♧ علمتنا صروف القدر و نوائب الدهر £

مرحبا Guest
اخر زيارك لك: 10-23-2020, 06:33 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-16-2020, 04:29 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً � (Re: دفع الله ود الأصيل)


    《Medecin Contre lui》
    مأساةُ 《طبيبٍ رغمتْ أنفُه》
    ● دا عنوان كوميدرا أرضية
    سوداء ساخرة لموليير. ما علينا.
    ● عمومن،انا دكتور و شغال ترحال .
    و طبعاً ما براي ؛ كل الدفعه الأطباء طارحين
    ترحال عادي مع الظروف الاقتصادية الوهم دي 😔

    ●فمن المواقف الطريفة المرت بي وما حنساها أبداً :
    كنت يوم طالع عندي عيادة محولة في المستشفى::
    و يوم العيادة بطلع بدري عاده :::فتحت التطبيق بتاع
    ترحال و قلت ألقى لي طرحة في الشارع اطلع حق البنزين.

    ● فأول ما طلعت جاني مشوار وماشي مستشفاي زاتا 😂
    قلت الحمد لله شكلو اليوم دا ماشي كويس :::
    ● قبلت المشوار ركب معاي حاج كبير ومعاهو
    ولدو ،، الحاج ركب معاي قدام عشان حركتو تقيله ،،
    ● المهم عمك ظريف طقبنا حنك آخر ونسات لحدي ما
    وصلنا المستشفى ،، نزلتهم ومشيت العنبر وبعداك جيت
    المحوله . بديت أشوف في العيانين قام جاني عمنا دا
    زاتو 😳قعد في الكرسي وبعاين لي شديييد أنا قلت
    عمك دا شمشار لاوزت منوإن شاء الله ما ينقشني😢
    قلت ليه: كيف إتفضل يا حاج اها بتشكي من شنو ؟
    قال لي تحين إنت ماك التكسنجي الجبتنا ؟ إت ناك
    نصبك آجنا؛ الجابك مثنقر بيك هنا شنو. هي فوضى؟
    السسترة طبعن ما ناقشة الفلم قالت ليو ياحاج دا
    دكتورنا قال ليها دكتورك إنتي؛ دا شنو يا غبيانة
    إنتي كمان ‘‘ واتلفت لي ولدو قال ليهو ده موش
    الزول الجابنا زاتو ما تفتح خشمك دا مبرعم مالك؟
    والولد عرف إني شغال ترحال وميت من الضحك 😂
    المهم الراجل حلف قال لو يخلي العملية يموت ،
    60 يمين أنا ما أهبشو و لا اكشف عليهو 😢
    المهم حولتو لدكتور تاني

    # قلنا نتصبر لا لا ما بنقد
    و قاسية يا دنيا 🤦‍♂️

    اسعد الله اوقاتكم
                  

09-19-2020, 05:15 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً لا تُنسى� (Re: دفع الله ود الأصيل)

    ♧و رجعتا حابس أدمعي..في الليلة ديك £

    《 دا كان حال النيل في ليلة رجع حابس سيل دموعو..
    و خجلان من عراقي عمي بشارة غفير مدرسة البنات!!》

    ●》شدينا مكرفونا في البكسي و لفينا شارع شارع.. زقاق زقاق
    و نفاج نفاج لفزعة (النفير ). كلامنا كان واضح جداً النيل محاصرنا
    شديد و لازم الناس تتلمة في مدرسة البنات ، لمواجهة الفيضانات.

    ●》جات أعداد غفيرة من البشر أكتر من تصورنا حسب الموعد المضروب.
    و بشارة غفير المدرسة عمل الواجب و رص الكراسي دي رص..بدينا نتناقش
    و نتفاكر ؛و اتفقنا علي تعلية الترس و التبرعات كانت أضخم من حجم الكارثة و كل
    شوية يجينا فوج مفعم للطيش بالجسارة و مدفوع بالإرادة و الحماس للتضحية.

