولهذا يجيء نمط الكدمول بينما في المدينة يوضع القماش فوق الرأس على هيئة العمة التقليدية بلا مبالاة، أما الاعتبارات الاجتماعية اللاحقة (رمز رجولة ومكانة) فهذه خارج مجال المطروح. لما أكتب (أسماء موريتانية) أو (عمة موريتانية) فأقصد المنحى الثقافي والمظهر الاجتماعي المعاصرين لا العرق، فالعرق الفولاني غالب، لكني ألطف الإشارة. لا أجادل في أن المورز هم أفارقة أو سودانيون فهذا بالضبط ما يطلق عليهم في موريتانيا (أقصد الدولة) وفي ثقافة أهل المغرب العربي التي اعتمدها فولان حوض نهر السنغال من المستعربين.

//////////////////////////////////////////////////////////////

Quote: وإن كان للأوبئة والطواعين في كذا مدونة بتؤثر في الديمغرافيا بصورة كبيرة في سنوات قليلة .. ودا إستدراك نفاج كسبيل التحية والتقدير للكرونا والجدري

طبعاً الطاعون والكورون والجدري أمراض تأتي من الخارج ومعاها الحمى الراجعة يا حيدر!

بالرجوع لموضوع البوست (سلمية النوبة وأميتهم) فالعدوان واجتياح الأمم هذا نشاط يتطلب الإعداد وتجهيز الجيوش والتخطيط والتموين والتكتيك وقبل ذلك كله الاستطلاع والدراسة ومعرفة الجغرافية وتوفير الاتصال والتحقق من نوازع الشعوب وأهوائهم ووسائل حكمهم، والشواهد على ذلك كثيرة في التاريخ وفي الوقت المعاصر أيضاً. فأنت يا (حيدر الزين) تعترف للنوبيين بكل ذلك و(ترغب) أن تجردهم من الأساسيات التي تمكنهم من القيام بكل هذا بكل بساطة، هذا تناقض صارخ. طرحك القاضي بأمية النوبيين يبدو مثل الداء الذي أتيت به فعالجته بنفسك، وفي بعض الجناح الدواء. +++ Quote: بس اعفاني من حتة مورتانيا دي في بصمي على تساؤلك لانه شايف بشاشا زي ما راضي كدة :) :) والمهم رضاكا انتا يابا. أما سلميتهم فحري بك أن تؤوب لمغلظة (الأسماء الموريتانية) فهي بدت ثقيلة عليك، وهي كذلك! فغيرك استجار بشمال الوادي منها لواذاً ولم يفلح إذ ذاك. ولا عفو عنها فالاسم تاريخ يا (حيدر الزين) وأنت هنا تدير عجلته بمحض إرادتك، ولا أظنك غافل عن حقيقة أن من أجل (الاسم) تتسلسل أشجار النسب وتتشابك وتتشبث في بعضها وتتمدد متطاولة تروم الشمس في دجى أفريكا فمن ذا الذي يتحرى جوار الغرب الأفريقي بنفس تهيأت للنسب العباسي الأساسي؟ فإن لم تفلح أنت أو صاحب الكتاب أو من معه أو أي من (خبراء التاريخ) في تفنيد هذه المغلظة وإيجاد تفسير لائق وأنيق أناقة الانتماء للمكان الذي وفدت منه هذه الأسماء فكل من حملها تواتراً لا محالة من علوقه تاريخاً ومعاصرة بأهل تلك القفار من فولان جنوب الصحراء، ولا مشاحة في ذلك بل مندوحة! فقط في هذه الفينة يصير من عوج الرأي وسوء التقدير والجحود نعت المضيف بأنه عدواني إذ يسمح لغيره بالبقاء ثم العبث بتاريخه بمؤلفات عن (سيادة اللغة العربية) أو باقتراحات مباغتة من طائفة: أصولية سمار اللون وسبقه وبراءة اختراع أمواس الحلاقة. فهم (في رأيي المتواضع أيضاً) بفعلهم هذا يرتقون لمصاف الملائكة. Quote: وامي بقصد بيها الأمية في الكتابة والتدوين بالتعريف المقصود .. ومن ناحيـة تانية بتستوعب الأميـة العلميـة لو قدرت اوضح اني بقصد بيها ما نقدر نلمسه في العلوم والمعارف الممكن نجدها في حضارات او مدنيــات عاصرت أو سبقت بقليل وجودهم ومنها ما جاء بعدهم . ربما كنت تتوقع أن تجد مخطوطات تضاهي ما يبين على رقاع الجلد في الصين أو تقترب من تلك المنتشرة في تمبكتو! يا حيدر! في رأيي المتواضع أن تجريد صدقية المرجع الذي تطابقت أهواءك مع مؤلفيه مع ما فيه على ما فيه جعلك تنزع لتقعير الردود في تطويل من غير طائل فالمسائل واضحة، إبرازك لمأخذ نقص المسطر من الآثار لن يسعفك فحضارات الأنكا والمايا لم تترك مؤلفات يا (حيدر) ولا يستطيع أحد إنكار عظمتها تركت نقوش ورسوم (glyphs) بمثلما تركت حضارات النوبة، لكن من يهتم؟ أو بالأحرى لماذا يهتم بها من ظل يهملها حتى الثمانينات من القرن الماضي؟ حيدرا (ابن مالي) الذي جاء في صورتين مسبقاً همت نفسه بمخطوطات (تمبكتو) كما تهم نفسك الآن بما تعتبره مطعناً في تاريخ المضيف لصالح تاريخ جديد تتم كلفتته فيما تعسر بما تيسر وبمن تيسر.

//////////////////////////////////////////////////////////////

Quote: أني لم أر في سياق البوست أي نقد علمي مؤسس ومدعوم بالمصادر واكتفى البعض بلعب دور سلبي يستند على رأي شخصي فحواه ان عبدالله شم غير مأمون على التاريخ ، كأنما التاريخ أصبح "عتود كرامة"

لأنك لن ترى إلا تريد رؤيته!

إزيك يا (إدريس) عتود الكرامة دي ذكرتني حيطانك البنيتهن مع إثيوبيا وغرب أفريقيا وقلت من الله خلقك فرز عيشتك منهم ولما بقن قصيرات استأذنت وقشيت نعلاتك في حيطة منهن وقلت ماشي تطرد البشير وجماعته، المأمورية الظهرت بغتة، وديك يالفلتة. وكونه نشك في أهلية المؤلف للبحث في التاريخ بنقاط واضحة دا في نظرك رأي شخصي وسلبية؟ وكونو فرطقنا اللغم الجا شايلو (حيدر) قبال ما يزرعوا ويغادر خلسة دي سلبية عندك قال؟ لكن كلام حيدر عن عدوانية النوبة وأميتهم ما رأي شخصي وكاني وماني على خشمك مش؟ أنت المزعلك إنو داك ياهو بقى زي الفراش معمش من الدخان يلف ويدور في حلقات وفي النهاية يقع في النار المابيها، هو الولعا يبقى (يتدفابا). صاحب المؤلف غير مؤتمن على التاريخ مطلقاً ونبهناه لذلك قبل سنوات عندما تأكد لنا أنه (ينتقي) الأسماء بحسب رغبته قبل أن يصعد لواجهة الفعل المباشر. Quote: هل تعمل على تزوير التاريخ يا عبد الله؟ Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب� Quote: "السر شنو في انه اللغة العربية في السودان متركزة في وسطه ، بينما هي محاطة من الجهات الأربع شمالا وجنوبا وشرقا وغربا بلغات غير عربية؟ العرب الفي الوسط ديل قاموا بروس؟" Re: د. النور حمد لمحمد لطيف: نحن لا نختلف عن ار�Re: د. النور حمد لمحمد لطيف: نحن لا نختلف عن ار� الله الخلقك دا وجهز ليك حيطتين شرق وغرب وخندق وجاب ليك لغة وأسامي (جاتنا من وين) وفتح ليك معبر شمالا يتخطي حيطة النوبة ما بعرف غيرك عشان يحفظ ليهو هويتو وتاريخو ؟ بإمكانك اعتبار القطعة أعلاه نموذج للسبب رقم (1) في سلسلة مآخذنا على اقتحامه لهذا المجال. ويبدو أن لا أحد استوقفه لفترة طويلة حتى بلغ محطة الجيليت والناسيت بحمد الله وتوفيقه، أبلغته للحضور والدفاع عن مؤلفه، لكن عن نفسي فإن ما اطلعت عليه في أعداد من مجلة (تاسيتي) لا يصمد لأي نقد، وفي رأيي (المتواضع) فالمجهود متدافع لا يرقى سوى لأن يكون نشاط لجمعية أدبية أو معلقات حائطية لرابطة طلاب جامعيين ويكفي المقتبس عنهم في رد حيدر، علامة أقر بها بنفسه، فكساني بردة (أمير الجراحين). ____ اليسمع علمي يقول علمي.

//////////////////////////////////////////////////////////////

Quote: أما بالنسبة للسمك .. الشيء الغريب جداً أن في التراث النوبي ليست هناك عادة أكل السمك .. والحقيقة حتى صائدي الاسماك لم يكونوا من ابناء المنطقة

أيوة، السمك

طبيعي ومتوقع، فالسمك غذاء رئيسي في غرب أفريقيا مع الأرز. في ساحل الأطلسي أسواق لا تختلف عن الموردة في شيء. الأسماء المحلية لصنف السمك في اللغات المحلية عندكم شنو؟ لا أقصد أنواعه بل السمك كحيوان بحري عندكم بتسموهو شنو؟ ___ يسمونه (حوت) هناك.

تحياتي وشكرا الاخ علاء سيد احمد للإضافة والإشارة لمصدر ..

طيب ..

Quote: للاسف الشديد يا حيدر اخوى مصدرك زميل المنبر عبدالله شم ومن كانوا معه يروجون لهذا الخطل عبر القنوات الفضائية والصحف اليومية ليس لديهم مصداقية اطلاقاً حتى استطاعوا من تحويل الاحتفالات السنوية والتى كانت تقام فى الدفوفة الى منطقة البركل .ومن تلك المآسى قيام تلك المجموعة بمصادرة ومنع تداول كتاب النوبيين العظماء للامريكية دورسيلا فى معرض الخرطوم الدولى فى عام 2017م من اجل تحقيق اهدافهم فى تحويل وتجيير الحضارة الكوشية السودانية باسم الحضارة النبتية والمروية .والاغرب من الخيال انّ الحضارة النبتية والمروية ايضاً حضارة نوبية والحضارة الكوشية التى يتحدثون باسمها ويقولون بان النوبة لا علاقة لهم بها

في شرح على هامش مداخلتك دي عشان تكون واضحة بين 3 مواضيع هنا .. [ وقت علاء يتقول مصدرك فدا مابتعلق برأي حيدر في امية او سلمية النوبة - بل في موضوع علاقة كوش بالنوبة ]
كلامك عن حال المؤلف عبدالله شم وماهيته وصدقه وتدليلك على عدم مصداقيته .. دا شئ زي ماقلت لحاتم جرح وتعديل غيـر راد لأهليـة المؤلف مالم تضع يدك على تزييف وتدليس أورده من تواريـخ في كتابه.

ترجيحك لأهداف ومقاصد من وراء تدوين الكتاب مهمة وقت نجي نقيم العمل ونتحقق منه بشكل تام ونستوثق من معلوماته بالمضاهاة والمراجعة ونشوف عقلانية التحليل والخلاص .
.وكلامك مهم لقراءة المناخ والحراك العام الاتكتب فيهو الكتاب ..

رفض ماورد في الكتاب انطلاقاً من ماهيـة المؤلف فقط بيبقى فيهو تجنى على المعرفة وحق البحث والتنقييب وتقيد الكتاب والباحثين في قوالب جاهزة وفقاً لعقلية القطيــع وفلسفة الخطاب الديني ..

انا كقارئ وبسأل واستفسر بقول ببساطة كلامك الاقتبستو من دكتور محمد ابراهيـم بكر وحسب المقتبس لم يخالفه المؤلف في كتابه قدامي.. لم يخالفه المؤلف عبدالله شم واثبت هذه الممالك وجدولها الزمني ..
متوقع وقت تقول دكتور ابراهيم قال ودا في معرض ردك وإثباتك لعدم اهلية كاتب على الأقل مثالك أو مقتبسك بشئ اخفق فيه الكاتب او خالفه ..

ووقت اجي اقيم مداخلتك وفائدتها لي انا القارئ طالب معلومة حا اقول فيما يخصني .
*المداخلة لفتت نظري للحراك العام والجو البيدون فيهو الكاتب كتابه التاريخي وخلاصة تحليله للوقائع المطروحة والمتاحة عنده ..

*ولكتها لم تضيف لا نفياً ولا إثبات للمكتوب لانه المعلق لم يقرأ الكتاب واكتفى بالحكم على الكتاب من عنوان مؤلفه .

*في إشارة للفلاشا الأثوبيين وعلاقتهم بكوش يفترض اني ابحث واعرف عنها بالاضافة للنظريات عنها والوقوف على حقيقة انها هل تستحق البحث ام لا ..!


ولو بقيت زول منصف بقول ليك شكراً لفتت نظظري لحاجتين .. وعفواً رفضك للكتاب والكاتب مابيعني عندي انه كلامك صاح ..

تحياتي




******
رد بشاشا لكسب الزمن.
دا كلو بسبب الوعي القبلي المشترك بينه وبين الكاتب وخبوب وعي العروبية البيمثلوها امثال حيدر ومؤلف هذا الكاتب..
ودا بالضبط البنحذر منه انه الناس ما تنجر وراهو .. فالمسألة دي انا قلت ليكم من زمان امرها محسوم وامسك اي زول من طرف بيقول لي هو كوشي نوباوي ضلَ عنن الطريق ..

Quote: في فهم الصديق حيدر، "النوبة" بالفهم القبلي الجهوي الحالي، غير الكوشيين بذات الفهم القبلي، وهذا يموخل!! نعم هو بيسقط معايير وعينا المستعرب المسترق القبلي الجهوي علي تاريخنا كولو والمصيبة هنا!! نعم وفقا لعدسات وعينا القبلي الجهوي، اللاصقة، اخونا حيدر، يري ان الدناقلة، غير الشوايقة، كمثال والمصيبة كلها في الحتة دي!هو ياخي ما هكذا برز مفهوم ديل "زرقة" او نحنا "عربة" وكنتيجة ولعت!! ياعزيزي اي مخلوق اسود، كوشي، نوبي، اثيوبي، كمتي، سوداني، لو المعيار هو الثقافة بالنسبة لي! اين ماذهبتا في الكون العريض ده، الاخرين سلفا بينظرو لامثالك، كمجموعة بشرية واحدة، وهذه حقيقة!لذا عجيب، كلامك عن تكويش بشاشا، للنوبة!!! اتمني القارئي ينتبه لهكذا طريقة تفكير اللي ماخاصة بالصديق حيدر، وانما هذه طريقة تفكيرنا كلنا كسودانيين، للاسف كمستعربين، وكنتيجة ابدنا بعض بالوكالة، بالملايين!! الفرذ القبلي، اصلا كده!

يا بشاشا خليك من دا ..
كلامك ولفظ مفرداتك بكل ما تحمل وتضمن من معاني كلمات عنصرية وجهوية وقبلية .. بنقدر نترجمها للنوبيـة وتحمل كل مطابقات المفردات الواردة هنا؟
ساعدنا بخبرتك في المبحث الأول ..
ليه اللغة النوبيـة قلت وندرت فييها مفردات العنصرية والسباب.. رغم إنهم ما مجتمع معزول ولا مجتمع مُستباح وخاض حروب ومعارك بما لا خلاف حوله ..
في تساؤلي وإستغرابي - سبحان الله - قبل حضورك الميمون قلت في سؤالي :
النقطة هي :
عشت كل السنوات دي دون خضوع وإبتزاز بقوة ومنعة - ودا بيتطلب وحدة داخليـة تجمعهم - ديـن او دم !
مارست غزو وشنيت غارات ووقفت في وجه عدوان خارجي - بتطلب قوة وروح قتاليـة ومعنوية وحشد إعلامي -
دا في الإطار النظري ..
طيب الوحدة الداخلية والبتجمع النوبة مفهومة في إطار دين الممالك المسيحية ولحمة القبليـة.
الروح القتاليـة والحشد ولغة بث الروح القتالية بتستوجب بالأساس عداوة الآخر وذمهم وتقليل شأنهم والتعنصر عليه
بالتركيز على مثالبه ..
فكيـف مثلاً اذا سلمنا بتاريخ النوبة بصورة عامة كما قلت اعلاه - رغم اختزاله وقصوره - تكون اللغة لا تحتفظ او تكثر بها مفردات عنصرية ؟!
او بمعنى آخــر هل كانت اللغة مختلفة زي ما بيقول مؤلفو الكتاب اعلاه في الفصل الخامس ..


وللحقيقة لغة الحشد الاعلامي والخطاب التحشيدي كمثال بتحتوى على الاقل المفردات والكلمات الواردة في المداخلة المقتبسة منك ..
هو مكتوب طبعا بلغة تحوي مفردات ومترادفات عنصرية وجهوية لكن إذا سألناك تدق ساوند هسه وتبث الخطاب اعلاه
باللغة النوبية .. ماذا ستقول؟
هل حاتساعدك اللغة في التعبيـر عن معاني كل المفردات القبلية أعلاه ؟
و ماردك على كلام المؤلف عن إختلاف اللغة إن اردت المشاركة ..

كدة بتفيدني في موضوعي اكتر من ورجغتك دي المأزومة دي ..

حيدر
""لا ننكر ابدا ان هذا البوست بوست دسم ومفيد جدا وتعليقات المرور زادت وزانت البوست
بهاءا ونورا واستنارة ، ولكن استخدامك لكلمة امي في وصف شعب النوبة انما ينم على انطلاقك
من وجهة قبلية وعرقية وعنصرية ،،واقول عنصرية لانك ترى قبيلة ما من وجهة النظر الدونية
وكان بامكانك ان تستخدم كلمة او جملة كاملة اخف وطاة على النوبيين ""اميرة"٠
....
حيدر
وانا اتفق مع اميرة في قولها واقول ان البوست بوست اوسكار ،،ولكن كلمة امي دي بتفقع المرارة ،،

Quote: ليه اللغة النوبيـة قلت وندرت فييها مفردات العنصرية والسباب..

شلوم ياحيدر ياصديقي،

البتسوي فيهو ده، شغل لف او دوران، لانك حشرتا روحك في حتة ضيقة، او علي كدة متخيل ممكن تطلع من الزنقة دي بمثل هكذا لف ودوران!!

نعم كما غيرك انتا قبلي، جهوي، للاسف، وهذا مثبت في سجل سجالاتنا انا وانتا قبل ما تقلب "كوشي" كنتيجة للعصر بتاعنا، الجاب الزيت بتاع كوش العباسي،
تبصق كاستعلاء في وجه من تسميهم "نوبة" من منظور قبلي او تقول عليهم اميين، مع انو لافرق مابين هؤلاء، او ناس "جعلي حر" بتاعنك الدلقو العباس في التراش
الان او قبضو في "كوش" وحصريا،
وهذا رائع بالنسبة لي حد الطشمي!!

نرجع للكوت بتاعك اعلاه:
النوبة في مرجعية بشاشا هم كل السود اين ماكانو حول العالم، دع عنك افريقيا اوحتي السودان، تسوي جعل او دناقلة!

ولهذا في امريكا دي بعضا ممن اسموهم "هنود حمر" مؤمنين انهم نوبيين وهذه حقيقة بالنسبة لي.

بناءا عليه، وعلي كل تاريخ كتابات بشاشا في الاسافير قرابة التلاتين سنة، النوبة، اي الكوشيين، اي الســــــود بعامة، وفي مقدمتم سوداني اليوم،
نعم ماكان عندهم وعي عرقي اطلاقا لانهم كانو روحانيين، مسكونين بالنجاة في اليوم الاخر اللي كان مركز دائرة وجودم كافراد،
بينما غير السود اي الجنس الاري، فلامعني كقاعدة، لي مفهوم يوم اخر من اساسو، الاكاثر كوشي نوبي، وافد!!

