حاتم ابراهيم وفلتنة السودان (فلتنة من فلاتة) انت تدور بي ديل بس لكن ما بتقدر علي جقود ابدا خلينا من تراهانك والله تاصيل كوشي في البورد ده زول تعب فيه زي مافي اطلاقا وبجيب حاجات الكلكلوزيف من 2001
زمان لمن كان البورد ده ساحة وعي وليس ساحة ابتزال فرغت شريط لي كوشي حر درسكم كلكم في مدرسة دنقلا الراحل عبدالمنعم حاج الامين عن الاصل الكوشي للجعليين والشايقية ذاكر في اليوست ده او امشي مكتبتي الوعي التراكمي في هذا البورد صعب جدا جدا والسبب عارفو كويس انت بالذات يا حيدر ابراهيم ذاكر في البوست ده كويس جدا جدا مفروض شفت كوش اكلمة نفسها تتردد في الاعلام مليون مرة عشان تلصق في ادمغة المازومين ديل وفي 700 فيديو عن حضارة كوش في يو تويب يعرض في كل الفضائيات الا فضائيات ناس الخرتوم والمركز والسبب معروف برضه "العرق دساس" ....القدم بالقدم....والامات خدم!!....القدم بالقدم....والامات خدم!!
ويا حاتم ابراهيم انا واعي بالسودان من نزول ادم لحدي الليلة بدون ثغرات لا انصاف حقائق ولا اساطير الاولين امشي شوف ليك زول مهزوز زيك اقشر بيه ...مورتانيا بتاعة فنيلتك وريني موراتاني واحد مشلخ زي الدناقلة والجعليين والشايقية بعدين انا الجبت خليوت بعانخي سودانيز اون لاين هنا زمن البورد كان ساحة علاقات عامة ولايزال واتحداك تعرف الرمز الكوشي ده معناه شنو ؟؟ https://top4top.io/
04-13-2020, 10:25 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: الكلام والرواية دي ما بتثبت أو تجزم انه كوش هم النوبة مالما نعضدها بمصدر آخر يذكر في نفس الفترة الزمنية اسم النوبة ويردهم لنفس المنطقة
شلوم يا حيدر الزين
مصدر آخر :
Quote: وبينما اخضعت حضارة المجموعة الثالثة للاثر المباشر للحضارة المصرية فى زمن الدولة الوسطى المصرية استمرت حضارة كـرمـة فى معظم الاحيان فى التطور بلا انقطاع واتخذت شكلاً سياسياً اكثر تحديداً وعرفت باسم دولة كوش . تاريخ السودان القديم حضارة كرمة قيام دولة كوش - اصل الحضارة السودانيةدكتور محمد ابراهيم بكر
04-13-2020, 11:06 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
انا الظاهر توصلت الى انّ هناك خلطاً فى المفاهيم بين :-
الدولة الكوشية الممالك المسيحية فى المنطقةالنوبية .
والمؤكد والصحيح هو : بعد انهيار الدولة الكوشية فى مروى قامت على انقاضها ثلاث دول مسيحية فى شمال السودان وهى :-
مملكة نوباتيا وعاصمتها فرس مملكة المقرة وعاصمتها دنقلا العجوز مملكة علـوة وعاصمتها سوبا
والنوبة و لان فيهم ومنهم ملوك وامراء على دراية وخبرة بالمُلك والادارة من خلال الخبرات التى اكتسبوها من الدولة الكوشية البائدة ولان لديهم جيوش تمكنهم من السلطة قاموا بتكوين تلك الممالك المسيحية والتى استمرت حتى دخول الاسلام الى السودان عن طريق الهجرات بالبحر الاحمر والشمال عن طريق المنطقة النوبية .
Quote: والنوبة و لان فيهم ومنهم ملوك وامراء على دراية وخبرة بالمُلك والادارة من خلال الخبرات التى اكتسبوها من الدولة الكوشية البائدة ولان لديهم جيوش تمكنهم من السلطة قاموا بتكوين تلك الممالك المسيحية والتى استمرت حتى دخول الاسلام الى السودان عن طريق الهجرات بالبحر الاحمر والشمال عن طريق المنطقة النوبية .
خلاصة ورأي وتحليل مبني على قراية وقائع واحداث تاريخية .. ماممكن مثلاً اقول ليك منطلق من موقف قبلي او جهوي بل من قرايتك وربط للأحداث وتحليلها قدر ما اتوفر ليك بالمراجعة وإعادة النظر في المعلومات .. ونفس خلاصتك دي أظنها ممكن تكون تتغير او تزيد ثبات ورسوخ وفقاً لما يستجد من معلومة او حدث مقنع او قراية تانية استصحبت جوانب تانية إضافية .. زي مسألة حقيقة الهجرة او طريقة دخول الاسلام أو اللغة . القرايـة والبحث والنقاش من اجل تقريب الحقيقة او ملامسة الوصول ليها بتكون أسهل بدل الحكم المسبق أو قفل الإضنين بسبب الاختلاف المسبق او المكاجرة بدعوى انا الكملت الحقيقة . جماعة من قوم احد الانبيـاء كانوا بيستغشوا ثيابهم عشان ما يسمعوا الكلام.. .وواحدين يقولوا ليك ألغوا في هذا القرآن لعلكم تغلبون .. المسألة ما مشابهة بين نقاشنا والقران والمماثلة.. لكن هي بتوضح نوع رد فعل البشر وقت تكون خاتة قناعة مسبقة وماعاوزة تغيرها.. التكلس العقلي والجمود الفكري بيخليك تكورك في أي زول عاوز ينضم معاك بصورة مخالفة لخلاصتك بانه مجنون .. بليد .. ضعيف .. قبلي . جهوي .. اجنبي .. عنصري
لانه قناعتك الداخليـة بتقول لك إنك صاح ومعرفتك اللي هي نتاج بيئتك وثقافتك مافي علم ومعرفة احسن منها بحسب الاتاحتو ليك .. وأي زول زيك وفي نفس وضعك مفروض يقول قولك ودا الطبيعي والبيخالفك هو الماطبيعي ليه؟ لأنه أكيد من خارج بيئتك وثقافته غير ثقافتك ودينو غير ديمنك أو حصل ليهو شذوذ عقلي وجنَ.. بكدة اول من يفتح خشمو أو يتكلم ويقول ليك الارض كروية وبتلف حول نفسها .. بتفتش لفرقو عنك شنو .. مش قال الأرض كروية لي شنو . وقال ليه..
تحياتي
04-13-2020, 06:58 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
ولكن بي وعي، وعن المام ومعرفة عميقة باساليب هؤلاء، انطلاقا من مرجعيتو هو، عكسك انتا الطرورك مصوب، تشيلو شيمة كاسحة مغربابو او قبل مايصل قيف الغرب، تجرفو تاني شيمة كاسحة، مشرقابو!!
ليه؟
لانك لاتقف علي قدمي مرجعية ثقافتك انتا، كافريقي!!!
عشان كده طرورك مصوب، لانك كما نبات السلعلع بلا جذور، اي بلا ارضية خاصة بيك، تقيف عليك، او عشان كده او سلفا بتتخيل ترهات الخواجات والعرب، كعلم، او كمان "دين"!!
من حيث الدين، حتي هنا، دينم بقول امثالنا من السود ملعونيين، ولهذا في امريكا كان ممنوع انسان اسود يعتنق المسيحية!
هكذا تم استرقاق امثالنا في عالم اليوم باستخدام "العلم" و'الدين" لاننا طيور بمعني المفردة!
نعم بحكم مركب النقص، كلام الخواجة او العربي، طوالي "وحيو، اوحي"!!!
شئ مخيف، جدا، ايمان امثالنا الساذج، الببغاوي، بي ترهات، "علم"، "حداثة"، "استنارة"، "علمانية" او كمان "مهنية!!
فعبدالله إدريس قال لبشاشا إنت بتخلط العلم بأديلوجيا العرق .. بشاشا بالرادندوق قال ليهو أبداً يامتخلف العلم جاي من العرق زاااتو قرقرقرقر.. ولولا انه البيض والخواجات عرفو بالعلم إنه في عرق لكنا كسود واقفين على قدم ثقافتنا :) الراندوك التحفة دا عاوز يخلص بس لأنه :
بي ترهات، "علم"، "حداثة"، "استنارة"، "علمانية" او كمان "مهنية!!
ودي لانها مصطلحات عرقيــة ..
يمين بالله متعة يا بشاشا قلت لي حتى العلم منطلقو قبلي وجهوي ..ههههههه
04-13-2020, 09:02 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: أها يا حيدر ياخوي! بشاشا قضى وطرو وركب قطرو!
فضلت أنا دا، وما راجيني قطر ترى راجي طقم علماء التاريخ واحتمال ياخدوا وكت حتى ذلك الحين، داير أصحي ذاكرتك المظلمة الجووووووة ديك
أنا ببحث وأفتش واناقش وسط معلومات وحقائق واحداث وخلاصة نظريات تخص تاريخ السودان وارد فيها الصاح والخطأ و خاضعة للتدقيق والتمحيص.. منطلقنا وأرضيتنا الحقائق التاريخية الثابتة .. ! قريت مداخلتك المقسمة لعدد اشخاص مخلطة لي ولغيري وفيها البيخصن الموضوع ولا فيها اللسه ماعندي عنه فكرة .. (إتمنى انه بكري مايكون حاظر عدد مداخلاتك وقلة مشاركتك اختيارية ) بالنسبة لي لاحظت لكلامك دا كصدى وأيكو لمنهج بشاشا وكلامو رغم انه وقت رحبت بيهو مداخلة واضحة بالشأن دا وقلت ليهو حا أخذلك..
Quote: نعم حيدر ينطلق في فهمو لي تاريخنا، من التصور القبلي، الجهوي، المسبق هذا، والمصيبة كلها في هكذا طريقة تفكير!!
أما ما يخص موضوع مورتانيا وغرب افريقيا :
Quote: والمهم رضاكا انتا يابا. أما سلميتهم فحري بك أن تؤوب لمغلظة (الأسماء الموريتانية) فهي بدت ثقيلة عليك، وهي كذلك! فغيرك استجار بشمال الوادي منها لواذاً ولم يفلح إذ ذاك. ولا عفو عنها فالاسم تاريخ يا (حيدر الزين) وأنت هنا تدير عجلته بمحض إرادتك، ولا أظنك غافل عن حقيقة أن من أجل (الاسم) تتسلسل أشجار النسب وتتشابك وتتشبث في بعضها وتتمدد متطاولة تروم الشمس في دجى أفريكا فمن ذا الذي يتحرى جوار الغرب الأفريقي بنفس تهيأت للنسب العباسي الأساسي؟
فإن لم تفلح أنت أو صاحب الكتاب أو من معه أو أي من (خبراء التاريخ) في تفنيد هذه المغلظة وإيجاد تفسير لائق وأنيق أناقة الانتماء للمكان الذي وفدت منه هذه الأسماء فكل من حملها تواتراً لا محالة من علوقه تاريخاً ومعاصرة بأهل تلك القفار من فولان جنوب الصحراء، ولا مشاحة في ذلك بل مندوحة! فقط في هذه الفينة يصير من عوج الرأي وسوء التقدير والجحود نعت المضيف بأنه عدواني إذ يسمح لغيره بالبقاء ثم العبث بتاريخه بمؤلفات عن (سيادة اللغة العربية) أو باقتراحات مباغتة من طائفة: أصولية سمار اللون وسبقه وبراءة اختراع أمواس الحلاقة. فهم (في رأيي المتواضع أيضاً) بفعلهم هذا يرتقون لمصاف الملائكة.
ففوق كتبت بوضوح إني لسه ماوصلت لحتة العلاقات البتهمنا ولينا تاريخياً في الفترة المعنية مع غرب افريقيــأ واللي هي اهم.. فيبقى مسألة وضع الامر انه هروب وانا وصاحب الكتاب وماعارف ايه بيبقي ظن وريبة والاستعجال في إساءة المقاصد بتجاهل إشارة واضحة مني .. عموماً في مسألة الاسم دي أكتر ما قابلني اسم حيدر عند الهنود والباكستان والبنغلاديش والايرانيين وعند العراقيين بيكون باضافة الزين .. والزين عندهم مردود لزين العابدين .. اسمي رباعي حيدر حسن الزين حسين .. مختصر في حيدر حسن حسين بتلقاهو مطابق لبعض اسماء الشيعة.. المسألة شنو .. ماتركز مع الأسامي شديد بس .. لكن ممكن نجي بعدين وقت نراجعها نلتفت لحتة التزوير والتلصق في الأنساب والإنتساب للأسر العلوية والعباسية الإنتشرت في شمال افريقيا وغرب افريقيا الأشاروا ليها الإدريسي وإبن خلدون وبعض النسابة العرب في كتابتهم .. المسألة دي ماكتب عنها الإدريسي ولا ابن خلدون في السودان او أشاروا ليها لأنه لسه زمنهم الاسلام ماتموضع في منطقة السودان والنوبة في عزهم ومنعتهم ..
كتبت :/
Quote: بالرجوع لموضوع البوست (سلمية النوبة وأميتهم) فالعدوان واجتياح الأمم هذا نشاط يتطلب الإعداد وتجهيز الجيوش والتخطيط والتموين والتكتيك وقبل ذلك كله الاستطلاع والدراسة ومعرفة الجغرافية وتوفير الاتصال والتحقق من نوازع الشعوب وأهوائهم ووسائل حكمهم، والشواهد على ذلك كثيرة في التاريخ وفي الوقت المعاصر أيضاً. فأنت يا (حيدر الزين) تعترف للنوبيين بكل ذلك و(ترغب) أن تجردهم من الأساسيات التي تمكنهم من القيام بكل هذا بكل بساطة، هذا تناقض صارخ. طرحك القاضي بأمية النوبيين يبدو مثل الداء الذي أتيت به فعالجته بنفسك، وفي بعض الجناح الدواء.
انت بتستدل بالقوة والإعداد العسكري والتكتيك الحربي لتوضح إستحالة عدم معرفة القراءة والكتابة والا عشان تثبت إني كنت محق في إستغرابي ؟ لو كان استدلالك بأنه إلإعداد العسكري والتكتيك من شروطه الكتابة والقراءة تبقى يلزم الإثبات !
تحياتي
04-14-2020, 03:51 AM
adil amin adil amin
تاريخ التسجيل: 08-01-2002
مجموع المشاركات: 37010
انت يا حاتم ابراهيم السودان ده كلو قبائل 95% والشمال ايضا قبائل وفي اثار حضارة في الشمال في النقعة والمصورات لحدي كرمة يعني ده اقليم كوش كدي ورينا قبيلتك شنو اول حاجة وهل عندك مك او كجور واو قبة وورينا انسان المركز Homo centraliseده جا من وين (ناس الخرتوم)؟؟ ناس عجبوني اولاد السرارة جو من وين ؟؟؟ المركز والفئات الاجتماعية الاتعلمت علي حساب الاقاليم الستة ديل مشكلة السودان ورينا ناس الخرتوم جو من وين ؟؟؟ انسان المركز Homo Canteralisانسان المركز Homo Canteralis
انت سمي نفسك جقود2 ليه اسمك الحركي حاتم ابراهيم يا منفصم والله بجي سودانيز اون لاين عشان اشوف قربنا نمرق من متاهة شعب اسود ولي الرفس لزمان والدوران في حلقة مفرغة واضحك وامشي انا مستغرب وغش عطبرة ده حيدر الزين ده وعي بتين بقى يعرف قوش ومباري سلعلعات ق ح ت لحدي هسة
04-14-2020, 05:53 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
بالنسبة لرد التسميــة إلي كوش بن حام والروايـة الدينية البتقول انه نوح هو ابو البشريـة التاني بعد آدم .. وتقسم الخلق بناء على أعراقها لابناءه التلاتة - حام - وسام - ويافث.. والوصلتنا لحدة معاداة الساميـة لمن بقت مصطلح وقانون . وخلت بشاشا يرفض العلم والحداثة والمدنيــة باسم العرق واللون . والقصة معروفة نختصرها في الروايـة دي : /
Quote: قال الحافظ أبو عمر بن عبد البر : وقد روي عن عمران بن حصين ، عن النبي - صلى الله عليه وسلم - مثله . والمراد بالروم هاهنا : هم الروم الأول ، وهم اليونان المنتسبون إلى رومي بن ليطي بن يونان بن يافث بن نوح - عليه السلام - . ثم روي من حديث إسماعيل بن عياش ، عن يحيى بن سعيد ، عن سعيد بن المسيب قال : ولد نوح - عليه السلام - ثلاثة : سام وحام ويافث ، وولد كل واحد من هذه الثلاثة ثلاثة ، فولد سام العرب وفارس والروم ، وولد يافث الترك والصقالبة ويأجوج ومأجوج ، وولد حام القبط والسودان والبربر . وروي عن وهب بن منبه نحو هذا ، والله أعلم .
في زيــادات وسيناروهات وبهارات بعد كدة ليها .. و لماذا اختلفت الوانهم من ضمنها الرواية التوراتية البتقول لانه حام ما ستر عورة ابوهو عكس اخوته .. رغم انه ممكن برضو تلقى كعب الاحبار والا ابن كثير ذاكر ليك انه عند خلق آدم امر الله جبريل يجيب ليهو تراب من الارض لخلق ىدم فنزل جبريل وخمش من كل حتة في الارض خمشة من الواطة الحمراء والسوداء والبيضاء وطينها ورملها كله واتعملت عجينة آدم منها
ودا تفسيــر ديني مريح لإختلاف الألوان وخصائص البشر الجسدية وبيدعم بشاشا :) المهم الرواية بتاعت ابوة نوح عندنا بتستند على تفسير قوله تعالي : ( ولقد نادانا نوح فلنعم المجيبون ( 75 ) ونجيناه وأهله من الكرب العظيم ( 76 ) وجعلنا ذريته هم الباقين ( 77 ) وتركنا عليه في الآخرين ( 78 ) .
ووقت تجي لقوله تعالى : قيل يانوح اهبط بسلام منا وبركات عليك وعلى أمم ممن معك وأمم سنمتعهم ثم يمسهم منا عذاب أليم يقول ليك ديل انقطع نسلهم وعقابهم بدليل سنمتعهم إلي حيـن مقروءاً مع وجعلنا ذريته هم الباقيين ..!
Quote: حاتم ابراهيم وفلتنة السودان (فلتنة من فلاتة) انت تدور بي ديل بس لكن ما بتقدر علي جقود ابدا
(ديل) منو؟
Quote: والله تاصيل كوشي في البورد ده زول تعب فيه زي مافي اطلاقا
أعمل قناة في اليوتيوب، وسع دائرة بثك.
Quote: فرغت شريط لي كوشي حر درسكم كلكم في مدرسة دنقلا الراحل عبدالمنعم حاج الامين
(حاج الامين) ديل نفرين ولا دا اسم حق زول واحد؟
Quote: ويا حاتم ابراهيم انا واعي بالسودان من نزول ادم لحدي الليلة بدون ثغرات لا انصاف حقائق ولا اساطير الاولين امشي شوف ليك زول مهزوز زيك اقشر بيه ...مورتانيا بتاعة فنيلتك وريني موراتاني واحد مشلخ
صاح، مافي موراتاني مشلخ، ماهي دي المشكلة، بالنسبة ليك! فلو دا حاصل كان قلدت أخيك (بابكر ) وهنيتو بلقيانو فينا فزرة أندلسية مع البيظان الفوق وكدة. رغم إنو أوروبا ما أثرت فيهم، أو هكذا يبدو أحدهم أو كلهم، بس مافي موريتاني مشلخ، يبقى يا تهراقا يا العباس واحد فيهم مشلخ.
شفت نحاس البيظان؟ شكلو زي الدارعينو فوق رقبة واحد منهم، نظام تيمباني.
من جهتي، كون "الموريتانيين" ما مشلخين، احتمال تكون دي المشكلة أو احتمال دا (الحل)، فالمسألة شلّاخة أوجه وأنا أشرت لأسماء الموريتانيين، مش لشلوخهم، كوني مهزوز على رأيك، فاكتفيت بالشيء الواضح، دا هزي كدة أسوي شنو! وياهو منتظر، جات إجابة خير، ما جات يبقى الكربون على ما هو عليه، ما بيكلفني كهرباء.
على أية حال لو مشكلتك الشلوخ فدي محلولة، نمشي معاك غرب شوية باتجاه (السودان) حسب تسمية البيظان، جهة النيجر.
اعتقد كافي. وما تتعب نفسك، آآآآي نيجريا، ما الخرطوم. وسؤالي حق (الأسماء الموريتانية) في محلو بانتظار خبير تاريخ يجيب عليه، بتفسير لائق وأنيق.
الجدير بالذكر إنو (الكنوري) بلغة الهوسا اسمهم (بَرِبِري). BareBari.
Quote: انت يا حاتم ابراهيم السودان ده كلو قبائل 95% والشمال ايضا قبائل
في مقدورك تستقطع فئة من الفولان في أي زمان وتسميها بأي مسمى (قبيلة) في السودان، وتخترع ليها جد أسطوري دي حيلة شائعة والناس اتعودت عليها، والكل مبسوط بالديباجات الجديدة للسلعة القديمة، لهذا لا يفرقون بين السوداني والنيجيري في الخليج وأوروبا.
Quote: والله بجي سودانيز اون لاين عشان اشوف
يعني الطمنطاشر سنة الفاتت و24 ألف مداخلة (3 في اليوم فطور وغدا وعشا) ديل (جيات شوف) ساكت! ما فكرت تستقر لسة؟
Quote: بعدين انا الجبت خليوت بعانخي سودانيز اون لاين هنا زمن البورد كان ساحة علاقات عامة ولايزال
يا إما أبوالدرداق دافر ليهو كرضمة دلكة لطشها من وين ما بعرف يا كمان جعران بيلعب طائرة. أنت قايلني الملك سليمان تسألني من أنشطة الحشرات! أما الرمزية فدا شيء خارج موضوع البوست.
شفت تعليقاتك يا حيدر، وشفت سؤالك كمل كلامك وحأرد وأجيب على الجزء المتعلق بادعاءك على (أمية النوبة).
Quote: انت بتستدل بالقوة والإعداد العسكري والتكتيك الحربي لتوضح إستحالة عدم معرفة القراءة والكتابة والا عشان تثبت إني كنت محق في إستغرابي ؟ لو كان استدلالك بأنه إلإعداد العسكري والتكتيك من شروطه الكتابة والقراءة تبقى يلزم الإثبات !
دا هنا يعتمد على فكرتك عن (القراءة والكتابة) كنشاط بشري مرهون شكلاً بعصره. أنا بستدل بأن كل الأنشطة المؤدية لفعل الغزو تتطلب المعرفة أياً كانت مظاهرها، وهنا ليس بالضرورة أن تنسجم هذه المظاهر شكلاً بتصورك المعاصر عنها.
Quote: التالت الوقوف حقيقة على التدوين ان وجد ولماذا اذا إنعدم ..فالشعب ليس منعزل والتدوين والورق قديم بتاريخه .. +++ وامي بقصد بيها الأمية في الكتابة والتدوين بالتعريف المقصود .. ومن ناحيـة تانية بتستوعب الأميـة العلميـة لو قدرت اوضح اني بقصد بيها ما نقدر نلمسه في العلوم والمعارف الممكن نجدها في حضارات او مدنيــات عاصرت أو سبقت بقليل وجودهم ومنها ما جاء بعدهم
وواضح أن فكرتك عن الكتابة وتمثيلها (التدوين) انبنت على أحادية المخرجات الورقية وانبنى عليها بالطبع حكمك القاضي بأميتهم، وهذا للأسف تسرع في غير محله.
وبالتأكيد النقطة الخاصة بالأسماء جوهرية في حسم حملتك عليهم بخصوص (عدم السلمية).
Quote: عموماً في مسألة الاسم دي أكتر ما قابلني اسم حيدر عند الهنود والباكستان والبنغلاديش والايرانيين وعند العراقيين بيكون باضافة الزين
يمكن لأنك ما فكرت تعاين لأفريقيا غرباً، جهات النيجر والكميرون ومالي، أو يمكن لأنهم بيضيفوا للاسم حركة (حيدرا، حيدرة) وطبعاً ما بيكتبوهوا (بالعربي) عشان يقابلك، أما الزين فهو حصري على موريتانيا في أفريقيا ومردود عندهم ل(محمد_زين) حيجيك البيان بخصوص الأسماء ولو أن الموضوع قد لا يسع التطرق لها بإفاضة، لكن حأتصرف، (موريتانيا) هنا مصطلح.
وفعلاً عندي مداخلة واحدة ومبسوط بيها، كلامي حار عند البعض الما بدوروا الحقيقة.
___ بعتبرها مندوحة.
04-14-2020, 04:45 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
غايتو يا حاتم انت آفة.. لما شفت صورة بريمة حاشرها وسط الموريتانيين مت من الضحك .. طبعا الشغلا دي صعب الواحد يديك فيها The benefit of Good intention .. عموما أنا بفتكر النقطة الايجابية في كتابة الزميل عبد الله شم انو سكان المنطقة المسماه دار جعل كوشيين.. يعني تاني ما يجي المستنير ينجعص وسطنا .. بالمناسبة لو راجعتو نقش عيزانا بقول :
Quote: أولئك الذين لقوا حتفهم من الزعماء . دانوكفي، وداجإلى، وأناكفي، وحبارى، وكاركارا،
وقفت عند اسم الزعيم ( دا جالي) ! ما عارف لفظ ( دا ) الملحق هل من اصل الاسم ام صفة ؟ لكن لو انتبهت لجرس الاسم بدون الدال والالف بتحس بقدر من التقارب مع جعلى السائدة اليوم .. خت في بالك النوبي بنطقها جالي وليس جعلي .. كمان النطق النوبي اقرب لاسم جلي المتداول في المنطقة .. انا شخصيا بفتكر لفظ جعلى مستمد من اسم المنطقة الجغرافية المعروفة ب الجيلي .. اخيرا عشان اجامل صاحبي المستنير الغائب.. الكلام دا ما بنفي قدوم اسرة دينية من نسب العباس رضي الله عنه واقامتها في المنطقة .
04-15-2020, 07:22 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: غايتو يا حاتم انت آفة.. لما شفت صورة بريمة حاشرها وسط الموريتانيين مت من الضحك .. طبعا الشغلا دي صعب الواحد يديك فيها The benefit of Good intention .
الآفة أنت.
فإذا كنت (مت من الضحك) فمن الذي يكتب باسم محمد على طه الآن؟ والصراحة لا أعرف ما المضحك في الاستدلال بصورة للعمة التشريفية تمييزاً لها على الوظيفية. والآفة هنا (في رأيي المتواضع) أن لا تميز أنت بين عمائم أهل نيجريا وأهل موريتانيا، فصورة الأخ إبراهيما موجودة ضمن فئة العمائم التشريفية ربما تطلعنا على الذي أماتك من الضحك وأحياك لتكتب عن التجربة الفريدة، إن كنت أنت صاحب الضحكة والمداخلة في الآنين معاً.
آفة صغيرة أخرى أن لا تعلم أن الشخوص الظاهرين في الصور هم علية قومهم أمراء كانو من الفولان وفيهم الأمير محمد سنوسي محافظ البنك المركزي في نيجريا وهو عالم في الاقتصاد وفي محاربة الفساد
Quote: وقفت عند اسم الزعيم ( دا جالي) ! ما عارف لفظ ( دا ) الملحق هل من اصل الاسم ام صفة ؟ لكن لو انتبهت لجرس الاسم بدون الدال والالف بتحس بقدر من التقارب مع جعلى السائدة اليوم .. خت في بالك النوبي بنطقها جالي وليس جعلي .. كمان النطق النوبي اقرب لاسم جلي المتداول في المنطقة .. انا شخصيا بفتكر لفظ جعلى مستمد من اسم المنطقة الجغرافية المعروفة ب الجيلي .
الآفة الثالثة يا محمد طه هي اقتحام مجال التأصيل للمفردات بأدوات طلاب المرحلة المتوسطة فالنزعة لتقطيع أواصل المفردات مورفولوجياً وإعادة تلتيقها فونولوجياً للوصول بالملتوقة إلى بر الدلالات والمعاني حسب الرغبة هذه آفة لغوية. عملية (mnemonic) ولا أخالك ملم بالمصطلح، وهو اسم النشاط الذي توجت به مداخلتك ربع الأكاديمية كنا نستخدمه لتيسير حفظ المفردات باللغة الإنجليزية، زمان. ويبدو أن العملية سهلة وميسورة بحيث يقوم بها الكل، فإذا الملتوقة سئلت بأي يد خلقت لما أدركت اسم وصفة صانعها.
فلو صحت منهجية ما تقوم به نشطاً في هذا الصدد لأضحت اللغة النوبية (أو أي لغة أخرى) لغة (يونيفيرسال) بإمكانها ابتلاع أي عدد من مفردات اللغة الأضحية فبإمكانك وإمكان أي متحدث للنوبية إعادة (تخريج) الأسماء التالية (Colorado, Tenessee, Dollar, Wobertal) على سبيل المثال إلى النوبية بمثلما كان يفعل الباحث شم عندما راقت له فكرة أن (ينتقي) طائفة من الأسماء تراءى له أنها (يمكن أن تكون عربية) من مجرد رسمها بالحرف اللاتيني وأفلح في إبراز ذلك، وانتقدناه في الحين ورفدناه بما يثبت أن اللعبة التي مارسها لا علاقة لها باللغات أو وسائل تحقيقها وذلك يرد كل الفعل الذي ابتدره جزلاً إلى ما يمكن تسميته بالمحاولة الفطيرة،
Quote: اخيرا عشان اجامل صاحبي المستنير الغائب.. الكلام دا ما بنفي قدوم اسرة دينية من نسب العباس رضي الله عنه واقامتها في المنطقة .
ترى، يا محمد طه مثلت مشكلتنا وشخصتها بهذه الدرة.
ولا مشاحة في كون العباس أو أي سلف أسطوري درج الناس على اتخاذه أصلاً أن يرد ملفوظاً هنا فهذه (عادة) أقرها صاحب المنشور بنفسه وأشار إليها بوصفها (تزوير وتلصق) ويحمد له وعيه النسبي مقارنة! آفة التاريخ أن يأتي توثيقه (مجاملة) أو جبراً لخاطر فلان أو صاحبي علان، في هذه الحالة لن يكون المخرج تاريخ، بل يأتي الناتج أقرب إلى (Strategy video games) وهذا يعني نوعاً من التسلية وملء الفراغ في أعراف البليستيشن. ففي ذلك الضرب من الألعاب يتم بناء مدن وتسميتها وتخطيط مزارع وإقامة علاقات جوار وشن حروب (حسب مزاج اللاعب) في أي وقت وبأي كيفية شاء.
تعال راجع ياخ! اعتبر صور الكنوري ديل ضرب من الخيال، وهي كذلك.
شنو يعني حنة وتوب ربط وفركة وهلالن في الجبين مربوط وحريرة! دا مجرد (استعداد ثقافي) محض.