    ●》أكتر زول كان منفعل و متفاعل كان عمنا بشارة الغفير..موية التلج الكان جهزناها
    كملت لم تكن كافية لأرواء عطش كل هذا الحشد من الأسود الضارية الذي تداعى إلى
    الموقع بما يفوق بكتير النفرة الكنا متوقعنها.عم بشارة نقل موية الزير الفي بيتو جك ورا
    جك.كان أسرع من لتكتك؛ و هو يهرول ساعياً بين أوضتو و مكانا كما بين الصفا و المروة
    و كان عمنا بقدم مويتو مشفوعةً باعتذارواتو.قال: معليش ياخوانا لأنها ماباردة شديد!!

    ●》قبل الموية عم بشارة حك آخر جيبو الصغير و جاب كيس بلح بركاوي لضيوفنا
    بي مية جنيه و كيس فول حاجات مدمس بمية و خمسين.. دي كانت قروش معايشوو
    لكن حب المشاركة عندو كان منسوبو عالي ذي النيل .. كان ممكن يكفينا صدرو المفتوح
    ضلفتين لكنو شاف الناس بتتبرع بالملايين و أدوار الرملة والشوالات و هو لازم يشارك.

    ●》انفض سامر( الاعتصام) و انتهى الاجتماع و مرقنا زرافاتٍ و وحدانا راضية ننخرط
    في الشغل ولكن دور عمنا بشارة ما انتهى لسة..النيل ولا عبرنا..واصل تحديه..و بشارة ما انتهى.
    ..ترسنا البحر خيرسانة و نفيرنا زايد و هممنا فووق و لكن النيل ماشي زايد ..أبدن مو متقاعس.

    ●》لامن تعبنا و قربنا نكسل بقينا نراقب في الترس و أملنا بدأ يتبدد في النجاة أو يكاد..و شوالاتنا
    الكتيرة ديك نفدت او قربت تنقرض. بس أشوف ليك عم بشارة قاعد في الواطة ماسك شوال و بتلاوى
    مع ولدنا خالد ساتي و يقول ليه: يازول املا لينا الشوال دا ..و خالد بقول ليه: حلفت مابملاه شيل شوالك
    دا ط و ابعد من هنا ..وب شارة يحلف إلا يملو ليهو الشوال..فمشيت عليهم أحل الشبكة دي .. و نهرت خالد :
    ياخاونا باركوها دا ما وكت خلاف و مشاددة: يازول ماتملا بالكوريك شوال الزول إنت بليد و لا شنو ..خالد
    عاين لي و عيونا غرقانة بالدموع و جدع الكوريك وقال لي تعال أنت شوف شوال بشارة و املاهو ليهو.


    ●》 للدهشة .. لقيت عم بشارة أتاريه مالص عراقيهو عاملو شوال يترس بيهو البحر الهايج دا.ابتسمت
    لخالد و قلت ليهو جيب ناولني الكوريك دا و قسمن عظمن البحر دا لو ماخجل من عراقي عم بشارة دا تاني
    اصلو ما بخجل و لا بيستحي و لا بيعرف يكرم عشان عين محمرة زايدة مية عين و ..مليت العراقي رملة و رفعتو لعمنا بشارة في كتافينو قام جاري بيهو.. و ناديت الناس قلت ليهم: تعالو وراي مشينا ورا عمنا بشارة معتل العراقي(الشوال) و خالد قاطرو وراهو و ناس الحلة جت ماشين ورانا مستغربين لحدي ماوصلنا اخطر
    حتة في الترس و ختينا العراقي الملان تراب و رجعنا حارسين ترسنا لحدي ما البحر انقرع راجع و نجحنا.

    ♤ خالد قال لعم بشارة ما مفروض تكون غفير مدرسة مفروض تكون أنت المدير لأنو الدرس اللقنننا
    ياهو دا مافي معلم فهمنا ياهو و نحن تلاميذ ..حاجة نعمات قالت ياداب حسيت إنو مدرسة بنياتنا دي
    حارسا غفير و أثوابه أسد هصور..أنا قلت ليهم: دا كان دافر بحرز دميرة عديل لكن رجع خجلان من عم
    بشارة دا اللي كان الوكت داك ماشغال بفارغتنا ديك كلها.. كان ماسك طوريتو يفتح لشدر المدرسة.
    💚💚
    شوال عراقي عم بشاره/ ودرملي
                  

09-22-2020, 02:48 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً � (Re: دفع الله ود الأصيل)


