ماعرستوا البتحبوهم ليه?

ماعرستوا البتحبوهم ليه?


03-08-2007, 08:53 AM


  » http://sudaneseonline.com/cgi-bin/sdb/2bb.cgi?seq=msg&board=69&msg=1179211628&rn=0

Post: #1
Title: ماعرستوا البتحبوهم ليه?
Author: Muna Khugali
Date: 03-08-2007, 08:53 AM

ماعرستوا البتحبوهم ليه?

استمرارا في السبق والحجز...
خاصة اني الأيام دي كل ما أفكر في موضوع كتير.. القاه ظهر فجأة في النت..
علي الرغم من اني اصله ما اتكلمت فيه مع زول..وبقيت خايفة افكر من خوف انه زول يقرا
افكاري ويسرقها..زي البيشوف الكحلة ويسرقها..

وراجعة اسه دي

بس قلت في الأول تاني أحجز..
Post: #2
Title: Re: ماعرستوا البتحبوهم ليه?
Author: Hussein Mallasi
Date: 03-08-2007, 09:00 AM
Parent: #1

لأنهم عرسوا البيحبوهم!!
Post: #119
Title: Re: ماعرستوا البتحبوهم ليه?
Author: Muna Khugali
Date: 03-14-2007, 01:15 PM
Parent: #2

Quote: لأنهم عرسوا البيحبوهم!!


يعني هم كلهم كانوا بيحبوا او قالواانهم بيحبوا..
لن كل واحد كان بيقول للتاني أنا بحبك وفي باله كان بيقصد زول تاني..
لما قامت ساعة الجد جات.. قام الحب قال.. ولا هم القالوا ماعارفة..
الآن حصحص الحق..
المهم قام الحبيب أو الحبيبة لقي حبيبته عرست واحد تاني..
هو او هي اتهجم..وبرضه إنذهل..وقال او(قالت) لنفسه..

أتاريها كانت بتغشني...

حسين ..النبي كان ماكبرت سطرك الخطر ده لسطور زياده..وسلم لي علي الخرطوم
Post: #3
Title: Re: ماعرستوا البتحبوهم ليه?
Author: walid taha
Date: 03-08-2007, 09:01 AM
Parent: #1

اهلاً استاذة مُنى
العنوان صراحة مشوّق

فى الإنتظار

دمتى،،،
Post: #4
Title: Re: ماعرستوا البتحبوهم ليه?
Author: عبد المنعم ابراهيم الحاج
Date: 03-08-2007, 09:04 AM
Parent: #3

Quote: لأنهم عرسوا البيحبوهم!!



نحرت رقبة البوست ياملاسي
Post: #6
Title: Re: ماعرستوا البتحبوهم ليه?
Author: Muna Khugali
Date: 03-08-2007, 09:10 AM
Parent: #4

Quote: لأنهم عرسوا البيحبوهم!!





Quote: نحرت رقبة البوست ياملاسي



لم يفعل يا عبد المنعم .. فهناك فرق بين ان نتزوج من "نحب" او نتزوج من "يحبنا" ..

دقيقة بس..
Post: #10
Title: Re: ماعرستوا البتحبوهم ليه?
Author: Muna Khugali
Date: 03-08-2007, 09:30 AM
Parent: #3

منتظر شنو يا وليد طه?
واصل معانا بالنقاش..
انا غايته منتظراكم!
Post: #5
Title: Re: ماعرستوا البتحبوهم ليه?
Author: Muna Khugali
Date: 03-08-2007, 09:05 AM
Parent: #1

بمناسبة حقوق المرأة ويومها..ومن باب التغيير..
لمعلومية..
هذا البوست لا يتعارض مع بوست

ود وبت الجيران..

سيستمران سـويا في النقاشوالفضفضة ...

راجعة اسه دي
Post: #7
Title: Re: ماعرستوا البتحبوهم ليه?
Author: أبو الحسين
Date: 03-08-2007, 09:15 AM
Parent: #1

Quote: ماعرستوا البتحبوهم ليه?



بت أعمي عوض خوجلي...

تحايا نواضر من أبي الحسين...

وأقول ليك أنا غايتو ما عرست لي هسع...

لكن لو ربنا حبس العوارض وسهل... حا إتزوج البحبها وميييييييت فيها منذ أن كانت تلميذتي في ثانوية الزومة ...

بس دعواتك يا بت الخلفاء الخوجلاب...

كميات مودتي...


أبو الحســــــــــين...
Post: #29
Title: Re: ماعرستوا البتحبوهم ليه?
Author: Muna Khugali
Date: 03-08-2007, 12:24 PM
Parent: #7

Quote: بت أعمي عوض خوجلي...

تحايا نواضر من أبي الحسين...

وأقول ليك أنا غايتو ما عرست لي هسع...

لكن لو ربنا حبس العوارض وسهل... حا إتزوج البحبها وميييييييت فيها منذ أن كانت تلميذتي في ثانوية الزومة


أبو الحسين قايلنا بننسي ولا ماشين نموت?
راجينك..
ليه ماشي تعرس?
الحب ليك وليها صعوباته شنو?

أوعك تعمل لينا حركات الشايقيه و نحنا خابرنها سممممح
يعني مثلا ..
تخطيطك لما بعدين نعرس ونجيب ولد ونسميه حسين دي حركات مكشوفة..
ولا
وبعدين انا باقي عليك.. ان شاء الله لو بعد عشرة سنين بعرسك وعلشان تصدقي ..ياهو ده اسمي
الجايب اسم ولدنا..أنا بااااقي عليه
Post: #8
Title: Re: ماعرستوا البتحبوهم ليه?
Author: صديق الموج
Date: 03-08-2007, 09:17 AM
Parent: #1

ما انتى يا منى قمتى سافرت وعملتيها لى شغل وكده....يعنى كان فى
داعى توريهم اننا اتحاببنا وكده؟؟؟ لbold
Post: #32
Title: Re: ماعرستوا البتحبوهم ليه?
Author: Muna Khugali
Date: 03-08-2007, 12:31 PM
Parent: #8

Quote: ما انتى يا منى قمتى سافرت وعملتيها لى شغل وكده....يعنى كان فى
داعى توريهم اننا اتحاببنا وكده؟؟؟


والله تقول شنو ياصـديق..
ماهو كمان لازم كان واحـد فينا يشتغل..
أمال كنا هناكل من وين..وندفع الفواتير كيف?

يللا رجـع لي جواباتي..
مصر تحتفظ بيها ليه?
Post: #9
Title: Re: ماعرستوا البتحبوهم ليه?
Author: محجوب البيلي
Date: 03-08-2007, 09:22 AM
Parent: #1

منى ... سلامات
أنا شخصيا جاوبتك هنا:
Re: ود وبت الجيران..
عايزة توصلي لي شنو بالضبط؟
Post: #41
Title: Re: ماعرستوا البتحبوهم ليه?
Author: Muna Khugali
Date: 03-09-2007, 05:53 AM
Parent: #9

Quote: منى ... سلامات
أنا شخصيا جاوبتك هنا:
Re: ود وبت الجيران..
عايزة توصلي لي شنو بالضبط؟


يعني يا محجوب من عمرك كان 5 سنوات ماحبيت تاني?
غايتو انا عندي حكاوي كتيرة بعضها عن نفسي وبعضها عن اصحابي..
لكن انتو مامشجعين الزول يكتب!


اها كيف?
Post: #11
Title: Re: ماعرستوا البتحبوهم ليه?
Author: 3mk-Tango
Date: 03-08-2007, 09:47 AM
Parent: #1

مني سلام ..

طبعا انا متابع بهناك وعامل ما عندنا بت جيران علما اني حبيتهم كلهم .


هنا دا حاعمل فيها ملك المشكوكشين ..


مواضيعك جميله جدا .. تقول ما حبوبة ..
او باعتبار ما سيكون .


احترامي ..
Post: #12
Title: Re: ماعرستوا البتحبوهم ليه?
Author: malik_aljack
Date: 03-08-2007, 09:56 AM
Parent: #11

منى

When the true chemistry fires up nothing in the ground or any where else can stop them from making a life partnership

العرس partnership
Post: #16
Title: Re: ماعرستوا البتحبوهم ليه?
Author: الطيب شيقوق
Date: 03-08-2007, 10:15 AM
Parent: #12

الاخت منى

تحياتي لك

اخشى من تداعيات هذا البوست على العلاقات العاطفية والتي يسعى اي من طرفيها لتجذيرها في نفس الاخر .

الاثر السلبي الذى اخشى منه ايضا هو ان تتساقط اعمدة حب وهي في طور النمو يا منى اختي .

هذا فضلا عن ان السؤال في حد ذاته وضع فرضية تحمل بين دفتيها ادانة للرجل قبل سماع اقواله ما لم يكن القصد منه توجيهه للطرفين .

المهم السؤال للجنسين ام للرجل لوحده ؟ وقطعا لكل حادثة حديث

اطيب المنى
Post: #20
Title: Re: ماعرستوا البتحبوهم ليه?
Author: Muna Khugali
Date: 03-08-2007, 10:53 AM
Parent: #16

Quote: اخشى من تداعيات هذا البوست على العلاقات العاطفية والتي يسعى اي من طرفيها لتجذيرها في نفس الاخر .

الاثر السلبي الذى اخشى منه ايضا هو ان تتساقط اعمدة حب وهي في طور النمو يا منى اختي
.


يكونوا ناس متلككة!
هم بس قاعدين كده منتظرين سؤالي ده يخرب البينهم?
ديل أحسن ذاتو يفرتكوا من اسه ومايضيعوا وقتهم سـاكت..لأنه في الحالة دي معناتو مافي حاجة حقيقية أو قوية بينهم..

ومش امكن برضه يقود لنقاش الأسباب بدلا من التداعي?

Quote: هذا فضلا عن ان السؤال في حد ذاته وضع فرضية تحمل بين دفتيها ادانة للرجل قبل سماع اقواله ما لم يكن القصد منه توجيهه للطرفين .

المهم السؤال للجنسين ام للرجل لوحده ؟ وقطعا لكل حادثة حديث



الصحيح ان السؤال لم يوجه للرجال فقط.. ولا ادري من أين اتيت بالفرضية هذه?

فالنساء أيضا لا يتزوجن احيانا ممن يحبن لأسباب مختلفة بينما يسعي الرجال للزواج منهن..

يالطيب أخوي ..ده سؤال عام.. يبدو صعب علي لنساء الإجابة عليه لأسباب عديدة.. امكن برضه
منعتهم من المشاركة.. زي برضه ما احتمال تكون منعت بعضهن من المشاركة في بوست ود وبت الجيران..
وعلي كل حال الاشكالية برضه موجـوده بالنسبة للرجال لحـد كبير..بمعني انه في تردد في الحكي برضه..

نهايته ..
علي الرغم ن معرفتي لعوائق الحـديث..الا اني أود ان أناقش هذا الموضوع بشكل عام..ولم اوجه سـؤالي للرجال فقط او النساء فقط..

وأتمني أن يخرق العنوان عقل الجميع ويثير فيهم التساؤلات وربما التفكير في المواقف..

