|
|
|
 Re: ماعرستوا البتحبوهم ليه? (Re: Muna Khugali)
|
Quote: " قال لها : قد لا أكون غنيا وليس لدي سيارة ولا فيللا
ولا مزرعة ولا شركة ولا فلوس مثل صديقي أبي بكر .... |
غريبة هو انت كنت معاي وسامية اليوم داك... دة البظبط القالتو بعد ما قلبت الصفحة وقالت انا ماعيزة مغترب ( دة كان في بدايات الاغتراب وصورة المغترب لم تكن جميلة بالذات عند البرابرة الاغتراب كريه فحياتهم مليئة بالغربة) ...ولكن الكلام الفوق دة حل المشكل ...
واها للان لا ماشية ولا لوري ( طبعا عم فاروق بيذكر دعاية بنك باركليز في الستينات في سينما كلوزيوم ووقت الاستعرض-ماقبل الفيلم- والدعاية كانت مسجلة في كينيا فيها واحد فرحان باللوري والماشية بعدما لقي قرض من البنك ) لكن عندنا الاهم هي و بنتيين وولد وانت كلكم...في مزرعة اجمل من كدة وبلا لوري ولا ماشية ...
| |
 
|
|
|
|
|
|
|
 Re: ماعرستوا البتحبوهم ليه? (Re: Muna Khugali)
|
حب المدرسة
حب في القطر
حب الجامعة
حب الاهل
حب العمل
كلو ده جّلا... ( ووقعتنا) بت الجيران
وقبيل لمن قلناليك بنلعب في أرضنا ... قلتي علينا زايغيين
شوفتي البوست بتاعك ... حرّك البراكين الخمدت ليها سنيين ...في داعي يا مني
معتصم العربي
| |
|
|
|
|
|
|
|
|
 Re: ماعرستوا البتحبوهم ليه? (Re: معتصم عبدالرحيم)
|
مني ازيك
هو في سوداني بعرس بحبها؟؟ ولا بتشاغلي فيهم ساي؟؟
ديل لمن يعرسوا بقولوا : صفراء فاقع لونها تسر الناظرين ...  يعني ما قال بعيري يحب بعيرها..
وبعدين تعالي هنا .. دي اسئلة تعسفية جدا .. في الشخصية السودانية الحب مكيال لا يستخدم في معايير الحياة ...
والحب .. عندهم شغل شباب وجن اولاد.. والعرس عندهم .. جيب اللحمة و الخضار وصلح المواسير ...
ايش العلاقة الحين بين الاثنين؟؟
لو قلبنا القصة .. البنات تحب زيد تعرس عبيد والقصة تنتهي بالقسمة اختارت .. والنصيب...
الحب لغة روح .. لا يفهمها الجميع .. وبين الرحلتين شتاء طويل وصيف سقيم ...
يعجبني تفاؤلك ... جدا
احلي تعليق هنا : وبلغة الهندسة فان الزواج مستطيل ولكن الحب دائري
| |
|
|
|
|
|
|
|
|
|
Re: ماعرستوا البتحبوهم ليه? (Re: sudania2000)
|
عن الرجال
واحد فيلسوف* قال:
لو كان الرجال لا يتزوجون إلا
ممن يحبون لمات أكثرهم عزابا.
عن نفسي
لي هسعة راجيها ترسو على سواحل
الروح.. ثم تهدهد في النفس ذلك
الشيئ الماجد الذي اسمه الانسانية
and I'll never give up on her
ثم نرسم معا طريقا في هذه الحياة
مبتداه أطفال يقولون ماما.. يابا
نحبكما و نحب هذا الوطن الأمجد بين
الأوطان.
ثمّ...( تعبت )
ـــــــــــــــــــــــ
*واحدين قالوا :بل هو مفكر
| |
|
|
|
|
|
|
|
|
|
Re: ماعرستوا البتحبوهم ليه? (Re: sudania2000)
|
| Quote: هو في سوداني بعرس بحبها؟؟ ولا بتشاغلي فيهم ساي؟؟ |
بالله ؟؟؟..
