الفيديو المرفق في أول مداخلة .. أنتم ما قاعدين تستمعوا ليهو ولا شنو؟ ..
المراسلة قالت بعد ضرب 4 من المعتصمين .. قرر منفذي الأعتصام ... تمديد الأعتصام في كل مدن السودان.
مازال سؤالي قائم: كيف للمثقف السوداني .. أن يحتوي هذا المأزق .. أم أنتم متفرجون؟
أراكم نرفعوا مذكرة جماعية لمجلس الأمن .. وأخري للأمم المتحدة .. وثالثة للرئيس بايدن وأخري للكنغرس الأمريكي .. بما يراه الناس مناسباً لدرأ التطور المتنامي .. والذي أصبح خطيراً بمعنى الكلمة بعد ضرب المعتصمين.
بريمة
10-19-2021, 01:00 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
بريمة تاني مرة...سؤال ليك ليه مشيت امريكا بلد الحريات و الديمقراطيات و ماعايز اهلك ينعموا ببعضا منها ، لانهم لا يستاهلون مثلا لأنك منفصل تماما. عايز السودانيين في السودان يكونوا تحت الحكم الشمولي وهنا عندي ملاحظة انك تفكر بنفس ذهنية العاملين جوطة الآن و هم من( مناطق معينة)...هل في غبائن معينة ضد الشعب السوداني.
قاعد في و اشنطن و تستكثر على الشعب السوداني ان ينعم على الاقل بالديمقراطية و الحقوق المتساوية و العدالة
زول متنعم بنعيم الخواجات و يشتم فيهم و ينتقد حياتهم و يستكثر على السودانيين داخل السودانيين ان يتعايشوا و على الاقل ينعموا بي 1من مليون من الذي تنعم به.
انتا ما طبيعي و الله... القصة وراها حاجة ما عارفها عيب و الله...اخجل
10-19-2021, 02:17 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: أراكم نرفعوا مذكرة جماعية لمجلس الأمن .. وأخري للأمم المتحدة .. وثالثة للرئيس بايدن وأخري للكنغرس الأمريكي .. بما يراه الناس مناسباً لدرأ التطور المتنامي .. والذي أصبح خطيراً بمعنى الكلمة بعد ضرب المعتصمين
تحية و سلام يا بريمة
متابعين بوستاتك و أنت تنقل بالصوت و الصورة تطور الأحداث في السودان. ( الكتابة بالموبايل صعب .. هذه الأيام في اليابان .. لكن متابع الأخبار و بالذات مثل بوستاتك هذه(
الدباب محمد سليمان كوز الترابي المأفون أصلاً مهما تحاول تتخفى وراء الأغطية الما بتغطي تجي وتفضح نفسك براك يا للخزي والعار لكل أنصار الثورة المضادة والجيل الجديد دا أوعي من أن تتغبش أفكاره بمثل شعاراتكم وإعتصاماتكم وعسكركم والمال المبذول لأنجاح هزيمة الثورة
سلام محمد سليمان وبالتوفيق في بلاد الشمس المشرقة على المدى القريب قد يعتقد مناوي أنه في الجانب المنتصر ولكن على المدى البعيد أعتقد أنه سيكون الخاسر الأكبر وما تجربة مصر والسيسي في مظاهرة ٣٠ يونيو التي شرعنت الإنقلاب عبرة الان من قاموا بها يرزحون في السجون وآخرون آثروا الصمت المراهنة على العسكر دائماً خاسرة
10-19-2021, 04:30 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
بريمة الناس ديل جابوهم بالقروش و دفعوا ليهم. الفيديوهات كلنا شفناها ده مخطط مصروف عليهو ما دايرة درس عصر خليهم يجيبو قطر عطبرة... لو بقدروا يشمل السودان شنو .... المحرش ما بكاتل سمعت بالمثل ده حتي الخيم قالوا من الاغاثة الجات من قطر 2018 الحاصل ده انقلاب بشكل جديد و مصيره الفشل لانو مافي أقوى من إرادة الشعب و الشعب قال كلمته و ح يقولها تاني ....
