خطفت مرشحة وزارة التربية والتعليم من قبل رواد مواقع التواصل الاجتماعي بالسودان, تغريد الخواض, الأضواء بالسوشيال ميديا وذلك بعد ظهورها في صور خلال جلسة تصوير نشرتها على حسابها الرسمي عبر عملاق مواقع التواصل الاجتماعي فيسبوك. وبحسب رصد ومتابعة موقع النيلين فقد ظهرت الخواض التي لاحقتها الشائعات من قبل رواد مواقع التواصل بتعيينها وزيرة للتربية والتعليم بالبلاد خلال الحكومة الجديدة التي أعلنها رئيس الوزراء حمدوك في سبتمبر من هذا العام. وعلى الرغم من خلو قائمة حمدوك من اسم تغريد الخواض إلا أن اهتمام الأسافير بها لم ينته حيث ظلت صفحات فيسبوك مداومة على نشر صورها وأخبارها للدرجة التي جعلت منها إحدى أشهر نجمات السوشيال ميديا بالسودان.
Post: #2 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-13-2019, 06:16 AM Parent: #1
اكتر حاجه محيراني في ميكانيكا السيارات مجموعة كلمات ارجو (صادقا") من الأخوه الميكانيكيين توضيح اصلها وموقعها في العربات ومثالا لذلك :- الدفرنش ، الدبرياش ، البوبينا ونعتذر للأخ زهير لحرف بوستيهو مقدما ...
Post: #3 Title: Re: الحسناء”التي أشعلت السوشيال ميديا بالسو� Author: MOHAMMED ELSHEIKH Date: 11-13-2019, 06:41 AM Parent: #2
Quote: لدفرنش ، الدبرياش ، البوبينا
الدفرنش : مجموعة التروس التفاضلية وتجدها في السيارات الكبيرة للتعامل مع السرعات المختلفة للكفرين الخلفين عند اللفة . الدبرياش : مجموعة طارة الكلتش واخواتها التي تفصل المحرك عن المجموعة المتحركة عند تغيير السرعات. البوبينة : علبة توزيع النبضات الكهربائية علي أسطوانات الأحتراق في محركات البنزين.
طبعا الاعلاقة واضحة بين اسئلتك وموضوع زوزو
أي سؤال اخر؟
طبعا أي مساعد حلة بكون عارف الابجديات دي . انت كنت وين؟
Post: #4 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-13-2019, 07:18 AM Parent: #3
عشان كده السودان ما حيتقدم مش كان وقع سيداو لو مضى ليه فالكاو ذاتو الناس يفتشو عن خلفية الوزيرة التعليمية والأكاديمية وناس صلاح الزبير جارين لذو الكفل ،وبعدين العندو موضوع ينزل لينا صورة ما يخلينا نتجارى لقوقل وزي ما قالت مستغانمي الأصفر يليق بك
Post: #8 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-13-2019, 07:59 AM Parent: #6
Quote: اسئلة غريبة ان لم تكن مريبة
هههههههه يا رفيق ... في إتهام محدد وواضح ولا ناكل داندرمه ...
Quote: يفتشو عن خلفية الوزيرة التعليمية والأكاديمية
ما كلها خلفيات يا حبيب ............وكلها دفرنشيات يا ود الزبير
Post: #10 Title: Re: الحسناء”التي أشعلت السوشيال ميديا بالسو� Author: عمر أبوعاقلة Date: 11-13-2019, 08:47 AM Parent: #9
هسه البوبينا دي يعرفوها ليك بالراندوك كيف يا ود الزبير عجبتني ردود محمد الشيخ .. جادي فيها
تحياتي للجميع
Post: #11 Title: Re: الحسناء”التي أشعلت السوشيال ميديا بالسو� Author: دفع الله ود الأصيل Date: 11-13-2019, 09:52 AM Parent: #10
•سلام لصلاح الزبير، و خليو فردتي أبو الزوز دا بعدينك براو حسابنا معاو ولد. علا لاكين يا شيخنا دي مافي زولن سبقك عليها ؛ و الله أوسكار عديل كدا، إنو زول يدور يفتللو بوست ، لكن يادوبك بالعكس يعدلو يجيبو في القاطرة. فدا الإنتا عملتو بالظبط غايتو البوليييغ عندكم يا ناس (خميرة سودنة) ▪ يلا، دفقة لون و تكية خط: •حكاية "يا عشما في ودكة من دفرنش النملة، ترا حرمت عليك الرشوشة" فهمناها. بس الكلتش و البوبينة ديل كما وين كمان؟!
Post: #12 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-13-2019, 10:17 AM Parent: #11
فيما عدا القالو صلاح .. عادية جداً ما بتشغل عود كبريت ذاتو خلي مواقع التواصل
غايتو كلها على بعضها بي خلفياتها التعليمية والماتعليمية انا برشحها وبديها صوتي كان ترضى كان تابى وابني لي بيت في حي العزااابة ... فعلا العايز يظهر يلبس اصفر ... فعلا يليق بيها شدييييد ..... شكرا استاذنا ابو الزهور ...
تحياتي : ياسر العيلفون ....
Post: #14 Title: Re: الحسناء”التي أشعلت السوشيال ميديا بالسو� Author: الحاج حمد الحاج Date: 11-13-2019, 10:39 AM Parent: #13
هو الاشتعال عندكم ساهل كده؟
ود الزبير غايتو الاشتعال لو حصل هنا يكون عملتو انت بالاسئلة البريئة التي أطلقتها هههههههههههههههههههههه
زمان لما كنا في الغربة ، أول ما تشوف كل النسوان الفي الصور كلهن سمحات من طرف طوالي تعرف نفسك محتاج اجازة تنزل السودان. الزولة عادية شديد و أوفرسايز كمان، للجماعة المكسرين ساكت ديل اتذكروا أنو المرتبة العالية دايما بتهبد بي سرعة و بعد داك لو نمت فيها بتسوى ليك وجع ضهر، أنا طبعا بقصد المرتبة ما تمشوا بي تفكيركم بعيد.....
هههههه يا منتصر رافع يدي لي الله ربنا يجمعك بيها في الدنيا دي ٥ دقائق بس ومنها نلقاك مربط في خلوة راجل كدباس ...
Quote: وكلها دفرنشيات يا ود الزبير
قتا كدا يا اسامه ... ههههه المنطقة تعج بالمتربصين ...
Quote: عجبتني ردود محمد الشيخ .. جادي فيها
جدية ود الشيخ دي زي بتاع الانقاذ القال دخل الفرد ١٨٠٠ دولار ... يا ود الأصيل اوسكارك قبلنا لكن اقول ليك حاجه من زمان واقفا لي في حلقي ... أنا انعقدت عديييل من بوستاتك ... ياخي بتحسسني إني شهادة عربية ولا IGCSE ياخي تبدا كلامك طيب وبنعرفو تقوم فجأة" تلف زي سواق الرقشة وتجيب لينا كلام الحطيئة وابن الرومي ... هسي انا افهم كلامك دا كيف ...
Quote: يلا، دفقة لون و تكية خط: •حكاية "يا عشما في ودكة من دفرنش النملة، ترا حرمت عليك الرشوشة"
Quote: فيما عدا القالو صلاح ..
عاين نوع دا ... يا أحمد محمد عمر إتا بتقول لي محمد سيد احمد دا يا زول امشي افتح بلاغك بتاع الريبة دا وانا جاهز للحليفة حتي لو فوق الليقيريط ولا سيدي الحسن زاتو ... أبشر بالخير ياسر العيلفون وربنا يقدرك .. الحاج ود عمنا حمد الحاج ... تكفيني البراءة التي ذكرتها ...
Quote: المرتبة العالية دايما بتهبد بي سرعة
ههههه يا أسامه صديق دي مرتبة قطن قنطارو بي ٢٠ جنيه ... تعال نديك مرتبة عالية ضمان ١٠ سنة لا بتهبد لا بتتكرمش ... الله يقدرك علي الاستلقاء وما يودوك سنار ...
Quote: سؤالي يا صلاح زبير إنت كيفن عرفتها بنزين؟
يا مولانا ... قست المسافة بين الركبه وآخر قطعة لحم بعد المخروقه ... لا لقيتا جاز ولا بنزين ... غاز بس ... والبوبينا digital contact ...
Quote: و يا ريت لو سألت لينا برضو صفيحة الجاز بي كم و البابور اللستر كمان
يا عماد ياخي الموضوع دا 4HD ... إتا ما وقع في عينك البرزنتيشن بتاع البنيه التحتيه ... حكاية جاز وبابور دي عملو ليها رايت اوف ...
يا زهير التخصصية مطلوبة فما تغالط ساكت فى مكنات الجاز اسمها غرفة الحريق هو اصلا الشغلة الديناميكية كالاتى غرفة حريق فيها بستم شغلتو طالع نازل مع الضغط و شهقة الهوا و رشة الجاز بيتولد الحريق لهب احمر عديل كده و اللهب ياهو الحريق اما الاحتراق ده حراق روح ساكت لو بلوتين واحد بس طفا الا يدوروها بى لزّة و ناس اللزة بعد يلزوك بيقول ليك واحد فيهم يا عم ممكن توصلنى معاك قدام شوية ينفع كده يا زهير
Post: #31 Title: Re: الحسناء”التي أشعلت السوشيال ميديا بالسو� Author: زهير عثمان حمد Date: 11-13-2019, 07:00 PM Parent: #30
اليكم يا أصدقائي وصف النساء وانواعها من كتب العرب وهذه هدية خاصة ولاستاذي ودالاصيل متعه ربي بالعافية
الجريم : المرأة إذا الجسم الطويل ومؤخرتها متجانسة مع مسحة ظهرها . السبحـلة : المرأة إذا زادت ضخامتها ولم تـقـبح . العـيطبـول : المرأة اذا كان ثديها ثابتاً القسيـمـة : المرأة صاحبت الخصر النحيل والصدر الكبير . الخــود : المرأة شـديـدة سـواد الشعر وبياض الوجه مع سعـة المقـلة . الممـلـودة : المرأة اذا كانت كبيرة العينين صغيرة الوجه ونحيلة الجسم الخرعـبـة : المرأة ذات المؤخرة الكبيرة المشدودة . الشنقيطية: المرأة ذات المؤخرة الكبيرة ومبسوطة في الانفتاح وترتـج من سمنها البرمادة : المرأة ذات الفخوذ السمينة. الرقراقة : ممدودة الشفتين صغيرة العينين ... العـبـقـرة : المرأة المرأة الناعـمة الجميلة كثيرة الحركة وتلفت الانتباه برجرجة صدرها .. الغـيـداء : المرأة التي تبرز مؤخرتها عمدا الرشـوف : المرأة المتوازنة من حيث حجم صدرها ومؤخرتها . أنـــوف : المرأة اذا كانت مؤخرتها صغيرة . الـشـموع : المرأة .. اللعـوب .. الضحـوك .. الدخيـمة : المرأة اذا كانت منخـفـضة الصوت . البلهـاء : المرأة الكـريـمـة . الفيصاء : المرأة الطويلة العـنـق ..
