|
|
|
 Re: اميره حسين بالانجليزي .. كم ( لبستي ) ؟ (Re: Amira Hussien)
|
انتوا التيمان بتاعين العطارة ديل منو؟
ابوي عليه الرحمة حكى لينا عن قهوة في البوستة كان بقعدوا يقروا فيها رواد ام درمان زمان
قال مرة جا معاهم جدن لينا من الغرب،
جدنا اثناء ما بتلفت وبفتش في وجوه رواد القهوة فجاة شاف الساعي بتاع القهوة وكان متركش الطاقية الحمره
جدنا كورك ليهو هاوليد بي نهره ومسكو من وين انت وقاعد تعمل شنو ومالك ما قاعد مع العيال ديل ماسك ليك جريدي ولا كتاب ومالك مدجخنن جوا مع النيران
وسيل اسئلة وحوار لفت انتباه الزوار وصاحب القهوة،
وبعدها شرحوا لي صاحب القهوة انو دا ضيف ومافي مشكلة بس هو عرف الولد الشغال دا من الغرب من تركشة الطاقية الحمرا،
وكعادتنا السودانية بادر صاحب القهوة لي عزومتهم عشا وضبح ليهم علي شرف ظهور اهل الولد الشغال عندو.
| |
 
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Amira Hussien)
|
انتوا التيمان بتاعين العطارة ديل منو؟
ابوي عليه الرحمة حكى لينا عن قهوة في البوستة كان بقعدوا يقروا فيها رواد ام درمان زمان
قال مرة جا معاهم جدن لينا من الغرب،
جدنا اثناء ما بتلفت وبفتش في وجوه رواد القهوة فجاة شاف الساعي بتاع القهوة وكان متركش الطاقية الحمره
جدنا كورك ليهو هاوليد بي نهره ومسكو من وين انت وقاعد تعمل شنو ومالك ما قاعد مع العيال ديل ماسك ليك جريدي ولا كتاب ومالك مدجخنن جوا مع النيران
وسيل اسئلة وحوار لفت انتباه الزوار وصاحب القهوة،
وبعدها شرحوا لي صاحب القهوة انو دا ضيف ومافي مشكلة بس هو عرف الولد الشغال دا من الغرب من تركشة الطاقية الحمرا،
وكعادتنا السودانية بادر صاحب القهوة لي عزومتهم عشا وضبح ليهم علي شرف ظهور اهل الولد الشغال عندو.
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Amira Hussien)
|
| Quote: اها كباية الشعير بالليمون في نادي العمال في الخرطوم لا بديل لها ... |
يا زول أنا متحيز لي شعير نادي الخريجين الخرطوم كأحد رواده في السبعينات.
مافي أحلى من شعيره إلاّ منقته في موسمها والشاي باللبن المقنن.
أما أمدرمان، فأعلن عدم معرفتي بها.
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: محمد أبوالعزائم أبوالريش)
|
غبت و جيت لقيت خبر وفاة زينب رحمها الله ... خالص التعازي للزملاء احمد و الباشمهندس حسن عبد المجيد و اختنا سمية عبد المجيد ..
و خبر حيدر بدوي الناطق الرسمي لوزارة الخارجية ...
و بشاشا متفسح في موضوع وهمي عن مومياء طلعها كوشية ...
ثم مشتاقين ...
و الله مشتهي لي جرم ...
اول امس قرطعتلي شُب قونقليز بااارد ...