منى البوست جميل واقتناعي بانو اغلب قصص الحب لا تنتهي بالزواج -عادة-
..بس اللي قالتو سودانية 2000 حرقني عدييييل 
| |
|
|
|
|
|
|
|
|
 Re: ماعرستوا البتحبوهم ليه? (Re: Muna Khugali)
|
| Quote: ماعرستوا البتحبوهم ليه? |
كان من الصعب أن نعرِس كل من نحب..
لذلك إكتفينا ب عرس...من يحبونا..!!!
--------------------------
دي إجابة زوجنا الممكون على سؤالك يا منى...
كان في داعي.. ؟؟!!!!
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
Quote: كان من الصعب أن نعرِس كل من نحب..
لذلك إكتفينا ب عرس...من يحبونا..!!! |
كلام عقل وبعدين نحب البحبونا ..وحب البحبونا دة جميل ....واصلو ليه ما نحب البحبونا ؟
ياجماعة الدنيا براها بلاويها كتيرة ولولا البحبونا ما بتنطاق والزواج رغم بعض مسالبه عند البعض بجيب لينا البحبونا المهم نعرف كيف نتعامل مع درجات الحب المختلفة مع الزمن ووصول اطراف ثالثة من البنحبهم وبحبونا .... ..
| |
|
|
|
|
|
|
|
|
|
Re: ماعرستوا البتحبوهم ليه? (Re: Ibrahim Algrefwi)
|
في مسرحية المدرسة المختلطة
واحد قال : بالله عمرك سمعت بسوداني عرس البت البحبها..
في راي ان الاهل انفسهم يرون الحب كلام فارغ.
ترفض الام او الاب.. ساكت كدا..
بدون اسباب واضحة بس ولدهم ما يعرس البت دي بالذات..
بعرف ابو قال لولدو الناس ديل ناس كويسين ممكن تعرس بتهم الصغيرة..
بس عشان ولدو اختار البت الكبيرة..
على ايامنا في مثل نكاكي في الخرطوم ونبيض في القرية
الواحد يجي طوالي يكيس بعد يتخرج تسمع بيه عرس فجأة كدا بت خالتو..
المشكلة انه الرجل السوداني بيستهون قصة الحب ذاتها ولا ياخذه بجدية
ولكن لا يمانع في البكاء على الاطلال.. ودي فنان فوقها..
واحد صاحبنا كان بيحب واحدة
كل يوم بيستحمى نضيف ويمشي عشان يكلمها ويجي راجع منهزم...
المهم البت خطبوها لما انتظرتو وما قاليها
بعداك قالي والله احسن ليها انا زول معولق ساكت.
فقلت ليه انت ما حبيت البت دي..لانه لو حبيتها
على الاقل اسع تكون زعلان من خيبتك
قال لي الله كيف والله زعلان جنس زعلة
كل يوم بسكر..
اها العينة دي منتشرة شديد بيكون عايز يبرر سكرو يخلي نفسه يدوه شاكوش..
وانا اعتقد ان الحب طفل يتيم في السودان..
