نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: الحسناء”التي أشعلت السوشيال ميديا بالسو� (Re: Salah Zubeir)
|
تسلم البطن الجابتك يا أخونا ووالدنا محمد أحمد الريح وكفى
إبتذال المرأة ثقافة قبل كل شيء
لكنها ثقافة الشعوب المتخلفة
=================
هذه مداخلة الاستاذة صباح حسين
الكنداكة الوحيدة التي تداخلت في البوست
لا بد من الوقوف عند رأيها وإحساسها تجاه اخواتها
مع التحية للاحباب ..
| |
 
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: علي عبدالوهاب عثمان)
|
النكتة وين! انها ابدا لم تكن مرشّحة للوزارة لا من قريب ولا من بعيد ولا مجال دراستها أو خبرتها حسب ما كتبت له علاقة بالتعليم باي شكل!
كل ما في الأمر اصدقاء لها في اطار المزاح واحد نزّل صورتها باعتبارها المرشحة للوزارة ايّام هوجة الترشيحات ومدني و قمر الدولة ومنو ومنو!
ومن هناك و عييييك
| |
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: محمد البشرى الخضر)
|
Quote: النكتة وين! انها ابدا لم تكن مرشّحة للوزارة لا من قريب ولا من بعيد ولا مجال دراستها أو خبرتها حسب ما كتبت له علاقة بالتعليم باي شكل!
كل ما في الأمر اصدقاء لها في اطار المزاح واحد نزّل صورتها باعتبارها المرشحة للوزارة ايّام هوجة الترشيحات ومدني و قمر الدولة ومنو ومنو!
ومن هناك و عييييك |
شكرا ود البشرى
دا الموضوع حقي
ولم يعرني أي زول اهتمام
مااا
كلام الرقيق
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: MOHAMMED ELSHEIKH)
|
الادب العربي
و..دي حفظونا ليها حفظ .وشرح ومعاني ....وتمتحن فيها
لدرجة انه لحنا منها ابيات وغنيناها.
تُـرِيكَ إذا دَخَلْتَ عَلَى خَلاءٍ وقَـدْ أَمِنَتْ عُيونَ الكَاشِحِينا
ذِراعَـيْ عَـيْطَلٍ أَدْماءَ بِكْرٍ هِـجانِ الـلَّوْنِ لَمْ تَقْرَأْ جَنِينا
وثَدْياً مِثْلَ حُقِّ العَاجِ رَخْصاً حَـصَاناً مِنْ أَكُفِّ اللاَّمِسِينا
ومَـتْنَىْ لَدْنَةٍ سَمَقَتْ وطَالَتْ رَوَادِفُـها تَـنُوءُ بِـما وَلِينا
ومَـأْكَمَةً يَضِيقُ البابُ عَنْها وكَـشْحاً قَدْ جُنِنْتُ بِه جُنونَا
وسـارِيَتَيْ بِـلَنْطٍ أوْ رُخـامٍ يَـرِنُّ خَـشاشَ حُلَيْهِما رَنِينا
عمرو بن كلثوم قال :
(وطَالَتْ رَوَادِفُـها تَـنُوءُ بِـما وَلِينا )
ورجع وعاين فيها ( اعاين فيهو واضحك وامشي واجيهو راجع) ، تاني وقال
(ومَـأْكَمَةً يَضِيقُ البابُ عَنْها وكَـشْحاً قَدْ جُنِنْتُ بِه جُنونا)
حد عنده اعتراض؟
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: جمال ود القوز)
|
النابغة منتصرQuote: أحمد يس صلاح الزبير رسل لي في الخاص قال أسأل احمد ممكن كوبليه من سقط النصيف ولم ترد إسقاطه انا طبعاً شهادة لندن وعربي مافي معلوم واجد
|
هو وينو الشقى دا
الكوبليه خطر لكن ..ما يطلع بيهو في العلالي الا ابن البادية او وردي