    ♧ البروف حساس/ محمد عبدالله الريح دوَّ هذا ااموقف علر الفيس :
    هذا سلوك زول سودانى ﻻ يملك من الدنيا إلا القليل مما فد يسد الرمق :
    إﺗﺼﻞ بي ﺭﻗﻢ ﻏﺮﻳﺐ ﺭﺩﻳﺖ ﻋﻠﻴﻪ ﻗﺎﻝ ﻟﻲ : ﻣﻌﻠﻴﺶ يا أﺧﻮﻱ ﺭﺳﻠﺖ ﻟﻴﻚ ﺭﺻﻴﺪ
    ﻣﻠﻴﻮﻥ ﺑﺎﻟﻐﻠﻂ ﻗﻠﺖ ﻟﻴﻪ: ﺩﻗﻴﻘﻪ ﺃﺷﻮﻑ ﺍﻟﺘﻠﻔﻮﻥ ﻭ ﻗﻔﻠﺖ وﺇﺳﺘﻌﻠﻤﺖ عن ﺍﻟﺮﺻﻴﺪ.
    و ﻓﻌﻼً ﻃﻠﻊ طاييني ﺭﺻﻴﺪ ﻣﻠﻴﻮﻥ . ﺣﺒﻴﺖ ﺃﺧﺘﺒﺮ ﺭﺩﺓ فعلو ؛ فاﺗﺼﻠﺖ ﻋﻠﻴﻪ ﻗﻠﺖ
    ﻟﻴﻪ ﺍﻟﺮﺻﻴﺪ ﻭﺻﻞ ﻟﻜﻦ ﺃﻧﺎ ماحأرسله ليك ﻷﻧﻲ ﻣﺤﺘﺎﺝ ﻟﻴﻪ ﺃﻛﺘﺮ ﻣﻨﮓ لأنه ﺃﻣﻲ
    ﻋﻴﺎﻧﻪ ﻫﻬﻬﻬﻬﻬﻬﻬﻬﻬﻪ ﻭ ﻓﺘﺤﺖ ﺍلسبيكر لأنو ﺍﻟﻨﺎﺱ ﺍﻟﻤﻌﺎﻱ ﻣﺘﺸﻮﻗﻴﻦ ﻟلنهاية.

    ● ﻭ ﺍلله يا ﺃﺧﻮﺍﻧﺎ ﺍﻟﺰﻭﻝ ﺩﻩ ﺭﺩ ﻟﻲ ﺭﺩ أﺻﻼً ما إﺗﻮقعتو ﻭ ﻻ ﺗﻮﻗﻌﻮ زول ﻤﻌﺎﻱ
    ﻭ ﻳﻘﺸﻌﺮ ﻟﻴﻪ ﺍﻟﺒﺪﻥ. ﻗﺎﻝ ﻟﻲ : يا ﺯﻭﻝ ﺣﺮّﻡ ﺗﻌﺎﻟﺠﻬﺎ ﺑﻴﻪ ﻭأﻧﺎ ﺗﺎﻧﻲ ﺑﺘﺼﺮﻑ ﻭ ﺭﺑﻨﺎ
    ﻳﻜﺘﺐ ﻟﻴﻬﺎ ﺍﻟﺸﻔﺎﺀ . ﻭﺍلله ﺣﺴﻴﺖ ﺑﺈﺣﺴﺎﺱ ﺃﺟﻤﻞ ﻣﺎ ﻳﻜﻮﻥ ﻭﻗﻠﺖ ﻟﻴﻪ ﻭﺍلله أﻧﺎ
    ﺑﻬﻈﺮ ﻣﻌﺎﻙ ﺳﺎﻱ ﻭوﺩﺍﻳﺮ أﺷﻮﻑ ﺭﺩﺓ ﻓﻌﻠﻚ بس. ﻭ ﺍلله ﺍﻟﻮﺍﻟﺪة ﺑﻌﺎﻓﻴة ﺗﺎﺍﺍﻣة
    ﻭﻣﺎ ﻋﻨﺪﻫﺎ أي ﻋﻮجة .
    ● ﺍﻟﺰﻭﻝ ﻟﺴﻪ ﺑﻘﻮﻝ ﻟﻲ : ﺳﺄﻟﺘﻚ ﺑﺎلله ﻟﻮ ﻣﺤﺘﺎﺟﻬﺎ ﻟﻌﻼﺝ ﺍﻣﻚﺧﻠﻴﻬﺎ ﻭ ﻳﺤﻠﻒ
    ﻃﻼﻕ ﻭﻳﺼﺮ ﻋﻠﻲ ﻭﻳﺤﻠﻔﻨﻲ ﻗﻮﻝ ﻭﺍلله ﺍﻣﻚ ﺑﺨﻴﺮ . ﺣﻠﻔﺖ ﻟﻴﻪ ﺍﻧﻬﺎ ﺑﺨﻴﺮ ﻭﻋﺎﻓﻴﻪ.
    ﺑﻌﺪ ما ﺣﻮﻟﺖ ﻟﻴﻪ ﺍﻟﺮﺻﻴﺪ ﻭ أﺧﺪﺕ ﻭأﺩﻳﺖ ﻣﻌﺎﻩ ﻓﻲ ﺍﻟﻜﻼﻡ إﺗﺨﻴﻠﻮا ﻃﻠﻊ ﺍﻟﺮﺻﻴﺪ
    ﻣﺎﺷﻲ ﻟﻣﻨﻮ ؟ ﻫﻮ ﺷﻐﺎﻝ ﻓﻲ ﻣﻬﻨﻪ عادية ﻓﻲ ﻛﺮﺩﻓﺎﻥ ﻭﺍﻟﻘﺮﻭﺵ ﻣﺎﺷﻪ ﻣﺼﺎﺭﻳﻒ
    ﻋﻼﺝ ﻟﻮﻟﺪه ﺑﺪﺭﺱ في ﺍﻟﺠﺎﻣﻌﻪ في ﺍﻟﺨﺮﻃﻮﻡ ﻭﻣﺮﻳﺾ في ﻧﻔﺲ ﺍﻟﻮﻗﺖ .