تحياتي ود شيقوق ومرحب كبيره بك..
Post: #121
Title: Re: ماعرستوا البتحبوهم ليه?
Author: Muna Khugali
Date: 03-14-2007, 07:13 PM
Parent: #12

Quote: منى

When the true chemistry fires up nothing in the ground or any where else can stop them from making a life partnership

العرس partnership


نظريا كده كلامك صح..
لكن ما صح شـديد..البتقوله ده المفروض يحصل..وبيحصل لكن برضه في أوقات كتيره جدا ما بيحصل..

أما الحب يا روحي عليه..

اغني ليكم أغتية أم كلثوم يعني?
بين صعوبة تكوين الذات والفلس الشديد.. والهبوب والخريف البيوقع البيوت بتاعة الإيجار..
وبين جاني عريس جاهز..
ولا أمي عاملة مشاكل وماراضيه بعرسي منك..
وبين ربنا قال مانقول ليهم أوف..وكان عرستك ده بيكون أكعب من الأوف..

و......
و......

الكيمستري بتغيير كيميائها ذاتها مع البلاوي وخساره..ضاع المشوار!

ليه الناس البتحب بعضها مابتناقش كل الحاجات بعقلانية وتقتح?

أرجع لينا يامالك الجاك
Post: #14
Title: Re: ماعرستوا البتحبوهم ليه?
Author: حيدر حسن ميرغني
Date: 03-08-2007, 10:00 AM
Parent: #11

مع إني أبصم على كلام الاخ ملاسي بالعشرة

لكن برضو ممكن تتعدد الاسباب:

Quote: عائلة ترفض تزويج ابنتهم لعريس خوفا من العطش

رفضت عائلة عروس تقطن بإحدي القري الواقعة بجنوب دارفور غربي السودان اتمام زواج احدي بناتها

خوفا من العطش، وبرر اهل العروس رفضهم إتمام الزواج بأن العريس يقطن في قرية تشكو العطش وان

النساء في تلك القرية يقضين ما بين ثلاث الي اربع ساعات يوميا حتي يتمكن من الحصول علي

احتياجاتهن من مياه الشرب. ومعروف ان كثيرا من مناطق دارفور تعاني العطش في فصل الصيف الذي يمتد

لنحو سبعة اشهر.
http://mayonews.net/ad/showdetails.php?id=3970
Post: #124
Title: Re: ماعرستوا البتحبوهم ليه?
Author: Muna Khugali
Date: 03-14-2007, 11:17 PM
Parent: #14

رفضت عائلة عروس تقطن بإحدي القري الواقعة بجنوب دارفور غربي السودان اتمام زواج احدي بناتها

خوفا من العطش، وبرر اهل العروس رفضهم إتمام الزواج بأن العريس يقطن في قرية تشكو العطش وان

النساء في تلك القرية يقضين ما بين ثلاث الي اربع ساعات يوميا حتي يتمكن من الحصول علي

احتياجاتهن من مياه الشرب. ومعروف ان كثيرا من مناطق دارفور تعاني العطش في فصل الصيف الذي يمتد

لنحو سبعة اشهر



[Quote: عائلة ترفض تزويج ابنتهم لعريس خوفا من العطش

رفضت عائلة عروس تقطن بإحدي القري الواقعة بجنوب دارفور غربي السودان اتمام زواج احدي بناتها

خوفا من العطش، وبرر اهل العروس رفضهم إتمام الزواج بأن العريس يقطن في قرية تشكو العطش وان

النساء في تلك القرية يقضين ما بين ثلاث الي اربع ساعات يوميا حتي يتمكن من الحصول علي

احتياجاتهن من مياه الشرب. ومعروف ان كثيرا من مناطق دارفور تعاني العطش في فصل الصيف الذي يمتد

لنحو سبعة اشهر
.


اها شايفين العوامل البيئية ممكن تؤثر علي من يريد الزواج كيف؟
ده اسمه 'الطبيعة قست علينا'
يعني طبعا الأهل لازم يخافوا علي بنتهم.. هو العمر بعزقة؟
عرفنا ممكن يعيشها فقيرة.. كمان عايز يعيشها عطشانه؟
كده ما ينفع..طيب هو ليه مارحل سكن معاهم في مكانهم الفيه مويه؟
قلبي بيقول لي في سبب تاني!
يكون شنو السبب يا حيدر؟
وبعدين انت موافق حسين في كلامه بدون ماتشرح لينا ليه..
لخمتنا بس وجبت الرابط ومشيت!
Post: #107
Title: Re: ماعرستوا البتحبوهم ليه?
Author: Muna Khugali
Date: 03-11-2007, 01:16 AM
Parent: #11

Quote: مني سلام ..

طبعا انا متابع بهناك وعامل ما عندنا بت جيران علما اني حبيتهم كلهم .


هنا دا حاعمل فيها ملك المشكوكشين ..


مواضيعك جميله جدا .. تقول ما حبوبة ..
او باعتبار ما سيكون
.


خلاص يا عمك تانجو..
احكي لينا قصتين بس ونحن راضيين..بس كلمنا فيهم بالحقيقه..
ويعدين انت ماعنـدك مشكلة لا اسمك صورتك لا عنوانك..
مجهول مجهول مجهوووول يا ولدي!

أنا حبوبه 'مودرن' بإعتبار ماسيحـدث بإذن الله

خلاص منتظرنك..
Post: #13
Title: Re: ماعرستوا البتحبوهم ليه?
Author: محارب
Date: 03-08-2007, 09:58 AM
Parent: #1

منى خوجلي


ازيك ....

انا كل ما اخت عيني في واحدة أو اعجب بيها ساكت وقبل ما احبها كويس تتعرس طوالي !!

محتار أعمل شنو ؟؟
Post: #17
Title: Re: ماعرستوا البتحبوهم ليه?
Author: Muna Khugali
Date: 03-08-2007, 10:17 AM
Parent: #13

Quote: انا كل ما اخت عيني في واحدة أو اعجب بيها ساكت وقبل ما احبها كويس تتعرس طوالي !!

محتار أعمل شنو ؟؟


يامحارب انا نطيت الباقين وجيتك سريع..علشان آخـدك من إيدك ونجري علي ناس
"......" بيتهم مليان بنات عايزين منك نظرة..

قلت شنو?
Post: #24
Title: Re: ماعرستوا البتحبوهم ليه?
Author: Fadl Karrar
Date: 03-08-2007, 11:41 AM
Parent: #17

من ناحيتي أنا
فالجواب
تغني به هاني شاكر
فى أغنية ( المفروض )

يا ريت لو واحد قدر ينزلها في البوست دا
عشان بتنفع موسيقي تصويرية جد جد

هيجتوا علينا الذكري
ذو الشوق القديم وإن تعزي مشوق حين يلقي العاشقين
Post: #98
Title: Re: ماعرستوا البتحبوهم ليه?
Author: Muna Khugali
Date: 03-10-2007, 08:24 AM
Parent: #24

Quote: من ناحيتي أنا
فالجواب
تغني به هاني شاكر
فى أغنية ( المفروض )

يا ريت لو واحد قدر ينزلها في البوست دا
عشان بتنفع موسيقي تصويرية جد جد

هيجتوا علينا الذكري
ذو الشوق القديم وإن تعزي مشوق حين يلقي العاشقين



ليك عليا..أجيب 'المفروض' هنا..وهي شغاله علي طريفةالتداعي الحر الطويل
اسمع منك الإجابة.. ايه رايك فضل ود كرار?
Post: #15
Title: Re: ماعرستوا البتحبوهم ليه?
Author: عبد المنعم سليمان
Date: 03-08-2007, 10:05 AM
Parent: #1

مني

تحياتي


Quote: عائلة ترفض تزويج ابنتهم لعريس خوفا من العطش



الله يستر مع الظروف الماشا بيها البلد دي ما يرفضونا خوفا من الجوع



مودتي

منعم
Post: #18
Title: Re: ماعرستوا البتحبوهم ليه?
Author: نوسة
Date: 03-08-2007, 10:17 AM
Parent: #15

الزين !! قصدى محارب !!

Quote: انا كل ما اخت عيني في واحدة أو اعجب بيها ساكت وقبل ما احبها كويس تتعرس طوالي !!



كان كدى النعرفك على صاحباتى عشان تجيب ليهن عدلن ياخى !!!
Post: #19
Title: Re: ماعرستوا البتحبوهم ليه?
Author: ماجدة عوض خوجلى
Date: 03-08-2007, 10:52 AM
Parent: #1

سلام

لااسباب كتيرة انشالله بس تكونى ارتحتى

وبعدين الايام فى موسم ولاشنو
غايتو انا جاوبت بالرغم ماعرفت السؤال لمنو


هسة بس فى داعى ؟؟؟
Post: #22
Title: Re: ماعرستوا البتحبوهم ليه?
Author: نوسة
Date: 03-08-2007, 11:05 AM
Parent: #19

سلامات

شفتى يا منى ، أنا و إنتى ردينا لى "محارب" فى نفس الوقت !! ههههههههههه
شايلين هم الناس

كدى النجى لى سؤالك " ما عرستو البتحبوهم ليه" ؟؟؟؟

مرات الواحد بيحب ليهو زول ، و لكن لمن تيجى لى قصة العرس بتلقى نفسك بتفكر مرتين ، يا ربى دة الزول الدايرة أقضى معاهو حياتى كلها ؟؟؟ لأن الزواج لا يحتمل الهزار و اللعب، لازم تكون متأكد مية المية إنو الزول دة ياهو الممكن تعاشرو و تكون "خلقتك فى خلقتو" 24/7 ، فى ناس ممكن تتحب و تتونس معاهم و يدوك كمية حنان كدة مبالغة ، لكن ما بتحس إنو ممكن تضيع عمرك معاهم ((و دى ممكن تكون أنانية)) بس بتحصل و واقعية جداً...

الأسباب طبعاً كتيرة جداً و كل زول ممكن يقول ما هو منظوره أو تجربتو الشخصية...

و بحاول أرجع تانى أواصل معاكم

تحياتى لى ناس لندن
Post: #21
Title: Re: ماعرستوا البتحبوهم ليه?
Author: عبد المنعم سليمان
Date: 03-08-2007, 10:56 AM
Parent: #1

Quote: علشان آخـدك من إيدك ونجري علي ناس
"......" بيتهم مليان بنات عايزين منك نظرة..