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
الجميلة بت خوجلي
وانا في تانية ثانوي عشت قصة غرام جميلة لحد الجنون
عليكي الامان اول زول اتقدم ليها ابوه تاجر كبير اسي فلس لاني
دعيت عليهو
جيت من المدرسة اسمع ليك الزغروته قاجة افو الحاصل شنو يا ناس
قالوا فلانة خطبوها
سجم الحديث انا رحته شمار في مرقة يعني
ما عندي طريقة انا طالب وابوي صعب جدا
اها الرماد كال حماد
السؤال ايضا محول للجنس اللطيف
تسلمي
| |
|
|
|
|
|
|
|
|
|
Re: ماعرستوا البتحبوهم ليه? (Re: السمؤال بدرالدين)
|
Quote: الجميلة بت خوجلي
وانا في تانية ثانوي عشت قصة غرام جميلة لحد الجنون
عليكي الامان اول زول اتقدم ليها ابوه تاجر كبير اسي فلس لاني
دعيت عليهو
جيت من المدرسة اسمع ليك الزغروته قاجة افو الحاصل شنو يا ناس
قالوا فلانة خطبوها
سجم الحديث انا رحته شمار في مرقة يعني
ما عندي طريقة انا طالب وابوي صعب جدا
اها الرماد كال حماد
السؤال ايضا محول للجنس اللطيف
تسلمي |
كويس ياسمؤال انك دعيت لي أبوه علشان يفلس!
إتخيل المنظر..
يعرس حبيبتك وكمان روشه تكون كتيره?
ليه?
مافي عـداله يعني ولا افترا أصله?
عنـدي خالتي ياسمؤال ..كل مازول يعمل حاجه تعجبها..تقول ليه
جـدع!
وأنا عجبتني دعوتك علي أبوه لأنه هو الأكيد المشي خطبها لولده وحزن قلبك وانت لسه في المدرسه..علشان كده بقول ليك..
جـدع..
حبيت تاني ولا ديك وخلاص??
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
عارفة يامنى خوجلى
إنت بتاعة مشاكل..
حسع فى داعى للسؤال ده..
واحد صاحبى عرس بعد حب استمر 6 سنوات ...الزواج إستمر خمسة بس
واحد صاحبى تانى عرس البحبها بس هو كان حابى قبلها كتار.. كل مرة يلاقينى يقول لى الحمدلله الما عرست فلانة العسل ديك.....لو عرستها كان حسع باخت لى وفلانة ديك ما شكل البوخة!!!!!!!!!!
و يختمها بقولو: تعرف يا هشام أحب البنات هن الما عرسناهن!!
وجاييك راجع للنقاش الجد.
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
أشعلت سجارة مارلبورو أبيض
عدلت من جلستي وسندت ظهري قليلا إلى الوراء
حتى تصبح يدي وترا جيد التوصيل لإلكترونات الفكرة
كانت حبيبتي تعتصم بالأفق .. عند بداية الشروق
كلما تقدمت صوبها تباعدت
وكلماتبعت خيوط ضوئها باقتني الغروب
أحببت ليلى سكنت عينها غطتني برمشها.. فنمت
أحببت سلمى لروحها.. ولماها مكمن الرحيق.. وقد سكرت
توزعت حبيبتي بين ليلى وسلمى
دلقت لوني في مفترق البين بين
جمعت حبات الحصى رممتهاكما في خاطري
ووهبتها من لزوجة الريق التماسك
وأسميتها حين إكتمال القمر
عشتار الإستحالة
وقد نفد الحصى
وأصاب معين الريق الجفاف
.......................................
سكنت ريشتي واستباحت الحروف
أعطتني الحلم والخيال
ولازلت أنتظر جحافلها المجيئ
فهل يتجسم هيولها؟؟؟
وقد لاأريد
أتري هل جبنت
أم قد تعشقت الخيال
| |
|
|
|
|
|
|
|
|
|
Re: ماعرستوا البتحبوهم ليه? (Re: sudania2000)
|
منى بت عمى عوض وخالتى جارة
اجمل قصص الحب التى خلها التاريخ لانها لم تنتهى بالزواج لا حظى يا منى كلمة تنتهى دى وختى تحتا خطين وبى كدا الواحد يكون عندو حزن قديم وحائط مبكى شماعة يعلق عليهو خيباتو وتانىفرصة للزوجة عشان تغير منها!
غايتو نحن هرينا قلبنا ولم ننهزم بقينا نحب بابو ااد مام !
يقطع الحب وسنينه!
غايتوا الشواكيش الأخدنا ها فوق راسنا الوتد ما ضاقا!