10-19-2021, 05:32 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
سلام أعتقد إن بريمة عنده غرض من هذا البوست، و هو أنه يريد أن يرفع البوست بعد مواكب يوم 21 أكتوبر و بعد أن يتم ضرب المتظاهرين بالرصاص و السلاح الأبيض و البمبان و قتل عدد كبير منهم(لا قدر الله)،و تكتمل الخطة بالإعتداء على الوزراء و سيطرة الجيش و فرض الطوارئ. سيأتي بريمة ليقول I told u so
10-19-2021, 05:46 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 2806
Quote: بريمة تاني مرة...سؤال ليك ليه مشيت امريكا بلد الحريات و الديمقراطيات و ماعايز اهلك ينعموا ببعضا منها ، لانهم لا يستاهلون مثلا لأنك منفصل تماما. عايز السودانيين في السودان يكونوا تحت الحكم الشمولي وهنا عندي ملاحظة انك تفكر بنفس ذهنية العاملين جوطة الآن و هم من( مناطق معينة)...هل في غبائن معينة ضد الشعب السوداني.
قاعد في و اشنطن و تستكثر على الشعب السوداني ان ينعم على الاقل بالديمقراطية و الحقوق المتساوية و العدالة
زول متنعم بنعيم الخواجات و يشتم فيهم و ينتقد حياتهم و يستكثر على السودانيين داخل السودانيين ان يتعايشوا و على الاقل ينعموا بي 1من مليون من الذي تنعم به.
انتا ما طبيعي و الله... القصة وراها حاجة ما عارفها عيب و الله...اخجل
بالجد يا أخي، ما قادر أفهم شيئ معين في كل المنبر .. أنظر: أنا وأبو الريش وجاءت الأخت أمنه مختار بعد غيبة .. وقفنا وقلنا كل ما يحصل في شرق السودان .. جزء لا يتجزأ من قضية أساسية هى قضية التهميش سواء في دارفور أو جنوب كردفان أو النيل الأزرق أو الشمالية .. وهى في الأساس مشكلة إدارة موارد الدولة .. و دا حوار طويل .. لكني خلينى أختصره لك .. السيد رئيس الوزراء من منطقتنا .. قريتنا وقريتهم علي مرمي حجر .. لو نزلت السودان ممكن أجيب ليكم أسماء أهله نفر نفر .. ليه أنا أذهب وأقف مع الناظر ترك في شرق السودان إذا كان المسألة قبلية ..؟ ليه أنا أقول أن القائد مناوي يتحدث الحقيقة وبوضوح أكثر من غيره .. من كشف كواليس المشكلة أكثر من القائد مناوي في قناة الهلال ..؟ كلام واضح وصريح .. إذا المسألة قبلية لماذا لا اقف مع أهلي في كردفان وأقول مناوي دارفوري؟
لكن كلام القائد مناوي أو دكتور جبريل او القائد حميدتي فقط.. ليس هو من يجعلني أقف معهم .. لا .. القصة ومافيها أنا واحد من الناس أبحث عن إعادة هيلكة لعلاقة بين المركز والهامش من ناحية إدارة الموارد .. قسمة عوائد الموارد التنموية .. المركز ما عايز يعطي الأقاليم حتى لو جزء من عوائد مواردها .. تجميع الثروة في المركز هو سبب من أسباب ترهل المركز وأستشراء الفساد والمحسوبية ونمو رأس المال الطفيلي علي حساب أصحاب الحق ..أنتم تبنوا مشروع إعادة توزيع الثروة والتنمية بصورة صحيحة إن لم تجدوني أهلل لكم! هؤلاء القادة قضيتهم تصب في هذا الأتجاه .. إذن يمثلوني أكثر من ولدنا السيد دكتور حمدوك .. وهنا تظهر المبدئية ..