وانا كمان بالله يا مني

بث ابعديتي عن السمنة والعواره تربت يدااك




منعم
Post: #23
Title: Re: ماعرستوا البتحبوهم ليه?
Author: ebrahim_ali
Date: 03-08-2007, 11:34 AM
Parent: #21

منى خوجلي تحياتي وسلامي وللجميع

والله بوستك دا أنا من صباح الرحمن أزازي فيه أدخل ما ادخل لأنو مرات كده وزراة الداخلية تبعنا بتأخذ ليها طلة هنا وخوفاً من الجرجرة وكترة الأسئلة وليه وما ليه وأنت بس بترد على البوست الزي دي ليه ما تشوف بتاعت السياسة ولا الكورة ولا أي حاجة من الجنس الخشن أقول ليها حأااااااااضر ولكن في البوست دا السكات غلبني تب
عشان كده بسألهم برضو ليه ما عرستوا البحبوكم ؟؟؟؟؟
Post: #25
Title: Re: ماعرستوا البتحبوهم ليه?
Author: عصام دهب
Date: 03-08-2007, 11:42 AM
Parent: #23

الله يجازي المغتربين !!
Post: #26
Title: Re: ماعرستوا البتحبوهم ليه?
Author: الطيب شيقوق
Date: 03-08-2007, 11:58 AM
Parent: #25

Quote: يكونوا ناس متلككة!
هم بس قاعدين كده منتظرين سؤالي ده يخرب البينهم?
ديل أحسن ذاتو يفرتكوا من اسه ومايضيعوا وقتهم سـاكت..لأنه في الحالة دي معناتو مافي حاجة حقيقية أو قوية بينهم..


كتلتيني بضحكة والله انت الواحد اكان جاى يشاكلك يضحك ويعاين ليك وبس
Post: #27
Title: Re: ماعرستوا البتحبوهم ليه?
Author: نجوان
Date: 03-08-2007, 12:04 PM
Parent: #25


ســـلام يا منّون..

ومين قال إن الحب والزواج أصلا مرتبطين؟
في مجتمعاتنا الزواج يبدو مرتبط أكثر
بالزمالة
الجيرة
النسابة
الصداقة
صورة
شريط فيديو
حجز عن طريق العائلة
المعارف
أخت صاحبك
أخو صاحبتك
المال أو الجمال
deadline (الإجازة السنوية مثلا)

يعني ..إرتباطات من هذا القبيل..
أكيد زيجات الحب هي الإستثناء..

وعليه
فالسؤال:
عرّستوا/عرستن البتحبوهم ليه؟
وحصلت كيف دي؟
Post: #101
Title: Re: ماعرستوا البتحبوهم ليه?
Author: Muna Khugali
Date: 03-10-2007, 09:32 AM
Parent: #23

Quote: وأنت بس بترد على البوست الزي دي ليه ما تشوف بتاعت السياسة ولا الكورة


اتخارج يا ابراهيم..قول ليها البوست عن عرس 'الكورة'

وسجل اعترافاتك
Post: #28
Title: Re: ماعرستوا البتحبوهم ليه?
Author: الرفاعي عبدالعاطي حجر
Date: 03-08-2007, 12:12 PM
Parent: #1

Quote: أخو صاحبتك

دي حاااااااااااااااارة تب تب تبتبها
Post: #37
Title: Re: ماعرستوا البتحبوهم ليه?
Author: نجوان
Date: 03-08-2007, 12:47 PM
Parent: #28

الرفاعي حجر..
Quote: دي حاااااااااااااااارة تب تب تبتبها
منى خوجلي قالت السؤال للجنسين
ركّز ياخ..
ده حالتو يوم المرأة العالمي؟
Post: #53
Title: Re: ماعرستوا البتحبوهم ليه?
Author: Muna Khugali
Date: 03-09-2007, 07:37 AM
Parent: #28

رفاعي ياحفار..تحفر وتضحك سـاكت..
Post: #30
Title: Re: ماعرستوا البتحبوهم ليه?
Author: خالد تاج السر
Date: 03-08-2007, 12:29 PM
Parent: #1

العزيزة مني

انا غايتو لسة ما عرست
ولسة ما حبيت
Post: #31
Title: Re: ماعرستوا البتحبوهم ليه?
Author: الرفاعي عبدالعاطي حجر
Date: 03-08-2007, 12:30 PM
Parent: #1

Quote: كتلتيني بضحكة والله انت الواحد اكان جاى يشاكلك يضحك ويعاين ليك وبس

أعين فيهو وأضحك وأمشي واجيهو راجع
Post: #34
Title: Re: ماعرستوا البتحبوهم ليه?
Author: khaleel
Date: 03-08-2007, 12:37 PM
Parent: #31

حتي لو تزوجنا البنحبهم

فان الزواج يقتل الحب والفقر يقتل الاثنان معا

وكما قالت نجوان فرق كبير بين الزواج والحب

وبلغة الهندسة فان الزواج مستطيل ولكن الحب دائري
Post: #33
Title: Re: ماعرستوا البتحبوهم ليه?
Author: ismeil abbas
Date: 03-08-2007, 12:34 PM
Parent: #1

ألأختظمنى أنا جاهز


وود وبت الجيران أدليت بدلوى فيه و أنتظرينى فى ده برضو.




ألأخت منى بسأل من صديق لى طولت ما شفته وجيت لندن مره والتلفون الكان عندى كان غلط ساعدينى فى الوصول اليه. إسمه عادل صديق بابكر .مهندس جيلوجى

إسماعيل محمد أحمد عباس
Post: #36
Title: Re: ماعرستوا البتحبوهم ليه?
Author: Muna Khugali
Date: 03-08-2007, 12:41 PM
Parent: #33


Quote: إسمه عادل صديق بابكر .مهندس جيلوجى


إسماعيل

لا أعرفه ولكن سأسأل لك عنه..

Quote: وود وبت الجيران أديناك حقك فيه إنتظرينى



زغبير ...

بطل حركات..

البوست ده غير داك.
.
منتظرنك في الإتنين
Post: #35
Title: Re: ماعرستوا البتحبوهم ليه?
Author: Tabaldina
Date: 03-08-2007, 12:38 PM
Parent: #1

..
.
لازم تحرجونا يعنى !!
فى داعى يا منو للاسئلة الصعبة دى !!؟

_________________________

انا غايتو زى المحارب دا ( الزين )
او كما يقول الصحاب وشى حلو على الجكس
افرفر جنبو طوالى يطير .. فى ثنائية اخرى
Post: #38
Title: Re: ماعرستوا البتحبوهم ليه?
Author: قاسم المهداوى
Date: 03-08-2007, 12:50 PM
Parent: #1

بت الخليفة ازيك
اجابة لسؤالك لانهم شوكشونا وبس



قاسم
Post: #39
Title: Re: ماعرستوا البتحبوهم ليه?
Author: Salah Waspa
Date: 03-09-2007, 03:04 AM
Parent: #38

منى خــوجــلي يــاخي ما تقــعدي ليــك فـي هتــة واهـــد (واحدة) (ماحلفاوي)


زي مـا قــال معــاز خليـتينــا زي التــرزي يـوم الوقــفـة بين بوسـتاتك .



حــسي بالطـريـقة دي بــيــان حــتحــرق لــيها حــلة (فتح الحاء)



نجــي المهــم مبدئــيا أوافــق عصام دهــب ( المغتربين أكبر الكوارث التسونامية

التي تـعــصــف بــأجمــل العــلاقــات الشــريفة وابطــال مفعــولها حتى أسألوا

زيـــدان في الليلة ديــــك ولا أقـــول ليكم أسمعوا الراحل هاشم ميرغني (حان الزفاف)

وهــي أغــــاني شــــاكوشيـة بــكى فــيها كثيرون ولا أذيعكم سـرا أنــا منهــم .



نعــود بالمزيـــد وما شــفنا بيــان يــا منـى الله يســتر





تحـــياتي




التعديل يا منى عشــان ناس ماجدة دخلوا هنا وطنشو البوست الفات (عالم جبانات)




صـــلاح واســبة
Post: #40
Title: Re: ماعرستوا البتحبوهم ليه?
Author: هشام حامد العبيد
Date: 03-09-2007, 03:20 AM
Parent: #38

تحياتي منى

بوست ظريف ... وبناء عليه اسمعي الحكاية دي

صديق صديقي ويدعى كمال وهو من مغتربي جدة .. أعزب وسيم طويل القامة يعمل محاسبا في شركة مرموقة لاينقصه شئ سوى زوجة تؤنس وحدته .. نزل للسودان خمسة مرات خلال ثلاثة سنوات ولم يوفق في العثور على رفيقة الدرب والأسباب عديدة ولكنها كلها تصب في أنها ليست المكتوبة له .. المهم في النهاية قنع صاحبنا وفوض الأمر لله ثم بعد ذلك لأخته نفيسة .. وقال لها إختاري من شئتي ولا ترجعي لي وتمو العقد ورسلوها لي .. لا أريدكم حتى أن ترسلوا لي صورتها .. حالة من اليأس يعرفها تماما من عاني مثله

إختارت نفيسة فتاة على زوقها وعقدوا عليها وزفوها لأخيها طرد إستلام مطار الملك عبدالعزيز بجدة .. أخذ كمال معه صديقه عامر والشلة وإنتظروا وصول العروس .. وبما أنه لايعرف عنها شيئا سوى إسمها وأنها عروس ركزوا أنظارهم على من تبدوا كذلك .. ولكن ذلك اليوم كان هناك أكثر من طرد مرسل .. أخذوا يعلقون عليهم دي حلوة دي شينة دي نص نص .. وجاءت واحدة باهرة الجمال فعلق العريس كمال وقال: العرس دي ما عرس

وبعد برهة سمعوا ضابط الجوازات ينادي بإسمة فذهب له فقال له بإنتظارك واحدة بمكتب الجوازات .. فذهب ليسلمها التاشيرة وعندما دخل المكتب إذا بتلك العروس ذات الجمال الباهر تقف في المكتب أمامه فقال وهو يخرج التاشيرة من جيبه

لكن نفيسة ما بالغت

وصارت مثلا بعد ذلك بين الشلة







القصة اعلاه مقتبسة من هذا الرابط وهو من اطرف ما قرأت في هذا المنبر

حكاوي الغربة ...طرائف ونوادر ......1..العروس الطرد
هشام حامد العبيد
Post: #43
Title: Re: ماعرستوا البتحبوهم ليه?
Author: salma altijani
Date: 03-09-2007, 06:03 AM
Parent: #40

وآدي طوبة

دة محلي محجوز

والله يا منى انا مبارياك من ود الجيران

وعشان السؤال دة موجه للرجال فقط دخلته

كدي نشوف اعذارم شنو ؟

كل زول بجيك بي عذرو لكين ما في واحد بقول امو رفضت

كدي نشوف في زول حا يقولا

متابعين
Post: #42
Title: Re: ماعرستوا البتحبوهم ليه?
Author: صديق الموج
Date: 03-09-2007, 06:01 AM
Parent: #1

Quote: يللا رجـع لي جواباتي..
مصر تحتفظ بيها ليه



منى يا حبى.....تصدقى من يوم ما قلتى لى اعتبر البينا خوة انا حرقت
الجوابات،،،،،
Post: #44
Title: Re: ماعرستوا البتحبوهم ليه?
Author: عزان سعيد
Date: 03-09-2007, 06:11 AM
Parent: #42

العزيزة منى . .

Quote: والبعض يخلط بين المفهومين(الريدة والحب ) كالشاعر الذى سطر أروع (جناس تام) شفته فى حياتى:
(البريدو مالو إتأخر بريدو)
كما إن الريدة تمثل فى بعض الأحيان زوغة لكثير من العشاق الجبناء:الواحد يكون طالع ونازل مع البت و مبورها وموقف سوقها , لمن يعصروهو الشباب (حتخطبها متين ) ؟ يقول ( والله مافى أى حاجة, بريدها بس!)


