لا لا يا وليد ياخما نسيتهم طبعا لكين انا قصدت المجلات تحديدا ما الكتب أو الكتيبات
طبعا المغامرون الخمسة بقت فضيحة كبيرة بعد داك اكتشفو انه كل السلسلة مسروقة من كاتبة انجليزية بالنص والدقة مع تغيير الأسماء بس ومحمود سامى طلع حرامي كبير
Quote: طبعا المغامرون الخمسة بقت فضيحة كبيرة بعد داك اكتشفو انه كل السلسلة مسروقة من كاتبة انجليزية بالنص والدقة مع تغيير الأسماء بس ومحمود سامى طلع حرامي كبير
يا للفجيعة والله ويا خسارة حبنا يا نوسة البتشهد بيهو رواكيب كنور وانا لافي وراك المعادي عجلة عجلة ودراجة دراجة.. منك لله يا سامي يآخي قرطستنا ساي ..
سلامات اباذر.. فعلاً مجلة سمر كانت زي موية السكر للحمام ؛)
ابو ذر فعلا السودان زمان كان سمح بالجد.. بالله كنتو عندكم الثقافة دي كلها....عشان كده بنلقى فرق كبير جدا جدا بين جيلنا الحالي وجيل السبعينات الثمانينات ...في الثقافة والأدب والفكر والمعلومات العامة ...لأن الجيل الذي سبقنا كان يقرأ الكتب ...ومختلف أنواع الكتب والمجلات الثقافية والعلمية ...أما جيل اليوم ...فالهم كله في اقتناء أحدث أنواع الموبايلات ...ولعب الgames في الxbox ......
03-06-2020, 03:21 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
لا لا يا امتثال ياخ انا قدركم ومن جيلكم ده الحاجات دى حكوها لى بابا وماما
هههههههه
Just kidding
--------------------
لا والله سيريسلى فعلا نحن زمن زاهى جدا وخصيب وكل شى تقريبا كان متاح ومتوفر وسمح فى كل مجال
والله يا امتثال كمان كان فى مجلة اسمها مجلة الثقافة السودانية
دى عالم تانى كمان
يكفى انه رئيس تحريرها كان الدكتور محمد عبد الحي الله يرحمه وكانت ب تصدر من واحدة من اجمل الحاجات النادرة فى فترة مايو ونميرى وهى مصلحة الثقافة السودانية
ح نعمل ليها موضوع منفصل أن شاء الله
03-06-2020, 03:13 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
لقيت وشفت ناس والله عندهم أعداد مجلة العربي من العدد الأول لغاية ما بقت ما تجي وما بتصل السودان بانتظام
قاعدات في الحفظ والصون
كان في زمننا مبادلة المجلات والروايات والألغاز.. الواحد تلقى عندو كراس مخصوص ولستة. جمعت الفاتني من العربي واشتركت مافوتت عدد تقريباً من 84 لغاية ما ترك محمد الرميحي رئاسة التحرير وتاني الاهتمام قلّ فيها.. دار الهلال اظنها برضو كانت بتجيب سلسلة ارسين لوبين والفريد هتشكوك ..
في كان مجلة اسمها مريــود اظنها بعد الصبيان وقبل صباح .. كانت بيض ؛)
ـــــــــــــــــ وقت تفتح باب الروايات قول عووووك :)
03-06-2020, 02:56 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
سلام يا ابا ذر يا راجل يا ذواق ... ياخ المجلات في التمينات كان عالم عجيب ... ياخ المصريين ديل كانوا غزايننا غزو من جميع الجهات برا وبحرا وجوا فلهم الشكر ... ياخ حتى مجلات اخواتنا في البيت والخاصة بالخياطة والتطريز زي مجلة حواء ما كنا بنفوتها ... بالاضافة الى المجلة الجميلة والانيقة مجلة سيدتي يا سلام ياخ ... ربنا يرحم خالتنا سعاد فهي من كانت تزودنا بهذه المجلات وهي من عرفها عليها ... بالاضافة الى ان معظم هذه المجلات لم تكن ربحية ولما تقارن سعرها في بقية البلدان بسعر السودان بتلقاها شبه مجانية ... في بداية الالفينات لقيت مجلة العربي وسيدتي بتتباع في سوبر ماركاتات السعودية ولما لقيت سعرها 10 ريال قربت احردها هههه ... المهم في الاخير جاء الانترنت ومسخ علينا أي حاجة ... اها يا زمن ... الشكر الجزيل لك على اثارة شجوننا ...
واليك صورة غلاف لاحد أعداد مجلة سمر ...
. . .
03-06-2020, 09:12 PM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
Quote: افلام بالعشرات مأخوذة بالنص من أفلام عالمية نفس القصة والحوار وكل شى مع تغيير الأسماء بس
المبالغة الجد فيلم التوربيني بتاع أحمد رزق وشريف منير مسروق بالنص من الفيلم المدجج بالاوسكارات rain man طيب ياخي اسرق أفلام مجهولة مافي زول بفرزها لكن ما ممكن تسرق من توم كروز ودستن هوفمان ياخي
03-07-2020, 01:44 AM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
Quote: اكتشفو انه كل السلسلة مسروقة من كاتبة انجليزية
سلامات اخ ابو ذر الكلام ده اتذكر في البورد هنا قبل فترة ، واحد من الأعضاء في إطار حملة على المصريين 😊 ، ذكر المعلومة دي ، و جا الرد من اخينا يحيى قباني انو النسخة الانجليزية من السلسلة دي صدرت منها ٥ اعداد على ما أذكر ، و لكن المرحوم محمود سالم أصدر اكتر من ١٠٠ مغامرة من سلسلة المغامرون الخمسة .
03-07-2020, 01:45 AM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
Quote: اكتشفو انه كل السلسلة مسروقة من كاتبة انجليزية
سلامات اخ ابو ذر الكلام ده اتذكر في البورد هنا قبل فترة ، واحد من الأعضاء في إطار حملة على المصريين 😊 ، ذكر المعلومة دي ، و جا الرد من اخينا يحيى قباني انو النسخة الانجليزية من السلسلة دي صدرت منها ٥ اعداد على ما أذكر ، و لكن المرحوم محمود سالم أصدر اكتر من ١٠٠ مغامرة من سلسلة المغامرون الخمسة .
03-07-2020, 01:49 AM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
نجوم مجلة سمر كانوا في جيلنا أشهر من نار على علم .. فرانكو كاسباري فرانكو داني كاتيوشا ميشيللا روك جان ماري كارليتو حزنت لما علمت بوفاة فرانكو كاسباري في حادث سيارة اوائل الالفية علي ما اعتقد. شكرا ابو ذر لانعاش الذكريات.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة