Post: #1
Title: مجلة سمر
Author: أبوذر بابكر
Date: 03-05-2020, 09:51 AM
08:51 AM March, 05 2020 سودانيز اون لاين
أبوذر بابكر-
مكتبتى
رابط مختصر
ظهرت فجأة
في السبعينيات تقريبا ولو ما الذاكرة تكضب
عبارة عن فلم أو قصة أو مسلسل مصور ومكتوب
واخدت شهرة ما عادية
خصوصا وسط الشباب
وبالأخص البنات
وبقى فيها نجوم ونجمات مشاهير زى فنانين السينما
معظم القصص أو الأفلام كانت إيطالية والنجوم إيطاليين كمان
المجلة كانت بتجي من بيروت
وقبلها طبعا كانت مشاهير المجلات اللبنانية
الشبكة
الموعد
كمجلات فنية واجتماعية
و
مجلة الصياد كأشهر مجلة سياسية
كانت بتجي بانتظام شديد ودقيق ايام البلد كانت بلد
بتصل بخطوط طائرة الميدل ايست يوم الأحد
ومعاها بتجي مجلات
سوبرمان والرجل الوطواط وطرزان
أما من مصر
وديل كانو بصلو يوم الجمعة ب مصر للطيران
مجلة صباح الخير
روز اليوسف
الكواكب
آخر ساعة
دى المجلات الفنية
ومجلات الأطفال الشهيرة
ميكي
سمير
ما كان في السودان في مجلة للأطفال غير مجلة الصبيان
وأشهر مجلة فنية واجتماعية
كانت المجلة العظيمة جدا
الإذاعة والتلفزيون
وتانى بقى اسمها
الإذاعة والتلفزيون والمسرح
ودى اعتقد انها بدت مع بداية إذاعة امدرما وكان اسمها الأول
هنا امدرمان
جريا على تسمية مجلة ال بي بي سي، هنا لندن
وبعد مايو ظهرت مجلة الشباب والرياضة
و مجلة آخر ساعة
|
Post: #2
Title: Re: مجلة سمر
Author: أبوذر بابكر
Date: 03-05-2020, 09:57 AM
Parent: #1
من أقيم الدوريات الكانت مفيدة فعلا
مجلة العربي الكويتية
وأسسها الدكتور المصري أحمد زكي
لقيت وشفت ناس والله عندهم أعداد مجلة العربي من العدد الأول لغاية ما بقت ما تجي وما بتصل السودان بانتظام
وفي منتصف السبعينات برضو
جاتنا مجلة الدوحة القطرية
واحدة من أجمل المجلات
وأسسها تقريبا ورأس تحريرها الدكتور محمد ابراهيم الشوش
وكان بكتب فيها فطاحلة الكتاب والأدباء والمفكرين من كل الدول العربية
وبرضو ظهرت مجلة "المجلة" اللبنانية
وكانت سفر ممتاز جدا وشيق وممتع
وبرضو تاني كمان جات واحدة من الأعمال السمحة
مجلة اليوم السابع
ما متاكد أو ما متذكر من وين كانت بتصدر، لكن أعتقد من باريس
رئيس تحريرها كان الفلسطيني بلال الحسن
وعرفنا فيها نخبة من اميز الكتاب والمفكرين
محمد عابد الجابري
برهان غليون
ابراهيم العريس
الصادق النيهوم
هشام جعيط
الخ الخ
مع ملاحظة انه معظم أو كل الكتاب فيها كانو من اصحاب الثقافة الفرانكوفونية
_يتبع_
|
Post: #3
Title: Re: مجلة سمر
Author: أحمد محمد عمر
Date: 03-05-2020, 09:59 AM
Parent: #1
بداية التسعينات على ما اعتقد ظهرت أفضل مجلة أطفال (صباح) تلتها (عمار) ثم (شليل) ودي ما استمرت كتير