نعم ولاسباب محددة قضية الانسان الاري هو "النجاة" بمعنيTo Survive بي لسانم في الحياة دي اللي هي سرمدية وابدية في لاوعيو،
بينما نحن فهذه الحياة الدنيا وهم ليس الا!

نعم نحن تاريخيا كنا لانؤمن بهذه الحياة الدنيا، الموصومة ب"الجيفة"!

ياعزيزي كطفل يافع حبوبتي لما تقوم لي صلاة الفجر، كما كل حبوبتنا، او بالغلط تتساءب كانت بتقول "دار الهوي"
كنوع من الاعتذار لي ربها انها تساءبت بمعني "حب الدنيا" اللي في لاشعورا، ذنب وجريمة!!!

مخلوق دي خلفيتو، وبمثل هذه الروحانية، يكون عنصري كيف، بالذات انو المخلوق ده هو اول من خلق رب العزة كبشر،
وبالتالي لمئات الاف السنين، كان وحده لاشريك له، بمعني ماكان هناك اجناس اخري
من اساسو عشان يتعنصر عليها لمئات الاف السنين!!

كنتيجة لغياب هكذا وعي عنصري في طريقة تفكيرنا كقوم سود، اصبحنا ضيوف حتي في بلادنا اين ماكنا، لانو الاخر منطلقو الاساسي عنصري
او بالغريزة، بالسليقة، اليا وميكانيكيا، ومصيبتنا كلها هنا، لاننا "دراويش" بمعني صوفية!

لهذا قنا هكذا استعلاء، قبلية، جهوية، من امثال بشاشا في الشمال تجاه بقية اهلهم في السودان وافريقيا، هو ناجم عن خبوب وعي الاسترقاق العروبي،
النازي بطبعو، دع عنك عنصري!!

اتمني ياحيدر تفهمني لما اشير لي شخصك كقبلي وجهوي، كرمز، لاننا كلنا بصفة عامة كده، زيك بالضبط!

حتي في الهامش، نموذج قبلية واستعلاء امثال بريمة ادم، يازول اخير منهم امثال حيدر في الشمال!!

اذن عشان تفهم كلام بشاشا ده، لازم تتخارج من عدسات وعيك القبلي، الجهوي، اللاصقة، والا لايمكن تفهم بشاشا بقول في شنو!

نعم بي سبب هذه العدسات اللاصقة انتا بتشوف كلام بشاشا ده ككلام بتاع واحد متعصب قبليا، للبتسميهم انتا، مش بشاشا، نوبة!!

دي مصيبة وين، ياخلق!!!

Quote: ليه اللغة النوبيـة قلت وندرت فييها مفردات العنصرية والسباب.. رغم إنهم ما مجتمع معزول ولا مجتمع مُستباح

عزيزي القارئي،

تامل حنق، غضب، غيرة، القبلي الجهوي حيدرقدر شنو، بتاع ناس "جعلي حر"، العباسي، علي البسميهم "نوبة"!!!

نعم منطلقو الاساسي في كل مايكتب، هو خبوب الوعي والفرذ القبلي!!

ياريت ياصديقي، تستغل الفرصة دي، تديها صنة، او تفكر في خبوب وعيك القبلي ده،
اللي انا مقدر انو رد فعل لي خبوب الوعي القبلي، من الجهة الاخري، اي مواهيم الحضارة،
المصريين يحصرو مفهوم ومصطلح نوبيا في امثالم في اقصي الشمال!

زي ماكررتا القول مستعمرينا، الوضعو عفن المقرر الحالي هم النفخو في الكير ده بخبث، ولايزالون، من بعد كير وهم العروبة الشلع بلدنا!!

المقرر الحالي لتاريخ السودان القديم هو المسؤول من الكارثة دي للاسف!

فليذهب هذا المقرر اللي صاغوهو مستعمرينا، مستعبدينا، غلاة نازيي امريكا واروبا للجحيم!

ياللعار، ان يظل تراش المركزية الاوربية لامثال الامريكي الالماني النازي العنصري جورج رايزنر
اللي توجوهو اهلو كاب لي تاريخنا، كعرفان لعنصريتو، هو المتحكم في طريقة تفكيرنا الي هذا التاريخ!

انا لا الوم هؤلاء، وانما اسرد فقط وقائع بعينها.

اللوم لومنا احنا، ذنوجة الاحتلال الثنائي، في السودان المازال مصري وانجليزي الي اليوم بفضل امثال البرهان، سليل باشبوذغ الترك،

بواب السيسي، او سفرجي مسؤول مخابرات الخديوية، اللي جا، يا للمغسة، كبديل لي واحد زي القشير ياللنكتة!!

Quote: كلامك عن حال المؤلف عبدالله شم وماهيته وصدقه وتدليلك على عدم مصداقيته .. دا شئ زي ماقلت لحاتم جرح وتعديل غيـر راد لأهليـة المؤلف مالم تضع يدك على تزييف وتدليس أورده من تواريـخ في كتابه.

تحياتى الاخ حيدر الزين

انا بالمناسبة دخلت البوست ورديت بناءاً على ما اوردته انت من معلومات عن الكتاب نقبتس منها :

Quote: الكتاب هوتلخيص اواسمو تاريخ موجز لسودان وادي النيــل القديــم .. تأليـف زميـل المنبر عبد الله شم ود. أنس بشيــر .. دار المصورات 2019م فيهو فصل - الثالث - بيتكلم عن الخلط الحاصل مابين حضارة كوش والنوبة

1- الخلط مابين حضارة كوش والنوبة .

2- تساؤلاتك :

Quote: رفض ماورد في الكتاب انطلاقاً من ماهيـة المؤلف فقط بيبقى فيهو تجنى على المعرفة وحق البحث والتنقييب وتقيد الكتاب والباحثين في قوالب جاهزة وفقاً لعقلية القطيــع وفلسفة الخطاب الديني

أولاً : انا قرأت وسمعت عبدالله شم شخصيا يتحدث عن تاريخ كوش ( على لسان الكوشيين الجدد ) فى اكثر من قناة سودانية وقرأت له اكثر من مقال
فى الصحف السودانية و قرأت له و دخلت وشاركت فى حوارات له هنا فى منبر سودانيز ( يعنى يا حيدر عندى معلومة كافية عن عبدالله شم )
وازيدك من الشعر بيت ( من الذى له مصلحة فى منع " كتاب النوبيين العظماء للامريكية دورسيلا فى معرض الخرطوم الدولى فى عام 2017 "
متى كان النبتيون والمرويون يحتفلون بتاريخحهم ( انا عايز عام واحد فقط قبل السنوات الاخيرة للانقاذ احتفلوا فيه بتاريخحهم الكوشي التليد )

- لخلط مابين حضارة كوش والنوبة .

يا حيدر اخوى الذى خلط وبدأ الخلط ما بين حضارة كوش والنوبة هم : الكوشيون الجدد ( عبدالله شم و رهطه ) كما اسماهم بشاشا

الادلة على انّ الحضارة الكوشية هى الحضارة النوبية الادلة اكثر من ان تحصى ولكننى سأكتفى بدليل واحد فقط مع الادلة الواردة فى مشاركاتى السابقة
مع وجود ادلة اضافية بحوزتى :

Quote: ........وهذا ما تنبأ به حزقيال وأجعل أرض مصر خربًا خربة. ولا تمر فيها رجل إنسان. وهذا ينطبق على كل مكان من مجدل = في شرق سيناء إلى أسوان جنوبًا وإلى تخم كوش = المقصود أرض النوبة . الآية : 8-16 شرح الكتاب المقدس - العهد القديم - القمص انطونيوس فكرى حزقيال 29 تفسير سفر حزقيال

حيدر ود الزين
من يعتز بمنصبه فليتذكر فرعون
ومن يعتز بماله فليتذكر قارون
ومن يعتز بنسبه فليتذكر ابو لهب،،
انما العزة لله وحده،،،،

التأشيرة انتهت لحدي الأسبوع الجاي العفو ياصديقي لوحيينا.
شاو!

منقول من بوست النوبي الهميم مهتدى
بوست مجاور عن اللغة النوبية
مهتدى ابن شخينا الخليفة حسن بوجا ..

لا أعرف انقل الرابط
==============================
ادخال اللغة النوبية ضمن اللغات المستخدمة في الهواتف الذكية والتابلت

في الأخبار أبريل 12, 2017

نبوكين – سويسرا

أدخلت شركة "keyman" التي اشترتها منذ فترة شركة "سيل انترناشوال" اللغة النوبية
ضمن اللغات المستخدمة في الهواتف الذكية والكمبيوترات اللوحية، وأكد حسن كاشف في
تصريح لنبوكين، أنه بامكان النوبيين الأن القراءة والكتابة بالنوبية في كل برامج التواصل
الاجتماعي مثل "الواتس أب" و "الفيسبوك" وحتى رسائل الـ (sms) العادية، واضاف كاشف
بأن شركة "سيل انترنشاشونال" مالكة شركة "كي كمان" التي تمتلك حوالي 600 لغة محوسبة،
هي من قامت بادخال اللغة النوبية ضمن برنامج "اليوني كود" وبالتالي استخدامه في شبكات
الانترنت مع كل برامج تشغيل الهواتف الذكية (الاندرويد والاي أو اس)، بعد أن تقدمنا بطلب
ذلك منذ فترة طويلة، وأشار كاشف الى أن الفضل في هذا الانجار يعود لكل من ساهم فى احياء
الكتابة بالنوبية، بداية من المرحوم الدكتور مختار كبارة والمرحومة الاستاذة سعاد ابراهيم
والدكتور هيرمان بيل وكل من ساهم من قريب او بعيد لإحياء اللغة النوبية، وناشد كاشف
النوبيين بان يستحدموا في كل مراسلاتهم سواء رسائل خاصة اغاني اشعار قصص نكات،
حتى نساهم في انتشار اللغة النوبية المكتوبة.

علماً بانه يمكن لجميع النوبيين اضافة اللغة النوبية في هواتفهم باتابع الخطوات التالية:-

نظام اندرويد او "اي أو أس"

1. تنزيل وتركيب برنامج keyman

2. افتح برنامج keyman

ستظهر لك نافذة بثلاث خيارات :

اضافة لغة

اللغة العربية Arabic standard

اللغة النوبية Nobiin

3. اختار اضافة اللغة النوبية.
ادخال اللغة النوبية ضمن اللغات المستخدمة في الهواتف الذكية والتابلت
http://nubokeen.com/…/%d8%a7%d8%af%d8%ae%d8%a7%d9%84-%d8%a…/http://nubokeen.com/…/%d8%a7%d8%af%d8%ae%d8%a7%d9%84-%d8%a…/http://nubokeen.com/…/%d8%a7%d8%af%d8%ae%d8%a7%d9%84-%d8%a…/http://nubokeen.com/…/%d8%a7%d8%af%d8%ae%d8%a7%d9%84-%d8%a…/

سلامات الاخ علاء سيد احمد

Quote: سلام يا حيدر الزين - شلوم ليس هناك اختلاف كلو كلو مابين النوبة وكوش و الادلة كتيرة هاك هذا الدليل مثالا : - تفسير الكتاب المقدس - العهد القديم - القمص تادرس يعقوب سلسلة "من تفسير وتأملات الآباء الأولين" إشعياء 18 - تفسير سفر أشعياء كوش تقدم هدية الله

( ويل لارض حفيف الاجنحة التى فى عبر انهار كوش المرسلة رسلا فى البحر فى قوارب البردى على وجه المياه ، اذهبوا ايها الرسل السريعون الى امة طوال جرد الى شعب مهاب اينما كان ، الى امة قوية جبارة الخطى تقطع الانهار ارضها . يا جميع سكان المسكونة وقاطنى الارض اذا رفعت الراية على الجبال فانظروا ، و اذا نفخ فى البوق فاسمعوا ، لانه هكذا قال لى الرب انى اهدا وانظر من مسكنى كالحر الصافى على البقل ، كغيم الندى فى حر الحصاد ، فانه قبل الحصاد عند تمام الزهر وعندما يصير الزهر حصرما نضيجا يقطع القضبان بالمناجل ، وينزع الافنان ويطرحها ، تترك معا لجوارح الجبال و لوحوش الارض ، فتصيف عليها الجوارح وتشتى عليها جميع وحوش الارض . فى ذلك اليوم تقدم هدية الى الله رب الجنود من شعب طويل واجرد ، و من شعب مخوف منذ كان فصاعدا ، من امة ذات قوة وشدة ودوس قد خرقت الانهار ارضها ، الى موضع اسم رب الجنود جبل صهيون ) اشعياء 18

كلامك صحيح العهد القديم والكتب المقدس بيذكر المنطقة والشعب بإسم كوض ودا إثبات لحقيقة كوش والمنطقة .. الحفريات والآثار بتؤكد المعلومة دي .. يعني لا جدال حولها
وبقت ما مجال مغالطة إذا اخذنا تواريخ الظهرت فيها المصادر بنلقاها تترواح ما بيـن 1600 ق. م الي 500 ق. م تقريبياً
وكدة وضعنا في بالنا على الأقل فترة وزمن لوجود باسم فاعل ونشط كوش ..

الكلام والرواية دي ما بتثبت أو تجزم انه كوش هم النوبة مالما نعضدها بمصدر آخر يذكر في نفس الفترة الزمنية اسم النوبة ويردهم لنفس المنطقة ..
لكن بيؤكد كلامك القلتو انت وقناعتك المبنية عليهو في نشوء الاسمين في منطقة واحدة :

Quote: ليكون موقفى واضحاً وجلياً فى كتاباتى هنا فى هذا البوست او اى بوست اخر فى نفس الموضوع هو : - انّ الدولة الكُوشية نشأت فى المنطقة النوبية

قولك بأن كوش نشأت في منطقة النوبة ممكن اقبله في اطار اصطلاحنا على اسم المنطقة حديـثاً والترتيب غير مقصود ..

* التسليم والإعتماد على الروايـة الدينيــة للتاريخ بوضعنا لا أحد المصادر بيعني إننا نعتمد على مايرد فيها معلومات وروايات أخرى مالم نجد ما يؤكد عكسها وإن ماورد فيها بما يخص بحثنا بالتحديد تعرض للتحريف ..


تحياتي

سلامات الحبيب علي عبد الوهاب ..
ا

Quote: هل كان شامبليون دنقلاوي أو محسي عندما فكك رموز حجر الرشيد وكيف لحضارة ان تستمر يوم واحد بدون توثيق كما حجر الرشيد

ما ظنيت والله .. عشان كدة بنسأل من التواثسق والكتابات ..

Quote: المشكلة أن الباحثين السودانيين يدخلون بالتاريخ الى مكايدات عرقية وسياسية

العيب ما منهم من العليــهم قرقرقرقرقر

مودتي

اها وصلنا وين
ارشيف البورد ده مليان حقائق عن حضارة كوش السودانية
بس بساهم لك بي الخرطة دي
النوبة والحضارة النوبية هي جنوب مصر
الحضارة الكوشية شمال السودان
ده اول خلل يتصلح
https://top4top.io/

ما في عرب في افرقيا ااصلا من الاساس لا في مصر ولا غيرا
العرب في السودان الرشايدة بس وبريمة شخصيا
ثانيا اتفاقية البقط نقلت بصور مشوهة ونص الحقيقية بس
فعلا تم اخذ 365 جندي سوداني من رماة الحدق وليس عبيد لان عبدالله بن ابي سرح لم ينتصر اصلا عشان يملي شروط لي ملك كوش من الاساس يعني جنود اعارة
وتم نلقهم في كل ارجاء الدولة الاسلامية من تخوم الصين الي الاندلس
والبعض رجع السودان من الدولة العباسية الجعليين ومن الدولة الفاطمية الشايقية وجو مسلمين ويتكلمو عربي حسن من الدناقلة القاعدين اصلا في السودان لكن ما خلو عاداتهم الكوشية الشلوخ وادوات والزراعة والبيت ظلت حتي اليوم كوشية
ولحدي هنا مع السلامة

يا حيدر الزين
سلام
والله الاية دي انا اتمقلبت فيها بي قوقل كنت بفتشا لي قصة قصيرة اسمها حفيف الاجنحة ولقيتا في موقع ونزلتها كده ونشرت المجموعة من دار سندباد في مصر ولفيت الموقع سلفي وسخ
ندمت سفيت التراب
وان شاء الله في الطبعة الثانية بصلحا

https://top4top.io/
ليس ويل
بل نداء يا

Quote: ( يا لارض حفيف الاجنحة التى فى عبر انهار كوش المرسلة رسلا فى البحر فى قوارب البردى على وجه المياه ، اذهبوا ايها الرسل السريعون الى امة طوال جرد الى شعب مهاب اينما كان ، الى امة قوية جبارة الخطى تقطع الانهار ارضها . يا جميع سكان المسكونة وقاطنى الارض اذا رفعت الراية على الجبال فانظروا ، و اذا نفخ فى البوق فاسمعوا ، لانه هكذا قال لى الرب انى اهدا وانظر من مسكنى كالحر الصافى على البقل ، كغيم الندى فى حر الحصاد ، فانه قبل الحصاد عند تمام الزهر وعندما يصير الزهر حصرما نضيجا يقطع القضبان بالمناجل ، وينزع الافنان ويطرحها ، تترك معا لجوارح الجبال و لوحوش الارض ، فتصيف عليها الجوارح وتشتى عليها جميع وحوش الارض . فى ذلك اليوم تقدم هدية الى الله رب الجنود من شعب طويل واجرد ، و من شعب مخوف منذ كان فصاعدا ، من امة ذات قوة وشدة ودوس قد خرقت الانهار ارضها ، الى موضع اسم رب الجنود جبل صهيون ) اشعياء 18

عليك الله صلحا مت تضرسنا
نهضة كوش ليس مصدر شر للعالم

Quote: ادخال اللغة النوبية ضمن اللغات المستخدمة في الهواتف الذكية والتابلت

ليه في الهواتف والتابلت بس، تجربة؟
تدخل في المنهج الدراسي ذاتو ومعاها أي لغة أصلية تانية والطالب مخير يختارها على حساب اللغة العربية.
دا المفروض يحصل.

وبرطع سااااااي بعد دا
لغتك ياها عزك وهويتك وتاريخك ما تفرط فيها
زماااان أديناكم الروشتة أبيتوها

Re: و هذا لسان نوبيٌّ قديمRe: و هذا لسان نوبيٌّ قديم
Re: و هذا لسان نوبيٌّ قديمRe: و هذا لسان نوبيٌّ قديم
Re: و هذا لسان نوبيٌّ قديمRe: و هذا لسان نوبيٌّ قديم
Re: و هذا لسان نوبيٌّ قديمRe: و هذا لسان نوبيٌّ قديم
Re: و هذا لسان نوبيٌّ قديمRe: و هذا لسان نوبيٌّ قديم
Re: و هذا لسان نوبيٌّ قديمRe: و هذا لسان نوبيٌّ قديم

ديك ياها كان درتوها.

وأنت ما غلطت في شيء، عملت بأصلك
فلو عمك طلع خاليوت فأنت سليل حكماء
ولو خالك بقى تهراقا تبقى ود رجال أولاد رجال أحفاد رجال
ولو جدك فرعون برضو ياكا المؤصل رغم أنف الشرائع والبدائع والشنائع.


كعب البفتش للعندك دا، بسجود اللهو، بمظنة الزهو، وما لاقيهو.



____
استدراك ما فات بأهون الصفات.


//////////////////////////////////////////////

أها يا حيدر ياخوي!
بشاشا قضى وطرو وركب قطرو!

فضلت أنا دا، وما راجيني قطر ترى
راجي طقم علماء التاريخ واحتمال ياخدوا وكت
حتى ذلك الحين، داير أصحي ذاكرتك المظلمة الجووووووة ديك.