الغلط غلط .. ويجب أن يصحح .. هؤلاء القادة رأوا نفس الشيئ السائد منذ الأستقلال .. مكاوشة كل شيئ لصالح المركز .. الديمقراطية لا تأتي بدون عدالة في الحقوق ..
الكلام كتير .. أتمنى أن أكون أفدت في مداخلتك ..
بريمة
10-19-2021, 05:52 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: الفلولي، الزواحفي، جريقيس نظام الفسقة، الجنجويدي سليل المراحيل: اها، قتا لي حراك مملكة ال دقلو تمدد ليشمل السودان؟ هكذا عقلية حمبرات الوعي القبلي، دائما وابدا محدودة!
قول ما شئت ..! لكن السؤال: هل يحق لي أن أبدي رأي فيما يجري دون وصايتك؟ فإن كانت الأجابة بنعم .. فإذن هذا هو رايي في الحاصل .. سواء عجبك أم لا يعجبي لا يهمني ..
بريمة
10-19-2021, 06:03 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
متابعين بوستاتك و أنت تنقل بالصوت و الصورة تطور الأحداث في السودان. ( الكتابة بالموبايل صعب .. هذه الأيام في اليابان .. لكن متابع الأخبار و بالذات مثل بوستاتك هذه
حراك الأعتصام .. حراك متنامي ..
تابع الأتي:
بريمة
10-19-2021, 06:08 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: الدباب محمد سليمان كوز الترابي المأفون أصلاً مهما تحاول تتخفى وراء الأغطية الما بتغطي تجي وتفضح نفسك براك يا للخزي والعار لكل أنصار الثورة المضادة والجيل الجديد دا أوعي من أن تتغبش أفكاره بمثل شعاراتكم وإعتصاماتكم وعسكركم والمال المبذول لأنجاح هزيمة الثورة
هذه لغة ليس فيها تصالح مع الأخر .. وهى لغة تؤشر لأزمة .. أستهدئ وركز معنا .. كلنا أراح نقول لا تراجع عن الديمقراطية .. والحل السلمي هو الطريق إلي الأمام في كل قضايا الشعب السوداني ..
أصعب شيئ في السياسة هى تخوين الأنسان الذي يناوئك ومحاكمة نواياه .. نخرج من محاكمة النوايا ونقول كلنا سودانيون ويحق لنا أن ندلوا بدلونا في الحاصل .. من اصاب له أجر ومن أخطأ له أجر المحاولة.
بريمة
10-19-2021, 06:09 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
يا بريمة حميدتي،جبريل و مناوي إذا كان قصدهم سلام و عدالة توزيع الموارد، لماذا صنعوا مسار الشرق ؟و لماذا لم يحلو المسار حتى الآن؟ أليس هو سبب إغلاق الشرق؟ الديمقراطية هي الضامن الوحيد للعدالة و استرداد الحقوق، و ليس الجيش و السلاح. الإجندة الأخرى التي تعقد المشهد هي هروب برهان و حميدتي و اللجنة الأمنية من العدالة التي تكفلها الديمقراطية لذلك يشيعون الفوضى
10-19-2021, 06:21 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: بريمة الناس ديل جابوهم بالقروش و دفعوا ليهم. الفيديوهات كلنا شفناها ده مخطط مصروف عليهو ما دايرة درس عصر خليهم يجيبو قطر عطبرة... لو بقدروا يشمل السودان شنو .... المحرش ما بكاتل سمعت بالمثل ده حتي الخيم قالوا من الاغاثة الجات من قطر 2018 الحاصل ده انقلاب بشكل جديد و مصيره الفشل لانو مافي أقوى من إرادة الشعب و الشعب قال كلمته و ح يقولها تاني ....
ول أبا الصاوي، هذه هى ال thesis بتاعتك لكن لا أدري أنت عايز تقنع نفسك أو تنقع الأخرين ..؟ أنا غير مقتنع ولدي وجهة نظر أخري .. هى أن الحراك genuine وله أهداف هى توسيع قاعدة المشاركة ..