يا حاتم ابراهيم انا بصارع محترفين في اسافير عالمية ومصريين مستهبلين اسقطو الاسرة 25 الكوشية التي حكمت مصر انت ما سؤال واحد ينسف نظرياتك دي كلها في فلتنة شمال السودان اقليم كوش الناس الجو من بره من افريقيا المدارية او الشمال مصر وتركيا او عبر بحر القلزم هل لقو السودان ده فاضي ؟؟؟؟ خلاس اللقوهم الوافدين من حدود السودان الاربعة ديل نحن الكوشيين قالو في امنجي زمن نميري لقي اثنين مساطيل جمب مبنى التلفزيون بعد انتهاء الارسال قالو ليهم انتو منو قالو ليه نحن شغالين في التلفزيون قال ليهم وهسة قاعدين تسوو شنو قالو لو فتحتو التلفزيون بتسمع شنو قال ليهم شششششششششششششششششششششششششش قالو ليه نحن البنقول ششششششش انت عايز تعمل كوش فرع وهي اصل نحن الساس ونحن الراس وجينات خوليوت بعانخي ماركة مسجلة للسودانيين الكوشيين والسودوانية اخلاق وليس ادعاء من الاساس
https://top4top.io/ عشان كده ينجذب كل شعوب العالم القديم للسودانيين حتي في امريكا ودي بسموها gen affinity علم كوشي ما وصلك لسه صارع براعم المركز ديل انت ما مستوي جقود اطلاقا ونعتز بكل من تفرع منا عبر هاجر ام اسماعيل واو يوكابد ام موسي عليه السلام او كل قبائل الحزام المداري السوداني والايقاد لحدي السنغال ده الفضاء السوداني الطبيعي البدعو ليه هنا وبنفس العلم الجميل ده انت امشي فتش بس في المركز الان منو البلهث ورا المصريين والعرب لحدي الليلة ده منو ومن هم ناس المركز ؟؟
خلي معركتك مع انسان المركز مش انسان كوش يا مواطن ناس الشمال ديل كوشيين اصليين اتفاقيةالبقط عملت ترانس فير للكوشيين بمعدال 365 رجل سنويا لكل العالم الاسلامي في الدولة الاموية والعباسية لاحظ كلهم رجال ديل مشو وين هسة ديل هم اي اسمر او اسود في العالم العربي والاسلامي من تخوم الصين لحدي الاندلس يقولو ليك اتفاقية البقط شالا عبيد وهي شالت جنود وبعد داك ما بتابعو الناس ديل مشو وين
Adil Amin انت بتلقى الصور الغريبة دي كلها من وين!!؟وكيف تقدر تنزلها بالسهولة دي في المنبر العام؟ والله نحن بنستفيد كثير من مقالاتك عن تاريخ السودان القديم والحديث والمدعوم دائما بالصور والادلة،، فشكرا ليك،، وربنا يبعد عنكم شر وباء وبلاء الكرونا،،
04-15-2020, 03:12 PM
adil amin adil amin
تاريخ التسجيل: 08-01-2002
مجموع المشاركات: 37010
Quote: Adil Amin انت بتلقى الصور الغريبة دي كلها من وين!!؟وكيف تقدر تنزلها بالسهولة دي في المنبر العام؟ والله نحن بنستفيد كثير من مقالاتك عن تاريخ السودان القديم والحديث والمدعوم دائما بالصور والادلة،، فشكرا ليك،، وربنا يبعد عنكم شر وباء وبلاء الكرونا،،
حياك الله يا بتنا امتثال الدنيا صدام حضارات والصراع لازم يكون في المستوي اعرف وطنك بصورة مؤسسة السودان دولة وحضارة في سودان جغرافي ده بتاع الاستقلال 1يناير 1956 وفي سودان مداري وده الايقاد والحزام الممتد لحدي السنغال وده الوضع الطبيعي العايز ارجع ليه السودان والله يحفظ الجميع
04-15-2020, 11:32 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: اولا كمدخل، خليك فاهم بالنسبة لينا، العرق هو مركز دائرة وجود الثقافة الارية المهيمنة علي عالم اليوم.
بشاشا سلام .. مداخلتي واضحة ، العرق الاري والاوربيين وادعائهم التفوق ما عندو علاقة بابجديات واساسيات العلوم دي نظريات عنصرية متخلفة ظهرت بوضوح خلال القرن ال18 وشكلت الاساس الفكري والاخلاقي للحقبة الامبريالية ، والعلم اتجاوزها رغم انو بعض تجلياتها او افرازاتها مازالت موجودة وبتطلع في شكل سلوكيات سلبية كلنا بنعرفا. انت كده بتنجر لمستنقع عنصري بوعيك الكامل بس عشان الاوربيين قبلك دخلوا المستنقع ده. لما تخلط التاريخ (علم) بايديولوجيا العرق النتيجة بطبيعة الحال هي التكويش البتسوي فيهو ده. عليك اقناع محاوريك بحقائق مجردة موثقة .. مش سفسطة وكلام ساي .. حيدر قال عايز تراث علمي او فكري مكتوب من الحقبة الكوشية ؟ طوالي تجيب ليهو عناوين كتب ومؤلفات او تقول مافي او لسة لم تكشف الحفريات اي شيء .. مش تقعد تنطط من حتة لي حتة وتخمنا بالعبارات المعلبة بتاعتك دي ..
04-15-2020, 11:54 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: عتود الكرامة دي ذكرتني حيطانك البنيتهن مع إثيوبيا وغرب أفريقيا وقلت من الله خلقك فرز عيشتك منهم ولما بقن قصيرات استأذنت وقشيت نعلاتك في حيطة منهن وقلت ماشي تطرد البشير وجماعته، المأمورية الظهرت بغتة، وديك يالفلتة. وكونه نشك في أهلية المؤلف للبحث في التاريخ بنقاط واضحة دا في نظرك رأي شخصي وسلبية؟ وكونو فرطقنا اللغم الجا شايلو (حيدر) قبال ما يزرعوا ويغادر خلسة دي سلبية عندك قال؟ لكن كلام حيدر عن عدوانية النوبة وأميتهم ما رأي شخصي وكاني وماني على خشمك مش؟
يا حاتم ناقش محتوى الكتاب (عارفك ما حتقراهو ) وجهة نظرك في عبدالله في ناس ما بشاركوك فيها تعال ورينا من خلال محتوى الكتاب اقنع بأنو عبدالله زول يفتقر للامانة .. بس طبعا غبت وجيت ، وتاني مشيت فتشت كرورك بتاع موريتانيا والاسامي وفتحت لينا دكان الترزي والصور .. انا لمن قلت ليك ما حتقرا الكتاب لاني متاكد انك ما بتاع كتب ، بتاع صور غوغل بس يا اخي خليك جادي شوية ، ما ممكن تأصل لي ظاهرة اجتماعية او ثقافية بالصور ، قلت ليك الكلام ده مليون مرة .. ما ممكن تأصل لاسم قسرا كده .. انت في اللغة ما درست ايتمولوجي؟ اها يا شيخنا الاسماء كمان عندها علم تأصيلي اسمو الانثروبونامي .. برد الاسماء الى اصولها بتفكيكها وتتبعها عبر التاريخ وبالوثائق ، متى ظهر الاسم ومعناهو شنو وانتشر وين وهل عندو اشتقاقات، مش بي غوغل سيرش .. طريقتك الشغال بيها دي زي لعب الشفع .. البوست الان لسة في الحقبة الكوشية ، وما اعتقد عندها علاقة بموريتانيا او سوق الحرامية والهدوم الجيت شريتا لينا دي ..
04-15-2020, 03:51 PM
adil amin adil amin
تاريخ التسجيل: 08-01-2002
مجموع المشاركات: 37010
يا حاتم ابراهيم المسخرة ما تخليك تتبلعط في البورد ما عرفت الرمز الكوشي نحن بنعرفو وده الفرق بين الكوشيين والفلاتة الزيك تاني لو بتكتب هنا مليون كلمة في اليوم و10000 بوست ما بكتب كلام فارغ اطلاقا كلام واعي ومرتب جدا والعلة في دماغك ثانيا المدرسة بتاعتي تختلف من المازومين عروبيا ديل السودان الجغرافي هو قلب السودان المداري من دول الايقاد الي السنغال عبر طريق الحرير الافريقي والمشروع الصيني طريق واحد حضارات مختلفة وده لحدي هسة ما وصلو الناس هنا ناس تسقط بس مخلفات البعث والناصرية وعلمي جاهز بي الوان كوش الثلاثة دي وشكرا علي علم كونري https://top4top.io/ وجود السودان في جامعة الدول العربية من 1957 وتحت جذم المصريين والخلافة التركية ده وضع مخزي وهامشي في مركز مزيف القاهرة اسطمبول ده بتاع كعوك المركز بس في السودان بتاع 5% فقط من مكونات المجتمع السوداني عشان كده قلنا ليك شوف لينا الناس الراكبين بي المقلوب ذى ذب الجمل لحدي هسة وخاتين السودان في المكان الغلط ليه ؟؟ وومامبو سوداني ومسخرة فاضية السودان مركز حضاري سينهض يوم (نهضة كوش ) وحيث تحترم الحضارة الفكر والثقافة والتراث الفن السوداني دي البلاد التنفع معاي وشكرا للدعم بي الصور واهلا بدول الحزام المدراي السوداني كلها طريق الحضارات هو طريق سكة حديد لسه ما مبدا لكن دول الايقاد جهزت نفسها وبهمني في طريق الحرير في العالم العربي اليمن وسلطنة عمان بس ما شغال بي منظومة قرود السيرك الامريكي الخمسة مصر السعودية الامارات قطر تركيا اهم دولة لي المرحلة الاولي لي طريق الحضارات اعيد دولة جنوب السودان بالحريات الاربعة ثم الايقاد وبعد داك لكل حادث حديث اياك وتخلط كوش بي تراهاتك دي نحن اصل وديل فرع بما في ذلك العرب اليمنيين احفاد اسماعيل واليهود احفاد موسي وقرررررط علي كده والله هسة الكلام ده بعد 1000 سنة ضوئية ما تعرفو يا ربع الدماغ ما هو شفرة الجعران المقدس دي ؟؟ وكمان عايز تسخر من اارمز الكوشي ده فرقك من كعوك مثلث الحمدي شنو ؟؟ https://top4top.io/
04-16-2020, 03:34 AM
adil amin adil amin
تاريخ التسجيل: 08-01-2002
مجموع المشاركات: 37010
يا حاتم ابراهيم مسخرة اسيادك المصريين دي اعملا مع مهزوزين زيك زي كعوك المركز نحن في الشمال عندنا قبائل وحواكير ومك وقبب وجنسية خضراء ودين ومولد وحزب سياسي سوداني ومصر ما ام الدنيا وبضاعتا مشاريع صرف صحي فتش المباري اللغاويس دي لحدي هسة من 2001 لحدي 2020 عندي مشروع واضح ما فاضح فك ارتباط وضبط مصنع
نقلت ليك المداخلة دي من بوست تاني عشان تصحي وتحترم جقود
Quote: هل هم الاتراك ولي المصريين والغزو التركي المصري لجلب الذهب والعبيد زمان1821-1885؟؟ وهسة نفس الرقيق المحرر في الخرطوم بعدى لغى كتشنر الرق 1902 اتعلمو عملو نفس العملو اجدادك للجنوبيين والنوبة وانت شايف لحدي هسة 2020 لا زال المركز الوسخ المرتبط بي المركز الاوسخ مصر الخديوية و تركيا خدم المشروع الامريكي الخمسة ناس الطيب مصطفي والمنبتين والوافدين يمارسون نفس الشيء في كل الانقلابات بعد الاستقلال فصلو الجنوب وينهبون الذهب في الاقاليم ويصدرون ابناءهم جنود مرتزقة في حروب البنك الدولي ودلالين المشروع الامريكي مصر والسعودية والامارات ويتمسخرو في البورد وفي السودان اتحرك انت الان ولعن مهدي مصطفي الهادي ومايو و الطيب مصطفي الاخوان المسلمين والسلفيين والشيوعيين والبعثيين والناصريين وادر وجهك نحو الجنوب ونحو الايقاد والحزام المدراي الفضا الطبيعي للسودان وعلم الاستقلال وطريق الحرير الافريقي وطالب اولا اعادة دولة جنوب السودان بالحريات الاربعة السودان مركز الحضارة الكوشية وليس هامش الخلافة العثمانية البغيضة ورجب طيب اوردغان الجابرنا علي الاستمرار في الوضع المشوه كدولة هامشية مامبو سوداني في مركز خلافة قبيح مزيف القاهرة اسطمبول شنو ؟؟ مش دي الحمرة الاباها المهدي الليلة في ناس بتمسحو ليها بي الكريمات وماسكين السودان وشالنو بي المحاصصة ودولة المركزية العروبية الاسلاموية المزيفة والسودان بدل يشوف فضاه الافريقي المدراي ...من الايقاد الي السنغال القضاء الطبيعي للاغنية السودانية بدل ما يكون تاج في راس الافريقيين في الحزام المدراي الكوشي اختار يكون فردة نعال شمال للمصريين والعرب حاصل فارغ من اهان الجنوبيين قديما وحتي الان اقليات مشوهة لا يتجاوزو 5% من المجتمع السوداني
وربط السودان الكوشي مع فضاءه الحقيقي افريقيا المدارية من الايقاد الي السنغال وطريق الحرير الافريقي مع جن شين بنج (الصين ) بطل مسخرة اسيادك المصريين وكعوك المركز المملة في البورد دي وهسة دي مداخلة في بوست تاني ذاكر فيها كويس وفتح عينك قدر الريال قبل اوديك الضل ومصحة جقود محل المعقدين المعطلين نهوض السودان الكوشي لحدي الان وشوف الكيسو فاضي منو في البورد ده شرشح بيه من اهان الجنوبيين في السودان
04-16-2020, 04:34 AM
Bashasha Bashasha
تاريخ التسجيل: 10-08-2003
مجموع المشاركات: 25803
هو عبر عن اعجابو بي المادة الجبتها،، لما قال عليك افة بي معني زول فقري!!
انا لي روحي انقهمتا لما شفتا ذات القرمصيص بتاع امنا "الست" اي Auset بي لسانا النوبي الكوشي، المستخدم الي هذا التاريخ عندنا في الاعراس.
نعم ماكنتا متخيل انو الي الان اهلنا في نواحي افريقيا الاخري مواصلين نفس التقليد ده، منذ عشرات الاف السنين كماهو!
!بناءا عليه، عشان نفهم علاقة بقية الافارقة بارض اجدادم، اي السودان الحالي، اي The HeartLand Of All Blacks كما وصفو شيخنا كانسلر ويليمز اللي زار السودان في عهد ناس عبود، اللي منعوهو يمشي الجنوب، فلازم نرجع لي كلام شيخنا، سيدنا، ومولانا انتا ديوب تحديدا.
نعم شيخنا ديوب الوالد الحقيقي لي تاريخ السودان القديم، قال بالحرف:
كل الافارقة يشيرون للسودان الحالي كموطن لي اجدادم، وهذه حقيقة.بالفهم ده الفولان بل كل الافارقة موطنم الاصلي هو السودان الحالي، والصور الجبتها دي ياحاتم هي ابلغ دليل علي صحة هذا الكلام وباجماع الافارقة كلهم.
مصداقا لهذا الطرح اجدادنا ناقشو النقطة دي مع قدماء الاوربيين، بل قدمو نظرية كاملة تشرح كيف هم، اي قدماء السودانيين بمثلو اول بشر مشي علي قدمين علي سطح هذا الكوكب، والكلام منذ حوالي 2,000 سنة!
بالتالي، وبناءا عليه، فهم الوحيدين في افريقيا اللي نبتو من تربة هذا السودان ولما ياتو من اي جهة او منطقة اخري!
نعم بقية الافارقة اين ماكانو داخل القارة او حتي خارجا، ذهبو لي هناك من السودان الحالي!!
ده هو تفسيرنا للعلاقة مابين المورز او الفولاني او غيرم، واهلهم في السودان والصور اعلاه تثبت هذا، لانو القرمصيص ومراسم زواجنا الحالي، صاغتو امنا "الست" اي The Black Madonna لدي كاثوليك اوربا، اي مريم العذراء الاضلية.
Quote: مداخلتي واضحة ، العرق الاري والاوربيين وادعائهم التفوق ما عندو علاقة بابجديات واساسيات العلوم
سلام ياعبدالله،
مافاهم، اذا هم، اي الاوربيين اللي قالو انطلاقا، وكتتويج، تجسيد لما اسموه "علم" انهم اصل الحضارة، وليس نحن، "الذنوج"، "الفروخ" في وعيهم، فمادخل بشاشا عشان تغالطو كمان؟
عجبي!!!
مش كده او بس، وانما قطعو المحيط او جو لحدي السودان الحالي، للبحث والتنقيب عن تاريخم هم، اي البيض، ك"علمـــــــــــاء" خريجين هارفارد، او برضو تسوي ماعندو علاقة؟
يا حاتم ابراهيم انا عندي رؤية ومشروع ما بجي اورجغ في لبورد حاصل فارغ وبستعمل ايقونات ورسومات وصور ووثائق زيك وعندي خارطة طريق ما بدت في السودان لحدي هسة بسسب عقاب مايو الفرملو الثورة السودانية الحقيقة البترجع السودان الي قلب لعالم الكوشي
Quote: اهم دولة لي المرحلة الاولي لي طريق الحضارات اعيد دولة جنوب السودان بالحريات الاربعة ثم الايقاد وبعد داك لكل حادث حديث اياك وتخلط كوش بي تراهاتك دي نحن اصل وديل فرع بما في ذلك العرب اليمنيين احفاد اسماعيل واليهود احفاد موسي وقرررررط علي كده والله هسة الكلام ده بعد 1000 سنة ضوئية ما تعرفو يا ربع الدماغ ما هو شفرة الجعران المقدس دي ؟؟ وكمان عايز تسخر من اارمز الكوشي ده فرقك من كعوك مثلث الحمدي شنو ؟؟
في قصة حايمة في لواتس في البي بي سي الانجليزية https://top4top.io/
بديعة جدا ذكرتني ليها صورك الرائعة الجبتها للكوشيين في السودان المداري دي ما عارف في مالي ولي النيجر واحد اتقدم يتزوح بنت واحد من الاعيان وابو البت طلب مهر حاجة عجيبة جدا قال ليه تجيب لي شريط محمد وردي الراجل ده سافر من النيجر الي مصر وقعد يفتش في سودانيين في القاهرة وعلي ما اعتقد قابل وردي ذاتو وحكي ليه القصة ووردي اداه الشريط ورجع فرحان شوف الفرق مش الازياء بس حتي الزائقة الفنية لدول الايقاد والحزام المداري السوداني للفن السوداني واحترمو بينما السودانيين في الفضاء العربي والمصري مامبو سوداني بس ياخ انا بفتح فضائية تشاد بادمان حضرت فيها حتي مسلسل درامي سوداني وبسمع عثمان حسين في اذاعة الحبشة والصومال وجبوتي واتريا وانا في اليمن شوف الفضاء الثقافي السوداني فيه كم دولة وكم شخص وسوق الاغنية السودانية المعطل وهم يشيلو ويجرو الي mbc وما عارف شنو وهم في الاعلام العربي زول اسود يتكلم عربي بطريقة عبيطة وكمرة وخفية بس وراضين وطال ما قحت دي قاعدة في راسنا بي مخلفات مايو 1969 وعلما القبيح والبعثيين والناصريين والشيوعيين عايزين الف سنة ضوئية عشان نطلع من متاهة شعب اسود وانت يا غبي ترفس في جقود بدل تشوف كائنات المركز العجيبة دي مودانا وين ؟؟ الله يرحم محمد احمد المهدي اول ثائر حقيقي واعي ضد المركز القبيح والمشوهة والخلافة المزيفة في اسطنبول وتقول لي مورتانيا والطيارة عندها بوري
04-16-2020, 09:37 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: مافاهم، اذا هم، اي الاوربيين اللي قالو انطلاقا، وكتتويج، تجسيد لما اسموه "علم" انهم اصل الحضارة، وليس نحن، "الذنوج"، "الفروخ" في وعيهم، فمادخل بشاشا عشان تغالطو كمان؟
والعلم يا بشاشا هو الاثبت انهم ليسوا اصل الحضارة مش الكلام الساي ده العلم الجاد الذي يبحث عن الحقيقة بالطرق العلمية المعروفة ، العلم المستقل عن سطوة السلطة والايديولوجيا هو ما اثبت ان افريقيا هي اصل الانسان الاول ، وليس اصحاب الحلاقيم لان الفبركة لن تصمد ابدا امام المناهج الحديثة المعروفة في اثبات الحقائق وتقصيها على مر التاريخ اقحم العلماء العرق في العلم ، ويبدو انك لم تتجاوز هذه المحطة قط فسيبنا بالله من مواضيع جعلي وجن احمر دي.. سؤال بسيط : ما الجهة صاحبة الفضل في اكتشاف كون افريقيا هي مهد الانسان الاول بالأدلة الاركيولوجية ؟
04-16-2020, 09:37 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: عشان كده قلنا ليك شوف لينا الناس الراكبين بي المقلوب ذى ذب الجمل لحدي هسة وخاتين السودان في المكان الغلط ليه ؟؟ وومامبو سوداني ومسخرة فاضية السودان مركز حضاري سينهض يوم (نهضة كوش ) وحيث تحترم الحضارة الفكر والثقافة والتراث الفن السوداني دي البلاد التنفع معاي وشكرا للدعم بي الصور واهلا بدول الحزام المدراي السوداني كلها طريق الحضارات هو طريق سكة حديد لسه ما مبدا لكن دول الايقاد جهزت نفسها وبهمني في طريق الحرير في العالم العربي اليمن وسلطنة عمان بس
عادل أنين أنا نسيت أبطلك ولا شنو بقيت تزبد زي جمل العصارة معصوب العينين؟
ياخي روق، أيوة السودان والسودانيين ينهضوا لكن مش بجنس أفعالك المرتبكة الدائرية دي! فلا يمكن تنكر أصلك لدرجة أن تتبنى حملة لازدراء أهل غرب أفريقيا بطول عمرك لغاية ما الموضوع يبقى ليك شريعة ودين! أنت متزعم حملة الهوس للهروب من الأصول، أيوة ممكن تتبنى مسمى لأي قبيلة مبتدع على سبيل (rebranding) والتملص وكدة بس من الصعب تتخلص من اسمك وعاداتك وشلوخك، الاسم (تاريخ)، ودي أسماء أهلك في غرب أفريقيا، مش دا نفس (الحزام المداري) الأنت بتقول (أهلا بدوله)؟ أنت يا مخلوق عبيط ولا شنو؟
أسمك الدال والكاشف الممكن يوصلنا لغاية الكنوري في النيجر شمال نيجريا، وممكن جداً يمرقنا في السنغال أو الكاميرون، دا ما الحزام المداري البترحب بيهو؟. وجاي تتحرى التعاطف والمواساة والنحيب لفلسطين! وعامل حفلة تنكرية (للمأزومين عروبيا) سمح خليت شنو لناس المركز الأنت ساسهم وراسهم بسلوكك دا؟
أنت بعد دا حقو تعمل (pradigm shift) لكل الطقم بتاعك وتكلمنا عن (نيجيري حر) وألوان الجناسي حقات كوناكري ودوالا وشلوخ الفولا وتقعد تنكح في سيرة بابكر شيكو بدل عوض الله وترتقي لطبقات المأزومين شنقيطياً.
Quote: يا حاتم ناقش محتوى الكتاب (عارفك ما حتقراهو ) وجهة نظرك في عبدالله في ناس ما بشاركوك فيها تعال ورينا من خلال محتوى الكتاب اقنع بأنو عبدالله زول يفتقر للامانة .. بس
والله ناغمنا سيد الكتاب من أيام خلت وطلبنا منه يجي يدافع عن صدقيته أولاً وقال جاي
Quote: الأخ عبد الله نهارك سعيد، نرجو مشاركتك إن وجدت متسع من الوقت + سلامات رسل لي حيدر اللنك قريت تعليقاتك فعلا + مشكور، ياريت تجي عشان ترد على المطروح ونواصل ما انقطع، وأتمنى أن ترفدنا برأي الإخوة الدكاترة لا استحضر اسماؤهم لكني أذكر ###، ### وأي مهتم، احترامي + جدا نخش باللابتوب ونعقب
Quote: وجهة نظرك في عبدالله في ناس ما بشاركوك فيها
والناس ديل منو؟ إذا أنت منهم فعندك النقاط فوق رد عليها لو بتقدر! عرضناها من بدريييييي عشان نوعيتك المتحفزة لكل مطبوع يدعم (الخط الجديد) غض النظر عن صدقيته.
Quote: يا حاتم ناقش محتوى الكتاب (عارفك ما حتقراهو ) +++ انا لمن قلت ليك ما حتقرا الكتاب لاني متاكد انك ما بتاع كتب
دا كلام فارغ جداً وعيب يمرق من راشد، كيف توصلت لأني (ما بتاع كتب)؟ هل يجب على شخصي التباهي بعدد المراجع أو تضمينها في كل سطر حتى (يعلم) الناس؟ فأنا من استدرك على عبد الله شم محاولاته لصنع كتاب قبل عدة سنوات (2016) وألمحته محذراً من وقوعه في الخطأ
Quote: هل تعمل حالياً على نشر كتاب بالمضمون المختزل والمنحاز دا يا أخ عبد الله؟ لأنك ما حددت الصفحتين الجبتهن ديل شنو. Re: لماذا يدعي السودانيون الشماليون أنهم عرب�Re: لماذا يدعي السودانيون الشماليون أنهم عرب�
وأنا أظني من أوائل الذين طلبوه من المؤلف وقت صدوره في السنة الفاتت، يعني ما داخل البوست بصفة (معاكم معاكم) بخلفية جهوية أو عرقية، مثلك.
Quote: سلام مهندس عبد الله شم كيف أحصل على الكتاب (the historical summary of the ancient sudanese nile valley) مع خالص الشكر + الكتاب هارد كوبي حاليا موجود بالسودان مكتبات عفراء مول صبا مول مكتبة المصورات مكتبة مروي بوكشوب المتحف القومي المكتبة الفرنسية بالمتحف لو انت بالسودان طبعا + مافي نسخة هاردكوبي يمكن شراؤها عبر الانترنت؟ + ساعي نشره في امازون وكلفت شخص وهو على وشك نشره + ممتاز، أتمنى الحصول عليه بأسرع فرصة. مشكور.
فاحترم نفسك، وبطل نعرتك التثاقفية الورقية الكتابية المقاربة لعادات أهل تمبكتو، فهذه لا تلزم أحد بتصديق ما تحاول نجره كعادتك. كلامك غير صحيح يا (إدريس) وأنت معتاد على تلفيق ما يروق لك لشخصي انزعاجاً من الحقائق التي أضعها هنا بكل تجرد.
بالتأكيد كرور طالما فيها اسمك، مشكور على الثقة. ولغاية ما الناس تقتنع بمصدرها أو تقدم إجابات مقنعة فمصيرها تتعرض بالتفصيل هنا تالت ورابع وخامس، عندك اعتراض ناقش، لو بتفهم.
Quote: ما ممكن تأصل لاسم قسرا كده .. انت في اللغة ما درست ايتمولوجي؟ اها يا شيخنا الاسماء كمان عندها علم تأصيلي اسمو الانثروبونامي .. برد الاسماء الى اصولها بتفكيكها وتتبعها عبر التاريخ وبالوثائق ، متى ظهر الاسم ومعناهو شنو وانتشر وين وهل عندو اشتقاقات، مش بي غوغل سيرش .. طريقتك الشغال بيها دي زي لعب الشفع ..
الصلاة على النبي إدريس! والله كتر خير الانترنت وغوغول، قبلها كانت مصادرنا (القسرية) كتاب (الطبقات) وشوية أحاجي وشجرات نسب مزبطة تزبيط. وأشهد ليك يا (إدريس) إنو دا كلام كويس واجتهاد مندوح منك، أن تستعين بغوغل للتوصل إلى معلومة (انثروبونامي)، ولا أعرف سبب انزعاجك من طرق الموضوع! فطالما سعيت للتعلم وعرفت مصطلحين فتعال نواصل من آخر نقطة وقفت أنت عندها (بحجة) أنك جاري تطارد البشير بدل (عنت) العلوم الأنت تجهل مجرد تعريفاتها!
Quote: ما فاضي ليك اليومين ديل ، مش لقيتني مافي وجيت تجدع .. انت قبل يومين مش حردت البوست ده ؟ صبرك بس خلينا نكنس البشير ده وباقي المقشاشة حلال عليك Re: سؤال: ما معنى كلمة SINNAR/سِنّار باللغة الهندRe: سؤال: ما معنى كلمة SINNAR/سِنّار باللغة الهند
وأبدأ لينا بتعريفك الناجرو تملصاً من استحقاقات العادة والاسم ، أعني (الاستعداد الثقافي)، دا شنو دا يا إدريس الاستعداد الثقافي دا؟
Quote: تقبل الاسم في الثقافة المستضيفة وعدد الاشخاص الذين لديهم استعداد (ثقافيا) على تبني الاسم يمثل محددا اساسيا لكثافة تكراره او العكس. يعني ان العامل الديمغرافي والثقافي يلعب دورا هاما في هذه الجزئية بغض النظر عن اصل الاسم. Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ
مروراً بنفاج (مصر) المولوج فيه سداسياً محاولة لدس الأدلة في جيب البريء تكبيراً لكوم أمبو علها تبز الكوم الكبير، الأمبوجي.
Quote: ارجع للنقطة الاولى ، لكنني ساضيف شيئا بسيطا عطفا على استياءك من اشارتي لمصر في بعض المداخلات .. يا عزيزي مصر احتلت السودان اكتر من مية سنة ، من 1821 الى 1885 ، ثم رجعت مرة اخرى مع انجلترا من 1899 الى 1956م ورغم هذا لم تؤثر تأثيرا كبيرا على بنية المجتمع ولا ثقافته وبالذات فيما يتعلق باللغة . يا اخي لو ان قوافل الحجاج يمكنها التأثير على محطات سيرها بهذه الطريقة لكنا الان نتحدث اللهجة المصرية في الوسط وفي كل السودان ، هل يمكن بأي حال المقارنة بين قوافل حجاج بؤساء وبين احتلال دام اكثر من مئة عام امتد على فترتين يفصل بينها فقط بضعة عشر عاما ؟ هذا هذيان ، حجاج شنو يا بوي البغيرو لغة ، هم فايتين لقّيط الحطب و محاحاة الرباطة ؟ بعدين ياخي انت عارف انو في قوافل حجاج من شمال وغرب افريقيا كانت تمر بمصر لقرون عديدة لييه ما أثرت على مصر ثقافيا ، اشمعنى يعني ح تأثر علينا بس ، ليه ما غيرت اللهجة المصرية ، وليه ما غيرت في تشاد ، بهذا الفهم التبسيطي يجب ان تكون هنالك ثلاث لهجات في مصر وتشاد والسودان موازية للهجة الشناقيط او التكارير ومشابهة لها ، اشمعنى يا حاتم ؟ التأثير النوبي والبجاوي على ثقافة الوسط في مشمولها وفيما يتعلق باللغة بشكل خاص اكبر من التأثير المصري بالرغم من وجود فجوة زمنية طويلة بين انهيار الممالك النوبية وبين الاحتلال التركي المصري والانجليزي . Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ
بعدها نواصل في الاحصاءات والمقاربات الانتهت بتزويرك للتقرير الباعث لهيعتك التبريرية لمطاردة البشير.
Quote: الحاج في لهجة الوسط ، وهو لقب كان يمنح لمن حج البيت ثم تحول ليصبح اسما ، لكن ليس لديه اي علاقة بالابهة ولا المكانة الاجتماعية ولا الاستقامة هو مجرد لقب اساس استحقاقه هو حج البيت الحرام ولا تترتب عليه اي مزايا ولم يكن حكرا على الاغنياء ابدا في القرون السابقة حيث كان بعض الحجاج يسافرون لحراس للقوافل او لخدمة او ملازمة حجاج اثرياء من ذويهم. وبشكل عام كان ثمن بضع ثيران كافي جدا لكي يحج الشخص الراغب في الحج وهذه لم تكن تعجز غالبية الناس ونفس الاسم او اللقب مستخدم في مصر بكثرة . نفس الشيء ينطبق على اسم "الشيخ" تقريبا Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ
فبطل السطحية والدوران.
____ ما أخير؟
Quote: طريقتك الشغال بيها دي زي لعب الشفع .. البوست الان لسة في الحقبة الكوشية ، وما اعتقد عندها علاقة بموريتانيا او سوق الحرامية والهدوم الجيت شريتا لينا دي ..
معليش يا أخ بشاشا محمد طه بيتكلم عن النوايا (intention) حسب تقديراته ضمن الحديث عن انفعالاته لكنه في نفس الوقت يتجاهل (intention) المعلن في عنوان البوست بكل صراحة ووضوح. وما عندي أي فكرة عن الشيء المضحك في الصور فحتى هيئة العمة المشار إليها تشبه كثيراً العمة في صورته هو.
ما عندي مشكلة مع الأخ إبراهيما ولا أي نزاعات رأي أو خلافات في أفكار، واحترمه جداً ولا ينبغي أن يعاد تفسير مداخلاتي بما يمكن أن يفهمه الآخرون كنوع من المرح باستثارة الضحك في شخص أي عضو هنا أو ملبسه أو هيئته، أن يضحك هو فهذا شأنه لكني أرفض أن يقرن انفعاله بنواياي.
وأنا عند موقفي في أن التوثيق للتاريخ يفترض أن يكون بعيداً عن المجاملات.
___ الاسم (بريمة) هو (إبراهيما) في أصله مجرداً من الهمزة وحرف الهاء بالنطق الفرنكفوني في غرب أفريقيا (برايما). Brahima - Braima
+++
Quote: انا لي روحي انقهمتا لما شفتا ذات القرمصيص بتاع امنا "الست" اي Auset بي لسانا النوبي الكوشي، المستخدم الي هذا التاريخ عندنا في الاعراس.
وأكتر من كدة يا أخ بشاشا، نفس الناس وذات الوجوه والسمات، لدرجة أنا براجع فيها لآخر لحظة للتيقن منها، يمكن دا عرس حق أفراد من الجالية السودانية في نيجريا! واتضح العكس، ياهم ناسنا.
المشكلة كما أراها أن هؤلاء لا يرون إلا في اتجاهات الشمال والشرق ودا أمر تاريخي يعود للهجرة إذا إدريس في بوست واحد بيكرر سيرة (مصر) عديد المرات، وحيدر مستغرب إنو يلاقي اسمه في مالي والسنغال في جهل وتجاهل ورغبة عارمة في الانفصال الوجداني والمكاني والتاريخي من أفريقيا، دي حقيقة معلنة لدى البعض ومبطنة عند المتحاذقين. ورغبة مني في عدم التسرع أن بقسط المعلومات المتوفرة (تلطفاً) وأوزعها في عدة أقسام، ممكن جداً تشاهد في القريب صور من غانا وغامبيا ممكن أتحذلق زي الجماعة الفوق ديل وأقعد أتفلسف زيهم وأجيب أسامي خواجات ومراجع وأملأ الواطا مصطلحات، ولا أفتح بوست ذي غرض زي أخينا حيدر دا في إطار الحملات والنزاع على التاريخ دا ما الموضع المناسب (منبر) لذلك اكتفي حالياً بالإشارة وإيراد ما يمكن حسابه علمياً في سبيل الاقناع بالحجة والبقاء على الحياد قدر ما يتوفر لي من معلومات يمكنني التحقق من صحتها.
Quote: نعم ماكنتا متخيل انو الي الان اهلنا في نواحي افريقيا الاخري مواصلين نفس التقليد ده، منذ عشرات الاف السنين كماهو!
بس نفس التقليد دا منعدم في أقرب جيران لينا من الأفارقة يا بشاشا، جنوب السودان والشمال الغربي على سبيل المثال. وعشرات آلاف السنين كفيلة جداً بانتقاله في جميع الاتجاهات.
Quote: كل الافارقة يشيرون للسودان الحالي كموطن لي اجدادم، وهذه حقيقة.بالفهم ده الفولان بل كل الافارقة موطنم الاصلي هو السودان الحالي، والصور الجبتها دي ياحاتم هي ابلغ دليل علي صحة هذا الكلام وباجماع الافارقة كلهم. +++ نعم بقية الافارقة اين ماكانو داخل القارة او حتي خارجا، ذهبو لي هناك من السودان الحالي!! ده هو تفسيرنا للعلاقة مابين المورز او الفولاني او غيرم، واهلهم في السودان والصور اعلاه تثبت هذا، لانو القرمصيص ومراسم زواجنا الحالي، صاغتو امنا "الست" اي The Black Madonna لدي كاثوليك اوربا، اي مريم العذراء الاضلية.
الصور أنا انتقيتها لإثبات العكس وربما أعطت انطباع يدعم طرحك، ولكنها تدعم أيضاً الرأي المغاير. وأفريقيا ولادة، ممكن جداً انتقل 100 كيلومتر في اتجاه آخر وكنت حتشوف صور لتقاليد وأزياء مختلفة تماماً وتناقض الاقتباس أعلاه، والصور دليل بالطبع، فهل سنعتبر أهل أصحاب الصور الجديدة المختلفة نسل من أجداد من منطقة خلاف السودان الحالي بذات المنطق المبين في المقتبس أعلاه؟.
شعب (الكنوري، البربري) في رأيي المتواضع أصل محتمل جداً لمكون أساس في بعض القبائل المستعربة في وسط السودان، هذا سبب هياج البعض وثورتهم ولا فرق جوهري أراه حتى الآن، فحتى النقاط التي (يعتز) بها الباحث عبد الله شم (اللون الباهت، استقامة الأنف، الشلوخ) هي ذاتها ما نراه في الصور، وعندي الكثير منها. لكن التماثيل للحضارة التي قامت في المواقع (المتنازع عليها) لا تبين سمات مشابهة، الشلوخ على سبيل المثال، فإذا كانت عادة ومصدر للاعتزاز لما خلا منها تمثال واحد، هذه نتيجة منطقية.
للأسف يا بشاشا معظم المهتمين بالتاريخ لا تبدر منهم أي علامات اهتمام بأحوال غرب أفريقيا التاريخية والمعاصرة، ولا استثنيك. فلا يمكن على سبيل المثال يا بشاشا أن يجهل ويتجاهل الشخص تاريخ موغل لآلاف السنين لأجداده في المنطقة التي يقيم فيها ويتذكره فجأة.
نظرة البعض للسودان الحالي كما تفضلت قد لا تختلف عن نظرة المستعربين من أفارقة السودان تجاه الشمال والشرق فبعض المجموعات الأفريقية في السودان (وغرب أفريقيا) لا يداخلها شك في أن أصولها تعود لصحراء الجزيرة العربية أي تتجاوز السودان الدولة وأفريقيا القارة متجاوزة بذلك تفسيرك للعلاقة بين المورز والفولاني ، ولهم استدلالات علمية جينية. وبالمناسبة هي ذات نظرة أهل غرب أفريقيا في اعتدادهم بأهل شمال غرب أفريقيا الناطقين باللغة العربية باعتبارها (لغة القرآن) لغاية الآن وأعني نظرة (السنغال، غامبيا، غانا، مالي، نيجريا، النيجر، أفريقيا الوسطى) إلى المغرب العربي ابتداء من شمال نهر السنغال بما يشمل موريتانيا الدولة. ويجيء اعتداد أولئك بالسودان كدولة ممر أقرب في موقعها الجغرافي لمركز العبادة في الحجاز، فالمسألة في رأيي مردها للهوى الديني والثقافي وهذا أمر معترف به حتى عند المتداخلين أعلاه ومذكور في مواقع متناثرة ولهذا فليس من المستغرب أن تتجمع في نقطة واحدة وسط السودان (لموانع جغرافية طبيعية) مجموعات تتحدث العربية وتدين بالإسلام وتمارس عادات غرب أفريقية، لكنها في ذات الوقت تستنكف الانتماء لغرب أفريقيا بتأثيرات متعددة ومتداخلة، منها على سبيل المثال (الوعي المفاجيء) وتجدد المواقف بناء على ردات الفعل والحاجة لإعادة تقييم الأوضاع.
في ملاحظاتي المرصودة والتي سأحاول إيراد ملخصات منها، ذات الأمر يتكرر في تخوم الرقعة التي انتشر فيها الإسلام في شرق وجنوب آسيا، هذا من ناحية الأسماء، ولحد ما العادات.
وأهم نقاط الإسناد عندي فيما يتعلق بأفريقيا ضمن ملاحظاتي على الحملات أو (النزاع) القائم بين الفئتين: 1- مطابقة أسماء البشر والأماكن، لغاية الآن أنا أطرح أسماء البشر لكن الأماكن أيضاً لها قوائمها وحظها من التشابه المذهل 2- اللغات، وهذه تبدو الأوفر حظاً من البحث إذ تتداخل فيها اجتهادات علماء من خارج القارة بحوثهم منشورة ويسهل الاطلاع عليها. 3- العادات، فمن المفيد إيجاد فواصل واضحة تحدد أصولها وأنواعها بعيداً عن الغرض ومحاولات التلفيق أو التركيب في خضم استعار النزاع.
النقطة 3 أعلاه أمر وارد جداً وتكرر في معارك اليهود مع العرب حول فلسطين، ولا استبعد أن يطل علينا بعد ثلاثة أو أربعة سنوات ويظهر فجأة تمثال بشلوخ، بعكس المعروض منها الآن..
وإن كنت ترى في انتقال العادات من السودان الحالي إلى غرب أفريقيا فكيف تفسر تفسر وجود اللغة العربية والأسماء الموريتانية في منطقة محصورة جداً حتى وقت قريب مع مطابقتها المذهلة جداً برسمها وصوتها لطائفة كبيرة من مثيلاتها في الغرب الأفريقي؟
النقطة الأولى تفسر بكل بساطة تمركز الإسلام بتعريفه المعاصر واللغة العربية في شريط أفقي ضيق وإن أريد لهذه الحقيقة أن تكون (لغز) في محاولة للتعامي عن مصدر ورود تلك الأسماء بالسؤال الأبله (جاتنا من وين؟) أو (نحنا جينا من وين؟).
___ أنا أثير هنا تساؤلات بطريقة ملخصة بدون الرغبة في التفاصيل لأجل الالتزام بموضوع البوست.
+++
Quote: معليش، كما غيرك، منطلقاتك قيلية، جهوية، جعلية، عباسية، صرفة، للاسف، مهما تعمل حريف!!
أتفق معك في الحقيقة أعلاه. والرجل أقر بذلك في عدة مواضع، فهذه حرفته التي يجيدها.
الأخ حيدر الزين أعتذر عن البدء في إيراد المحتوى الخاص بالنقاط التي وعدتك بها لأولوية الرد الملحة على نقاط عاجلة ولقلة الوقت المتاح. سأبدأ في أقرب يوم من الأسبوع القادم.
يا أخ عبد الله شم أنت تقرأ الآن ما أكتب، فالمفروض تظهر وتدافع عن وجهات نظرك حسب وعدك. لا اعتقد أن هنالك عيب في الرجوع عن بعض معتقداتك أو اجتهاداتك فأنت أصلاً غير مختص في التاريخ. وسعيك لتوثيقه بحماس لن يخلو من ارتكاب الأخطاء التي يتحراها المحترف، ومن الأفضل أن تقر بالخطأ بدلاً عن تركه لتقديرات الناس.
أنا سبق وطلبت رد مجموعة من الباحثين يكتبون في منشورات تدعم الاتجاه الذي تتبناه ولا أزال عند موقفي مما عرضته.
في إمكاني الأخذ بكل ما تقول وتكتب، كما يفعل الآخرون، لكني أتحرى أولاً من صدقية المؤلف وخلو نهجه من الغرض.
___ أما التحقق من المعلومات فأمر له وسائله المتوفرة.
04-16-2020, 12:26 PM
adil amin adil amin
تاريخ التسجيل: 08-01-2002
مجموع المشاركات: 37010
Quote: أسمك الدال والكاشف الممكن يوصلنا لغاية الكنوري في النيجر شمال نيجريا، وممكن جداً يمرقنا في السنغال أو الكاميرون، دا ما الحزام المداري البترحب بيهو؟. وجاي تتحرى التعاطف والمواساة والنحيب لفلسطين! وعامل حفلة تنكرية (للمأزومين عروبيا) سمح خليت شنو لناس المركز الأنت ساسهم وراسهم بسلوكك دا؟
يا حاتم الرايح ليه درب انا ما بجي اورجغ واشبع نرجستي في البورد وامشي في خرط جغرافية وجينية ركز فيها كويس لانها اكسو كلوزيف وانت تمارس هذيان وانا عندي رؤية واضحة
الخرط الفوق دي ورتك العرب وين من الاساس وانت في هذيانك ده لافي صينية ساكت بلا رؤية ولا مشروع انت عارف الاستلاب القبيح العروبي هين لكن الاقبح الاستلاب الصهيوني وظنك ان اسرائيل الحديثة دي دولة دينية وهي دولة سياسية فقط تاسست بي ناس عاديين هرتزل وبلفر لمن اتعاطف مع الفلسطنيين هم كنعانيين اصحاب الارض وراجع الخرطة الفوق يا بليد واليهود الاصليين قوم موسي بلدهم كوش والكوشيين الفلاشا وام موسي يوكابد كوشية والعرب الاصليين في اليمن ولد اسماعيل وامه هاجر كوشية اذا رجعنا لي كوش هي الاصل وفي فرق بين الكوشيين في السودان وغيرهم ونحن الشايقية والجعليين شرحتها مليون مرة كوشيين مستعربين هم كوشيين الترانسفير خلي الغلاط الفارغ المركز المشوه بتاع مصر اسطمبول ده اسال منه عتقاء حملة كتنشر في المركز وليس نحن في الشمال نحن لا سائلين في عرب مزيفين ولا يهود مزيفين اسرائيل دي كانت خيار بين الارجنتين ويوغندا كان انت ازرقي منظمات ومتسكع في اوروبا وامريكا ما تمجد لي اسرائيل اطلاقا وانا بحاور قاي معيان وايدي كوهين في تويتر في مستوى عالي جدا انت ارفس هنا بس في سودانيز اون لاين الان شفت العلم وشفت طريق الحرير وانا عشان ما تتعقد ضد انتحال الهويات في السودان الرقيق يقول انا رقيق والفلاتي يقول انا فلاتي ممنوع انتحال القبائل والاصول وكله موثق المركز المشوه ده هو الرابطنا بي مركز الخلافة التركية البغيض والعالم العربي المزيف والله يرحم الامام المهدي اول ثائر سوداني حر ضد هذا المركز المزيف عشان كده مشروع جقود في البورد مهدية ثالثة وقرررط علي كده
04-16-2020, 03:34 PM
Bashasha Bashasha
تاريخ التسجيل: 10-08-2003
مجموع المشاركات: 25803
يا شيخ عبدالله، "الجعلي الحر" الجاي يصطف في الخيط ده مع حيدر، اخاه في الجعلية:
ياعزيزي اعلم:
هو صراع بقاء، او فناء او بالتالي مايسمي "علم" او "دين" هو ابرز ادوات واسلحة المعسكر الاخر اي المعسكر الاري!!
كنتيجة برز للوجود المعسكر الافريقي اي المدرسة السودانية، دفاعا عن الذات وبغرض التحرر!
اها المدرسة السودانية دي اللي ماوصلت السودان الي اليوم، لانو السودان لازال مصري انجليزي، اي ارض محتلة، استخدمت ذات خطاب وسلاح وادوات المعسكر الاخر، اي المدرسة الاوربية، او هزمتا شر هزيمة!!!
اذن لوفاهم في حاجة اسمها "علم" او "دين" معلقة في الهوا، فانتا فاهم غلط!!
يكفي كدليل مافعلو بنا اذلام النظام الهالك، باسم "الدين" اي ابرز وامضي اسلحة امبريالية الثقافة العربية المستعبدة لوعي السوداني!!
لاحظ للبديل يا للنكتة!!
المتحدث الرسمي باسم النظام البعثي الشيوعي الجنجويدي الانقاذي الحاكم، نـــــــاصـــــــري!!!
بشاشا شغل الكلفتة بتاعك ده انا ما بمشي معاي .. جدل شنو الاستمر 200 سنة ؟ هو جيل فرانز فانون وانتا ديوب اول جيل حاول انو يقدم اسهام مقدر ، لكن علماء الاثار الغربيين هم من حسم هذا الجدل ، الجامعات والمؤسسات الغربية هي من مول اعمال التنقيب في الغالب هم من قاموا بدراسة النقوش والكتابات الاثرية وفكوا شفرتها ولولاهم لغابت الكثير من الحقائق . وبعدين الاجهزة والتقنية ذاتا البستخدموها بتاعين الاثار ، الاخترعا منو ؟ هم العلماء الغربيين المعاصرين ، ليسوا علماء القرون الماضية ، فلو كانوا بالسوء وعدم النزاهة البتتكلم عنو ده كان ممكن بكل بساطة البقايا البشرية الاثبتت انو افريقيا هي مهد الانسان ، كان ممكن يتلاعبو فيها ، ينقصوا ليك عمرها مثلا ، انت لا تملك التقنية ولا العلم ولا التمويل ! العلم هو وحده القادر على حسم اي جدل ، الكواريك دي تظل كواريك ساي مالم يدعمها دليل مادي ..
04-17-2020, 03:48 AM
adil amin adil amin
تاريخ التسجيل: 08-01-2002
مجموع المشاركات: 37010
يا حاتم ابراهيم شفت كيف استلاب عروبي او استلاب صهويني يخليك زي كعوك المركز ومقاطيع الهامش في البورد كوش دي وعي وسلوك (خليوت بعانخي ) كوش رؤية لجعل السودان مركز حضاري من جديد ركب ذاكرة 12 قيقا بايت وتعال في رمضان نتكلم العلاقة الطبيعية بين السودان الجغرافي (1يناير 1956 ) والسودان المداري (الايقاد + حزام جنوب الصحراء الكبرى الي السنفال ) واولاد اسماعيل عليه السلام الحوثيين في اليمن وسلطنة عمان وطريق الحرير الصيني من شنغهاي الي السنغال ...طريق الحرير الجنوبي بس عشان ما تجي تهضرب زي ناس جماعة ذب الجمل في البورد المصرين لدرجة الاصر ربطنا بي المركز القبيح والمشوه بتاع الخلافة التركية ودول العالم العربي التعيسة حتي الان دون حياء وبي علم مايو القبيح .. مع السلامة اقرا الكتاب ده بس وتعال
https://top4top.io/ وزح من بعاعيت مايو 1969 وايتام الترابي ديل ما كوشيين والسعة الدماغية بتاعتم ما فايتة مثلث الحمدي وعبدالناصر وصدام حسين وقاعدين في راسنا في البورد والسودان حاصل فارغ ركز علي المركز وزح من قبائل الشمال يزح قملك
04-17-2020, 05:25 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: علماء الاثار الغربيين هم من حسم هذا الجدل ، الجامعات والمؤسسات الغربية هي من مول اعمال التنقيب
امنتو بامون رع!!!
لاحولا!!
وقسما اكاد لا اصدق انك بتقول كلام زي ده، علي الملا، علي الاطلاق!
اعترف ماخطر بي بالي خالص، خالص!!
ياشيخ عبدالله، بتعرف معذتي ليك قدر شنو رغم اختلافي معاك الجذري:
"علماء" الاثار القتا "غربيين" ديل كيف يكونو خصم وحكم في ان معا؟
هو من اساسو الصراع المدور ده مش الجدل، من 200 سنة بين منم، او منم؟
واضح انك مافاهم التكتح في الموضوع ده، او ده ماذنبك!
هذا مسؤولية ادارة المناهج في بلدنا.
هذا ماعنينا، كيف احنا السودانين هم ابرز "مرتزقة" المعسكر الاخر!
نعم نفس الحصل في كرري!
نعم لواء مكدونالد البريطاني اللي حسم معركة كرري، جنودو كانو سودانيين، جو من اوربا قاطعين البحر لتمكين مستعبدينا، مستعمرينا، من اعادة احتلال بلدم!
اليس هذا جنون؟
ولكن هذا بالضبط هو حالنا الان!
اللي حسمو الصراع ده، مش "الجدل" لصالحنا هم رواد المدرسة الافريقية اي السودانية، اللي عاصمتا الان امريكا.
المجهود البتتكلم عنو بي براءة، من رواد المعسكر الاخر، كان ينطلق من نكتة "الاصل الاري للحضارة"، فلو ده حاصل طبيعي انهم يمولو، ينقبو، او يبحثو، تاريخم هم، مش انتا!!!
طبعا ده، هو الفايت عليك، بحكم طريقة تفكيرك "المثالية" زي مابقولو علينا.
قال هم اي الخواجات هم الحسمو الجدل!!!
امنتو بامون!!
بقول ليك هم قامو او جو لحدي عندك في السودان، قاطعين المحيط بحثا عن تاريخم هم، تقول لي حسمو الجدل؟
مافاهم زول غريب، وافد، اجنبي بكل قوة عين يجيك قاطع المحيط، في غرفة نومك، يطردك او يغير الطبل باعتبار البيت بيتو هو او مش انتا، تقول لي حسم الجدل؟
نعم ثقة عمياء، مطلقة، منطلقا مركب نقص في دواخلنا كقوم سود، تجاه البيض واللون الفاتح بعامة.
04-20-2020, 08:48 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: هي السند ما جبنا ليك يابا نطيت وقلت الفزعة ياااااااا البشير!
سند وين الجبتو ؟ انا لي 3 سنين ساكيك وانت بتتزاوغ ، وين المصادر ، اوع تكون الصور بس؟
Quote: فأنا لا أشير للملابس بوصفها (دليل) بل العادات إجمالاً مع أن الملابس بالتأكيد لن يأتي الالتزام بها من الفراغ، واستخدامها هنا للإشارة.
هناك بتقول جبت سند وهنا بنقول انا اشير للعادات! انت منو يا شيخنا ؟ انا عايز مصادر ، العادات دي انا اضمن كيف انك قاطعا من راسك ده ! عرفت لييه اسس البحث العلمي بتتطلب صرامة وبعد عن الذاتي والانطباعات ؟ لانو لو سبنا الحكاية كده اي حاتم حيجي يرص خيالاتو هنا ويجي يقول ليك دي ادلة.. عايز مصادر وبس
Quote: رافض لأي ارتباط من أي نوع مع مجتمعات غرب أفريقيا (شعوب وقبائل) وبيتبني مبدأ التأثير (coercion) حاجة كدة زي المغناطيسية بالضبط
التأثير الثقافي Cultural Influence وهو يشير الى قدرة ثقافة ما على التأثير على ثقافة اخرى سواء بالقهر او القبول-القوى الناعمة ، coercion لا تعني تأثير بل قهر انتشار الثقافة بالقهر Cultural Colonialism معروف في سياق فرضها من قوة اجنبية ، بينما يستخدم اصطلاح الهيمنة الثقافية Cultural Hegemony للدلالة على فرض نخبة ما ثقافتها على الغالبية داخل مجتمع او دولة محددة ، دي الاصطلاحات المتعارف عليها فما تتشوبر ساي. ، القوة الناعمة شرحتها ليك قبل كده ، شنو يا بوي اللف والدوران الماعندو نهاية ده؟ غايتي ليس نفي ارتباط مع غرب افريقيا ارتباط او عدمه ، انا اطلب منك تدعيم ادعاءاتك بالمصادر ، انت خسران شنو ؟ اعترف يا خي قول الكلام ده رؤيتي الشخصية ، حنقول ليك والله نحن ما عرفناك عالم تاريخ او انثروبولوجيا ، فتواضع قليلا .. بس حنخليك تتونس برضو ، عادي .. لكن ما بنقبل تجيب لينا كلام فارغ ما عندو اساس وعايزنا نعاملو كإنجيل.
Quote: رافض لأي ارتباط من أي نوع مع مجتمعات غرب أفريقيا (شعوب وقبائل) وبيتبني مبدأ التأثير (coercion) حاجة كدة زي المغناطيسية بالضبط
04-17-2020, 04:14 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
حبيت الحقيقة انه الواحد وقت يذكر معلومة خطيــرة ما يتركها للتعميم ونظرية الموقف العرقي والقبلي ساي كدة .. مسألة تعميم الفهم الخاص ببشاشا في شأن علمي بسبهللية كدة متعب ويدخل في مغالطات وإثباتات وقالوا وقلنا .. بشاشا يكتب في شأن العلم والتاريـخ في جزئية خاصة بما يخص منطقة السودان الحالي ..
Quote: مافاهم، اذا هم، اي الاوربيين اللي قالو انطلاقا، وكتتويج، تجسيد لما اسموه "علم" انهم اصل الحضارة، وليس نحن، "الذنوج"، "الفروخ"
بيبقى يحتاج الكلام لإثبات أو أقلاها إحالة لنماذج ان لم قال ما قاله .. فأكيد بشاشا كزول مطلع وعارف مابيلخص ويخلص لنظرياته إلاوفقاً لما اطلع ووقف عليــه .. إن لم يكن آمون رع يملكه المعرفة والمعلومة كفاحاً ووحياً .. أنا كزول واقف على الصايد الاخر تماماً قادر أفرق بين تلاتة انواع من كلام الخواجات والاوربيين فيما يخص الحضارة الحضارة في العصور القديمة والعصور الوسطى والعصر الحديث .. فيما يخص الكلام عن الحضارات القديمة واصل الإنسان إعترف اني ما قريت ولا مرّ بي خواجة مستهبل قال هم أصل البشر او اصل الحضارات القديمة أو هم من أسسوا الحضارة ونسبها ليهم .. فياريت يا بشاشا تبرنا وتدعم كلامك دا بأن من هم الاوربيين البيقولوا هم الأصل فيما يلينا ويخصنا نحن ..
تحياتي
04-17-2020, 04:33 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
كتب دكتور محمد ابراهيم بكر في مقدمة كتابه يا علاء سيد احمد التالي :/
سكان المنطقة التي تعودنا أن نسميهم نوبيين لا تنطبق عليـهم هذه التسميـة إلا من القرن الثالث الميلادي أب بعد وصول هجرات النوبيين وإستيطانهم بالمنطقة ، في العالم القديـم أطلق على المنطقة واوات * والجزء الجنوبي حمل اسم كوش ، ثم طغى اسم كوش فأضحى علماً على المنطقة كلها بما ذلك النوبة * وشمال السودان وهكذا ظهر اسم كوش في وثائق العالم القديم المصرية منها والآشورية والأثيوبية.
الكلام دا نفس العبر عنه المغضوب عليـه عبدالله شم .. :) وهو كلام كل او معظم الباحثيـن الكتبوا عن تاريـخ السودان القديـم .. حتى جدنا عيزانا مشتت شمل كوش قال كدة .. مابيختلف فيهو معاهم الا بشاشا قس الله سره وال بتؤمن إنت بكل مايكتبه عن كوش :)
وحتى مداخلات بشاشا العنصرية الفوق دي الخالطة التاريخ الديني مع الانثروبلوجي مع العلم مع الخرافة مع الاساطير ما يقدر يقول ليك فيها نجيضة غير مرة يشبكك كوش هو امون رع ومرة يقول أصل العالم نوبي .. والحقيقة انه بشاشا لو ادى نفسه فرصة يقرأ ويتثقف ويعاين للعالم بمنظار محايد بعد يطلع نظارة ابيض اسود دي فكويس جداً وبتجي منه فائـدة قرقرقرقرقر
04-17-2020, 05:36 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
الليلة وقت أجي اقرأ مثلاً لمؤرخ أو باحث مصري كاتب :/ من المؤسف ان آثار السودان في الفترة (1730-1580 ق.م ) لم تمدنا بمعلومات تاريخية تستحق الذكر فلم نعثر لأصحاب تلك الحضارة بعد على آثار مكتوبة وإنما جل إعتمادنا على المصادر المصرية القليلة التي تحدثنا بإختصار عن تلك الحضارة ثم على نتائج علم الآثار والدراسات المقارنة بمخلفات أهل البلاد
ما بشن هجوم على المؤلف ولا بقول هو عشان مصري والا عنصري قال كدة .. أول شئ بجيب ان أعرف كتب كلامه متين ..! وقاصد بكلامه دا ياتو آثار منطقة وهل في التاريخ الكتب فيه كلامه كان تم تنقيب وبحث أفضى لنتائج عكس كلامه ! ثم هل بعد تاريخ كتابه تم الكشف عن كتابات فيبقى كلامه انتفى عملياً ؟؟
بفتش شوية كدة عشان اشوف كلامه بلقى انه في ملك عظيم اسمه يريكي امانوتي - 430 الي 400 ق.م وهذا الملك له أكبر هرم في نوري وعدد من الكتابات المكتوبة بالنقوش المصرية ( ونسبة النقوش لمصر هنا لانها ظهرت في مصر قبل تلك الفترة بكثير ) كتب هذا الملك في معبد آمون بكوة مقابل دنقلا إنه وصل للعرش في عمر 41 سنة وحكم حتى تاريخ كتابته 25 سنة وقال انه قبل تتويجه رسميـاً بدأ البدو من شمال مروي في الإنتفاض ، وتوجب عليـه شن حرب عليـهم حتى يصبح قادر على الذهاب إلى نبتة وجبل البركل لمراسم التتويج . وكتب بعد ذلك أنه قاممن نبتة اسفل النهر لزيــارة الشمال فثارت قبيــلة بدوية تسمى مدد فأرسل جيشاً للإستيلاء على أراضيهم وأسر أهلها للعمل في خدمة المعابــد ..
ثم في اطار الكتابة والتوثيق بجد ملك آخر هارسيوتف 390- 350 ق.م له مسلة منقوشة في جبل البركل ايضاً صنعت له بعد ان دام حكمه 35 سنة سجل فيها ان البدو سيطروا في فترة من الفترات على مروى حاضـرة عرشه ، ويتحدث عن الحملات التي يشنها جيشه في الصحراء وأسره زعماء الصحراء وغنمه اعداد كبيـرة من المواشي. ويتحدث عن تغطية جزئية للمعابد بالذهب وإنشاء حدائق وحظائـر للماشيـة وإنه اعاد بناء القصر القديـم الذي به 60 غرفة .
الكلام دا قبل فترة بسيطة من هجوم الاحباش واهل اكسوم السجله الجد عيزانا في النص الجابو مولانا الملك في مداخلته :)
04-17-2020, 06:10 AM
Bashasha Bashasha
تاريخ التسجيل: 10-08-2003
مجموع المشاركات: 25803
الديكتور بتاعك ده، اعلاه، كما غيرو من باشبوذغة مستعمرينا لايفقه شئ، خارج نطاق ما لقنوهو اسيادو المسكين.
كدليل يكفي اعترافو اعلاه علنا وكتابة انو كما غيرو تعود يسمي سكان منطقة بعينها في اقصي الشمال ك"نوبيين" حصريا!
هذا مانعني بي خبوب الوعي القبلي الجهوي كاساس لي بنية السودان الحالي، المصري الانجليزي الولعت بلدنا حسب الخطة الوضعوها مستعمرينا بخبث، ثم رحلو بالمزيكة!
بعدين مافاهم هجرات من اسماهم "نوبيين" دي شنو؟
نفس خبوب التصورات المسبقة بتاعة كراهية الذات والتعري من الانتماء ل"الذنوج" اللي جعلت من كل السودانيين مهاجرين قادمين من خارج افريقيا وبالذات من الجزيرة العربية!!
نعم تقريبا سود افريقيا كلها من اقصاها والي اقصاها، بيدعو انهم جو افريقيا من برا!!
ليه؟
شغل جك، تعري او خجل من اصلهم وكمخارجة كل الافارقة بيدعو انهم اتو مهاجرين الي افريقيا!!
اذن لاجديد في تخرصات هذا الديكتور اللي امثالو مسؤولين من طريقة تفكير هؤلاء الكواشة في مواجهة النوابة، وقبلها امثال بريمة في الهامش!!
الطريف جدا اخانا حيدر علنا بستدل بي تخرصات كهذه، مصر انو من يسمونهم "نوبيين" حصريا غير امثالو من "الفجعاة" بقو كوشيين بين يوم او ليلة!
لاحظ لحدي الثمانينات ما كان في زول كقــاعدة من هؤلاء "النوابة" كان بقول علي روحو، "نوبي"!!
لهذا كبار السن منهم مابعرفو زاتو مامعني "نوبي"!
لماذا الثمانينات تحديدا؟
لانو ده هو الوكت، اللي فيهو الخواجات رفعو البيرق او سلمو السودان ارض اجدادم افتراضا للسودانيين وانسحبو الي كمت اي "مصر" للدفاع عنها!!
السبب شنو في ده كلو؟
السبب انو المعسكر السوداني اي الافريقي تحت قيادة شيوخنا ديوب واوبانقا في اوائل السبعينات، بالضربة القاضية، في مؤتمر اليونسكو في القاهرة، هزمو نازية البيض هزيمة مرة!!
لهذا ولغرض محدد، الخواجات راحو نافخين في كير "نوبيين" هذا، بي خبث بالصيغة القبلية الجهوية الحالية المفخخة المدمرة، وكنتيجة برزو الكواشة، اي ناس "جعلي حر"!!!
واضح للكل، هنا، وكما اثبتنا من كلام العزيز عبدالله، اننا فعلا مخمومين خم السجم والرماد، لدرجة، الخواجات عادي بياكلو بي امخاخنا حلاوة!!!
عجيب جدا اصرار اخانا حيدر او شيخو عبدالله شم، علي انو من يسمونهم نوبيين، غير الكوشيين، وهذا يموخل بحق!!
لاحظو بعد ده كلو لاوجود لبقية السودانيين خالص خالص في كل ما اتصل بتاريخ السودان القديم، باستثناء "البجا" الورد ذكرهم عرضا علي لسان اخونا شم!!
لاحظو عبدالله شم يكره من يسميهم ذنوج اللي لاوجود او ذكر لهم في اي شئ متصل بتاريخ السودان القديم الخاص حصريا بالجعل والمحس!
نعم احفاد العباس، واحفاد الاوس والخذرج، يا للنكتة!!
04-17-2020, 06:21 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الطريف جدا اخانا حيدر علنا بستدل بي تخرصات كهذه، مصر انو من يسمونهم "نوبيين" حصريا غير امثالو من "الفجعاة" بقو كوشيين بين يوم او ليلة!
يا بشاشا الاطرف من كدة انا مامؤمن اساسا انه في وجود حالياً لما يسمى بالكوشيين .. وأي محاولة لنسبة عرق حاليـاً لي كوش دي بتبقى مجرد تخاريص وتكوييش ساي .. والنوبة المعروفين الان لا علاقة لهم بالجنس الكوشي إلا كمستوطنيين في ديارهم .. فما تفتكر غني بقول انه الجعليين او المجموعات النيلية الحالية هم امتداد العرق الكوشي .. والغريبة للآن انا ماجبت سيرة لقبائل السودان ومجموعاته السكانية حاليا .. بس انت مستعجل لتقيف موقفك القبلي العنصري الواضح .. كوش دي إلا في التلمود بس زيها وزي الفراعنة وقوم عاد وبني عمليق .. أها شن ليك !
04-17-2020, 07:53 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الأخ حيدر الزين أعتذر عن البدء في إيراد المحتوى الخاص بالنقاط التي وعدتك بها لأولوية الرد الملحة على نقاط عاجلة ولقلة الوقت المتاح. سأبدأ في أقرب يوم من الأسبوع القادم.
مقدر طبعاً حظر وتحديد المداخلات اضافة للنقاط الأخرى .. ياريت برضو ترسل يميل لبكري لو تحديد مداخلاتك طول ..
بالنسبة لي لنقاط نقاشنا حول الكتابة والأميـة .. انا فقط بفرز مابين المعرفة والكتابة في مثالك .. باعتبار المعرفة أشمل والكتابة والاميـة جزء او شكل من أشكال المعرفة والثقافة والمعرفة قد تشمل حتى المكتسبة بواسطة الغرائز الطبيعة للبقاء والدفاع عن النفس اللممكن نجد اشكال تنظيمية وتخطيطية حتى في مملكة الحيوان..
تحياتي
04-17-2020, 08:19 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
لو أحاول ألخص كلام بشاشا الفوق كنقاط اضيفها لنظريته حول العرق الاسود :
1/ كلمة نوبة بتعني عبــد 2/ تسميـة النوبة لاهل المنطقة جايي من برة خارجها وسكان المنطقة لم يكونوا يسموا انفسهم نوبة .* 3/ بدأ النوبة في تسمية انفسهم نوبة في الثمانينات ** 4/ سبب تقبل النوبة لكونهم نوبيين - رغم انها تعني عبد - يعود لحنك الخواجات
ــــــــــــــــــــ * ماهو الاسم القديم ** مصدر الاسم القديم ووجوده يفترض ان يكون متاح لقرب الفترة الزمنية ..
04-17-2020, 08:49 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
بالنسبة لكوش في الكتاب المقدس والخلقت نظريـة تاريخ ديني للمنطقة .. وبتخلي الناس تحاول تقرا الاثار وفقاً للرواية الدينية وتطلع نظريات تاريخية زي نظرية زغلول النجار والإعجاز العلمي في القرآن .. لو راجعنا بنلقى انه كوش في الكتاب دائماص بترمز لمنطقة جغرافية ودلالة على أرض اكثر من انها شعب .. في حزقيال 29 واشعياء 37 والملوك 19 وسفر الاخبار 12 ودانيال 11 وناحوم 3 وحزقيال 30 دي كلها نصوص واخبار بعضها نبؤات ذكرت حين ذكرت المنطقة المسماة السودان حالياً بأرض كوش ومنطقة كوش ..
امثلة للمكتوب - كوش قوتها مع مصر وليبين - ويأتي سيف على مصر وسيكون في كوش خوف عظيم -وأجعل أرض مصر خراباً خربة مقفرة من مجدل التي في أسوان إلي تخوم كوش لا تمر فيها رجل إنسان ولاتمر رجل بهيمة ولا تسكن أربعين سنة " والاخير دا من نبؤات آخر الزمان عند ظهور المسيح الدجال .. ذكر في حزقيال 29 انصار معركة هرماجدون والمسيح بيقولوا انه بحيرة السد العالي الان هي المنطقة الخرابة المقصودة بالنص اعلاه ..!
النقطة التانيـة التاريخ الديني إذا اخذنا بيهو في تسمية كوش نسبة لكوش بن حام بن نوح وانه حام هو الاستوطن افريقيا فلا ننسى انه نفس التاريخ الديني بيقول انه لحام اربعة ابناء بإضافة لنمرود .. ودا بيخلينا نعرف انه اساميهم كنعان ومصرايم وفوت.. بيبقى نفس التاريخ الديني الانت اقتبست منه بيشرك معاك أتلاتة مجموعات عرقية في النطاق الجغرافي المحدد ورد اصول المنطقة لعرقيات اثنية مختلفة بما فيهم البربر والليبيين والمصريين والنمرود :) الغريبة الأصل دا ما ملاحظ انه بيقربك شوية من الكنعانيين الجاريين منهم ديل ..
04-17-2020, 04:46 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: 4/ سبب تقبل النوبة لكونهم نوبيين - رغم انها تعني عبد - يعود لحنك الخواجات
ياحيدر، النقطة اعلاه، مهمة:
اولا كونو "نوبي" تعني عبد، ما كلام كتب خواجات اوبث وانما لي روحي وانا طفل سمعتها بي اضاني ك"شتيمة" عديل كده لي حبوبتي عليها الرحمة، زي ماحكيت.
اها لما بديت اسال في البيت او في الحلة، يا كباري، يعني شنو "يا نوبية" مالقيت ولافرد واحد احد يعرف او يدعي انو نوبي او نوبية!!
كل العرفتو انو النوبة هم نوبة اهلنا في الجبال لهم القومة!
ده، كان هو مدخلي للطريق الشقيتو منذ ان كنت طفلا، والي هذه المداخلة!
نجي للاهما:
ليه في الثمانينات المثقفاتية وبالذات طلاب جامعة الخرطوم ابتدو يحتفلو بي "نوبيا"؟
قطعا ده كان خط عام بدا يتشكل حول العالم في المجال ده كنتاج مباشر لمجهود المدرسة السودانية الافريقية منذ عشرات السنين، بالذات في امريكا تحديدا عاصمة الوعي الكوشي الان واللحظة!
اذن حتي قدر طشاش الوعي الكوشي الشائه المشوه، الموجود الان في السودان، فهذا يعود لنضال محاربي المدرسة السودانية، ولكن بي طريقة غير مباشرة!!
كيف؟
الضربات القاضية المتلاحقة لي ترهات غنج الاصل الاري للحضارة من محاربي المدرسة السودانية اجبر غلاة المركزية الاوربية انهم يغيرو التكتيك بتاعم، باعطاء "السودانيين حكم ذاتي" فيما اتصل بي ارثهم الحضاري.
كنتيجة بدا العزف علي نقمة "حضارة نوبية" موازية لي حضارة "مصرية"، والخواجات نفخو في الكير ده بشدة، بي خبث!!
كيف؟
الغرض من ده كلو كان ولايزال الدفاع عن حضارة "مصر" كارث قوقاذي!!
لهذا اعلمو، اي زول يلاقيك في المجال ده، او يقول حضارة "مصر"، اعلمو انو "حمـــــــــــــــــبرا"!!
نعم كيس نايلو، الهوا شايلو!
لهذا حملة الدال في المجال ده في السودان الما زال مصري انجليزي بفضلهم، بي جدهم، يسوو "حضارة مصر" ولايمكن كقاعدة تلقي واحد فيهم بقول "كمت" لانهم للاسف كما اي "روبات" برددو تخرصات اولياء نغمة وعيهم اي الخواجات!
من الجانب الاخر المدرسة السودانية الافريقية، بزعامة شيخنا ديوب او رفاقو منذ القرن ال19، من قولة تيت ركزت علي كمت تركيز كامل وتجاهلت كوش تماما!
ده كاستراتيجية حرق تش، لمان جاب ضقل ترهات "التامهو" يلولح في السبعينات!
واضح ده موضوع مركب، مشربك شديد خالص خالص، او ناسنا في السودان كما الببغاوات يكتفو بترديد ترهات الخواجات والسلام!!
من ذلك كيف حضارة السودان هي الاقدم "في افريقيا" لاحظ، "جنوب الصحراء"!
نعم تسميع بالنص، دون ادني ادراك، وكنتيجة السويسري اياهو اصبح من بعد نبي اله معبود، كنتيجة مباشرة لمركب النقص المحفور في اعماقنا تجاه بيض البشرة بعامة!!
لحدي ماجيت امريكا اطلاقا ماسمعتا بي اسم شيخنا انتا ديوب مع انو ده مجالي!
اذن انتبهو للبسو "حضارة مصر"!
مصر بتاع مين ياهذا؟
04-18-2020, 04:01 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يا بشاشا الاطرف من كدة انا مامؤمن اساسا انه في وجود حالياً لما يسمى بالكوشيين .. وأي محاولة لنسبة عرق حاليـاً لي كوش دي بتبقى مجرد تخاريص وتكوييش ساي .. والنوبة المعروفين الان لا علاقة لهم بالجنس الكوشي إلا كمستوطنيين في ديارهم ..
نواصل مع الصديق حيدر..
فعلا كلامك كيف الكوشيين انقرضو، او كيف هكذا الكلام مجرد تاريخ انقرض، اعترف مثل هكذا تصور مسبق، منتشر جدا في اوساط مثقفاتية الاحتلال الثنائي، من امثال الزميل اسامة الخواض!
مع انو في شعرو اوقصايدو، هولايزال يناجي يوسف وليس اهله، العاش بينم يوسب كلاجئ ومهاجر في كمت، لو افترضنا يوسب داك كان من شاكلة نتياهو او مش "فلاشي" كنعاني!!
ياعزيزي، وعكس تصورك المسبق، حياتك علي مستوي اللاشعور، لم تتغير بمايذكر عن اسلوب حياة اجدادك في عصر الاهرامات لوبتصدق!
طيب، لما تصحي الصباح لو متزوج، احيانا بتغتسل؟
ده كان من تقاليد اجدادك منذ الاف السنين!
هل بتتوضا عشان تصلي الصبح حاضر؟
ده كان بعض اسلوب حياة اجدادك اليومية منذ الاف السنين!
بتنوم بالعراقي؟
ده كان هدمم منذ الاف السنين!
بتلبس طاقية حمرا؟
ده كان يرمز للشمال اي منطقة الدلتا في كمت!
ولاطاقيتك، بيضا؟
اها ده كان برمز للجنوب اي كمت العليا، والطواقي دي بالذات الطاقية الحمراء والبيضا هي اعادة انتاج لذات التاج بتاع The Two land اللي كان لقب، ملوكي!
لو كنتا من الريف، هل في المسا بتمشي حفلات الاعراس؟
اها رقيص الرقبة في ضي القميرة في العرس داك، بيرجع لي عصر الاهرامات!
الدكاي، شربتو في العرس ده؟
اها ده، من اختراع جدك "اوسار" ابو الحضارة، ابو "الدكاي" اي مخترعو، وهو اول من بلغ مرحلة الانسان الكامل، في تاريخنا، اللي اوجد كمت، وابو الملوك جميعم منذ عشرات الاف السنين!!
السماية؟
الكرامة؟
الاضرحة؟
زيارة المقابر؟
الطهور؟
السواقي؟
النوريق؟
اعلم لاجديد هنا، اطلاقا!!
نرجع لي موضوع "النوبة" المعروفين علي قوللك:
ياعزيزي هذا وهم!
اذا لابد، النوبة بالالف واللام هم اهلنا في الجبال، ملوكنا اي ملوك نوبيا اي الطبقة الحاكمة حينها!
اذا الدنقلاوي نوبي والنوباوي نوبي، يبقي الما نوبي منو في الكون ده كلو، في اوساط السود؟
ياخي اعمل معروف واسمع كلامي في الموضوع ده، لاني ماكل السماية دي بالمناسبة، اي حاضرا، في الثمانينات، نعم كنت موجود ساعة الوضوع زاتو!!
ياعزيزي اذا مقتنع كلنا سودانيين، فمن باب اولي تقتنع اننا كلنا نوبيين، كلنا كوشيين، وهذا لايتناطح حوله عنزان!!
Quote: 1/ كلمة نوبة بتعني عبــد 2/ تسميـة النوبة لاهل المنطقة جايي من برة خارجها وسكان المنطقة لم يكونوا يسموا انفسهم نوبة .* 3/ بدأ النوبة في تسمية انفسهم نوبة في الثمانينات ** 4/ سبب تقبل النوبة لكونهم نوبيين - رغم انها تعني عبد - يعود لحنك الخواجات
قرقرقرقر
ياحيدر،، اعلاه كلام بشاشا؟
معقولة؟
شغل sarcasm علي قول الخواجات!
معليش كان عربي ولا انجليزي كلو رطانة، عندنا!
ولكن لمصلحة عزيز بشاشا، القاري نقول:
"عبد" كتعريف للنوبي، قنا ده كلام الخواجات في معاجمم لحدي الخميسنات والكلام ده جبتو في سياق شرح نكتة الاصل الاري للحضارة.
نعمم طلعونا حتة "فروخ" منذ بدا الخليقة، اما هم اصل الحضارة، فاثار السودان فقالو ده هول اجدادم هم، اباء البشرية!
اما في الشمال، فاصلا ما كانو بعرفو يعني شنو "نوبي" من اساسو كقاعدة، والعارفين بربطو الاسم ده باهلنا في الجبال والكلام ده لحدي الثمانينات لما حراك الوعي الكوشي ابتدا مشوار النزول الي الشارع من المدرجات، بالذات في امريكا وكذلك في السودان ولكن بي صورة شائهة او من منظور قبلي جهوي صرف، في اوساط الطلاب والمثقفاتية، او ده، كان ملعوب. ٧ الدليل هو موقف امثالك في الخيطط ده وامثال عبدالله شمم!!
اما سبب تبني مثقفاتية اقصي الشمال مش "النوبة" بالالف واللام، للاسم ده، بعد ما قامو جاكين منو العمر ده كلو، هو انهم للمرة الاولي ابتداو يعرفو عن عراقتو او بريقو بعض الشئ، بالذات لما كلام زي ده يجي علي لسان الخواجات، كما السويسري اياه مش الافارقة، من امثال شيخنا اوبانقا، اطال امون عمره!!
دداير اسالك، هل طرشك اضانك عالم من الرواد في المجال ده، اسمو "اوبانقا"؟
هل ده، صصدفة؟
لااسباب محددة المركزية الاوربية نفخت في كير "نوبيين" بالمعني القبلي الجهوي الحالي، بي صورة غير مباشرة، اكرر لاسباب محددة، والي هذا التاريخ تراش المركزية الاوربية هو قران، انجيل، توراة، المشتغلين في المجال ده من السودانيين البرددو ترهات الخواجات بالنص، بالحرف وهذا مدهش!
بالذات مااتصل بي تصوير "نوبيا ك"ند" و"خصم" موازي لي كمت اي "مصر"، او مش اصل، منبع، لكل ما اتصل بي كمت لدرجة السودان الحالي كان هو القبلة بالنسبة ليهم واهلنا الشلك الي هذا التاريخ بعييدو انتاج هذا الارث في مراسم تنصيب رث الشللك!
لهذا المعابد في داخل كمت كانو شيوخا خصيصا وحصريا من السودان الحالي "ارض الالهة" بالنسبة لاهلنا في كمت اي نوبة اسوان اليوم، وهذا طبيعي او منطقي!
نعم كمت هي ابنتنا الكبري، او مش خصم، او ند، ولاعلاقة لمصريي اليوم من قريب او بعيد بي كمت!!
لاحظ مستعمرينا بذات الطريقة لعبو نكتة عروبة "ابناء السوداء" من امثالنا!
نعم في المقرر الرسمي اللي صاغو الجاسوس اللبناني نعوم شغير، يا للعار، كان يشار الي "الجعليين" تحديدا وحصريا بي صيغة "ســــــــادة القبائل العــــــــربية"!!!
اما الدناقلة مثلا، شغير كان يشير اليهم ك"عبيد"!!!
قرقرقرقر!!
وقع ليك، طريقة تفكيرك هذه، كقبلي، "جعلتي حر" جايي من وين؟
يا حليلك ياصديقي!!
شفتا الاحتلال الثنائي بياكل بي عقلك حلاوة كيف انتا ورفاقك النوابة؟؟
يا للمغسة التقطع انياط القلب، كيف واحد زي الجاسوس الارزقي العميل، اللبناني نعوم شقير هو مهندس مقررات تاريخنا الي اليوم يا قراي!!
يا للعار بحق!!
04-19-2020, 10:42 PM
Bashasha Bashasha
تاريخ التسجيل: 10-08-2003
مجموع المشاركات: 25803
لانهم هم القتسو حجرا، لدرجة مصريي اليوم شالو الاسرة 25 برة، من تاريخ كمت بي جرة قلم!!
نعم رايحة، والروحان ده، مبني للمجهول وهذا طبيعي شغل تذاكي من جهة، وادعاء للمواساة لامثالنا من الجهة الاخري او ابدا ماحيقولو احنا القتسنا حجر كوش او مسحناها من الخرطة، ثم ادعينا كيف اصل الحضارة اري، باسم الصرامة العلمية.
في عشرينات القرن الماضي كانو بسخرو، بضحكو من اي افريقي يعترض علي هكذا نجر، انطلاقا من هؤلاء "ذنوج" وبالتالي ماعندهم مخ من اساسو!!
نعم لدرجة حتي السودان هم جوهو بحثا عن ارث اجدادم هم وليس نحن "الفروخ" تذكر، في وعيهم!!!
لاحظو دده كلو ونحن في 2020م مش 1823م لما اتت الخلافة الاسلامية للقبض علي امثالنا او بيعم كما كرشة الخنزير، بالكيلو!!
نجي للخبث في نكتة "الفراعنة السود".
. يتبع....
04-19-2020, 11:19 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: فأنا من استدرك على عبد الله شم محاولاته لصنع كتاب قبل عدة سنوات (2016) وألمحته محذراً من وقوعه في الخطأ
نفس الخطأ الوقع فيهو عبدالله انت بتكررو بالكربون ، الكلفتة والاستسهال والادعاء غير المدعوم بسند علمي والغريبة في البوست ده ذاتو انت نبهت الملك لانو وقع في نفس الغلط ! طيب انت سندك شنو في ارجاع اسماء - ازياء سودانية لموريتانيا او غرب افريقيا ، الصور ؟ من وين بتجيب قوة العين دي انك تحاول تصحح ناس في حاجة انت بتكررا في اي بوست؟
Quote: وقفت أنت عندها (بحجة) أنك جاري تطارد البشير بدل (عنت) العلوم الأنت تجهل مجرد تعريفاتها!
عيب الناس بتموت في الشوارع ونحن نقعد نتجادل في مواضيع زي دي ، على الاقل بالنسبة لي ، عموما انا موجود حاليا بكثرة باقي مداخلتك اجبت عليهو في البوست السابق رغم انه لا يستحق..
04-19-2020, 11:36 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: نفس الخطأ الوقع فيهو عبدالله انت بتكررو بالكربون ، الكلفتة والاستسهال والادعاء غير المدعوم بسند علمي
شنو (نفس الخطأ) دا؟ هل ممكن تبين موضعه بالتحديد؟ فلو تقصد استخدام أسلوب المقاربة الفونولوجية أو (mnemonic) لرد أصول الأسماء إلى مجموعاتها الكبرى ورينا وين دا حصل بالله؟ ما عندي فكرة عن مآلات (محاولتك) المرة دي غير أنك رجعت للتزوير والتلفيق، ما لم تثبت كلامك أعلاه.
Quote: عيب الناس بتموت في الشوارع ونحن نقعد نتجادل في مواضيع زي دي ، على الاقل بالنسبة لي
والجير ذاتو مرات بخلي الأوضة ضيقة، فأخير نفتح (الشباك).
Quote: طيب انت سندك شنو في ارجاع اسماء - ازياء سودانية لموريتانيا او غرب افريقيا ، الصور ؟
هي السند ما جبنا ليك يابا نطيت وقلت الفزعة ياااااااا البشير! أتفهم مقدار هلعك من رسوخ العلاقة مع شعوب غرب أفريقيا سواء فولان أو فلاتة أو كنوري أو هوسا، بس ما قادر أحترم أسلوبك الملتوي. سندي في إرجاع العلاقة بحوث عمرها أكتر من 10 سنوات في مجال الأسماء ومقارناتها وتقصي أصولها وتتبع تغيراتها، اكتشاف العلاقة بين أسماء مستعربي السودان وفولان موريتانيا جاء نتيجة منطقية. بمقدورك تزوير تقرير (ذكي) على أن اسم معين (ينتشر أو يشيع) في (مصر) مثلاً لكن يتوجب عليك إثبات هذا الملمح الإحصائي بإيراد ولو على سبيل المثال، أوردت أنا جانب صغير جداً من إحصاءات تخصني، وفشلت أنت في مجرد (مخارجة) اسمين، لذلك. حأفتح بوست لغرض نشر جزئي للنتائج وأشير إلى المداخلات المتعلقة، لكن مبدئياً عليك (تتعايش) مع الحقائق بدل تكسر رقبة أمها. فما يعرف ب (عرب السودان) هم مجاميع أفارقة (فولان، فلاتة، كنوري) إجمالاً (تكارير) بأسماء موريتانية، وسيرد معنى المصطلح.
أما اختزالك لكلامي فعيب أنت تمارسه منذ وقت طويل، اعتقد أنني أوضحت ثلاث نقاط بينتها في مداخلة سابقة تبين نقاط (إسناد) لهذه الحقيقة الغراء والراسخة. Re: انا والتـاريخ زمن كرونا - النوبــة مش مسالRe: انا والتـاريخ زمن كرونا - النوبــة مش مسال
فأنا لا أشير للملابس بوصفها (دليل) بل العادات إجمالاً مع أن الملابس بالتأكيد لن يأتي الالتزام بها من الفراغ، واستخدامها هنا للإشارة.
Quote: ماععارف كلامك اعلاه موجه لي منو ولكن ماتزعل ياخي فيما تتتصورو ارجاع لغرب افريقيا!!
يا بشاشا الكلام بتاع (إدريس) موجه لي أنا بعد إفشال حملته للتلفيق، للمرة السادسة.
خليني أديك نماذج لاضطراب الفكرة وتسول العرق العروبي للمدعو إدريس، مع أن اسمه يكفي، بياناً! ويبدو أنه تعذر عليه مواجهة سؤالنا عن سبب تجمع الأسماء الموريتانية في بقعة جغرافية صغيرة.
(أ) أسلوب الاعتصام: رافض لأي ارتباط من أي نوع مع مجتمعات غرب أفريقيا (شعوب وقبائل) وبيتبني مبدأ التأثير (coersion) حاجة كدة زي المغناطيسية بالضبط فاخترع شيء اسمه (الاستعداد الثقافي) عجز وتهرب من وضع تعريف واضح له، لكن مفاده أن المجموعات المستعربة (اكتسبت) هذه الميزات أدناه: 1- اللغة العربية 2- الأسماء الموريتانية 3- عادات غرب أفريقيا (مثل الشلوخ) 4- الدين الإسلامي بهيئته المعاصرة
الفوق ديل في منهن (تم اكتسابهن) نتيجة لما يسميه (استعداد ثقافي) يعني هذه المجموعات من فرط (استعدادها) وخواءها أخذت كل ذلك مما يسميه هو (حجاج بؤساء)
Quote: تقبل الاسم في الثقافة المستضيفة وعدد الاشخاص الذين لديهم استعداد (ثقافيا) على تبني الاسم يمثل محددا اساسيا لكثافة تكراره او العكس. يعني ان العامل الديمغرافي والثقافي يلعب دورا هاما في هذه الجزئية بغض النظر عن اصل الاسم. Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ
لاحظ إلى تلميحه بأنو في ثقافة (استضافت) ومش (تبنت) الأربعة ديل كلهن، باقي كلامو طبعاً اتضح أنه هو نفسه ما فاهم بيقول في شنو. أما الباقيات فهو وقف ووجه استفسار أبله يفيد (أو يلمح) إلى أنه لا يعرف من أين أتى! على أساس تلغيز الأصل وتركه هلهلي كدة لأي (تفسير مريح). غني عن الذكر أنه بيلم أطرافه كالبردان وكاره التفسير المنطقي المقبول بدلالة مرور حجاج تكرور من هذه الجغرافيا، فهو عايز يكون (معاين من الشباك) فقط وليس فرداً أصيلاً في القافلة
لاحظ، الحجاج بؤساء وتأثيرهم لا يذكر رغم كل المنح الاجتماعية الأربعة أعلاه! طبعاً لا يخفى عليك أنه لا يريد أن يتزحزح غرباً ولكنه لا يمانع أن ينقذف أو يقذف شمالاً متى ما تيسر ذلك. طبعاً الباحث شم يختلف معه في محاولة (توطيد) الأسماء الموريتانية و(ونزعها موضعياً) من داخل الجغرافية بطريقة (هي ديك أماني، هي داك ما عباس، هي شوف فضل الله) يعني بالنهج الربع أكاديمي الذي يقضي في خلال دقيقة أو ساعة بأصل الاسم، وطبعاً انتقدناه في منهاجه الذي يسلك درباً سرسباً بين الانتكاش والاستعراب كعادة أهل شمال الوادي في استكانتهم للفرعنة والعروبة في قصعة وحيدة لا تكاد تتسع لأصبع.
(ب) أسلوب المتاريس:
لاحظ للبدايات
Quote: معروف ان وسائل انتشار الثقافة في الفترة التي سبقت عصرنا الحالي كانت تنحصر في الغزاة ، التجار ، المبشرين ، المهاجرين الخ ، اي عبر التفاعل المباشر بين الاطراف او الثقافات او الحضارات. بالتالي كانت الثقافة تنتشر عبرالجغرافيا Re: د. النور حمد لمحمد لطيف: نحن لا نختلف عن ار�Re: د. النور حمد لمحمد لطيف: نحن لا نختلف عن ار�
والنهايات لما تجي سيرة تكرور والقرور
Quote: اشمعنى اللغات الاثيوبية ؟ يا رجل البجة ديل عاملين Buffer zone بيننا وبين اثيوبيا من يوم ربنا خلق واطاتو وفك فيها الزيك ديل لحدي يومي ويومك ده ، فكيف ياخي تنطهم وتمشي اثيوبيا ؟ شنو الخلا لغاتنا العامية تاخد من اللغات الاثيوبية بالمناولة من فوق لي الحيطة ؟ Re: سؤال: ما معنى كلمة SINNAR باللغة الهندية :للذRe: سؤال: ما معنى كلمة SINNAR باللغة الهندية :للذ
زعم أخينا (إدريس) أن (الله خلق واطاتو ومعاها حيطة) بيننا وبين إثيوبيا! وهو نفسه القائل بالتفاعل والانتشار عبر الجغرافيا ذات فينة، لكنه يفضل التفاعل دا مع جهات أخرى! وطبعاً هنا هو لم يخالف القاعدة العامة في التقلص والانكماش ومحاولات صد أي عرق أفريقي، وهو الأفريقي الزنجي، ولاحظ أنه أقام الحوائط والمتاريس مع ما يفترض أنه امتداد طبيعي لكوش بل تنكر حتى لحقيقة أن الديانة المسيحية ربطت كل المنطقة من إثيوبيا الحالية وحتى صعيد مصر الحالي بما يشمل السودان المسيحي القديم في ممالك معروفة تاريخياً. ولكنه (أي إدريس) لم يفكر أن يبني أي حائط شمالاً! لم ينتبه حتى لوجود النوبيين في المنطقة بين (مصر العروبة) و(سودان الزنوجة).
الغريبة هو نفسه الكاتب
Quote: لعلك لم تكمل قراءة ما كتبته انا ، فكرتي هي ان فرضية حدوث تعريب قسري شامل لمنطقة الوسط (منطقة شاسعة جدا تمتد من مناطق الشايقية شمالا حتى النيل الابيض والجزيرة ومن البطانة شرقا لتمتد غربا لتشمل اغلب كردفان وتكاد تصل لحدود شاد بعد ان تتخطى منطقة جبل مرة المحاط بقبائل عربية تقريبا ) ، تحتاج لقوة عسكرية باطشة ، هذه القوة لم توجد ابدا لأن العرب فشلوا في اختراق بلاد النوبة عسكريا ، اذن يجب ان نرجح بأن عملية انتشار اللغة العربية قد وقعت على عاتق القوى الناعمة بكل اطيافها. 2- لم افهم هذه النقطة جيدا لكنى ساحاول حسب فهمي. خلاصة حديثي هي ان التقافة كانت تنتشر بالتفاعل المباشر او الاتصال المباشر ايا كان شكله . ومن ثم تحدث عملية التلاقح الثقافي acculturation ، يمكن ان يقوم كل طرف باستلاف ما يرى انه يعزز وجوده من الآخر وهنا يكون التلاقح متبادل ايجابي جدا ونسبي ، مثلا تبنت المجموعات العربية التقانة النوبية في الزراعة ونظام الري في المناطق النيلية العربية تمخض عنه "قاموس مصطلحات شفاهي " غالبية مفرداته نوبية الى يومنا هذا . هنا يقفز سؤال عرضي مهم الى اذهاننا : هل يعتمد المصريون نفس المصطلحات النوبية فيما يختص بتقانة الزراعة ، لانهم مجتمع نيلي مستقر بالطبع ، لا اعرف الاجابة ، لكن لو كانت الاجابة بلا وهو ما أتوقعه ، فيجب ان نرجح فرضية ان القوى الناعمة التي قامت بعملية التعريب لم تأتي من الشمال ,والا لأتت بمعارفها وتقانتها ومصطلحاتها الخاصة . Re: د. النور حمد لمحمد لطيف: نحن لا نختلف عن ار�Re: د. النور حمد لمحمد لطيف: نحن لا نختلف عن ار�
طبعاً حيطة غرب أفريقيا و(خندقا) ماثل أمامك، فالرجل يكاد يبكي أن جعلناه لخيار بني تكرور أقرب.
(ج) أسلوب المفارقة الزمانية:
Quote: يجب ان نرجح فرضية ان القوى الناعمة التي قامت بعملية التعريب لم تأتي من الشمال ,والا لأتت بمعارفها وتقانتها ومصطلحاتها الخاصة . +++ نعم حجاج التكرور لم يكونوا يتحدثون العربية ، اللغة العربية كانت محصورة فقط في اوساط طبقة العلماء Ulama، كل المخطوطات التي وصلت لايدينا من بقايا تمبكتو القديمة هل لعلماء معروفين تعلموا اللغة في الازهر +++ حجتي هي ان الطريق افتتح بعد انتشار العربية في السودان وبعد قيام سلطنات الفونج ودارفور ولذا من غير المعقول الحديث عن نشر اللغة بواسطة الحجاج . +++ فإن انتشار الثقافة بكل عناصرها يتم من خلال تبني مجتمع محدد لقيم ثقافية خاصة بمجتمع اخر ارقى حضاريا او ماديا لكي يستمد منه بقائه ويعزز وجوده ، إذن ماهي الفائدة المادية والحضارية التي يمكن ان نجنيها إثر تبني لغة عامية من مجتمعات ليست ارقى حضاريا او ثقافيا منا بأي شكل مثل موريتانيا او اثيوبيا ؟ +++ انا قلت محاولات افرقة ولم اقل افرقة ، وده كلام صحيح ، وموجود حتى خارج المنبر ، موجود في اطروحات جون قرنق وموجود لدى بعض الاسماء المناهضة التي تتبنى خطا افريقي راديكالي مثل منعم سليمان .. دائما الحركات تبدأ بأفكار نظرية ، اذا نجحت الفكرة تبأ محاولة تنزيلها على ارض الواقع ، عندما ينكر البعض اصل مجموعة ما ، يعني هذا محاولة تغيير هويتها قسريا او حتى ابادتها .. التعريب يا خالد لم يفرضه اسماعيل الازهري او محجوب ، التعريب فرض على مجتمعات كتيرة قسرا وطوعا خلال قرون طويلة ، على عكس ما يراه الكثيرون في المنبر وخارجه ، وللمفارقة فقد لعب العنصر الافريقي الدور الاعظم في عملية الاسلمة والتعريب ، باختصار تاريخيا اصبح الدين الاسلامي واللغة العربية هي اللغة الرئيسية في ما يعرف اليوم بالسودان منذ سقوط سوبا (في السودان النيلي والوسط) على يد سلاطين الفونج ، وفي غرب السودان ومناطق كردفان على يد سلاطين الفور ، وقد انتسبت الاسر الحاكمة في كلا السلطنتين لقبائل عربية . انا ارى ان انتشار الاسلام كان له دور في انتشار اللغة العربية ، كما أن اللغة العربية ايضا كانت لغة جاهزة مكتوبة والادوات الفكرية المتوفرة آنئذ لم تمكن اي من القوميات المحلية من تطوير لغتها على النحو الذي يجعلها لغة حية مكتوبة يمكن ان تلعب دور الوسيط الفاعل بين الشعوب المختلفة. اللغة العربية ايضا ربما اكتسبت بعض القداسة كونها اللغة التي نزل بها القرآن الكريم . يا خالد انا ايضا مع تعدد الثقافات واناصر دارسة جميع اللغات السودانية على الاقل كتراث تقافي علمي ويمكن ان تحل بعض الاشكالات التاريخية والثقافية المعاصرة ، من يدري ؟ القبائل العربية لم تفرض اللغة العربية يا خالد وتاريخيا لم تكن لها السطوة ولا القوة لهذا الفعل ، لأن غالبيتها كان يتبع سياسيا واداريا لسلاطين الفونج والفور. Re: هذا هو الدليل الجيني DNA على وجود العروبة ف�Re: هذا هو الدليل الجيني DNA على وجود العروبة ف�
بيتكلم عن (محاولات أفرقة) لشعوب (أفريقية) في الأساس! ويزعم أن (حجاج بلاد تكرور) لم يمروا عبر السودان إلا بعد أن (انتشار اللغة العربية) يعني أن الوسيط حاجة تانية (لغز)، وهو هنا يلمح كذلك إلى شر الزنوج (الله لا كسبهم) قطعوا الطريق على العرب والمسلمين، دا السبب الظاهر لاحظ هو في نفس الوقت ينفي عن أهل غرب أفريقيا معرفتهم باللغة العربية (مفارقة ثقافية) ولكنه يضعها شرطاً لسلامة مرورهم بأرض السودان! هههههههه طبعاً هذا ما يظهر على السطح ولكنه يقصد بالطبع أن انتشار العربية والإسلام كان عن طريق مختلف وزمان مختلف لا يرتبط بغرب أفريقيا، يعني عربيهم غير عربينا والله حامينا. شفت فهلوة "إدريس"!