    ● ﻭﺍلله ما ﺍﺗﻤﺎﻟﻜﺖ ﺩﻣﻮﻋﻲ ﻭ ﺑﻌﺪ ما ﺗﻌﺮﻑ ﻋﻠﻲﻗﺎﻝ ﻟﻲ ﻋﻨﺪﻱ ﺑﻬﺎﺋﻢ
    في ﺍﻟﺒﻴﺖ ﻭ أﻧﺎ ﺣﺎﻟﻒ ﻃﻼﻕ ﻟﻴﻚ ﻣﻨﻬﻢ 3 ﺭﺃﺱ ﺿﺎﻥ ﻓﻲ ﺍلله ﻟﻮ ﻋﻨﺪﻙ ﺯﻭﻝ
    في ﺍﻷﺑﻴﺾ ﺧﻠﻲ ﻳﺠﻲ ﻳﺸﻴﻠﻬﻢ ﻟﻴﻚ ﻭﻟﻮ ﻣﺎ ﻋﻨﺪﻙ ﺍﻧﺎ ﺑﺮﺳﻠﻬﻢ ﻟﻴﻚ !!ﺯﻭﻝ ما
    ﻋﻨﺪه ﺑﻲ أﺩﻧﻰ ﻋﻼﻗﻪ ﻭ ﻻ ﺑﻌﺮﻓﻨﻲ ﻭ ﻳﻤﻜﻦ ما ﻧﺘﻼﻗﻰ في ﻳﻮﻡ ﻣﻦ ﺍﻻﻳﺎﻡ ﻭ ﻻ
    ﺭﺍﺟﻲ ﻣﻨﻲ ﻣﻘﺎﺑﻞﻣﻮﻗﻒ ﺃﻛﻤﻞ ﻣﻌﻨﻰ ﻛﻞ ﺷﻲ. يا ﺃﺧﻮﺍﻧﺎ ﺩﻳﻞ ﻛﺎﺋﻨﺎﺕ ﺷﻨﻮ ﺩﻳﻞ
    ﻧﻔﻮﺱ ﺳﻮﺩﺍﻧﻴﻪ ﻣﺎ ﺯﺍﻟﺖ أﺻﻴﻠﻪ ﻧﺨﻮﻩ ﻭ ﺇﻳﺜﺎﺭ ﻭﻛﺮﻡ ﻭإﺣﺴﺎﻥ في ﺍﻟﺤﻮﺟة.
    ﺯﻭﻝ زﻱ ﺩﻩ ﻓﻲ ﺯﻣﻨﺎ ﺩﻩ ﺣﺎﺟﻪ ﺗﺤﻴﺮ.. ﺩﻩ ﺍﻟﺴﻮﺩﺍﻥ ﻳﺎهُ ﺩﻩ ﺍﻟﺴﻮﺩﺍﻥ.



                  

10-02-2020, 05:52 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً � (Re: دفع الله ود الأصيل)


    ♧ الوظيفة تأبيدةٌ تسرق الأعمار بلا طائلٍ 🤕⁦⁦⁦
    ●》أتعس شيء في الدنيا هو أن تظل أخيراً مقبوضاً عليك،
    على ذمة تحقيق أضغاث أحلامك ؛ يوماتي منذ الثامنة صباحاً و
    حتى الرابعة ( عصرن ) و بعد زوال الشمس عن كبد السماء و قرب
    حلول"مغرب و إخفاق الشعاع"؛ بينما تفوتك أشياءٌ جميلةٌ لن تراها
    و أنت رهين محبسين: مقر عملك الضيق و نطاق عقلك المتكلس .

    ▪》حياتك كاملةً ستمر حصرياً في هذه الدوامة..لن تستطيع التغيب
    إلا بإذن مسبقٍ ، ولن تأخذ عطلة راحةٍ إلا برخصةٍ تُمنحك لك أو تُمنع ؛
    و إذا مرضتَ لن يصدقك أحدٌ حتى تُدلي لهم بشهادةٍ طبيةٍ ممهورةٍ
    بختمٍ من تمرجي الشفخانة المتعاونة معهم؛ و أحيانا لن يصدقوا حتى
    مرضك البادي للعيان من شحوب وجهك ، فيخضعونك لفحص مضاد.
    و أنت تعيش الحرمان من غفوة تعسيلة الصباح مثل بقية خلق الله.

    ▪》لن تتمتع بشبابك و رجولتك تائهةٌ وسط ضغوطاتٍ تفرضها طبيعة
    شغلك..و أنت تجري جري الوحوش عبر سكك وسائل النقل العامة لتكون
    ملتزماً بتوقيت الموعد الذي ضربوه لحضورك ..ستعيش على أوتار عصبك
    السابع..تستهلك أقراصاً مقويةً و أخرى منومةً ضد التوترات العصبية.لتظل
    تتمنى عشماً ضئيلاً بزيادة في الأجور المقطوعة و ترقيات الرتبة المتحجرة
    و السلم الوظيفي المتعسر..و تتابع الحوارات الاجتماعية و العك النقاببي ..
    لن يُسمح لك بالانفكاك و المغادرة إلا بعد نفاذ حكم جائرٍ (مؤبدٍ ) و مدته
    خمسٌ و عشرون سنةُ حسوماً خلف قضبان زنازين سجون الوظيفة.
    ●》في هده الدوامة أو عندما تبلغ حد سن (الورم ) سيحتفل زملاؤك
    بالعمل بقرب أجلك و نهاية مطافك ، مكرهاً أخاك لا بطل..سوف يلقون
    بكلمة وداعٍ عصماء خجولةً في حقك على يببل ذكر مخاسن موتاهم
    ..سوف يبكي البعض منهم بدموع تماسيحَ سخينةٍ ايس لأجلك بقدرما
    هي على ما سوف يؤول إليه حالهم بما يشبه حالك كوقع الظلف فوق
    الظلف و الحافر على الحافر سيمنحك رئيسك المباشر شهادةً تقديرية
    و هدية فضفاضةً بلا قيمة هي عزاء لقاء حياتك التي ضاعت ختلِسةً،
    بل انتُزعت منك عنوةً و اقتداراً..و سوف تعود بنهاية المطاف إلىدارك
    مصاباً بهاء السكت الساكنة..تمامن مثلما تعود عرجاءُ إلى مراحها ؛ و
    كما يرجع كلبٌ لاهثٌ فيقيئه؛ وكما يعاود صاحب سوابقَ و مرتاد
    سجونٍ إلى أول مسرحٍ لاقترافه أولىجرائمه.