Quote: الدفرنش : مجموعة التروس التفاضلية وتجدها في السيارات الكبيرة للتعامل مع السرعات المختلفة للكفرين الخلفين عند اللفة . الدبرياش : مجموعة طارة الكلتش واخواتها التي تفصل المحرك عن المجموعة المتحركة عند تغيير السرعات. البوبينة : علبة توزيع النبضات الكهربائية علي أسطوانات الأحتراق في محركات البنزين.
ا يا ود الشيخ ، عرفناك مهندس ، كمان طلعت ميكانيكي سيارات ليلى علوي؟
Post: #33 Title: Re: الحسناء”التي أشعلت السوشيال ميديا بالسو� Author: Ahmed Yassin Date: 11-14-2019, 04:29 AM Parent: #32
Quote: للكفرين الخلفين
اولا بالتبادي ود الشيخ ..بتاع كهربة عامة الوداهو للكفرين الخلفيين شنو؟
Post: #34 Title: Re: الحسناء”التي أشعلت السوشيال ميديا بالسو� Author: mohmmed said ahmed Date: 11-14-2019, 04:47 AM Parent: #33
بعد العمر دا
صعب الواحد يتقبل تعليقات مليئة بالايحاءات بهذه الطريقة يا ناس هوووووى اتحشمو على قولة الليبيين
يا محمد الشيخ تفاضلية دي مقبولة منك كباشمهندس لكن نحن كصنايعية وكمولانات بنسميهم التروس اولاد الحرام
Post: #36 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-14-2019, 05:46 AM Parent: #35
Quote: تعليقات مليئة بالايحاءات
تحياتي محمد سيد احمد... يا محمد ياخوي دا تزمت أوفر دوس ... يعني إنتا شايف كل يوم عندنا بوست قاعدين نعلق فيهو بي إيحاءات .. ماهي بتجي فنا في الدهر والناس بتحاول تفك رقبتا شويه ... ياخي آخر بوست بتاع ايحاءات بذكرو عملو اب سن أيام عرس الليبرالية مع الكوز ... بعدين الإيحاءات بت الناس دي خليها ... الموقع ملغم بي إعلانات وإعلان عن سايتات بي صورا تودي جهنم عديييل ... يعني بقت علي الإيحاءات بتاعت منتصر دي بس ....
هنالك عادة ثابتة في المنبر وهي أنه في بدايات الشتاء من كل عام بيتفتح بوست كلو إيحاءات المسألة يا محمد سيد أحمد ما مربوطة بالعمر بقدر ما إنها مربوطة بالشتاء والبرد
Post: #38 Title: Re: الحسناء”التي أشعلت السوشيال ميديا بالسو� Author: زهير عثمان حمد Date: 11-14-2019, 06:37 AM Parent: #37
الاخوة الافاضل سلام ليست هنالك أيحاءات والله البوست دا مبرأ من الهوي والغرض وهو مكانيكية عامة محتاجة لشرح من أصحاب الخبرات لزم الايضاح لا شتاء ولا صيف
*وين أبوحسين
Post: #39 Title: Re: الحسناء”التي أشعلت السوشيال ميديا بالسو� Author: MOHAMMED ELSHEIKH Date: 11-14-2019, 07:16 AM Parent: #38
Quote: يا ود الشيخ ، عرفناك مهندس ، كمان طلعت ميكانيكي سيارات ليلى علوي؟
يا ترهاقا المعايش جبارة .
الليلى علوي الموديلات الجديدة بقت اسمها على ما أظن أوباما ماعارف الشبه شنو ؟ جماعتنا ديل بسمو على كيفهم لانو ما استعانو بخبير رباطابي .
احمد ياسين
Quote: اولا بالتبادي ود الشيخ ..بتاع كهربة عامة الوداهو للكفرين الخلفيين شنو؟
شرحو .
الليلة الفنانين اتلموا فوقي (مسكين أنااااااااو)
ومعاهم "كيكة"
مولانا
Post: #40 Title: Re: الحسناء”التي أشعلت السوشيال ميديا بالسو� Author: عمر أبوعاقلة Date: 11-14-2019, 07:28 AM Parent: #38
بدأ البوست يا أبو الزوز بالتربية والتعليم مروراً بعلم الميكانيكا (والقياس) وأنتهى بأزمة الشتاء وإيحاءاتها المعروفة رحلة كهذه أعتقد منتهاها خور بكري والعهدة على صاحب فتيل الاشعال (هنا أو في السوشيال) مودتي
Post: #41 Title: Re: الحسناء”التي أشعلت السوشيال ميديا بالسو� Author: MOHAMMED ELSHEIKH Date: 11-14-2019, 07:35 AM Parent: #40
ابعدو ود الزبير وود ياسين
البوست بيستعدل.
اهاااااا
الآن انا أول مرة اسمع عن ترشيح هذه الأستاذة لتلك الوزارة ماهي المؤهلات العلمية , الاكاديمية والخبرات التي تتمتع بها؟ لانو كما قال عمنا اب شوك: " الكلام مكن مو بوهي وبواري"
Post: #42 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-14-2019, 07:42 AM Parent: #41
واحد بي محض إرادته يدخل بوست اسمه (الحسناء التي أشعلت السوشيال ميديا) متوقع الناس تكون بتناقش في شهادة ماجستيرها يعني!
Quote: متوقع الناس تكون بتناقش في شهادة ماجستيرها يعني!
ولما لا يا أبو حميد؟ موش مرشحة لمنصب وزاري في حكومة كفاءات؟ لازم الناس تناقش كفاءتها.
هسه يجيك واحد باشمهندس ويشبكك كفاءة المكنة والويرك اوتبت والويرك انبت. نحن لو ختينا المهندسين ديل عوجة ما بتجينا😂
Post: #45 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-14-2019, 08:15 AM Parent: #43
Quote: لازم الناس تناقش كفاءتها
جابوا لينا الكفاءات في فوتو سيشن وترانا دة مجتهدين فيها لمن يجيبوها في سيرة ذاتية مقتبس بنتحشم شوية لكن طالما ناشرين جلسة تصوير يبقى نفضي الجو للميكانيكية :)
Post: #46 Title: Re: الحسناء”التي أشعلت السوشيال ميديا بالسو� Author: اسماعيل عبد الله محمد Date: 11-14-2019, 08:16 AM Parent: #43
شحماء,,
Post: #44 Title: Re: الحسناء”التي أشعلت السوشيال ميديا بالسو� Author: وليد محمود Date: 11-14-2019, 08:12 AM Parent: #42
(للتعامل مع السرعات المختلفة للكفرين الخلفين عند اللفة) الجزء ده من تعريف الدفرنش داير توضيح شوية
Post: #47 Title: Re: الحسناء”التي أشعلت السوشيال ميديا بالسو� Author: دفع الله ود الأصيل Date: 11-14-2019, 09:06 AM Parent: #37
لله درُّك صديقي و توءم روحي زهير عثمان حمد و أنت تُبث في روعي شيئاً مما جرى به لسان حال ذاك الميمونٍ الأعشى (و لكنه طالع تفتيحة ؛ و موش عارف لوكان مفتح كويس كان سوَّ شنو) ؛ حين قال بوداع هريرته( البلهاء): يُسمع للحُلي وِشواشُ إذا انصرفت كما استبانبريحٍ عشرق زجِلُ. العشرق: شجيرة مقدار ذراع لها أكمامفيها حب صغار، غا جفت فمرت بها الريح تحرك الحب. فشبهصوت الحُلي بخشخشته زت النسيم .كدليل على هفة خلة ظلها.♤ وليست كمن يكره الجيران طلعتها ولا تراها لسر الجار تختتل) تختتلُ ، أي لا تفعل ذلك للتلصُّص أو التنصُّت لعورات الجيرتن.
♤ و يكاد يصرعها لولا تشددها، إذا تقوم إلى جاراتها الكسل: يقول: لولا إنها تتحامل إذا قامت لسقطت، و (إذا) في موضع نصب ، والعامل فيه (يصرعُها). وروى أبو عبيدة: إذا تلاعب قرنا ساعة فترت..و ارتجَّ منها ذنوب المتن و الكفل) ذنوب المتن: العجيزة (ياهو زاتو دفرنش ود الزبير مع البُمبة و الرفارف ).
♤ صفر الوشاح، و ملء الدرع، بهكنة إذا تأتى يكاد الخصر ينخزل:صفر الوشاح: يعني الزولة دي خميصة البطن دقيقة الخصر ؛ كأنهامنزوعة الحشا (Zer-fat) فوشاحها يقلق عنها فهي مليئة الدرع كونها فارهة، و البهكنة: كان الله في عون خصرٍ ضيقٍ و مزنوق بين طودين عظيمين(الصدر و الكفل).