من البوست ده لو بتذكريهو :

تعريفات معاصرة : الريدة , فورة البطن , وأشياء أخرى !
Post: #45
Title: Re: ماعرستوا البتحبوهم ليه?
Author: Muna Khugali
Date: 03-09-2007, 06:11 AM
Parent: #42

طيب ماكان بالمرة برضه تنسي نمرة تلفوني
Post: #46
Title: Re: ماعرستوا البتحبوهم ليه?
Author: Faisal Al Zubeir
Date: 03-09-2007, 06:26 AM
Parent: #45

الغالية : منى :تحياتي :

سببان :
- شاكوش وقع في الراس .
- قالت عاوزة تقرأ.
Post: #47
Title: Re: ماعرستوا البتحبوهم ليه?
Author: Tara
Date: 03-09-2007, 06:37 AM
Parent: #46

Quote: ماعرستوا البتحبوهم ليه?


منى الحبيبة السؤال دا بشمل النساء برضه؟؟
Post: #48
Title: Re: ماعرستوا البتحبوهم ليه?
Author: Muna Khugali
Date: 03-09-2007, 06:53 AM
Parent: #47

طبعا تارا حـبيبتي ..انتي غاطسة وين?
Post: #49
Title: Re: ماعرستوا البتحبوهم ليه?
Author: عماد محمود علي
Date: 03-09-2007, 06:56 AM
Parent: #47

منـــــــــــو


مساء الخير


عارفه البنحبهم من ما عرفوا أننا بنحبهم بقلوبنا وإنهم سلبونا عقولنا قاموا يتعززوا تقول ليهم يمين يقولوا ليك شمال ، تجيهم بي جاي يمشوا ليك بي هناك ، يعني هسه العذاب ده يامنو في ليهو داعي ( يقطع الحب وسنينه ) غايتو نجضونا نجاض . بس الله غالب ويا ظالم ليك يوم .
Post: #55
Title: Re: ماعرستوا البتحبوهم ليه?
Author: فاروق حامد محمد
Date: 03-09-2007, 07:40 AM
Parent: #49

Quote: ماعرستوا البتحبوهم ليه?



السؤال يا موني ينبغي أن يكون :



ما بتحبوا العرستوهم ليه ؟؟؟؟؟؟؟
Post: #56
Title: Re: ماعرستوا البتحبوهم ليه?
Author: Muna Khugali
Date: 03-09-2007, 08:27 AM
Parent: #55






Quote: السؤال يا موني ينبغي أن يكون :


ما بتحبوا العرستوهم ليه ؟؟؟؟؟؟؟
Post: #50
Title: Re: ماعرستوا البتحبوهم ليه?
Author: علوبه
Date: 03-09-2007, 07:10 AM
Parent: #1



انا الحمدلله عرست الحبيتها وحبتى ولسه بحبهاوبتحبنى
Post: #57
Title: Re: ماعرستوا البتحبوهم ليه?
Author: Salah Waspa
Date: 03-09-2007, 08:27 AM
Parent: #50

الأخ علوبة



طيب كويس مالك كاتبها دقااااااقه كدي




ربنا يديم عليك السعادة وإنت اللي فيهم يا أمر (ياقمر)






صلاح واسبه
Post: #58
Title: Re: ماعرستوا البتحبوهم ليه?
Author: Muna Khugali
Date: 03-09-2007, 08:58 AM
Parent: #57

Quote: ربنا يديم عليك السعادة وإنت اللي فيهم يا أمر (ياقمر)


أيوة..أمر بالستر

اسه مالك هاجم علوبة في سعادته?
Post: #51
Title: Re: ماعرستوا البتحبوهم ليه?
Author: essam&amal
Date: 03-09-2007, 07:17 AM
Parent: #1

منى سلامات يا عسل
نجاوب ولا نمر ساااااااكت
ام وضاح
Post: #52
Title: Re: ماعرستوا البتحبوهم ليه?
Author: Muna Khugali
Date: 03-09-2007, 07:27 AM
Parent: #51

Quote: منى سلامات يا عسل
نجاوب ولا نمر ساااااااكت
ام وضاح



هنا المرور ياحبيبتي بضريبة ..والضريبة كلام..
يللا أحكي
Post: #54
Title: Re: ماعرستوا البتحبوهم ليه?
Author: Mustafa Mahmoud
Date: 03-09-2007, 07:38 AM
Parent: #51

Osman Husein - Wa7at 3eneek ma taz3al


" target="_blank"><...l />
Post: #59
Title: Re: ماعرستوا البتحبوهم ليه?
Author: nourelhadi awad
Date: 03-09-2007, 09:06 AM
Parent: #1

ماعرستوا البتحبوهم ليه?
صعب يامنى نعرسم كلهن
وإنتي عارفة براك الحالة صعبة العيشة مرة
وعشان كدا البلال كب الزوغة
وما بلومو كان مازارة مرة
معليش لو كان في فك تسجيلات
أو إنتقال لاعبين
Post: #77
Title: Re: ماعرستوا البتحبوهم ليه?
Author: Muna Khugali
Date: 03-09-2007, 10:03 PM
Parent: #59

Quote: ماعرستوا البتحبوهم ليه?
صعب يامنى نعرسم كلهن
وإنتي عارفة براك الحالة صعبة العيشة مرة
وعشان كدا البلال كب الزوغة
وما بلومو كان مازارة مرة
معليش لو كان في فك تسجيلات
أو إنتقال لاعبين


نور الهادي ياخطر..
Post: #60
Title: Re: ماعرستوا البتحبوهم ليه?
Author: عزاز شامي
Date: 03-09-2007, 09:10 AM
Parent: #1

منونة
سلامات و8 مارس طيب عليكي وعلينا

السؤال ده رجالي ولا ستاتي؟

علشان نعرف نجاوب عن نفسنا ولا بالإنابة

فتك بعافية ...
Post: #135
Title: Re: ماعرستوا البتحبوهم ليه?
Author: Muna Khugali
Date: 03-23-2007, 01:09 PM
Parent: #60

Quote: منونة
سلامات و8 مارس طيب عليكي وعلينا

السؤال ده رجالي ولا ستاتي؟

علشان نعرف نجاوب عن نفسنا ولا بالإنابة

فتك بعافية ...
وين انت ياحبيبتي يا شبه القمر?
عارفه أمس فرمت طعميه بالفول والبقدونس والشبت والبصل الأخضر..
وبعد كده حمرتها ياحبيبتي وعلي وشها السمسم..
شوفتي ياماما عملت سلطه طحينه..أصله في اكلتين لازم يكون معاهم سلطه طحينه.. الطعميه
المفرومه من الفول والسمك..

المهم..

جبت عيش مدور وحشيتو طعميه وعليها خس وطماطم..
وبعدين سلطة الطحينه..
وقعدت افكر فيك..
أصلك بتفتحي نفسي علي الأكل وعلي الحياه المفرهده..
اذا عايزه تتكلمي ياحبيبتي..أهو أنا قاعده سامعه وكلي آذان مقتحه علي الآخـر وبشوق كمان..
وكذلك هم الزايغين والمتحـدثين ..

أما اذا كان لا..

ولا يهمك.. وأقول معاك بلا حب بلا نيله..كفايه علينا الطعميه

كل سنه وانت وماما وكلم طيبين
Post: #61
Title: Re: ماعرستوا البتحبوهم ليه?
Author: Rawan Hamid
Date: 03-09-2007, 09:20 AM
Parent: #1

Dear Muna
as usual , a great topic
HONESTLY , these are some of the reasons in my opinion although I am not married,
1. A huge percentage of Sudanese men don't marry a girl whom they had a relationship with thinking he wants a girl who never knew a man in her life , the rest of the relationships are for fun and exploration.2. Girls on the other hand ' not all' may have relationships for different reasons but will end up with the guy who can afford a better life and has a greater income .
I am not suggesting men are hypocrites and women are materalistic , and I am sorry if my opinion seems negative , but these are the 2 reasons that came on my mind and will come back for more .
Love and Respect
Rawan
Post: #62
Title: Re: ماعرستوا البتحبوهم ليه?
Author: Muna Khugali
Date: 03-09-2007, 07:09 PM
Parent: #1

إيضا نقول..

السؤال موجه للجنسين علشان تبطلوا حركات ياحلوين

ماعرستوا البتحبوهم ليه?
Post: #63
Title: Re: ماعرستوا البتحبوهم ليه?
Author: عواطف ادريس اسماعيل
Date: 03-09-2007, 07:15 PM
Parent: #62

عشان اختارو ناس غيرنا!!!

وهم أغروهم يخلونا!!!

بقينا لما نشوفهم كمان كأنهم ما عرفونا يوم!!!

ولا طلينا بواديهم !!!

عاجبك كدة يا عسسسسسسسسسل !!!!
Post: #64
Title: Re: ماعرستوا البتحبوهم ليه?
Author: Muna Khugali
Date: 03-09-2007, 07:22 PM
Parent: #63

عاجبني شـديد..
لكن يا توفي ايزين ناقش الأسباب..الناس كلها زايغة
Post: #66
Title: Re: ماعرستوا البتحبوهم ليه?
Author: Muna Khugali
Date: 03-09-2007, 07:34 PM
Parent: #64

Quote: وآدي طوبة

دة محلي محجوز

والله يا منى انا مبارياك من ود الجيران

وعشان السؤال دة موجه للرجال فقط دخلته

كدي نشوف اعذارم شنو ؟

كل زول بجيك بي عذرو لكين ما في واحد بقول امو رفضت

كدي نشوف في زول حا يقولا



Quote: كل زول بجيك بي عذرو لكين ما في واحد بقول امو رفضت

كدي نشوف في زول حا يقولا


شـكرا سلمي..

ده خيط كويس جـدا لبداية النقاش الحقيقي..
وخاصة بالنسبة للرجال.. بإعتبار انهم الذين يمسكون بزمام المبادرة في الزواج
في مختلف بيئاتنا السودانية..
Post: #82
Title: Re: ماعرستوا البتحبوهم ليه?
Author: jini
Date: 03-10-2007, 02:16 AM
Parent: #64

شوفوا يا جماعة نشخصن الموضوع شوية

بيت الخليف العمدة عوض خوجلى
فى حلتنا كنا اسمه بيت السمحين بنوصف بيهو المغتربين ومبدان الرابطة ومركز الشرطة
يعنى نقول للواحد تنزل محطة البراميل بالردمية وتتجه غربا يلاقيك بيت اصفر ناصية ناسو كلهم سمحين ميدان الرابطة حبكون تانى ناصية!
وو عشان كدا أولاد الامتداد مشهورين بالحب من طرف واحد يحبوا وما فى زول بشتغل بيهم الشغلة!
بوست حق كتاحة عديل
كله شواكيش وحزن قديم وشرايط ودبابير!
تحياتى يا منى بت عمى وخالتى
جنى
Post: #65
Title: Re: ماعرستوا البتحبوهم ليه?
Author: الرفاعي عبدالعاطي حجر
Date: 03-09-2007, 07:28 PM
Parent: #1

Quote: انا الحمدلله عرست الحبيتها وحبتى ولسه بحبهاوبتحبنى


احيييييييييييييييك والله

أحبها وتحبني ويحب ناقتها بعيري

تعرف يا صلاح واسبة عنوان موضوع منى القادم انتو سميتو اولادكم بأسماء حبايبكم الاوائل والمباراة

ماشة بس ياواسبة اوعك تقع قاعد خليك واقف
Post: #67
Title: Re: ماعرستوا البتحبوهم ليه?
Author: abubakr
Date: 03-09-2007, 07:42 PM
Parent: #1

Quote: ماعرستوا البتحبوهم ليه?