أكلمك شوية عن بلاد تكرور وآفة الغرور
وعن فولان الكنور الذين دهرا جاوروا المور
وعن سميك حيدرا في بلاد مالي في سطور

___

حاتم ابراهيم وفلتنة السودان (فلتنة من فلاتة) انت تدور بي ديل بس لكن ما بتقدر علي جقود ابدا خلينا من تراهانك والله تاصيل كوشي في البورد ده زول تعب فيه زي مافي اطلاقا وبجيب حاجات الكلكلوزيف من 2001

زمان لمن كان البورد ده ساحة وعي وليس ساحة ابتزال
فرغت شريط لي كوشي حر درسكم كلكم في مدرسة دنقلا الراحل عبدالمنعم حاج الامين عن الاصل الكوشي للجعليين والشايقية
ذاكر في اليوست ده او امشي مكتبتي
الوعي التراكمي في هذا البورد صعب جدا جدا والسبب عارفو كويس
انت بالذات يا حيدر ابراهيم
ذاكر في البوست ده كويس جدا جدا
مفروض شفت كوش اكلمة نفسها تتردد في الاعلام مليون مرة عشان تلصق في ادمغة المازومين ديل وفي 700 فيديو عن حضارة كوش في يو تويب يعرض في كل الفضائيات الا فضائيات ناس الخرتوم والمركز والسبب معروف برضه "العرق دساس"
....القدم بالقدم....والامات خدم!!....القدم بالقدم....والامات خدم!!

ويا حاتم ابراهيم انا واعي بالسودان من نزول ادم لحدي الليلة بدون ثغرات لا انصاف حقائق ولا اساطير الاولين
امشي شوف ليك زول مهزوز زيك اقشر بيه ...مورتانيا بتاعة فنيلتك وريني موراتاني واحد مشلخ زي الدناقلة والجعليين والشايقية
بعدين انا الجبت خليوت بعانخي سودانيز اون لاين هنا زمن البورد كان ساحة علاقات عامة ولايزال
واتحداك تعرف الرمز الكوشي ده معناه شنو ؟؟
https://top4top.io/

Quote: الكلام والرواية دي ما بتثبت أو تجزم انه كوش هم النوبة مالما نعضدها بمصدر آخر يذكر في نفس الفترة الزمنية اسم النوبة ويردهم لنفس المنطقة

شلوم يا حيدر الزين

مصدر آخر :

Quote: وبينما اخضعت حضارة المجموعة الثالثة للاثر المباشر للحضارة المصرية فى زمن الدولة الوسطى المصرية استمرت حضارة كـرمـة فى معظم الاحيان فى التطور بلا انقطاع واتخذت شكلاً سياسياً اكثر تحديداً وعرفت باسم دولة كوش . تاريخ السودان القديم حضارة كرمة قيام دولة كوش - اصل الحضارة السودانيةدكتور محمد ابراهيم بكر

انا الظاهر توصلت الى انّ هناك خلطاً فى المفاهيم بين :-

الدولة الكوشية
الممالك المسيحية فى المنطقةالنوبية .

والمؤكد والصحيح هو : بعد انهيار الدولة الكوشية فى مروى قامت على انقاضها ثلاث دول مسيحية فى شمال السودان وهى :-

مملكة نوباتيا وعاصمتها فرس
مملكة المقرة وعاصمتها دنقلا العجوز
مملكة علـوة وعاصمتها سوبا

والنوبة و لان فيهم ومنهم ملوك وامراء على دراية وخبرة بالمُلك والادارة من خلال الخبرات التى اكتسبوها من الدولة الكوشية البائدة
ولان لديهم جيوش تمكنهم من السلطة قاموا بتكوين تلك الممالك المسيحية والتى استمرت حتى دخول الاسلام الى السودان عن طريق
الهجرات بالبحر الاحمر والشمال عن طريق المنطقة النوبية .

سلام علاء وشكرا

Quote: والنوبة و لان فيهم ومنهم ملوك وامراء على دراية وخبرة بالمُلك والادارة من خلال الخبرات التى اكتسبوها من الدولة الكوشية البائدة ولان لديهم جيوش تمكنهم من السلطة قاموا بتكوين تلك الممالك المسيحية والتى استمرت حتى دخول الاسلام الى السودان عن طريق الهجرات بالبحر الاحمر والشمال عن طريق المنطقة النوبية .

خلاصة ورأي وتحليل مبني على قراية وقائع واحداث تاريخية .. ماممكن مثلاً اقول ليك منطلق من موقف قبلي او جهوي
بل من قرايتك وربط للأحداث وتحليلها قدر ما اتوفر ليك بالمراجعة وإعادة النظر في المعلومات ..
ونفس خلاصتك دي أظنها ممكن تكون تتغير او تزيد ثبات ورسوخ وفقاً لما يستجد من معلومة او حدث مقنع او قراية تانية استصحبت
جوانب تانية إضافية .. زي مسألة حقيقة الهجرة او طريقة دخول الاسلام أو اللغة .
القرايـة والبحث والنقاش من اجل تقريب الحقيقة او ملامسة الوصول ليها بتكون أسهل بدل الحكم المسبق
أو قفل الإضنين بسبب الاختلاف المسبق او المكاجرة بدعوى انا الكملت الحقيقة .
جماعة من قوم احد الانبيـاء كانوا بيستغشوا ثيابهم عشان ما يسمعوا الكلام..
.وواحدين يقولوا ليك ألغوا في هذا القرآن لعلكم تغلبون ..
المسألة ما مشابهة بين نقاشنا والقران والمماثلة..
لكن هي بتوضح نوع رد فعل البشر وقت تكون خاتة قناعة مسبقة وماعاوزة تغيرها..
التكلس العقلي والجمود الفكري بيخليك تكورك في أي زول عاوز ينضم معاك بصورة مخالفة لخلاصتك بانه
مجنون .. بليد .. ضعيف .. قبلي . جهوي .. اجنبي .. عنصري

لانه قناعتك الداخليـة بتقول لك إنك صاح ومعرفتك اللي هي نتاج بيئتك وثقافتك مافي علم ومعرفة احسن منها بحسب الاتاحتو ليك ..
وأي زول زيك وفي نفس وضعك مفروض يقول قولك ودا الطبيعي والبيخالفك هو الماطبيعي ليه؟
لأنه أكيد من خارج بيئتك وثقافته غير ثقافتك ودينو غير ديمنك أو حصل ليهو شذوذ عقلي وجنَ..
بكدة اول من يفتح خشمو أو يتكلم ويقول ليك الارض كروية وبتلف حول نفسها ..
بتفتش لفرقو عنك شنو .. مش قال الأرض كروية لي شنو . وقال ليه..


تحياتي

Quote: التأشيرة انتهت لحدي الأسبوع الجاي العفو ياصديقي لوحيينا. شاو!

حبيبنا ..العفو والعافية ..
رغم انه البوست حايبقى مسيـخ لكن لاتنقطع لا تعمل الدرب ساساقة :)

مودتي

المداخلة دي تحفة في إثبات المطلوب ..
بالله الماعندو كرونا يركز فيها :)

Quote: عبدالله ادريس تحياتي اولا كمدخل، خليك فاهم بالنسبة لينا، العرق هو مركز دائرة وجود الثقافة الارية المهيمنة علي عالم اليوم. بالفهم ده حتي مايسمي علم اساسو العرق لوتعلم!! نعم هذا العلم اثبت انو امثالنا من "النقرووذ" كما يطلقون علينا، "دون"، والبيض متفوقين!! عشان كده او بناءا عليه، "العلم" ده قال، حضارة السودان اسسوهابيض اوربا تحديدا، اما نحن فقالو لم نسهم قط في تاريخ البشرية بشئ!! القالو الكلام، "علمــــــــــاء" كبار جدا في امريكا، تخرجو من "هـــــارفارد"!!! اها " العـــــــالم" القال الكلام ده "علمــــــــاء" الخواجات نصبوهو ك"اب" لي تاريخ الحضارة "النوبية"!!! لاحظ ده كلو باسم "العلــــــــم"!!! قال مدرسة بشاشا تخلط العلم بايديولجيا العرق!!! قرقرقرقرقرقر!! ياعزيزي، تذكر، بشاشا ده، فعلا بجيد رندوق "الرومان". ولكن بي وعي، وعن المام ومعرفة عميقة باساليب هؤلاء، انطلاقا من مرجعيتو هو، عكسك انتا الطرورك مصوب، تشيلو شيمة كاسحة مغربابو او قبل مايصل قيف الغرب، تجرفو تاني شيمة كاسحة، مشرقابو!! ليه؟ لانك لاتقف علي قدمي مرجعية ثقافتك انتا، كافريقي!!! عشان كده طرورك مصوب، لانك كما نبات السلعلع بلا جذور، اي بلا ارضية خاصة بيك، تقيف عليك، او عشان كده او سلفا بتتخيل ترهات الخواجات والعرب، كعلم، او كمان "دين"!! من حيث الدين، حتي هنا، دينم بقول امثالنا من السود ملعونيين، ولهذا في امريكا كان ممنوع انسان اسود يعتنق المسيحية! هكذا تم استرقاق امثالنا في عالم اليوم باستخدام "العلم" و'الدين" لاننا طيور بمعني المفردة! نعم بحكم مركب النقص، كلام الخواجة او العربي، طوالي "وحيو، اوحي"!!! شئ مخيف، جدا، ايمان امثالنا الساذج، الببغاوي، بي ترهات، "علم"، "حداثة"، "استنارة"، "علمانية" او كمان "مهنية!!

فعبدالله إدريس قال لبشاشا إنت بتخلط العلم بأديلوجيا العرق ..
بشاشا بالرادندوق قال ليهو أبداً يامتخلف العلم جاي من العرق زاااتو قرقرقرقر..
ولولا انه البيض والخواجات عرفو بالعلم إنه في عرق لكنا كسود واقفين على قدم ثقافتنا :)
الراندوك التحفة دا عاوز يخلص بس لأنه :

بي ترهات، "علم"، "حداثة"، "استنارة"، "علمانية" او كمان "مهنية!!

ودي لانها مصطلحات عرقيــة ..

يمين بالله متعة يا بشاشا
قلت لي حتى العلم منطلقو قبلي وجهوي ..ههههههه

سلامات حاتم ابراهيـم ..

Quote: أها يا حيدر ياخوي! بشاشا قضى وطرو وركب قطرو! فضلت أنا دا، وما راجيني قطر ترى راجي طقم علماء التاريخ واحتمال ياخدوا وكت حتى ذلك الحين، داير أصحي ذاكرتك المظلمة الجووووووة ديك

أنا ببحث وأفتش واناقش وسط معلومات وحقائق واحداث وخلاصة نظريات تخص تاريخ السودان وارد فيها الصاح والخطأ و خاضعة للتدقيق والتمحيص..
منطلقنا وأرضيتنا الحقائق التاريخية الثابتة .. !
قريت مداخلتك المقسمة لعدد اشخاص مخلطة لي ولغيري وفيها البيخصن الموضوع ولا فيها اللسه ماعندي عنه فكرة ..
(إتمنى انه بكري مايكون حاظر عدد مداخلاتك وقلة مشاركتك اختيارية )
بالنسبة لي لاحظت لكلامك دا كصدى وأيكو لمنهج بشاشا وكلامو رغم انه وقت رحبت بيهو مداخلة واضحة بالشأن دا وقلت ليهو حا أخذلك..

Quote: نعم حيدر ينطلق في فهمو لي تاريخنا، من التصور القبلي، الجهوي، المسبق هذا، والمصيبة كلها في هكذا طريقة تفكير!!

أما ما يخص موضوع مورتانيا وغرب افريقيا :

Quote: والمهم رضاكا انتا يابا. أما سلميتهم فحري بك أن تؤوب لمغلظة (الأسماء الموريتانية) فهي بدت ثقيلة عليك، وهي كذلك! فغيرك استجار بشمال الوادي منها لواذاً ولم يفلح إذ ذاك. ولا عفو عنها فالاسم تاريخ يا (حيدر الزين) وأنت هنا تدير عجلته بمحض إرادتك، ولا أظنك غافل عن حقيقة أن من أجل (الاسم) تتسلسل أشجار النسب وتتشابك وتتشبث في بعضها وتتمدد متطاولة تروم الشمس في دجى أفريكا فمن ذا الذي يتحرى جوار الغرب الأفريقي بنفس تهيأت للنسب العباسي الأساسي؟ فإن لم تفلح أنت أو صاحب الكتاب أو من معه أو أي من (خبراء التاريخ) في تفنيد هذه المغلظة وإيجاد تفسير لائق وأنيق أناقة الانتماء للمكان الذي وفدت منه هذه الأسماء فكل من حملها تواتراً لا محالة من علوقه تاريخاً ومعاصرة بأهل تلك القفار من فولان جنوب الصحراء، ولا مشاحة في ذلك بل مندوحة! فقط في هذه الفينة يصير من عوج الرأي وسوء التقدير والجحود نعت المضيف بأنه عدواني إذ يسمح لغيره بالبقاء ثم العبث بتاريخه بمؤلفات عن (سيادة اللغة العربية) أو باقتراحات مباغتة من طائفة: أصولية سمار اللون وسبقه وبراءة اختراع أمواس الحلاقة. فهم (في رأيي المتواضع أيضاً) بفعلهم هذا يرتقون لمصاف الملائكة.

ففوق كتبت بوضوح إني لسه ماوصلت لحتة العلاقات البتهمنا ولينا تاريخياً في الفترة المعنية مع غرب افريقيــأ واللي هي اهم..
فيبقى مسألة وضع الامر انه هروب وانا وصاحب الكتاب وماعارف ايه بيبقي ظن وريبة والاستعجال في إساءة المقاصد بتجاهل إشارة واضحة مني ..
عموماً في مسألة الاسم دي أكتر ما قابلني اسم حيدر عند الهنود والباكستان والبنغلاديش والايرانيين وعند العراقيين بيكون باضافة الزين ..
والزين عندهم مردود لزين العابدين .. اسمي رباعي حيدر حسن الزين حسين .. مختصر في حيدر حسن حسين بتلقاهو مطابق لبعض اسماء الشيعة..
المسألة شنو .. ماتركز مع الأسامي شديد بس ..
لكن ممكن نجي بعدين وقت نراجعها نلتفت لحتة التزوير والتلصق في الأنساب والإنتساب للأسر العلوية والعباسية الإنتشرت في شمال
افريقيا وغرب افريقيا الأشاروا ليها الإدريسي وإبن خلدون وبعض النسابة العرب في كتابتهم ..
المسألة دي ماكتب عنها الإدريسي ولا ابن خلدون في السودان او أشاروا ليها لأنه لسه زمنهم الاسلام ماتموضع في منطقة السودان والنوبة في عزهم ومنعتهم ..

كتبت :/

Quote: بالرجوع لموضوع البوست (سلمية النوبة وأميتهم) فالعدوان واجتياح الأمم هذا نشاط يتطلب الإعداد وتجهيز الجيوش والتخطيط والتموين والتكتيك وقبل ذلك كله الاستطلاع والدراسة ومعرفة الجغرافية وتوفير الاتصال والتحقق من نوازع الشعوب وأهوائهم ووسائل حكمهم، والشواهد على ذلك كثيرة في التاريخ وفي الوقت المعاصر أيضاً. فأنت يا (حيدر الزين) تعترف للنوبيين بكل ذلك و(ترغب) أن تجردهم من الأساسيات التي تمكنهم من القيام بكل هذا بكل بساطة، هذا تناقض صارخ. طرحك القاضي بأمية النوبيين يبدو مثل الداء الذي أتيت به فعالجته بنفسك، وفي بعض الجناح الدواء.

انت بتستدل بالقوة والإعداد العسكري والتكتيك الحربي لتوضح إستحالة عدم معرفة القراءة والكتابة والا عشان تثبت إني كنت محق في إستغرابي ؟
لو كان استدلالك بأنه إلإعداد العسكري والتكتيك من شروطه الكتابة والقراءة تبقى يلزم الإثبات !

تحياتي

انت يا حاتم ابراهيم السودان ده كلو قبائل 95% والشمال ايضا قبائل
وفي اثار حضارة في الشمال في النقعة والمصورات لحدي كرمة
يعني ده اقليم كوش
كدي ورينا قبيلتك شنو اول حاجة وهل عندك مك او كجور واو قبة
وورينا انسان المركز Homo centraliseده جا من وين (ناس الخرتوم)؟؟ ناس عجبوني اولاد السرارة جو من وين ؟؟؟
المركز والفئات الاجتماعية الاتعلمت علي حساب الاقاليم الستة ديل مشكلة السودان
ورينا ناس الخرتوم جو من وين ؟؟؟
انسان المركز Homo Canteralisانسان المركز Homo Canteralis

انت سمي نفسك جقود2 ليه اسمك الحركي حاتم ابراهيم يا منفصم
والله بجي سودانيز اون لاين عشان اشوف قربنا نمرق من متاهة شعب اسود ولي الرفس لزمان والدوران في حلقة مفرغة واضحك وامشي
انا مستغرب وغش عطبرة ده حيدر الزين ده وعي بتين بقى يعرف قوش ومباري سلعلعات ق ح ت لحدي هسة

بالنسبة لرد التسميــة إلي كوش بن حام والروايـة الدينية البتقول انه نوح هو ابو البشريـة التاني بعد آدم ..
وتقسم الخلق بناء على أعراقها لابناءه التلاتة - حام - وسام - ويافث..
والوصلتنا لحدة معاداة الساميـة لمن بقت مصطلح وقانون .
وخلت بشاشا يرفض العلم والحداثة والمدنيــة باسم العرق واللون .
والقصة معروفة نختصرها في الروايـة دي : /

Quote: قال الحافظ أبو عمر بن عبد البر : وقد روي عن عمران بن حصين ، عن النبي - صلى الله عليه وسلم - مثله . والمراد بالروم هاهنا : هم الروم الأول ، وهم اليونان المنتسبون إلى رومي بن ليطي بن يونان بن يافث بن نوح - عليه السلام - . ثم روي من حديث إسماعيل بن عياش ، عن يحيى بن سعيد ، عن سعيد بن المسيب قال : ولد نوح - عليه السلام - ثلاثة : سام وحام ويافث ، وولد كل واحد من هذه الثلاثة ثلاثة ، فولد سام العرب وفارس والروم ، وولد يافث الترك والصقالبة ويأجوج ومأجوج ، وولد حام القبط والسودان والبربر . وروي عن وهب بن منبه نحو هذا ، والله أعلم .

في زيــادات وسيناروهات وبهارات بعد كدة ليها ..
و لماذا اختلفت الوانهم من ضمنها الرواية التوراتية البتقول لانه حام ما ستر عورة ابوهو عكس اخوته ..
رغم انه ممكن برضو تلقى كعب الاحبار والا ابن كثير ذاكر ليك انه عند خلق آدم امر الله جبريل يجيب ليهو تراب من الارض لخلق ىدم
فنزل جبريل وخمش من كل حتة في الارض خمشة من الواطة الحمراء والسوداء والبيضاء وطينها ورملها كله واتعملت عجينة آدم منها

ودا تفسيــر ديني مريح لإختلاف الألوان وخصائص البشر الجسدية وبيدعم بشاشا :)
المهم الرواية بتاعت ابوة نوح عندنا بتستند على تفسير قوله تعالي : ( ولقد نادانا نوح فلنعم المجيبون ( 75 ) ونجيناه وأهله من الكرب العظيم ( 76 ) وجعلنا ذريته هم الباقين ( 77 ) وتركنا عليه في الآخرين ( 78 ) .

ووقت تجي لقوله تعالى :
قيل يانوح اهبط بسلام منا وبركات عليك وعلى أمم ممن معك وأمم سنمتعهم ثم يمسهم منا عذاب أليم
يقول ليك ديل انقطع نسلهم وعقابهم بدليل سنمتعهم إلي حيـن مقروءاً مع وجعلنا ذريته هم الباقيين ..!