__________
مجلة سمر دي كانوا بلبدوها تحت السراير ووراء الدواليب زي البنقو 
|
Post: #5
Title: Re: مجلة سمر
Author: أبوذر بابكر
Date: 03-05-2020, 10:04 AM
Parent: #3
برضو يا محمد في مطلع التمانينات
ومع قيام مجلس التعاون الخليجي
ظهرت مجلة ماجد
وكانت فخمة جدا طبعا بحكم توفر الإمكانيات ليها
ومعاها برضو مجلة سيدتي
دى اظن كانت تابعة لمجموعة الشرق الأوسط
فعلا كلامك صحيح عن مجلة سمر
كانت متحررة جدا جدا
زى كأنك بتشاهد في فلم هوليودى
قبل مقص الرقيب
هههههههههههههههه
|
Post: #4
Title: Re: مجلة سمر
Author: أبوذر بابكر
Date: 03-05-2020, 10:01 AM
Parent: #1
علي ذكر وسيرة الأيام السمحة
والدوريات المفيدة والمثمرة وغنية الكانت بتجي البلد
المجلة الطبية الدورية
طبيبك
كانت واحدة من أميز الإصدارات
بصدرها الدكتور صبري القباني من لبنان برضو
كانت من اكتر الأشياء الساهمت في نشر ثقافة طبية حقيقية ومفيدة لأقصى حد والله
وياما الناس عرفت منها واتنورت ووعت بأمور كتيرة جدا
واستفدو منها كل الفائدة
|
Post: #6
Title: Re: مجلة سمر
Author: walid taha
Date: 03-05-2020, 01:40 PM
Parent: #1
أبوذر ياخ نسيت الشواطين الطلطاشر و المغامرون الــ 5 !
الخرطوم تقرأ !
|
Post: #7
Title: Re: مجلة سمر
Author: أبوذر بابكر
Date: 03-05-2020, 02:15 PM
Parent: #6
لا لا يا وليد ياخما نسيتهم طبعا
لكين انا قصدت المجلات تحديدا ما الكتب أو الكتيبات
طبعا المغامرون الخمسة
بقت فضيحة كبيرة بعد داك
اكتشفو انه كل السلسلة مسروقة من كاتبة انجليزية
بالنص والدقة مع تغيير الأسماء بس
ومحمود سامى طلع حرامي كبير
|
Post: #8
Title: Re: مجلة سمر
Author: HAIDER ALZAIN
Date: 03-05-2020, 03:06 PM
Parent: #7
Quote: طبعا المغامرون الخمسة
بقت فضيحة كبيرة بعد داك
اكتشفو انه كل السلسلة مسروقة من كاتبة انجليزية
بالنص والدقة مع تغيير الأسماء بس
ومحمود سامى طلع حرامي كبير |
يا للفجيعة والله ويا خسارة حبنا يا نوسة البتشهد بيهو رواكيب كنور وانا لافي وراك المعادي عجلة عجلة ودراجة دراجة..
منك لله يا سامي يآخي قرطستنا ساي ..
سلامات اباذر..
فعلاً مجلة سمر كانت زي موية السكر للحمام ؛)
|
Post: #9
Title: Re: مجلة سمر
Author: امتثال عبدالله
Date: 03-05-2020, 05:47 PM
Parent: #8
ابو ذر
فعلا السودان زمان كان سمح بالجد..
بالله كنتو عندكم الثقافة دي كلها....عشان كده بنلقى فرق كبير جدا جدا
بين جيلنا الحالي وجيل السبعينات الثمانينات ...في الثقافة والأدب والفكر
والمعلومات العامة ...لأن الجيل الذي سبقنا كان يقرأ الكتب ...ومختلف أنواع الكتب والمجلات
الثقافية والعلمية ...أما جيل اليوم ...فالهم كله في اقتناء أحدث أنواع الموبايلات ...ولعب
الgames في الxbox ......