بسيطة .. البداية كلهن يحبن كلهم وكلهم يحبو كلهن ..يعني انتي ما بتحبي الشوكولاتة ولما تلقي علبة مليانة شوكولا بتحبي تاكليها كلها واللا واحدة واحدة .. واحدة بس واحد بس ..... صعبة دي

اها طرشقت ليكي موضوعك يامني( المرحلة الاولي من الثأر البايت) ؟؟؟
Post: #69
Title: Re: ماعرستوا البتحبوهم ليه?
Author: Muna Khugali
Date: 03-09-2007, 07:52 PM
Parent: #67

Quote: المرحلة الاولي من الثأر البايت


بايت وين?
Post: #68
Title: Re: ماعرستوا البتحبوهم ليه?
Author: أبوذر بابكر
Date: 03-09-2007, 07:51 PM
Parent: #1

إزيك يا منى

كيف الحال

تعرفى الإجابة على السؤال ده، رواية كاملة

عايز "أحنس" صاحبى محسن خالد يكتبها

أنا بديهو الفكرة وهو ينفذ
لأنه ما بعرف أكتب الروايات

طبع "البطل" ما أنا


لكين سؤال صعب بشكل
Post: #70
Title: Re: ماعرستوا البتحبوهم ليه?
Author: عواطف ادريس اسماعيل
Date: 03-09-2007, 08:11 PM
Parent: #68

الناس زايغة ياموني عشان عايزينك إنت اللي تتقدمي وتخطبيهم وتدفعي المهر والشبكة وتعرسيهم وتشيلي
حملك وحمل الأولاد وبعد دة كله يشيلوك جميلة عاجبك كدة يا سكككككككككككر ؟
Post: #71
Title: Re: ماعرستوا البتحبوهم ليه?
Author: Muna Khugali
Date: 03-09-2007, 08:30 PM
Parent: #70

Quote: الناس زايغة ياموني عشان عايزينك إنت اللي تتقدمي وتخطبيهم وتدفعي المهر والشبكة وتعرسيهم وتشيلي
حملك وحمل الأولاد وبعد دة كله يشيلوك جميلة عاجبك كدة يا سكككككككككككر ؟


بس ده طـرف تاني ياتوفي..
النساء يمسكن بأطراف النقاش ويبادرن بفتحها..

ماذا عنكم نصفناالذي يقولون عليه "الآخر"??
Post: #72
Title: Re: ماعرستوا البتحبوهم ليه?
Author: عواطف ادريس اسماعيل
Date: 03-09-2007, 08:48 PM
Parent: #71

مونيييييييييي

ما تنفضي طرفك شديد فلكل قاعدة شواذ ,, عسى ولعل ,, الغربة صعبة يامنى لابد من عصا تتوكئين عليها
وتهشي بها غنمك إذا لزم الحال ,,, أيه رايك يانجمة المنبر ؟؟؟؟
Post: #73
Title: Re: ماعرستوا البتحبوهم ليه?
Author: الطيب شيقوق
Date: 03-09-2007, 09:05 PM
Parent: #72

Quote: ما بتحبوا العرستوهم ليه ؟؟؟؟؟؟؟


الفاروق انت عرااااااااااااااااااااااااااااااااااااااااااااف
الزمن ده الحتاتة بحبوها وبعرسوها طوااااااااااااااااالي الفاروق لكن العاملة تقلة وبتجلس في الحفلة وراء بعيييييييييييييد

انا عايز اجاوب على السؤال بتاع منى لكن خجلالالالالالالالالالالالالان بس انشاء الله تكونوا لماحين وفهمتوا الفي قلبي .

اوعى تلفوا وتدوروا وتضعيوا الزمن بحثا عن الاجابة يا ايها الرجال ؟؟؟؟؟
Post: #81
Title: Re: ماعرستوا البتحبوهم ليه?
Author: Muna Khugali
Date: 03-10-2007, 02:02 AM
Parent: #73

Quote: الفاروق انت عرااااااااااااااااااااااااااااااااااااااااااااف
الزمن ده الحتاتة بحبوها وبعرسوها طوااااااااااااااااالي الفاروق لكن العاملة تقلة وبتجلس في الحفلة وراء بعيييييييييييييد

انا عايز اجاوب على السؤال بتاع منى لكن خجلالالالالالالالالالالالالان بس انشاء الله تكونوا لماحين وفهمتوا الفي قلبي .

اوعى تلفوا وتدوروا وتضعيوا الزمن بحثا عن الاجابة يا ايها الرجال ؟؟؟؟؟



انا ماقاعده افهم يللا ورينا?
الطيب شيقوق دايما زايغ.. خجلالالالالالالالالالالالالان قال!
وأسه فاروق يعمل فبها ما عنده كيبورد عربي والإنجليزي بلخبط..
غايته جنس معاناه!
Post: #74
Title: Re: ماعرستوا البتحبوهم ليه?
Author: nile1
Date: 03-09-2007, 09:08 PM
Parent: #72

الأخ إبراهيم علي
Quote: عشان كده بسألهم برضو ليه ما عرستوا البحبوكم ؟؟؟؟؟

إنت ما تسأل..مني ما مقصره وما محتاجة وكيل..يا تحاوب عديل ويا كمان تورينا عرض أكتافك..هلا..هلا..الحيكومه عندك قويه..الظاهر عينها تولع السجاره..عفيت منها..قال بسأل قال..
Post: #76
Title: Re: ماعرستوا البتحبوهم ليه?
Author: nile1
Date: 03-09-2007, 09:35 PM
Parent: #74

الأخت مني
تحياتي
أنا بصراحة وبالجد كنت خاطب كم سنه وطبعا مرقت من البلد عشان أساعدها في الدراسة وأصلح ظروفي أنا كمان وارجع أتزوج وأول مااشتغلت ربطت أمورها مع مديرهاوقالت في نفسها أنا لسه حأنتظر الأغبش الكحيان داك؟؟؟ المهم الله أكرمني وعرفت الموضوع لكن قلت ياولد ماتتسرع إمشي وإتأكد عشان ما تظلمها وتظلم نفسك..لما مشيت عرفت الحكاية جد..وإبتدت هي في التمهيد لوضع النهاية..ولكن حبت تلعب معاي لعبة القط والفار وتمرمطني قبل ما تقول باي ..ربك رب الخير خلاني عرفت الموضوع وبدت اللعبة معاي بمحاولة إملاء شروط..طبعا أنا كنت شايف الشاكوش الداساهو وراء ضهرها..إتناولت الشاكوش وكسرت راسها قبل ما تفكر ترفعه..وفكيتها عكس الهواء..الغريبه زولها ذاتو أداها شاكوش واتغابي فيها العرفه..حاولت ترجع المويه لمجاريهالكن أنا كنت خلاص..بعجت الجدول وكسرت القله..الغريبه الحكايه دي مرت عليها سنوات طويله وهي لي هسع ما عارفه إني عارف حكايتها..الحكايه أول مره أحكيها..لأني قدام الناس كلهم شلت اللوم وقلت بس أنا الما عاوز اتزوج وإني غيرت رأيئ ولي هسع الناس مفتكرين إني الجاني عليها..والأجاويد الرديتهم لي هسع زعلانين مني..يااااه يا مني..دا تاريخ..منو القال ليك أهبشيهو..تحياتي
Post: #79
Title: Re: ماعرستوا البتحبوهم ليه?
Author: Muna Khugali
Date: 03-10-2007, 00:36 AM
Parent: #76

عارف يالزاكي ...
فترة السبعينات والثمانينات ومابعدها حتي وقتنا الحالي..جاءت بمعاير مادية لتقييم الإنسان طبعا للأسباب السياسية والإقتصادية.. وتحكمت فيها أيضا لحد كبير مجموعة المغتربين واصحاب الأعمال الحرة والوظائف الكبيرة في مصير عدد من الشباب بإدراكهم او بدون ادراكهم في نهاية ارتباطات كتيرة..

لكن أعتقد ان هناك ايضا ضعفا في العلاقة ومفهومها من الأساس..هل نبحث لنفسنا عن شريك بقناعات متكاملة ..ام نبحث في الشريك عن صفات محددة?

هي ربما أحبتك لأنها رأت فيك حلما في مرحلة..ثم فاقت من الحلم الصغير لأنها رأت حلما أكبر ..
يحقق لها طموحا أكثر..لم يكن حب كان 'تشويش حب'..
إحتياج لم يعد حلمها القديم معك بقادر علي ان يشبعه..
Post: #75
Title: Re: ماعرستوا البتحبوهم ليه?
Author: Muna Khugali
Date: 03-09-2007, 09:18 PM
Parent: #72

عارفة يا توفي الموضوع شكله ساهل..لكن هو في الحقيقة معقـد..

ليه?

لأننا لسه بنخاف نتكلم في حاجة مالمفروض تخوف..يعني عارفة..
نوع تجي تكتبي حاجاتك وبحماس..تقومي تخافي (صيغة التأنيث هنا للمثال فقط)!

قبل 6 أشهر تقريبا..أرسلت لي احـدي القارئات لسودانيز أون لاين رسالة..
تحـدثني فيها عن من ارتبطت به عاطفيا وارتبط بها..كان مغتربا في إحدي دول الخليج..
وبدأت بينهم خطط الزواج علي وعـد منه يالرجوع للخرطوم والزواج منها..وبس خلاص اختفي
ولم يحضر للزواج ولم يخبرها بسبب اختفاءه..

أعلم ايضا ان هناك ايضا بيننا نحن النساء من تكن علي علاقة حب بشخص ..
وتقرر فجأة ان لا تتزوجه لأسباب قد لا تبدو مقنعة للغير اوحتي له هو..

ارجع بعد شـوية..الطباعة صعبة شـديد لي كيبورد بكري
Post: #78
Title: Re: ماعرستوا البتحبوهم ليه?
Author: abubakr
Date: 03-09-2007, 11:06 PM
Parent: #1

Quote: ماذا عنكم نصفناالذي يقولون عليه "الآخر"??