لكن ماذا عن قوله تعالى في سورة مريم :

أُولَئِكَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ مِنْ ذُرِّيَّةِ آدَمَ وَمِمَّنْ حَمَلْنَا مَعَ نُوحٍ وَمِنْ ذُرِّيَّةِ إِبْرَاهِيمَ وَإِسْرَائِيلَ وَمِمَّنْ هَدَيْنَا وَاجْتَبَيْنَا إِذَا تُتْلَى عَلَيْهِمْ آيَاتُ الرَّحْمَنِ خَرُّوا سُجَّدًا وَبُكِيًّا (58)


...

مكرر

مرحبتين حيدر الزين

حيدر الزين بتاع الدمام ول واحد تاني ؟

البوست عموماً نابع من تبعات الثلاثين سنة الماضية المليئة بالعنصرية والجهوية, والتي تم دحرها وكنسها فى ساحة القيادة العامة, لذلك أنت معذور.

.

موضوع شيق و حساس و جدير بالمتابعة

Quote: حاتم ابراهيم وفلتنة السودان (فلتنة من فلاتة) انت تدور بي ديل بس لكن ما بتقدر علي جقود ابدا

(ديل) منو؟

Quote: والله تاصيل كوشي في البورد ده زول تعب فيه زي مافي اطلاقا

أعمل قناة في اليوتيوب، وسع دائرة بثك.

Quote: فرغت شريط لي كوشي حر درسكم كلكم في مدرسة دنقلا الراحل عبدالمنعم حاج الامين

(حاج الامين) ديل نفرين ولا دا اسم حق زول واحد؟

Quote: ويا حاتم ابراهيم انا واعي بالسودان من نزول ادم لحدي الليلة بدون ثغرات لا انصاف حقائق ولا اساطير الاولين امشي شوف ليك زول مهزوز زيك اقشر بيه ...مورتانيا بتاعة فنيلتك وريني موراتاني واحد مشلخ

صاح، مافي موراتاني مشلخ، ماهي دي المشكلة، بالنسبة ليك!
فلو دا حاصل كان قلدت أخيك (بابكر ) وهنيتو بلقيانو فينا فزرة أندلسية مع البيظان الفوق وكدة.
رغم إنو أوروبا ما أثرت فيهم، أو هكذا يبدو أحدهم أو كلهم، بس مافي موريتاني مشلخ، يبقى يا تهراقا يا العباس واحد فيهم مشلخ.

شفت نحاس البيظان؟
شكلو زي الدارعينو فوق رقبة واحد منهم، نظام تيمباني.

من جهتي، كون "الموريتانيين" ما مشلخين، احتمال تكون دي المشكلة أو احتمال دا (الحل)، فالمسألة شلّاخة أوجه
وأنا أشرت لأسماء الموريتانيين، مش لشلوخهم، كوني مهزوز على رأيك، فاكتفيت بالشيء الواضح، دا هزي كدة أسوي شنو!
وياهو منتظر، جات إجابة خير، ما جات يبقى الكربون على ما هو عليه، ما بيكلفني كهرباء.


على أية حال لو مشكلتك الشلوخ فدي محلولة،
نمشي معاك غرب شوية باتجاه (السودان) حسب تسمية البيظان، جهة النيجر.

شعب الكنوري
https://en.wikipedia.org/wiki/Kanuri_people

https://hometown.ng/listing-item/kanuri

علم الكنوري



شلوخ الكنوري

https://www.researchgate.net/figure/Typical-Kanuri-Tribal-Marks_fig13_320196505

https://www.haawar.com/the-9-kanuri-tribal-marks-esp-1

https://kwekudee-tripdownmemorylane.blogspot.com/2013/09/kanuri-people-powerful-african-people.html

زواج الكنوري

https://www.bellanaijaweddings.com/meram-abdulkhadir-wedding-ceremony

http://nigerianpilot.com/traditional-marriage-display-of-cultural-flamboyance-and-pride-among-kanuri-people

https://www.researchgate.net/figure/Fig38-Photo-of-a-Kanuri-Bride-in-Gold-A-Photo-of-a-typical-Gold-set-used-as-gift_fig9_320271910

https://www.bellanaijaweddings.com/hafsat-abdulkhair-wedding-ceremony

رجال الكنوري

https://www.nairaland.com/3125987/kanuri-men

اعتقد كافي.
وما تتعب نفسك، آآآآي نيجريا، ما الخرطوم.
وسؤالي حق (الأسماء الموريتانية) في محلو
بانتظار خبير تاريخ يجيب عليه، بتفسير لائق وأنيق.

الجدير بالذكر إنو (الكنوري) بلغة الهوسا اسمهم (بَرِبِري).
BareBari.

Quote: انت يا حاتم ابراهيم السودان ده كلو قبائل 95% والشمال ايضا قبائل

في مقدورك تستقطع فئة من الفولان في أي زمان وتسميها بأي مسمى (قبيلة) في السودان، وتخترع ليها جد أسطوري
دي حيلة شائعة والناس اتعودت عليها، والكل مبسوط بالديباجات الجديدة للسلعة القديمة،
لهذا لا يفرقون بين السوداني والنيجيري في الخليج وأوروبا.

Quote: والله بجي سودانيز اون لاين عشان اشوف

يعني الطمنطاشر سنة الفاتت و24 ألف مداخلة (3 في اليوم فطور وغدا وعشا) ديل (جيات شوف) ساكت!
ما فكرت تستقر لسة؟

Quote: بعدين انا الجبت خليوت بعانخي سودانيز اون لاين هنا زمن البورد كان ساحة علاقات عامة ولايزال

وجبت الصاغ و(بابكر عوض الله) وعلم الكنوري واللون البني والهواء لجماعتك
آآآي خلاس كويس آآآآالفونوغراف، خاليوت وصل، باقي لينا آدم
ويونس الراجل البلع الحوت.

Quote: واتحداك تعرف الرمز الكوشي ده معناه شنو ؟؟

يا إما أبوالدرداق دافر ليهو كرضمة دلكة لطشها من وين ما بعرف يا كمان جعران بيلعب طائرة.
أنت قايلني الملك سليمان تسألني من أنشطة الحشرات!
أما الرمزية فدا شيء خارج موضوع البوست.


شفت عريس النيجر والهلال الفي الجبين والحريرة!
حريرة وقشعريرة.

___
ولا مشاحة.



/////////////////////////////////////////////////////////

شفت تعليقاتك يا حيدر، وشفت سؤالك
كمل كلامك وحأرد وأجيب على الجزء المتعلق بادعاءك على (أمية النوبة).

Quote: انت بتستدل بالقوة والإعداد العسكري والتكتيك الحربي لتوضح إستحالة عدم معرفة القراءة والكتابة والا عشان تثبت إني كنت محق في إستغرابي ؟ لو كان استدلالك بأنه إلإعداد العسكري والتكتيك من شروطه الكتابة والقراءة تبقى يلزم الإثبات !

دا هنا يعتمد على فكرتك عن (القراءة والكتابة) كنشاط بشري مرهون شكلاً بعصره.
أنا بستدل بأن كل الأنشطة المؤدية لفعل الغزو تتطلب المعرفة أياً كانت مظاهرها،
وهنا ليس بالضرورة أن تنسجم هذه المظاهر شكلاً بتصورك المعاصر عنها.

Quote: التالت الوقوف حقيقة على التدوين ان وجد ولماذا اذا إنعدم ..فالشعب ليس منعزل والتدوين والورق قديم بتاريخه .. +++ وامي بقصد بيها الأمية في الكتابة والتدوين بالتعريف المقصود .. ومن ناحيـة تانية بتستوعب الأميـة العلميـة لو قدرت اوضح اني بقصد بيها ما نقدر نلمسه في العلوم والمعارف الممكن نجدها في حضارات او مدنيــات عاصرت أو سبقت بقليل وجودهم ومنها ما جاء بعدهم

وواضح أن فكرتك عن الكتابة وتمثيلها (التدوين) انبنت على أحادية المخرجات الورقية
وانبنى عليها بالطبع حكمك القاضي بأميتهم، وهذا للأسف تسرع في غير محله.



وبالتأكيد النقطة الخاصة بالأسماء جوهرية في حسم حملتك عليهم بخصوص (عدم السلمية).

Quote: عموماً في مسألة الاسم دي أكتر ما قابلني اسم حيدر عند الهنود والباكستان والبنغلاديش والايرانيين وعند العراقيين بيكون باضافة الزين

يمكن لأنك ما فكرت تعاين لأفريقيا غرباً، جهات النيجر والكميرون ومالي، أو يمكن لأنهم بيضيفوا للاسم حركة (حيدرا، حيدرة)
وطبعاً ما بيكتبوهوا (بالعربي) عشان يقابلك، أما الزين فهو حصري على موريتانيا في أفريقيا ومردود عندهم ل(محمد_زين)
حيجيك البيان بخصوص الأسماء ولو أن الموضوع قد لا يسع التطرق لها بإفاضة، لكن حأتصرف، (موريتانيا) هنا مصطلح.

وفعلاً عندي مداخلة واحدة ومبسوط بيها، كلامي حار عند البعض الما بدوروا الحقيقة.


___
بعتبرها مندوحة.

غايتو يا حاتم انت آفة..
لما شفت صورة بريمة حاشرها وسط الموريتانيين مت من الضحك ..
طبعا الشغلا دي صعب الواحد يديك فيها The benefit of Good intention ..
عموما أنا بفتكر النقطة الايجابية في كتابة الزميل عبد الله شم انو سكان المنطقة المسماه دار جعل كوشيين..
يعني تاني ما يجي المستنير ينجعص وسطنا ..
بالمناسبة لو راجعتو نقش عيزانا بقول :

Quote: أولئك الذين لقوا حتفهم من الزعماء . دانوكفي، وداجإلى، وأناكفي، وحبارى، وكاركارا،

وقفت عند اسم الزعيم ( دا جالي) !
ما عارف لفظ ( دا ) الملحق هل من اصل الاسم ام صفة ؟
لكن لو انتبهت لجرس الاسم بدون الدال والالف بتحس بقدر من التقارب مع جعلى السائدة اليوم ..
خت في بالك النوبي بنطقها جالي وليس جعلي ..
كمان النطق النوبي اقرب لاسم جلي المتداول في المنطقة ..
انا شخصيا بفتكر لفظ جعلى مستمد من اسم المنطقة الجغرافية المعروفة ب الجيلي ..
اخيرا عشان اجامل صاحبي المستنير الغائب..
الكلام دا ما بنفي قدوم اسرة دينية من نسب العباس رضي الله عنه واقامتها في المنطقة .

Quote: غايتو يا حاتم انت آفة.. لما شفت صورة بريمة حاشرها وسط الموريتانيين مت من الضحك .. طبعا الشغلا دي صعب الواحد يديك فيها The benefit of Good intention .

الآفة أنت.

فإذا كنت (مت من الضحك) فمن الذي يكتب باسم محمد على طه الآن؟
والصراحة لا أعرف ما المضحك في الاستدلال بصورة للعمة التشريفية تمييزاً لها على الوظيفية.
والآفة هنا (في رأيي المتواضع) أن لا تميز أنت بين عمائم أهل نيجريا وأهل موريتانيا، فصورة الأخ إبراهيما موجودة ضمن فئة العمائم التشريفية
ربما تطلعنا على الذي أماتك من الضحك وأحياك لتكتب عن التجربة الفريدة، إن كنت أنت صاحب الضحكة والمداخلة في الآنين معاً.

آفة صغيرة أخرى أن لا تعلم أن الشخوص الظاهرين في الصور هم علية قومهم أمراء كانو من الفولان
وفيهم الأمير محمد سنوسي محافظ البنك المركزي في نيجريا وهو عالم في الاقتصاد وفي محاربة الفساد

https://en.wikipedia.org/wiki/Sanusi_Lamido_Sanusi



___
فعلام الضحك يا محمد طه؟


+++

Quote: وقفت عند اسم الزعيم ( دا جالي) ! ما عارف لفظ ( دا ) الملحق هل من اصل الاسم ام صفة ؟ لكن لو انتبهت لجرس الاسم بدون الدال والالف بتحس بقدر من التقارب مع جعلى السائدة اليوم .. خت في بالك النوبي بنطقها جالي وليس جعلي .. كمان النطق النوبي اقرب لاسم جلي المتداول في المنطقة .. انا شخصيا بفتكر لفظ جعلى مستمد من اسم المنطقة الجغرافية المعروفة ب الجيلي .

الآفة الثالثة يا محمد طه هي اقتحام مجال التأصيل للمفردات بأدوات طلاب المرحلة المتوسطة
فالنزعة لتقطيع أواصل المفردات مورفولوجياً وإعادة تلتيقها فونولوجياً للوصول بالملتوقة إلى بر الدلالات والمعاني حسب الرغبة هذه آفة لغوية.
عملية (mnemonic) ولا أخالك ملم بالمصطلح، وهو اسم النشاط الذي توجت به مداخلتك ربع الأكاديمية كنا نستخدمه لتيسير حفظ المفردات باللغة الإنجليزية، زمان.
ويبدو أن العملية سهلة وميسورة بحيث يقوم بها الكل، فإذا الملتوقة سئلت بأي يد خلقت لما أدركت اسم وصفة صانعها.

فلو صحت منهجية ما تقوم به نشطاً في هذا الصدد لأضحت اللغة النوبية (أو أي لغة أخرى) لغة (يونيفيرسال) بإمكانها ابتلاع أي عدد من مفردات اللغة الأضحية
فبإمكانك وإمكان أي متحدث للنوبية إعادة (تخريج) الأسماء التالية (Colorado, Tenessee, Dollar, Wobertal) على سبيل المثال إلى النوبية
بمثلما كان يفعل الباحث شم عندما راقت له فكرة أن (ينتقي) طائفة من الأسماء تراءى له أنها (يمكن أن تكون عربية) من مجرد رسمها بالحرف اللاتيني وأفلح في إبراز ذلك،
وانتقدناه في الحين ورفدناه بما يثبت أن اللعبة التي مارسها لا علاقة لها باللغات أو وسائل تحقيقها وذلك يرد كل الفعل الذي ابتدره جزلاً إلى ما يمكن تسميته بالمحاولة الفطيرة،

Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب�

___
لكن يبدو أن ملاحظتنا لم تؤخذ على محمل الجد.


+++

Quote: اخيرا عشان اجامل صاحبي المستنير الغائب.. الكلام دا ما بنفي قدوم اسرة دينية من نسب العباس رضي الله عنه واقامتها في المنطقة .

ترى، يا محمد طه
مثلت مشكلتنا وشخصتها بهذه الدرة.

ولا مشاحة في كون العباس أو أي سلف أسطوري درج الناس على اتخاذه أصلاً أن يرد ملفوظاً هنا
فهذه (عادة) أقرها صاحب المنشور بنفسه وأشار إليها بوصفها (تزوير وتلصق) ويحمد له وعيه النسبي مقارنة!
آفة التاريخ أن يأتي توثيقه (مجاملة) أو جبراً لخاطر فلان أو صاحبي علان، في هذه الحالة لن يكون المخرج تاريخ،
بل يأتي الناتج أقرب إلى (Strategy video games) وهذا يعني نوعاً من التسلية وملء الفراغ في أعراف البليستيشن.
ففي ذلك الضرب من الألعاب يتم بناء مدن وتسميتها وتخطيط مزارع وإقامة علاقات جوار وشن حروب (حسب مزاج اللاعب) في أي وقت وبأي كيفية شاء.



////////////////////////////////////////////////////////////

يا عادل أنين

تعال راجع ياخ!
اعتبر صور الكنوري ديل ضرب من الخيال، وهي كذلك.

شنو يعني حنة وتوب ربط وفركة وهلالن في الجبين مربوط وحريرة!
دا مجرد (استعداد ثقافي) محض.

___
مندوح.

Quote: يا عادل أنين تعال راجع ياخ! اعتبر صور الكنوري ديل ضرب من الخيال، وهي كذلك. شنو يعني حنة وتوب ربط وفركة وهلالن في الجبين مربوط وحريرة! دا مجرد (استعداد ثقافي) محض.

يا حاتم ابراهيم انا بصارع محترفين في اسافير عالمية ومصريين مستهبلين اسقطو الاسرة 25 الكوشية التي حكمت مصر
انت ما سؤال واحد ينسف نظرياتك دي كلها في فلتنة شمال السودان اقليم كوش
الناس الجو من بره من افريقيا المدارية او الشمال مصر وتركيا او عبر بحر القلزم هل لقو السودان ده فاضي ؟؟؟؟
خلاس اللقوهم الوافدين من حدود السودان الاربعة ديل نحن الكوشيين
قالو في امنجي زمن نميري لقي اثنين مساطيل جمب مبنى التلفزيون بعد انتهاء الارسال قالو ليهم انتو منو
قالو ليه نحن شغالين في التلفزيون
قال ليهم وهسة قاعدين تسوو شنو
قالو لو فتحتو التلفزيون بتسمع شنو
قال ليهم شششششششششششششششششششششششششش
قالو ليه نحن البنقول ششششششش
انت عايز تعمل كوش فرع وهي اصل نحن الساس ونحن الراس وجينات خوليوت بعانخي ماركة مسجلة للسودانيين الكوشيين والسودوانية اخلاق وليس ادعاء من الاساس

https://top4top.io/
عشان كده ينجذب كل شعوب العالم القديم للسودانيين حتي في امريكا ودي بسموها gen affinity علم كوشي ما وصلك لسه
صارع براعم المركز ديل انت ما مستوي جقود اطلاقا
ونعتز بكل من تفرع منا عبر هاجر ام اسماعيل واو يوكابد ام موسي عليه السلام او كل قبائل الحزام المداري السوداني والايقاد لحدي السنغال ده الفضاء السوداني الطبيعي البدعو ليه هنا وبنفس العلم الجميل ده
انت امشي فتش بس في المركز الان منو البلهث ورا المصريين والعرب لحدي الليلة ده منو ومن هم ناس المركز ؟؟

خلي معركتك مع انسان المركز مش انسان كوش يا مواطن
ناس الشمال ديل كوشيين اصليين
اتفاقيةالبقط عملت ترانس فير للكوشيين بمعدال 365 رجل سنويا لكل العالم الاسلامي في الدولة الاموية والعباسية لاحظ كلهم رجال ديل مشو وين هسة
ديل هم اي اسمر او اسود في العالم العربي والاسلامي من تخوم الصين لحدي الاندلس
يقولو ليك اتفاقية البقط شالا عبيد وهي شالت جنود وبعد داك ما بتابعو الناس ديل مشو وين

Adil Amin
انت بتلقى الصور الغريبة دي كلها من وين!!؟وكيف تقدر تنزلها بالسهولة دي في المنبر العام؟
والله نحن بنستفيد كثير من مقالاتك عن تاريخ السودان القديم والحديث والمدعوم دائما
بالصور والادلة،،
فشكرا ليك،،
وربنا يبعد عنكم شر وباء وبلاء الكرونا،،

Quote: Adil Amin انت بتلقى الصور الغريبة دي كلها من وين!!؟وكيف تقدر تنزلها بالسهولة دي في المنبر العام؟ والله نحن بنستفيد كثير من مقالاتك عن تاريخ السودان القديم والحديث والمدعوم دائما بالصور والادلة،، فشكرا ليك،، وربنا يبعد عنكم شر وباء وبلاء الكرونا،،

حياك الله يا بتنا امتثال
الدنيا صدام حضارات والصراع لازم يكون في المستوي اعرف وطنك بصورة مؤسسة
السودان دولة وحضارة
في سودان جغرافي ده بتاع الاستقلال 1يناير 1956 وفي سودان مداري وده الايقاد والحزام الممتد لحدي السنغال
وده الوضع الطبيعي العايز ارجع ليه السودان
والله يحفظ الجميع

Quote: اولا كمدخل، خليك فاهم بالنسبة لينا، العرق هو مركز دائرة وجود الثقافة الارية المهيمنة علي عالم اليوم.