بريمة
10-19-2021, 06:32 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: سلام أعتقد إن بريمة عنده غرض من هذا البوست، و هو أنه يريد أن يرفع البوست بعد مواكب يوم 21 أكتوبر و بعد أن يتم ضرب المتظاهرين بالرصاص و السلاح الأبيض و البمبان و قتل عدد كبير منهم(لا قدر الله)،و تكتمل الخطة بالإعتداء على الوزراء و سيطرة الجيش و فرض الطوارئ. سيأتي بريمة ليقول I told u so
هذه هى محاكمة النوايا التى أتحدث عنها ..
هذا حراك لأبناء الشعب السوداني .. سواء أختلفي أو أتفقتي معهم هم سودانيون .. كيف تديري أختلافك معهم .. هذا هو المحك؟ ..
كن بقينا في التصفيات الجسدية تمت تصفية أكثر من مليوني ونصف مليون .. هل حلت المشكلة؟
بريمة
10-19-2021, 06:38 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
إذا الهدف هو توسعة المشاركة،فلماذا لم يقبلوا مباشرة رئيس الوزراء؟ حكم الجيش ما عنده غير التصفية و الحروب،لا ديمقراطية لا عدالة لا إدارة الأقاليم لمواردها و من يهتفون لتفويض الجيش و الدعم يعلمون ذلك.إذا أتفق الجميع على الديمقراطية فليتنازل الجيش و يسلم السلطة للمدنيين كما نصت الوثيقة.بشرط ان لا تكون المشاركة باب خلفي لعودة الكيزان .
10-19-2021, 06:41 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9217
المراسلة قالت بعد ضرب 4 من المعتصمين .. قرر منفذي الأعتصام ... تمديد الأعتصام في كل مدن السودان ---------------------------------------------------------------------------------------------------------------- بريمة دى النجيضة الجبتها؟ يا لسقوطك تفوقت على عمر الشؤم فى الانحطاط زول متعلم زيك ويعيش فى امركا ولا شعرة وطنية لا تنبت فى رأسه؟ ولا مرة لم يخطر على بالك ان تتمنى لهذا الوطن الخير؟ شكيتك على الله
10-19-2021, 06:57 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
الشرق كله متأزم بسبب مسار الشرق في وثيقة جوبا، فلماذا تتجاهل الأطراف الموقعة على وثيقة جوبا خاصة حميدتي ،جبريل و مناوي حقيقة إن مسار الشرق أدخل الشرق و السودان في كارثة يمكن الخروج منها بإلغاء المسار؟
10-19-2021, 07:06 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
هنا الكابشن بتاع الفيديو .. أنزل في خلال اليوم الماضي ..
Quote: دخول عربات تابعة للناظر ترك الى الخرطوم لدعم اعتصام القصر
21 hours ago قناة طيبة الفضائية قناة طيبة الفضائية.. ترددات قناة طيبة الجديدة 2020 تردد قناة طيبة على مدار نايل سات | 11526 أفقي H بمعدل ترميز 7/8 | 27500 ... New
لاحظت .. أنا لا أنقل من أي قناة بسبب خلفيتها .. أنا أنقل فقط علي أساس محتوي الخبر .. كل القنوات نقلت ليكم منها .. لكن أنتم عايزين قنوات معينة دون أخري .. ودا ما بحصل عندي لأني كده أفقد الحياد في النقل.
وحتى هذه اللحظة أنا لا قحت 1 ولا قحت 2 .. فقط تطابقت وجهة نظري مع قحت 2 معهم .. في توجههم في كيفية إدارة موارد البلاد وقسمة الفترة الأنقالية وحقوق المواطنة المتساوية .. يعنى قحت 4- طويلة أخرجتني من قحت 1.
يوم 21 أكتوير .. ح أنقل للطرفين .. وكل واحد ح ألزمه طائره في عنقه.
Quote: دي واسعة شوية يا بريمة أنا ما مفتي لكنها كبيرة شوية
أمسكوا الخشب بس ..