اكيد هي قاصدة ترميهو....وتم رفعه بمخصب رخص
يكاد من اللطافة يعقد
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: جمال ود القوز)
|
الحبيب احمد ياسين .. في قراءتي المتواضعة أن شعر الحقيبة كان نتيجة حتمية للكبت الذي حدث أثناء حكم المهدية والهزيمة الساحقة في معركة كرري .. وأحسب أن شعر الحقيبة أعاد نوع من التوازن وايقظ الجمال في دواخلنا ولحمل الناس من الخروج إلى عالم التأمل والجمال والاثارة فكان لا بد من إلايغال في الوصف .. لأن التطرف وعدم التسامح الذي كان سائداً في تلك الفترة لا بد من كنسه وإزالته وهذا لا يأتي إلا بالتطرف الحميد في وصف الجمال وإرجاع الناس إلى دوائر الاحساس حتى لو كان من خلال التابوهات كما كان في الشعر الجاهلي سيف وفخر ووصف الغيد الحسان ولكن الجميل في شعر الحقيبة أن أرجع السيف إلى غمده ووأد الفخر والشوفينية في أزقة أمدرمان ورفع من القيمة الانسانية من خلال الغزل وجعل للجمال قيمة عالية بدون أي عنصرية ( مسيحية يهودية ..ألخ) .. فكان هذا الشعر هو الحل .. وقد جاء هكذا بدون تنظير أو تخطيط أو مخابرات فقط مبادرة من هؤلاء المبدعين الذين عبروا عن دواخلهم المكبوتة ..
وهذا عمرو بن كلثوم يلطف ليالي الصحراء وجفاف الأرض وقسوة الاعراب بهذا النموذج من الغزال الحسي :
(ومَـأْكَمَةً يَضِيقُ البابُ عَنْها وكَـشْحاً قَدْ جُنِنْتُ بِه جُنونا)
وكان أبوصلاح رحمه الله بنفس الاحساس الانساني لدى عمرو بن كلثوم وللخروج من وعثاء الكبت المجتمعي والقسوة التي كانت سائدة فينحو إلى نفس المسار :
خدوده اسيلة سناها يبق غيماتو عسيلة
كتيفة نزل طاوع ترسيله من الارداف ما لاقي وسيلة
خديرة كحيلة ضهيرو ينع غالباهو الحيلة
ضمير اهيف صحفاتو نحيلة صدير يرجع وارداف رحيله
ثم عدنا إلى القبح مرة أخرى مع العهد البائد أحبابنا ( الكيزان) وبدأنا نفس مرحلة ما قبل كرري .. بترديد أغاني الحماسة التي تدعو إلى القتل والترهيب والفخر الأجوف : سيفك في غضاريف الرجال أروي) ، تمساح الدميرة ، جبل الضرا ... وأسوأ ما سمعته (كمل قماش النصارى ) وضاع تسامح خليل فرح الذي يتغزل في تلك المسيحية ( زي خليج الروم) حتى لم يشبهها ببيئة سودانية بل برمزية ( الروم ) هذا الطائر المقدس لدى الاخوة المسيحيين .. ثلاثون عاماً من ترديد أغاني الحماسة (خالية من الفكر) تماماً هو السبب الذي جاء منه مصطلح الجاهلية (خالي من الفكر والقيم والتسامح )
=========
التحية والشكر لإبنتنا ( صورتها فوق ) لقد كانت السبب في دخولنا إلى عوام أخرى ( شكراً إبنتي إن شاء الله وزيرة في القريب العاجل تستاهلي ومثل هذه الصورة تكسر الحواجز والتابوهات التي رسمها هؤلاء القوم وتم جلد بناتنا من أجل بنطلون أو فستان .. وأنا هنا أقرب الحالة لما كان قبل الحقيبة وما كان قبل صورة الأمورة بنتنا ) نقرأ بهدوء رمزية هذه الصورة بدقة وهي نتيجة الكبت والتطرف ..