بشاشا سلام ..
مداخلتي واضحة ، العرق الاري والاوربيين وادعائهم التفوق ما عندو علاقة بابجديات واساسيات العلوم
دي نظريات عنصرية متخلفة ظهرت بوضوح خلال القرن ال18 وشكلت الاساس الفكري والاخلاقي
للحقبة الامبريالية ، والعلم اتجاوزها رغم انو بعض تجلياتها او افرازاتها مازالت موجودة وبتطلع
في شكل سلوكيات سلبية كلنا بنعرفا. انت كده بتنجر لمستنقع عنصري بوعيك الكامل بس عشان الاوربيين
قبلك دخلوا المستنقع ده.
لما تخلط التاريخ (علم) بايديولوجيا العرق النتيجة بطبيعة الحال هي التكويش البتسوي فيهو ده.
عليك اقناع محاوريك بحقائق مجردة موثقة .. مش سفسطة وكلام ساي ..
حيدر قال عايز تراث علمي او فكري مكتوب من الحقبة الكوشية ؟ طوالي تجيب ليهو عناوين كتب
ومؤلفات او تقول مافي او لسة لم تكشف الحفريات اي شيء .. مش تقعد تنطط من حتة لي حتة
وتخمنا بالعبارات المعلبة بتاعتك دي ..

Quote: عتود الكرامة دي ذكرتني حيطانك البنيتهن مع إثيوبيا وغرب أفريقيا وقلت من الله خلقك فرز عيشتك منهم ولما بقن قصيرات استأذنت وقشيت نعلاتك في حيطة منهن وقلت ماشي تطرد البشير وجماعته، المأمورية الظهرت بغتة، وديك يالفلتة. وكونه نشك في أهلية المؤلف للبحث في التاريخ بنقاط واضحة دا في نظرك رأي شخصي وسلبية؟ وكونو فرطقنا اللغم الجا شايلو (حيدر) قبال ما يزرعوا ويغادر خلسة دي سلبية عندك قال؟ لكن كلام حيدر عن عدوانية النوبة وأميتهم ما رأي شخصي وكاني وماني على خشمك مش؟

يا حاتم ناقش محتوى الكتاب (عارفك ما حتقراهو ) وجهة نظرك في عبدالله في ناس ما بشاركوك فيها
تعال ورينا من خلال محتوى الكتاب اقنع بأنو عبدالله زول يفتقر للامانة .. بس
طبعا غبت وجيت ، وتاني مشيت فتشت كرورك بتاع موريتانيا والاسامي وفتحت لينا دكان الترزي
والصور .. انا لمن قلت ليك ما حتقرا الكتاب لاني متاكد انك ما بتاع كتب ، بتاع صور غوغل بس
يا اخي خليك جادي شوية ، ما ممكن تأصل لي ظاهرة اجتماعية او ثقافية بالصور ، قلت ليك الكلام
ده مليون مرة .. ما ممكن تأصل لاسم قسرا كده .. انت في اللغة ما درست ايتمولوجي؟ اها يا شيخنا
الاسماء كمان عندها علم تأصيلي اسمو الانثروبونامي .. برد الاسماء الى اصولها بتفكيكها وتتبعها
عبر التاريخ وبالوثائق ، متى ظهر الاسم ومعناهو شنو وانتشر وين وهل عندو اشتقاقات،
مش بي غوغل سيرش .. طريقتك الشغال بيها دي زي لعب الشفع ..
البوست الان لسة في الحقبة الكوشية ، وما اعتقد عندها علاقة بموريتانيا او سوق الحرامية
والهدوم الجيت شريتا لينا دي ..

يا حاتم ابراهيم
المسخرة ما تخليك تتبلعط في البورد
ما عرفت الرمز الكوشي نحن بنعرفو وده الفرق بين الكوشيين والفلاتة الزيك
تاني لو بتكتب هنا مليون كلمة في اليوم و10000 بوست ما بكتب كلام فارغ اطلاقا كلام واعي ومرتب جدا والعلة في دماغك
ثانيا المدرسة بتاعتي تختلف من المازومين عروبيا ديل
السودان الجغرافي هو قلب السودان المداري من دول الايقاد الي السنغال عبر طريق الحرير الافريقي والمشروع الصيني طريق واحد حضارات مختلفة وده لحدي هسة ما وصلو الناس هنا ناس تسقط بس مخلفات البعث والناصرية
وعلمي جاهز بي الوان كوش الثلاثة دي وشكرا علي علم كونري
https://top4top.io/
وجود السودان في جامعة الدول العربية من 1957 وتحت جذم المصريين والخلافة التركية ده وضع مخزي وهامشي في مركز مزيف القاهرة اسطمبول ده بتاع كعوك المركز بس في السودان بتاع 5% فقط من مكونات المجتمع السوداني
عشان كده قلنا ليك شوف لينا الناس الراكبين بي المقلوب ذى ذب الجمل لحدي هسة وخاتين السودان في المكان الغلط ليه ؟؟ وومامبو سوداني ومسخرة فاضية
السودان مركز حضاري سينهض يوم (نهضة كوش ) وحيث تحترم الحضارة الفكر والثقافة والتراث الفن السوداني دي البلاد التنفع معاي وشكرا للدعم بي الصور واهلا بدول الحزام المدراي السوداني كلها
طريق الحضارات هو طريق سكة حديد لسه ما مبدا لكن دول الايقاد جهزت نفسها وبهمني في طريق الحرير في العالم العربي اليمن وسلطنة عمان بس
ما شغال بي منظومة قرود السيرك الامريكي الخمسة
مصر السعودية الامارات قطر تركيا
اهم دولة لي المرحلة الاولي لي طريق الحضارات اعيد دولة جنوب السودان بالحريات الاربعة ثم الايقاد وبعد داك لكل حادث حديث
اياك وتخلط كوش بي تراهاتك دي
نحن اصل وديل فرع بما في ذلك العرب اليمنيين احفاد اسماعيل واليهود احفاد موسي
وقرررررط علي كده
والله هسة الكلام ده بعد 1000 سنة ضوئية ما تعرفو يا ربع الدماغ
ما هو شفرة الجعران المقدس دي ؟؟
وكمان عايز تسخر من اارمز الكوشي ده
فرقك من كعوك مثلث الحمدي شنو ؟؟
https://top4top.io/

يا حاتم ابراهيم
مسخرة اسيادك المصريين دي اعملا مع مهزوزين زيك زي كعوك المركز نحن في الشمال عندنا قبائل وحواكير ومك وقبب وجنسية خضراء ودين ومولد وحزب سياسي سوداني
ومصر ما ام الدنيا وبضاعتا مشاريع صرف صحي فتش المباري اللغاويس دي لحدي هسة
من 2001 لحدي 2020 عندي مشروع واضح ما فاضح
فك ارتباط وضبط مصنع

نقلت ليك المداخلة دي من بوست تاني
عشان تصحي وتحترم جقود

Quote: هل هم الاتراك ولي المصريين والغزو التركي المصري لجلب الذهب والعبيد زمان1821-1885؟؟ وهسة نفس الرقيق المحرر في الخرطوم بعدى لغى كتشنر الرق 1902 اتعلمو عملو نفس العملو اجدادك للجنوبيين والنوبة وانت شايف لحدي هسة 2020 لا زال المركز الوسخ المرتبط بي المركز الاوسخ مصر الخديوية و تركيا خدم المشروع الامريكي الخمسة ناس الطيب مصطفي والمنبتين والوافدين يمارسون نفس الشيء في كل الانقلابات بعد الاستقلال فصلو الجنوب وينهبون الذهب في الاقاليم ويصدرون ابناءهم جنود مرتزقة في حروب البنك الدولي ودلالين المشروع الامريكي مصر والسعودية والامارات ويتمسخرو في البورد وفي السودان اتحرك انت الان ولعن مهدي مصطفي الهادي ومايو و الطيب مصطفي الاخوان المسلمين والسلفيين والشيوعيين والبعثيين والناصريين وادر وجهك نحو الجنوب ونحو الايقاد والحزام المدراي الفضا الطبيعي للسودان وعلم الاستقلال وطريق الحرير الافريقي وطالب اولا اعادة دولة جنوب السودان بالحريات الاربعة السودان مركز الحضارة الكوشية وليس هامش الخلافة العثمانية البغيضة ورجب طيب اوردغان الجابرنا علي الاستمرار في الوضع المشوه كدولة هامشية مامبو سوداني في مركز خلافة قبيح مزيف القاهرة اسطمبول شنو ؟؟ مش دي الحمرة الاباها المهدي الليلة في ناس بتمسحو ليها بي الكريمات وماسكين السودان وشالنو بي المحاصصة ودولة المركزية العروبية الاسلاموية المزيفة والسودان بدل يشوف فضاه الافريقي المدراي ...من الايقاد الي السنغال القضاء الطبيعي للاغنية السودانية بدل ما يكون تاج في راس الافريقيين في الحزام المدراي الكوشي اختار يكون فردة نعال شمال للمصريين والعرب حاصل فارغ من اهان الجنوبيين قديما وحتي الان اقليات مشوهة لا يتجاوزو 5% من المجتمع السوداني

وربط السودان الكوشي مع فضاءه الحقيقي افريقيا المدارية من الايقاد الي السنغال وطريق الحرير الافريقي مع جن شين بنج (الصين )
بطل مسخرة اسيادك المصريين وكعوك المركز المملة في البورد دي
وهسة دي مداخلة في بوست تاني ذاكر فيها كويس وفتح عينك قدر الريال
قبل اوديك الضل ومصحة جقود محل المعقدين المعطلين نهوض السودان الكوشي لحدي الان
وشوف الكيسو فاضي منو في البورد ده شرشح بيه
من اهان الجنوبيين في السودان

سلام ياحاتم،

واضح انك فهمت كلام ود الملك خطأ!

هو عبر عن اعجابو بي المادة الجبتها،، لما قال عليك افة بي معني زول فقري!!

انا لي روحي انقهمتا لما شفتا ذات القرمصيص بتاع امنا "الست" اي Auset بي لسانا النوبي الكوشي، المستخدم الي هذا التاريخ عندنا في الاعراس.

نعم ماكنتا متخيل انو الي الان اهلنا في نواحي افريقيا الاخري مواصلين نفس التقليد ده، منذ عشرات الاف السنين كماهو!

!بناءا عليه، عشان نفهم علاقة بقية الافارقة بارض اجدادم، اي السودان الحالي، اي The HeartLand Of All Blacks
كما وصفو شيخنا كانسلر ويليمز اللي زار السودان في عهد ناس عبود، اللي منعوهو يمشي الجنوب، فلازم نرجع لي كلام شيخنا، سيدنا، ومولانا انتا ديوب تحديدا.

نعم شيخنا ديوب الوالد الحقيقي لي تاريخ السودان القديم، قال بالحرف:

كل الافارقة يشيرون للسودان الحالي كموطن لي اجدادم، وهذه حقيقة.بالفهم ده الفولان بل كل الافارقة موطنم الاصلي هو السودان الحالي، والصور الجبتها دي ياحاتم
هي ابلغ دليل علي صحة هذا الكلام وباجماع الافارقة كلهم.

مصداقا لهذا الطرح اجدادنا ناقشو النقطة دي مع قدماء الاوربيين، بل قدمو نظرية كاملة تشرح كيف هم، اي قدماء السودانيين بمثلو اول بشر مشي علي قدمين علي سطح هذا الكوكب،
والكلام منذ حوالي 2,000 سنة!

بالتالي، وبناءا عليه، فهم الوحيدين في افريقيا اللي نبتو من تربة هذا السودان ولما ياتو من اي جهة او منطقة اخري!

نعم بقية الافارقة اين ماكانو داخل القارة او حتي خارجا، ذهبو لي هناك من السودان الحالي!!

ده هو تفسيرنا للعلاقة مابين المورز او الفولاني او غيرم، واهلهم في السودان والصور اعلاه تثبت هذا، لانو القرمصيص ومراسم زواجنا الحالي،
صاغتو امنا "الست" اي The Black Madonna لدي كاثوليك اوربا، اي مريم العذراء الاضلية.

Quote: مداخلتي واضحة ، العرق الاري والاوربيين وادعائهم التفوق ما عندو علاقة بابجديات واساسيات العلوم

سلام ياعبدالله،

مافاهم، اذا هم، اي الاوربيين اللي قالو انطلاقا، وكتتويج، تجسيد لما اسموه "علم"
انهم اصل الحضارة، وليس نحن، "الذنوج"، "الفروخ"
في وعيهم، فمادخل بشاشا عشان تغالطو كمان؟

عجبي!!!

مش كده او بس، وانما قطعو المحيط او جو لحدي السودان الحالي،
للبحث والتنقيب عن تاريخم هم، اي البيض،
ك"علمـــــــــــاء" خريجين هارفارد، او برضو تسوي
ماعندو علاقة؟

ماعندو علاقة، بالنسبة لي منو؟

عبدالله ادريس "الجعلي الحر" ولا الخواجات، اللي توجو القال
الكلام اعلاه، ك"اب" للحضارة النوبية القوقاذية؟

ياهذا، الخواجات ديل قالو كل تاريخ افريقيا كلهــــــــا، القديم،
او مش فقط السودان، عملو بيض اوربا، وهذا بالنسبة ليهم علم،
بل "صرامة علمية!!

نعم بالنسبة ليهم بيض اوربا هم اباء الحياة المنظمة علي سطح
هذا الكوكب، وهذا مثبت "علميا" قالو!!!

اذن باختصار ده هو كلامم هم المصور او مقدم ك"علـــــــــم" او
كمان "دين" مش كلام بشاشا ياهذا!!

نعم هم الوضعو اابجديات ما اسموه "علم" وبناءا عليه،
قالو طبقا لهذا "العلم" حضارة السودان دي، اوربية،
عملوها بيض!!!

داير دليل اكتر من كده؟

معليش، كما غيرك، منطلقاتك قيلية، جهوية، جعلية، عباسية، صرفة، للاسف، مهما تعمل حريف!!

يا حاتم ابراهيم انا عندي رؤية ومشروع ما بجي اورجغ في لبورد حاصل فارغ
وبستعمل ايقونات ورسومات وصور ووثائق زيك
وعندي خارطة طريق ما بدت في السودان لحدي هسة بسسب عقاب مايو الفرملو الثورة السودانية الحقيقة البترجع السودان الي قلب لعالم الكوشي

Quote: اهم دولة لي المرحلة الاولي لي طريق الحضارات اعيد دولة جنوب السودان بالحريات الاربعة ثم الايقاد وبعد داك لكل حادث حديث اياك وتخلط كوش بي تراهاتك دي نحن اصل وديل فرع بما في ذلك العرب اليمنيين احفاد اسماعيل واليهود احفاد موسي وقرررررط علي كده والله هسة الكلام ده بعد 1000 سنة ضوئية ما تعرفو يا ربع الدماغ ما هو شفرة الجعران المقدس دي ؟؟ وكمان عايز تسخر من اارمز الكوشي ده فرقك من كعوك مثلث الحمدي شنو ؟؟

في قصة حايمة في لواتس في البي بي سي الانجليزية
https://top4top.io/

بديعة جدا ذكرتني ليها صورك الرائعة الجبتها للكوشيين في السودان المداري دي
ما عارف في مالي ولي النيجر واحد اتقدم يتزوح بنت واحد من الاعيان وابو البت طلب مهر حاجة عجيبة جدا قال ليه تجيب لي شريط محمد وردي
الراجل ده سافر من النيجر الي مصر وقعد يفتش في سودانيين في القاهرة وعلي ما اعتقد قابل وردي ذاتو وحكي ليه القصة ووردي اداه الشريط ورجع فرحان
شوف الفرق مش الازياء بس حتي الزائقة الفنية لدول الايقاد والحزام المداري السوداني للفن السوداني واحترمو بينما السودانيين في الفضاء العربي والمصري مامبو سوداني بس
ياخ انا بفتح فضائية تشاد بادمان حضرت فيها حتي مسلسل درامي سوداني وبسمع عثمان حسين في اذاعة الحبشة والصومال وجبوتي واتريا وانا في اليمن
شوف الفضاء الثقافي السوداني فيه كم دولة وكم شخص وسوق الاغنية السودانية المعطل وهم يشيلو ويجرو الي mbc وما عارف شنو وهم في الاعلام العربي زول اسود يتكلم عربي بطريقة عبيطة
وكمرة وخفية بس
وراضين
وطال ما قحت دي قاعدة في راسنا بي مخلفات مايو 1969 وعلما القبيح والبعثيين والناصريين والشيوعيين عايزين الف سنة ضوئية عشان نطلع من متاهة شعب اسود وانت يا غبي ترفس في جقود بدل تشوف كائنات المركز العجيبة دي مودانا وين ؟؟
الله يرحم محمد احمد المهدي اول ثائر حقيقي واعي ضد المركز القبيح والمشوهة والخلافة المزيفة في اسطنبول وتقول لي مورتانيا والطيارة عندها بوري

Quote: مافاهم، اذا هم، اي الاوربيين اللي قالو انطلاقا، وكتتويج، تجسيد لما اسموه "علم" انهم اصل الحضارة، وليس نحن، "الذنوج"، "الفروخ" في وعيهم، فمادخل بشاشا عشان تغالطو كمان؟

والعلم يا بشاشا هو الاثبت انهم ليسوا اصل الحضارة مش الكلام الساي ده
العلم الجاد الذي يبحث عن الحقيقة بالطرق العلمية المعروفة ، العلم المستقل عن سطوة
السلطة والايديولوجيا هو ما اثبت ان افريقيا هي اصل الانسان الاول ، وليس اصحاب الحلاقيم
لان الفبركة لن تصمد ابدا امام المناهج الحديثة المعروفة في اثبات الحقائق وتقصيها
على مر التاريخ اقحم العلماء العرق في العلم ، ويبدو انك لم تتجاوز هذه المحطة قط
فسيبنا بالله من مواضيع جعلي وجن احمر دي..
سؤال بسيط : ما الجهة صاحبة الفضل في اكتشاف كون افريقيا هي مهد الانسان الاول
بالأدلة الاركيولوجية ؟

Quote: عشان كده قلنا ليك شوف لينا الناس الراكبين بي المقلوب ذى ذب الجمل لحدي هسة وخاتين السودان في المكان الغلط ليه ؟؟ وومامبو سوداني ومسخرة فاضية السودان مركز حضاري سينهض يوم (نهضة كوش ) وحيث تحترم الحضارة الفكر والثقافة والتراث الفن السوداني دي البلاد التنفع معاي وشكرا للدعم بي الصور واهلا بدول الحزام المدراي السوداني كلها طريق الحضارات هو طريق سكة حديد لسه ما مبدا لكن دول الايقاد جهزت نفسها وبهمني في طريق الحرير في العالم العربي اليمن وسلطنة عمان بس

عادل أنين
أنا نسيت أبطلك ولا شنو بقيت تزبد زي جمل العصارة معصوب العينين؟

ياخي روق، أيوة السودان والسودانيين ينهضوا لكن مش بجنس أفعالك المرتبكة الدائرية دي!
فلا يمكن تنكر أصلك لدرجة أن تتبنى حملة لازدراء أهل غرب أفريقيا بطول عمرك لغاية ما الموضوع يبقى ليك شريعة ودين!
أنت متزعم حملة الهوس للهروب من الأصول، أيوة ممكن تتبنى مسمى لأي قبيلة مبتدع على سبيل (rebranding) والتملص وكدة بس من الصعب
تتخلص من اسمك وعاداتك وشلوخك، الاسم (تاريخ)، ودي أسماء أهلك في غرب أفريقيا، مش دا نفس (الحزام المداري) الأنت بتقول (أهلا بدوله)؟
أنت يا مخلوق عبيط ولا شنو؟

أسمك الدال والكاشف الممكن يوصلنا لغاية الكنوري في النيجر شمال نيجريا، وممكن جداً يمرقنا في السنغال أو الكاميرون، دا ما الحزام المداري البترحب بيهو؟.
وجاي تتحرى التعاطف والمواساة والنحيب لفلسطين! وعامل حفلة تنكرية (للمأزومين عروبيا) سمح خليت شنو لناس المركز الأنت ساسهم وراسهم بسلوكك دا؟

أنت بعد دا حقو تعمل (pradigm shift) لكل الطقم بتاعك وتكلمنا عن (نيجيري حر) وألوان الجناسي حقات كوناكري ودوالا وشلوخ الفولا
وتقعد تنكح في سيرة بابكر شيكو بدل عوض الله وترتقي لطبقات المأزومين شنقيطياً.