اها وقفنا وين ؟
| |
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
Quote:
Quote: يا أميرة كان ببيع تسالى أبيض وأسود .. الأسود دا كان فريد وخطير
نحن بنجيهو مخصوص كل يوم العصر عاملنو موضوع |
يا أميرة
العصريات دى لحدى المغارب كانت بتكون قدام المحلات . أو ألأصح الدكاكين
لمات صغيرة لشبان الأحياء يا قعادين فى كراسى .. أو فى صناديق خشب كبيرة
أو واقفين .. ما بتخلو من مشاغلات بريئة للبنات المارات فى الشارع
ومرات قد تكون مزعجة .. ما كنتو بتشيلو ليها هم عشان تصلو لبتاع التسالى
ولا التسالى (عاملينو موضوع) على قولك .. هههه
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: نادر الفضلى)
|
| Quote: كنت دايره أكتب عن سوق الشهداء مما ركزتو على امدر الحبيبة .....سوق الشهداء كان فى ميدان الشهداءالفيهو هسه مواصلات الشهداء وكان عبارة عن أكشاك مرصوصة |
سوق الشهداء الفيهو هسة موقف مواصلات الشهداء، دا غير ميدان الشهداء الذى يتوسطه ضريح (مقبرة وحيدة .. وببلعبو فيه الأولاد كورة العصر .. دا وين؟
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Amira Hussien)
|
Quote: الزرق قراب شفتا باب الخشب الفاتح شرق !
اما الحمر اقربهم اظن الشهداء او الملازمين |
كان وصفك للباب الفاتح شرق لبيت شمال بوفيه ودأرو ونواحى ميدان الترب
فديل قبانية حمر ..
أما ما بين ودأروا شمالا وحتى بيت الزعيم الأزهرى جنوبا على شارع الهحرة
يمين شمال وو فى حى بيت المال فى الشوارع الداخلية فبيوت القبانية الزرق
وزى ما قلتى فى الشهداء والملازمين بيوت الحمر
كنت مقدر أن موقعك الجعرافى يقع نواحى تقاطع ود ارو قريب من بوفية ود أرو
على أسا إنك قلتى القبانية الحمر جيرانك .. لكن مداخلاتك الأخيرة دى لخبتتنى
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: نادر الفضلى)
|
Quote: كنت مقدر أن موقعك الجعرافى يقع نواحى تقاطع ود ارو قريب من بوفية ود أرو
على أسا إنك قلتى القبانية الحمر جيرانك .. لكن مداخلاتك الأخيرة دى لخبتتنى |
ما تكوني قريبة حبوبتنا بت حسين ... :)
و الله يا نادر اميرة دي لازم تطلع قريبتنا ... او نسابة على الاقل ...
المنطقة دي مربوطة بي بعض كتير ...
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
إنتو هنا خشيتو حوشنا بدون إستئذان.
دكان الحارث و أخوه إمام جامع الإسماعيلة في حي السيد المكي.
دكان اليماني في الكونربتاع الشارع الشاقيه الترام و شارع الهجرة و الصينة الفيا عامود واحد و أربع أنوار لتنظيم حركة السيارات. أما عن شلقامي و الترزية و الحلاليق دا موضوع كبير.
أما لو دايرن توثقوا عن تلك الفترة فلي ما عندي.
صديقي المرحوم محمد إسماعيل الأزهري رحمه الله
لي معه زكريات منذ الطفولة و كذلك تلك الغزالة .
أنا ملان زكريات لمن مطفحة
تحياتي
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
| Quote: تتبارك ان شاء الله....... كلم عمك قبانى ده اظنو بقى ينسى |
ههههه
دي حقيقه ...
لكن توقعت مع ضيق المعيشة و الحياه الصعبة الضغطوا بيها الكيزان على الناس انو الشرايه بالطاقه انتهت ...
و معليش اخوك طول من البقعه ... لكن هو و الله طاقتك فتحت علينا طاقات من نوع آخر هابي منها نسيم جميل ... يشبه نسيم السحر ..
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
Quote: كل المحبة يا يحى وترهاقا..!
ادونا اليقين يا شباب: الموضوع محبة ولا فيهو اجندة خاصة؟
عشان لو القصة فيها اجندة خاصة ، خلونا نسحب عدتنا ونعرد في دروب ام طرقا عراض..!