بكل شفافية .. ح يكون الطرفين في الميزان .. وأهمها ال civility في التظاهر .. حتى هذه اللحظة حكمنا قطعي .. أن قحت 2 .. أبدعت في نقل وجه حضاري جداً للشعب السوداني ..
بريمة
10-19-2021, 03:48 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10017
الخبر الاكيد يابريمة...قحت ومن شايعها انتهت ..تبقت مراسم الدفن فقط...
ملاحظة يابريمة:كل هوانات قحت الهنا ديل بدسوا هنا في منبر بكري ده ويقعد يكوركوا.. مابيقدروا يكتبوا كلامهم ده في الفيس بوك....عشان هناك بيتردموا ردم جد...حتى الضحكنجية منهم.
_____ تحياتي؛؛
10-19-2021, 03:57 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
عزيزي القارئي، خصمتك تتامل تذاكي المراحيلي بريمة ده، كاصدق مثال لي طريقة تفكير حرتي، مناوي والدباب جبريل!!!!
الوعي القبلي كده!!!!
بريمة قضيتو كلها، هي مملكة العربة، لوبقارة او ابالة زي حمرتي، ولهذا هو كان من ابرذ ادوات النظام الهالك في المنبر ده!!
ليه؟
لانو كان بيبيد "الزرقة" بواسطة امثال بريمة اي موسي خلال او حمرتي، او عشان كده طلع القشير بقاري، رغم انف راي القشير في امثال بريمة واخوات بريمة!!!!
عرفتو منطلقات بريمة القبلية الغبية؟
هذا هو نفس طريقة تفكير الساذج مناوي والدباب جبريل، حلفاء نسايبم الجنجويد!!!
نعم بعد ماانفردو بي تشاد، زعماء مشروع دويلة الزغاوة عندهم اتفاق مع "العربة" بدا مع ابو النسب موسي هرار، "راتق النسيج الدارفوري" تذكرو، وانتقل لي حمرتي الان!!!
في تشاد الزغاوة اقلا من 1% من السكان ولكنهم مهيمينين علي 100% من السلطة، نعم بي صورة اكعب من نموذج الجلابة في السودان مثلم الاعلي!!!!
بريمة يتقوط في هذا الفضاء هرار وعيو القبلي، من هذا المنطلق!!!
بشاشا أنت غير متابع للمنبر .. مشكلة دمغ الناس بالقبيلة أتحدت في وطاة الله (وكذلك الأيديولوجيا .. وح نجي لدينق فيها) .. ببروز مشكلة الشرق .. ما الذي يجعلنا من غرب السودان نأتي لنؤآذر قبائل الشرق؟ ما ثبت نحن نفكر خارج صندوق المركز برمته .. أيديولوجيات المركز والأصطفاف السياسي في المركز لا يمثلنا .. نحن تمثلنا القضايا ..
نحن تجمعنا أسس مشتركة في مسألة تنزل التنمية للأقاليم .. كيفية إدارة موارد الدولة .. كيفية المساواة في الحقوق والواجبات تجاه الوطن .. هذه قضايا ليس لها أيديولوجية ولا قبيلة ولا جهة. نحن صرنا ننظر إليكم كأنكم أنتم في حظائر الحيوانات .. يأكلونكم بطريقة معينة وتقيدون في أقفاص أيديولوجية وحزبية .. نحن لا ..
أعد صياغة تفكيرك .. كده أنت مشاتر شديد .. وتريق مدادك في لا شيئ!
بريمة
10-19-2021, 08:26 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: من زمان في المنبر ده أنا بقول لكم العبار بريمة بلل كوز. لكن في ناس بتعتقد غي ذلك.
أها رايكم شنو الان؟؟
أنت كواحد من جلابة المركز .. عمرك .. لو أعطوك عمر تاني زيادة ما ح تفهم نحن أبناء الهامش بنفكر كيف! .. ليس لي عداوة علي أساس المعتقد أو الأيديولوجيا أو القبيلة أو الجهة. أنا وأنت نلتقي في محاربة العنصرية والتنميط .. ونلتقي في الديمقراطية رغم أنك عايش في بلاد الديمقراطية لكنك لا تفهم في الديمقراطية إلا النذر اليسير ..