___
Take it easy.


//////////////////////////////////////////////////////////

Quote: يا حاتم ناقش محتوى الكتاب (عارفك ما حتقراهو ) وجهة نظرك في عبدالله في ناس ما بشاركوك فيها تعال ورينا من خلال محتوى الكتاب اقنع بأنو عبدالله زول يفتقر للامانة .. بس

والله ناغمنا سيد الكتاب من أيام خلت وطلبنا منه يجي يدافع عن صدقيته أولاً وقال جاي

Quote: الأخ عبد الله نهارك سعيد، نرجو مشاركتك إن وجدت متسع من الوقت + سلامات رسل لي حيدر اللنك قريت تعليقاتك فعلا + مشكور، ياريت تجي عشان ترد على المطروح ونواصل ما انقطع، وأتمنى أن ترفدنا برأي الإخوة الدكاترة لا استحضر اسماؤهم لكني أذكر ###، ### وأي مهتم، احترامي + جدا نخش باللابتوب ونعقب

Quote: وجهة نظرك في عبدالله في ناس ما بشاركوك فيها

والناس ديل منو؟ إذا أنت منهم فعندك النقاط فوق رد عليها لو بتقدر!
عرضناها من بدريييييي عشان نوعيتك المتحفزة لكل مطبوع يدعم (الخط الجديد) غض النظر عن صدقيته.

Quote: يا حاتم ناقش محتوى الكتاب (عارفك ما حتقراهو ) +++ انا لمن قلت ليك ما حتقرا الكتاب لاني متاكد انك ما بتاع كتب

دا كلام فارغ جداً وعيب يمرق من راشد، كيف توصلت لأني (ما بتاع كتب)؟
هل يجب على شخصي التباهي بعدد المراجع أو تضمينها في كل سطر حتى (يعلم) الناس؟
فأنا من استدرك على عبد الله شم محاولاته لصنع كتاب قبل عدة سنوات (2016) وألمحته محذراً من وقوعه في الخطأ

Quote: هل تعمل حالياً على نشر كتاب بالمضمون المختزل والمنحاز دا يا أخ عبد الله؟ لأنك ما حددت الصفحتين الجبتهن ديل شنو. Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب�

وأنا أظني من أوائل الذين طلبوه من المؤلف وقت صدوره في السنة الفاتت، يعني ما داخل البوست بصفة (معاكم معاكم) بخلفية جهوية أو عرقية، مثلك.

Quote: سلام مهندس عبد الله شم كيف أحصل على الكتاب (the historical summary of the ancient sudanese nile valley) مع خالص الشكر + الكتاب هارد كوبي حاليا موجود بالسودان مكتبات عفراء مول صبا مول مكتبة المصورات مكتبة مروي بوكشوب المتحف القومي المكتبة الفرنسية بالمتحف لو انت بالسودان طبعا + مافي نسخة هاردكوبي يمكن شراؤها عبر الانترنت؟ + ساعي نشره في امازون وكلفت شخص وهو على وشك نشره + ممتاز، أتمنى الحصول عليه بأسرع فرصة. مشكور.

فاحترم نفسك،
وبطل نعرتك التثاقفية الورقية الكتابية المقاربة لعادات أهل تمبكتو، فهذه لا تلزم أحد بتصديق ما تحاول نجره كعادتك.
كلامك غير صحيح يا (إدريس) وأنت معتاد على تلفيق ما يروق لك لشخصي انزعاجاً من الحقائق التي أضعها هنا بكل تجرد.

Quote: وتاني مشيت فتشت كرورك بتاع موريتانيا والاسامي

بالتأكيد كرور طالما فيها اسمك، مشكور على الثقة.
ولغاية ما الناس تقتنع بمصدرها أو تقدم إجابات مقنعة فمصيرها تتعرض بالتفصيل هنا تالت ورابع وخامس، عندك اعتراض ناقش، لو بتفهم.

Quote: ما ممكن تأصل لاسم قسرا كده .. انت في اللغة ما درست ايتمولوجي؟ اها يا شيخنا الاسماء كمان عندها علم تأصيلي اسمو الانثروبونامي .. برد الاسماء الى اصولها بتفكيكها وتتبعها عبر التاريخ وبالوثائق ، متى ظهر الاسم ومعناهو شنو وانتشر وين وهل عندو اشتقاقات، مش بي غوغل سيرش .. طريقتك الشغال بيها دي زي لعب الشفع ..

الصلاة على النبي إدريس!
والله كتر خير الانترنت وغوغول، قبلها كانت مصادرنا (القسرية) كتاب (الطبقات) وشوية أحاجي وشجرات نسب مزبطة تزبيط.
وأشهد ليك يا (إدريس) إنو دا كلام كويس واجتهاد مندوح منك، أن تستعين بغوغل للتوصل إلى معلومة (انثروبونامي)، ولا أعرف سبب انزعاجك من طرق الموضوع!
فطالما سعيت للتعلم وعرفت مصطلحين فتعال نواصل من آخر نقطة وقفت أنت عندها (بحجة) أنك جاري تطارد البشير بدل (عنت) العلوم الأنت تجهل مجرد تعريفاتها!

Quote: ما فاضي ليك اليومين ديل ، مش لقيتني مافي وجيت تجدع .. انت قبل يومين مش حردت البوست ده ؟ صبرك بس خلينا نكنس البشير ده وباقي المقشاشة حلال عليك Re: سؤال: ما معنى كلمة SINNAR/سِنّار باللغة الهندRe: سؤال: ما معنى كلمة SINNAR/سِنّار باللغة الهند

وأبدأ لينا بتعريفك الناجرو تملصاً من استحقاقات العادة والاسم ، أعني (الاستعداد الثقافي)، دا شنو دا يا إدريس الاستعداد الثقافي دا؟

Quote: تقبل الاسم في الثقافة المستضيفة وعدد الاشخاص الذين لديهم استعداد (ثقافيا) على تبني الاسم يمثل محددا اساسيا لكثافة تكراره او العكس. يعني ان العامل الديمغرافي والثقافي يلعب دورا هاما في هذه الجزئية بغض النظر عن اصل الاسم. Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ

مروراً بنفاج (مصر) المولوج فيه سداسياً محاولة لدس الأدلة في جيب البريء تكبيراً لكوم أمبو علها تبز الكوم الكبير، الأمبوجي.

Quote: ارجع للنقطة الاولى ، لكنني ساضيف شيئا بسيطا عطفا على استياءك من اشارتي لمصر في بعض المداخلات .. يا عزيزي مصر احتلت السودان اكتر من مية سنة ، من 1821 الى 1885 ، ثم رجعت مرة اخرى مع انجلترا من 1899 الى 1956م ورغم هذا لم تؤثر تأثيرا كبيرا على بنية المجتمع ولا ثقافته وبالذات فيما يتعلق باللغة . يا اخي لو ان قوافل الحجاج يمكنها التأثير على محطات سيرها بهذه الطريقة لكنا الان نتحدث اللهجة المصرية في الوسط وفي كل السودان ، هل يمكن بأي حال المقارنة بين قوافل حجاج بؤساء وبين احتلال دام اكثر من مئة عام امتد على فترتين يفصل بينها فقط بضعة عشر عاما ؟ هذا هذيان ، حجاج شنو يا بوي البغيرو لغة ، هم فايتين لقّيط الحطب و محاحاة الرباطة ؟ بعدين ياخي انت عارف انو في قوافل حجاج من شمال وغرب افريقيا كانت تمر بمصر لقرون عديدة لييه ما أثرت على مصر ثقافيا ، اشمعنى يعني ح تأثر علينا بس ، ليه ما غيرت اللهجة المصرية ، وليه ما غيرت في تشاد ، بهذا الفهم التبسيطي يجب ان تكون هنالك ثلاث لهجات في مصر وتشاد والسودان موازية للهجة الشناقيط او التكارير ومشابهة لها ، اشمعنى يا حاتم ؟ التأثير النوبي والبجاوي على ثقافة الوسط في مشمولها وفيما يتعلق باللغة بشكل خاص اكبر من التأثير المصري بالرغم من وجود فجوة زمنية طويلة بين انهيار الممالك النوبية وبين الاحتلال التركي المصري والانجليزي . Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ

بعدها نواصل في الاحصاءات والمقاربات الانتهت بتزويرك للتقرير الباعث لهيعتك التبريرية لمطاردة البشير.

Quote: الحاج في لهجة الوسط ، وهو لقب كان يمنح لمن حج البيت ثم تحول ليصبح اسما ، لكن ليس لديه اي علاقة بالابهة ولا المكانة الاجتماعية ولا الاستقامة هو مجرد لقب اساس استحقاقه هو حج البيت الحرام ولا تترتب عليه اي مزايا ولم يكن حكرا على الاغنياء ابدا في القرون السابقة حيث كان بعض الحجاج يسافرون لحراس للقوافل او لخدمة او ملازمة حجاج اثرياء من ذويهم. وبشكل عام كان ثمن بضع ثيران كافي جدا لكي يحج الشخص الراغب في الحج وهذه لم تكن تعجز غالبية الناس ونفس الاسم او اللقب مستخدم في مصر بكثرة . نفس الشيء ينطبق على اسم "الشيخ" تقريبا Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ

فبطل السطحية والدوران.

____
ما أخير؟

Quote: طريقتك الشغال بيها دي زي لعب الشفع .. البوست الان لسة في الحقبة الكوشية ، وما اعتقد عندها علاقة بموريتانيا او سوق الحرامية والهدوم الجيت شريتا لينا دي ..

تأدب يا أخ.


//////////////////////////////////////////////////////////

Quote: واضح انك فهمت كلام ود الملك خطأ!

إذن يجي يوضح سبب الضحك.

معليش يا أخ بشاشا
محمد طه بيتكلم عن النوايا (intention) حسب تقديراته ضمن الحديث عن انفعالاته
لكنه في نفس الوقت يتجاهل (intention) المعلن في عنوان البوست بكل صراحة ووضوح.
وما عندي أي فكرة عن الشيء المضحك في الصور فحتى هيئة العمة المشار إليها تشبه كثيراً العمة في صورته هو.

ما عندي مشكلة مع الأخ إبراهيما ولا أي نزاعات رأي أو خلافات في أفكار، واحترمه جداً ولا ينبغي أن يعاد تفسير مداخلاتي بما يمكن أن يفهمه
الآخرون كنوع من المرح باستثارة الضحك في شخص أي عضو هنا أو ملبسه أو هيئته، أن يضحك هو فهذا شأنه لكني أرفض أن يقرن انفعاله بنواياي.

وأنا عند موقفي في أن التوثيق للتاريخ يفترض أن يكون بعيداً عن المجاملات.

___
الاسم (بريمة) هو (إبراهيما) في أصله مجرداً من الهمزة وحرف الهاء بالنطق الفرنكفوني في غرب أفريقيا (برايما). Brahima - Braima


+++

Quote: انا لي روحي انقهمتا لما شفتا ذات القرمصيص بتاع امنا "الست" اي Auset بي لسانا النوبي الكوشي، المستخدم الي هذا التاريخ عندنا في الاعراس.

وأكتر من كدة يا أخ بشاشا، نفس الناس وذات الوجوه والسمات، لدرجة أنا براجع فيها لآخر لحظة
للتيقن منها، يمكن دا عرس حق أفراد من الجالية السودانية في نيجريا! واتضح العكس، ياهم ناسنا.

المشكلة كما أراها أن هؤلاء لا يرون إلا في اتجاهات الشمال والشرق ودا أمر تاريخي يعود للهجرة
إذا إدريس في بوست واحد بيكرر سيرة (مصر) عديد المرات، وحيدر مستغرب إنو يلاقي اسمه في مالي والسنغال
في جهل وتجاهل ورغبة عارمة في الانفصال الوجداني والمكاني والتاريخي من أفريقيا، دي حقيقة معلنة لدى البعض ومبطنة عند المتحاذقين.
ورغبة مني في عدم التسرع أن بقسط المعلومات المتوفرة (تلطفاً) وأوزعها في عدة أقسام، ممكن جداً تشاهد في القريب صور من غانا وغامبيا
ممكن أتحذلق زي الجماعة الفوق ديل وأقعد أتفلسف زيهم وأجيب أسامي خواجات ومراجع وأملأ الواطا مصطلحات، ولا أفتح بوست ذي غرض زي أخينا حيدر دا في إطار الحملات والنزاع على التاريخ
دا ما الموضع المناسب (منبر) لذلك اكتفي حالياً بالإشارة وإيراد ما يمكن حسابه علمياً في سبيل الاقناع بالحجة والبقاء على الحياد قدر ما يتوفر لي من معلومات يمكنني التحقق من صحتها.

Quote: نعم ماكنتا متخيل انو الي الان اهلنا في نواحي افريقيا الاخري مواصلين نفس التقليد ده، منذ عشرات الاف السنين كماهو!

بس نفس التقليد دا منعدم في أقرب جيران لينا من الأفارقة يا بشاشا، جنوب السودان والشمال الغربي على سبيل المثال.
وعشرات آلاف السنين كفيلة جداً بانتقاله في جميع الاتجاهات.

Quote: كل الافارقة يشيرون للسودان الحالي كموطن لي اجدادم، وهذه حقيقة.بالفهم ده الفولان بل كل الافارقة موطنم الاصلي هو السودان الحالي، والصور الجبتها دي ياحاتم هي ابلغ دليل علي صحة هذا الكلام وباجماع الافارقة كلهم. +++ نعم بقية الافارقة اين ماكانو داخل القارة او حتي خارجا، ذهبو لي هناك من السودان الحالي!! ده هو تفسيرنا للعلاقة مابين المورز او الفولاني او غيرم، واهلهم في السودان والصور اعلاه تثبت هذا، لانو القرمصيص ومراسم زواجنا الحالي، صاغتو امنا "الست" اي The Black Madonna لدي كاثوليك اوربا، اي مريم العذراء الاضلية.

الصور أنا انتقيتها لإثبات العكس وربما أعطت انطباع يدعم طرحك، ولكنها تدعم أيضاً الرأي المغاير.
وأفريقيا ولادة، ممكن جداً انتقل 100 كيلومتر في اتجاه آخر وكنت حتشوف صور لتقاليد وأزياء مختلفة تماماً وتناقض الاقتباس أعلاه،
والصور دليل بالطبع، فهل سنعتبر أهل أصحاب الصور الجديدة المختلفة نسل من أجداد من منطقة خلاف السودان الحالي بذات المنطق المبين في المقتبس أعلاه؟.

شعب (الكنوري، البربري) في رأيي المتواضع أصل محتمل جداً لمكون أساس في بعض القبائل المستعربة في وسط السودان، هذا سبب هياج البعض وثورتهم
ولا فرق جوهري أراه حتى الآن، فحتى النقاط التي (يعتز) بها الباحث عبد الله شم (اللون الباهت، استقامة الأنف، الشلوخ) هي ذاتها ما نراه في الصور، وعندي الكثير منها.
لكن التماثيل للحضارة التي قامت في المواقع (المتنازع عليها) لا تبين سمات مشابهة، الشلوخ على سبيل المثال، فإذا كانت عادة ومصدر للاعتزاز لما خلا منها تمثال واحد، هذه نتيجة منطقية.


للأسف يا بشاشا معظم المهتمين بالتاريخ لا تبدر منهم أي علامات اهتمام بأحوال غرب أفريقيا التاريخية والمعاصرة، ولا استثنيك.
فلا يمكن على سبيل المثال يا بشاشا أن يجهل ويتجاهل الشخص تاريخ موغل لآلاف السنين لأجداده في المنطقة التي يقيم فيها ويتذكره فجأة.


نظرة البعض للسودان الحالي كما تفضلت قد لا تختلف عن نظرة المستعربين من أفارقة السودان تجاه الشمال والشرق
فبعض المجموعات الأفريقية في السودان (وغرب أفريقيا) لا يداخلها شك في أن أصولها تعود لصحراء الجزيرة العربية
أي تتجاوز السودان الدولة وأفريقيا القارة متجاوزة بذلك تفسيرك للعلاقة بين المورز والفولاني ، ولهم استدلالات علمية جينية.
وبالمناسبة هي ذات نظرة أهل غرب أفريقيا في اعتدادهم بأهل شمال غرب أفريقيا الناطقين باللغة العربية باعتبارها (لغة القرآن) لغاية الآن
وأعني نظرة (السنغال، غامبيا، غانا، مالي، نيجريا، النيجر، أفريقيا الوسطى) إلى المغرب العربي ابتداء من شمال نهر السنغال بما يشمل موريتانيا الدولة.
ويجيء اعتداد أولئك بالسودان كدولة ممر أقرب في موقعها الجغرافي لمركز العبادة في الحجاز، فالمسألة في رأيي مردها للهوى الديني والثقافي وهذا أمر معترف به حتى عند المتداخلين أعلاه
ومذكور في مواقع متناثرة ولهذا فليس من المستغرب أن تتجمع في نقطة واحدة وسط السودان (لموانع جغرافية طبيعية) مجموعات تتحدث العربية وتدين بالإسلام وتمارس عادات غرب أفريقية،
لكنها في ذات الوقت تستنكف الانتماء لغرب أفريقيا بتأثيرات متعددة ومتداخلة، منها على سبيل المثال (الوعي المفاجيء) وتجدد المواقف بناء على ردات الفعل والحاجة لإعادة تقييم الأوضاع.


في ملاحظاتي المرصودة والتي سأحاول إيراد ملخصات منها، ذات الأمر يتكرر في تخوم الرقعة التي انتشر فيها الإسلام في شرق وجنوب آسيا، هذا من ناحية الأسماء، ولحد ما العادات.

وأهم نقاط الإسناد عندي فيما يتعلق بأفريقيا ضمن ملاحظاتي على الحملات أو (النزاع) القائم بين الفئتين:
1- مطابقة أسماء البشر والأماكن، لغاية الآن أنا أطرح أسماء البشر لكن الأماكن أيضاً لها قوائمها وحظها من التشابه المذهل
2- اللغات، وهذه تبدو الأوفر حظاً من البحث إذ تتداخل فيها اجتهادات علماء من خارج القارة بحوثهم منشورة ويسهل الاطلاع عليها.
3- العادات، فمن المفيد إيجاد فواصل واضحة تحدد أصولها وأنواعها بعيداً عن الغرض ومحاولات التلفيق أو التركيب في خضم استعار النزاع.

النقطة 3 أعلاه أمر وارد جداً وتكرر في معارك اليهود مع العرب حول فلسطين، ولا استبعد أن يطل علينا بعد ثلاثة أو أربعة سنوات ويظهر فجأة تمثال بشلوخ، بعكس المعروض منها الآن..

وإن كنت ترى في انتقال العادات من السودان الحالي إلى غرب أفريقيا فكيف تفسر تفسر وجود اللغة العربية
والأسماء الموريتانية في منطقة محصورة جداً حتى وقت قريب مع مطابقتها المذهلة جداً برسمها وصوتها لطائفة كبيرة من مثيلاتها في الغرب الأفريقي؟

النقطة الأولى تفسر بكل بساطة تمركز الإسلام بتعريفه المعاصر واللغة العربية في شريط أفقي ضيق
وإن أريد لهذه الحقيقة أن تكون (لغز) في محاولة للتعامي عن مصدر ورود تلك الأسماء بالسؤال الأبله (جاتنا من وين؟) أو (نحنا جينا من وين؟).

___
أنا أثير هنا تساؤلات بطريقة ملخصة بدون الرغبة في التفاصيل لأجل الالتزام بموضوع البوست.


+++

Quote: معليش، كما غيرك، منطلقاتك قيلية، جهوية، جعلية، عباسية، صرفة، للاسف، مهما تعمل حريف!!