Quote: نعم كلنا كسودانيين بذات الجلابة الذيي او ذيك، مادايريين اي صلة تجمعم بي "غرابة" افريقيا!!!
عن نفسي لا يداخلني شك في أن اللغة العربية والإسلام العروبي المعاصر والأسماء الموريتانية كلها وفدت من غرب أفريقيا بواسطة مجاميع من (فولان، كنوري، فلاتة) من ما يعرف باسم (السودان) لأهل المغرب العربي (أي دول النيجر والسنغال ومالي وأفريقيا الوسطى وغيرها) تحول ولائهم واعجابهم من المغرب العربي إلى شمال أفريقيا (مصر) ، أما الشرق (الحجاز) فالولاء في الجينات يتمظهر في أنماط عدة ومن المفيد جداً النظر فقط للجغرافيا لمعرفة كيف يمكن أن يحدث ذلك وقراءة مدونات أهل مالي وموريتانيا لتتبع كل ذلك.
فطبيعي جداً أن (يستلهموا) أسماء شناقيط موريتانيا بوصفها (الأقرب) للإسلام ويبالغوا في التأسي باللغة العربية (شعراً) والمعاطاة المبالغ فيها أندلسياً وشامياً والتطرف في التعبد بينما تظل العادات مصدر فخر وعزة ولا مشاحة في ذلك، بل مندوحة، باستثناء الحملة لطمرها وغمسها في تاريخ وعادات أهل المنطقة وهي (المحاولة) التي صدتها ملاحظاتنا وأسئلتنا المنطقية، جداً.
لاحظ أن البوست المشار إليه باسم (معنى كلمة سنار) جاء فيه أن (أم درمان) اسم ورد من الجزيرة العربية بدليل تشابه النباتات والأرانب البتنطط هنا وهناااااك.
الما قادر أفهمو هو السبب يا بشاشا. ليه (الناس دي) بينشل تفكيرا وتقعد تبحث عن أي وسيلة (للتباعد الاجتماعي) الشامل الصارم دا؟ في شنو في الذاكرة الجمعية بيخلي هؤلاء ينكرون أصولهم بخوف ظاهر ورعب واضح؟
بالفعل يا عبدالله ادريس حاتم كلامه إنشائي وعاطفي بدون ما يجيب مستندات وشكله عارف إنه محتاج لأدلة تقوي كلامه فاسلوب القهر بالإستفزازات ما حيوديه بعيد قام قال يمشي يذاكر
04-20-2020, 03:31 PM
Bashasha Bashasha
تاريخ التسجيل: 10-08-2003
مجموع المشاركات: 25803
مصداقا لي كلامك او لي جهودك العظيمة دي، الشي الماعارفنوو احنا في السودان هو هذه الحقيقة البسيطة، المجردة:
الثورة المهدية في السودان، دعا لها، بشر بها، تنبا بها، بل ونفذهاا في الميدان، اهلنا من غرب افريقيا تحديدا!!
الكلام في الموضوع ده متشعب!
باختصار شديد، اهلنا الدوقون في مالي، او هم رحلو هناك من كمت، وعيهمم بي ارثنا الكوشي النوبي الكمتي كبير جدا هناك ببما لايقارن بالموجود في السودان!
يكفي كدليل طريقة تفكير الصادق المهدي، امام كراهية الذات في السودان التركي الانجليزي، بفضل امثاله، المخجلة الداعية للرثاء!
منن النواحي ديك جا التبشير بقرب ظهور نجمة الثريا، في الشرق اي في السودان الحالي، علي لسان شيخنا عثمان دانفوديو وكنتيجة بدات الهجرة للسودان الحالي من اهلنا في غرب افريقيا في انتظار شروق هذه النجمة!
هكذا تما تجنيد الامام المهدي!!
النجمة دي ظهورا مرتبط في التقويم الكوشي الخاص بي ظهور "المهدي"!!
السمكة إسمها - كٌور - يا بشاشا شكلها شوية مخيف والأسطورة إنها سمكة لا تبيض ولكنها تلد ما عارف الكلام ده علميا صحيح أم لا الكنج كينج هو سمك القرقور وطعمه لذيذ جدا
04-20-2020, 05:19 PM
Bashasha Bashasha
تاريخ التسجيل: 10-08-2003
مجموع المشاركات: 25803
ود القاضي تحياتي اها السمكة دي ملعونة في ارثنا الحضاري عشان السوتو لمن set اي "الشيطان" بالعربي وايضا المغيب بالانجليزي بدافع الغيرة كتل أو قطع اخوهو أو رما في البحر!
لاحظ "الست" هي القامت بجمع وأحياء عظامو وهي رميم وبالتالي هي النفخت فيهو الروح!
الكلام ده، عووك ياسودانيين ماتفهمو فهم حرفي نصوصي كما اي وهابي! لاابدا!
اسلوب أجدادنا كان اسلوب عبقري بالجد أو خلاق!
كلامم دائما وابدا "رمزي" في شكل احاجي لتوصيل الفكرة بي طريقة خلاقة سلسة، أو بي كده تتحول الفكرة الي كائن حي، يرزق، ويتاقلم مع البيئه المحيطة المتبدلة ابدا والعبقرية هنا عكس طريقة تفكير العقل الاري المادي النصوصي المتحجر!
لهذا النص عمرو محدود شديد أو عشان كده بطلع خارج حركة التاريخ بسرعة أو يبقي مشكلة!
يا لعظمة أجدادنا بحق!
04-20-2020, 05:24 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: ماععارف كلامك اعلاه موجه لي منو ولكن ماتزعل ياخي فيما تتتصورو ارجاع لغرب افريقيا!! ياعزيزي افريقيا كلها تشير الي هذا السودان كوطن، كمهد لي اجدادم!! هذا شرف عظيم لوتعلم.. علي كده هذه اشياءنا جميعا يا عبدالله كافارقة! الصور الجابا حاتم، مدهشة بحق!! افهم ان هؤلاء اهلك، من سودان اليوم مشو
الموضوع ما موضوع زعل يا كمال السيد حاتم يريد تجريدنا من اي سمة وهو كلامو عكس كلامك ده تماما هو بقول انو : هدومنا + بيوتنا + عاداتنا + كلامنا + اسامينا ، كلها جاية من موريتانيا ومرات غرب افريقيا وكأنه يقول قبل ما يدخل الاسلام بلاد شنقيط وغرب افريقيا ، ومن ثم فتح طرق الحج عبر السودان ، نحن ما كان عندنا بيوت ولغتنا واسامينا ما معروفة ، عاداتنا ما معروفة كانت شكلها ولا كنا عايشين كيف ولا وضح لينا مصادرو ولا وضح لينا شنو الميزة البتتمتع بيها الثقافة الموريتانية او الغرب افريقية عشان نحن نقوم نخلي حاجاتنا ونتبنى حاجاتهم ! ده كلام غريب ..
04-20-2020, 10:33 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: يا ود القاضي اذا سمكة الجن دي بتلد من دون ماتبيص، مابعيد السبب يكون لأنها اكلت العضو التناسلي بتعة ابونا الامام!
هههههههههههههههههههه والله يا كمال يا أخوي السمكة دي بالذات أهلنا بيتشائموا منها لدرجة الرعب حتي الصياد إذا لقاها في الشبكة بين الأسماك بيرجعهم كووولهم في البحر ؟ مرة أخوي الكبير قبض ليه سمكة كٌور بي سنارته جابها البيت حبوبتنا الله يرحمها قالت ليه طلع السمكة دي حالا إنت داير تبور بنات البيت ولَ شنو؟ ما عارف علاقة سمكة الكور بي عدم عرس البنات شنو؟ سوري يا حيدر ما نكون طلعنا برة الموضوع
04-21-2020, 08:49 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
سلامات بشاشا .. ورمضان كريم على الأبواب .. وشكراً لمجمل مشاركاتك القيمة .. اتفقنا ام اختلفنا ..
Quote: اما في الشمال، فاصلا ما كانو بعرفو يعني شنو "نوبي" من اساسو كقاعدة، والعارفين بربطو الاسم ده باهلنا في الجبال والكلام ده لحدي الثمانينات لما حراك الوعي الكوشي ابتدا مشوار النزول الي الشارع من المدرجات، بالذات في امريكا وكذلك في السودان ولكن بي صورة شائهة او من منظور قبلي جهوي صرف، في اوساط الطلاب والمثقفاتية، او ده، كان ملعوب.
صراحة النقطة دي ما فهمتها .. بغض النظر عن المنظور الجهوي ورأيك فيه انا بسأل للتثبيت بس .. اهلنا في الشمال دي قاصد منو؟ ثم تحديداً المحس والسكوت والدناقلة كانوا بيعرفو انفسهم نوبيين والا سودانيين والا كيف ! لانه \دا معنى كلامك المفهوم عندي من كتابتك واللي عاوز اعرف قبل الثمانيات تحديداً بتأريخك دا
اما النوبة كمنطقة وشعب فأظننا متفقين انه تسميتها اسبق من كدة
Quote: او ناسنا في السودان كما الببغاوات يكتفو بترديد ترهات الخواجات والسلام!!
من ذلك كيف حضارة السودان هي الاقدم "في افريقيا" لاحظ، "جنوب الصحراء"!
أو حضارة السودان قبل الإسلام :) ألذ من كدة وقت اقرأ لزول يكتب ليك إكتشاف النيـل الأزرق او بحيرة فكتوريا على يد الإنجليزي غردون :) دا كتاب تاريخ في المنهج المدرسي السوداني يقول ليك كدة .. هههههههه
ا
04-21-2020, 09:09 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: لاحظ مستعمرينا بذات الطريقة لعبو نكتة عروبة "ابناء السوداء" من امثالنا! نعم في المقرر الرسمي اللي صاغو الجاسوس اللبناني نعوم شغير، يا للعار، كان يشار الي "الجعليين" تحديدا وحصريا بي صيغة "ســــــــادة القبائل العــــــــربية"!!! اما الدناقلة مثلا، شغير كان يشير اليهم ك"عبيد"!!! قرقرقرقر!! وقع ليك، طريقة تفكيرك هذه، كقبلي، "جعلتي حر" جايي من وين؟
في نقطة هنا يا بشاشا مفروض تتراجع .. الوعي القبلي السوداني ما قرأ لنعوم شقير.. ورغم اني ما عارف وين أشار نعوم شقير اشارته للدناقلة . .لكن مفروض نعترف بواقع جاء الاستعمار والرجل الأوربي عموماً ووجده في القارة ودا فيما يخص تجارة العبيـد وتقسيـم الشعوب الافريقيـة لعبيــد ونخاســة وأسيــاد بلد .. فتجارة البشـر في افريقيـا وتصديرهم عبر سواحلها كانت معروفة وسابقة وتتم بواسطة القبائـل الافريقية نفسها سواء أطلقت عليهم كوشيين او نوبيين او أحباش أو بربر .. والاجناس الذكرتهم ديل كانوا هم الانشط في التجارة وتصدير اخوتهم للخدمة الواطية في ديار الغير من الإقليم وللتعيين بعني حتى ما سبق وفود الحضارة الاسلامية او الأوربية عموماً .. فكون تقول لي ما كانت في عنصرية شئ .. وانه مافي تقسيم عرقي واستضعاف وإستعباد أجناس شئ .. دواعي ودوافع ومبررات الاستعباد دا بقى بعد كدة بتتخذ شماعات مختلفة دينية او علمية
04-21-2020, 09:39 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
بالمناسبة انا لامن اعطيت بشاشا صك اتفاق معه فى كل ما يكتبه عن كوش لم يكن ذلك من فراغ ابداً انما من خلال كتب عديدة قرأتها عن الحضارة الكوشية واصلا كوش هم النوبة والنوبة هم كوش : واتيتت بأدلة على ذلك واضيف ادلة اخرى
Quote: بالمناسبة انا بتفق مع بشاشا فى كل مايكتبه عن الحضارة الكوشية بشاشا زول مطّلع على لوح الحضارة .
اولاً ابناء نوح الثلاثة الذين خرجوا مع نوح فى السفينة :
Quote: ثبت أنَّ أبناء سيدنا نوح -عليه السلام- أربعة، آمن معه منهم ثلاثة، وهم: سام وحام ويافِث،[٤] فعن سمرة بن جندب أن النبي -صلّى الله عليه وسلّم- قال: (ولَدُ نوحٍ ثلاثةٌ؛ فسامُ أبو العربِ، وحامُ أبو الحبشةِ، ويافثُ أبو الرومِ).[٥]رواه الهيثمي، في مجمع الزوائد، عن سمرة بن جندب، الصفحة أو الرقم: 1/198، رجاله موثوقون
والذى يهمنا امره هنا هو : حام ابو الحبشة :
وكوش من ابناء حام ( كوش بن حام بن نوح )
وابناء كُوش هم : حسب تفصيل المؤرخ الكبير ابن خلدون فى مقدمته :
- حبش بن كُوش بن حام بن نوح ( بالحبشة ) - نوبه بن كُوش بن حام بن نوح ( النوبه ) -زنجى بن كُوش بن حام بن نوح ( الزنج ) - وأما سائر السودان فمن ولد قوط بن حام بن نوح ( المقصود بالسودان هنا افريقيا )
Quote: ذكر ابن خلدون فى مقدمته ما نصه { .... وأما أهل المغرب منهم فنحن ذاكروهم بعدما ننسبهم : فبنو حام بن نوح بالحبش من ولد حبش بن كوش بن حام والنوبة من ولد نوبه بن كوش بن حام فيما قاله المسعودى وقال ابن عبدالبر انهم من ولد نوب بن قوط بن مصر بن حام . والزنج من ولد زنجى بن كوش بن حام وأما سائر السودان فمن ولد قوط بن حام فما قال ابن عبدالبر ويقال هو قبط بن حام ....... } اهـ
الذى اريد ان اصل اليه هو انّ : الحضارة الكوشية هى حضارة نوبية ( لان كوش فى جمهورية السودان هم ابناء نوبة بن كوش )
04-21-2020, 10:16 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
سلامات حبيبنا علاء سيد احمد استغربت كلامك النسبتو لابن خلدون لأنه حسب معرفتي فإبن خلدون من الناس الرافضين للتقسيم دا بناءاً على اللون وكنت مقتنع بانه نظريتو قائمة على تأثير البيئة عل الانسان في مزاجه ولونه وإبداعه الحضاري .. فعلاً رجعت للجزء الاول من مقدمته المقدمة الثالثة في المعتدل من الأقاليم وتلمنحرف وتأثير الهواء في ألوان البشر .. لقيتو كاتب نصاً ( 191) توهم بعض النسابون ممن لا علم لديه بطبائع الكائنات أن السودان هم ولد حام ابن نوح، اختصوا بلون السواد لدعوة كانت عليه من ابيه ظهر اثرها في لونه وفيما جعل الله من الرق في عقبه، وينقلون ذلك من خرافات القُصاص. - يقول - ودعاء نوح على ابنه حام وقع في التوراة وليس فيه ذكر السواد وإنما دعى بأن يكون ولده عبيداً لولد إحوته لاغير. وفي القول بنسبة السواد لحام غفلة عن طبعة الحر والبرد .
ثم يشرح بعد كدة نظريته حول انه الهواء هو المؤثر على اللون طبقاً للقرب من خط الاستواء ويباري الحاجة دي لغاية ما يدخلها الهند والسند في الحزام المداري حول الاستواء .. ويقول تاني : ويسمى الاقليمين الأول والثاني باسم الحبشة والزنج والسودان ، أسماء مترادفة على الامم المتغيـرة بالسواد وإن كانت الحبشة مختصاً منهم بمن تجاه مكة واليـمن ، والزنج تجاه بحر الهند . وليست هذه الاسماء لهم من أجل إنتسابهم الي آدمي أسود لا حام ولا غيره .
ويواصل في نظريتو بصورة بسيطة بما ويتفق مع بشاشا في أصل التسمية الجاية من الوعي العرقي للغزاة هههههه فبعد يتكلم عن النسبة للعرب واليهود كاعراق والصقالبة والمغاربة والروم كجهات لكنه يذكر حقيقة انه تعميم الاسم بمترادفات للسواد لسكان المنطقة كحبش وزنج وسودان وبعدها اثيوبيا ..قال لانه اهل الشمال ابتداءاً لم يسموا انفسهم بالبياض لأنه المعتاد والعام بينهن - أي لا تمييز - وكانوا هم اصحاب اللغة الواضعة للأسماء ..
تحياتي
ــــــــــــــــــــ مقدمة ابن خلدون تحقيق عبدالله محمد الدرويش طبعة دار يعرب .
04-21-2020, 01:00 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: استغربت كلامك النسبتو لابن خلدون لأنه حسب معرفتي فإبن خلدون من الناس الرافضين للتقسيم دا بناءاً على اللون وكنت مقتنع بانه نظريتو قائمة على تأثير البيئة عل الانسان في مزاجه ولونه وإبداعه الحضاري .. فعلاً رجعت للجزء الاول من مقدمته المقدمة الثالثة في المعتدل من الأقاليم وتلمنحرف وتأثير الهواء في ألوان البشر .. لقيتو كاتب نصاً ( 191) توهم بعض النسابون ممن لا علم لديه بطبائع الكائنات أن السودان هم ولد حام ابن نوح، اختصوا بلون السواد لدعوة كانت عليه من ابيه ظهر اثرها في لونه وفيما جعل الله من الرق في عقبه، وينقلون ذلك من خرافات القُصاص. - يقول - ودعاء نوح على ابنه حام وقع في التوراة وليس فيه ذكر السواد وإنما دعى بأن يكون ولده عبيداً لولد إحوته لاغير. وفي القول بنسبة السواد لحام غفلة عن طبعة الحر والبرد .
يا مراحب حبيبنا حيدر
اولاً انا بصراحة مندهش للسطر الاول لكلامك المقتبس اعلاه لانك لو واصلت القراة حتى النهاية ما اظن كنت كتبت ما اوردته : ابن خلدون ليس رافضاً بالمرة الانساب انما عرض وجهات نظر مختلفة :
يقول ابن خلدون فى المقدمة : باب في أمم العالم واختلف أجيالهم والكلام علي الجملةفي أنسابهم
Quote: النسب علم لا ينفع وجهالة لا تضرّ فقد ضعّف الأئمة رفعه إلى النبيّ صلى الله عليه وسلم مثل الجرجاني وأبي محمد بن حزم وأبي عمر بن عبد البرّ
Quote: وألحق في الباب أنّ كل واحد من المذهبين ليس على إطلاقه فانّ الأنساب القريبة التي يمكن التوصّل إلى معرفتها لا يضرّ الاشتغال بها لدعوى الحاجة اليها في الأمور الشرعية من التعصيب والولاية والعاقلة وفرض الايمان بمعرفة النبي صلى الله عليه وسلم، ونسب الخلافة والتفرقة بين العرب والعجم في الحريّة والاسترقاق عند من يشترط ذلك كما مرّ كله وفي الأمور العادية أيضا تثبت به اللّحمة الطبيعية التي تكون بها المدافعة والمطالبة. ومنفعة ذلك في اقامة الملك والدين ظاهرة. وقد كان صلى الله عليه وسلم وأصحابه ينسبون الى مضر ويتساءلون عن ذلك. وروي عنه صلى الله عليه وسلم أنّه قال: تعلموا من أنسابكم ما تصلون به أرحامكم. وهذا كله ظاهر في النسب القريب، وأمّا الأنساب البعيدة العسرة المدرك التي لا يوقف عليها إلا بالشواهد والمقارنات لبعد الزمان وطول الأحقاب أو لا يوقف عليها رأسا لدروس الأجيال فهذا قد ينبغي أن يكون له وجه في الكراهة كما ذهب اليه من ذهب من أهل العلم مثل مالك وغيره لأنه شغل الإنسان بما لا يعنيه. وهذا وجه قوله صلى الله عليه وسلم فيما بعد عدنان من هاهنا كذب النسّابون لأنها أحقاب متطاولة ومعالم دارسة لا تثلج الصدور باليقين في شيء منها مع أنّ علمها لا ينفع وجهلها لا يضرّ كما نقل والله الهادي الى الصواب.
وبعد ذلك ابحر ابن خلدون فى الكلام على انساب العالم على الجملة . ابن خلدون واحد من الذين ابحروا فى الكتابة عن الانساب .
04-21-2020, 01:04 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: استغربت كلامك النسبتو لابن خلدون لأنه حسب معرفتي فإبن خلدون من الناس الرافضين للتقسيم دا بناءاً على اللون وكنت مقتنع بانه نظريتو قائمة على تأثير البيئة عل الانسان في مزاجه ولونه وإبداعه الحضاري .. فعلاً رجعت للجزء الاول من مقدمته المقدمة الثالثة في المعتدل من الأقاليم وتلمنحرف وتأثير الهواء في ألوان البشر .. لقيتو كاتب نصاً ( 191) توهم بعض النسابون ممن لا علم لديه بطبائع الكائنات أن السودان هم ولد حام ابن نوح، اختصوا بلون السواد لدعوة كانت عليه من ابيه ظهر اثرها في لونه وفيما جعل الله من الرق في عقبه، وينقلون ذلك من خرافات القُصاص. - يقول - ودعاء نوح على ابنه حام وقع في التوراة وليس فيه ذكر السواد وإنما دعى بأن يكون ولده عبيداً لولد إحوته لاغير. وفي القول بنسبة السواد لحام غفلة عن طبعة الحر والبرد .
يا مراحب حبيبنا حيدر
اولاً انا بصراحة مندهش للسطر الاول لكلامك المقتبس اعلاه لانك لو واصلت القراة حتى النهاية ما اظن كنت كتبت ما اوردته : ابن خلدون ليس رافضاً بالمرة الانساب انما عرض وجهات نظر مختلفة :
يقول ابن خلدون فى المقدمة : باب في أمم العالم واختلف أجيالهم والكلام علي الجملةفي أنسابهم
Quote: النسب علم لا ينفع وجهالة لا تضرّ فقد ضعّف الأئمة رفعه إلى النبيّ صلى الله عليه وسلم مثل الجرجاني وأبي محمد بن حزم وأبي عمر بن عبد البرّ
Quote: وألحق في الباب أنّ كل واحد من المذهبين ليس على إطلاقه فانّ الأنساب القريبة التي يمكن التوصّل إلى معرفتها لا يضرّ الاشتغال بها لدعوى الحاجة اليها في الأمور الشرعية من التعصيب والولاية والعاقلة وفرض الايمان بمعرفة النبي صلى الله عليه وسلم، ونسب الخلافة والتفرقة بين العرب والعجم في الحريّة والاسترقاق عند من يشترط ذلك كما مرّ كله وفي الأمور العادية أيضا تثبت به اللّحمة الطبيعية التي تكون بها المدافعة والمطالبة. ومنفعة ذلك في اقامة الملك والدين ظاهرة. وقد كان صلى الله عليه وسلم وأصحابه ينسبون الى مضر ويتساءلون عن ذلك. وروي عنه صلى الله عليه وسلم أنّه قال: تعلموا من أنسابكم ما تصلون به أرحامكم. وهذا كله ظاهر في النسب القريب، وأمّا الأنساب البعيدة العسرة المدرك التي لا يوقف عليها إلا بالشواهد والمقارنات لبعد الزمان وطول الأحقاب أو لا يوقف عليها رأسا لدروس الأجيال فهذا قد ينبغي أن يكون له وجه في الكراهة كما ذهب اليه من ذهب من أهل العلم مثل مالك وغيره لأنه شغل الإنسان بما لا يعنيه. وهذا وجه قوله صلى الله عليه وسلم فيما بعد عدنان من هاهنا كذب النسّابون لأنها أحقاب متطاولة ومعالم دارسة لا تثلج الصدور باليقين في شيء منها مع أنّ علمها لا ينفع وجهلها لا يضرّ كما نقل والله الهادي الى الصواب.
وبعد ذلك ابحر ابن خلدون فى الكلام على انساب العالم على الجملة . ابن خلدون واحد من الذين ابحروا فى الكتابة عن الانساب .
04-21-2020, 04:54 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: في نقطة هنا يا بشاشا مفروض تتراجع .. الوعي القبلي السوداني ما قرأ لنعوم شقير..
شلوووم ياحيدر الزين،
ياعزيزي الفرذ القبلي كصيغة للتركيبة الاجتماعية الاقتصادية السياسية، لاعلاقة له بامثالنا اطلاقا، من حيث حقائق التاريخ. هذا وافد، اجنبي ودخيل. ليه؟
لانو السيد العربي خلق ادم ارث الاسترقاق العروبي، علي صورته هو!
اصدق مثال ودليل علي صحة كلامنا ده، العزيز بريمة ادم والبرمجة الحاصلة لي حاسوب دماغو، ولهذا هو اشبه بالروبات!
اذن نعوم شغير والاحتلال الثنائي بعامة، اعترف ماجاب حاجة من عندو، وانما استغلا كابشع واروع مايكون الاستغلال او وظف شر توظيف كابدع مايكون التوظيف لي واقع موجود معاش، لقاهو مفروش تحت كرعيهو فرش!
Quote: فتجارة البشـر في افريقيـا وتصديرهم عبر سواحلها كانت معروفة وسابقة وتتم بواسطة القبائـل الافريقية نفسها
يازول ده كلام شنو؟
ارجع لي كلامي الفوق عشان تفهم احنا ليه او كيف بعنا بعض!
ياعزيزي زي ماقالو مستعبدينا، الناس علي دين ملوكم!
بمعني هذا نتاج طبيعي لتبني اسلوب حياة غزاتنا، كمستعبدين!
ماشفتا بريمة حايم في المنبر ده، بالعقال كيف يتشبه بمستعبديه الاعراب؟
ياخي ماعشان كده، من باب التشبه بالسيد الاعرابي، ناس "جعلي حر"، {لاحظ لي لازمة "حر" المحشورة حشر بلامسوغ} قالو جدهم العباس!
لهذا الزبير باشا ولا كركساوي لما كانو بسمسرو او ياكلو عيش ببيع اهلهم، فهذا كان تنزيل تجسيد لاسلوب حياة، اي ثقافة مخدميهم، مستعبديهم، وال"هاوس نقا" دايما وابدا دي طريقة تفكيرو!
نعم:
Are We Sick,Boss؟0
نعم لو السيد العربي قال "انا عيان"، طوالي "الهاوس نقا" بمرض!!!
اذن بيعنا لي بعض او قتلنا لي بعض عبر القرون الماضية اللي تلت غزوة المرتد، بل في ال30 سنة الماضية، هو نتاج طبيعي لي طريقة تفكيرنا كمستعبدي اعراب، في دولة معلنة بحد السيف عربية، محكومة وفق قوانين الثقافة العربية، بواسطة متوهمي عروبة من "ابناء السوداء"!
اذن باختصار استعبادنا لي بعض بالوكالة، لاعلاقة له، بي ارثنا الحضاري، الروحي، من قريب او بعيد!
هذه حقائق تاريخ!
احد ملوكنا قالا لي جاسوس ايراني جاهم في شكل موفد ملكي شايل هدايا!
نعم جدنا الكوشي قال ليهو لم عفنك ده او فحض، انتا جاي تتجسس، واحمد ربك، انو ماوضع في قلوب السودانيين، نزعة الاعتداء علي حرمة حقوق الاخرين واسترقاقم!!
مصداقا لهذا راجع كلام رعايانا من اجداد اوربيي اليوم عن اجدادنا، الكانو الهة معبودة لديهم، مش بالغزو، بالاحتلال، والاسترقاق للاخرين، وانما بي نموذج السلوك، كافراد، اكرر كافراد، والامكانات المعرفية الخارقة لاجدادنا، المعجزة، حتي في عصرنا ده!
الي هذا التاريخ بعضا مما انجزناه، عالم اليوم بما حمل من امكانات سلب ونهب، استعمار، واسترقاق، ما قدر حتي يقلد، مجرد تقليد ما انجزناه قبل الاف السنين، دع عنك يوازي او يتفوق عليهو!!
نعم سويناهو، او بنيناها، الدنيا دي، شافعتنا، بويت، في بويت!!!
تقولي منو، او تقولي شنو؟
04-21-2020, 05:44 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
سلامات علاء الدين .. ابن خلدون فرز اللون تماماً في مقدمته مابين علم النسب والتحامل العنصري المبني على التخريَف الديني .. هو اورد روايات ومقولات المؤرخين والقائلين قبله .. لكنه نقدها وسفهه احلام البيقولوا بيها واوردوها وفي مقدمتهم المسعودي الانتقدوا في اكتر من موقع باعتباره زول خمخام وعلاَف ساي ومابيشغل مخو فيما ينقل وماقصر اظنه مع ابن كثير والطبري برضو .. ما اهمل الانساب ودورها في العصبية تأسيس الدول وفند وشكك في روايات بعض العرب في طعنهم بانتساب الفاطميين للبيت العلوي والائمة وأثبت نسبهم وقال بالنسبة للأنساب والاهتمام بيها اكترها بتلقاها عند العرب وأهل البادية وبتقل عند الحضر واهل المدن وعند الروم والاوربيين حالياً .. والبخلص ليهو من كلامو تنبأ بتجاوز العصبية والوعي القبلي بإستقرار الحضارة وتمدن الانسان ..
04-21-2020, 11:28 PM
Bashasha Bashasha
تاريخ التسجيل: 10-08-2003
مجموع المشاركات: 25803
سلامات بشاشا .. معليش والله الايام دي من السجن داخل لي في حفرة مع كديسة عديل كدة .. أو قيل نفسيات :) حارجع للكلام الفات دا اكيد يومين كدة .. خاصة مسألة
Quote: فتجارة البشـر في افريقيـا وتصديرهم عبر سواحلها كانت معروفة وسابقة وتتم بواسطة القبائـل الافريقية نفسها
وكلامك مع حاتم عن :
Quote: باختصار شديد، اهلنا الدوقون في مالي، او هم رحلو هناك من كمت، وعيهمم بي ارثنا الكوشي النوبي الكمتي كبير جدا هناك ببما لايقارن بالموجود في السودان!
اما بالنسبة لحتة اللبس والعادات اليومية فبشوها ثقافات متراكمة ومتداخلة مابين الدين وسلوك المجتمع لتفسير والتعامل مع بعض الظواهر الطبيعية.. وقت تفرض البيئة المناخية نفسها نمط معين من اللبس يكون خاص بجغرافية معينة .... في واحد من المراجع - نسيتو - بيتكلم عن تمثال منحوت على شكل واحد من الاهة الهندية القديمة بعدد من الازرع تقريبا وكم وجه.. وعلق الباحث بإنه دا دلالة على اتصال بين مروي والهند وتأثير الروحانية الهندية والثعمارة الهندية المتأخرة على احد الملوك الكوشيين..