في عرف الشعوب، لو قام شعب تحرك .. فإن النقطة التى أنطلق منها لن يعود إليها .. تلك النقطة تصبح تأريخ history .. وعليه في وجهة نظري فإن قحت 1 وقحت 2 سوف يلتقيان في نقطة لاحقة .. وكم وكيف يكون كسب كل منهما شيئ تحدده مجريات حوارهما.
لمتين يا العبار ندرس في السوشال سينس .. !
بريمة
10-19-2021, 06:40 PM
اْسامة اْباّرو اْسامة اْباّرو
تاريخ التسجيل: 02-13-2008
مجموع المشاركات: 964
كدى اننسألك ي باشمهندس بريمة.. ظللت تردد مصطلح توسيع دائرة المشاركة تناغما مع ما يردده العسكر والمتعسكر وتوافقيى المسارات وهم جميعا داخل السلطة والذين يرون فى التوسعة ليس بخلق مراكز تستوعب طيف من اجسام الثورة ، بل يريدونها الية لبقائهم فى مناصبهم كما جاء على لسان جبريل واحلال الاخرين من وزراء قوى الحرية باختياراتهم هم .. السؤال.. من من اطياف الثورة يمكن اضافتهم لفترة انتقالية محدودة الاجل ذات اجنده معلومة؟ هل انت مقتنع بأن هذا الحراك العبثى يصب فى مجرى الثورة ويمهد الطريق الديمقراطى للوصول لانتخابات كما ينادى مناوى وجبريل والمتعسكر حميدتى وتابعه البرهان؟ وها انت تتلغف ما يتفوهان به من وراء السنتهم ربما لشئ فى نفسك تفصح عنه كتاباتك..
10-19-2021, 07:26 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10017
Quote: ما الذي يجعلنا من غرب السودان نأتي لنؤآذر قبائل الشرق؟
الذي يجمعك مع العوقة الفلولي ترك، اولا هو الوعي القبلي!
ثانيا، النظام الهالك، مخدمكم في الهامش، من اجل عيون مصالح المركز، اللي بتحاولو كقبليين اعادة انتاج نموذج دويلتو القبلية الجهوية، تاني من اول اوجديد!!!
بناءا علي اعلاه، وقوفك مع ترك، مش الشرق، سببو لانو القبلي ترك هو ابرذ ادوات الانقلاب الجاري، من اجل تاسيس مملكة ال دقلو المسيرية، البقارية، "العربوية"!!!
بالنسبة لي قضايا "حامش" او مركز، رجاءا شوف زول تاني غير بشاشا!!!
مضحك حد البكا، لما مراحيلي، جنجويدي زيك يتكلم عن مركز او "حامش"!!!!!
من اساسو، كيف امكن لامثال بشاشا البمثلو اقلا من 5% من السكان، يكونو مركز، وامثالك البمثلو 95% اضحو مجرد "حامش"، اي صفر علي الشمال؟
هذا انجز بتوظيف مستعمرينا، مش الجلابة عقلية امثالك في الهامش، اي الوعي القبلي!!!!
الجلابي اعترف ماهو اللي ابتدع السلاح ده، وانما مستعمرينا هم الوضعو بخبث بذكاء اساس ده كلو، والجلابة وظفو هذا شر توظيف!!!
نعم، امثالك هم اللي ركعو الغرب، للجلابة، اي المركز، بالوكالة، باشعال محارق الابادة لاهلهم، البسموهم "زرقة"، انطلاقا من وهمة انو امثال "بريمة ادم" تامو الاسم، "عربة"!!!!!!!!!!
وبذات الطريقة القبلي الجهوي ترك شايف روحو "ود البلد" حصريا، "سيد البلد" حصريا، او غيرو في الشرق "حبش"!!!!!!!!!!!