    ●》..وفي صباح أول يوم من تقاعدك سوف تنتبه أخيرن إل الكثير
    المثير مما كنتغافلاً عنه: أن العيال قد رحلوا عن الدار وأن شريكة حياتك
    قد هرمت و غرا شيب كبياض الثلج بطاح جلحات رأسها..فتتمعن فيها كما
    لو كنت تراها لأول نظرةٍ..فتتساءل: في دهشةٍو رلاهةٍ : متى وقع كل هذا
    حينها سينادي المنادي فيك : و ينفخ نافخ الصور في أذنيك : أن الوظيفة
    تسرق الأعمار بلا فائدة .. سيعاتبك ضميرك أشد العتاب .. لِمَ لم تهجرها قبل
    أن تهجرك و أنت في كامل طاقتك لكي تستمتع بعنفوان شبابك و براطع صباك
    لتتذوق عسيلة جمال زوجتك و تنشئة أبناءك و بالحياة بأناقتها التي في بساطتها..
    ..سوف يأتؤك الجواب من قرارة نفسك في آخر إقرار ذاتيٍّ بهزيمتك النكراء : لم
    تكن لديَّ الإمكانيات ولم يكن لدي خيار ثانٍ ... ستستسلم آخر استسلام..ستركن
    إلى أفرشة التثاقل فالتثاؤب و التقاعسعن التهوض إلى دروب المدح و الكسب
    للقمة العيش النظيفة. ستقع فريسة سهلة لشبح اليأس والاكتئاب و تطلق أشرعتك
    رحلةً مضنيةً لجلب العلاجات لحفظ ماء وجه حياتك..إلى أن ترحل في صمتٍ تامٍّ
    و دون أن يشعر أحد بموتك؛ و في حلقك غصةً من بواقي أشياء حتى. فمن عاش
    حانيَ الهامة يمشي فلا غضاضة في موته دون مقاومة بينما تنشب مبارازةٍ معاينات
    حامية الوطيس بين حفنةٍ من الشباب بعد رحيلك ، للظفر بنفس وظيفتك وسوف
    يحلمون كما كان حلمك و أنت في أوج شبابك..فتتكرر المأساة بينما .. حياتك
    وحياتهم الجميلة لن تتكرر . تمامن ، كشأن من يسعى بظلفه نحو حتفه!!
                  

10-08-2020, 12:04 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً � (Re: دفع الله ود الأصيل)

    الروب الأسود و ما أدرانا و قصته مع القضاء المنشحط الواقف

    رغم ان الجريمة التي نجن بصددها وقعت أحداثها في فرنسا وأكلت نوائب *
    الدهر وشربت عليها منذ اكثر من ٢٠٠ سنة وبالتحديد عام ١٧٩١ لكنها اثرت
    علينابشكل مباشر بل ومازالت اثارها ممتدة حتى الآن وسوف تستمر الى يوم الدين
    * والحكاية بدأت قبل هذا التاريخ بعام أو اثنين حينما كان أحد القضاة في فرنسا يجلس
    في شرفة منزله ساعة العصرية يحتسي قهوته المسائية وشاهد جريمة قتل حدثت
    في الشارع أمام خائنة عينيه حيث كان شاهداً على سيناريو تنفيذ الجريمة
    والآلة التي نُفِذت بهاورصد أيضا كيفية هروب القاتل
    وحينما تم القبض على المتهم واقتيد الى القاضى ..*
    ورغم انه اثبت بالدليل اليقينى انه كان موجودا بمكان اخر لحظة وقوع الحادث
    إلا أن القاضى لم يلتفت إلى دفوعات المتهم لأنه كان متأكداً أنه رآه بأم عينه وبالتال
    كان لديه يقين أن المتهم كاذب واصدر الحكم بإعدامه وبالفعل تم تنفيذ الحكم وأعدم
    المتهم على المقصلة .وبعد مرور عامٍ او يزيد فوجئ القاضى بالمتهم ذاته يمثل
    امامه متهماً فى جريمة قتل أخري ..
    * ومع هول المفاجأة سأله القاضى كيف فعلتها و هربت وقد سبق أن شهدتُ
    بنفسى تنفيذ حكم الإعدام فيكوكانت المفاجأة في إجابة المتهم حيث رد عليه قائلاً .
    . يا سيادة مولانا القاضي، من تم إعدامه هو شقيقي التوأم وهو مظلوم لأن من
    ارتكب الجريمة الأولى هو أنا وليس شقيقى الذى تم إعدامه ظلماً و جوراً ..