والمعراد يا ترهاقا ، في مقامات الجمال ، افضل انواع البهاء..والإ ح نقوم نرجع نخليك تطلع معانا راعي ، خصوصا لو كان رعي بقر..عشان نطير ليك الفي راسك..!!
سلامات يا اميرة حسين بالإنجليزي..نحن يا قريبتي ناس خوافين شديد..يعني مش بعيد بعد شوية نسحب كلامنا زي السلامو عليكو..!
|
الموضوع محبه و بس يا صديقي ...
تعال و اتمهل .. البيت بيتك يا كبر ...
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Kostawi)
|
Quote: الأخ يحي قباني لك التحية
هل لك علاقة مع المذيعين المخضرمين أحمد و عبد الكريم قباني و الصغيرين "بدون أسامي" ...رحم الله من أعطى للوطن. |
رحم الله احمد قباني ...
اعمامي الاتنين يا نصر الدين ...
انا يحيى ابراهيم سعيد* احمد عثمان القباني ( جدي سعيد هو محمد سعيد احمد عثمان القباني)
و هم عبدالكريم و احمد محمد احمد عثمان القباني
و اخوانهم عبد الوهاب رحمه الله و عظّوم و استاذ فرح ...
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Kostawi)
|
يا منتصر ميدان التُرب او الشهداء
البرنسات البتقيف شرق من التُرب كان بتمشي الساتة السلالم وجمبها الثورة بالنص
وجنوب التُرب جمب مظلة الورنيش بتقيف برينسات بحري؛
الزول البيبع تسالي اسود جمب ناس خال العيال واظنو كان حق قرع اسمو عبدالله ساكن في حي الفونج في ودنوباوي شمال جمب مدرسة حاجة مدينة وبرضو كان بيعمل تسالي بيبيعو لناس رابطة ودنوباوي
التسالي داك ما في زي طعمو نهائي.
في زول شرب الحليب الساقط وطعمو عجيب شرق محطة التكسي التعاوني في السوق الكبير
قبة وضيوفو
شكرا للتداعيات
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Elsanosi Badr)
|
يا إلاهي
عبد الوهاب توفى؟ ياخ الدنيا دي ما فيها خير، فرقتنا و شتتنا...له الرحمة.
عبدو كان حريف جدا في الكورة في رابطة الحي.
و صديقي عبد العظيم (عظوم)...لنا ذكريات و ذكريات.
طبعا أجمل حاجة، مافي جهة ح تنزع مننا الذكريات الجميلة.
و لنا لقاء و كلام
أخي يحي.
تحياتي
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
السلااااامو عليكم أجمعين
انت ملاحظ يا يحيى مافي زول قاعد يجيبني راجع غير نضميك ده
المهم غايتو بي تحت تحت كده ما عافي ليك
ذكرتني ناس عمك شبير قلة
تصدق يا قباني انا في الإجازات كنت بمش اقعد معاهم بره فى البرندة واشتغل ليهم عراوي
ولما ما يكون عندهم شغل كتير بمش اقيف فى حلقة المداحين المقابلاهم في الزاوية الجنوبية الشرقية لسور ميدان الأمم المتحدة
في ناصية مربع محل شبير قلة كانت توتو كورة وبعدها محلات عبده تادرس للكلف ولوازم الخياطة
مره طلعت منهم ماش غربا على البنك الصناعي وقبله طبعا البوستة القديمة
لقيت لى 15 جنيه تلاتة ورقات امات خمسة اللونها بني ديك
يمين بالله لو ما ساي قربت اعرس ههههه
المشكلة بس كنت سغير لسه في الابتدائي
لكن مشيت طوالي من دربي على حلواني حمدتو واشتريت 3 ايسكريم من عمك سعيد اللئيم
وقربت اتهور أمش جروبي
نحن طبعا ناس خرتوم ومتربيين في السوق العربي
وبمناسبة عصير نادي العمال وشاي قهوة العيلفون قصاده طوالي