Post: #48 Title: Re: الحسناء”التي أشعلت السوشيال ميديا بالسو� Author: mohmmed said ahmed Date: 11-14-2019, 09:29 AM Parent: #47
يا منتصر اخد راحتك وايحاءاتك انا غايتو عشان العمر شايف الكلام ما مناسب ويا حافظ يعنى دى نوة شتاء قارس
توبة دى اخر مرة اتداخل
Post: #49 Title: Re: الحسناء”التي أشعلت السوشيال ميديا بالسو� Author: جمال ود القوز Date: 11-14-2019, 10:19 AM Parent: #48
الحاصل شنو في البوست ده ياجماعة ... العميان شايل المكسّر .. حتى أُولي الإربة .....
Post: #50 Title: Re: الحسناء”التي أشعلت السوشيال ميديا بالسو� Author: دينق عبد الله Date: 11-14-2019, 11:18 AM Parent: #49
أفتقد الزميل Osman Musa
----------------- هي زولۃ صغيرۃ لكن يبدو إنها مٶهلۃ ; I mean Well- Equipped
..................... حكمۃ اليوم:- لو المدام ما ب تقرأ عربي خد راحتك في المنبر.
Post: #51 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-14-2019, 11:45 AM Parent: #50
Quote: حتي أُولي الإربة .....
هههههههههه جيمي ... كيف الكلام دا .... ومن من هؤلاء المتداخلين (ليس من) أو (من غير) أولي الإربة؟؟؟
شوف الناس ديل تكأكأوا حول الدفرنش التفاضلي كيفن!! هسي في ذمتكم منو فيكم بيفهم في التفاضل والتكامل؟
Post: #53 Title: Re: الحسناء”التي أشعلت السوشيال ميديا بالسو� Author: قسم الفضيل مضوي محمد Date: 11-14-2019, 12:36 PM Parent: #52
. قال عمرو بن كلثوم في معلقته الشهيرة ... ومأكمة يضيق الباب عنها ... وكشحا قد جننت به جنونا ... وساريتي بلنط أو رخام ... يرن خشاش حليهما رنينا ... . . . ونشرب إن وردنا الماء صفوا ... ويشرب غيرنا كدرا وطينا ... . هيييييع ..
Quote: هههههههههه جيمي ... كيف الكلام دا .... ومن من هؤلاء المتداخلين (ليس من) أو (من غير) أولي الإربة؟؟؟
صلاح .. غير ... غير ياشقي ...
Post: #55 Title: Re: الحسناء”التي أشعلت السوشيال ميديا بالسو� Author: محمد أحمد الريح Date: 11-15-2019, 02:04 AM Parent: #54
يا ناس إختشوا !!
لو واحد فيكم كانت هذه صورة أخته او زوجته وحدثت مثل هذه الإيحاءات التافهة لقلب الدنيا! اتركوا التحدث فى عروض الآخرين لكى تأمن عروضكم! أرجو من صاحب البوست أن يطلب حذفه وأن يفتّش فى عيب نفسه وأن لا يقوم بنشر صور بنات الناس من مخبئه خارج البلاد ويعرضهن لمثل هذه التعليقات البايخة والتى لا تستطيع صاحبة الصورة الرد عليها.
Post: #56 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-15-2019, 05:21 AM Parent: #55
إذا عملت فوتوسيشن ونشرتها في السوشيال ميديا أكيد عاوزة الناس تشوف وتعلق مافي بت في الدنيا بتزعل لما يقولوا عليها حلوة
Post: #57 Title: Re: الحسناء”التي أشعلت السوشيال ميديا بالسو� Author: دينق عبد الله Date: 11-15-2019, 05:22 AM Parent: #55
الاخ محمد احمد الريح انت الجابك محل المريسۃ شنو ؟؟
Post: #58 Title: Re: الحسناء”التي أشعلت السوشيال ميديا بالسو� Author: زهير عثمان حمد Date: 11-15-2019, 05:36 AM Parent: #55
يا محمد أحمد الريح
يالك من ساذج أنا موجودعلي الواقع ولدي عنوان واضح وأحمل هوية سودانية و يمكنك مقاضاتي في أرجاء العالم الامر الثاني لسنا هنا في المنبر فقط من نشر صورة المرشحة لسابقة لمنصب وزيرالتعليم أقرأ مواقعنا السودانية وبعد أكتب غثاءك هذا الامرالاخر ليس هنالك أي أيحاء جنسي أومايخل بصورةالمرسحةالامركان فيالعام متي نكون أنضف في دواخل وكذلك نفهم ما يكتب بسريرة سليمة قبل أدعاء الاخلاق والشهامة وهي تعلم بكل تفاصيل ما كتب هنا في غاية السعادة يا محمد احمد الريح أرجو ان لاتكتب أو تجاهر بأمرلا تعرف حقيقته وهنالك لائحة لهذا المنبر لا ولن نسلك سلوك الدهماء وأرازل القوم ونحن علي يقين بأن الحق أبلج والسجال ضلال واضح
Post: #59 Title: Re: الحسناء”التي أشعلت السوشيال ميديا بالسو� Author: دفع الله ود الأصيل Date: 11-15-2019, 09:17 AM Parent: #58
♤كان الله بعونك أخوي القابض على جمر البقاء زهير و لا تثريب عليك. و كما سبق و قيل لك سابقاً: تحمَّل ، هي ضريبة الشهرة .كما أننا نقدِّر كذلك لأخينا ود الريح حمِيَّةَ غيرته و هو المأمون على بنات فريقه ، بل وطنه بأسره ؛ و لكن نذكره فقط بأنها ساعة و ساعة. لا بل هي إذا شئتَ هي (فنَّة) في هءا الشتاءٍ القارس.
● شهقة لون و تكية خط: موش عارف ليه في الشتاء بالذات بتلتهب المشاعر. يلا بالله كفاية ؛ موش عاوزين كلام مكانيكية و بنشرجية بتاعين تفوير عجلات . دايرين ناس علم نفس و اجتماع يجو يفتونا. و لحد ما يوصلو ،دي واحدة فارس احلاما في ليبيا يشيل و يكب ليها في الرومانسيات عن شدة البرد و شاعرية الجو هناك. و هي صابرة على ( قِدَّة) لحد ما يوم رسل ليها هدية عبارة عن بطانية إسكيمو بطبقتين. قامت بآخر حراق روك ردت ليه: يا بني آدم افهم ،الدنيا هنا برضو شتاء و جو فول عديل كدا و انا محتاجة( بطانية بشرية)¡¡
Post: #60 Title: Re: الحسناء”التي أشعلت السوشيال ميديا بالسو� Author: دينق عبد الله Date: 11-15-2019, 10:16 AM Parent: #59
في مثل هذا البوست غير الجاد نلتقي بالأحبۃ بعيدا عن الموضوعات التي في غالبيتها محبطۃ اتمني من الذين لم يهبهم الله بروح الدعابۃ ان يتعلموا او يبتعدوا عن مثل هذا البوست ؛ حتي لا يعكروا السماحۃ و اللطف الذين نجدهما في مثل هذا البوست
المتداخلون الذين تجابوا مع العنوان بالتعليق ربما يفوقون صاحب التعليق المعترض تعليما و ايمانا(و لله الفضل) لكنهم يمرحون في حدود المعقول
ببساطۃ لأن نفوسنا شفافۃ
----------------- نسخۃ copy في بريد عوض الجاز و علي عثمان و كل الوجوه المكشرۃ
Post: #61 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-15-2019, 10:33 AM Parent: #59
Quote: يا ناس إختشوا !!
اختشي إنت الدخلت بوست اسمه الحسناء التي أشعلت السوشيال ميديا أي زول فتح البوست دة داخل عشان يشوف الحسناء دي جني وجن إمام المسجد البدخل الإنداية عشان ينصح السكارى
Quote: لو واحد فيكم كانت هذه صورة أخته او زوجته وحدثت مثل هذه الإيحاءات التافهة لقلب الدنيا!
كلامك دة تقولوا لإخوانها هي أنا لو اختي عملت جلسة تصوير ونشرتها في الفيسبوك ممكن ألومها لكن ما ممكن ألوم المعجبين والمعلقين لأنه دي طبيعة السوشيال ميديا بلوم اختي لكن ما بلوم بنات الناس لأنه بيئتي ليست الأصل زي ما في بيئات محافظة وبتخاف على البنات من عيون الناس في بيئات بترى حرية بناتها من التحضر وانا ما بفرض ثقافة بيئتي على كل السودان .. احترام التنوع دي حاجة أساسية في أي انسان متعلم ومنفتح على العالم فيا خوي عليك ببناتك ودع بنات الناس لست عليهم برقيب ولست والد الجميع
Quote: اتركوا التحدث فى عروض الآخرين لكى تأمن عروضكم!
جيب لي واااااحد بس اتكلم في عرض البت دي أو شرفها انت براك الخاتي مسألة الأعراض دي في نواياك
Quote: أرجو من صاحب البوست أن يطلب حذفه
عشان هو قاصر راجيك تعلمه الأدب؟ ولا عشان المشاركين كلهم صعاليك؟ قوووول اتحذف البوست تحب نحذف ليك كل المشاركين في البوست ونسميهو منبر سودانيز الاسلامي!
Quote: وأن يفتّش فى عيب نفسه
دة تحقير غريب خلاص يعني أي زول ما بتفق مع رؤيتك في الحياة معناها معيوب وانت الوحيد السليم!
Quote: وأن لا يقوم بنشر صور بنات الناس
عشان صورة البت عيب تتنشر! يعني العضوات الناشرات صورهم في البروفايل ديل كلهن قليلات أدب! بالله لسة في ناس شايفين المرأة عورة مفروض ندسها جوة البيت!
Quote: والتى لا تستطيع صاحبة الصورة الرد عليها.