    وهنا أدرك القاضى مدى الخطا الفادح الذى ارتكبه وأعلن ذلك للجميع
    وكان ذلك سبباً فى إعلان المبدأ القانونى القائل بأنه يجب على القاضي أن
    يحكم وفقاً لما يُطرح أمامه من ملابسات و أوراق ولما يُلدى به من إفاداتٍ
    وبيناتٍ وليس استناداً إلى علمه الشخصى وهو المبدأ المعمول به إلى يومنا
    هذا.وفى إحدى المحاكمات التى كان يقوم بها هذا القاضى قد وجد أحد
    المحامين يدخل عليه وهو يرتدى روب اسود فسأله عن سر ارتدائه لهذا
    الروب ..فكان رد المحامى هو ان هذا الروب الأسود ليس الا رمزا
    لشبح المتهم البرئ الذى اعدم ظلما حتى تتذكره دائما وانت تحكم
    فلا تحكم إلا بالعدل حتى لا تظلم أناساً آخرين .ومنذ ذلك
    التاريخ أصبح ارتداء الروب الأسود تقليداً عرفياً عاماً
    لدى أهل الغانون عامةً و المحامين خاصةً و فيه
    تذكيرٌ للقضاه بزميلهم الذى أخطأ حتى
    لا يقعوا فيما وقع فيه زميلهم. .
                  

10-17-2020, 11:11 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً � (Re: دفع الله ود الأصيل)


    《تعالوا جاوبوا على سؤال ميرغني سوار الدهب》
    ♧ ياجماعة الخير هل انا غلطان كان غلتان وروني!!
    الإسبوع الفات أول مرة في طول حياتي أخش قسم
    ما دخلوني حبس لكن كمتهم لغاية ما الأمور إتعالجت
    حياتي مافتحت في زول بلاغ ولا بسويها بإذن الله
    و لا في حياتي إتفتح فيني بلاغ و لا دخلت خلف
    قضبان في أي تهمة( إلا الإعتقالات السياسية) .

    ● القصة و ما فيها : إنو بالصدفة مشيت أشتري موية
    من بقالة لقيت عمنا كدا كبير جلابية و عمة وشال و تاكي
    وشو في يدينو و بيبكي يقول خيد يالبكا.. قلت أكيد جاهو
    خبر وفاة أو محتاج مبلغ قروش كبير لي حارة المهم بكى زول
    مقهور.. حنيت عليه وقفت ربتا على كتفو ياعمنا البركة فيكم
    ياخ الصبر طيب.. انعدل على حيلو و قاللي ياريت لو كان خبر
    وفاة انا مؤمن بالله لكن انا مغلوب ومقهور.. وبيجهش بالبكاء.

    ● قال لي انا ولدي دا ربيتو بالحلال كنت مزارع وإشتغلت سواق
    لي أنصاص الليالي لمن تعبت من السواقة بقيت كاشير في مطعم بلدي؛
    دا كلو شان ما أحوجو وأخواتو لي شيء. لمن كبر بقى يرفع صوتو على
    وهسي شان بيصرف على البيت بقى مستعبدنا عديل. قبيل جيت لقيت
    أختو تبكي ومجروحة جم عينها قالت دقاها شان ماغسلت ليه بنطلون
    كان عاوز يطلع بيه جيتو هنا في مكتبو إتكلمت معاه إنو انا حي
    ماتتكلم مع البنات وريني انا البتكلم وبوجه فقام إنفعل فيني
    وخنقني مع الباب لمن ناس جات بالجوطة لزاني برا
    مكتبو لمن وقعت في الواطة.
    ● أنا اللحظة ديك كل شواطين الدنيا إتلمت قدام عيوني
    صدام حسين قال المواقف العظيمة إذا ماحركت نخوتك
    حاتتحرك متين ومتى تهتز الشوارب!!! قلت ليه معليش
    يابوي إنتظرني هنا و بجيك هسي راجع وكنت عرفت
    مكتبو وإسمو من خلال كلام عمنا الكان ببكي بي حرقة.

