Quote: الحزب الشيوعي كتير قاعد يستغنى عن البروس ويقول ليك ببساطة: ياخي ديل ما عندهم علاقة بالحزب..!
|
+ كبر يأ ساتذانا والمجرات المجاورة على درب التبانة.
خسمناك بي الله بس "بروس " دي تقوم بي و أخد سندة
ونقول لسيد الخيت ول أبا بريمة" يا السغيرون تعال راجع "
نشرحا لناس الخرتوم اليتاففوا من ناس الضهاري ديل ، انو
البروس دا عبارة عدار أو نباتات وحشائش طفيلية متل (البودة)
واللي هي زهور زاهية الألوان لكنها ضارة بالمزروعات تمامن
كشأن "خضراء الدِّنمَن" يعتي بالعربي الفسيخ عديل كدا ، كالآتي :
♤ "بروس" يعني لامن الواحد من هؤلاء يكون مندرعلو في ضنب
ككو وماشي أطُرُشْ في زفة. و باقية حالتو أسوأ من تلاتة تنافر تدعي
أم رخم الله تفوقها عليهم حضارياً، و رفعت بذلك دعوى لدى خوفي عنان
ثم " بوكيمون عصبة عِمم الملايات الملتحفة العمريكانية" ، كان السيد / بان
غي مون و هديك لسة مجمبعة فوق طربيظة آخر خلافئهم/ غو طير إيش
حيت حجتجت فيها : ضد هم و التلاثة و أساميهم كالآتي:~
1) الإدلى البحر و جانا راجع بي جنابتو ؛
2) و لا داك الباني بيتو و ساكن مضايق نسابتو؛
3)و لا كمان داك المحكَّر وسط اللمة و لسة قاعد
يسأل شن قالت رفاقتو؟!!.
● و طبعن السيدة/ أم رخمو ما قالتم كولهم.
فقد أحجمت ، أو بالأصح ألجم لسانها عنوة و اقتداراًعن
كشف شبيه رابع لجماعتها التلاتة . ألا و هو شعب بلادي المغلوب
على أمره (الغنماية تأكل عشاءه) . ومعلق مصيرو على طوطحانية
عسكر و حرامية؛ و معروف طبعن إنو حذف الفاعل إما يكون بدافع
الخوف منه ،أو الخوف عليه . و لعلها بس تكون قد ضحت بينا و أخذت
بالأخرانية دي، خوفاً على ضنبا.غايتو ، نحن فالحين ليك بس في نصب
المتاريس وانتفاضات الهُتاف الفضفاض ب(المناديل) نشهرها ناصعةً
بيضاءَ من غير سوءٍ. و كلما نقوم نتنفض، تنزل علينا كتاحة غبارٍ كثيفٍ
يفضل مكدك فينا سنين و دنين. بعدين ما براهم ، وراهم ناس "تمساح
الأربعين، يا مكدكنايبك سنين نادر ود بدُر الفي أم ضُبان ساسك
متين" فشنو بالله قوللهم ما تخلونا الواحد يتكلم ساكت.