المقلب هنا في "النص" ؟ يعني نص حتي لو عايزاه اكتر ما ممكن ولكن هو بحكم "واحد" مستولي عليه من مجتمع ذكوري بساوم علي النص ويعطي اقل او ما يدي ؟؟ " شريك" يامني ؟
شفتي كيف ؟
Post: #80
Title: Re: ماعرستوا البتحبوهم ليه?
Author: الرفاعي عبدالعاطي حجر
Date: 03-10-2007, 01:31 AM
Parent: #1

ماعرستوا البتحبوهم ليه?
عرفتها قبل أن أعرف الهوى ****** فصادف قلبآ خاليآ فتمكنا
(منى)
Post: #83
Title: Re: ماعرستوا البتحبوهم ليه؟ عشــان الأٌغنيـة دي!!!
Author: Haytham Abdulaziz
Date: 03-10-2007, 02:45 AM
Parent: #1

أهــا يا منى الغٌنية دي كيف للبوست دة....؟




كـل الـود...
Post: #84
Title: Re: ماعرستوا البتحبوهم ليه؟ عشــان الأٌغنيـة دي!!!
Author: Muna Khugali
Date: 03-10-2007, 02:54 AM
Parent: #83

حـلوه زي اولادك السكر ديل..



شكرا هيثم
Post: #85
Title: Re: ماعرستوا البتحبوهم ليه؟ عشــان الأٌغنيـة دي!!!
Author: nile1
Date: 03-10-2007, 03:07 AM
Parent: #84

بالمناسبه يا مني في حاجه مهمه جدا فات على أذكرها في مداخلتي الفاتت وهي مقولة عرس البحبك مش البتحبه.الكيس بتاعي بينسف النظريه دي تماما..لأنها هي الكانت مبادره بالحب..يعني مسألة نجاح التجربه مع البحبك أو البتحبك دي ماها صحيحه ميه في الميه..تحياتي
Post: #86
Title: Re: ماعرستوا البتحبوهم ليه؟ عشــان الأٌغنيـة دي!!!
Author: عبدالمنعم الرزوقي
Date: 03-10-2007, 03:38 AM
Parent: #85

بت عمتي مني خوجلي

انتي فات عليك حاجة


( اذا دخل الزواج من الباب خرج الحب من الشباك )

اها عليك الله الجابرنا شنو علي العزاب ده


اخير نعرس البتحبنا
Post: #97
Title: Re: ماعرستوا البتحبوهم ليه؟ عشــان الأٌغنيـة دي!!!
Author: Muna Khugali
Date: 03-10-2007, 06:36 AM
Parent: #86

Quote: بت عمتي مني خوجلي

انتي فات عليك حاجة


( اذا دخل الزواج من الباب خرج الحب من الشباك )

اها عليك الله الجابرنا شنو علي العزاب ده


اخير نعرس البتحبنا



يعني تمرق انت بالباب وتخلي ليها هي الشباك ولا شنو ياعبد المنعم?
Post: #87
Title: Re: ماعرستوا البتحبوهم ليه؟ عشــان الأٌغنيـة دي!!!
Author: Muna Khugali
Date: 03-10-2007, 03:40 AM
Parent: #85

Quote: بالمناسبه يا مني في حاجه مهمه جدا فات على أذكرها في مداخلتي الفاتت وهي مقولة عرس البحبك مش البتحبه.الكيس بتاعي بينسف النظريه دي تماما..لأنها هي الكانت مبادره بالحب..يعني مسألة نجاح التجربه مع البحبك أو البتحبك دي ماها صحيحه ميه في الميه..تحياتي


اوافقك الزاكي..
النظرية شكلها بيكون مقبول في الأول..
لكن الحياة الزوجية بتـون تعيسة اذا واحد بيحب شريكه والتاني لأ..
الأصل ان الحب يفترض ان يكون متبادل..والا فإن كل منا يقود حياه منفصلة في طبيعتها.. حتي وان استمر الزواج كمظهر اجتماعي..
Post: #88
Title: Re: ماعرستوا البتحبوهم ليه?
Author: يوسف الولى
Date: 03-10-2007, 04:10 AM
Parent: #1

الاخت منى

يستحضرنى الان قول نزار

الحب ليس روايه شرقيه
بختامها يتزوج الابطال
لكنه الابحار دون سفينه
وشعورنا ان الوصول محال

ولان الوصول محال
ولاننا لم و لن نصل برغم محاولاتنا المستمره الى اخر يوم لنا فى الحياه

قنا اخير ...... نعرس
عشان ضروريه التناسل والتكاثر والازواج والانفس والتانس والموده والرحمه وووو الخ

وبعد داك لسه بنحاول نصل برغم من ان الوصول محال
لكن........
بعض منا يكتشف من غير ما يقصد انو وصل بعد زواجه
طبعا دا بيكون ساكى ليهو شبح وكان بيجرى فى الاتجاه الغلط.... لكن فى النهايه طلع محظوظ ووصل
وفى ناس بتكون قايله نفسها بعد الزواج خلاص وصلت وانتهى المشوار... لكن بيكتشفو انو لسه وركبو البص الغلط .......

سبب تانى ....
لما تحب بتحب من غير رتوش ومن غييرحساب ومن غير ما تقصد
ولما تعرس بتكون شايل مسطره وقلم وبرجل وبكون معاك ناس البيت وناس الحله والجيران
وفى اغلب الاحيان قلبك يكون عندو مقاس ومسطرتك الشايلا انته وشايلنها معاك الناس تكون مقاسا مختلف تماما

الحب بيمثل 10 % من اسباب نجاح الزواج
والباقى بيكون عوامل اخرى كتيره جدا جدا منها ( الموده والرحمه والسكينه )
تخيلى لو بحب واحده جنها نوم وما تعرف تطبخ وما عندها بالنظافه كتير شغله وعندها انا اهم زول وباقى الناس ( واهلى ) ما عندهم ضروره وحريقه فيهم ....
اها دى كيف اعرسا ....
حتقولى لى حبيتا كيف ... اقول ليك ما عارف فجاءه لقيت نفسى بحبها

وفى سبب تالت
وفى سبب رابع

وعشان كده كلو
ما عرسنا البنحبهم ........
و
تحياتى
Post: #89
Title: Re: ماعرستوا البتحبوهم ليه?
Author: abubakr
Date: 03-10-2007, 04:47 AM
Parent: #1

Quote: لكن الحياة الزوجية بتـون تعيسة اذا واحد بيحب شريكه والتاني لأ..


يعني ما عندوش نظر
Post: #90
Title: Re: ماعرستوا البتحبوهم ليه?
Author: فاروق حامد محمد
Date: 03-10-2007, 05:17 AM
Parent: #89

Quote: انا ماقاعده افهم يللا ورينا?
الطيب شيقوق دايما زايغ.. خجلالالالالالالالالالالالالان قال!
وأسه فاروق يعمل فبها ما عنده كيبورد عربي والإنجليزي بلخبط..
غايته جنس معاناه!
Post: #91
Title: Re: ماعرستوا البتحبوهم ليه?
Author: فاروق حامد محمد
Date: 03-10-2007, 05:30 AM
Parent: #89

Quote: انا ماقاعده افهم يللا ورينا?
الطيب شيقوق دايما زايغ.. خجلالالالالالالالالالالالالان قال!
وأسه فاروق يعمل فبها ما عنده كيبورد عربي والإنجليزي بلخبط..
غايته جنس معاناه!



هي ربما أحبتك لأنها رأت فيك حلما في مرحلة..ثم فاقت من الحلم الصغير لأنها رأت حلما أكبر ..
يحقق لها طموحا أكثر..لم يكن حب كان 'تشويش حب'..
إحتياج لم يعد حلمها القديم معك بقادر علي ان يشبعه..
!






" قال لها : قد لا أكون غنيا وليس لدي سيارة ولا فيللا

ولا مزرعة ولا شركة ولا فلوس مثل صديقي أبي بكر .... ولكني

أحبك أكثر من أي شئ في هده الدنيا ,,,,, نظرت اليه في حنان

وحب لم يعهده من قبل ثم ضمته الى صدرها في حنو بالغ وقبلته

مرات عديدة وقالت بصوت ملؤه الحب والحنان الدافق : إدا كنت

يا حبيبي تحبني حقا وبجد فعرفني على أبي بكر !!!!!!!!!!! "


هي ربما أحبتك لأنها رأت فيك حلما في مرحلة..ثم فاقت من الحلم الصغير لأنها رأت حلما أكبر ..
يحقق لها طموحا أكثر..لم يكن حب كان 'تشويش حب'..
إحتياج لم يعد حلمها القديم معك بقادر علي ان يشبعه..
!





Post: #92
Title: Re: ماعرستوا البتحبوهم ليه?
Author: الطيب شيقوق
Date: 03-10-2007, 05:46 AM
Parent: #91

Quote: الطيب شيقوق دايما زايغ.. خجلالالالالالالالالالالالالان قال!


منى عوض ما تضيعي زمن الناس انتم مدركون تماما السبب لكن مغطين رؤوسكم في الرمال -

الفاروق كان عسكري وما بخاف وبيعرف الجواى خلوهو يقول بس يا منى

مش قال ليك السؤال الصاح هو ما بتحبوا زوجاتكم ليش؟
Post: #94
Title: Re: ماعرستوا البتحبوهم ليه?
Author: رأفت ميلاد
Date: 03-10-2007, 05:48 AM
Parent: #91

Quote: ماعرستوا البتحبوهم ليه?
أيهم فهم كثر

تعلقت بفتاة وتعلقت بآخر وتعلق الآخر بأخرى

دى إلا يتمها ليك أبو جهينة
Post: #96
Title: Re: ماعرستوا البتحبوهم ليه?
Author: abubakr
Date: 03-10-2007, 06:33 AM
Parent: #94

Quote: تعلقت بفتاة وتعلقت بآخر وتعلق الآخر بأخرى


ياخبيبي ..انت بتغطس وين ؟؟ وايه اصلو دييل ساكنيين في حبل غسيل ...كلهم معلقيين ؟
Post: #93
Title: Re: ماعرستوا البتحبوهم ليه?
Author: abubakr
Date: 03-10-2007, 05:47 AM
Parent: #1

Quote: " قال لها : قد لا أكون غنيا وليس لدي سيارة ولا فيللا

ولا مزرعة ولا شركة ولا فلوس مثل صديقي أبي بكر ....


غريبة هو انت كنت معاي وسامية اليوم داك... دة البظبط القالتو بعد ما قلبت الصفحة وقالت انا ماعيزة مغترب ( دة كان في بدايات الاغتراب وصورة المغترب لم تكن جميلة بالذات عند البرابرة الاغتراب كريه فحياتهم مليئة بالغربة) ...ولكن الكلام الفوق دة حل المشكل ...
واها للان لا ماشية ولا لوري ( طبعا عم فاروق بيذكر دعاية بنك باركليز في الستينات في سينما كلوزيوم ووقت الاستعرض-ماقبل الفيلم- والدعاية كانت مسجلة في كينيا فيها واحد فرحان باللوري والماشية بعدما لقي قرض من البنك ) لكن عندنا الاهم هي و بنتيين وولد وانت كلكم...في مزرعة اجمل من كدة وبلا لوري ولا ماشية ...
Post: #95
Title: Re: ماعرستوا البتحبوهم ليه?
Author: معتصم عبدالرحيم
Date: 03-10-2007, 06:25 AM
Parent: #1


حب المدرسة

حب في القطر

حب الجامعة

حب الاهل

حب العمل

كلو ده جّلا... ( ووقعتنا) بت الجيران


وقبيل لمن قلناليك بنلعب في أرضنا ... قلتي علينا زايغيين


شوفتي البوست بتاعك ... حرّك البراكين الخمدت ليها سنيين ...في داعي يا مني


معتصم العربي
Post: #99
Title: Re: ماعرستوا البتحبوهم ليه?
Author: ASAAD IBRAHIM
Date: 03-10-2007, 08:33 AM
Parent: #95

Quote: ماعرستوا البتحبوهم ليه?