نعلمك للزمن في صندوق مشاركات لقراء الفيسبوك تحت تستطيع من خلاله صاحبة الصورة الرد والتعليق عادي فااااا شوف ليك حنك تاني
نهايته هذه الصورة لم تلتقط خفية ولم نتعدّ على البنت في بطن بيتها ولم نتحدث عن خصوصياتها أو أخلاقها دي اسمها جلسة تصوير فوتوسيشن لو ما بتعرفها أقرأ عنها ولما تنشرها صاحبة الجلسة نفسها يبقى بتعرض صورها للمعجبين والمعلقين احترم حريتها في التصرف في نفسها واحترم حريات الأعضاء في التعليق على ما يرونه مناسباً ولا تنصبك نفسك واعظاً مؤدباً فلسنا قصّر ولا نحتاج نصائحك
Post: #62 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-15-2019, 10:38 AM Parent: #61
من الآااااخر كدة السادة جمهور الوعّاظ انتو دخلتوا عشان تكشّفوا كشفوا بهدوء واطلعوا وتاكوا الباب براحة براحة مافي زول شايفكم :) ما ممكن بعد ما مليت عينك واتفرجت كويس تجي تقول يا مؤمنين غضوا البصر!
Post: #63 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-15-2019, 11:15 AM Parent: #62
Quote: يا ناس إختشوا !!
قوم لف ... اتا ما اختشيت مالك قبل ما تجي داخل هنا ... ما إنتا عارف في شنو داخل البوست ... ولا بعد ما شبعت شوف قتا اعمل فيها سيدنا عيسي ... قوم لف تاني ... قال وزير دفاع ... علي الحلال غفير دفاع ما تنفع ...
جيمي ... هههههههه أااااااي يعني ... ((حتي غير أولي الإربة)) ... وبراك شايف ...
Post: #64 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-15-2019, 11:29 AM Parent: #63
Quote: في مثل هذا البوست غير الجاد نلتقي بالأحبۃ بعيدا عن الموضوعات التي في غالبيتها محبطۃ اتمني من الذين لم يهبهم الله بروح الدعابۃ ان يتعلموا او يبتعدوا عن مثل هذا البوست ؛ حتي لا يعكروا السماحۃ و اللطف الذين نجدهما في مثل هذا البوست
المتداخلون الذين تجابوا مع العنوان بالتعليق ربما يفوقون صاحب التعليق المعترض تعليما و ايمانا(و لله الفضل) لكنهم يمرحون في حدود المعقول
ببساطۃ لأن نفوسنا شفافۃ
يا سلام عليك يا دينق عبدالله .... هو كدا بالظبط ... CC :- العايزين يعلمونا دين وأخلاق الكيزان ... اللسان الطويل في المنابر ويذبحون الفضيلة في نهار رمضان ...
Post: #65 Title: Re: الحسناء”التي أشعلت السوشيال ميديا بالسو� Author: جمال ود القوز Date: 11-15-2019, 11:42 AM Parent: #64
Quote: جيمي ... هههههههه أااااااي يعني ... ((حتي غير أولي الإربة)) ... وبراك شايف ...
النوعين مصنقرين في البوست يا أبو صلاح .. تختار لامن تحتار .. هههه .. ــــــــــــــــــــــــــــــــــــــــــــــــ
يا أبو حميد بقيت من رعاة البوست وسكانه الرسميين .. هههه .. غايتو الفيك اتعرفت كان انت كان ود الزبير ده .. إنتو الدبل كدي عيبوهو لي يا جماعة .. ولا نقوم نضمكم لذوي الغير .. غايتو الدبل يا من الصنف ابو كديس ده .. يا الواحد يمش ياكل باسطة ويتم الباقي خيال ..
Post: #66 Title: Re: الحسناء”التي أشعلت السوشيال ميديا بالسو� Author: جمال ود القوز Date: 11-15-2019, 11:44 AM Parent: #65
غايتو للضمان وكده أنا شايل سفنجاتي ومارق من بوستكم البجيب الكندشة ده ..... نأنو شنو حامد بريمة ممكن يكبس في أي لحظة وكده .. ودعناكم الله ياجماعة ..
Post: #67 Title: Re: الحسناء”التي أشعلت السوشيال ميديا بالسو� Author: Ahmed Yassin Date: 11-15-2019, 11:59 AM Parent: #66
إتوا ..ذوي الإربة يعني شنو
Post: #68 Title: Re: الحسناء”التي أشعلت السوشيال ميديا بالسو� Author: دينق عبد الله Date: 11-15-2019, 12:09 PM Parent: #67
في داعي للميلان ؟؟
-------------------- توقيع دينق عبدالله عضو جمعية الشوافين السودانيين
هسي دي لو فرضنا حسناء العلم دخلت الفصل دا ...بقيادة صلاح زبير ورهطه جماعة الدفرنشات وهم في اخر الفصل صلاح زبير محمد الشيخ ( دفرنش) جمال ودالقوز ( الاربة) حافظ بشير(إنبت اوت بت) muntasir (فالكاو) جماعة الاشتعال والحرائق: عمر ابوعاقلة ( الفتيل ) الحاج حمد (الاشعال) عماد الطيب( ابوالجاز) جلالدونا (حريق البستم) جماعة الدفع الثنائي: نادر الفضلي (كفرات ) وليد محمود (سرعات) اسامة ميرغني(خلفيات) ترهاقا ( ليلى علوي) ياسر العيلفون ( الاصفر) جماعة السوائل: دينق عبدالله( المريسة) اسماعيل عبدالله (التشحيم) عاصم علي (مؤهلات ) اسامة صديق ( المراتب) احمد محمد عمر (الكشف) جماعة الترطيب: دفع الله ودالاصيل( تخصص) قسم الفضيل ( معلقات)
Post: #69 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-15-2019, 12:25 PM Parent: #66
ندبل بي واحدة ليه والخير بااااااااسط بالنسبة للعملي بتكفينا ويحيدتنا دي لكن النظري سلك سلك قدر الله ما خلق نبحث عن الجمال أينما وجد ونعمل ليه مؤتمرات .. نان هو الجمال بعرضوهو لي منو! ماا لينا نحن انت قايل شنو :)
Post: #71 Title: Re: الحسناء”التي أشعلت السوشيال ميديا بالسو� Author: صباح حسين طه Date: 11-15-2019, 01:13 PM Parent: #69
تسلم البطن الجابتك يا أخونا ووالدنا محمد أحمد الريح وكفى إبتذال المرأة ثقافة قبل كل شيء لكنها ثقافة الشعوب المتخلفة
Post: #72 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-15-2019, 02:06 PM Parent: #71
نحن قوم يا حبيبي قد خلقنا للجمال إن أجاد الله في الخلق أجدنا في المقال
Quote: في المجتمعات الغربية المتحضرة (مع تحفظي على هذا التحضر) تتحسر المرأة على انوثتها بعد ان حولتها الحياة الحديثة التكنولوجية الى ماكنة جنس رخيص وفي اغلب الاحيان يكون مجاناً وبعد حين تكون شبه امرأة ولا تجد ما يُبقيها على قيد انوثتها... ولن احتاج الى امثلة بوجود العم (قوقل) ووجود العم (يوتيوب) ناهيك عن التلفزيون ما يقدمه لنا من دعر ديموقراطي وتعري حضاري لدرجة ان الاعلان عن اي بضاعة جديدة وان كانت اطارات السيارات بالتاكيد يحتاج الى عاريتين او اكثر بحسب رخص المرأة في ذلك المجتمع.
هوي يا أحمد ياسين إنبت اوت بت دي حقت المهندسين وأنا قلت يختونا بمكناتهم ودفرنشياتهم. 😂
الأخ محمد أحمد الريح تحياتي
Quote: اتركوا التحدث فى عروض الآخرين
اولاً نثبت أنه ما من احد هنا في هذا الوست قد تحدث عن عرض الآخرين لا من قريب ولا من بعيد. ثانياً أغلب المتداخلين او كلهم لم تجذبه الصورة بقدر ما جذبته اللعة المرحة* المستخدمة في البوست. ثالثاً أتفهم أن يثير البوست بعضاً من إستياءك بسبب النزعة الوصفية لجسد المرأة في البوست من ناحية محتوى إبداعي وليس من ناحية أخلاقية.
أمس فتحت بوست النصري عن خدر وبديت اسمع زهرة السوسن, وواصلت سمعها في العربية وكان معي بعض اقاربي وقريباتي. وبعد زهرة السوسن شغلت اغنية في الخوجلاب يا قلبي وطارق ابو عبيدة ابدع في أداءها مما جعلني اردد معه ولكن عندما وصل إلى "برزن نهودها وعامن في الفضاء مجاهدين وعـلي هـلاك العاشق ديمه مجتهدين" توقفت عن الترديد معه وأحسست ببعض الحرج. هل تعلم يا عزيزي محمد أحمد أحمد الريح أن الشاعر صالح عبد السيد المعروف بأبو صلاح كان قد نظم هذه القصيدة في إمرأة معروفة في الخوجلاب وقد قرأت قبل فترة لقاء في إحدى الصحف مع واحد من أحفادها. الأمثلة كثيرة في أغاني الحقيبة والتي بالتأكيد مرت عليك دون أن تحرك فيك أي شعور بإنتهاك خصوصية الموصوفة. وفي غير الحقيبة تغنى صاحب الربابة "حر الفونج مرق طالب الدبيبة قميصه للتراب حاقبله عيبه خشم تهجة شبيه لبن الكشيبه كفل من تورتو وفي ود دليبه
صب مطر الصعيد وصاح المغرد خفيف القلب من الكركاع بعرد خشم تهجة على الكنداب مجرد مريسة فيتريت وورد أم برد" وتهجة إمرأة معروفة في زمانها ومؤكد أيضاً أن سعاد التي بانت هيفاء مقبلة عجزاء مدبرة كانت أيضاً إمرأة معروفة والأمثلة كثيرة. لقصائد شعر او نصوص تتحدث عن جمال إمرأة معينة دون المساس بشرفها وعرضها.