الما شرب ليمون من الجماعة الكانو في برندة قهوة الواثق تاني غايتو ما أظن يضوق ليمون زيه إلا في الجنة
الكباية بي قرشين
قهوة الواثق طبعا اصلا بتاعة عمنا الواثق أبو الجيلاني الواثق وعثمان الواثق
ناس نمرة تلاتة واقطاب نادي النيل الرياضي من أيام كان في شارع السيد عبد الرحمن
لكن أمدرمان برضها حقتنا وجاييك بى كلام كتير
من فول عمك أحمد سعد في ود نوباوي شمالا لغاية صير سوق الموردة جنوبا
ومن نادي الزهرة في اب روف وناس عمنا الطيب عبد الكافي وولده صاحبنا قرشي وناس الخرصاني في سوق الشجرة شرقا
لغاية حبيبنا امين القبطي الجميل في حي البوستة غربا
طبعا امين ملك الجودة النوعية في المنتجات العجيبة
ما تقول لى المنتجات دى شنو
لو في بعرف وسمع ب امين معناتو بعرف المنتجات السمحة دى شنو
الطيب سيد مكي لسه شغال طبعا وهو ملك وسلطان الباسطة وتوابعها بدون منازع
المحل الكبير في شارع مكي طبعا جنب استوديو الوادى وعمل فروع كتيرة تاني
لسه برضو ما عافي ليك
وتحية للجميع بدون فرز
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: أبوذر بابكر)
|
Quote: يا إلاهي
عبد الوهاب توفى؟ ياخ الدنيا دي ما فيها خير، فرقتنا و شتتنا...له الرحمة.
عبدو كان حريف جدا في الكورة في رابطة الحي.
و صديقي عبد العظيم (عظوم)...لنا ذكريات و ذكريات.
طبعا أجمل حاجة، مافي جهة ح تنزع مننا الذكريات الجميلة.
و لنا لقاء و كلام
أخي يحي.
تحياتي |
رحم الله عبد الوهاب .. توفى نواحينا في مدينة اتاوا في كندا من سنوات ما شويه ...
الدنيا فراقه يا هجام ...
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
استوديو الوادى لصاحبه عبدالله وشقيقو الهادى كنا نوثق عندو اللحظات الحلوة تصوير جميل ورومانسى وهم أخوان على خلق وذوق كنا نمشى نتسرح عند كوافير ارمنى اسمو آڤو ورى جامع امدرمان الكبير ومنو على استوديو الوادى نوثق التسريحة ......عبدالله لما تعجبو اللقطة طوالى بيكبر الصورة ويهديها لى ست الصورة اى سيدا
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Amira Hussien)
|
Quote: ابوي عليه الرحمة حكى لينا عن قهوة في البوستة كان بقعدوا يقروا فيها رواد ام درمان زمان
قال مرة جا معاهم جدن لينا من الغرب، |
سلام تبلدي
القهاوي في السوق ٣ ...
جورج مشرقي ... و يوسف الفكي ( و يوسف الفكي ) كان مع مشرقي بالاول
و ديل اتوزعو بيناتهم السياسين بى جهه و الفنانين بى جهة
و القهوة التالتة كانت قهوة شديد .. قهوة الموظفين و العمال
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
Quote: يا منتصر ميدان التُرب او الشهداء
البرنسات البتقيف شرق من التُرب كان بتمشي الساتة السلالم وجمبها الثورة بالنص
وجنوب التُرب جمب مظلة الورنيش بتقيف برينسات بحري؛
الزول البيبع تسالي اسود جمب ناس خال العيال واظنو كان حق قرع اسمو عبدالله ساكن في حي الفونج في ودنوباوي شمال جمب مدرسة حاجة مدينة وبرضو كان بيعمل تسالي بيبيعو لناس رابطة ودنوباوي
التسالي داك ما في زي طعمو نهائي.