الموضوع شائك وطويل .. قراءة زول بدون تخصص فقط خواطر من هنا وهناك ..
الموضوع شائك وطويل .. قراءة زول بدون تخصص فقط خواطر من هنا وهناك ..
آسف للاخطاء الاملائية لم أراجع لأنني أحياناً بالمراجعة أشوه الموضوع
ليكون حسب الانطباع الأول الصادق ..
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: علي عبدالوهاب عثمان)
|
Quote: سقط النصيف و لم ترد اسقاطه فتناولته و اتقتنا باليد
هو البيت الذى أهدر فيه النعمان ابن المنذر دم النابغة الذبياني |
وما كان للنعمان ليهدر دم النابغة لولا بعض ت############ة من المنخل اليشكري.
وفي الحقيقة أن النعمان هو من طلب من النابغة وصف المتجردة
والنابغة أخد راحتو في الوصف
البيت الذي أهدر فيه النعمان بن المنذر جزء من هذه القصيدة التي بدايتها سقط النصيف
والنعمان فرح بالقصيدة وأعجبته وربما أجزل للنابغة بالعطايا.
ولكن المنخل اليشكري أتى بعدها وأقنع النعمان بأن وصف النابغة للمتجردة لا يمكن أن يكون مبنياً على القياس بالنظر،
وإنما هو وصف من جرب معها التفحيط والتعطيس في ردهات وفي دهاليز قصر السدير وقصر الخورنق.
للمنخل اليشكري قصة طويلة ولكن يكفي لقراءة مآرب ت############ته أن نذكر أن النعمان قد وجده مع المتجردة ورجله مقيدة مع رجل المتجردة بقيد واحد.
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: Hafiz Bashir)
|
الكلام مكرر مع قليل من الاضافة :
التحية والشكر لإبنتنا ( صورتها فوق ) لقد كانت السبب في دخولنا إلى عوام أخرى
( شكراً إبنتي إن شاء الله وزيرة في القريب العاجل تستاهلي ومثل هذه الصورة تكسر الحواجز
والتابوهات التي رسمها هؤلاء القوم وتم جلد بناتنا من أجل بنطلون أو فستان ..
وأنا هنا أقرب الحالة لما كان قبل الحقيبة وما كان قبل صورة الأمورة بنتنا )
نقرأ بهدوء رمزية هذه الصورة بدقة وهي نتيجة الكبت والتطرف ..
إضافة لما ورد أعلاه :
يا سلام زمان ايام السواقي ما في حاجة إسمها إثارة الانثى لها مهامها وتكون أزياءها حسب المهام
يعني لا يمكن أن تلبس (توب أو عباءة ) عشان تحش القش وتنظف محل الابقار .. كنا نحش القش في حوض واحد
لاحظ مزارع الذرة القصب العالي .. وأزيدكم كما قليلاً أن البنت كانت تطلع النخلة وعندها لم نكن نفوت من تحتها
الصدر وخاصة الرضاعة لم يكن فيه عيب المرأة حتى لو شابة ترضع الطفل عادي تخرج ثديها .. لم يكن هناك فستان طويل
معظم الفساتين تحت الركبة بقليل أو فوقها .. حاجة اسمها القونولا .. فقط بحمالتين وضيق عن الخصر عادي جداً تظهر بعض أطراف الصدر
أيام الخواضة وعندما المراكب لا تصل إلى البر لا بد للمرأة أن تخوض في المياه وممكن جداً ترفع فستانها إلى حد معين فوق الركبة
ماذا حدث لنا يا جماعة .. يخرب بيت الكيزان ..
=========
بالنسبة لزمان هذه الابنة التي في صورة لابسة طويل وفستان مريح كان مكان استغراب.. ربنا يحفظها من كل سوء
هذه العاطفة التي أعبر عنها تجاهلتها في البداية أنا كنت متستر عن التعبير عنها خوفاً من أن أتعرض لأي مداخلات
ولكن غلبتني العاطفة وعبرت عن الفكرة ..
الله يحفظك يا إبنتي إن شاء الله تكوني وزيرة ما دام هناك ثقة بالنفس وما دام حطمت حواجز الكيزان
المفروض تكوني رمزية وأيقونة للخروج من وعثاء تلك الممارسات الغير انسانية
مودتي للجميع .. أعذروا عمكم علي أحياناً بخرج من السياق ..
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: muntasir)
|
يا سلاااام...
عمك الباحث علي عبدالوهاب وحبايبنا جمال ودالقوز ومنتصر واسامة صديق
وحافظ بشير.....
طبعا منتصر رمى قنبلة تاريخية ...وهو عارف انه النعمان كان شين وقصير
وعنده كرش.. وزوجته (المتجردة) كانت اية في الجمال والحسن وكانت طويلة
ويقال انها كانت اجمل نساء الارض
اها عمك النابغة يوم جاء تووووش داخل ولقاها ..بالمنظر دا
النص حقها واقع ... فقامت استترت واتغطت بى يديها..
لاحظ ان الحركة والخلعة بتاخد ثواني بس.
لكن عمك الذبياني...مباشرة انشد قصيدته دي
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: MOHAMMED ELSHEIKH)
|
يا حافظ تحياتي
يعني خلاص نعتمد القياس بالنظر كأحد معايير المقايسة ؟
| Quote: وصف النابغة للمتجردة لا يمكن أن يكون مبنياً على القياس بالنظر |
ياخ نحن حمدنا الله انه البوست مشى في اتجاه الأدب الرفيع والمعلقات .... ألخ
فما ترجعونا تاني للمربع الأول .. باقي الدنيا في الصفحة الأولى للبوست مكركبة
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: عمر أبوعاقلة)
|
تحياتي أخي حافظ بشير
أوافقك أن النعمان لم يكن ليهدر دم النابغة لولا تيقنه أن النابغة "شاف حاجات كتيرة" و كمان وصل بيهو الحال انو "هبش" ، أنظر لقوله:
فاذا لمست لمست أجثم جاثما متحيزا بمكانه ملء اليد
لن آتي ببقية الأبيات ففيها ما يشي أن الرجل ذهب الي أبعد من ما هو "هبيش"
لو لم ينظم النابغة غير "أمن آل مية رائح أو مغتد" لكفاه
لك ودي...
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: Osama Siddig)
|
كلكم يالفي البوست دا شكيتكم .... حتى زهير البخت السم في العسل
نعمني ياقول ود القوز داخل في البوست دا "سري للغاية" لكن نعمل
شنو لي ناس أحمد يس ديل ....
خليكم من أدب الحقيبة ومن النعمان بن المنذر الخلى اليشكري لي يومنا
هذا "بكانو مو مخبور" وما سمعتو الغنايين في البادية ماخلو وصيف شعر
ولا وصيف عيون ولا وصيف البتاعات كلها شوفوا الزول دا شاف شنو:
جود ياربي جود بي شوفت المريود
جود ياعالم السر والخفي الموجود
يامنزل الآيات وسورة هود
حبيبتي النسألك دا طبنجي ولا نهود
وواحد تاني من أهل بريمة قال
يا أم سدراً ركوب القومتو صقرية
يا أم خشماً سكيكري إنبلع ليا
أما في موضوع الدفرنش يا ............... فقد قيل
إن طلقن كراعن منهن منعطلة
كفلك حدرك يالمن وسط منفتلة
وواحد تاني قال:
مايقك عين جدي أو دوف أم لبب في أردافك
أوركيك جربان عرد عند الحباب
تقول لي شنو وتقول لي منو؟
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: Ahmed Yassin)
|
يا هندسة الكهربة ود الشيخ
| Quote: لاحظ انك بتستخدم الفعل المضارع مع المراحيم ديل |
طبعا بستعمل الفعل المضارع ، اومال حاستعمل المفعول المطلق؟
هم رحلوا ولمن تظل اصواتهم باقية وغناهم باقي..صوت صلاح بن البادية والجابري
وخليل اسماعيل وابوداؤد ممكن ان تدرُس.