من ناحية محتوى إبداعي، الناس ممكن تختلف حسب تذوقها لكن في رأيي أنا الخاص تتناول جسد المرأة بشكل مباشر لم يعد عمل أدبي إبداعي جاد. اللهم إلا إذا أعتبرنا مكنكة الجمال عمل فني. والأدب الحديث صار أكثر إبداعية في التعبير عن علاقات الناس وتفاعلاتهم مع ما حولهم من مؤثرات. لذلك أتفق معك في إنو البوست فقير من ناحية موضوع ومحتوى أدبي إبداعي ولكنه ثر وغني جداً من ناحية ونسية وضحكنجية.
________ * يلا يا باشمهندسين صلاح زبير ومحمد الشيخ تعالوا شيل دبرياشاتكم وبوبيناتكم وأدوني سفنجاتي خلوني إتخارج مع ود القوز.
يا جماعة والله انا جاد جدا وبسال عن المؤهلات العلمية والعملية التي تمتلكها هذه الشابة اليافعة ( لو خلطت يا ود الزبير شابة مع يا فعة بتطلع ليك شافعة . اوعك تخلط) كم تجربتها لتكون على رأس اخطر وزارة في الحكومة؟ جاوبوني
جيمي يا ود القوز ... ياخي صاحبي احمد ياسين دا منتظرك ترد عليهو من صلاة الجمعة علي البتاعه الجبتها دي ... هنا كل زول مسؤول من البضاعة القاعد يجيبا .. هسع شوف المصيبة الأنا واقع فيها بي سبب سؤال بريء في لحظة طيش صباحية ... دحين ياخوي رجع سفنجاتك وأدينا شوية ثقافة عن أولى الإربة وما أدراك ....
Quote: جيمي يا ود القوز ... ياخي صاحبي احمد ياسين دا منتظرك ترد عليهو من صلاة الجمعة علي البتاعه الجبتها دي ... هنا كل زول مسؤول من البضاعة القاعد يجيبا .. هسع شوف المصيبة الأنا واقع فيها بي سبب سؤال بريء في لحظة طيش صباحية ... دحين ياخوي رجع سفنجاتك وأدينا شوية ثقافة عن أولى الإربة وما أدراك ....
ههههه يأخ انت صلّحت الفول السادة الانا جبتو .. وأديتو شمار وجبنة وزيت سمسم .. فالأولى ترد على سؤال أحمد ياسين انت ده .. خخخ .. ثم بعدين أحمد ده ما جاء لحوار ولا لسؤال .. دي قشرة موز رماها لينا كلنا فالله يخليك انا قلت ليك أنا شلت سفنجاتي اليوم جمعة وممكن حامد بريمة يجي يشوف الصور .. فما أظن ترضى لي أخوك يتزرزر .. فجاوب بالنيابة عني يا ابوصلاح .. هههههه
ويجي قائل يقول ليك المنبر بقى مسيخ .. أنت بالمناسبة دي أبوحسين وين مختفي .. كان شارك في الباصات الثرو دي .. حاكم هو متخصص في الحاجات الزي دي ..
تاااني شلت سفنجاتي ماتكوركوا لي عليكم الله .. حاكم أنا لامن أشوف الصورة ديك .. بتجيني خمة نفس وبنصدم .. وبيصيبني احساس زول اتنشل في المواصلات .. خخخخ .. فما تمسّخوا علينا وحيدتنا دي عليكم الله ...
Post: #79 Title: Re: الحسناء”التي أشعلت السوشيال ميديا بالسو� Author: دينق عبد الله Date: 11-16-2019, 07:37 AM Parent: #78
في ميلان في قعدتها إحتمال المصور كان مستعجل ده لو هي ما قاصدۃ
منتهى الجفاف والتصحُّر والفقر الجمالي. احتمال كبير تكون مشكلة السودان إنه حافي وعريان من أي جمال نسائي. وهذه الأخت المحترمة بنت عادية وأكتر من عادية، وانتو شغالين تتغزلوا فيها وعلى الطريقة العربية الجاهلية: هركولةٌ عطبولةٌ يكاد الخصر ينقطع من الحمل التقيل. انتو الظاهر أظنكم قاعدين في السودان حتى لو كنتو في الخارج. الجوع الجمالي دا واقع مؤكد لأننا وحياة سيدي الحسن كنا في جامعة الخرطوم دي في فترةٍ ما كان كل الطلبة بيعرفوا بت واحدة في مجمع شمبات لأنها الأجمل في كل الجامعة!!!!
الأخت الجبتوا صورتها دي واستبحتوها زي المراهقين ... بنت عندها حياتها الخاصة وعندها أهل ... وما أظنها شخصية عامة حتى الآن. ومن ناحية جمال ... فهي في نظري بنت سودانية عادية للغاية ... ومن مليحات السودان.
أنا عندي رغبة أردم جد يا ود القوز ... أردم الناس ديل عكاز في نص الراس. لكن ذخيريتي ما بتساعدني ... أو يمكن أقوم أرطن عديل بالعربي وما يفهموني المردومين.
الناس دي رايح لها شيء والله. اللهم أكفنا شر المجاعات ... ما ظهر منها وما بطن. ناس جيعانية جوع العدو. استحوا يرحكم الله. واستعينوا على جوعكم بالكتمان. الله لا كسبكم. هسه البنت دي ذنبها شنو؟
يخيل لي مداخلتك دي فيها شوية تناقض فلو إتفقنا معاك في فكرة أن التعليق على الصورة وشكل صاحبة الصورة فيه إنتهاك لخصوصية صاحبة الصورة فسيصبح من الصعب جداً قبول تعليقك على الفقر الجمالي للمتداخلين وتعليقك على مدى جمال صاحبة الصورة وما إذا كانت عادية او لا.
مرحى مرحى يا مولانا. ما في تناقض في كلامي. أنا أرى أن هذه البنت عادية ولا يمكن أن تشعل أي سوشال ميديا إلا يكون رواد السوشال ميديا ناس ضاربها مجاعة. هذه الأخت لا تختلف في شكلها عن بنات بالألوف في منطقني وفي مناطق كتيرة في السودان ... وما حصل أشعلن أي شيء، ولا راكوبة قش. أنا أقول إنها بنت سودانية عادية. والأهم، للجياع، أن هذه البنت ليست شخصية عامة وليست ممثلة ولا عارضة أزياء عشان تقعدوا تتعولقوا وتتفسحوا فيها كدا. أكبروا شوية. لو كانت شخصية عامة، زي أم سفنحات ديك أو زي خالتي وزيرة الخارجية، بنزل معاهم. لكن دي بنت والله ما فينا واحد بيعرفها. لا يوجد أي تناقض في كلامي. بنت زي دي في السودان بتعتبر جميلة طبعاً... لكن جمال عادي مقارنة بالعالم. واخواننا ديل أنا متأكد إنهم عايشين في الخارج. لكن ضارباهم مجاعة أزلية وما قادرين يتخلصوا منها.
فرتيقة ام لبوس في قسمين ..الاول ..ياهو العغوي والظريف والخفيف على القلب .. يعلق على الموضوع .بلطف .وبمشي يشوف شغلتوا ..دا ما تخاف منو التاني ..الممكن يهجم الاول ويوصفو بكل الرزائل الفي الارض وتحت الارض وتبقى الحكاية فريق في الجنة ..وفريق في النار..وهم الاوصياء والحيعلمونا الادب والحياء ويفرض عليك ..ان تعلق بجدية ومافيش هظار ..واوعك اتخيل لو ال( حسناء) دي بقت(حشماء) وجات بي توب ولبستو بى حشمة اللحو او التوب حق عبدالقادر سالم..كل ما قلت اترجى ....نارك تزيد وجة واستعدلت في قعدتا كان الامر اختلف.....لانه هنا الحوار ليس عن جمال الوجه او وصف الغيداء او حتى وصف الخنتيلة المافي مثيلة. نجي للجوع ..اها ..طالما نحن في التوب...نساء كردفان غنن سنة ٨٨ ايام المجاعة الصحي صحي قالن: (توب الكرب ما بيغطي الزيف)..
Post: #88 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-17-2019, 05:45 AM Parent: #82
شينطير ... أو Shinteer إتا يا سيد مش تحدد مشكلتك شنو قبل ما تجي تعمل لينا فيها ضكر بط .. ١ :- هل مشكلتك انو نحنا ما بنعرف نختار الجميلات ومن المفروض نجي ناخد موافقتك وتدينا شهادة عدم ممانعة بفتح البوست بي مقايس الجمال البتختارا لينا إنتا لأننا مصابين بالجفاف والتصحر الجمالي وفقرانين وجحمانين وجيعانين ساي ....
Quote: منتهى الجفاف والتصحُّر والفقر الجمالي
Quote: انتو الظاههر الجوع الجمالي دا واقع مؤكد
Quote: عالم جحمان وجيعان ... من كلّو.
٢ :- ولا مشكلتك إننا كسودانيين حفيانين وعريانين وقاعدين جوا السودان وما عندنا ولا بت واحدة سمحه وبالتالي المفروض ما يكون عندنا أي صلة بالجمال والجميلات ولو تعلقنا بي سيدك الحسن ... ونخلي الحكاية دي ليك إنتا بس ....
Quote: مشكلة السودان إنه حافي وعريان من أي جمال نسائي
Quote: انتو الظاهر أظنكم قاعدين في السودان .. الجوع الجمالي دا واقع مؤكد
٣ :- ولا شايف المتداخلين ديل كولهم شوية مراهقين اتغزلو واستباحو حياة البت الخاصه ... يعني المتداخلين كلهم ما عندهم أخلاق زي أخلاقك ... مرة تقول بت عادية ومرة مليحه ... البت القاعدة مخصوص عشان تتصور وبعد ما تصورت نزلت صورتا في مواقع التواصل الإجتماعي ... تفتكر لييييه ...