في زول شرب الحليب الساقط وطعمو عجيب شرق محطة التكسي التعاوني في السوق الكبير
قبة وضيوفو
شكرا للتداعيات |
سنوسي ياًجميل
بالضبط الجُرُم العجيب جنب ناس محجوب خال العيال
يمين فيو (تحميصة) وااااحده ما بتتغير
مقياس رختر ما يجيب دقتها
ثم مشتاقين
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
يا سنوسى وقبانى لخبتونا فى التسالى والجغرافيا ..
ناس خال العيال بيوتهم نواحى دكاكين الطاهر ببيت المال . فهل زول ود نوباوى دا كان ببيع تسالى نواحيه؟م .. وطبعا مشوار من روابط الكورة بودنوباوى
وأكيد دا غير بتاع التسالى الكان برابط قدام دكان يمانى ود أرو واللى بتقصده أميرة
وربما تسالى ود نوباوى دا فى حقبة زمنية أخرى . لأنه مواقف مواصلات ميدان الترب دى زاتا مستحدثة
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: نادر الفضلى)
|
Quote: السلااااامو عليكم أجمعين
انت ملاحظ يا يحيى مافي زول قاعد يجيبني راجع غير نضميك ده
المهم غايتو بي تحت تحت كده ما عافي ليك
ذكرتني ناس عمك شبير قلة
تصدق يا قباني انا في الإجازات كنت بمش اقعد معاهم بره فى البرندة واشتغل ليهم عراوي
ولما ما يكون عندهم شغل كتير بمش اقيف فى حلقة المداحين المقابلاهم في الزاوية الجنوبية الشرقية لسور ميدان الأمم المتحدة
في ناصية مربع محل شبير قلة كانت توتو كورة وبعدها محلات عبده تادرس للكلف ولوازم الخياطة
مره طلعت منهم ماش غربا على البنك الصناعي وقبله طبعا البوستة القديمة
لقيت لى 15 جنيه تلاتة ورقات امات خمسة اللونها بني ديك
يمين بالله لو ما ساي قربت اعرس ههههه
المشكلة بس كنت سغير لسه في الابتدائي
لكن مشيت طوالي من دربي على حلواني حمدتو واشتريت 3 ايسكريم من عمك سعيد اللئيم
وقربت اتهور أمش جروبي
نحن طبعا ناس خرتوم ومتربيين في السوق العربي
وبمناسبة عصير نادي العمال وشاي قهوة العيلفون قصاده طوالي
الما شرب ليمون من الجماعة الكانو في برندة قهوة الواثق تاني غايتو ما أظن يضوق ليمون زيه إلا في الجنة
الكباية بي قرشين
قهوة الواثق طبعا اصلا بتاعة عمنا الواثق أبو الجيلاني الواثق وعثمان الواثق
ناس نمرة تلاتة واقطاب نادي النيل الرياضي من أيام كان في شارع السيد عبد الرحمن
لكن أمدرمان برضها حقتنا وجاييك بى كلام كتير
من فول عمك أحمد سعد في ود نوباوي شمالا لغاية صير سوق الموردة جنوبا
ومن نادي الزهرة في اب روف وناس عمنا الطيب عبد الكافي وولده صاحبنا قرشي وناس الخرصاني في سوق الشجرة شرقا
لغاية حبيبنا امين القبطي الجميل في حي البوستة غربا
طبعا امين ملك الجودة النوعية في المنتجات العجيبة
ما تقول لى المنتجات دى شنو
لو في بعرف وسمع ب امين معناتو بعرف المنتجات السمحة دى شنو
الطيب سيد مكي لسه شغال طبعا وهو ملك وسلطان الباسطة وتوابعها بدون منازع
المحل الكبير في شارع مكي طبعا جنب استوديو الوادى وعمل فروع كتيرة تاني
لسه برضو ما عافي ليك
وتحية للجميع بدون فرز |
مرحب بصديقي الشاعر البديع ابا ذر...
ياخ عليك ربك ... ببركات شيخ الصديق ود آرو تعفي لي 🙂
و الله يا اباذر نفتش ليك فتيش ياخي ما تغيب .. ام بنايا قش دي ما تسوى ...
اما عمنا شبيرقله فدي عشرة سنين .. و حياتك ولا واحد من الترزيه الفي البرندة ديك
بهبش قماشي الا مقص عمك شبيرقله ... يمين عندي خمسه متر تترون عنده لي هسي .. كان متوعك و انا سافرت و ما رجعت تاني و عفيتو ليو ههههه
يا ربي عايش ؟
كنت اغشاهم انزل طاقة التترون و اطق حنك ... و اغشى سلوى اكل فول بالسمن البلدي ...
و اغرق شويه امش لي دكان عمك هميمي اجيب صفيحة الجبنه و صفيحة الطحنيه النص .. و صفيحة سمن و زيت الفهد ..
و حتما امر بعداك اشيل رغيف من سيحة و اغشى نادي العمال لي شُب الشعير اياه ثم العوده ...
ايام كانت رخيه و كل شي متوفر ...
اخدنا فتره نمر لمحل فطاير على الطاير جنب منصفون شمال الجامع الكبير .. مصريين كانوا ابداع ...
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
عافي ليك ساي نان هو
ودنيا وأخرة قلبي رضيان عليك
عمنا شبيرقلة اتوفي ربنا يرحمها ويتقبله
مالك ياخ ذكرتني مطعم سلوى
عمك عوض وأولاده اصحابنا
عصام و بدر
بتعرف دكان عمك محمد سعيد حمزة ؟
شايقي مشلخ ههههه
دكان صغير بتاع مستلزمات الخياطة كلها
زراير وخيط العجلة الطائرة وقيطان والابزيم والسست و ابر المكنة الخ
وعنده كمان كل أنواع الحلاوة
محله طوالي غرب مخازن ألبان جديد للقماش في نفس صف مطعم سلوى
عمنا أبو بكر عبد الحميد هميمي للمتقلات
وتلف منه تلقى حلواني الإخلاص فى الناصية كلها
أصحابه الحلفاويين نفس أصحاب مطعم الإخلاص القريب من شركة أبو العلاء وغرب بنك باركليز
وفيه أجمل بسبوسة بالسمن البلدى
فطاير على الطاير يا حليلها والله
المعلم المصري السمين
كنا نمشي نتفرج في طريقة فرد العجين
في الأول انا بتخيله شايل ليه متر دمورية وبلولح فيه في الهوا
هههههه
والله زمن با قباني
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: أبوذر بابكر)
|
الاحباب الكرام .. والتحية للقباني والاستاذة أميرة
ما شاء الله كنتم عايشين في ترف
وبالله نحن في ضواحي الدنيا قراصة وكسرة وملاحات
قمة الترف عندنا كان يوم تشتري بسكويت عادي
أما عصائر شعير وغيره .. إلا بعد ما جينا العاصمة
طول اليوم شغل بعد المدرسة ما بين الساقية وعشاء البهائم
تحياتي ناس المدن كانوا مرفهين ..