|
Post: #11
Title: Re: مجلة سمر
Author: أبوذر بابكر
Date: 03-06-2020, 03:21 AM
Parent: #9
لا لا يا امتثال ياخ
انا قدركم ومن جيلكم ده
الحاجات دى حكوها لى بابا وماما
هههههههه
Just kidding
--------------------
لا والله سيريسلى
فعلا نحن زمن زاهى جدا وخصيب
وكل شى تقريبا كان متاح ومتوفر وسمح فى كل مجال
والله يا امتثال كمان كان فى مجلة اسمها
مجلة الثقافة السودانية
دى عالم تانى كمان
يكفى انه رئيس تحريرها كان الدكتور محمد عبد الحي الله يرحمه
وكانت ب تصدر من واحدة من اجمل الحاجات النادرة فى فترة مايو ونميرى
وهى مصلحة الثقافة السودانية
ح نعمل ليها موضوع منفصل أن شاء الله
|
Post: #10
Title: Re: مجلة سمر
Author: أبوذر بابكر
Date: 03-06-2020, 03:13 AM
Parent: #8
نوسه ولوزه
والله يا حيدر فعلا عشنا معاهم زى كأنهم أصحابنا
حتى عمك الشاويش على
المؤلف أو بالأحرى الحرامى ده كان ممكن جدا ياخد حقوق الطبع والترجمة ويحفظ حق المؤلف الحقيقي
لكن حتى الشى اتكرر فى السينما كمان
افلام بالعشرات مأخوذة بالنص من أفلام عالمية
نفس القصة والحوار وكل شى مع تغيير الأسماء بس
احسن مثال فلم عادل إمام الاسمه شمس الزناتى
المصيبة انه مسروق من أشهر فلم عالمى وهو العظماء السبعة
The magneficent seven
|
Post: #12
Title: Re: مجلة سمر
Author: HAIDER ALZAIN
Date: 03-06-2020, 04:08 AM
Parent: #10
Quote: مجلة العربي الكويتية
وأسسها الدكتور المصري أحمد زكي
لقيت وشفت ناس والله عندهم أعداد مجلة العربي من العدد الأول لغاية ما بقت ما تجي وما بتصل السودان بانتظام
|
قاعدات في الحفظ والصون
كان في زمننا مبادلة المجلات والروايات والألغاز.. الواحد تلقى عندو كراس مخصوص ولستة.
جمعت الفاتني من العربي واشتركت مافوتت عدد تقريباً من 84 لغاية ما ترك محمد الرميحي رئاسة التحرير
وتاني الاهتمام قلّ فيها..
دار الهلال اظنها برضو كانت بتجيب سلسلة ارسين لوبين والفريد هتشكوك ..
في كان مجلة اسمها مريــود اظنها بعد الصبيان وقبل صباح .. كانت بيض ؛)
ـــــــــــــــــ
وقت تفتح باب الروايات قول عووووك :)
|
Post: #13
Title: Re: مجلة سمر
Author: أبوذر بابكر
Date: 03-06-2020, 02:56 PM
Parent: #12
ازيك يا حيدر
مجلة العربي كانت بديعة والله وغنية لأقصى حد
مواضيع متنوعة وشيقة ومفيدة ومثمرة من كل نوع
مرتين لقيت كل إعداد العربي من الأعداد الأولى لغاية فترة متأخرة
مرة فى بيت أستاذ مدرس فى مدنى اسمه عبد الغفار
كان أستاذ فى مدرسة اسمها مدرسة يونس للبنات
والمرة الثانية فى بيت خال واحد من الاصدقاء اسمه عاطف من الكاملين
ما أظن اكتب شى عن الروايات
لأنه انا عندى رأى فى الرواية
|
Post: #14
Title: Re: مجلة سمر
Author: muntasir
Date: 03-06-2020, 03:17 PM
Parent: #13
عم عووضة في الدهب لكن قال ليكم في زماناتو قبل الشنب كان يقارن بي فرانكو كاسباري وفرانكو داني
|
Post: #15
Title: Re: مجلة سمر
Author: أبوذر بابكر
Date: 03-06-2020, 05:45 PM
Parent: #14
ذاكرتك قويه يا منتصر
ذكرتني الأسماء دى فعلا والله
حتى أشكالهم اتذكرتها
كان معاهم واحدة إسمها باولا
نسيت إسمها بالكامل
انا الأيام دى برضو فى الدهب
هههههههه
|
Post: #16
Title: Re: مجلة سمر
Author: قسم الفضيل مضوي محمد
Date: 03-06-2020, 09:04 PM
Parent: #15
سلام يا ابا ذر يا راجل يا ذواق ...
ياخ المجلات في التمينات كان عالم عجيب ...
ياخ المصريين ديل كانوا غزايننا غزو من جميع الجهات برا وبحرا وجوا فلهم الشكر ...