والله غلطانييييييييييييييييييييييييين

وسافين التراب

بس ما راحت حاجة

نلحق الباقي

كان يرضو بينا
Post: #100
Title: Re: ماعرستوا البتحبوهم ليه?
Author: sudania2000
Date: 03-10-2007, 08:33 AM
Parent: #95

مني ازيك

هو في سوداني بعرس بحبها؟؟ ولا بتشاغلي فيهم ساي؟؟

ديل لمن يعرسوا بقولوا : صفراء فاقع لونها تسر الناظرين ... يعني ما قال بعيري يحب بعيرها..

وبعدين تعالي هنا .. دي اسئلة تعسفية جدا .. في الشخصية السودانية الحب مكيال لا يستخدم في معايير الحياة ...

والحب .. عندهم شغل شباب وجن اولاد.. والعرس عندهم .. جيب اللحمة و الخضار وصلح المواسير ...

ايش العلاقة الحين بين الاثنين؟؟

لو قلبنا القصة .. البنات تحب زيد تعرس عبيد والقصة تنتهي بالقسمة اختارت .. والنصيب...

الحب لغة روح .. لا يفهمها الجميع .. وبين الرحلتين شتاء طويل وصيف سقيم ...

يعجبني تفاؤلك ... جدا

احلي تعليق هنا : وبلغة الهندسة فان الزواج مستطيل ولكن الحب دائري
Post: #102
Title: Re: ماعرستوا البتحبوهم ليه?
Author: ابوعسل السيد احمد
Date: 03-10-2007, 09:48 AM
Parent: #100



عن الرجال
واحد فيلسوف* قال:
لو كان الرجال لا يتزوجون إلا
ممن يحبون لمات أكثرهم عزابا.

عن نفسي
لي هسعة راجيها ترسو على سواحل
الروح.. ثم تهدهد في النفس ذلك
الشيئ الماجد الذي اسمه الانسانية
and I'll never give up on her

ثم نرسم معا طريقا في هذه الحياة
مبتداه أطفال يقولون ماما.. يابا
نحبكما و نحب هذا الوطن الأمجد بين
الأوطان.

ثمّ...( تعبت )
ـــــــــــــــــــــــ
*واحدين قالوا :بل هو مفكر
Post: #111
Title: Re: ماعرستوا البتحبوهم ليه?
Author: غزلان إدريسي
Date: 03-11-2007, 03:36 AM
Parent: #100

Quote: هو في سوداني بعرس بحبها؟؟ ولا بتشاغلي فيهم ساي؟؟


بالله ؟؟؟..

منى البوست جميل واقتناعي بانو اغلب قصص الحب لا تنتهي بالزواج -عادة-

..بس اللي قالتو سودانية 2000 حرقني عدييييل
Post: #103
Title: Re: ماعرستوا البتحبوهم ليه?
Author: mamkouna
Date: 03-10-2007, 05:19 PM
Parent: #1

Quote: ماعرستوا البتحبوهم ليه?


كان من الصعب أن نعرِس كل من نحب..
لذلك إكتفينا ب عرس...من يحبونا..!!!

--------------------------

دي إجابة زوجنا الممكون على سؤالك يا منى...
كان في داعي..؟؟!!!!
Post: #104
Title: Re: ماعرستوا البتحبوهم ليه?
Author: abubakr
Date: 03-10-2007, 07:46 PM
Parent: #1

Quote: كان من الصعب أن نعرِس كل من نحب..
لذلك إكتفينا ب عرس...من يحبونا..!!!


كلام عقل وبعدين نحب البحبونا ..وحب البحبونا دة جميل ....واصلو ليه ما نحب البحبونا ؟
ياجماعة الدنيا براها بلاويها كتيرة ولولا البحبونا ما بتنطاق والزواج رغم بعض مسالبه عند البعض بجيب لينا البحبونا المهم نعرف كيف نتعامل مع درجات الحب المختلفة مع الزمن ووصول اطراف ثالثة من البنحبهم وبحبونا .... ..
Post: #105
Title: Re: ماعرستوا البتحبوهم ليه?
Author: أحمد الشايقي
Date: 03-10-2007, 11:05 PM
Parent: #1

Quote: ما عرستو البتحبوهم ليه ؟



صديقتي منى

وإثارة الأشـجـان



أحمـد
Post: #106
Title: Re: ماعرستوا البتحبوهم ليه?
Author: وليد محمد المبارك
Date: 03-10-2007, 11:16 PM
Parent: #1

Quote: ماعرستوا البتحبوهم ليه?


القال ليك منو ..
Post: #108
Title: Re: ماعرستوا البتحبوهم ليه?
Author: جمال ادريس
Date: 03-11-2007, 01:38 AM
Parent: #106

Quote: القال ليك منو ..



ايوة القاليك منو يا مني خوجلي ؟؟؟؟
نحنا غايتو عرسنا البنحبهم
ونحمد الله !!!!!!!!!!!!!
Post: #109
Title: Re: ماعرستوا البتحبوهم ليه?
Author: Ibrahim Algrefwi
Date: 03-11-2007, 01:53 AM
Parent: #1

هم ماعرسونا ليه ؟
Post: #110
Title: Re: ماعرستوا البتحبوهم ليه?
Author: bayan
Date: 03-11-2007, 03:11 AM
Parent: #109

في مسرحية المدرسة المختلطة
واحد قال : بالله عمرك سمعت بسوداني عرس البت البحبها..
في راي ان الاهل انفسهم يرون الحب كلام فارغ.
ترفض الام او الاب.. ساكت كدا..
بدون اسباب واضحة بس ولدهم ما يعرس البت دي بالذات..
بعرف ابو قال لولدو الناس ديل ناس كويسين ممكن تعرس بتهم الصغيرة..
بس عشان ولدو اختار البت الكبيرة..
على ايامنا في مثل نكاكي في الخرطوم ونبيض في القرية
الواحد يجي طوالي يكيس بعد يتخرج تسمع بيه عرس فجأة كدا بت خالتو..
المشكلة انه الرجل السوداني بيستهون قصة الحب ذاتها ولا ياخذه بجدية
ولكن لا يمانع في البكاء على الاطلال.. ودي فنان فوقها..
واحد صاحبنا كان بيحب واحدة
كل يوم بيستحمى نضيف ويمشي عشان يكلمها ويجي راجع منهزم...
المهم البت خطبوها لما انتظرتو وما قاليها
بعداك قالي والله احسن ليها انا زول معولق ساكت.
فقلت ليه انت ما حبيت البت دي..لانه لو حبيتها
على الاقل اسع تكون زعلان من خيبتك
قال لي الله كيف والله زعلان جنس زعلة
كل يوم بسكر..
اها العينة دي منتشرة شديد بيكون عايز يبرر سكرو يخلي نفسه يدوه شاكوش..
وانا اعتقد ان الحب طفل يتيم في السودان..
Post: #112
Title: Re: ماعرستوا البتحبوهم ليه?
Author: Mohamed Adam
Date: 03-11-2007, 04:36 AM
Parent: #1

Quote: ماعرستوا البتحبوهم ليه?
عشان بنحيها كتير!
Post: #113
Title: Re: ماعرستوا البتحبوهم ليه?
Author: فاروق حامد محمد
Date: 03-11-2007, 10:19 AM
Parent: #112

Quote: ماعرستوا البتحبوهم ليه?



ولمادا نحب ولمادا نعرس ؟؟؟؟؟؟؟؟
Post: #114
Title: Re: ماعرستوا البتحبوهم ليه?
Author: Muna Khugali
Date: 03-11-2007, 08:21 PM
Parent: #113

سلام للجميع ..

الناس العرست البتحبها ألف مبروك وربنا يسعدكم دائما ..
وجاييكم بوست براكم..

والسؤال مازال فـاليد..

ليه ماعرستوا البتحبوهم?
Post: #115
Title: Re: ماعرستوا البتحبوهم ليه?
Author: Muna Khugali
Date: 03-11-2007, 10:13 PM
Parent: #114

Quote: ولمادا نحب ولمادا نعرس ؟؟؟؟؟؟؟؟


سـؤال وجيه يافاروق..
ومافي أحسن منك يجاوب عليه..
بوصفك جربت الإتنين..
أو علي الأقل واحـد فيهم..
أها قلت شنو يالفاروق?
Post: #116
Title: Re: ماعرستوا البتحبوهم ليه?
Author: السمؤال بدرالدين
Date: 03-11-2007, 11:02 PM
Parent: #1

الجميلة بت خوجلي
وانا في تانية ثانوي عشت قصة غرام جميلة لحد الجنون
عليكي الامان اول زول اتقدم ليها ابوه تاجر كبير اسي فلس لاني
دعيت عليهو
جيت من المدرسة اسمع ليك الزغروته قاجة افو الحاصل شنو يا ناس
قالوا فلانة خطبوها
سجم الحديث انا رحته شمار في مرقة يعني
ما عندي طريقة انا طالب وابوي صعب جدا
اها الرماد كال حماد
السؤال ايضا محول للجنس اللطيف
تسلمي
Post: #117
Title: Re: ماعرستوا البتحبوهم ليه?
Author: رأفت ميلاد
Date: 03-11-2007, 11:08 PM
Parent: #116

Quote: ماعرستوا البتحبوهم ليه?
سلمى لى عليهن
وبلغى شوقى وحبى الزايد
وقولى ليهن
يعرس ركابيهن
Post: #118
Title: Re: ماعرستوا البتحبوهم ليه?
Author: الطيب بشير
Date: 03-12-2007, 02:56 AM
Parent: #117
Post: #134
Title: Re: ماعرستوا البتحبوهم ليه?
Author: Muna Khugali
Date: 03-17-2007, 04:42 AM
Parent: #116

Quote: الجميلة بت خوجلي
وانا في تانية ثانوي عشت قصة غرام جميلة لحد الجنون
عليكي الامان اول زول اتقدم ليها ابوه تاجر كبير اسي فلس لاني
دعيت عليهو
جيت من المدرسة اسمع ليك الزغروته قاجة افو الحاصل شنو يا ناس
قالوا فلانة خطبوها
سجم الحديث انا رحته شمار في مرقة يعني
ما عندي طريقة انا طالب وابوي صعب جدا
اها الرماد كال حماد
السؤال ايضا محول للجنس اللطيف
تسلمي



كويس ياسمؤال انك دعيت لي أبوه علشان يفلس!
إتخيل المنظر..
يعرس حبيبتك وكمان روشه تكون كتيره?
ليه?
مافي عـداله يعني ولا افترا أصله?
عنـدي خالتي ياسمؤال ..كل مازول يعمل حاجه تعجبها..تقول ليه

جـدع!
وأنا عجبتني دعوتك علي أبوه لأنه هو الأكيد المشي خطبها لولده وحزن قلبك وانت لسه في المدرسه..علشان كده بقول ليك..