بوست في غاية الجمال وخاصة امدرمان لها طعم خاص جداً
بالله يا أحباب واصلوا البوست حتى الصفحة مليون ووجود الاستاذة أميرة
مهم جداً
مودتي للجميع .. أجمل بوست يا قباني الحبيب
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Amira Hussien)
|
| Quote: كنا مرفهين الهينة دى ....... |
وحسب حقب الحكم تدرجت الرفاهية متناقصة
زمن رغيب كوستا وخدمات الديلفرى بالعم شريف .. كام مافى حاجة إسمها أزمع دقيق أو عيش أو ابور رغيف
مافى أزمة أى مواد تموينية .. وسمى كما شئت .. سكر .. دقيق .. زيت .. إلخ وفرة وأسعار ثابتة ورخيصة، ومافى إحتكار لتجفيف المواد لرع الأسعار
فى المواد الغذائية الرخيصة البتمبيها أيام أخر الشهر لو الميزانية ضاقت .. عدس ورز رخصة التراب .. قبل ما يجى زمن حتى هذه المواد أصبحت غالية
ما فى حاجة إسمها .. شح وغلاء فى البنزين وأنابيب الغاز أو الفحم .. مافى صفوف إلا صف الصلاة والسينما ودار الرياضة
لا كهرباء بتقطع .. لا موية فى المواسير بتقطع .. لا الموية عاوزة ليها موتور ليسحبها .. لا معروف موتور زاتو
لا كهرباء ضعيفة أحياناً .. لا موية وسخانة فى المواسير .. ناصعة وصحية ومضمونة وغزيرة
ورخصة الأسعار وتوفر البضائع الجيدة الممتازة ينطبق على كل أشياء يحتاجها الإنسان سواء للبيت أو أقمشة وملايس، مواد كهربائية، مواد للبناء .. وخلافه
الأقمشة (بالطاقات) .. أشكال وألوان وماركات .. .. حراير .. سكوبيس .. دبلان .. بوبلين .. .. ومن أجود ألأصناف
دا غير الملابس الجاهزة وارد أوربا .. وبعدها ظهرت صناعات محلية مثل سلوى بوتيك
أفخر الأحذية أشمال وأنواع .. مستوردة .. ومحلات أحذية ..
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Kostawi)
|
Quote: لاستاذة أميرة قلبت ليكم التربيزة و جابت سيرة التياب
أم قجيجة و دردقني في النجيلة و تحرمني منك و توب النجدة و ووو.توب أوباما |
و عيون زروق و توب النجده و توب الكادر ( او الطلاق الحاضر ) هههه
ياخ عبد الصمد الباكستاني في جنوب لندن غنا و عمل مصانع بي ورا التياب السودانية من الستينات ...
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: يحي قباني)
|
وقبلهم لبست اماتنا وحبوباتنا تياب تحمل أسماء وثقت لمناسبات هامة ......مثلا إلتقاء السيدين وأسبوع المرأة والاستقلال ،المظاهر ،اوراق الخريف ، الدلع ،خريطة السودان ........اى جهة اشتغلت فى التوب السودانى نجحت واذدهرت تجاريا ......بعد عبد الصمد جو أصحاب مخازن السودان ناس فنشلى ، توسعوا وفتحو كم محل فى لندن ، والان كتير من الباكستان والهنود وجنسيات مختلفة أخرى .....اهتموا بالتوب السودانى فى انجلترا ودول الخليج والسعودية وهنالك مصانع ايطالية قصدتهم بعض سيدات الاعمال السودانيات وصارت تنتج لهم تياب سودانية
| |
|
|
|
|
|
|
|
|
|
Re: اميره حسين بالانجليزي .. كم ( لبستي ) ؟ (Re: Amira Hussien)
|
| Quote: يا قبانى البوست ده توثيق خفيف دايرين نركز ونسلط الضو على الجوانب المختلفة لامدرمان |
يلاك طوالي ايد في ايد يا اميره ...
و لسه في ناس ما جونا و انا عارفهم بكونوا قاريين كلامنا دي ...
انتي عارفه لقيت منو هنا اجتمعنا في غدا سوا ؟
نادر مشرقي .. ولد جورج مشرقي و دفعتنا كمان ...
اها نادر ده من هو شافع اتربة في دكان ابوهو ... و لقيت ليك الراس شايل كميات من الشعر و الونسات و الذكريات ...
حاسجل ليو زياره ادون البلاوي الفي راسو دي ...
| |
|
|
|
|
|
|
| |
Amira Hussien
Kostawi
محمد أبوالعزائم أبوالريش
يحي قباني
نادر الفضلى
Elsanosi Badr
أبوذر بابكر
علي عبدالوهاب عثمان
فيس بوك
تويتر
انستقرام
يوتيوب
بنتيريست