النقطة التانية في إشكالية كنت ناوي اتكلم عنها في مايخص الاقتباس والتداخل مابين التاريخ كعلم وابحاث وآثار والرواية الدينية للتاريخ .. في كتير من الاحيان زي ما قلت فوق بتلقى الواحد بيتعامل مع البحوث الاثرية والاكتشافات بمثل طريقة اثبات الاعجاز العلمي في القرآن .. وكقاعدة على كدة حتى عندنا في السودان بتلقى ناس موسى وملتقى البحرين بل وأحياناً كوشنة اليهودية عدييل..
Quote: نعم حاجيب ليك كلام من واحد من اجدادنا، يعتبر اول كاتب في تاريخ البشرية وصلنا اعمالو كاملة. جدنا العجيب ده، عاش قبل 4,400 سنة!
أتحفنا بقى .. انا اساساً فاتح البوست للزي دا
تحياتي
04-22-2020, 03:56 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: وعلق الباحث بإنه دا دلالة على اتصال بين مروي والهند وتأثير الروحانية الهندية والثعمارة الهندية المتأخرة على احد الملوك الكوشيين..
قرقرقرقرقر!!
كلامك ده، هو كلام المقرر الرسمي الدرسونا ليهو في السودان في زيارتنا الرسمية كطلاب تاريخ في الثمانينات لي موقع مروي!!
هذا نموذج صارخ للمنهج الوضعوهو مستعمرينا، السم الهاري اللي الي اليوم بندوعل بيهو شاباتنا او شبابنا للاسف الشديد، يا للمغسة بحق، وكنتيجة بلدنا ولعت!!
اما الحقيقة فعكس هذا تماما، طبقا للهنود "الاصليين" انفسم، وحقائق التاريخ المجردة وبشهادة قدماء ذات الاوربيين انفسم!
لدرجة، "الهند" كمفردة، لغة، ســـــــودانية!
نعم الهنود الاصليين اي "الدرافيدينس" اي سود الهند كـــــوشيين زينا واحد، مرقوها في هند اليوم من السودان الحالي او ده كلام اتقال لي، او سمعتو بي اضاني من واحد منهم ولاجديد هنا!
ياخي بقرة الهندوس المقدسة دي، هي في الاصل رمز لي سودانية كانت الهة معبودة حول العالم اسمها "هاثور"!
ياخي بوذا الاصلي سوداني!
ياخي اليوقا، رياضة روحية سودانية!
لومافهمتا الخلفية دي ماحتفهم سر التشابه العجيب مابين الهنود والسودانيين في اشياء بعينها!
معظم سكان اسيا كلها او لحدي قريب ده، كانو كـــــــوشيين بشهادة شهود عيان، او ده هو المنطقي.
نعم ملوك صين اليوم، يابان اليوم، هند اليوم، ايران اليوم، عراق اليوم، ....الخ كانو كوشيين، قبلتم كان السودان الحالي!
عشان كده قنا، السودان الذي لايسوي شئ، الان، بي سبب طريقة تفكير امثال حيدر او بشاشا، من مستعبدي الاعراب، كان فعلا مركز دائرة الوجود كلو، وحده لاشريك له، لعشرات الاف السنين!!
قالو الارث الحضاري، الهامل، بعلم السرقة!
النقطة دي جات عرضا، ولكنها مهمة للغاية كنموذج لكارثة خبوب وتراش المنهج الحالي البيدرس في السودان كتاريخ لنا يا للمغسة!!
سننظم وسندعو لي مظاهرة في قلب الخرطوم، نحرق فيها كتب الاحتلال الثنائي، لامثال شغير او رايزنر ونطالب بي كتب امثال شيخنا ديوب كاساس للمقرر في السودان، ياقراي!!
بوذا سيد الاسم، كوشي!
اصل بقرة الهندوس، رمز الالهة هاثور:
04-28-2020, 01:00 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: معظم سكان اسيا كلها او لحدي قريب ده، كانو كـــــــوشيين بشهادة شهود عيان، او ده هو المنطقي.
طبعاً الصراحة ممكن تهابش المصريين والقبط وأفريقيـا كلها .. وتهابش اعراب نجد واليمن والحجاز وتمشي لغاية الشام وأطراف اوروبا .. لكن آسيا والهند والصيـن ما حتقدر تكوشنهم ولو ساعدك الجن.. لسبب بسيط الآسيويين الشرقيين والهنود محتفظين بتاريخهم ومسجلنه كما يقولون من زمن آدم عليه السلام وعندهم روايتهم التاريخية الدينية الموازية لرواية التوراة والقرآن بما وتتشابه الأحداث وتختلف الأسماء ..
وبالمناسبة ديل هم في الاساس الحاجة الخلتني استغرب وانظَر في أميــة شعبنا التدوينية مقارنة بمن عاصرنا من الأمم افتراضاً ..
تحياتي ..
04-28-2020, 04:58 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: لكن آسيا والهند والصيـن ما حتقدر تكوشنهم ولو ساعدك الجن.
كده؟
طيب، خدك ياحيدر:
Quote: واليك عزيزي القارئ بعضا من المراجع العديدة جدا في هذه النقطة: A)قدماء الاغريق: ملخصا رأي قدماء الاغريق،Sir E.A.Wallis Budge يقول: According to Homer and Herodots, the inhabitants of the following teroteries were Ethiopians: 1. The Sudan 2.Egypt 3.Arabia 4.Palestine 5.Western Asia 6.India See, a Hhistory of Ethiopia, Vol. 1, pp. 1-2
B)من المعاصرين الاعلام، Sir Godfery Higgins يقول: There were two Ethiopians, one to the east of the red see, and the other to the west of it; and a very great nation of Blacks from India, did rule over almost all Asia in a very remot era,in fact beyond the reach of history of any of our record See, Anaclypsis, Vol. 1
يا سلام شكراً بشاشا يآخ على رابط البوست صنعت صباحي.. انصح حقيقة اي زول عاوز يستمتع بقراءة الرابط الجبتو..
وإن كان في الأخيــر كملخص لحصيلة البوست اثبتت كلامي انك ما حا تقدر تتسلبط وتكوشن الهنود كمان .. ومن بعد مداخلات - اظنه - قصى همرور - ماعارف ليه جايب الرابط كدليل :)
بتبقى حقيقة انه بنفتخر بكوش والحضارة الكوشية لا شك لكن بتبقى برضو الحضارة الأسيوية - الهنديـة والصينية تحديداً - اسبق وأقدم من كوش ويبقى انه التدوين والتوثيق عندهم سابق وراسخ وانه سبق ظهور كوش نفسها .
وانه يا عزيزي لازم نفرق ما بيـن كون انه افريقيا اصل الأجناس والإنسان ومابيـن كوش كجنس من الأجناس الأفريقيـة .. عشان ما نبقى زي اليهود وهم بيحاججو بإبراهيـم عليه السلام بإعتباره يهودي .. الأماني شئ والواقع آخر ..
تحياتي
04-29-2020, 06:11 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: لكن بتبقى برضو الحضارة الأسيوية - الهنديـة والصينية تحديداً - اسبق وأقدم من كوش
ياعزيزي
فيما يلي التسلسل التاريخي لظهور اجناس اليوم في التاريخ:
1-A) الانسان الاسود، اي ال"هومو سابيين" ام واب البشرية تاريخ ظهورو ممتد بطول وعرض اكثر من 6,000,000 سنة، في افريقيا!
كمثال "لوسي الحبشية" عمرها اكثر من 3,000,000 سنة!!
1-B) الانسان الحديث، اي ال"هومو سابين، سابين" اي بي هيئة وامكانيات انسان اليوم، كانت امراءة سوداء تحديدا، ظهرت قبل اكثر من 350,000 سنة، في افريقيا الحالية من تاريخ اليوم.
2-) الانسان الابيض، وهو ذات الانسان الافريقي، هاجر اوربا او شكلو اتغير للشكل الحالي الاوربي، قبل حوالي 50,000 سنة.
3-) الانسان الاسيوي وهو ذات الانسان الاسود اخد شكلو ده او ظهر قبل 20,000 سنة فقط!
4-) الساميين او ديل خليط مابين الانسان الاول الاسود والانسان الابيض، ظهرو نواحي لبنان الحالية قبل 5,000 سنة فقط او مايقل من تاريخ اليوم!!
بناءا عليه سكان هذا الكون الاصليين كانو سود اي سودانيين، والسودان الحالي كان هو مركز دائرة وجودم عبر عشرات الاف السنيين، كاقدم رقعة في الكون ده، اجتمعو فيها بشر او وضعو اساس حياة منظمة، والمراة السودانية تحديدا هي القامت بالدور ده، وليس الرجل!!
بناءا عليه، مؤسسي الهند الحالية، الصين، اليابان، كانو كوشيين تحديدا!!
بقول ليك اللي اسسو الهند مشو هناك، من كبوشية الحالية، او ده كلام احفادم الان في الهند، تقول لي الحضارة الاسيوية اسبق؟
اسبق بتاع مين، ديل اطفالنا!
هكذا امن العالم القديم كلو!
نعم امنو بالسودان الحالي كمهد للبشرية كلها!!
راجع الكلام الجبتو بالانجليزي، اعلاه!!
04-29-2020, 08:04 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: وانه يا عزيزي لازم نفرق ما بيـن كون انه افريقيا اصل الأجناس والإنسان ومابيـن كوش كجنس من الأجناس الأفريقيـة .. عشان ما نبقى زي اليهود وهم بيحاججو بإبراهيـم عليه السلام بإعتباره يهودي .
لكن اشوفك برضو رجعت وعدت نفس الكلام .. كبوشية قال كبوشية بتاع مين يا الفحل :)
المهم بالله الكتاب او اي حاجة منو..
04-29-2020, 05:19 PM
Bashasha Bashasha
تاريخ التسجيل: 10-08-2003
مجموع المشاركات: 25803
سلامات حبيبنا بشاشا .. وإن كنت عاوز زي ماقلت زيادة فائدة بالكتاب الذكرتو عشان الواحد يكون إيجابي خاصة في مسألة زي دي والاهم مافيها الإطلاع على المكتوب قديماً .. لكن..
Quote: اما اصرارك انو كوش غير الافارقة، فهذا يعود لي طريقة تفكيرك في اللاشعور بتاع "جعلي حر" جدو العباس، وما اليه!!
انا مابقول كوش غيـر الافارقة .. بقول انه الكوشيين جزء من الأفارقة .. وجنس من أجناس افريقيا زيهم وزي الهنتوت والبوشمن والخوسيان وغيرهم .. وبقول مسألة تعميم الكوشيين على جميـع اصحاب البشرة السوداء في العالم بيدخلنا في حتة الرواية التوراتية للتأريخ الحاتجبرك بعد شوية حتى على تكوييش سكان استراليا والأمريكتين الأصليين ومغالطة الحقائق العلمية عن نشوء وتطور الاجناس والهجرات القديمة بقدم التـاريـخ ونمرقها بعيد .. ثم والأهم في اعتراضك اعلاه .. إذا كنت انت فوق بترى انه حتى العباس وأولاده هم كوشيين مستلبيين بواسطة الباشبوزق بيبقى معترض على رأي عبدالله شم في شنو؟ إعتبر هجرتهم وإختلاطهم بأخوالهم وأرحامهم هي عودة الابن الضال وهجرة عكسية ومحمدة لنمو وعيهم تجاه اصلهم ..
05-03-2020, 01:39 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: فكيف تسقط هذه الملاحظة التي تسند نفسها بقوة في مجال الدراسة من بحوثكم حول الأصول التاريخية للغة العربية والإسلام؟ وكيف تفسرون تطابق الأسماء بين هذه البقعة في سودان نهر النيل وأخرى على بعد أكثر من 6000 كيلومتر في غرب أفريقيا جنوب الصحراء؟
.السودان تأثر بالمغرب العربي ومنطقة غرب أفريقيا تأثر بالغ وكبير جدا في الملبس وفي الثقافة الدينة خاصة كالمذهب المالكي والتصوف والزوايا والخلاوي لتحفيظ القرآن وحتى الخطوط والزخارف ومضاف لذلك قبائل المغاربة في منطقة شرق النيل وبعض مناطق الجزيرة كل هذا التأثير بسبب أن الحجيج المغاربي القادمون من شمال أفريقيا بالمسميات الحالية المغرب الجزئر تونس ليبيا موريتانيا وكذلك حجاج غرب أفريقيا وحتى حجاج مصر كانو يحجون عبر ميناء سواكن وعيزاب الذي كان يتبع إداريا لسواكن فكان هؤلاء الحجيج المغاربي والغرب إفريقي يأتي عبر مصر مارا بصيد مصر حتى يصل لمدبنة بربر ثم يتجه شرقاً حتى يصل إلى سواكن ثم يعبر لمدينة جدة ثم مكة
05-03-2020, 05:05 AM
Bashasha Bashasha
تاريخ التسجيل: 10-08-2003
مجموع المشاركات: 25803
ثا بشاشا شكرا على العصف الفكري بس الصورة الجبتها دي مكتوب عليها تحت ترهاقا وليس بعانخي ودي الخارطة الجينية للكوشيين عبر العالم الحديث ديل الشتتهم اتفاقية البقط في العالم الاسلامي من الصين الي الاندلس https://top4top.io/
06-21-2020, 06:50 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ما ممكن تأصل لاسم قسرا كده .. انت في اللغة ما درست ايتمولوجي؟ اها يا شيخنا الاسماء كمان عندها علم تأصيلي اسمو الانثروبونامي .. برد الاسماء الى اصولها بتفكيكها وتتبعها عبر التاريخ وبالوثائق ، متى ظهر الاسم ومعناهو شنو وانتشر وين وهل عندو اشتقاقات
مع احترامي لسعيك الحقيقي لتعلم المصطلحات، بس، إيه علاقة (الايتمولوجي) هنا؟
شخص في السودان اسمو (سيد_أحمد) وواحد تاني في أنواذيبو اسمو (سيد_أحمد) فهل لما (تقترح) علينا دراسة (ايتمولوجي) بتفترض ضمناً إنو أصول الاسمين ديل مختلفة؟ يعني حق السوداني براهو وحق النواذيبي براهو؟ وأنا والله حريص أتعلم (الانثروبونامي) بس ياريت تشرح لي مكمن العلاقة الموجبة للتفكيك وتتبع التاريخ والوثائق وسيرة حياة الاسم المطابق رسماً ودلالة بين منطقتين جغرافيتين.
Quote: سند وين الجبتو ؟ انا لي 3 سنين ساكيك وانت بتتزاوغ ، وين المصادر ، اوع تكون الصور بس؟
هي ساكك ساي! لو دا يريحك من التكروفوب.
السند هنا يا زول، في الجدول، حتلاقي جدول في رصد جزئي لإحصاءات لعينة من الأسماء
وطلبنا منك تثبت مصداقيتك والظاهر صعبت عليك، طبعاً الزوغان كان ممكن أيام (البشير) لكن حسب علمي المتواضع أنكم كنستوه مؤخراً. يبقى عليك ترجع تواصل كفاحك.
Quote: التأثير الثقافي Cultural Influence وهو يشير الى قدرة ثقافة ما على التأثير على ثقافة اخرى سواء بالقهر او القبول-القوى الناعمة ،
بس دي ما إجابة سؤالي! أنا سألتك عن (مصطلح) أنت سميتو (الاستعداد الثقافي) هنا
Quote: تقبل الاسم في الثقافة المستضيفة وعدد الاشخاص الذين لديهم استعداد (ثقافيا) على تبني الاسم يمثل محددا اساسيا لكثافة تكراره او العكس. يعني ان العامل الديمغرافي والثقافي يلعب دورا هاما في هذه الجزئية بغض النظر عن اصل الاسم.
عرف أو أشرح لي شنو يعني "استعداد ثقافي"؟ دا مصطلحك أنت اخترعته، فيا ريت تدينا فرصة نتعاطى معاك على بينة من إبداعاتك الاصطلاحية.
Quote: القوة الناعمة شرحتها ليك قبل كده ، شنو يا بوي اللف والدوران الماعندو نهاية ده؟ غايتي ليس نفي ارتباط مع غرب افريقيا ارتباط او عدمه ، انا اطلب منك
طيب كويس، فرضيتك شنو في "القوة الناعمة" دي؟ يعني هل تعتقد أن المتحدثين بالعربية في السودان الحالي ونظراً (لاستعدادهم الثقافي) تعلموها نتيجة (استعداد ثقافي)؟ طبعاً دا جانب واحد، مجرد مثال، لكن عليك تقدم رد مقنع يشمل بقية مكتسبات (القوة الناعمة+الاستعداد الثقافي)
فلو تكرمت، خليني أعرف شنو من (عاداتك، ثقافتك، لغتك، دينك، إلخ) كانت نتيجة (قوة ناعمة) وشنو اكتسبته بسبب (استعدادك الثقافي)؟ ومن وين؟
Quote: السيد حاتم يريد تجريدنا من اي سمة وهو كلامو عكس كلامك ده تماما هو بقول انو : هدومنا + بيوتنا + عاداتنا + كلامنا + اسامينا ، كلها جاية من موريتانيا ومرات غرب افريقيا وكأنه يقول قبل ما يدخل الاسلام بلاد شنقيط وغرب افريقيا ، ومن ثم فتح طرق الحج عبر السودان ، نحن ما كان عندنا بيوت ولغتنا واسامينا ما معروفة ، عاداتنا ما معروفة كانت شكلها ولا كنا عايشين كيف ولا وضح لينا مصادرو ولا وضح لينا شنو الميزة البتتمتع بيها الثقافة الموريتانية او الغرب افريقية عشان نحن نقوم نخلي حاجاتنا ونتبنى حاجاتهم ! ده كلام غريب ..
طبعاً لسة مصر على الحيطة والخندق. لكن كدي أول حدد الضمير في (نحنا) الأنت استخدمتها في توصيفك أعلاه.
أنتو منو؟
وحاتم جردكم من شنو بالضبط؟
===============================================
يا أخ عبد الله شم،
ياخي تعال جامل أخوك حيدر الفتح البوست اعتماداً على بحوثك في التاريخ. أنا شايف الدكتور الأنت أشرت ليهو (الياس) بيكتب في المنبر صفحة آراء حرة، وما عايز اتداخل معاهو بدون إذنه.
فيا ريت تتكرم بتوجيه أسئلتي لشخصه، لعله لا يرغب في الرد علناً.
06-22-2020, 03:02 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: مع احترامي لسعيك الحقيقي لتعلم المصطلحات، بس، إيه علاقة (الايتمولوجي) هنا؟شخص في السودان اسمو (سيد_أحمد) وواحد تاني في أنواذيبو اسمو (سيد_أحمد) فهل لما (تقترح)علينا دراسة (ايتمولوجي) بتفترض ضمناً إنو أصول الاسمين ديل مختلفة؟ يعني حق السوداني براهو وحق النواذيبي براهو؟وأنا والله حريص أتعلم (الانثروبونامي) بس ياريت تشرح لي مكمن العلاقة الموجبة للتفكيك وتتبع التاريخ والوثائقوسيرة حياة الاسم المطابق رسماً ودلالة بين منطقتين جغرافيتين.
** حاتم يابوي مافي حاجة اسمها تتعلم المصطلحات ، انت يفترض تعرف المصطلحات الخاصة بالحاجةالدرستها او البتشكل جزو من اهتماماتك وبس . العلاقة هي انوالايتمولوجي و الانثروبونامي والطوبونومي كلهم فروع لعلم واحديبحث في اصول الكلام( مفردة - اسم علم - اسم مكان على التوالي) كلهم بتبعو نفس اساليب البحث او التقصي والبعض بسميهم ايتيمولوجي وبس.فلمن انو الاسم ده اصلو موريتاني ، تقوم طوالي تجيب وثائقك البتثبت الكلام ده وانو دخل السودان في الفترة الفلانية نفس الشي بنطبق على مفردات اللغة ، اللهجة العامية ، كل ملامح الثقافة .. كوار ساي وملاحظاتي الشخصية لمدة خمسة سنوات والكلام الني ده ما بسقيك موية من اقرب سبيل. سيد احمد اسم موريتاني؟ اوكي ، بس هات اقدم مخطوطة موريتانية او اقدم اثر مكتوب او منقوش على الحجر ظهر فيهو الاسم ده ورينا ليهو ، قبل كده هل بيدي نفس المعنى ؟ هل تطور الاسم بطريقة مختلفة ؟ بعداك ورينا الاسم ذاتو طلع من موريتانيا كيف ، مش ممكن يكون من المغرب مثلا ؟ ده كلو انت بتجاوب عليهو بمستندات مش باحكام واعتقادات ظنية .
06-22-2020, 03:30 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: أرفق سؤالي هذا مع ملاحظة قديمة أكررها من أن سكان تلك المناطق المتحدثين بالعربية تتطابق أسماؤهم مع الأسماء الموريتانية على نحو مذهل جداً، الأسماء الموريتانية أقصد بها مجموعة من حوالي 200 إلى 250 اسم أورد منها الأهم والمشهور في هذه العجالة (أحمد_الأمين، محمد_الأمين، محمد_أحمد، سيد_أحمد، أحمد_البشير، أحمد_المصطفى، محمد_المصطفى، محمد_الحسن، أحمد_الحسن، محمد_زين، أحمد_المبارك، محمد_المبارك، الزين، بلة، بلال، بليل، بليلة، الطيب، طه، الحبر،النور، الزبير، الشفيع، نور_الهدى، الطالب، الفاضل، الهد، السالك، العبيد، الناجي، بابا، حنين، سالم، بابكر، مختار، مصطفى، معاوية، شيخ، قسم_السيد، فضل_السيد، حاج، حيدر، عوض، عثمان، صم، فضل_السيد، جبارة_الله، خير_السيد، محمد_عثمان، باب - _الله، جوى_الله، حواية_الله، ضيف_الله، حب_الله، إدريس، المعتصم... وغيرها). وهي ليست أسماء معاصرة محدثة بل تتواصل على أجيال كما تعرفون،
خليني اغربل ليك الاسامي دي واصنفا عشان نخلص من الموضوع ده once and for all : 1- اسماء عربية صرفة اصولها معروفة : بلال – الطيب – طه – الزبير – الشفيع – الفاضل – العبيد – الناجي- سالم – مختار – مصطفى – معاوية – حيدر – عوض – عثمان – ضيف الله – ادريس – المعتصم – الحبر - الزين. هذه اسماء عربية قديمة ولا علاقة لأصلها بموريتانيا او السودان . 2- اسماء مركبة عربية : احمد الامين – محمد الامين – محمد احمد – سيد احمد – احمد المصطفى – محمد المصطفى – محمد الحسن – محمد عثمان - احمد الحسن – محمد المبارك – احمد المبارك- نور الهدى . هذه المجموعة ايضا اسماء عربية موجودة في دول عربية وغير عربية وكلها اسماء مرتبطة بالدين الاسلامي أي ان اصلها ديني وهناك الكثير غيرها. 3- اسماء عربية محلية : بلة – بليل – بليلة – قسم السيد – فضل السيد – فضل السيد – جبارة الله – خيرالسيد- باب الله – حواية الله – بابكر – محمد زين- حنين . انا اعتقد انها اسماء سودانية ، على حاتم اثبات ان هذه الاسماء متواترة في موريتانيا ثم انتقلت للسودان من موريتانيا بالوثائق. وماذا تعني بادئة الاسم "قسم" في موريتانيا وما هو معنى "السيد" ايضا ؟ 4- اسماء ليست متواترة في السودان النيلي بتاتا : الطالب – الهد – الساالك – بابا – شيخ – حاج – صم – جوى الله – حب الله ملحوظة : المطلوب من حاتم ايراد معاني ونطق وتشكيل كلمتي : حنين و قسم السيد في موريتانيا ، حتى نعرف هل يوجد تطابق حقيقي في النطق والمعنى ام تطابق حرفي او صوتي فقط .
06-24-2020, 11:41 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: درجة التكرار تعني استعداد الافراد (ثقافيا) لتقبل الاسم لمعناه او مدلوله او رمزيته سواء كانت رمزية دينية او تاريخية او ثقافية او أي شيء ، استعداد الافراد لتقبل الاسم لا يعني ان درجة تكراره ستكون عالية ، كل المسلمين لديهم استعداد وقبول لإسم محمد لرمزيته الهامة في الثقافة الاسلامية لكن بالرغم من هذا تجده اكثر تكرارا في مجتمع ما دون الاخر .. فهمت ؟ ماتقعد تلوك في الحتة دي وتجيب جداول واحصائيات وكلام ما عندو معنى ..
اقرا المقتبس ده وافهموا كويس ولو ما فهمتوا قول لي ما فهمتوا ، مافي مصطلح هنا وعبارة "استعداد الافراد (ثقافيا) لتقبل الاسم ، ده مش مصطلح ، انت ما بتميز بين الاصطلاح والايضاح والاستطراد وسياق السرد ؟ عبارة ثقافيا البين قوسين دي للايضاح ولو شلتها خالصا ما بتأثر على الجملة بأي حاجة حتبقا "استعداد الافراد لتقبل الاسم " لييه عندهم استعداد ؟ لانو في عوامل ثقافية بتخلي المسلم الفلبيني بمجرد اسلامو يكون عندو استعداد يسمي نفسو "عبدالله " ، لانو اكتسب ثقافة جديدة بتقول "خير الاسماء ما حمد وعبد" فهمت ؟ ما عندي ليك اي اضافة تاني في النقطة دي ، شرحتها ليك اكتر من مرة .
Quote: طيب كويس، فرضيتك شنو في "القوة الناعمة" دي؟ يعني هل تعتقد أن المتحدثين بالعربية في السودان الحالي ونظراً (لاستعدادهم الثقافي) تعلموها نتيجة (استعداد ثقافي)؟ طبعاً دا جانب واحد، مجرد مثال، لكن عليك تقدم رد مقنع يشمل بقية مكتسبات (القوة الناعمة+الاستعداد الثقافي) فلو تكرمت،خليني أعرف شنو من (عاداتك، ثقافتك، لغتك، دينك، إلخ) كانت نتيجة (قوة ناعمة) وشنو اكتسبته بسبب (استعدادك الثقافي)؟ ومن وين؟
ما عندك اي خلفية عن مواضيع الثقافة دي لدرجة انك ما بتعرف تسأل ، "شنو يعني فرضيتك شنو في القوة الناعمة دي" ما عندي اي فرضية ، انت مش عامل "عالم لغويات" ما عارف اللغات بتنتشر كيف؟ انت ده اكتسبت العربية كيف؟ وهل كل المتحدثين بالعربية في السودان اكتسبوها بنفس الوسيلة ولنفس السبب وفي نفس الحقبة التاريخية ؟ وهل كلهم اكتسبوها ام ان بعضهم هي لغته الام بالاساس؟ الجزو التاني من سؤالك : اكتسبت لبس الملابس الملابس الافرنجية - الشغف بكرة القدم وكلها سمات ثقافية غربية اكتسبها السودانيون بعد انشاء كلية غردون وهي الان ثقافة كونية تسللت للعالم اجمع عبر قوتها الناعمة.
Quote: لكن كدي أول حدد الضمير في (نحنا) الأنت استخدمتها في توصيفك أعلاه. أنتو منو؟ وحاتم جردكم من شنو بالضبط؟
الاسماء والبيوت والملابس واللهجة العربية ، فاضل شنو تاني ؟ كلها قلت جاية من موريتانيا .. لمن فكيت الادعااءات دي كنت قاصد منو يا مولانا ؟ بتتكلم مع نفسك؟
06-24-2020, 11:46 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: النزلتو في بوست المستنير امبارح داك لمو جيبو هنا ، ده بكانو ، بقيت تضهب؟
لا أبداً، قصدت أضعوا هناك لأنو في (فيل-سوف) مستجد طلب توضيح، بيشم قدوم الكدوس بدل يمصو. ، قصدت وضعها في البوست التاني لأن عندي مداخلة واحدة وأردت الرد على نفرين وربع في بوست واحد، أعيد نشرها هنا مع تعديلات خاصة. يبقى الهلا الهلا واضح مكانها وين، يا المستعد، ما تسألني الربع دا منو، أنا عندي مسجلة في الدفتر 2.25 اتقاسموها بطريقتكم.
--------------------
Quote: حاتم يابوي مافي حاجة اسمها تتعلم المصطلحات ، انت يفترض تعرف المصطلحات الخاصة بالحاجةالدرستها او البتشكل جزو من اهتماماتك وبس . العلاقة هي انوالايتمولوجي و الانثروبونامي والطوبونومي كلهم فروع لعلم واحديبحث في اصول الكلام( مفردة - اسم علم - اسم مكان على التوالي) كلهم بتبعو نفس اساليب البحث او التقصي والبعض بسميهم ايتيمولوجي وبس
قادر الله، طوبونومي! الكلام عنك أنت البتتشابا للما معلق ليك، وعايز تتعلم وتناقش في نفس الوقت فأنا مستغرب في الزول المصر يغالط من مجرد نظرة على ويكيبيديا للمكابرة ليس إلا.
فالأنت سميتهم أنثروبونامي وطوبونامي ما ليهم علاقة (بأصول الكلام) مجرد ديباجات عامة لفروع علمية تهتم بالأسماء وما بالضرورة تكون لغرض التأصيل أو البحوث التاريخية أو التأثيل، يعني ما بتختهم الاتنين تحت (ايتمولوجي)، بل بتخت الإيتيمولجي تحت أي واحدة منهم الاتنين، يعني التأثيل لا يشملهم بل مجرد فرع علمي من الاتنين، دا جهل مألوف منك ساكت، الإيتمولوجي ما عندنا بيهو غرض هنا، دا لمعلوميتك، ويكيبيديا مجرد مدخل فما تتكل عليها في إحراز أي تقدم علمي يخصك هنا. أنت الظاهر رجعت للتلفيق والتزوير تاني.
--------------------
Quote: فلمن انو الاسم ده اصلو موريتاني ، تقوم طوالي تجيب وثائقك البتثبت الكلام ده وانو دخل السودان في الفترة الفلانية نفس الشي بنطبق على مفردات اللغة ، اللهجة العامية ، كل ملامح الثقافة .. كوار ساي وملاحظاتي الشخصية لمدة خمسة سنوات والكلام الني ده ما بسقيك موية من اقرب سبيل. سيد احمد اسم موريتاني؟ اوكي ، بس هات اقدم مخطوطة موريتانية او اقدم اثر مكتوب او منقوش على الحجر ظهر فيهو الاسم ده ورينا ليهو ، قبل كده هل بيدي نفس المعنى ؟
كنت متأكد أنك ما فاهم! أو بتمثل دور الما فاهم فأنا هنا ما بتكلم عن (إيتمولوجي) يا (إدريس) عشان أجيب ليك منحوتات ولا أتتبع أصول ولا حفريات ولا مخطوطات لأنو في واحد ناكر أصله ومصر يتلفت الكلام هنا عن (أصول) الأسماء السودانية، "أصول" هنا غالباً أنت ترجمتها (إيتمولوجي) وأجهدت نفسك في البحث عن المصطلحات ظناً منك بأنك ممكن تناقش على أساسها.
مقارنة الأسماء والبحوث المتعلقة بيها دا علم قائم بذاته أسمه الأونوماستيكس وهنا ما بندرس أسماء مفردة بل بنقارن مجموعة أسماء بمجموعة أخرى على أساس تحليلي إحصائي ودا بالضبط المقصود يا (إدريس) فمن السخرية أنك تجييب مصطلحات وتعتقد أنها جديدة علي وتقعد تلفق شروحات جديدة ليها.
المنطق البسيط يقول أن السودان دولة أفريقية، دي الحقيقة المجردة يبقى (الأسماء العربية) وافدة، هنا لما حاتم يقول ليك (أصول) عليك تفهم أن المقصود هو (مصدر الاسم السوداني) مش (أصله في موريتانيا) بعدين هي معظمها عربية كلنا شايفينها، هل في وعيك إنو حاتم قرر إنو موريتانيا (مصنع أسماء عربية)؟
مسألة التتبع هنا مش بفهمك البليد جداً (إيتمولوجي) انما البحث المقارن لاحتمالات وفود الأسماء ودي يستخدم فيها أدوات ما ليها علاقة بالإيتمولوجي يا أخينا، يعني ما حنفتش لوثيقة (قديمة) أو أحجار منقوش فيها "سيد_أحمد يحب مكفولة" طبعاً الرغبة العارمة في الإنكار هي خلف هذه الاشتراطات المحمومة لغرض واحد، الحيطة والخندق.