جـدع..

حبيت تاني ولا ديك وخلاص??
Post: #120
Title: Re: ماعرستوا البتحبوهم ليه?
Author: هشام المجمر
Date: 03-14-2007, 01:38 PM
Parent: #1

عارفة يامنى خوجلى

إنت بتاعة مشاكل..

حسع فى داعى للسؤال ده..

واحد صاحبى عرس بعد حب استمر 6 سنوات ...الزواج إستمر خمسة بس

واحد صاحبى تانى عرس البحبها بس هو كان حابى قبلها كتار.. كل مرة يلاقينى يقول لى الحمدلله الما عرست فلانة العسل ديك.....لو عرستها كان حسع باخت لى وفلانة ديك ما شكل البوخة!!!!!!!!!!
و يختمها بقولو: تعرف يا هشام أحب البنات هن الما عرسناهن!!

وجاييك راجع للنقاش الجد.
Post: #122
Title: Re: ماعرستوا البتحبوهم ليه?
Author: Hani Arabi Mohamed
Date: 03-14-2007, 07:21 PM
Parent: #1

لأننا عرسنا ناس بيحبوهم ناس تانين
Post: #123
Title: Re: ماعرستوا البتحبوهم ليه?
Author: Muna Khugali
Date: 03-14-2007, 10:41 PM
Parent: #122

Quote: لأننا عرسنا ناس بيحبوهم ناس تانين





'الزول التاني'
Post: #125
Title: Re: ماعرستوا البتحبوهم ليه?
Author: nourelhadi awad
Date: 03-15-2007, 00:01 AM
Parent: #1

أشعلت سجارة مارلبورو أبيض
عدلت من جلستي وسندت ظهري قليلا إلى الوراء
حتى تصبح يدي وترا جيد التوصيل لإلكترونات الفكرة
كانت حبيبتي تعتصم بالأفق .. عند بداية الشروق
كلما تقدمت صوبها تباعدت
وكلماتبعت خيوط ضوئها باقتني الغروب
أحببت ليلى سكنت عينها غطتني برمشها.. فنمت
أحببت سلمى لروحها.. ولماها مكمن الرحيق.. وقد سكرت
توزعت حبيبتي بين ليلى وسلمى
دلقت لوني في مفترق البين بين
جمعت حبات الحصى رممتهاكما في خاطري
ووهبتها من لزوجة الريق التماسك
وأسميتها حين إكتمال القمر
عشتار الإستحالة
وقد نفد الحصى
وأصاب معين الريق الجفاف
.......................................
سكنت ريشتي واستباحت الحروف
أعطتني الحلم والخيال
ولازلت أنتظر جحافلها المجيئ
فهل يتجسم هيولها؟؟؟
وقد لاأريد
أتري هل جبنت
أم قد تعشقت الخيال
Post: #126
Title: Re: ماعرستوا البتحبوهم ليه?
Author: بهاء بكري
Date: 03-15-2007, 00:09 AM
Parent: #1

Quote: ليه ماعرستوا البتحبوهم?


عشان نحبهم
Post: #130
Title: Re: ماعرستوا البتحبوهم ليه?
Author: Muna Khugali
Date: 03-17-2007, 00:10 AM
Parent: #126

Quote: ليه ماعرستوا البتحبوهم?



Quote: عشان نحبهم


إيه رأيك يابهاء اجابتك دي مقنعة جـدا?!

ياربي هاتفضفض ولا نستي بوست الحب?
Post: #127
Title: Re: ماعرستوا البتحبوهم ليه?
Author: celecon
Date: 03-15-2007, 07:15 AM
Parent: #1

wrong post
sorry!!
Post: #128
Title: Re: ماعرستوا البتحبوهم ليه?
Author: salma subhi
Date: 03-15-2007, 07:23 AM
Parent: #127

منى خوجلي


عساك بالف خير...سؤال في الصميم؟؟؟؟

رجعتي ناس المنبر للذي مضى!!!!!

مودتي
Post: #129
Title: Re: ماعرستوا البتحبوهم ليه?
Author: sudania2000
Date: 03-16-2007, 11:22 PM
Parent: #128

Quote: ..بس اللي قالتو سودانية 2000 حرقني عدييييل



صديق اتصل وتسال بالله دا رايك فينا؟؟

المهم انتو رايكم في روحكم شنو؟؟
Post: #131
Title: Re: ماعرستوا البتحبوهم ليه?
Author: jini
Date: 03-17-2007, 01:35 AM
Parent: #129

منى بت عمى عوض وخالتى جارة

اجمل قصص الحب التى خلها التاريخ لانها لم تنتهى بالزواج لا حظى يا منى كلمة تنتهى دى وختى تحتا خطين وبى كدا الواحد يكون عندو حزن قديم وحائط مبكى شماعة يعلق عليهو خيباتو وتانىفرصة للزوجة عشان تغير منها!
غايتو نحن هرينا قلبنا ولم ننهزم بقينا نحب بابو ااد مام !
يقطع الحب وسنينه!
غايتوا الشواكيش الأخدنا ها فوق راسنا الوتد ما ضاقا!
اصلوا اخوك جنى بدا الشغلانة بدرى وكلما ننشبك لينا فوق واحدة يعرسوها يعنى ولا الزين بتاع الطيب صالح! غايتوا فى الدنيا دى عدينا كترة نجوم!
جنى
Post: #132
Title: Re: ماعرستوا البتحبوهم ليه?
Author: عفاف أبو حريرة
Date: 03-17-2007, 02:20 AM
Parent: #129

Quote: أشعلت سجارة مارلبورو أبيض
عدلت من جلستي وسندت ظهري قليلا إلى الوراء
حتى تصبح يدي وترا جيد التوصيل لإلكترونات الفكرة
كانت حبيبتي تعتصم بالأفق .. عند بداية الشروق
كلما تقدمت صوبها تباعدت
وكلماتبعت خيوط ضوئها باقتني الغروب
أحببت ليلى سكنت عينها غطتني برمشها.. فنمت
أحببت سلمى لروحها.. ولماها مكمن الرحيق.. وقد سكرت
توزعت حبيبتي بين ليلى وسلمى
دلقت لوني في مفترق البين بين
جمعت حبات الحصى رممتهاكما في خاطري
ووهبتها من لزوجة الريق التماسك
وأسميتها حين إكتمال القمر
عشتار الإستحالة
وقد نفد الحصى
وأصاب معين الريق الجفاف
.......................................
سكنت ريشتي واستباحت الحروف
أعطتني الحلم والخيال
ولازلت أنتظر جحافلها المجيئ
فهل يتجسم هيولها؟؟؟
وقد لاأريد
أتري هل جبنت
أم قد تعشقت الخيال


نور الهادي لانك فنان ومرهف تقطيك ليلي برمشها
وتفديك سلمي بروحها وتعشقك عزه السودان
والحياه تتعطش لي حرفك
عفاف ابوحريره
Post: #133
Title: Re: ماعرستوا البتحبوهم ليه?
Author: عفاف أبو حريرة
Date: 03-17-2007, 02:34 AM
Parent: #132

مني والله انت زي صباح العيد
دائما انتي والضحكه اخوات
نحنا الحمد لله عرسناالبنحبهم وحبونا
كميات محبه من حقت ابو الحسين
ياحبيبه انتي عفاف
Post: #136
Title: Re: ماعرستوا البتحبوهم ليه?
Author: الطيب شيقوق
Date: 03-25-2007, 08:55 AM
Parent: #133

This is very subjective ya Munaaaaaaa


All the best

Shaigoog
Post: #137
Title: Re: ماعرستوا البتحبوهم ليه?
Author: Muna Khugali
Date: 03-25-2007, 10:41 AM
Parent: #136

Quote: This is very subjective ya Munaaaaaaa


All the best
Shaigoog

بعيد عنك بقي يالطيب أخوي...مخي تخين شويه..لأ ما شـويه 'الكدب خيبه'..تخين كتير

ما فهمت كلامك..
Post: #138
Title: Re: ماعرستوا البتحبوهم ليه?
Author: الطيب شيقوق
Date: 03-25-2007, 10:54 AM
Parent: #137

Quote: ما فهمت كلامك..


حاشاك انت لماحة

بس اعني انو الموضوع ذاتي بحت وغير خاضع لمعايير موضوعية
Post: #139
Title: Re: ماعرستوا البتحبوهم ليه?
Author: Muna Khugali
Date: 03-25-2007, 12:15 PM
Parent: #138

Quote: حاشاك انت لماحة

بس اعني انو الموضوع ذاتي بحت وغير خاضع لمعايير موضوعية



ماهو الموضوعي وما هو غير الموضوعي؟
واساسا لو الناس كلها متفقه علي أساس واحد وتري الموضوعيه بنفس المعيار.. كان بيكون
في معني ومحل للاختلافات؟
ولا كان في أي زول فتح ليه موضوع بتاع نقاش؟

ولا كان أنا كتبت البوست ده؟

اسه انت موضوعيتك زي موضوعيتي؟

ولا الناس العرست البتحبها ظروفها وموضوعيتها زي الناس الماعرست البتحبها؟

اسه انت لو شايفني لماحه كان كان جيت بتعليقك ده؟
ولا بس علشان شايفني قرده؟ زي دي
Post: #140
Title: Re: ماعرستوا البتحبوهم ليه?
Author: الطيب شيقوق
Date: 03-25-2007, 03:25 PM
Parent: #139

Quote: اسه انت لو شايفني لماحه كان كان جيت بتعليقك ده؟


منى انتي قصدك معاى شنو انا كلما اجي متحمس اعمل مداخلة القاك ملصقة لى قرد - شوفتي انا تاني ما بعتب علي بوستاتك الا تسحبي الشغلانيات دى كلهااااااااااااااا

ولا لماحة ولا اى حاجة الا بعد تسحبي الحاجات دى
Post: #141
Title: Re: ماعرستوا البتحبوهم ليه?
Author: Muna Khugali
Date: 03-25-2007, 04:46 PM
Parent: #140



خلاص طيب ماتتغاظ....
خليك انت الكبير...
Post: #142
Title: Re: ماعرستوا البتحبوهم ليه?
Author: ismeil abbas
Date: 03-25-2007, 09:02 PM
Parent: #1

فوق
Post: #143
Title: Re: ماعرستوا البتحبوهم ليه?
Author: Muna Khugali
Date: 03-25-2007, 09:49 PM
Parent: #142

كـده تمام يااسماعيل عباس..
يخليك ويسعـدك يارب..

بجيكم راجعه
Post: #144
Title: Re: ماعرستوا البتحبوهم ليه?
Author: الطيب شيقوق
Date: 03-26-2007, 04:59 AM
Parent: #143

Quote: خلاص طيب ماتتغاظ....
خليك انت الكبير...


ما كلمونى بالمفاجآت دى متى هذا التحول من الشمولية للديموقراطية اللذيذة ؟