ياخ حتى مجلات اخواتنا في البيت والخاصة بالخياطة والتطريز زي مجلة حواء ما كنا بنفوتها ...
بالاضافة الى المجلة الجميلة والانيقة مجلة سيدتي يا سلام ياخ ... ربنا يرحم خالتنا سعاد فهي من كانت تزودنا بهذه المجلات وهي من عرفها عليها ...
بالاضافة الى ان معظم هذه المجلات لم تكن ربحية ولما تقارن سعرها في بقية البلدان بسعر السودان بتلقاها شبه مجانية ...
في بداية الالفينات لقيت مجلة العربي وسيدتي بتتباع في سوبر ماركاتات السعودية ولما لقيت سعرها 10 ريال قربت احردها هههه ...
المهم في الاخير جاء الانترنت ومسخ علينا أي حاجة ...
اها يا زمن ...
الشكر الجزيل لك على اثارة شجوننا ...
واليك صورة غلاف لاحد أعداد مجلة سمر ...
.
.
.
|
Post: #17
Title: Re: مجلة سمر
Author: قسم الفضيل مضوي محمد
Date: 03-06-2020, 09:12 PM
Parent: #16
.
نموذج لتقريب فكرة المجلة بالداخل ...
كان كل عدد عبارة عن قصة مصورة صامتة وهي مجلة اسبوعية ...
.
.
كما يلي ...
.
.
.
|
Post: #18
Title: Re: مجلة سمر
Author: أحمد محمد عمر
Date: 03-06-2020, 10:04 PM
Parent: #17
Quote: افلام بالعشرات مأخوذة بالنص من أفلام عالمية
نفس القصة والحوار وكل شى مع تغيير الأسماء بس |
المبالغة الجد فيلم التوربيني بتاع أحمد رزق وشريف منير
مسروق بالنص من الفيلم المدجج بالاوسكارات rain man طيب ياخي اسرق أفلام مجهولة مافي زول بفرزها لكن ما ممكن تسرق من توم كروز ودستن هوفمان ياخي
|
Post: #19
Title: Re: مجلة سمر
Author: محمد محمود محمد
Date: 03-07-2020, 01:44 AM
Parent: #18
مكرر
|
Post: #20
Title: Re: مجلة سمر
Author: محمد محمود محمد
Date: 03-07-2020, 01:45 AM
Parent: #18
| Quote: اكتشفو انه كل السلسلة مسروقة من كاتبة انجليزية |
سلامات اخ ابو ذر
الكلام ده اتذكر في البورد هنا قبل فترة ، واحد من الأعضاء في إطار حملة على المصريين 😊 ، ذكر المعلومة دي ، و جا الرد من اخينا يحيى قباني انو النسخة الانجليزية من السلسلة دي صدرت منها ٥ اعداد على ما أذكر ، و لكن المرحوم محمود سالم أصدر اكتر من ١٠٠ مغامرة من سلسلة المغامرون الخمسة .
|
Post: #21
Title: Re: مجلة سمر
Author: محمد محمود محمد
Date: 03-07-2020, 01:45 AM
Parent: #18
| Quote: اكتشفو انه كل السلسلة مسروقة من كاتبة انجليزية |
سلامات اخ ابو ذر
الكلام ده اتذكر في البورد هنا قبل فترة ، واحد من الأعضاء في إطار حملة على المصريين 😊 ، ذكر المعلومة دي ، و جا الرد من اخينا يحيى قباني انو النسخة الانجليزية من السلسلة دي صدرت منها ٥ اعداد على ما أذكر ، و لكن المرحوم محمود سالم أصدر اكتر من ١٠٠ مغامرة من سلسلة المغامرون الخمسة .
|
Post: #22
Title: Re: مجلة سمر
Author: محمد محمود محمد
Date: 03-07-2020, 01:49 AM
Parent: #21
نجوم مجلة سمر كانوا في جيلنا أشهر من نار على علم ..
فرانكو كاسباري
فرانكو داني
كاتيوشا
ميشيللا روك
جان ماري كارليتو
حزنت لما علمت بوفاة فرانكو كاسباري في حادث سيارة اوائل الالفية علي ما اعتقد.