اصلوا اخوك جنى بدا الشغلانة بدرى وكلما ننشبك لينا فوق واحدة يعرسوها يعنى ولا الزين بتاع الطيب صالح! غايتوا فى الدنيا دى عدينا كترة نجوم!
جنى
| |
|
|
|
|
|
|
|
|
|
Re: ماعرستوا البتحبوهم ليه? (Re: sudania2000)
|
Quote: أشعلت سجارة مارلبورو أبيض
عدلت من جلستي وسندت ظهري قليلا إلى الوراء
حتى تصبح يدي وترا جيد التوصيل لإلكترونات الفكرة
كانت حبيبتي تعتصم بالأفق .. عند بداية الشروق
كلما تقدمت صوبها تباعدت
وكلماتبعت خيوط ضوئها باقتني الغروب
أحببت ليلى سكنت عينها غطتني برمشها.. فنمت
أحببت سلمى لروحها.. ولماها مكمن الرحيق.. وقد سكرت
توزعت حبيبتي بين ليلى وسلمى
دلقت لوني في مفترق البين بين
جمعت حبات الحصى رممتهاكما في خاطري
ووهبتها من لزوجة الريق التماسك
وأسميتها حين إكتمال القمر
عشتار الإستحالة
وقد نفد الحصى
وأصاب معين الريق الجفاف
.......................................
سكنت ريشتي واستباحت الحروف
أعطتني الحلم والخيال
ولازلت أنتظر جحافلها المجيئ
فهل يتجسم هيولها؟؟؟
وقد لاأريد
أتري هل جبنت
أم قد تعشقت الخيال
|
نور الهادي لانك فنان ومرهف تقطيك ليلي برمشها
وتفديك سلمي بروحها وتعشقك عزه السودان
والحياه تتعطش لي حرفك
عفاف ابوحريره
| |
|
|
|
|
|
|
|
|
|
Re: ماعرستوا البتحبوهم ليه? (Re: الطيب شيقوق)
|
Quote: حاشاك انت لماحة
بس اعني انو الموضوع ذاتي بحت وغير خاضع لمعايير موضوعية |
ماهو الموضوعي وما هو غير الموضوعي؟
واساسا لو الناس كلها متفقه علي أساس واحد وتري الموضوعيه بنفس المعيار.. كان بيكون
في معني ومحل للاختلافات؟
ولا كان في أي زول فتح ليه موضوع بتاع نقاش؟
ولا كان أنا كتبت البوست ده؟
اسه انت موضوعيتك زي موضوعيتي؟
ولا الناس العرست البتحبها ظروفها وموضوعيتها زي الناس الماعرست البتحبها؟
اسه انت لو شايفني لماحه كان كان جيت بتعليقك ده؟
ولا بس علشان شايفني قرده؟ زي دي
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
| Quote: اسه انت لو شايفني لماحه كان كان جيت بتعليقك ده؟ |
منى انتي قصدك معاى شنو انا كلما اجي متحمس اعمل مداخلة القاك ملصقة لى قرد - شوفتي انا تاني ما بعتب علي بوستاتك الا تسحبي الشغلانيات دى كلهااااااااااااااا
ولا لماحة ولا اى حاجة الا بعد تسحبي الحاجات دى
| |
|
|
|
|
|
|
| |
رأفت ميلاد
abubakr
معتصم عبدالرحيم
ASAAD IBRAHIM
ابوعسل السيد احمد
mamkouna
أحمد الشايقي
جمال ادريس
Ibrahim Algrefwi
bayan
Mohamed Adam
فاروق حامد محمد
Muna Khugali
السمؤال بدرالدين
الطيب بشير
هشام المجمر
Hani Arabi Mohamed
بهاء بكري
salma subhi
jini
عفاف أبو حريرة
الطيب شيقوق
ismeil abbas
فيس بوك
تويتر
انستقرام
يوتيوب
بنتيريست