أتفق معك في الحقيقة أعلاه.
والرجل أقر بذلك في عدة مواضع، فهذه حرفته التي يجيدها.


//////////////////////////////////////////////////////////


الأخ حيدر الزين
أعتذر عن البدء في إيراد المحتوى الخاص بالنقاط التي وعدتك بها لأولوية الرد الملحة على نقاط عاجلة ولقلة الوقت المتاح.
سأبدأ في أقرب يوم من الأسبوع القادم.


//////////////////////////////////////////////////////////

يا أخ عبد الله شم
أنت تقرأ الآن ما أكتب، فالمفروض تظهر وتدافع عن وجهات نظرك حسب وعدك.
لا اعتقد أن هنالك عيب في الرجوع عن بعض معتقداتك أو اجتهاداتك فأنت أصلاً غير مختص في التاريخ.
وسعيك لتوثيقه بحماس لن يخلو من ارتكاب الأخطاء التي يتحراها المحترف، ومن الأفضل أن تقر بالخطأ بدلاً عن تركه لتقديرات الناس.

أنا سبق وطلبت رد مجموعة من الباحثين يكتبون في منشورات تدعم الاتجاه الذي تتبناه ولا أزال عند موقفي مما عرضته.

في إمكاني الأخذ بكل ما تقول وتكتب، كما يفعل الآخرون، لكني أتحرى أولاً من صدقية المؤلف وخلو نهجه من الغرض.

___
أما التحقق من المعلومات فأمر له وسائله المتوفرة.

Quote: أسمك الدال والكاشف الممكن يوصلنا لغاية الكنوري في النيجر شمال نيجريا، وممكن جداً يمرقنا في السنغال أو الكاميرون، دا ما الحزام المداري البترحب بيهو؟. وجاي تتحرى التعاطف والمواساة والنحيب لفلسطين! وعامل حفلة تنكرية (للمأزومين عروبيا) سمح خليت شنو لناس المركز الأنت ساسهم وراسهم بسلوكك دا؟

يا حاتم الرايح ليه درب انا ما بجي اورجغ واشبع نرجستي في البورد وامشي
في خرط جغرافية وجينية ركز فيها كويس لانها اكسو كلوزيف وانت تمارس هذيان وانا عندي رؤية واضحة

الخرط الفوق دي ورتك العرب وين من الاساس
وانت في هذيانك ده لافي صينية ساكت بلا رؤية ولا مشروع
انت عارف الاستلاب القبيح العروبي هين لكن الاقبح الاستلاب الصهيوني وظنك ان اسرائيل الحديثة دي دولة دينية وهي دولة سياسية فقط تاسست بي ناس عاديين هرتزل وبلفر
لمن اتعاطف مع الفلسطنيين هم كنعانيين اصحاب الارض وراجع الخرطة الفوق يا بليد
واليهود الاصليين قوم موسي بلدهم كوش والكوشيين الفلاشا وام موسي يوكابد كوشية
والعرب الاصليين في اليمن ولد اسماعيل وامه هاجر كوشية
اذا رجعنا لي كوش هي الاصل وفي فرق بين الكوشيين في السودان وغيرهم ونحن الشايقية والجعليين شرحتها مليون مرة كوشيين مستعربين هم كوشيين الترانسفير
خلي الغلاط الفارغ
المركز المشوه بتاع مصر اسطمبول ده اسال منه عتقاء حملة كتنشر في المركز وليس نحن في الشمال
نحن لا سائلين في عرب مزيفين ولا يهود مزيفين
اسرائيل دي كانت خيار بين الارجنتين ويوغندا كان انت ازرقي منظمات ومتسكع في اوروبا وامريكا ما تمجد لي اسرائيل اطلاقا
وانا بحاور قاي معيان وايدي كوهين في تويتر في مستوى عالي جدا
انت ارفس هنا بس في سودانيز اون لاين
الان شفت العلم وشفت طريق الحرير
وانا عشان ما تتعقد ضد انتحال الهويات في السودان الرقيق يقول انا رقيق والفلاتي يقول انا فلاتي ممنوع انتحال القبائل والاصول
وكله موثق
المركز المشوه ده هو الرابطنا بي مركز الخلافة التركية البغيض والعالم العربي المزيف
والله يرحم الامام المهدي اول ثائر سوداني حر ضد هذا المركز المزيف
عشان كده مشروع جقود في البورد مهدية ثالثة
وقرررط علي كده

Quote: والعلم يا بشاشا هو الاثبت انهم ليسوا اصل الحضارة مش الكلام الساي

قرقرقرقر!

اعلاه كلام العزيز عبدالله ادريس، بكل براءة حقيقة ترعب!!

نعم ماعندو ايها فكرة علي الاطلاق، عن الحرب الكونية المدورة بطول وعرض ال200 سنة الماضية!

حول ارثه، هو، كسوداني، الحضاري!

نعم هذا نموذج كيف السوداني وبحكم وعي الاسترقاق، اخر من يعلم!!

يعني كلامنا في الاسافير منذ قرابة ربع القرن، مشي او جا!!

شئ مخيف، مرعب، براءتنا، سذاجتنا كسودانيين، في الموضوع ده!

هذا اكبر صراع ثقافي/فكري كوني في تاريخ هذا العالم المعاصر، ولكن كسودانيين لانفقه شئ اطلاقا!!

مش كده او بس، وانما السودانيين تحديدا هم ابرز جنود جيش المعسكر الاخر، وكنتيجة تاريخ السودان ارض محتلة!!

كنتيجة لهذا الاحتلال نجد مثل هكذا دقش، تناطح بالقرون، كما الخراف، ما بين الكواشة، والنوابة!!!

شي مؤلم، مؤلم، مؤلم!!

Quote: ما الجهة صاحبة الفضل في اكتشاف كون افريقيا هي مهد الانسان الاول بالأدلة الاركيولوجية ؟

عوووووووووك، ياخلق!!!

اها كلامنا مشي او جاكم؟

نعم عبدالله، وهو ليس بفرد وانما بمثل بلد بي حالا، بسال بي براءة!!!

عن شنو/منو؟

عن الجهة الاثبتت الاصل الافريقي للحضارة!!!

نعم ماطرش اضانو، زاتو!!

هناك من ضحي بحياتو في هذه الحرب الكونية لوتعلم!

مع انو مجال بتاع "علم" افتراضا بي فهمك المثالي يا "طيب"!!!

بنقول ليهو هذه حرب كونية- هي الاخطر، والاكبر، يقول ليك ده "علم"!!!

عيييييييييييك!!

يا شيخ عبدالله، "الجعلي الحر" الجاي يصطف في الخيط ده مع حيدر، اخاه في الجعلية:

ياعزيزي اعلم:

هو صراع بقاء، او فناء او بالتالي مايسمي "علم" او "دين" هو ابرز ادوات واسلحة المعسكر الاخر اي المعسكر الاري!!

كنتيجة برز للوجود المعسكر الافريقي اي المدرسة السودانية، دفاعا عن الذات وبغرض التحرر!

اها المدرسة السودانية دي اللي ماوصلت السودان الي اليوم، لانو السودان لازال مصري انجليزي، اي ارض محتلة،
استخدمت ذات خطاب وسلاح وادوات المعسكر الاخر، اي المدرسة الاوربية، او هزمتا شر هزيمة!!!

اذن لوفاهم في حاجة اسمها "علم" او "دين" معلقة في الهوا، فانتا فاهم غلط!!

يكفي كدليل مافعلو بنا اذلام النظام الهالك، باسم "الدين" اي ابرز وامضي اسلحة امبريالية الثقافة العربية المستعبدة لوعي السوداني!!

لاحظ للبديل يا للنكتة!!

المتحدث الرسمي باسم النظام البعثي الشيوعي الجنجويدي الانقاذي الحاكم، نـــــــاصـــــــري!!!

نعم، يمشو مستعبدي الخديوي الهضيبي عشان يجونا سفرجية عبدالناصر كبديل!!

عايز دليل اكتر واكبر من كده، عن طبيعة صراع البقاء او الفناء؟

طيب، شفتا امريكا بتسوي في شنو، علنا، بيانا، نهارا، جهارا، في فرضها الحظر علي السودان رغم انف الكرونة؟

نعم امريكا عايزة السودان يتفترك او يتقسم لي دول لو امكن، كما حدث بفصلهم للجنوب!!

نعم ثم انتقلو الي دارفور لفصلها وكذلك جنوب كردفان!!

هل نلوم امريكا؟

لا!

نلوم انفسنا وطريقة تفكيرنا كما مجسدة في هذا الخيط!!

نعم حيدر الزين او من منطلق قبلي جهوي بهاجم او يشتم في البسميهم "نوبة" حصريا، انطلاقا من انو هو كوشي حصريا!!!

حاجيك في مداخلة تانية واوريك، كيف امثال عبدالله شم او حيدر الزين ادوات والسلام، كما رفاقم في حركة النوابة من قبليي المحس تحديدا!!

بشاشا شغل الكلفتة بتاعك ده انا ما بمشي معاي .. جدل شنو الاستمر 200 سنة ؟
هو جيل فرانز فانون وانتا ديوب اول جيل حاول انو يقدم اسهام مقدر ، لكن علماء الاثار الغربيين
هم من حسم هذا الجدل ، الجامعات والمؤسسات الغربية هي من مول اعمال التنقيب في الغالب
هم من قاموا بدراسة النقوش والكتابات الاثرية وفكوا شفرتها ولولاهم لغابت الكثير من الحقائق .
وبعدين الاجهزة والتقنية ذاتا البستخدموها بتاعين الاثار ، الاخترعا منو ؟ هم العلماء الغربيين
المعاصرين ، ليسوا علماء القرون الماضية ، فلو كانوا بالسوء وعدم النزاهة البتتكلم عنو ده
كان ممكن بكل بساطة البقايا البشرية الاثبتت انو افريقيا هي مهد الانسان ، كان ممكن يتلاعبو
فيها ، ينقصوا ليك عمرها مثلا ، انت لا تملك التقنية ولا العلم ولا التمويل !
العلم هو وحده القادر على حسم اي جدل ، الكواريك دي تظل كواريك ساي مالم يدعمها
دليل مادي ..

يا حاتم ابراهيم
شفت كيف
استلاب عروبي
او
استلاب صهويني
يخليك زي كعوك المركز ومقاطيع الهامش في البورد
كوش دي وعي وسلوك (خليوت بعانخي )
كوش رؤية لجعل السودان مركز حضاري من جديد
ركب ذاكرة 12 قيقا بايت
وتعال في رمضان
نتكلم العلاقة الطبيعية بين السودان الجغرافي (1يناير 1956 ) والسودان المداري (الايقاد + حزام جنوب الصحراء الكبرى الي السنفال )
واولاد اسماعيل عليه السلام الحوثيين في اليمن وسلطنة عمان وطريق الحرير الصيني من شنغهاي الي السنغال ...طريق الحرير الجنوبي
بس عشان ما تجي تهضرب زي ناس جماعة ذب الجمل في البورد المصرين لدرجة الاصر ربطنا بي المركز القبيح والمشوه بتاع الخلافة التركية ودول العالم العربي التعيسة حتي الان دون حياء وبي علم مايو القبيح ..
مع السلامة
اقرا الكتاب ده بس وتعال

https://top4top.io/
وزح من بعاعيت مايو 1969 وايتام الترابي ديل ما كوشيين والسعة الدماغية بتاعتم ما فايتة مثلث الحمدي وعبدالناصر وصدام حسين
وقاعدين في راسنا في البورد والسودان حاصل فارغ
ركز علي المركز وزح من قبائل الشمال يزح قملك

Quote: علماء الاثار الغربيين هم من حسم هذا الجدل ، الجامعات والمؤسسات الغربية هي من مول اعمال التنقيب

امنتو بامون رع!!!

لاحولا!!

وقسما اكاد لا اصدق انك بتقول كلام زي ده، علي الملا، علي الاطلاق!

اعترف ماخطر بي بالي خالص، خالص!!

ياشيخ عبدالله،
بتعرف معذتي ليك قدر شنو رغم اختلافي معاك الجذري:

"علماء" الاثار القتا "غربيين" ديل كيف يكونو خصم وحكم في ان معا؟

هو من اساسو الصراع المدور ده مش الجدل، من 200 سنة بين منم، او منم؟

واضح انك مافاهم التكتح في الموضوع ده، او ده ماذنبك!

هذا مسؤولية ادارة المناهج في بلدنا.

هذا ماعنينا، كيف احنا السودانين هم ابرز "مرتزقة" المعسكر الاخر!

نعم نفس الحصل في كرري!

نعم لواء مكدونالد البريطاني اللي حسم معركة كرري، جنودو كانو سودانيين، جو من اوربا قاطعين البحر لتمكين مستعبدينا، مستعمرينا، من اعادة احتلال بلدم!

اليس هذا جنون؟

ولكن هذا بالضبط هو حالنا الان!

اللي حسمو الصراع ده، مش "الجدل" لصالحنا هم رواد المدرسة الافريقية اي السودانية، اللي عاصمتا الان امريكا.

المجهود البتتكلم عنو بي براءة، من رواد المعسكر الاخر، كان ينطلق من نكتة "الاصل الاري للحضارة"،
فلو ده حاصل طبيعي انهم يمولو، ينقبو، او يبحثو، تاريخم هم، مش انتا!!!

طبعا ده، هو الفايت عليك، بحكم طريقة تفكيرك "المثالية" زي مابقولو علينا.

قال هم اي الخواجات هم الحسمو الجدل!!!

امنتو بامون!!

بقول ليك هم قامو او جو لحدي عندك في السودان، قاطعين المحيط بحثا عن تاريخم هم، تقول لي حسمو الجدل؟

مافاهم زول غريب، وافد، اجنبي بكل قوة عين يجيك قاطع المحيط، في غرفة نومك، يطردك او يغير الطبل باعتبار البيت بيتو هو او مش انتا، تقول لي حسم الجدل؟

نعم ثقة عمياء، مطلقة، منطلقا مركب نقص في دواخلنا كقوم سود، تجاه البيض واللون الفاتح بعامة.

Quote: هي السند ما جبنا ليك يابا نطيت وقلت الفزعة ياااااااا البشير!

سند وين الجبتو ؟ انا لي 3 سنين ساكيك وانت بتتزاوغ ، وين المصادر ، اوع تكون الصور بس؟

Quote: فأنا لا أشير للملابس بوصفها (دليل) بل العادات إجمالاً مع أن الملابس بالتأكيد لن يأتي الالتزام بها من الفراغ، واستخدامها هنا للإشارة.

هناك بتقول جبت سند وهنا بنقول انا اشير للعادات! انت منو يا شيخنا ؟ انا عايز مصادر ، العادات دي انا اضمن كيف انك قاطعا من راسك ده !
عرفت لييه اسس البحث العلمي بتتطلب صرامة وبعد عن الذاتي والانطباعات ؟ لانو لو سبنا الحكاية كده اي حاتم حيجي يرص خيالاتو هنا ويجي
يقول ليك دي ادلة.. عايز مصادر وبس

Quote: رافض لأي ارتباط من أي نوع مع مجتمعات غرب أفريقيا (شعوب وقبائل) وبيتبني مبدأ التأثير (coercion) حاجة كدة زي المغناطيسية بالضبط

التأثير الثقافي Cultural Influence وهو يشير الى قدرة ثقافة ما على التأثير على ثقافة اخرى سواء بالقهر او القبول-القوى الناعمة ، coercion لا تعني تأثير بل قهر
انتشار الثقافة بالقهر Cultural Colonialism معروف في سياق فرضها من قوة اجنبية ، بينما يستخدم اصطلاح الهيمنة الثقافية Cultural Hegemony للدلالة
على فرض نخبة ما ثقافتها على الغالبية داخل مجتمع او دولة محددة ، دي الاصطلاحات المتعارف عليها فما تتشوبر ساي.
، القوة الناعمة شرحتها ليك قبل كده ، شنو يا بوي اللف والدوران الماعندو نهاية ده؟ غايتي ليس نفي ارتباط مع غرب افريقيا ارتباط او عدمه ، انا اطلب منك
تدعيم ادعاءاتك بالمصادر ، انت خسران شنو ؟ اعترف يا خي قول الكلام ده رؤيتي الشخصية ، حنقول ليك والله نحن ما عرفناك عالم تاريخ او انثروبولوجيا ،
فتواضع قليلا .. بس حنخليك تتونس برضو ، عادي .. لكن ما بنقبل تجيب لينا كلام فارغ ما عندو اساس وعايزنا نعاملو كإنجيل.

Quote: رافض لأي ارتباط من أي نوع مع مجتمعات غرب أفريقيا (شعوب وقبائل) وبيتبني مبدأ التأثير (coercion) حاجة كدة زي المغناطيسية بالضبط

سلامات وتحياتي للجميـع ..وشكراً للمساهمات المقدرة البتفتح دروب لمزيد من القراية والمعرفة

حبيت الحقيقة انه الواحد وقت يذكر معلومة خطيــرة ما يتركها للتعميم ونظرية الموقف العرقي والقبلي ساي كدة ..
مسألة تعميم الفهم الخاص ببشاشا في شأن علمي بسبهللية كدة متعب ويدخل في مغالطات وإثباتات وقالوا وقلنا ..
بشاشا يكتب في شأن العلم والتاريـخ في جزئية خاصة بما يخص منطقة السودان الحالي ..

Quote: مافاهم، اذا هم، اي الاوربيين اللي قالو انطلاقا، وكتتويج، تجسيد لما اسموه "علم" انهم اصل الحضارة، وليس نحن، "الذنوج"، "الفروخ"

بيبقى يحتاج الكلام لإثبات أو أقلاها إحالة لنماذج ان لم قال ما قاله ..
فأكيد بشاشا كزول مطلع وعارف مابيلخص ويخلص لنظرياته إلاوفقاً لما اطلع ووقف عليــه ..
إن لم يكن آمون رع يملكه المعرفة والمعلومة كفاحاً ووحياً ..
أنا كزول واقف على الصايد الاخر تماماً قادر أفرق بين تلاتة انواع من كلام الخواجات والاوربيين فيما يخص الحضارة
الحضارة في العصور القديمة والعصور الوسطى والعصر الحديث ..
فيما يخص الكلام عن الحضارات القديمة واصل الإنسان
إعترف اني ما قريت ولا مرّ بي خواجة مستهبل قال هم أصل البشر او اصل الحضارات القديمة
أو هم من أسسوا الحضارة ونسبها ليهم ..
فياريت يا بشاشا تبرنا وتدعم كلامك دا بأن من هم الاوربيين البيقولوا هم الأصل فيما يلينا ويخصنا نحن ..

تحياتي

كتب دكتور محمد ابراهيم بكر في مقدمة كتابه يا علاء سيد احمد التالي :/

سكان المنطقة التي تعودنا أن نسميهم نوبيين لا تنطبق عليـهم هذه التسميـة إلا من القرن الثالث الميلادي أب بعد وصول هجرات النوبيين وإستيطانهم بالمنطقة ،
في العالم القديـم أطلق على المنطقة واوات * والجزء الجنوبي حمل اسم كوش ،
ثم طغى اسم كوش فأضحى علماً على المنطقة كلها بما ذلك النوبة * وشمال السودان وهكذا ظهر اسم كوش في وثائق العالم القديم المصرية منها والآشورية والأثيوبية.