شكرا ابو ذر لانعاش الذكريات.
|
Post: #23
Title: Re: مجلة سمر
Author: أحمد محمد عمر
Date: 03-07-2020, 02:40 AM
Parent: #22
الموجودات في النت من السلسلة الانجليزية 15 لغز en.wikipedia.org/wiki/Five_Find-Outers
أنا المزعلني مافي أي ذكر للاقتباس في اللغز نفسه
|
Post: #29
Title: Re: مجلة سمر
Author: أبوذر بابكر
Date: 03-07-2020, 06:52 AM
Parent: #23
الإقتباس أو حتي التغيير من لغة للغة شى متاح وممكن وقانوني كمان
بضوابط طبعا قانونية واخلاقية معروفة
ما عارف ليه الناس ديل ما كلفو نفسهم يعملو الشى ده
مع انه ما بنقص من حقهم وبرضو نوع من الفن كمان
|
Post: #28
Title: Re: مجلة سمر
Author: أبوذر بابكر
Date: 03-07-2020, 06:49 AM
Parent: #22
تحياتي يا محمد محمود
وشكرا لإثراء الموضوع
اتذكرت والله شكل ميشيللا روك
كانت اشكالهم حلوة جدا
ما عارف الممثلين أو النجوم ديل اقتصروا بس علي نوع الفن ده
ما عندي فكرة هل هم اصلا ممثلين فى وسائل اعلام وعرض تانية ولا ده هو مجالهم الوحيد ؟
|
Post: #27
Title: Re: مجلة سمر
Author: أبوذر بابكر
Date: 03-07-2020, 06:45 AM
Parent: #21
ما شفت الموضوع هنا في المنبر
لكن اتذكر كان منشور في واحدة من الصحف البريطانية وعملو تقرير عنه فى واحدة من القنوات
اعتقد لو ما اخاف النسيان انها قناة الجزيرة في واحد من البرامج
حتى لو كان محمود سالم وقف على اصدار واحد بس برضو ما ليه حق
لأنه لو فرضنا صحة الكلام ده
فهو ليه واصل بنفس الطريقة ونفس الأسماء
كان ممكن يشير للشي ده ويقول انه حيواصل فيها بحاجات من عنده
ده لو اصلا هو اشار للشي الأصلي من البداية
|
Post: #26
Title: Re: مجلة سمر
Author: أبوذر بابكر
Date: 03-07-2020, 06:41 AM
Parent: #18
فعلا كلامك صحيح
ما كان بكون في أي اشكال لو حفظو الحقوق
واشارو مجرد اشارة انه الفلم ده ماخود من الفلم الأصلي
او مقتبس او معرب وهكذا
كده الوضع بكون مستحق الإحترام والاعجاب
افلام كتيرة جدا
اتذكر برضو كان قبل فترة في قضية بخصوص مقطوعة أو لحن ل محمد عبد الوهاب
طلع انه ماخوذ بحذافيره وبنفس النوتة الموسيقية من مقطوعة ل موزارت أو هايدن ما متذكر بالضبط
لكين كان موضوع كبير جدا ما عارف وصلو فيه لشنو
|
Post: #25
Title: Re: مجلة سمر
Author: أبوذر بابكر
Date: 03-07-2020, 06:37 AM
Parent: #17
فعلا كانت بنفس الطريقة دى
وبصور ملونة وزاهية جدا كمان
نفس فكرة وطريقة مجلات الأطفال المصورة
ميكي وسمير وسوبرمان الخ
|
Post: #24
Title: Re: مجلة سمر
Author: أبوذر بابكر
Date: 03-07-2020, 06:36 AM
Parent: #16
ازيك يا قسم الفضيل
كل شي كان كويس في السودان لغاية نهاية التمانينات
بعدها بدأ التدهور والإنحطاط والدتريوريشن الفظيع
تعرف كنا بنمش المكتبة الأمريكية وندخل ونقعد ونختار أى كتاب
ونقرأ ب راحتنا
لا اشتراك ولا قيود ولا سؤال ولا في زول بزعجك ولا بقول ليك عايز شنو
المكتبة الأمريكية كانت فى شارع القصر قصاد مستشفي دار الشفاء مباشرة
جنوب فندق مريديان وشمال كلية الصيدلة
شكرا ياخ للغلاف السمري الحلو
|
|