--------------------
Quote: سيد احمد اسم موريتاني؟ اوكي ، بس هات اقدم مخطوطة موريتانية او اقدم اثر مكتوب او منقوش على الحجر ظهر فيهو الاسم ده ورينا ليهو ، قبل كده هل بيدي نفس المعنى ؟ هل تطور الاسم بطريقة مختلفة ؟ بعداك ورينا الاسم ذاتو طلع من موريتانيا كيف ، مش ممكن يكون من المغرب مثلا ؟ ده كلو انت بتجاوب عليهو بمستندات مش باحكام واعتقادات ظنية .
طيب كويس، أنا لما كتبت مصطلح (أسماء موريتانية) وعدت بوضع تعريف له، هنا دا التعريف: [الأسماء الموريتانية] مصطلح يشير لمجموعة جزئية من الأسماء العربية والأفريقية تتميز بشيوعها في دولة موريتانيا بأنساق محددة من الشيوع الجغرافي والتتابع النمطي والتفرد في الخصائص البيانية والصوتية وتنتشر في الدول الأفريقية المجاورة بأنماط وقراءات متباينة.
وسيد_أحمد لا يكون إلا موريتانياً، يعني ماركة مسجلة لفولان بلاد تكرور بحكم الشيوع، لو لقيته في المغرب أو الجزائر فهو موريتاني. يبقى عليك تفهم، (أسماء موريتانية) لا يعني (أسماء أصولها موريتانية) أشرح ليك بفهمك والدولة البتحبها: لما تلاقي جملة (رز مصري) دا ما بيعني إنو الرز أصله ومكان نشأته الأصلية وظهوره الأول في مصر. يبقى لما أنا أكتب (أسماء موريتانية) مش المقصود أنها اتخلقت في موريتانيا.
سيد_أحمد لا علاقة له بالمغرب يا (إدريس)! أهل المغرب نادراً ما يستخدمون أسماء مركبة، علاوة على أن الأسماء عندهم تتبع النمط الأوربي، يعني اسم العائلة أول وغالباً يكون نسبة زي مشهوري طلحاوي خديجي فيلالي زويني إلخ أو نسب أبوي زي بوقسيم بنخدة بنعيسى بنصالح إلخ التركيب عندهم يكون إضافي زي عبدالله وعبدالرحمن ودي ذاتها غير شائعة مثل الأسماء المفردة. يبقى شوف مخرج تاني للاسم (سيد_أحمد) فيك الخير، طبعاً (مصر) ما بتنفعك هنا لأنك فشلت معاها في الشيخ والحاج. كدي جرب مخارجته لتونس أو الجزائر يمكن يزبط هناك.
هنا يا (إدريس)، مرة تانية، مش عايزين نفتش لأصل الاسم (سيد_أحمد) أو ومتين وصل موريتانيا عشان نعرف وصل السودان متين، أبداً يا حنين، بنشوف معامل الارتباط بين المجموعتين عشان نعرف علاقتهم ببعض وأي مجموعة أشمل من التانية، وبنعمل معالجات تانية عشان نعرف أي مجموعة أخدت من التانية.
وهنا المسألة بسيطة جداً، وين تاني في الكوكب موجود الاسم (سيد_أحمد)؟ فإذا لم يوجد إلا في دولتين السودان وموريتانيا يبقى واحدة أخدت من التانية بعامل الهجرة الطبيعية لا غير. والباقي مجرد حقائق لا جدل حولها، مثل موقع الكعبة ومكان نمو أشجار المنقا.
لكن أجاملك طالما عايز تخارج الاسم بحيلة إنو (المعنى ما مطابق) ههههههه نمشي معاك في (المعنى)، (إنتو) عندكم الاسم (سيد_أحمد) معناهو شنو؟
--------------------
Quote: 1- اسماء عربية صرفة اصولها معروفة : بلال – الطيب – طه – الزبير – الشفيع – الفاضل – العبيد – الناجي- سالم – مختار – مصطفى – معاوية – حيدر – عوض – عثمان – ضيف الله – ادريس – المعتصم – الحبر - الزين. هذه اسماء عربية قديمة ولا علاقة لأصلها بموريتانيا او السودان .
دقيقية دقيقة (أصولها معروفة) دي بتقصد بيها أصولها اللغوية ولا الجغرافية؟
مرة تالتة، مفردة (أصل) هنا لا تعني أنها اختراع موريتاني، الأصل المقصود مكانها الأصلي الذي وفدت منه للسودان.
وفي زول غالط في كونها (عربية)؟ ما زمااااان ريحناك وقلنا ليك دي أسماء عربية، وأفهمناك بأنو (الشيوع) هو الرابط بينها وبين موريتانيا
مش الشيوع بس، بل حتى التتابع (sequence comparison) أوعك تلجأ لويكيبيديا ، المصطلح دا باختصار يعني احتمالات توارد الأسماء متسلسلة حسب التفضيل، يعني ورود الأسماء دي في سلسلة الاسم الكامل لشخص واحد بين مجموعتين من النصوص. ولعلمك التتابع في الأسماء متطابق لمعظم (الأسماء الموريتانية) المشتركة! بما يدلل أن أصحاب الأسماء دي جوا من هناك وحافظو على التقليد، يعني لقيت الشفيع فغالباً تلاقى معاهو (مصطفى، سيد_أحمد، الشيخ) لقيت (علي) فغالبا تلاقي معاهو (حسين، طه، إدريس) عشان تفهم بس.
(غالباً) دي ما تمشي تفهما على أنها (ظن)، لا، دا علم قائم بذاته ينصرف إلى المعالجة اللغوية.
والتفضيل يعني في الأسرة الواحدة تلقى باقة أسماء تشترك في وصف واحد زي أسماء الخلفاء مثلاً، ودي عادة فولانية صريحة، زي ما أنت عارف طبعاً، مش (عندكم) بتجمعوا (أبوبكر+علي+عمر+عثمان) ولا أنا غلطان في العنوان؟
--------------------
Quote: 2- اسماء مركبة عربية : احمد الامين – محمد الامين – محمد احمد – سيد احمد – احمد المصطفى – محمد المصطفى – محمد الحسن – محمد عثمان - احمد الحسن – محمد المبارك – احمد المبارك- نور الهدى . هذه المجموعة ايضا اسماء عربية موجودة في دول عربية وغير عربية وكلها اسماء مرتبطة بالدين الاسلامي أي ان اصلها ديني وهناك الكثير غيرها.
مبروك، تعبت! وشكراً للمعلومة في أنها (مركبة) بس دا ما (المطلوب ملاحظته) فكلنا شايفين الازدواج دا يا ذكي جدا المطلوب ملاحظة وين بتلاقي الأسماء المركبة دي في (الدول العربية) بخلاف موريتانيا؟ أدينا نماذج للدول التانية لو عندك.
فأنت فعلياً ما أضفت أي حاجة هنا، وفعلاً بعضها موجود في دول غير عربية زي غانا والسنغال والكميرون ونيجريا والسودان، يعني ممكن جداً تلاقي (محمد_الحسن) في الكاميرون بالرسم (مامادو_لاسانا) أو (أحمد_الأمين) في نيجريا بالرسم (أمادو_لامينو) فالموضوع يا حنين الأسماء دي وصلت للدول غير العربية من وين وكيف؟ (استعداد ثقافي) ولا (ايتمولوجي)؟ ولا بمجرد الهجرة.
طبعاً ممكن تلاقي قائمة أسماء خليجيين في نصهم (محمد_المبارك) أو (محمد_الأمين) وهنا ما أظن نحتاج نجبرك على الاعتراف بأنو البشر معتادين على السفر والاغتراب، زي ما حصل لفولان بلاد تكرور (ناطقين بالعربية) الاستقرت أحوالهم في السودان.
فمطلوب منك تنظر في كل الدول العربية وتطلع منها بالأسماء المركبة دي كديباجات لأهل البلد. فبخلاف (نور_الهدى) البقية مركبة من اسمين تامين، يعني يمكن أن يعطي أي منهما لشخص منفرداً، ودي ميزتها في الأساس كونها لا توجد شائعة إلا في موريتانيا والسودان، وأغلبها طبعاً في موريتانيا ووفدت في معية حجاج بلاد تكرور.
اتحرك يلا جيب لينا (الدول العربية) الفيها أسماء بالتركيب دا.
معلومة إضافية: مافي حاجة اسمها (أصلها ديني) ما هو شوف، أنت عليك تكون حريص في استخدام المصطلحات بدل العجن البتسوي فيهو دا الدين ما أمرك أو شجعك تستخدم اسم (مصطفى، عثمان، أمين، أحمد، مبارك) عشان ترد (أصلها) ليهو، دي مجرد (صفات) في اللغة العربية سابقة لظهور الدين، فمن الغباء تقرر أنت أو غيرك في أصولها بالطريقة السطحية دي.
--------------------
Quote: 3- اسماء عربية محلية : بلة – بليل – بليلة – قسم السيد – فضل السيد – فضل السيد – جبارة الله – خيرالسيد- باب الله – حواية الله – بابكر – محمد زين- حنين .
--بلة-- بلة هو (بيلو) طبعاً لو أنت ما عارف، بس أسياد الاسم دا ما طايقين ينطقوهوا (بيلو) لأسباب معلومة. بلل وبلة وبليل وبليلة وإبيليل وبلية وبولا وبلالي وبلال مجرد نظائر للاسم (بيلو) اسم فولاني يا إدريس، غير عربي ويندر أن تجده لغير الفولان الأفارقة في موريتانيا، ومثله (عبيد، عبود، مبارك، مبيريك، رزق، أزرق، إزيرق، مرزوق، رزيق، زروق) دي أسماء أفارقة فولان في جنوب موريتانيا يا (إدريس)، لدرجة أن الحكومات الموريتانية حاولت منع استخدامها، لأسباب معينة. وهم فولان موريتانيا حيصلوا الحجاز عن أي الطرق السهلة بخلاف عبور شمال السودان؟
وبالتأكيد (متواترة) في السودان، حتلاقيها عند الفنان الطمباري والتربالي والسياسي والإعلامي وغيرهم، مش كدة؟
يبقى الاسم (بيلو) هو محور الاشتقاقات أعلاه، محور ما معناها (جذر)، لا ، يعني الاسم الشائع في جغرافيته والمرتبطة بيهو بقية الأسماء في الفضاء الاسمي بتاعه.
الصيغ أعلاه أكثر مواقع انتشارها من شرق موريتانيا مروراً بالنيجر ومالي إلى غاية غرب السودان ووسطه وعلى فكرة (حمود) لا تقرأ (حَمُّود) بل (حَمودة)، بالرسم الشائع في موريتانيا. أحمدون هي أحمدٌ بالضمتين، و(أحمدونا) هي (أحمدُنا) وبإمكانك اعتبار معناه بما يعني "الأحمد فينا" أو "ابننا أحمد" ودا مجال واسع مافي وقت يشرحوا ليك طالما بطنك طامة من أهلك الأفارقة يا إدريس، لكن لو رجعت للمراوغة بجيك. المفروض ما يكون عندك عين تحاجج في (الأسماء العربية) بعد (إدريس) دي والله. أوعك تقولي لي (حمادة) مصري.
ممكن طبعاً تقوم بتخريجه على غرار (البلال، بان النقاء، كاد يغلي، إلخ) عشان يلفق مع قولة (اسم عربي) وبأن البلل من التيمن بالمطر! هنا بقى نطبق عليك معيارك، طالما بتقول (أسماء محلية)، فهل ممكن تجيب لينا نقش أو أثر حجري فيهو أي من الأسماء البتقول محلية دي؟
القسم والفضل والخير كلها مفردات تدل على العطاء، ولها دلالاتها طبعاً في مكان ورودها الأصلي وفي السودان أيضاً.
--بابكر-- بابِكِر طبعاً هي أصلاً (أبو بكر) مافي شك، إنما الرسم (بابكر، بوبكر) فدا الرسم والنطق في غرب أفريقيا يا (إدريس) ويرسم أيضاً (بابك، أبابك) وهذه يميزه كاسم موريتاني بدلالة الرسم، يعني مش تنط وتقول (دا اسم عربي) دا معلوم إنما ما حتلقى في (الدول العربية) الرسم والنطق (بابِكِر) إلا في موريتانيا والسودان، وطبعاً الاستنتاج واضح هنا. ولمعلوميتك، ممكن في نفس البيت الموريتاني تلاقي (بوبكر، بوبكرن، بابِكِر، أبابك) لأم وأب واحد، زي ما بتلقى (محمدن، محم، محمذا) في نفس الأسرة.
بابكر نطق فرنكفوني تحديداً بدلالة سقوط الهمزة في بدايته، ذات السقوط الحادث لهمزة (إبراهيمَ) فصارت (براهيما) وأخيراً (برايما) أو كما نرسمها (بريمة) طبعاً التاء المربوطة بتقربها للأسماء العربية شفت كيف! ومثلها الأسماء: حمد، مينتا، لمين، دولاي، درامان تقابلها: أحمد، أمينة، الأمين، عبدالله، عبدالرحمن
وكذلك الأسماء عليو، محمدو، إدريسو، إدريسا (دريسا)، حيدرا (حيدرة)، جبريلا، داودا، آدما، آدمو، إسماعيلا، هارونا، يعقوبا، حميدو (حامدُ) يعني بيستخدموا ميزة تمديد الصوائت في الرسم (الكتابة) بما يساعد على النطق الصحيح، دي طريقتهم في الكتابة.
الاسم (السماني) في أصله عربي (عثماني) منطوقاً بالطريقة الفرنكفونية لغرب أفريقيا (Assumani) ومرسوما. اسمك (إدريس) ينطق هناك (دِريسا) يا (إدريس) في كل من السنغال غامبيا الكميرون نيجريا النيجر، مكان شيوع الاسم.
دا كله إجمالاً بسبب تأثير اللغات الأفريقية والفرنسية تحديداً.
--محمد زين-- ما أظن بنحتاج نشرح ليك إنو أهل موريتانيا مغرمين بالأسماء الطويلة، لسبب بسيط جداً، عندهم اعتقاد في أن طول الاسم علامة (نبالة)، فحتى لو قصير أو مفرد بيطولوهوا بإضافة (ولد) و(بنت، منت) ووسيلة للتمييز في الفئات المختلفة في المجتمع، ومحمد زين ليس استثناء، ويعالج بالتقصير استخداما.
دي سمة مميزة في أسماء الفولان يا إدريس، وإذا أبدلوها بغيرها فحتلاقي (محمد أول، محمد ثاني، إلخ) في النيجر والسنغال مثلاً ودي سمة موجودة أيضاً في شرق آسيا جهات بنغلاديش وإندونيسيا وبقية الدول الدخلها الإسلام متأخر عندهم اعتقاد بأنها (أسماء إسلامية) زيك كدة لما تكلمنا عن (الأصول الدينية). وأمثلتها: محمد_رسول، محمد_إسلام، محمد_إقبال إلخ يبقى الاشتراك بين الأفارقة في غرب أفريقيا وأهل آسيا بائن في هذا النمط من الاستخدام للغة.
--حنين-- حنين و(حمنين) وترسم أيضا (حمنن) أسماء رجال في موريتانيا، لأن (حنين) في (مصر) وفلسطين مثلاً اسم للإناث.
فيا أخونا المرتعب، (أسماؤكم العربية) غرقانة في حوض أسماء غرب أفريقيا من ناحية تحليلية إحصائية أنثروبونيمية بدرجة لا يستطيع أمثالك مخارجتها أو زحزحتها سواء ناحية الشرق أو الشمال، وبالذات أسماء الأفراد في شمال السودان النيلي والأوسط، أما أقصى الشمال فممكن تطبق عليهم نظريتك الغبية غير الموثقة بتاعة (الاستعداد الثقافي)، المصطلح الغامض بإرادتك.
--------------
Quote: انا اعتقد انها اسماء سودانية ، على حاتم اثبات ان هذه الاسماء متواترة في موريتانيا ثم انتقلت للسودان من موريتانيا بالوثائق. وماذا تعني بادئة الاسم "قسم" في موريتانيا وما هو معنى "السيد" ايضا ؟
يعني بتكافح وتجاهد على أساس (الاعتقاد)؟ شنو يعني (أسماء سودانية)؟ المصطلح دا هل ممكن توضحو أكتر؟ فإذا بتقصد أنها اختراع سوداني فدا كلام مضحك جداً لأنك وصفتها بالعربية، ومافي علاقة لدولة أفريقية باختراع الأسماء العربية إلا في إطار ما أسميته أنت (قوة ناعمة) وإن شملت هذه القوة (الناعمة) أشد مظاهر العنف. ما هو شوف، شغل الكتفلي والمراوغة والهروب من بلاد تكرور دا ما حيوديك بعيد. قررت (تساكك) يبقى عليك تحترم الأسس العلمية في النقاش.
لو شوية قول شوية بنزيدك، فتش على راحتك وأعمل حساباتك، لأني لما جبتها ليك محسوبة شردت وقلت ماشي تكنس البشير. عندك اعتراض؟
--------------
Quote: 4- اسماء ليست متواترة في السودان النيلي بتاتا : الطالب – الهد – الساالك – بابا – شيخ – حاج – صم – جوى الله – حب الله ملحوظة : المطلوب من حاتم ايراد معاني ونطق وتشكيل كلمتي : حنين و قسم السيد في موريتانيا ، حتى نعرف هل يوجد تطابق حقيقي في النطق والمعنى ام تطابق حرفي او صوتي فقط .
هههههههه أنا حاعتبر (متواترة) يعني (شائعة)، وكلامك غير صحيح مطلقاً، وهو السودان النيلي فيهو شنو غير (الشيخ والحاج) قلت تنكرهم بالدرب بعد غلبك تمريقهم بالقد بتاع مصر؟ كدي عاين بس في المنبر دا لأصحاب الاسمين ديل (الشيخ، الحاج) واسألهم براحة كدة هم من وين ههههههههه، والله أنت تحفة غالية خلاس.
السالك: حتلقاها مصغرة أو مفردة: سلك، السليك وهي أسماء متوفرة في السودان النيلي وما أظني بحاجة لإثباتها، وخلفية الاسم دينية صوفية.
--صم-- أصلها سنغالي، صمبارا، وعندهم في موريتانيا ترسم (صمب، صنب، صمبا، صم) شوف أنت باقي الاسم شنو وقارن ولو غلبك اسأل أصحابو ولو غلبك تعال لي راجع بفيدك. النسخة السودانية أهلها حولوها إلى (الأصم) بذات الطريقة البتخليهم يعدلوا (حاج، شيخ) إلى (الحاج، الشيخ) لكن الرسوم الموريتانية الأصلية لسة موجودة جوة (سودانك النيلي) بتاتا دة: أمسك هاك: شيخ إدريس، حاج ماجد، حاج حمد، حاج نور، سيد حاج، حاج أغا، حاج الأمين، ديل أتراك ولا بشتون؟
ليست متواترة في السودان النيلي بتاتاً قال هههههه، البتبتة لسة بدري عليها.
ومال إنت قايل الكيزان ديل بيتكلموا عن الأندلس ليه؟ ما عشان موريتانيا اسمها (الجمهورية الإسلامية الموريتانية).
كون بعضها شحيح و(غير متواتر) فهذا أكبر دليل يدعم أنها وفدت من مكان (تتواتر) فيه أكثر مش كدة؟
يعني لما تلقى (عشماوي، حسنين، شبلي) ما هي برضها غير (متواترة) حتدمغها بأنها سودانية محلية ولا تعاين بسرعة للنفاج الجابها؟
بالنسبة للحاج والشيخ، فهي من أشهر الأسماء الموريتانية (تواتراً) في السودان، رغم محاولتك المضحكة في الإنكار ولمعلوميتك الاسم (شيخ) ينتشر أكثر بين فئات تكارير غرب أفريقيا الأقرب لموريتانيا بينما (حاج) يشيع أكثر بين فولان أفريقيا عموماً. يعني (حاجي) في السنغال هو الرسم والنطق الخاص بأفارقة السنغال والكميرون وغانا ونيجريا. والاسم (هجو) الشائع في مكوار (سنار) هو (حاجُ، حاجو) في أصله، بنطقه الحالي هو الشائع في غرب أفريقيا لصعوبة النطق بالحاء. طبعاً ممكن يسارع أمثالك لتخريجه بأنه (من الهجو من الهجاء) زي ما طلعوا (أمارا دنقس) الإثيوبي وقالوا (عمارة) من بني أمية، استعراباً.
وضيف ليها (الفكي) وترسم في موريتانيا بأكثر من طريقة (الفق، الغف) وهم (الفقهاء) وما أظنهم وصلوا السودان من الصومال! هداك واحد مع حيرانو عايزننا نصدق إنو كراماتو جلبت اتنين مليون نفر، أكل ومرعى، نفس السلوك منقول بالمسطرة من غرب أفريقيا.
===============================================
نجي لحكاية (الاستعداد الثقافي)
هروبك من تعريف مصطلحاتك الخيبانة ناس (الاستعداد الثقافي) ما مقبول.
فإذا بتحاول تلمح إلى أن الفولان الأنت أخدت منهم الكتير يختلفون عنك ثقافة وعنصر فخليني أذكرك:
هل يعقل أنت قاعد في محلك يمر عليك أسطول حجاج بلاد تكرور (الأنت وصفتهم بالبؤساء) ولأنك (مستعد ثقافياً) تقوم تمتص من البؤس دا كل الهجمات دي:
- يغير دينك، طبعاً - يجيب السوط يجلد ضهرك - يمسك وشك يشلخوا بالطول والعرض - يلغي لغتك الأصلية ويعلمك العربية - يقول ليك اسمك دا ما عاجبني تغيرو لواحد زي حقي - يقلع ملابسك ويلبسك عمة موريتانية وتوب للمرة - يرجع للمرة يمسكها يقطع .... وأنت تعاين وقبلان
ودي (أفعال) لا يمكن تتم في فترة قصيرة على مجموعة محلية لديها تراثها وعاداتها. وعلى فكرة، عادة ختان الإناث ما بتلقاها إلا في غرب أفريقيا، المسلم، وكذلك القرن الأفريقي، المسلم، والمنطقتين كانن مستهدفات بالرق سوى للشرق أو الغرب عبر الأطلسي، العادة منحصرة بحسب المقتبس من نقد
Quote: مذْهبات الألوان، حسنات الوجوه، ملس الأجسام، ناعمات البشر، جواري متعة إن جلبت صغيرة، وسلمت من أن ينكل بها، فإنهن يقوّرن ويمسح بالموسى بأعلى فروجهن من اللحم كله حتى يبدو العظم، فيصرن شُهرة من الشهر، وتقطع أثداء الرجال، وتُسلّ الرضفة من ركبهن، حتى لا يعيا الساعي منهم، والشجاعة والسرقة فيهم طبع وغريزة، ولهذا لا يؤمنون على مال، ولا يصلح أن يكونوا خُزانا مكافحة العنصرية عملية تحتاج لقراءة التاريخ وأخذ الدروس منهمكافحة العنصرية عملية تحتاج لقراءة التاريخ وأخذ الدروس منه
فلا العرب المسلمين ولا الأفارقة الأصليين ولا غيرهم في الكوكب أو أطراف السودان التانية بيختنوا النساء، إلا من (استعد ثقافيا) لذلك شوف أنت بقى تفسيرك شنو على ضوء (استعدادك الثقافي) وليه واحد مشلخ في رفاعة مثلاً بيدافع عن الختان.
طيب، دا كله أنت (قبلت) بيهو مبسوط وساكت، بافتراض أن المانح يختلف عنك حسب رغبتك التصورية! فإذا دا كله أنت بتسميهو (استعداد ثقافي) يعني (اكتسبته) من غيرك ، سمح أنت معالم ثقافتك الأصلية كانت شنو؟ وكمان بتعتبره (قوة ناعمة)، سمح القوة الخشنة كيف؟ قطع الرقبة؟
مافي تفسير منطقي سليم غير إنو الناس الأنت بتحاول تزح وتهرب منهم هم أنتم، يا إدريس، كراهيتك للاعتراف دا هي السبب في كل تصرفاتك و (مساككة) حاتم نتيجة للهلع والخوف ليس إلا، وهو نفس السبب البيخلي (الباحث شم) يلجأ للأسلوب المضحك في إعادة كتابة تاريخ المنطقة حتى تتوافق مع أهواءكم. لأنو ظهور الإنترنت وفر وسيلة ناجعة للمراجعة والتنقيب في كل الإدعاءات والمآخذ، ويسر رؤية الأمور من زوايا جد مختلفة و(حقيقية).
فيا أخوي البتعمل فيهو دا اسمو العيب، أهلك ما تاباهم، هو كتر خيري دليت أمثالك على أصولهم الثقافية والجينية. أنا ذاتي مستغرب والله الكراهية لأهل غرب أفريقيا دي (أصلها) وسببها شنو.
يا راجل في زول بيسمي بلده مهد أجداده باسم (الأندلس)؟
_____ أعتقد كافي.
//////////////////////////////// جديد //////////////////////////////////////////////
Quote: اقرا المقتبس ده وافهموا كويس ولو ما فهمتوا قول لي ما فهمتوا ، مافي مصطلح هنا وعبارة "استعداد الافراد (ثقافيا) لتقبل الاسم ، ده مش مصطلح ، انت ما بتميز بين الاصطلاح والايضاح والاستطراد وسياق السرد ؟ عبارة ثقافيا البين قوسين دي للايضاح ولو شلتها خالصا ما بتأثر على الجملة بأي حاجة حتبقا "استعداد الافراد لتقبل الاسم " لييه عندهم استعداد ؟ لانو في عوامل ثقافية بتخلي المسلم الفلبيني بمجرد اسلامو يكون عندو استعداد يسمي نفسو "عبدالله " ، لانو اكتسب ثقافة جديدة بتقول "خير الاسماء ما حمد وعبد" فهمت ؟
خليك من الفلبيني نقاشي معاك في المسلمين متحدثي العربية في السودان، وسط وشمال نيلي،
وكويس جداً، انتقلنا من (الاستعداد الثقافي) إلى (الاستعداد)، مافي فرق كبير، نقول (استعداد ديني). يبقى الاستعداد المشار إليه حسب مثالك ناتج عن عامل الدين، وهذا ساعد على اكتساب (مظاهر ثقافة) من مصادر خارج المنطقة، هذا بحسب تقريرك أعلاه، وهذا يعني ضمناً أنك تنفي وفود (المكتسبين) لهذه المظاهر الثقافية مع الجماعات المانحة صحيح؟ وهذا يقودنا إلى محاولة فرز وتحديد أي من هذه المظاهر الثقافية والعادات وغيرها:
- الأسماء - الأزياء - نمط البناء
- البطان - الشلوخ - ختان الإناث
- الدين - اللغة
خلي الدين واللغة مؤقتاً، لأنها متشعبة، بالنسبة للستة الباقية، أنا أرغب أسمع منك بوضوح، لو تكرمت، أيها متأصل في سلوك مجموعات الشمال النيلي والوسط وأيها مكتسب من X من المجموعات المانحة أياً كانت؟
هل المسألة متوزعة؟ يعني هل بعض الأسماء (أصيلة) بينما البطان والختان والشلوخ مثلاً مكتسبة؟
وحتى في الأسماء، أنت أنكرت بوضوح (تواتر) الاسمين (الشيخ، الحاج) في السودان النيلي، وهذا غير صحيح طبعاً، فهي متواترة لدرجة توترك فكيف حتى الأسماء ذات الدلالات الدينية (منكورة) عندك بينما تقريرك أعلاه يفسر نزعة قبول الأسماء بناء على عامل الدين؟ هل (الإنكار) هذا قائم على أسباب أخرى بخلاف الدين؟
------------
Quote: ما عندك اي خلفية عن مواضيع الثقافة دي لدرجة انك ما بتعرف تسأل ، "شنو يعني فرضيتك شنو في القوة الناعمة دي" ما عندي اي فرضية ، انت مش عامل "عالم لغويات" ما عارف اللغات بتنتشر كيف؟ انت ده اكتسبت العربية كيف؟
أنا اكتسبتها بالتعليم طبعاً، عشان كدة (ما بعرف اسأل) زي ما أنت أبرزت. لكن بعرف كويس أطلع منك أمثالك الإجابات المطلوبة، سواء جاءت منك اعترافاً أو إنكاراً أو تلفيقاً. زي ما أنت شفت.
------------
Quote: وهل كل المتحدثين بالعربية في السودان اكتسبوها بنفس الوسيلة ولنفس السبب وفي نفس الحقبة التاريخية ؟ وهل كلهم اكتسبوها ام ان بعضهم هي لغته الام بالاساس؟
في ناس اكتسبوها بالتعليم، زيي كدة. وفي ناس جابوها معاهم لأنها لغتهم الأصلية من خارج حدود ما يعرف بدولة السودان الحالية، زي الرشايدة مثلا. وفي ناس جابوها معاهم لأنها لغتهم المكتسبة من خارج حدود ما يعرف بدولة السودان الحالية، زي التكارير مثلاً.
أما في جمهورية السودان فمافي شخص أو مجموعة ممكن نطلق عليها توصيف (لغتهم الأم الأساس) هي العربية، لمجرد الحقيقة الواضحة أن اللغة العربية المعاصرة وافدة على الدولة، السودانية.
------------
Quote: اكتسبت لبس الملابس الملابس الافرنجية - الشغف بكرة القدم وكلها سمات ثقافية غربية اكتسبها السودانيون بعد انشاء كلية غردون وهي الان ثقافة كونية تسللت للعالم اجمع عبر قوتها الناعمة.
لا لا لا أنا في كل نقاشي معاك ما أشرت إلى (الفرنجة) لا تصريحاً و لا تلميحاً، كلنا بنعرف القميص والتي شيرت والبنطلون الضيق جات من وين. أنا إشارتي كانت للآتي: 1- الجلابية البيضاء واسعة الأكمام بفتحة عمودية 2- العمة الملفوفة بغير انتظام 3- الطاقية المزركشة
1 و2 مشتركة مع فولان بلاد تكرور، موريتانيا والسنغال ومالي تحديداً. 3 مشتركة مع النيجر ونيجريا تحديداً.
يبقى (استطرادك) بتاع (كلية غردون) دا أنا بتعتبره ليك مجرد استراحة، غردون ما كان ترزي.
------------
Quote: الاسماء والبيوت والملابس واللهجة العربية ، فاضل شنو تاني ؟ كلها قلت جاية من موريتانيا
مش قبل شوية تكلمت فوق عن (المكتسبات)؟ وضربت مثال (باستعدادك) لتقبل الأسماء زيك زي الفلبيني واحد؟ إذن أنا في الواقع ما (جردتكم) من أي شيء، بل رديت كل شيء لأصله! في الحقيقة أنا ثبت حقكم في الانتفاع بإرث الفولان في أرض السودان، لا ينازعكم فيه إلا هالك.
ماهو شوف، أنت يا تمشي معاي عديل يا تتبرطش من دقنك ومن مفرداتك البتكتبها واضح أنك تعول كثيراً على عكس صورة خيالية تبعد نفسكم فيها تماماً من حقيقة الانتماء لغرب أفريقيا.
------------
Quote: لمن فكيت الادعااءات دي كنت قاصد منو يا مولانا ؟
كنت قاصد من أشرت أنت إليهم هنا
Quote: لكن تبقى حقيقة ان اغلب الضباط الذين تم استيعابهم بعد المفاصلة كانت قد قامت على اساس عرقي - جهوي وليس ايديولوجي كما جرى في العشرية الاولى وهذا مما يجعلنا نتفاءل نوعا ما بقدرة الجيش على القيام بفعل ايجابي. Re: مساهمة في وضع تصور لدور القوات المسلحة في Re: مساهمة في وضع تصور لدور القوات المسلحة في
+++
Quote: من اليوم وصاعداً يا عبد الله إنتبه للجغرافيا التي يأتي منها رموز السياسة السودانية
على فكرة، الفرق بين (الانتباه) والحليفة بتحري (عدم الانتباه) أسبوع واحد فقط! (الانتباه) كان مع شخص من داخل الجغرافيا، بينما القسم المغلظ (بعدم الانتباه) كان مع شخص من خارجها، وأنا كنت قد طلبت منك النسخة الجديدة من تعريفك لمصطلح (النفاق) زلا أزال في انتظارها.
اعترافك بالاحتكار هذا لم يخرج عن (أشواق) قريبكم عادل أحمد_لمين بحصر وظائف معينة على مجموعة معينة، هو ناطق شبه رسمي.