Quote: وهذه الأخت المحترمة بنت عادية وأكتر من عادية، وانتو شغالين تتغزلوا فيها
Quote: الأخت الجبتوا صورتها دي واستبحتوها زي المراهقين ... بنت عندها حياتها الخاصة وعندها أهل
Post: #89 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-17-2019, 06:15 AM Parent: #88
شانتير دة شايت في ياتو اتجاه؟ لأنه شايفه بس ماسك رشاش في الشارع ومدور في كل الاتجاهات بما فيهن رجلينو
انت لو قريت البوست قبل تتفرج كان عرفت إنها شخصية عامة كانت مرشحة لوزارة التعليم العالي بحسب البوست وكان عرفت إنه الصورة دي من جلسة تصوير منشورة يعني مافي فرق بينها وبين عرض الأزياء دحين ياخوي انت موش اتفرجت واتفحصت وأجريت مقارناتك كلها مع بنات حلتك والحلال المجاورة؟ اطلع من سكات مافي داعي لقلة الأدب
Post: #90 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-17-2019, 06:25 AM Parent: #89
Quote: * من مليحات السودان * أنا أرى أن هذه البنت عادية ولا يمكن أن تشعل أي سوشال ميديا * لا تختلف في شكلها عن بنات بالألوف في منطقني وفي مناطق كتيرة في السودان ... وما حصل أشعلن أي شيء، ولا راكوبة قش * بنت زي دي في السودان بتعتبر جميلة طبعاً * جمال عادي مقارنة بالعالم
شغال يوصف بي يدينو وكرعينو ويجي يقول ليك الوصافين مراهقين !! الغريبة إنه تعليقاته تكرار لتعليقات المراهقين ديل !
Post: #91 Title: Re: الحسناء”التي أشعلت السوشيال ميديا بالسو� Author: MOHAMMED ELSHEIKH Date: 11-17-2019, 06:44 AM Parent: #90
انا معاك شانتير لم يعرف ان الأستاذة دي شخصية عامة لانها مرشحة لاخطر وزارة في نظري\
عاوز اعرف كيف تم الترشيح لها لهذه الوزارة وهي في عمر ما قبل الخبرات؟
مازلت منتاظر الإجابة
لانو ممكن بعد شوية يجيبوا لينا الفازت في القراية ديك وكيلة لوزارة الثقافة والأعلام
Post: #92 Title: Re: الحسناء”التي أشعلت السوشيال ميديا بالسو� Author: MOHAMMED ELSHEIKH Date: 11-17-2019, 06:44 AM Parent: #90
انا معاك شانتير لم يعرف ان الأستاذة دي شخصية عامة لانها مرشحة لاخطر وزارة في نظري\
عاوز اعرف كيف تم الترشيح لها لهذه الوزارة وهي في عمر ما قبل الخبرات؟
مازلت منتاظر الإجابة
لانو ممكن بعد شوية يجيبوا لينا الفازت في القراية ديك وكيلة لوزارة الثقافة والأعلام
Post: #93 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-17-2019, 06:46 AM Parent: #90
Quote: * تتغزلوا فيها وعلى الطريقة العربية الجاهلية: هركولةٌ عطبولةٌ يكاد الخصر ينقطع من الحمل التقيل.
* واستبحتوها زي المراهقين
انت عندك مشكلة مع الألفاظ المستخدمة في التوصيف باعتبارها خادشة للحياء ياخي دة شعور نبيل أحييك عليه
Quote: أن هذه البنت ليست شخصية عامة وليست ممثلة ولا عارضة أزياء عشان تقعدوا تتعولقوا وتتفسحوا فيها كدا. أكبروا شوية. لو كانت شخصية عامة، زي أم سفنحات ديك أو زي خالتي وزيرة الخارجية، بنزل معاهم. لكن دي بنت والله ما فينا واحد بيعرفها.
طيب دة شنو الخمج بتاعك الهنا دة! يعني انت معترض على الصعلكة لمجرد إنها شخصة ما عامة لكن لو كانت الوزيرة سمية أو وزيرة الخارجية بتجي تستبيحها كمراهق وتقول وتوصف مؤخرتها عادي انت فاهم روحك بتكتب في شنو ولا بتلخ ساي محل تجي تجي؟
Post: #94 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-17-2019, 06:50 AM Parent: #93
Quote: الفازت في القراية ديك
صاحبة أغلى تلجة في التاريخ :) تلجة بنص مليون درهم والله صحي
Post: #95 Title: Re: الحسناء”التي أشعلت السوشيال ميديا بالسو� Author: Ahmed Yassin Date: 11-17-2019, 07:25 AM Parent: #94
الحكاية جابت ليها ...جوع وقلة ادب وقالوا غزل... ؟ ..... ايامي وانا بتغزل ناس الحقيبة كانوا بعملوا اشارة لاسم الحسناء او المليحة بالارقام اىبعة ، ستة وستة ، وتسعة وعشرة، واىبعين .. وتسعة وتسعين زي الجروح السببا شينطير.. الى ان الاسم بقى يدخل في صلب القصيدة او بالاحرى (دفرنش) القصيدة بعدين كانوا بسافروا باللوري السايقو سرور عشان يشوفوا حسناء الرماش والحسناوات كانن بتمنن ان الواحدة يتم تخليدها بى قصيدة لدخول تاريخ الفن ومع الاخفاء الذكي دا ..برضو قالوا عنها(حاول يخفي نفسو) والموضوع يطول ممكن نكتب فيهو بوست كامل الدسم والدهن ونلحقو عشرين صفحة المهم هل نحن وصفنا او جبنا سيرة( القونلة). اللقت مكانها في خارطة الشعر هل دا يعتبر غزل؟ حقو تعملوا ساتر ....لاني لو نقلت ليكم ..ماخفى عنكم في هذا العالم ..حتتعوقوا المهم مرة تانية نحن بنسهر ونسمر لامن ديكنا يصيح
شانتير و محمد سي احمد و ود الريح على حق صلاح الزبير و من والاهو من شاكلة ناس احمد عمر و احمد ياسين و من لف لفهم مثلهم كمثل الديزيل الصغيرونى داكا الاسمو #################### المحطة و فضاء خيالهم الادبي كصحراء العتمور التى تخلو من خضرة المشاعر يعنى مثلا لو كانت المداخلة التانية فى البوست على شاكلة لها كفل يكاد ينهضها اذا قعدت و يقعدها اذا نهضت كان دخلنا فى سجالات من عيون شعر ابدعتها اخيلة فرسان الشعر فصحى و دارجة لكن نعمل شنو مع خريجى ورش التشليح حرفوا لينا البوست
Post: #97 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-17-2019, 07:44 AM Parent: #95
Quote: شانتير لم يعرف ان الأستاذة دي شخصية عامة لانها مرشحة لاخطر وزارة في نظري
دة أول سطر في البوست !! هو لو قام من تحت العربية كان شافه لكن تلقى الواحد ينفض في أبروله المليان زيت وغبار ويقول ليك الميكانيكية ديل أسوأ ناس في الدنيا
Post: #98 Title: Re: الحسناء”التي أشعلت السوشيال ميديا بالسو� Author: دفع الله ود الأصيل Date: 11-17-2019, 08:45 AM Parent: #97
ياخ كلما نصم خشمنا تجو تترترولنا سكر فوق شلاليفنا. عمومن دي رمية خسوسي ليك أحمد ياسين، على غرار ترميزات ناس حقيبة الفن. و تجيني في "حر البليلة" عندي ليك حاجات عن أب داو د و البلابل، و كدي.
▪ فدي واحدة قاعد يجيها رسائل هكر بالوطساب، زي شفرات كدي مكتوب فيها (5 ح) بلَّغت كبسولة الأمن الشامل (حالياً الجنجويد و لجان المقاونة) ؛ بدورم استدعو ناس أمن المعلوماتية. يلا ديل حتهم سجّو و لجُّو فيها ما نقشو فيها و لا طُظ من سبحان الله. قام واحد قاللهم : ياخي نادولكم واحد من السطلنجية ديل الصابنها فوق قيفة البحر . لو المزاج ظابط تمام، ممكن يفكو ليكم الشفرات. أها من جابو وروه ياها قام صرَّ عين و فتح التانية و جر نفس طويل و بعداك قاللهم : غايتو أنا قدرت نقشت ليكم تلات( حاءات ) قالولو : ما قصرتا تب، يلا ألحقنا بيهن و الاتنين الفاضلات الله بحلهن. قاللهم : (ح)بيبتي..أنا (ح) أجي قريب و (ح) أعرسك و نعيش سوا في سبات و سكر نبات..و نخلف صُبيان و بنات. بجاي زولتك البايركس من حيسا قامت تزغرت: يووي؛ و هي ووب عليَّا دا ما (ح)سن(ح)امد و يلا تمت الناقصة و فكت البورة.عالم مصقرطة!!
Post: #99 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-17-2019, 10:14 AM Parent: #98
Quote: الردم بدا يا عمكـ ...
خخخخخخخخخ أي مشكلة وحرابه بين أولاد السجانة والديم تلقي اولاد الحلة الجديدة والقوز هم الشايلين المديدة حرقتني .... شوف دا هسي دودر الزول دا كيف ..
Post: #100 Title: Re: الحسناء”التي أشعلت السوشيال ميديا بالسو� Author: علي عبدالوهاب عثمان Date: 11-17-2019, 10:30 AM Parent: #99
تسلم البطن الجابتك يا أخونا ووالدنا محمد أحمد الريح وكفى إبتذال المرأة ثقافة قبل كل شيء لكنها ثقافة الشعوب المتخلفة
================= هذه مداخلة الاستاذة صباح حسين الكنداكة الوحيدة التي تداخلت في البوست لا بد من الوقوف عند رأيها وإحساسها تجاه اخواتها مع التحية للاحباب ..
Post: #101 Title: Re: الحسناء”التي أشعلت السوشيال ميديا بالسو� Author: محمد البشرى الخضر Date: 11-17-2019, 10:40 AM Parent: #100
النكتة وين! انها ابدا لم تكن مرشّحة للوزارة لا من قريب ولا من بعيد ولا مجال دراستها أو خبرتها حسب ما كتبت له علاقة بالتعليم باي شكل! كل ما في الأمر اصدقاء لها في اطار المزاح واحد نزّل صورتها باعتبارها المرشحة للوزارة ايّام هوجة الترشيحات ومدني و قمر الدولة ومنو ومنو! ومن هناك و عييييك
Quote: النكتة وين! انها ابدا لم تكن مرشّحة للوزارة لا من قريب ولا من بعيد ولا مجال دراستها أو خبرتها حسب ما كتبت له علاقة بالتعليم باي شكل! كل ما في الأمر اصدقاء لها في اطار المزاح واحد نزّل صورتها باعتبارها المرشحة للوزارة ايّام هوجة الترشيحات ومدني و قمر الدولة ومنو ومنو! ومن هناك و عييييك
Quote: خخخخخخخخخ أي مشكلة وحرابه بين أولاد السجانة والديم تلقي اولاد الحلة الجديدة والقوز هم الشايلين المديدة حرقتني .... شوف دا هسي دودر الزول دا كيف ..
الله الله تونجل يأخ .. تونجل عديل كده ... مافي كمان زول يجي يعترض على تغزّلي ده .. حاكم اليومين ديل الأمور مكركبة شوية ..
Post: #109 Title: Re: الحسناء”التي أشعلت السوشيال ميديا بالسو� Author: علي عبدالوهاب عثمان Date: 11-17-2019, 02:23 PM Parent: #105
الحبيب احمد ياسين .. في قراءتي المتواضعة أن شعر الحقيبة كان نتيجة حتمية للكبت الذي حدث أثناء حكم المهدية والهزيمة الساحقة في معركة كرري .. وأحسب أن شعر الحقيبة أعاد نوع من التوازن وايقظ الجمال في دواخلنا ولحمل الناس من الخروج إلى عالم التأمل والجمال والاثارة فكان لا بد من إلايغال في الوصف .. لأن التطرف وعدم التسامح الذي كان سائداً في تلك الفترة لا بد من كنسه وإزالته وهذا لا يأتي إلا بالتطرف الحميد في وصف الجمال وإرجاع الناس إلى دوائر الاحساس حتى لو كان من خلال التابوهات كما كان في الشعر الجاهلي سيف وفخر ووصف الغيد الحسان ولكن الجميل في شعر الحقيبة أن أرجع السيف إلى غمده ووأد الفخر والشوفينية في أزقة أمدرمان ورفع من القيمة الانسانية من خلال الغزل وجعل للجمال قيمة عالية بدون أي عنصرية ( مسيحية يهودية ..ألخ) .. فكان هذا الشعر هو الحل .. وقد جاء هكذا بدون تنظير أو تخطيط أو مخابرات فقط مبادرة من هؤلاء المبدعين الذين عبروا عن دواخلهم المكبوتة .. وهذا عمرو بن كلثوم يلطف ليالي الصحراء وجفاف الأرض وقسوة الاعراب بهذا النموذج من الغزال الحسي : (ومَـأْكَمَةً يَضِيقُ البابُ عَنْها وكَـشْحاً قَدْ جُنِنْتُ بِه جُنونا) وكان أبوصلاح رحمه الله بنفس الاحساس الانساني لدى عمرو بن كلثوم وللخروج من وعثاء الكبت المجتمعي والقسوة التي كانت سائدة فينحو إلى نفس المسار : خدوده اسيلة سناها يبق غيماتو عسيلة كتيفة نزل طاوع ترسيله من الارداف ما لاقي وسيلة خديرة كحيلة ضهيرو ينع غالباهو الحيلة ضمير اهيف صحفاتو نحيلة صدير يرجع وارداف رحيله ثم عدنا إلى القبح مرة أخرى مع العهد البائد أحبابنا ( الكيزان) وبدأنا نفس مرحلة ما قبل كرري .. بترديد أغاني الحماسة التي تدعو إلى القتل والترهيب والفخر الأجوف : سيفك في غضاريف الرجال أروي) ، تمساح الدميرة ، جبل الضرا ... وأسوأ ما سمعته (كمل قماش النصارى ) وضاع تسامح خليل فرح الذي يتغزل في تلك المسيحية ( زي خليج الروم) حتى لم يشبهها ببيئة سودانية بل برمزية ( الروم ) هذا الطائر المقدس لدى الاخوة المسيحيين .. ثلاثون عاماً من ترديد أغاني الحماسة (خالية من الفكر) تماماً هو السبب الذي جاء منه مصطلح الجاهلية (خالي من الفكر والقيم والتسامح ) ========= التحية والشكر لإبنتنا ( صورتها فوق ) لقد كانت السبب في دخولنا إلى عوام أخرى ( شكراً إبنتي إن شاء الله وزيرة في القريب العاجل تستاهلي ومثل هذه الصورة تكسر الحواجز والتابوهات التي رسمها هؤلاء القوم وتم جلد بناتنا من أجل بنطلون أو فستان .. وأنا هنا أقرب الحالة لما كان قبل الحقيبة وما كان قبل صورة الأمورة بنتنا ) نقرأ بهدوء رمزية هذه الصورة بدقة وهي نتيجة الكبت والتطرف ..
الموضوع شائك وطويل .. قراءة زول بدون تخصص فقط خواطر من هنا وهناك .. الموضوع شائك وطويل .. قراءة زول بدون تخصص فقط خواطر من هنا وهناك ..
آسف للاخطاء الاملائية لم أراجع لأنني أحياناً بالمراجعة أشوه الموضوع ليكون حسب الانطباع الأول الصادق ..
Quote: سقط النصيف و لم ترد اسقاطه فتناولته و اتقتنا باليد
هو البيت الذى أهدر فيه النعمان ابن المنذر دم النابغة الذبياني
وما كان للنعمان ليهدر دم النابغة لولا بعض ت############ة من المنخل اليشكري. وفي الحقيقة أن النعمان هو من طلب من النابغة وصف المتجردة والنابغة أخد راحتو في الوصف البيت الذي أهدر فيه النعمان بن المنذر جزء من هذه القصيدة التي بدايتها سقط النصيف والنعمان فرح بالقصيدة وأعجبته وربما أجزل للنابغة بالعطايا. ولكن المنخل اليشكري أتى بعدها وأقنع النعمان بأن وصف النابغة للمتجردة لا يمكن أن يكون مبنياً على القياس بالنظر، وإنما هو وصف من جرب معها التفحيط والتعطيس في ردهات وفي دهاليز قصر السدير وقصر الخورنق. للمنخل اليشكري قصة طويلة ولكن يكفي لقراءة مآرب ت############ته أن نذكر أن النعمان قد وجده مع المتجردة ورجله مقيدة مع رجل المتجردة بقيد واحد.
Post: #111 Title: Re: الحسناء”التي أشعلت السوشيال ميديا بالسو� Author: علي عبدالوهاب عثمان Date: 11-17-2019, 03:53 PM Parent: #110
الكلام مكرر مع قليل من الاضافة :
التحية والشكر لإبنتنا ( صورتها فوق ) لقد كانت السبب في دخولنا إلى عوام أخرى ( شكراً إبنتي إن شاء الله وزيرة في القريب العاجل تستاهلي ومثل هذه الصورة تكسر الحواجز والتابوهات التي رسمها هؤلاء القوم وتم جلد بناتنا من أجل بنطلون أو فستان .. وأنا هنا أقرب الحالة لما كان قبل الحقيبة وما كان قبل صورة الأمورة بنتنا ) نقرأ بهدوء رمزية هذه الصورة بدقة وهي نتيجة الكبت والتطرف .. إضافة لما ورد أعلاه : يا سلام زمان ايام السواقي ما في حاجة إسمها إثارة الانثى لها مهامها وتكون أزياءها حسب المهام يعني لا يمكن أن تلبس (توب أو عباءة ) عشان تحش القش وتنظف محل الابقار .. كنا نحش القش في حوض واحد لاحظ مزارع الذرة القصب العالي .. وأزيدكم كما قليلاً أن البنت كانت تطلع النخلة وعندها لم نكن نفوت من تحتها الصدر وخاصة الرضاعة لم يكن فيه عيب المرأة حتى لو شابة ترضع الطفل عادي تخرج ثديها .. لم يكن هناك فستان طويل معظم الفساتين تحت الركبة بقليل أو فوقها .. حاجة اسمها القونولا .. فقط بحمالتين وضيق عن الخصر عادي جداً تظهر بعض أطراف الصدر أيام الخواضة وعندما المراكب لا تصل إلى البر لا بد للمرأة أن تخوض في المياه وممكن جداً ترفع فستانها إلى حد معين فوق الركبة
ماذا حدث لنا يا جماعة .. يخرب بيت الكيزان ..
========= بالنسبة لزمان هذه الابنة التي في صورة لابسة طويل وفستان مريح كان مكان استغراب.. ربنا يحفظها من كل سوء هذه العاطفة التي أعبر عنها تجاهلتها في البداية أنا كنت متستر عن التعبير عنها خوفاً من أن أتعرض لأي مداخلات ولكن غلبتني العاطفة وعبرت عن الفكرة ..
الله يحفظك يا إبنتي إن شاء الله تكوني وزيرة ما دام هناك ثقة بالنفس وما دام حطمت حواجز الكيزان المفروض تكوني رمزية وأيقونة للخروج من وعثاء تلك الممارسات الغير انسانية
مودتي للجميع .. أعذروا عمكم علي أحياناً بخرج من السياق ..