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: MOHAMMED ELSHEIKH)
|
الحمد لله أن الموضوع تشعّب وفارق الدرب وطلع بدرب الشعر الجاهلي. كدا أحسن. واصلوا في مع اليشكري والعطبولات والهركولات، وبطّلوا استباحة بناتكم من غير الشخصيات العامة. ولو عايزين تستبيحوا كل بنات السودان ... مبروك عليكم. قشة ما تعتّر ليكم.
والعفو إذا كنتم مقتنعين أنكم في الطريق السليم. واصلوا.
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: Shinteer)
|
وفي نهاية الامر، عجبني ردك يا ود الزبير وردود الإخوة اللي كانوا جادين في دفاعهم عن التغزل في بنت سودانية لا إيدها لا راسها (وممكن تكون قريبتي عديل). وكمان ردوا على كلامي دفاعاً عن أنفسهم وعلى كتاباتهم الطفولية المراهقة. الله لا كسبكم. خلاص اعملوا اللي عايزينوا ... واتحملوا العواقب بدون قومة نفَس. كلكم نفسكم قام ... حتى صلاح ود الزبير. تعرف يا صلاح، لو الله وداني السودان ولاقيتك، علي الطلاق إلا أوريك نجوم الضحى في العيلفون ... دا لو العيلفون فيها مريسة صافية (لأني لما أمشي السودان وما ألقى مريسة ، إجازتني بتكون راحت سمبلة). المهم بوريك النجوم في أي جخنون فيه مريسة صافية.
أبقى عافية وأبقى عشرة. وكل الكلام دا ما تاخدوه بقومة نفس ووجع ضهر. المهلة سمحة.
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: Shinteer)
|
يا Shinteer
يا خوي العفو والعافية ...
ما عندنا معاك شي شخصي ...
ياها عمايل كيبوردك وكيبوردي ...
تظل الأخوه هي القاسم المشترك
الأعظم في حوش بكري دا شئنا
أم أبينا ... سؤال بريء :-
عندك صاحبك في فينكس أريزونا
إسمو صديق ... بتاعين الريبة يمتنعون ...
بقيت شيوعي دي المره التانيه
تتقال لي ... المره الأولي قال لي
جدي علي ود المدير الله يرحمو ...
عندي أخوي شيوعي أصلي مسكتوا
ملاريا ٩ شهور نوديهو الدكتور يديهو
علاج يبقي كويس يومين تلاته تاني
ترجع ليهو ... أها الحكاية استمرت
معاهو فترة طويلة جدا فقررو يودوهو
لي الفقير العارف بالله جدنا الفكي
الفاضل راجل الطندب ... أها انا قمتا
بجميع التجهيزات وحجزت الحافلة
وكانت القيادة لي جدي علي الذي
يمازحني وامازحه كثيرا ... ومن مقعده
الجنب السوق وبعد أن ركب الجميع
ولم أركب معهم سألني عن سبب عدم
ذهابي معهم فقلت له ... يا جدي جني
وجن زول يقعد يتفتف فيني وفي النهاية
يديني موية سكن (كربون) مخمر يقول
لي أشربا ... غايتو ضربت عكاز جدي
زغت منها وجاءت في عضمة الكتف
جهة الضهر ... ومعاها يا شيوعي يا كلب ...
| |
|
|
|
|
|
|
|
|
 Re: الحسناء”التي أشعلت السوشيال ميديا بالسو� (Re: Salah Zubeir)
|
في الأخير قلبتوا شعر .. شيئ معلقات وشيئ حقيبة وشيئ دوبيت ..
وكل زول دموعه سايله ..
يا أخوانا أستهدوا .. أنتم فتم الكيزان في مدح "الناهه بت مكناس" وزيرة خاريجة موريتانيا .. الكيزان بكوا فيها لما وصلوا مرحلة النهيب!
ول أبا قدور .. شنو يا حبيب أنت داير توقعنا ولا شنو؟ .. أخوك بتاوق كتامي بتخارج بسترتو!
بريمة
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: دفع الله ود الأصيل)
|
كتب ود الاصيل:
فدي واحدة قاعد يجيها رسائل هكر بالوطساب،
زي شفرات كدي مكتوب فيها (5 ح) بلَّغت كبسولة
الأمن الشامل (حالياً الجنجويد و لجان المقاونة) ؛
بدورم استدعو ناس أمن المعلوماتية. يلا ديل حتهم
سجّو و لجُّو فيها ما نقشو فيها و لا طُظ من سبحان الله.
قام واحد قاللهم : ياخي نادولكم واحد من السطلنجية ديل
الصابنها فوق قيفة البحر . لو المزاج ظابط تمام، ممكن يفكو
ليكم الشفرات. أها من جابو وروه ياها قام صرَّ عين و فتح التانية
و جر نفس طويل و بعداك قاللهم : غايتو أنا قدرت نقشت ليكم
تلات( حاءات ) قالولو : ما قصرتا تب، يلا ألحقنا بيهن و الاتنين
الفاضلات الله بحلهن. قاللهم : (ح)بيبتي..أنا (ح) أجي قريب
و (ح) أعرسك و نعيش سوا في سبات و سكر نبات..و نخلف
صُبيان و بنات. بجاي زولتك البايركس من حيسا قامت
تزغرت: يووي؛ و هي ووب عليَّا دا ما (ح)سن(ح)امد
--------------
😂😂😂😂😂😂😂😂😂😂
تلقاك جابوك انت ااااا المطموس
الله يجازيك يا ود الاصيل
| |
|
|
|
|
|
|
|
|
|
Re: الحسناء”التي أشعلت السوشيال ميديا بالسو� (Re: عماد الدين الطيب عمر)
|
| Quote: يا خوي العفو والعافية ... ما عندنا معاك شي شخصي ... |
ود الزبير ود التوم ... يا زول شخصي شنو وما شخصي شنو. أظنك ما عرفتني وأنا قاصد أجهجهك، وما حتعرفني. وحياتك ووحيات والدك أنا بستمتع بردودكم دي "يا الشويعي"، وبقراها وبشوف الناس دي دايرة شنو؟ شنو يعني واحد ما عندو حياء وجاب صورة بنت سودانية ليست شخصية عامة، بنت ناس عندها إخوان وأهل وما حصل شغلت وظيفة عامة ولا حتى مرشحة لأي وظيفة زي دي ... والناس قعدت تتغزل فيها؟
البساط أحمدي ... بس داير أعرف آخرها شنو.
يا أيها الصلاح ود عمي الزبير ود التوم ... أنا من أولياء الله الصالحين .... راكب مع الشيخ باسبار فوق سرج واحد. تقوم تعمل كاني ماني ... بديك في التقيل، وأخليك تهضرب أكان ما أخاف الله فيك. أها أكان داير تلاقي واحد من نوعنا دا ... أوصيك برفاعة ... وبالشيخ عمرين تحديداً. أبقى عليه، حتى لو بزق أو اتنخّم ليك في خشمك. اصطغروللاهي.
تحياتي لك وللعيال. وما تبقى شويعي. أبعد لينا من الشويعيين ديل وبعداك الأمور بتتصلح.
أبقى عافية
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
علي عبدالوهاب عثمان
محمد البشرى الخضر
MOHAMMED ELSHEIKH
Ahmed Yassin
جمال ود القوز
Osama Siddig
Hafiz Bashir
عمر أبوعاقلة
بابكر قدور
Shinteer
Salah Zubeir
Biraima M Adam
فيس بوك
تويتر
انستقرام
يوتيوب
بنتيريست