اذا ده حاصل، النزل مشروع التهميش لي اهلو بالوكالة منو، لصالح امثال بشاشا في الشمال؟
مش المراحيل الزيك، البستعبدو اهلنا "الجانقي" كما تطلقون عليهم، في ابيي، الي اليوم؟
مش الجنجويد، مقاولي محارق الابادة للملايين بالوكالة، ومن اجل اقامة مملكة "العربة" اي المسيرية؟
اذا ده حاصل، فمامعني كلامك اعلاه، عن مركز/هامش/تطور/خدمات/اقاليم، لولا الاستحمار المعتاد بتاع العوقة مناوي، العامل مقددا؟
الجمس الاسود بخوفو بيه امثالك ....اكتب بروفايلك زي العالم وتعال خوف الناس بالجمس الاسود.
بشير الكوز دخلت بروفايلك فشنو إمكن تكون كاتبه بالحبر السري لقيت متزوج وجامعة الخرطوم 😂 سيب الفصاحة في الناس وأمش اكتب في الفيس بوك إنك من الأخوان المسلمين عشان تعرف منو الطفا النور
10-20-2021, 04:06 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: كونك ابرذ قبلي في هذا الفضاء، فهذا ماعايز نقاش!!!
لا ضير عليك يا بشاشا، أعتبرني أي حاجة .. جن أحمر . اتس أوكي .. بالنسبة لي لا يهمني كثيراً من أنا .. يهمنى ما هى القضايا التى أقف من أجلها.
-------------------------------- وبالمناسبة ثورة ديسمبر، نفست كل شيئ بالنسبة لك .. الزيطة بتاعت ح نطرد العرب .. أنتهيوا بحزب البعث العربي، الحزب الناصري .. وياهم حاكمنكم!
بريمة
10-20-2021, 04:21 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
قرقرقرقرقر!!!!!!! يا بريمة ادم، العرب ديل منم عشان يطردوهم؟ بي صحك؟ مافي عرب في بلاد السودان يامتوهم العروبة؟ معقولة، منحدر من اصول نوباوية او بعد ده تسوي عربي؟ ياريت لو كنتا بتعرف مامعني ان تكون محظوظ لتكون من اصول نوباوية!!! قطعا مابتعرف اي شئ اطلاقا، عن ميزة الانتماء لقوم "اوسار" اب البشرية، اب الانبياء، واول انسان كامل!!! ياللمغسة بحق!!! اعترف، نموذج انسان الجبال غير بقية السودانيين، ولهذا ماصدفة كيف كان الاكثر استهداف!!! نعم ماصدفة، اسم "نــــــوبيا" راح لاصق فيهم حصريا عبر القرون، من دون بقية خلق امون في العالم كلو!!!! انتا فاكر ده صدفة؟ سبحانه امون رع!!!! بدو الاعراب يسوي شنو مقارنة بالنوباوي، قوم هاجر، والدة ال قريش؟
نعم ال قريش، "خير البرية" امهم نـــــــــــوبـــــــاوية!!!!!! يا للمغسة بحق!!!!
10-20-2021, 05:10 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27635
Quote: كدى اننسألك ي باشمهندس بريمة.. ظللت تردد مصطلح توسيع دائرة المشاركة تناغما مع ما يردده العسكر والمتعسكر وتوافقيى المسارات وهم جميعا داخل السلطة والذين يرون فى التوسعة ليس بخلق مراكز تستوعب طيف من اجسام الثورة ، بل يريدونها الية لبقائهم فى مناصبهم كما جاء على لسان جبريل واحلال الاخرين من وزراء قوى الحرية باختياراتهم هم .. السؤال.. من من اطياف الثورة يمكن اضافتهم لفترة انتقالية محدودة الاجل ذات اجنده معلومة؟ هل انت مقتنع بأن هذا الحراك العبثى يصب فى مجرى الثورة ويمهد الطريق الديمقراطى للوصول لانتخابات كما ينادى مناوى وجبريل والمتعسكر حميدتى وتابعه البرهان؟ وها انت تتلغف ما يتفوهان به من وراء السنتهم ربما لشئ فى نفسك تفصح عنه كتاباتك.