    عندي (رنق بوبكس) في العربية شلتو دا أفضل يوم تهتز
    فيه الشوارب دا ما مقام وردة وبرتقالة. دخلت المكتب سلمت.
    إنت استاذ فلان؟ آي قفلت الباب بالمفتاح من جواوتووووشك
    بطلوش بنية بالرنقبوكس واتلابعتا معاهو لا من غلبم يفرزونا
    باللباسات و لجأوا لحامض { DND} غايتو حسيت إنو فشيت
    بعضاً من غبينتي و زعلتي لي عمك. الشرطة كبست والقسم
    للأمانة الحاج ركز لامن مشى معانا القسم و كان في شهود
    على الموقفين لزتو لي أبوهو لمن وقع ودقتي ليهو.

    ●وكيل النيابة والتحري كل العساكر لمن فهمو من عمك
    إتعاطفو معاي وكمان أقسمو إنو ما أدخل حراسة. أخواتو
    جو القسم وزغردو لي وشكلو معيشهم في جحيم.
    شوفوا قلب الوالد ياجماعة 👇👇
    ● نفتح بلاغ في ولدك نقفلو؟ والله ياولدي هو السواهو
    لي من عدو ماحصلت لكن مابقدر أشوفو مسجون. الولد
    بي كلام العساكر معاهو قعد يبكي ومشى رقد في الواطة
    باس كراع أبوهو وأخواتو بكوا معاهم وغايتو..

    ● ياجماعة مافي زول بعد ربنا في الكون دا مهما بلغ مكانة
    علمية أو أخلاقية أو بطولة خارقة أعظم وأهم وأحن وقلبو عليك
    زي ابوك وأمك وقضى ربك ألا تعبدوا إلا إياه (طوالي لصقها شنو)
    وبالوالدين إحسانا!!! ياجماعة في تعظيم للوالدين اكتر من كدا الآية
    دي كانت سبب في إسلام البعض و عندنا هنا حمير مكاديات يحملون
    قاعدين بيقروها و لكن مابيحسوها و ما داير أقول يفهموها.

    ● ياجماعة قسما بالله مازال عندي رغبة اتفشى في الزول دا لمن
    أتذكر منظر أبوه وهو بيبكي. أنا إتجاوزت سن النبوة لغاية هسي
    بتفادى عيني تقع جوا عيون ابوي هيبة ساي. جغمة أخيرة :
    بكل أمانة .. هل انا غلطان في الموقف دا؟ 🙂
                  

10-19-2020, 09:17 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 8147

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ علمتنا صروف القدر و نوائب الدهر دروساً � (Re: دفع الله ود الأصيل)


    ● إهدءٌ خاصٌّ لكلِّ من كانت له أو لا
    تزال لديه يدٌ سلفتْ و دَينٌ مستحقٌ في
    سلك التلعليم: المُدرِّسين منهم و المُدرِّسات
    و كذا المَعلِّمين منهم و المُعلِّمات ، الأحياء
    منهم و (الحَيَّات) و الميتين و الميتات.
    لأحاؤ منهنمعامي أفنيت
    في التدريس كل شبابي
    وغرست دين الحق في طلابي
    سيقدر الطلاب جهدي بينهم
    والفضل يعرفه ذوو الألبـــــاب
    سل دفتر التحضير بل وحقيبتي
    في الفصل سل سبورتي وكتابي
    سل مكتبي ووسائلي ودفاتري
    تنبيك أني فارس الإعــــــــراب
    وسل المجند أنني درّسته
    وسل الإمام الفذ في المحـراب
    وسل الطبيب إذا مررت بداره
    أضحى طبيب القلب والأعصاب
    وسل المهندس كيف أضحى فارسًا
    رفع المباني فوق كل سحاب
    واهمس بأذن موجهي بلباقة
    كي لا يسخّر نقـده لعتابــي
    واذكر بأني في الورى أستاذه
    كم كان للتعليم يطرق بابـي
    كم كنت أعصر فكرتي كي يرتقي
    واليوم يرصد عثرتي وغيابي
    كم كنت جسرا للعبور أنا الذي
    أرشدت طلابي لكل صوابـــــي
    في فسحة الطلاب أُشرفُ واقفًا
    والاحتيـــــاط علاوة لنصابــــي
    كابدت في التدريس كل مشقة
    لكـن ربي لن يضيع ثوابــــي
    ------------------------------🌹
                  


[رد على الموضوع] صفحة 2 „‰ 2:   <<  1 2  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de