وأنا ما (مولاكم) طبعاً. وعلى فكرة الألقاب (مولاي، سيدي، شيخنا) منتشرة في بلاد تكرور، ممكن أجيب ليك الوثائق لو حبيت، لكن اعتقد مجرد جريانها على اللسان تعوداً أكثر من كافي.
------------
Quote: اسماء ليست متواترة في السودان النيلي بتاتا : الطالب – الهد – الساالك – بابا – شيخ – حاج – صم – جوى الله – حب الله ملحوظة : المطلوب من حاتم ايراد معاني ونطق وتشكيل كلمتي : حنين و قسم السيد في موريتانيا ، حتى نعرف هل يوجد تطابق حقيقي في النطق والمعنى ام تطابق حرفي او صوتي فقط .
كدي أشرح لي حسب فهمي كيف يعني الاسمين ديل "الشيخ، الحاج" (ليست متواترة في السودان النيلي بتاتا)؟ في العينة التحت دي بس في 7 حاج و8 شيخ، وهي عينة ممتازة جداً حأشير ليها في المستقبل!
أنت يا (إدريس) عينك دي قوية كدي ليه ياخ؟ في شنو في الذاكرة الجمعية يخص غرب أفريقيا يخلي أمثالك يصيبهم الهلع كلما ظهرت بادرة علاقة أو ارتباط أياً كان؟
الاسمين ديل (الشيخ، الحاج) أكثر الأسماء شيوعاً في سودانك النيلي والأوسط، وهي أسماء فولانية تكرورية جميلة ودالة ومعبرة وهن طبعاً أسماء ليهن دلالات دينية و(المفروض تكتسبوهن) مبكراً جداً حسب مثالك الفلبيني، ودا الحاصل في الواقع وطبعاً إنكارك ليهن لا يفسر إلا من باب (الرعب) من الارتباط العضوي بفولان بلاد تكرور، ما لم يكن لديك أي أقوال أخرى.
وهذا شيء مضحك أن تلجأ (للتجرد) بالقطاعي كلما أثبتنا تكرنة تمقتها، فهسع (قول اتنين) (الشيخ، والحاج) دربهن مرق في مالي، وفي رواية النيجر! دي بقى خليها لحاتم يفتي ليك فيها، لكن المهم (نطتك) الأبانت تفاصيل كرتيلك أبو زيت راجع. أما الاسم (بابكر) فما بحتاج نزاع.
طبعاً لو عممنا (تصرفاتك) دي فممكن بسهولة نتفهم ليه في (استعداد) لفصل أجزاء الدولة على أساس الزعم (باختلاف العنصر) وليه بواقي حجاج بلاد تكرور مصرين على إطلاق اسم (الأندلس) على السودان الدولة وليه الكراهية غير المبررة موجهة لجيران السودان في الشرق والغرب. وليه قريبك داك قال (الكنداكة ما بتمثلو) وهو صادق بالمناسبة.
نختم المرحلة دي: يلا شوف لينا ديل موجودات في سودانك النيلي ولا (بتاتا)؟ (احمد الامين – محمد الامين – محمد احمد – سيد احمد – احمد المصطفى – محمد المصطفى – محمد الحسن – محمد عثمان - احمد الحسن – محمد المبارك – احمد المبارك- نور الهدى )
شغل الاستربتيز بتاعك دا أنا عجبني، فحنواصل في عينات الأسماء، وأنت كل مرة أرجف و(شيل) اسم اسمين برة وبعدها نشوف باقي العادات، وفي النهاية نتوصل لسر (التجرد) دا أسبابو شنو، بتعاونك معانا طبعاً
لكن سؤال سريع: بتكرهوا أصولكم ليه يا إدريس؟
____ Mission impossible.
06-25-2020, 11:57 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
ههههه عشان ترد على السناري؟ وانت رديت عليهو يعني ؟ انت عملتو سبب عشان تزوغ من هنا وعشان تجي تتحجج بعدد المادخلات والكلام ده/ انت ما فهمت اصلا هو بتكلم عن شنو فما كان في داعي ترد اصلا.
Quote: فالأنت سميتهم أنثروبونامي وطوبونامي ما ليهم علاقة (بأصول الكلام) مجرد ديباجات عامة لفروع علمية تهتم بالأسماء وما بالضرورة تكون لغرض التأصيل أو البحوث التاريخية أو التأثيل، يعني ما بتختهم الاتنين تحت (ايتمولوجي)، بل بتخت الإيتيمولجي تحت أي واحدة منهم الاتنين، يعني التأثيل لا يشملهم بل مجرد فرع علمي من الاتنين، دا جهل مألوف منك ساكت، الإيتمولوجي ما عندنا بيهو غرض هنا، دا لمعلوميتك، ويكيبيديا مجرد مدخل فما تتكل عليها في إحراز أي تقدم علمي يخصك هنا.
تفضل يا بني ده من الموسوعة البريطانية ، عندك اي شك في قيمة الموسوعة البريطانية ؟
Quote: Toponymy, taxonomic study of place-names, based on etymological, historical, and geographical information. A place-name is a word or words used to indicate, denote, or identify a geographic locality such as a town, river, or mountain. Toponymy is concerned with the linguistic evolution (etymology) of place-names and the motive behind the naming of the place (historical and geographical aspects). Most toponymy, however, has concentrated on the etymological study of habitation names, often neglecting the study of feature names and the motive behind the naming of the place. Anthroponomy …of personal names is called anthroponymy and their study is called anthroponomastics. A set of place-names is called toponymy, and their study is called toponomastics. In a looser usage, however, the term onomastics is used for personal names and their study, and the term toponymy is used for place-names and…
دي كلها فروع من علم اللغويات غرضها واحد، اهتمامها واحد بتختلف بس في الاختصاص. في النهاية انت عايز تعرف اصل اسم علم ، او اصل اسم مكان او اصل مفردة او فعل او صفة ، هل اتطورت ؟ هل دخلت في قواميس لغات تانية؟ هل هاجرت؟ كيف حصل ده ؟ ما تقعد تغالط في الفاضي ، ده ما الموضوع اساسا، الموضوع كلو انك مفترض تلتزم بالمعايير العلمية المتبعة وتبطل شغل النجر ده . اي حاجة يلزمها مصدر ، اي نجرة منك يلزمها تخريج علمي ما تقول لي بريمة اصلها ابراهيم وتمشي ساي كده ، ده شغل الSci-fi حا اجيك ليهو في مداخلة منفصلة.
06-26-2020, 09:01 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ههههه عشان ترد على السناري؟ وانت رديت عليهو يعني ؟ انت عملتو سبب عشان تزوغ من هنا وعشان تجي تتحجج بعدد المادخلات والكلام ده/ انت ما فهمت اصلا هو بتكلم عن شنو فما كان في داعي ترد اصلا.
آآآآي أنا زايغ من البوست دا هههههه عشان كدة كتبت أكتر من عشرين صفحة بالأمثلة والاقتباسات والأرقام والإحصاءات والتعريفات والصور، بسببها رجعت حليمة لقديمة، الكذب والتلفيق والتزوير، بلا خجلة. وهو أنا لاقي الإضينة البيضطر يكضب ويقول (بتاتا) ما عندنا اسم زي دا عشان (أزوغ) منو؟
الفيلسوف كدوس شاكوشو واحد عشان كدة ما فارز المسمار من قرض القدمبلية من عرديب سنار، فقلنا ليهو يفتح بوست عشان نوسع ليهو قدود عيونو يشوف الدنيا بألوان جديدة غير السمع بيها من فوكو ونيتشة وهيغل وهركيول بوارو. وأهو أنا منتظرو يفتح البوست، لأنو مصر يقرر أني ما بقدر أرد إلا بعد (أسبوع) فإذا رديت بعد يومين يحتج ويقول لي (مستعجل مالك) ههههههه، اضطراب سلوك.
وأنا فعلاً ما عرفتو بيسأل من شنو بالضبط وعلاقة كلامو بالمطروح شنو، لأنو عايزني أشرح ليهو براس الديك، زي عدم عرفتي بسبب رعبك من سيرة فولان بلاد تكرور! إيه المشكلة؟
ممكن أرجع اسأله عن النحو التوليدي والخصائص الشومسكية في مخرجات الشبكات العصبونية للتعلم العميق في تحليل اللغة المصطنعة، وأسمي دا (معرفة)، وبأنو المنبر (يتشرف بمناقشتها) وأكون قاصد نفسي طبعاً زي ما هو بيلمح، وأقول ليه (أنا قايلك بتعرف)، وأخليهو يقول بلادي حقول بلادي سهول، صعبة دي! بقى زي المتسلق داك القال وزع للشاب خالد (حاج) إبراهيم، طرح استفتاء قال (لو عاوزين تستفيدوا وأفيدكم) يا حاتم يا هو، ترانا قاعدين الاتننين، ومافي فايدة منو!
الصبينة دي صعبة علينا أنت قايل؟ لكن بنراعي لنوعيتك البسيطة دي البتنخلع من مجرد اسم.
أنت قول عايز وقت مستقطع تكلمنا فيهو عن غردون وسلاتن، هو بالمناسبة غير اسمو لسلاطين ولا صلاح الطين؟
Quote: تفضل يا بني ده من الموسوعة البريطانية ، عندك اي شك في قيمة الموسوعة البريطانية ؟ +++ دي كلها فروع من علم اللغويات غرضها واحد، اهتمامها واحد بتختلف بس في الاختصاص.
هوي ها، اسمها (انسيكلوبيديا) فقبل ما تدس أنفك في المحتوى اقرأ العنوان! وهي (قيمة) بالنظر للمستهدفين بقراءتها من أمثالك، لكن لما الموضوع يتخصص فما ليها قيمة! مافي كتاب واحد أو سلسلة كتب بتحوي العلوم البشرية كلها، انسيكلوبيديا يعني مقتطفات وتعريفات ويراعى فيها أن لا تتعمق إلا بالقدر اللازم للتوضيح، لكن النهج فيها يلتزم بالتبسيط، برضو لمراعاة أمثالك. عاين معانا تحت هنا، دي ما بتلقاها في الانسيكلوبيديا:
وما بالضرورة تكون دي (فروع من علم اللغويات) معظمها مجرد ديباجات تصلح لعلوم أخرى غير متعلقة باللغة لا من قريب أو بعيد.
Quote: في النهاية انت عايز تعرف اصل اسم علم ، او اصل اسم مكان او اصل مفردة او فعل او صفة ، هل اتطورت ؟ هل دخلت في قواميس لغات تانية؟ هل هاجرت؟ كيف حصل ده ؟
ما (في النهاية) ولا حاجة، ومالينا علاقة بقواميس أو فعل أو صفة أو لغات هنا! فلو بتقصد بكلمة "نهاية" (هدف) فتبقى بليد جداً، ودي الخلاصة الأنا وصلت ليها (عدم فهمك) للموضوع فلو أخدت التاكسونومي، دا إيه علاقته بأصل الاسم (ايتمولوجي)؟ ولو أخدت التايبولوجي، دا إيه علاقته بأصله؟ الفونولوجي إيه علاقته بالأصل؟
فيا أخينا المرعوب، البعمل فيهو أنا ما ليهو علاقة براس الديك! راس الديك (ايتمولوجي) دا الأنت فتحت عيونك قبل اسبوعين وما شفت غيرو وداير تحاججني بيهو كمصطلح علمي لغوي. الأنت شايفني بعمل فيهو اسمو (name profiling) ومرتبط بالأجزاء المعلمة بالأصفر.
وكان ممكن بكل بساطة اتكلم معاك بطريقة أعمق، لكن لقيتك الدبوس بيبهلك، والروراي يضرب، يبقى كفاك العرفتو. وتاني اسألني عن مفرداتي قبل ما تفكر تشوفها في الويكيبيديا، قبل كدة لقيتني بتكلم عن الأمهرية جيت طاير تكلمني عن (لازلو) ولا فاهمك قاصد ياتو لازلو وإيه دخلو في الموضوع، ما تقابض ساكت ياخ.
يبقى ما تحاول تناقش وتحاجج من مجرد تعريف لأنو من السهل انكشاف الفاهم من الإطيقش زيك كدة في أول محك، زي زولكم قريش الفز من قولة تيت داك.
فشنو، تاني ما تجيني في الحتة دي، بطحنك وبسفك، وبسوي بيك أفففف.
Quote: ما تقعد تغالط في الفاضي ، ده ما الموضوع اساسا،
ما الموضوع؟ سمح حاشر نفسك في الحتة دي ليه؟ شابكني (أنثروبونامي وايتمولوجي وطوبونمي) تهوزز بيهن شلاضيمك، وأنت فيهم يا مولاك كما خلقك.
Quote: وسيد_أحمد لا يكون إلا موريتانياً، يعني ماركة مسجلة لفولان بلاد تكرور بحكم الشيوع، لو لقيته في المغرب أو الجزائر فهو موريتاني.
يا بني ادم تكرار الاسم لا علاقة له باصل الاسم في العالم كلو ، في العالم المسيحي والاسلامي ، غالبية الاسماء مصدرا هو الدين ، الاسلام والمسيحية الاتنين طلعوا من فلسطين و الحجاز . فبالتالي غالبية الاسماء في العالم المسيحي والاسلامي اصلها من المنطقتين ديل ، بما فيهم موريتانيا ذاتا. بعض البيئات الثقافية انتجت اسماء دينية باستخدام لغتها المحلية او قامت بتحوير بعض الاسماء لتلائم السمات اللغوية او اللسانية التي تميزها. فإذا عرفنا ان اسم سيد احمد موجود في موريتانيا والسودان والمغرب والجزائر فكيف نعرف اصل الاسم ، بالتكرار كما تزعم؟ بحكم الشيوع؟ هل شيوع اسم محمد خارج الحجاز يلغي اصله الحجازي المؤكد؟ دي جديدة والله .. في كم جون في امريكا وكم (جون او يحي او يوحنا) في فلسطين ؟ بي طريقتك السطحية دي محمد حيبقا اصلو مصري "بحكم الشيوع" ، جون حيبقا امريكي رغم انو وجودو سابق لامريكا بقرون عديدة ، حاتم ذاتو اسمك الحايم بيهو ده وجودو في السودان اكتر من جزيرة العرب كلها ! تعال اقعد في الواطة دي ووريني اسم سيداحمد او اي اسم موريتاني او غرب افريقي وصلنا هنا كيف ومتين ؟
Quote: سيد_أحمد لا علاقة له بالمغرب يا (إدريس)!
مشكلتك بتفرض معرفتك بالشي مسبقا بدون ما تقرا ! موجود في المغرب والجزائر وتونس ومصر ما تغالط ساي
Quote: المطلوب ملاحظة وين بتلاقي الأسماء المركبة دي في (الدول العربية) بخلاف موريتانيا؟ أدينا نماذج للدول التانية لو عندك.
ابوكرتونة الاسماء المركبة ذات المرجعية الدينية دي بدأت تظهر في التراث الاسلامي منذ فترة العباسيين، سمعت بي هرون الرشيد؟ ، المامون بن هرون الرشيد ولدو اسمو عبدالله المأمون ، الامين ولدو التاني اسمو محمد الامين . وظهرت معاها اسماء تانية زي المهتدي بالله ، وظهرت الاسماء المنسوبة للدين عند المماليك زي عماد الدين وشمس الدين واسدالدين الخ الخ بعض الدول السعودية منعتها وبعضها قننها لكنها لازالت موجودة . انت بتستسهل اي حاجة بفهمك القاصر للموضوع برمتو وعايز تصل للنتيجة الموجودة في راسك مسبقا بدون ما تثبتها لكن انا ما ح اسمح ليك وح احكها معاك كده للنهاية ، ورينا الاسماء دي وصلت للسودان كيف ومتين ؟ بمعنى اخر هي تعبير عن تأثير ثقافي موريتاني علي السودان هات مصادرك الاستندت عليها واوع تشغل لي اسطوانة "ملاحظاتي خلال 5 سنة" والجهل الفارغ البتسوي فيهو ده.
Quote: مافي حاجة اسمها (أصلها ديني)
الدين هو ما جعل هذه الاسماء تنتشر وليس معانيها وا اصواتها ، هو من جعل الهندي والاندونيسي والفنلندي يسمي علي و محمد . ما يبقا غلاط ساي الا اتحدث عن اصلها اللغوي هذا بديهي .
Quote: ويندر أن تجده لغير الفولان الأفارقة في موريتانيا، ومثله (عبيد، عبود، مبارك، مبيريك، رزق، أزرق، إزيرق، مرزوق، رزيق، زروق)
اعبيد - عبود - مباررك - مبيريك - مرزوق اسماء منتشرة في الدول الخليجية واليمن ، ما تنجر ساي ، رزق منتشر في مصر
Quote: وهم فولان موريتانيا حيصلوا الحجاز عن أي الطرق السهلة بخلاف عبور شمال السودان؟
كل قوافل غرب افريقيا كانت تصل الحجاز عبر مصر وليس السودان الى الحقبة التركية ، ما تنجر من راسك ، اثبت ليك الكلام ده بالمصدر في البوست بتاع سنار ارجع ليهو.
Quote: Quote: 4- اسماء ليست متواترة في السودان النيلي بتاتا : الطالب – الهد – الساالك – بابا – شيخ – حاج – صم – جوى الله – حب الله
اديني نماذج لاشخاص يحملون هذه الاسماء ، نجوم ، فنانين، زملاء في المنبر ده ، اي حاجة انت قايلني شهادة عربية ؟ عايز تقطع من راسك وتلصق علي كيفك وتبقا عالم على حسابنا ، وأيم الله لن يحدث هذا ابدا نوط إن ذيس ويرلد فترت ، حا اجيك لموضوع ال Linguistic Sci-fi لا تقلق
06-26-2020, 09:14 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: - يغير دينك، طبعاً - يجيب السوط يجلد ضهرك - يمسك وشك يشلخوا بالطول والعرض - يلغي لغتك الأصلية ويعلمك العربية - يقول ليك اسمك دا ما عاجبني تغيرو لواحد زي حقي - يقلع ملابسك ويلبسك عمة موريتانية وتوب للمرة - يرجع للمرة يمسكها يقطع .... وأنت تعاين وقبلان ودي (أفعال) لا يمكن تتم في فترة قصيرة على مجموعة محلية لديها تراثها وعاداتها. وعلى فكرة، عادة ختان الإناث ما بتلقاها إلا في غرب أفريقيا، المسلم، وكذلك القرن الأفريقي، المسلم، والمنطقتين كانن مستهدفات بالرق سوى للشرق أو الغرب عبر الأطلسي، العادة منحصرة بحسب المقتبس من نقد
المقتبس بتاع نقد ده ماعندو اي علاقة بي موضوعنا ده بتاتا ولو ما قريت الكتاب ارجع اقراهو عشان تعرفو بتكلم عن شنو - الاسلام دخل السودان في القرن التامن الميلادي ومعاهو العربي بطبيعة الحال (مصدر) - يعلمني العربية ليه يا حاتم ، مش الطبيعي انو يعلمني لغتو هو ، ده شي مضحك جدا (مطلوب مصدر) - عمة موريتانية دي فيها كم متر (المصدر) - ختان الاناث البعض يقو ان اصله مصر الفرعونية وبعضهم يرجعه لمملكة مروي وا يوجد فرق بين الرأيين في نظري للتداخل الواسع تاريخيا بس دي جديدة اول مرة تغنيها . وعموما هو انتشر من وادي النيل وليس العكس. (مصدر) انت تعال هنا حجاجك ديل جنسهم شنو ؟ شغالين يبنو في البيوت ويعلمو في الناس لغات ويتكرمو عليهم بالاسامي وده كلو ما كفاهم حالفين يمين يطهروا البنات ويكسوهن تياب ! شبعنا منك كلام ، يلا ورينا مصادرك يا بوي ، عندك هات ما عندك ما عندي زمن لنقاشاتك الدائرية البليدة دي ..
06-26-2020, 09:59 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: و أخدت التاكسونومي، دا إيه علاقته بأصل الاسم (ايتمولوجي)؟
الجاب سيرة التاكسونومي منو يا مترجم الهم ؟ كدي اقرا التعريف ده تاني : Toponymy, taxonomic study of place-names, based on etymological, historical, and geographical information الطوبونومي هو تصنيف اسماء الاماكن اعتمادا عى معلومات تاريخية - ايتمولوجية - جغرافية متعلقة بالاسم . ودي مشكلتك الاساسية اما قادر تفهما ، انو استخدام الاحصاء لتحديد اصل الاسم تسطيح وكسل ذهني ومعرفي مهول ، لابد من معرفة تاريخ الاسم ومعناه عبر العصور واي تحورات احدثت فيه اي تغيير في الصوت او المعنى او الرسم .
Quote: كيف يعني الاسمين ديل "الشيخ، الحاج" (ليست متواترة في السودان النيلي بتاتا)؟
شيخ و حاج يا زول ، بطل تزوير ، بدون تعريف ، بدون ألف ولام - اسم الطالب غير موجود في الوسط ، الاسم بتاعك ده ما الطالب ، ده علي طالب الله - في موريتانيا في اسم الطالب ، الاسمين مختلفين غير انك لم تورد معنى اسم الطالب في الثقافة الموريتانية ، اسم طالب الله معناه واضح ، المطلوب معنى الطالب بالمصدر. - بابا ؟ مافي يا زول اسم زي ده في الوسط ، امشي شوف الاسم اللقطتو من وين اصلو شنو ومعناهو شنو وهل هو اسم ام لقب ؟ - مافي زول اسمو صم ، صمبارا ، الاصم معرفة معناها الشجاع وهو لقب معروف في الوسط ، صمبارا ده شنو كمان؟
Quote: أمسك هاك: شيخ إدريس، حاج ماجد، حاج حمد، حاج نور، سيد حاج، حاج أغا، حاج الأمين، ديل أتراك ولا بشتون؟
حاج وشيخ بدون تعريف دي في الوسط القاب وليست اسماء تقال للاحترام او نحو ذلك ـ انت مشكلتك ما بتعرف اي حاجة عن الوسط ولا ثقافة الوسط ، بتتهجم ساي.
06-26-2020, 10:52 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
جينا للخيال العلمي : ما ح اعلق عليهو الليلة ده للفرجة بس حاليا ، لانو بامانة فيهو ابداعات ما بتكرر وما ممكن تطلع الا من ابوكرتونة ..
Quote: والاسم (هجو) الشائع في مكوار (سنار) هو (حاجُ، حاجو) في أصله، بنطقه الحالي هو الشائع في غرب أفريقيا لصعوبة النطق بالحاء. (وضيف ليها (الفكي) وترسم في موريتانيا بأكثر من طريقة (الفق، الغف) وهم (الفقهاء) وما أظنهم وصلوا السودان من الصومال! زي ما طلعوا أمارا دنقس) الإثيوبي وقالوا (عمارة) من بني أمية، استعراباً. صم--أصلها سنغالي، صمبارا، وعندهم في موريتانيا ترسم (صمب، صنب، صمبا، صم) الاسم (السماني) في أصله عربي (عثماني) منطوقاً بالطريقة الفرنكفونية لغرب أفريقيا (Assumani) ومرسوما. بابكر نطق فرنكفوني تحديداً بدلالة سقوط الهمزة في بدايته، ذات السقوط الحادث لهمزة (إبراهيمَ) إنما الرسم (بابكر، بوبكر) فدا الرسم والنطق في ذات السقوط الحادث لهمزة (إبراهيمَ)فصارت (براهيما) وأخيراً (برايما) أو كما نرسمها (بريمة) طبعاً التاء المربوطة بتقربها للأسماء العربية شفت كيف! غرب أفريقيا يا (إدريس)
لا يخف في النجر لومة لائم ، بس النجر عايز ليهو قدوما سنين وصاحبنا ده معلم ومسلم
اول مرة اعرف ان أصول المفردات اسمو مورفولوجيا !! علمو واسع وجهل الخلق برضو واسع هههه.. يا حاتم (جالي) دا اسم منحوت في مسلة من العصر المروي.. لازال عندو مقابل منطوق وحي على الأرض في ذات المنطقة الجغرافية .. أها تعال بفونولوجيتك قارب لي بين جالي وجيلي وجلي وجعلي.. على الرغم من قناعتي إنك زي بتاع مدارس وسطى في علم الفونولوجيا ههه .. ياخي انت بشوية هديمات عايز تقول شعب وادي النيل مورتاني وليس العكس .. حبة هديمات عايز تمسح بيها تاريخ منقوش من قبل الميلاد!! على كدا ببناطلينا وبدلنا دي عالم المورفولوجيا دا ح يطلعنا اوربيين!! ههههه.
06-27-2020, 07:34 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
إدريس، أنت جملة (فولان بلاد تكرور) بتشل التفكير وتسم البدن ولا الحاصل شنو بترجف كدة؟
توقعت الإنكار و(البتبتة) لكن بداية أكرمني وكمل جميلك طالما تشجعت وبقيت تنتقي بالقطعة (مجازفة)، على راس كل ساعة:
Quote: دي كلها فروع من علم اللغويات غرضها واحد، اهتمامها واحد بتختلف بس في الاختصاص. في النهاية انت عايز تعرف اصل اسم علم ، او اصل اسم مكان او اصل مفردة او فعل او صفة ، هل اتطورت ؟ هل دخلت في قواميس لغات تانية؟ هل هاجرت؟ كيف حصل ده ؟ ما تقعد تغالط في الفاضي ، ده ما الموضوع اساسا، الموضوع كلو انك مفترض تلتزم بالمعايير العلمية المتبعة وتبطل شغل النجر ده . اي حاجة يلزمها مصدر ، اي نجرة منك يلزمها تخريج علمي ما تقول لي بريمة اصلها ابراهيم وتمشي ساي كده ، ده شغل الSci-fi حا اجيك ليهو في مداخلة منفصلة. +++ ودي مشكلتك الاساسية اما قادر تفهما ، انو استخدام الاحصاء لتحديد اصل الاسم تسطيح وكسل ذهني ومعرفي مهول ، لابد من معرفة تاريخ الاسم ومعناه عبر العصور واي تحورات احدثت فيه اي تغيير في الصوت او المعنى او الرسم .
ممكن تعرف المفردة دي (أصل) حسب أدبياتك اللغوية للحوار هنا؟ يعني بتقصد بيها شنو علمياً؟ ولو كانت ترجمة لمصطلح فاكتبه بلغته الأصلية، الإنجليزية. لأنو شكلك متردد، عايز تمثل فيها دور الفاهم وفي نفس الوقت متحسب أخوض معاك في نقاش متخصص.
Quote: - الاسلام دخل السودان في القرن التامن الميلادي ومعاهو العربي بطبيعة الحال (مصدر) - يعلمني العربية ليه يا حاتم ، مش الطبيعي انو يعلمني لغتو هو ، ده شي مضحك جدا (مطلوب مصدر) - عمة موريتانية دي فيها كم متر (المصدر) - ختان الاناث البعض يقو ان اصله مصر الفرعونية وبعضهم يرجعه لمملكة مروي وا يوجد فرق بين الرأيين في نظري للتداخل الواسع تاريخيا بس دي جديدة اول مرة تغنيها . وعموما هو انتشر من وادي النيل وليس العكس. (مصدر)
طبعاً الطقم ناقص (قطعتين) المجالدة والشلوخ، لعلها اعترضت طريق الرغبة في (الصياغة)، أرجع كمل الهومويرك، وضع المصادر بين الأقواس، لاميهن لليوم الأسود ولا ما واثق منهن؟ مش دي مصادرك الأنت مؤسس عليها، فيهن (ترمة) ولا ياين برد؟
Quote: - الاسلام دخل السودان في القرن التامن الميلادي ومعاهو العربي بطبيعة الحال (مصدر)
وين باقي المعلومة؟ الإسلام واللغة العربية، جوا من وين يا (إدريس)؟ دا نفس السؤال الكان المدخل بتاعي هنا، لما واحد بروف قرر يكلفت جنس كلفتك دي، وقال (ساد الإسلام واللغة اللغة العربية بين سكان منطقة النيل الأوسط)! Re: انا والتـاريخ زمن كرونا - النوبــة مش مسالRe: انا والتـاريخ زمن كرونا - النوبــة مش مسال
فعليا أنت ما قدمت حجج في معظم ردودك (المفصولة زمنياً) ما شايف غير إنكار وضحك.
___ مافي أمر من الحقيقة المجردة إلا شرحها، مع التبسيط!
اول مرة اعرف ان أصول المفردات اسمو مورفولوجيا !! علمو واسع وجهل الخلق برضو واسع هههه.. يا حاتم (جالي) دا اسم منحوت في مسلة من العصر المروي.. لازال عندو مقابل منطوق وحي على الأرض في ذات المنطقة الجغرافية .. أها تعال بفونولوجيتك قارب لي بين جالي وجيلي وجلي وجعلي.. على الرغم من قناعتي إنك زي بتاع مدارس وسطى في علم الفونولوجيا ههه .. ياخي انت بشوية هديمات عايز تقول شعب وادي النيل مورتاني وليس العكس .. حبة هديمات عايز تمسح بيها تاريخ منقوش من قبل الميلاد!! على كدا ببناطلينا وبدلنا دي عالم المورفولوجيا دا ح يطلعنا اوربيين!! ههههه.
طاها إزيك! حمدلله على سلامة إفطارك بعد صيام طويل، شايف الضحك الطلبنا منك تفسرو يا دوب مرق! المرة دي إن شاء الله يكون ضحكك بسبب ما زي المرة الفاتت! توقعت أنك تكون (تجاوزت) المرحلة المتوسطة فيما يتعلق بفهمك للأمور اللغوية فيما يتعلق بالأسماء، ربما تكون (فهمت) مفردة "أواصل" على أنها "أصول"، مش كدة؟ دا متوقع منك.
فأرجع أفهم السطر وأعد سؤالك، ممكن تستعين بإدريس، يكون اتعلم شوية في الأسبوع الفات، مجاهدة. أو الأفضل تكب أنت فهمت شنو من سطري، لتوفير الوقت والمجهود بس، فأنا ما شايف أهمية لسؤالك، لكن مع ذلك حأحاول أفصل ليك، عشمي إنو تنسد الفرقة البتجيب الآفات.
وصدقت هن فعلاً (هديمات) فحتى كترتهن ما ظنيتها إلا سربلة للغشامة، فالقماش لا يستر جهل الخلق أبداً.
____ إلا ما ندر.
06-27-2020, 06:50 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
بس في نقاط هنا بحب اشير ليها على خلفية كلام حاتم ابراهيم دا ..
Quote: وهم فولان موريتانيا حيصلوا الحجاز عن أي الطرق السهلة بخلاف عبور شمال السودان؟
غرب افريقيا عموماً اتصلت بالاسلام واصبحت تحت سيطرة الثقافة العربية الاسلامية قبل السودان بمئات السنين .. الطريق الأسهل والمطروق تاريخياً لحجاج غرب افريقيـا كان عن طريق شمال افريقيا عبر المغرب العربي وليبيا ثم مصر ثم الحجاز .. أو عن طريق البحر الابيض الي الاسكندرية او الشام ثم الحجاز .... الإتصال بين غرب افريقيا والسودان وفتح طريق للحجيج عبر السودان تم في فترات لاحقة بعد قيام مملكة سنار.. ظل طريق الحج عبر مصر الطريق المفضل لأغلب الحجاج حتى السناريين أنفسهم .. الحجاج الكانوا بيجو من غرب افريقيا كانوا بيفضلوا يباروا النيل بعد نزولهم شندي الي مصر ثم يرافقوا قافلة حجيج مصر .. بعضهم عبر نهر اتبرة إلي سواكن ..وهم الأقل عدد في طريق بيمشي جمع منهم فيه وهو الأرخص تكلفة من سنار الي القلابات ثم الحبشة وعبر البحر الي اليمن .. بالتأكيد كان هناك طريق الحجيج عبر سواكن - ومنطقياص كنت مفتكروا الأكثر استخداماً لكن الحقيقة نسبة الحجاج بيهو كانوا اقل وما اتحسن الطريق البحري الا بعد الحكم التركي وفي طريق تالت كان عبر ارض التاكا او طوكر الا ارتريا ثم البحر .. ومن ثم كل الطرق تؤدي إلي مكة !
*في أقصى شمال السودان هناك قبائل ذات أصول عربية لسانها وطباعها نوبية خالصة ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
علاء سيداحمد
HAIDER ALZAIN
منتصر عبد الباسط
الفاتح شلبي
محجوب تاور
حاتم إبراهيم
محمد على طه الملك
Abdullah Idrees
Bashasha
محمد محمد قاضي
فيس بوك
تويتر
انستقرام
يوتيوب
بنتيريست