الكلام دا نفس العبر عنه المغضوب عليـه عبدالله شم .. :)
وهو كلام كل او معظم الباحثيـن الكتبوا عن تاريـخ السودان القديـم ..
حتى جدنا عيزانا مشتت شمل كوش قال كدة ..
مابيختلف فيهو معاهم الا بشاشا قس الله سره وال بتؤمن إنت بكل مايكتبه عن كوش :)

وحتى مداخلات بشاشا العنصرية الفوق دي الخالطة التاريخ الديني مع الانثروبلوجي مع العلم مع الخرافة مع الاساطير ما يقدر يقول ليك فيها نجيضة
غير مرة يشبكك كوش هو امون رع ومرة يقول أصل العالم نوبي ..
والحقيقة انه بشاشا لو ادى نفسه فرصة يقرأ ويتثقف ويعاين للعالم بمنظار
محايد بعد يطلع نظارة ابيض اسود دي فكويس جداً وبتجي منه فائـدة قرقرقرقرقر

الليلة وقت أجي اقرأ مثلاً لمؤرخ أو باحث مصري كاتب :/
من المؤسف ان آثار السودان في الفترة (1730-1580 ق.م ) لم تمدنا بمعلومات تاريخية تستحق الذكر فلم نعثر لأصحاب تلك الحضارة بعد على آثار مكتوبة
وإنما جل إعتمادنا على المصادر المصرية القليلة التي تحدثنا بإختصار عن تلك الحضارة ثم على نتائج علم الآثار والدراسات المقارنة
بمخلفات أهل البلاد

ما بشن هجوم على المؤلف ولا بقول هو عشان مصري والا عنصري قال كدة ..
أول شئ بجيب ان أعرف كتب كلامه متين ..!
وقاصد بكلامه دا ياتو آثار منطقة
وهل في التاريخ الكتب فيه كلامه كان تم تنقيب وبحث أفضى لنتائج عكس كلامه !
ثم هل بعد تاريخ كتابه تم الكشف عن كتابات فيبقى كلامه انتفى عملياً ؟؟

بفتش شوية كدة عشان اشوف كلامه بلقى انه في ملك عظيم اسمه يريكي امانوتي - 430 الي 400 ق.م
وهذا الملك له أكبر هرم في نوري وعدد من الكتابات المكتوبة بالنقوش المصرية ( ونسبة النقوش لمصر هنا لانها ظهرت في مصر قبل تلك الفترة بكثير )
كتب هذا الملك في معبد آمون بكوة مقابل دنقلا إنه وصل للعرش في عمر 41 سنة وحكم حتى تاريخ كتابته 25 سنة
وقال انه قبل تتويجه رسميـاً بدأ البدو من شمال مروي في الإنتفاض ، وتوجب عليـه شن حرب عليـهم حتى يصبح قادر على الذهاب
إلى نبتة وجبل البركل لمراسم التتويج .
وكتب بعد ذلك أنه قاممن نبتة اسفل النهر لزيــارة الشمال فثارت قبيــلة بدوية تسمى مدد فأرسل جيشاً للإستيلاء على أراضيهم
وأسر أهلها للعمل في خدمة المعابــد ..

ثم في اطار الكتابة والتوثيق بجد ملك آخر هارسيوتف 390- 350 ق.م
له مسلة منقوشة في جبل البركل ايضاً صنعت له بعد ان دام حكمه 35 سنة سجل فيها ان البدو سيطروا في فترة من الفترات
على مروى حاضـرة عرشه ، ويتحدث عن الحملات التي يشنها جيشه في الصحراء وأسره زعماء الصحراء وغنمه اعداد كبيـرة
من المواشي.
ويتحدث عن تغطية جزئية للمعابد بالذهب وإنشاء حدائق وحظائـر للماشيـة وإنه اعاد بناء القصر القديـم الذي به 60 غرفة .

الكلام دا قبل فترة بسيطة من هجوم الاحباش واهل اكسوم السجله الجد عيزانا في النص الجابو مولانا الملك في مداخلته :)

Quote: سكان المنطقة التي تعودنا أن نسميهم نوبيين

شلوم ياحيدر،

الديكتور بتاعك ده، اعلاه، كما غيرو من باشبوذغة مستعمرينا لايفقه شئ، خارج نطاق ما لقنوهو اسيادو المسكين.

كدليل يكفي اعترافو اعلاه علنا وكتابة انو كما غيرو تعود يسمي سكان منطقة بعينها في اقصي الشمال ك"نوبيين" حصريا!

هذا مانعني بي خبوب الوعي القبلي الجهوي كاساس لي بنية السودان الحالي، المصري الانجليزي الولعت بلدنا حسب الخطة الوضعوها مستعمرينا بخبث، ثم رحلو بالمزيكة!

بعدين مافاهم هجرات من اسماهم "نوبيين" دي شنو؟

نفس خبوب التصورات المسبقة بتاعة كراهية الذات والتعري من الانتماء ل"الذنوج" اللي جعلت من كل السودانيين مهاجرين قادمين من خارج افريقيا وبالذات من الجزيرة العربية!!

نعم تقريبا سود افريقيا كلها من اقصاها والي اقصاها، بيدعو انهم جو افريقيا من برا!!

ليه؟

شغل جك، تعري او خجل من اصلهم وكمخارجة كل الافارقة بيدعو انهم اتو مهاجرين الي افريقيا!!

اذن لاجديد في تخرصات هذا الديكتور اللي امثالو مسؤولين من طريقة تفكير هؤلاء الكواشة في مواجهة النوابة، وقبلها امثال بريمة في الهامش!!

الطريف جدا اخانا حيدر علنا بستدل بي تخرصات كهذه، مصر انو من يسمونهم "نوبيين" حصريا غير امثالو من "الفجعاة" بقو كوشيين بين يوم او ليلة!

لاحظ لحدي الثمانينات ما كان في زول كقــاعدة من هؤلاء "النوابة" كان بقول علي روحو، "نوبي"!!

لهذا كبار السن منهم مابعرفو زاتو مامعني "نوبي"!

لماذا الثمانينات تحديدا؟

لانو ده هو الوكت، اللي فيهو الخواجات رفعو البيرق او سلمو السودان ارض اجدادم افتراضا للسودانيين وانسحبو الي كمت اي "مصر" للدفاع عنها!!

السبب شنو في ده كلو؟

السبب انو المعسكر السوداني اي الافريقي تحت قيادة شيوخنا ديوب واوبانقا في اوائل السبعينات، بالضربة القاضية، في مؤتمر اليونسكو في القاهرة، هزمو نازية البيض هزيمة مرة!!

لهذا ولغرض محدد، الخواجات راحو نافخين في كير "نوبيين" هذا، بي خبث بالصيغة القبلية الجهوية الحالية المفخخة المدمرة، وكنتيجة برزو الكواشة، اي ناس "جعلي حر"!!!

واضح للكل، هنا، وكما اثبتنا من كلام العزيز عبدالله، اننا فعلا مخمومين خم السجم والرماد، لدرجة، الخواجات عادي بياكلو بي امخاخنا حلاوة!!!

عجيب جدا اصرار اخانا حيدر او شيخو عبدالله شم، علي انو من يسمونهم نوبيين، غير الكوشيين، وهذا يموخل بحق!!

لاحظو بعد ده كلو لاوجود لبقية السودانيين خالص خالص في كل ما اتصل بتاريخ السودان القديم، باستثناء "البجا" الورد ذكرهم عرضا علي لسان اخونا شم!!

لاحظو عبدالله شم يكره من يسميهم ذنوج اللي لاوجود او ذكر لهم في اي شئ متصل بتاريخ السودان القديم الخاص حصريا بالجعل والمحس!

نعم احفاد العباس، واحفاد الاوس والخذرج، يا للنكتة!!

Quote: الطريف جدا اخانا حيدر علنا بستدل بي تخرصات كهذه، مصر انو من يسمونهم "نوبيين" حصريا غير امثالو من "الفجعاة" بقو كوشيين بين يوم او ليلة!

يا بشاشا الاطرف من كدة انا مامؤمن اساسا انه في وجود حالياً لما يسمى بالكوشيين ..
وأي محاولة لنسبة عرق حاليـاً لي كوش دي بتبقى مجرد تخاريص وتكوييش ساي ..
والنوبة المعروفين الان لا علاقة لهم بالجنس الكوشي إلا كمستوطنيين في ديارهم ..
فما تفتكر غني بقول انه الجعليين او المجموعات النيلية الحالية هم امتداد العرق الكوشي ..
والغريبة للآن انا ماجبت سيرة لقبائل السودان ومجموعاته السكانية حاليا ..
بس انت مستعجل لتقيف موقفك القبلي العنصري الواضح ..
كوش دي إلا في التلمود بس زيها وزي الفراعنة وقوم عاد وبني عمليق ..
أها شن ليك !

الاخ حات سلامات

Quote: الأخ حيدر الزين أعتذر عن البدء في إيراد المحتوى الخاص بالنقاط التي وعدتك بها لأولوية الرد الملحة على نقاط عاجلة ولقلة الوقت المتاح. سأبدأ في أقرب يوم من الأسبوع القادم.

مقدر طبعاً حظر وتحديد المداخلات اضافة للنقاط الأخرى ..
ياريت برضو ترسل يميل لبكري لو تحديد مداخلاتك طول ..

بالنسبة لي لنقاط نقاشنا حول الكتابة والأميـة ..
انا فقط بفرز مابين المعرفة والكتابة في مثالك ..
باعتبار المعرفة أشمل والكتابة والاميـة جزء او شكل من أشكال المعرفة والثقافة
والمعرفة قد تشمل حتى المكتسبة بواسطة الغرائز الطبيعة للبقاء والدفاع عن النفس
اللممكن نجد اشكال تنظيمية وتخطيطية حتى في مملكة الحيوان..

تحياتي

لو أحاول ألخص كلام بشاشا الفوق كنقاط اضيفها لنظريته حول العرق الاسود :

1/ كلمة نوبة بتعني عبــد
2/ تسميـة النوبة لاهل المنطقة جايي من برة خارجها وسكان المنطقة لم يكونوا يسموا انفسهم نوبة .*
3/ بدأ النوبة في تسمية انفسهم نوبة في الثمانينات **
4/ سبب تقبل النوبة لكونهم نوبيين - رغم انها تعني عبد - يعود لحنك الخواجات




ــــــــــــــــــــ
* ماهو الاسم القديم
** مصدر الاسم القديم ووجوده يفترض ان يكون متاح لقرب الفترة الزمنية ..

بالنسبة لكوش في الكتاب المقدس والخلقت نظريـة تاريخ ديني للمنطقة .. وبتخلي الناس تحاول تقرا الاثار وفقاً للرواية الدينية
وتطلع نظريات تاريخية زي نظرية زغلول النجار والإعجاز العلمي في القرآن ..
لو راجعنا بنلقى انه كوش في الكتاب دائماص بترمز لمنطقة جغرافية ودلالة على أرض اكثر من انها شعب ..
في حزقيال 29 واشعياء 37 والملوك 19 وسفر الاخبار 12 ودانيال 11 وناحوم 3 وحزقيال 30
دي كلها نصوص واخبار بعضها نبؤات ذكرت حين ذكرت المنطقة المسماة السودان حالياً بأرض كوش ومنطقة كوش ..

امثلة للمكتوب - كوش قوتها مع مصر وليبين
- ويأتي سيف على مصر وسيكون في كوش خوف عظيم
-وأجعل أرض مصر خراباً خربة مقفرة من مجدل التي في أسوان إلي تخوم كوش لا تمر فيها رجل إنسان ولاتمر رجل بهيمة
ولا تسكن أربعين سنة "
والاخير دا من نبؤات آخر الزمان عند ظهور المسيح الدجال .. ذكر في حزقيال 29
انصار معركة هرماجدون والمسيح بيقولوا انه بحيرة السد العالي الان هي المنطقة الخرابة المقصودة بالنص اعلاه ..!

النقطة التانيـة التاريخ الديني إذا اخذنا بيهو في تسمية كوش نسبة لكوش بن حام بن نوح وانه حام هو الاستوطن افريقيا
فلا ننسى انه نفس التاريخ الديني بيقول انه لحام اربعة ابناء بإضافة لنمرود ..
ودا بيخلينا نعرف انه اساميهم كنعان ومصرايم وفوت..
بيبقى نفس التاريخ الديني الانت اقتبست منه بيشرك معاك أتلاتة مجموعات عرقية في النطاق الجغرافي المحدد
ورد اصول المنطقة لعرقيات اثنية مختلفة بما فيهم البربر والليبيين والمصريين والنمرود :)
الغريبة الأصل دا ما ملاحظ انه بيقربك شوية من الكنعانيين الجاريين منهم ديل ..

Quote: 4/ سبب تقبل النوبة لكونهم نوبيين - رغم انها تعني عبد - يعود لحنك الخواجات

ياحيدر،
النقطة اعلاه، مهمة:

اولا كونو "نوبي" تعني عبد، ما كلام كتب خواجات اوبث وانما لي روحي وانا طفل سمعتها بي اضاني ك"شتيمة" عديل كده لي حبوبتي عليها الرحمة، زي ماحكيت.

اها لما بديت اسال في البيت او في الحلة، يا كباري، يعني شنو "يا نوبية" مالقيت ولافرد واحد احد يعرف او يدعي انو نوبي او نوبية!!

كل العرفتو انو النوبة هم نوبة اهلنا في الجبال لهم القومة!

ده، كان هو مدخلي للطريق الشقيتو منذ ان كنت طفلا، والي هذه المداخلة!

نجي للاهما:

ليه في الثمانينات المثقفاتية وبالذات طلاب جامعة الخرطوم ابتدو يحتفلو بي "نوبيا"؟

قطعا ده كان خط عام بدا يتشكل حول العالم في المجال ده كنتاج مباشر لمجهود المدرسة السودانية الافريقية منذ عشرات السنين، بالذات في امريكا تحديدا عاصمة الوعي الكوشي الان واللحظة!

اذن حتي قدر طشاش الوعي الكوشي الشائه المشوه، الموجود الان في السودان، فهذا يعود لنضال محاربي المدرسة السودانية، ولكن بي طريقة غير مباشرة!!

كيف؟

الضربات القاضية المتلاحقة لي ترهات غنج الاصل الاري للحضارة من محاربي المدرسة السودانية اجبر غلاة المركزية الاوربية انهم يغيرو التكتيك بتاعم، باعطاء "السودانيين حكم ذاتي"
فيما اتصل بي ارثهم الحضاري.

كنتيجة بدا العزف علي نقمة "حضارة نوبية" موازية لي حضارة "مصرية"، والخواجات نفخو في الكير ده بشدة، بي خبث!!

كيف؟

الغرض من ده كلو كان ولايزال الدفاع عن حضارة "مصر" كارث قوقاذي!!

نعم تعمدو يقولو بخبث ايضا "حضارة مصر" مش حضارة كمت، الاسم الحقيقي!

لهذا اعلمو، اي زول يلاقيك في المجال ده، او يقول حضارة "مصر"، اعلمو انو "حمـــــــــــــــــبرا"!!

نعم كيس نايلو، الهوا شايلو!

لهذا حملة الدال في المجال ده في السودان الما زال مصري انجليزي بفضلهم، بي جدهم، يسوو "حضارة مصر" ولايمكن كقاعدة تلقي واحد فيهم بقول "كمت" لانهم للاسف كما اي "روبات"
برددو تخرصات اولياء نغمة وعيهم اي الخواجات!

من الجانب الاخر المدرسة السودانية الافريقية، بزعامة شيخنا ديوب او رفاقو منذ القرن ال19، من قولة تيت ركزت علي كمت تركيز كامل وتجاهلت كوش تماما!

ده كاستراتيجية حرق تش، لمان جاب ضقل ترهات "التامهو" يلولح في السبعينات!

واضح ده موضوع مركب، مشربك شديد خالص خالص، او ناسنا في السودان كما الببغاوات يكتفو بترديد ترهات الخواجات والسلام!!

من ذلك كيف حضارة السودان هي الاقدم "في افريقيا" لاحظ، "جنوب الصحراء"!

نعم تسميع بالنص، دون ادني ادراك، وكنتيجة السويسري اياهو اصبح من بعد نبي اله معبود، كنتيجة مباشرة لمركب النقص المحفور في اعماقنا تجاه بيض البشرة بعامة!!

لحدي ماجيت امريكا اطلاقا ماسمعتا بي اسم شيخنا انتا ديوب مع انو ده مجالي!

اذن انتبهو للبسو "حضارة مصر"!

مصر بتاع مين ياهذا؟

Quote: يا بشاشا الاطرف من كدة انا مامؤمن اساسا انه في وجود حالياً لما يسمى بالكوشيين .. وأي محاولة لنسبة عرق حاليـاً لي كوش دي بتبقى مجرد تخاريص وتكوييش ساي .. والنوبة المعروفين الان لا علاقة لهم بالجنس الكوشي إلا كمستوطنيين في ديارهم ..

نواصل مع الصديق حيدر..

فعلا كلامك كيف الكوشيين انقرضو، او كيف هكذا الكلام مجرد تاريخ انقرض، اعترف مثل هكذا تصور مسبق، منتشر جدا في اوساط مثقفاتية الاحتلال الثنائي، من امثال الزميل اسامة الخواض!

مع انو في شعرو اوقصايدو، هولايزال يناجي يوسف وليس اهله، العاش بينم يوسب كلاجئ ومهاجر في كمت، لو افترضنا يوسب داك كان من شاكلة نتياهو او مش "فلاشي" كنعاني!!

ياعزيزي، وعكس تصورك المسبق، حياتك علي مستوي اللاشعور، لم تتغير بمايذكر عن اسلوب حياة اجدادك في عصر الاهرامات لوبتصدق!

طيب، لما تصحي الصباح لو متزوج، احيانا بتغتسل؟

ده كان من تقاليد اجدادك منذ الاف السنين!

هل بتتوضا عشان تصلي الصبح حاضر؟

ده كان بعض اسلوب حياة اجدادك اليومية منذ الاف السنين!

بتنوم بالعراقي؟

ده كان هدمم منذ الاف السنين!

بتلبس طاقية حمرا؟

ده كان يرمز للشمال اي منطقة الدلتا في كمت!

ولاطاقيتك، بيضا؟

اها ده كان برمز للجنوب اي كمت العليا، والطواقي دي بالذات الطاقية الحمراء والبيضا هي اعادة انتاج لذات التاج بتاع The Two land اللي كان لقب، ملوكي!

لو كنتا من الريف، هل في المسا بتمشي حفلات الاعراس؟

اها القرميص "او غنا البنات"، ده، ابتدعتو امنا "الست"!

اها رقيص الرقبة في ضي القميرة في العرس داك، بيرجع لي عصر الاهرامات!

الدكاي، شربتو في العرس ده؟

اها ده، من اختراع جدك "اوسار" ابو الحضارة، ابو "الدكاي" اي مخترعو، وهو اول من بلغ مرحلة الانسان الكامل، في تاريخنا، اللي اوجد كمت، وابو الملوك جميعم منذ عشرات الاف السنين!!

السماية؟

الكرامة؟

الاضرحة؟

زيارة المقابر؟

الطهور؟

السواقي؟

النوريق؟

اعلم لاجديد هنا، اطلاقا!!

نرجع لي موضوع "النوبة" المعروفين علي قوللك:

ياعزيزي هذا وهم!

اذا لابد، النوبة بالالف واللام هم اهلنا في الجبال، ملوكنا اي ملوك نوبيا اي الطبقة الحاكمة حينها!

اذا الدنقلاوي نوبي والنوباوي نوبي، يبقي الما نوبي منو في الكون ده كلو، في اوساط السود؟

ياخي اعمل معروف واسمع كلامي في الموضوع ده، لاني ماكل السماية دي بالمناسبة، اي حاضرا، في الثمانينات، نعم كنت موجود ساعة الوضوع زاتو!!

ياعزيزي اذا مقتنع كلنا سودانيين، فمن باب اولي تقتنع اننا كلنا نوبيين، كلنا كوشيين، وهذا لايتناطح حوله عنزان!!

ياعزيزي البتقول فيهو ده، ده وعي قبلي، جهوي، وافد، دخيل، اجنبي!

نعم جانا صحبة راكب في قطر بضاعة وعي الاسترقاق العروبي ياعزيزي!

ياعزيزي كامهات واباء للبشرية ما كان عندنا وعي عرقي عنصري من اساسو، دعك من خبوب فرذ قبلي!

ده وعي بدوي، مرتبط باسلوب حياة البداوة اي التنقل!!