أنت ليس بدع من الزمان .. كل إنسان يريد أن يعرف من معه أو عليه ..
كون أنا أقول مراراً وتكراراً لا اقف كثيراً عند خيارات الناس .. هذه حقيقة .. لكن خياراتي هى ملك لي .. ولكل إنسان حلم .. وأنا وسط هذه المعمعة لدي حلمي الذي أحلم به .. وأريده أن يتحقق .. لو رجعتنا لحوارتي مع بشاشا .. ووي باك .. ربما عام 2004م في بوستات رؤويتي ورؤية بشاشا .. تجدني أكتب أني أحلم بكذا .. أحلم بكذا .. في أمريكا .. هناك شيئ واحد يعتبر مخ وساس وأساس حياة أي إنسان أمريكي .. وهو الحلم الأمريكي .. والأمريكان يربون أبناءهم بأن لا يسلبهم أحداً حلمهم في الحياة .. ولا يتنازلوا قيد أنمله عن حلمهم الأمريكي .. فأنا أحلم بأن أي طفل سوداني من أقصي أو أدني بقاع ربوع سوداننا الحبيب أن يحلم وأن يحقق له وطنا حلمه ..
إذن ما الذي يمنع القائد مناوي، حميدتي، ترك، د. جبريل أن يحلموا بأن يحكموا هذا السودان؟ من الذي يصادر حلمهم بسودانهم الذين يرونه يمثلهم؟ ومن حقي أن أدفع بالتي هى أحسن لتحقيق أحلام وتطلعات أبناء وطني المستضعين في أرض وطنهم ..
الشيئ الأخر الذي يتعب فيه خصومي حتي مرحلة الأرهاق والأحتراق .. أمثال بشاشا .. أنهم يحاولون وضعي في بوتقة من بوتقات تصنيفاتهم الجاهزة .. وأنا أقول لهم هيهات .. لو كسر الواحد فيكم رقبته لا يستطيع .. وأنا نفسي أعاني مثلهم من مرجعيات وأسس تفكيري .. فأنا ربما أكثر إنسان في المنبر أحاور نفسي وأحاول أقناعها بجدوي وصلاحية التفكير الذي أفكر فيه .. الأشياء عندي ربما ليس كمثل كل الناس .. أنا ليس لدي سقف في مسألة البناء التراكمي للأفكار .. مثلاً لو قلت لي نحن وصلنا الديمقراطية مع قحت 1 .. ونقيف في هذه المحطة .. أنا أقول ليك عييك .. المحطة دي "سونا أو ليتر" بخليك فيها براك .. أنا متشوق أشوف المحطة الجاية هل هى أفضل من سابقها .. وفي نهاية المطاف أنا في سفر أبدي في بحثي عن الأفضل ..
فالذين يرون في الأنشقاق بوادر أزمة .. أنا أري بوادر خير قادم .. وهذا الأنشقاق بمثابة رمي حجر ضخم في بركة راكدة .. تحديداً نحو إعادة هيكلة الدولة السودانية .. وفتح باب أوسع نحو الديمقراطية .. تقدماً نحو شخص واحد صوت واحد .. ما في أي سبب يجعل مجموعة 4-طويلة تستحوذ علي أصوات الملايين المغيبين .. وفي أي لحظة من لحظات الحكم .. وحتي أننا لم نصل لحكومة ديمقراطية منتخبة .. إلا أن ديدن ومحور تفكير من في السلطة يجب أن يكونن منصب نحو محاولة تحقيق رغبات وتطلعات الشعب السوداني ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
Arif Nashed
Nasser Amin
Bashasha
Mohamed Suleiman
Hamid Elsawi
نعمات عماد
Hasheem Karouri
Hassan Farah
علاء سيداحمد
Osman Musa
بشير أحمد
Deng
فيس بوك
تويتر
انستقرام
يوتيوب
بنتيريست