يا مولانا مطلعها أمن آل مية رائح أم مغتد عجلان ذا زاد وغير مزود ، أنا ما عارفو كتلو في شنو لكن بكون من البيت وإذا لمست لمست ... ولنهاية القصيدة انا ما بفسر وانت ما بتقصر
يا سلاااام... عمك الباحث علي عبدالوهاب وحبايبنا جمال ودالقوز ومنتصر واسامة صديق وحافظ بشير.....
طبعا منتصر رمى قنبلة تاريخية ...وهو عارف انه النعمان كان شين وقصير وعنده كرش.. وزوجته (المتجردة) كانت اية في الجمال والحسن وكانت طويلة ويقال انها كانت اجمل نساء الارض اها عمك النابغة يوم جاء تووووش داخل ولقاها ..بالمنظر دا النص حقها واقع ... فقامت استترت واتغطت بى يديها.. لاحظ ان الحركة والخلعة بتاخد ثواني بس. لكن عمك الذبياني...مباشرة انشد قصيدته دي
Post: #114 Title: Re: الحسناء”التي أشعلت السوشيال ميديا بالسو� Author: MOHAMMED ELSHEIKH Date: 11-18-2019, 07:06 AM Parent: #113
Quote: ما يطلع بيهو في العلالي الا ابن البادية او وردي
أحمد يس
لاحظ انك بتستخدم الفعل المضارع مع المراحيم ديل
Post: #115 Title: Re: الحسناء”التي أشعلت السوشيال ميديا بالسو� Author: عمر أبوعاقلة Date: 11-18-2019, 07:26 AM Parent: #114
يا حافظ تحياتي يعني خلاص نعتمد القياس بالنظر كأحد معايير المقايسة ؟
Quote: وصف النابغة للمتجردة لا يمكن أن يكون مبنياً على القياس بالنظر
ياخ نحن حمدنا الله انه البوست مشى في اتجاه الأدب الرفيع والمعلقات .... ألخ فما ترجعونا تاني للمربع الأول .. باقي الدنيا في الصفحة الأولى للبوست مكركبة
أوافقك أن النعمان لم يكن ليهدر دم النابغة لولا تيقنه أن النابغة "شاف حاجات كتيرة" و كمان وصل بيهو الحال انو "هبش" ، أنظر لقوله: فاذا لمست لمست أجثم جاثما متحيزا بمكانه ملء اليد
لن آتي ببقية الأبيات ففيها ما يشي أن الرجل ذهب الي أبعد من ما هو "هبيش"
لو لم ينظم النابغة غير "أمن آل مية رائح أو مغتد" لكفاه
كلكم يالفي البوست دا شكيتكم .... حتى زهير البخت السم في العسل نعمني ياقول ود القوز داخل في البوست دا "سري للغاية" لكن نعمل شنو لي ناس أحمد يس ديل .... خليكم من أدب الحقيبة ومن النعمان بن المنذر الخلى اليشكري لي يومنا هذا "بكانو مو مخبور" وما سمعتو الغنايين في البادية ماخلو وصيف شعر ولا وصيف عيون ولا وصيف البتاعات كلها شوفوا الزول دا شاف شنو: جود ياربي جود بي شوفت المريود جود ياعالم السر والخفي الموجود يامنزل الآيات وسورة هود حبيبتي النسألك دا طبنجي ولا نهود وواحد تاني من أهل بريمة قال يا أم سدراً ركوب القومتو صقرية يا أم خشماً سكيكري إنبلع ليا أما في موضوع الدفرنش يا ............... فقد قيل إن طلقن كراعن منهن منعطلة كفلك حدرك يالمن وسط منفتلة وواحد تاني قال: مايقك عين جدي أو دوف أم لبب في أردافك أوركيك جربان عرد عند الحباب تقول لي شنو وتقول لي منو؟
Post: #119 Title: Re: الحسناء”التي أشعلت السوشيال ميديا بالسو� Author: Ahmed Yassin Date: 11-18-2019, 11:33 AM Parent: #118
بابكر قدور ..العجيب اصلا ما بجي فاضي ايدو دايما مليانة....وكرمه وادبه فياض القعدة اصلا محلوة وحتحلوة زيادة. بكور ود قدور دا حيسوقنا ل (التشبيب) ودا ضرب من ضروب الغزل
Post: #120 Title: Re: الحسناء”التي أشعلت السوشيال ميديا بالسو� Author: Ahmed Yassin Date: 11-18-2019, 11:42 AM Parent: #119
يا هندسة الكهربة ود الشيخ
Quote: لاحظ انك بتستخدم الفعل المضارع مع المراحيم ديل
طبعا بستعمل الفعل المضارع ، اومال حاستعمل المفعول المطلق؟ هم رحلوا ولمن تظل اصواتهم باقية وغناهم باقي..صوت صلاح بن البادية والجابري وخليل اسماعيل وابوداؤد ممكن ان تدرُس.
الحمد لله أن الموضوع تشعّب وفارق الدرب وطلع بدرب الشعر الجاهلي. كدا أحسن. واصلوا في مع اليشكري والعطبولات والهركولات، وبطّلوا استباحة بناتكم من غير الشخصيات العامة. ولو عايزين تستبيحوا كل بنات السودان ... مبروك عليكم. قشة ما تعتّر ليكم.
والعفو إذا كنتم مقتنعين أنكم في الطريق السليم. واصلوا.
في عين تاخدك أخد ودي وفي عين تاخدك أخد رعدي وفي عين تذبح ذبح عادي وفي عين تذبح ذبح سادي وكلها ذباح وكلها سلاح تبي (تبقي) تسلم من الذبحين لا تفتح عين ,,,,,
وفي نهاية الامر، عجبني ردك يا ود الزبير وردود الإخوة اللي كانوا جادين في دفاعهم عن التغزل في بنت سودانية لا إيدها لا راسها (وممكن تكون قريبتي عديل). وكمان ردوا على كلامي دفاعاً عن أنفسهم وعلى كتاباتهم الطفولية المراهقة. الله لا كسبكم. خلاص اعملوا اللي عايزينوا ... واتحملوا العواقب بدون قومة نفَس. كلكم نفسكم قام ... حتى صلاح ود الزبير. تعرف يا صلاح، لو الله وداني السودان ولاقيتك، علي الطلاق إلا أوريك نجوم الضحى في العيلفون ... دا لو العيلفون فيها مريسة صافية (لأني لما أمشي السودان وما ألقى مريسة ، إجازتني بتكون راحت سمبلة). المهم بوريك النجوم في أي جخنون فيه مريسة صافية.
أبقى عافية وأبقى عشرة. وكل الكلام دا ما تاخدوه بقومة نفس ووجع ضهر. المهلة سمحة.
Post: #130 Title: Re: الحسناء”التي أشعلت السوشيال ميديا بالسو� Author: Salah Zubeir Date: 11-19-2019, 06:37 AM Parent: #129
يا Shinteer يا خوي العفو والعافية ... ما عندنا معاك شي شخصي ... ياها عمايل كيبوردك وكيبوردي ... تظل الأخوه هي القاسم المشترك الأعظم في حوش بكري دا شئنا أم أبينا ... سؤال بريء :- عندك صاحبك في فينكس أريزونا إسمو صديق ... بتاعين الريبة يمتنعون ... بقيت شيوعي دي المره التانيه تتقال لي ... المره الأولي قال لي جدي علي ود المدير الله يرحمو ... عندي أخوي شيوعي أصلي مسكتوا ملاريا ٩ شهور نوديهو الدكتور يديهو علاج يبقي كويس يومين تلاته تاني ترجع ليهو ... أها الحكاية استمرت معاهو فترة طويلة جدا فقررو يودوهو لي الفقير العارف بالله جدنا الفكي الفاضل راجل الطندب ... أها انا قمتا بجميع التجهيزات وحجزت الحافلة وكانت القيادة لي جدي علي الذي يمازحني وامازحه كثيرا ... ومن مقعده الجنب السوق وبعد أن ركب الجميع ولم أركب معهم سألني عن سبب عدم ذهابي معهم فقلت له ... يا جدي جني وجن زول يقعد يتفتف فيني وفي النهاية يديني موية سكن (كربون) مخمر يقول لي أشربا ... غايتو ضربت عكاز جدي زغت منها وجاءت في عضمة الكتف جهة الضهر ... ومعاها يا شيوعي يا كلب ...
Post: #131 Title: Re: الحسناء”التي أشعلت السوشيال ميديا بالسو� Author: Biraima M Adam Date: 11-19-2019, 07:34 AM Parent: #130
في الأخير قلبتوا شعر .. شيئ معلقات وشيئ حقيبة وشيئ دوبيت .. وكل زول دموعه سايله .. يا أخوانا أستهدوا .. أنتم فتم الكيزان في مدح "الناهه بت مكناس" وزيرة خاريجة موريتانيا .. الكيزان بكوا فيها لما وصلوا مرحلة النهيب!
ول أبا قدور .. شنو يا حبيب أنت داير توقعنا ولا شنو؟ .. أخوك بتاوق كتامي بتخارج بسترتو!
بريمة
Post: #132 Title: Re: الحسناء”التي أشعلت السوشيال ميديا بالسو� Author: أحمد محمد عمر Date: 11-19-2019, 08:05 AM Parent: #131
Quote: ابن البادية عنده طلعتين جويتين في سال من شعرها الدهب بسرعة (٧) ماخ....دي البقدر عليها منو هسي؟
ياخي أنا كل مرة بسمع الأغنية دي مخصووووص عشان فنن لا ولا فنن
ول أبا بريمة بلل .... شوف ليك حلل .... إنت اتورطت بالفعل ....
Post: #134 Title: Re: الحسناء”التي أشعلت السوشيال ميديا بالسو� Author: عماد الدين الطيب عمر Date: 11-19-2019, 02:13 PM Parent: #98
كتب ود الاصيل: فدي واحدة قاعد يجيها رسائل هكر بالوطساب، زي شفرات كدي مكتوب فيها (5 ح) بلَّغت كبسولة الأمن الشامل (حالياً الجنجويد و لجان المقاونة) ؛ بدورم استدعو ناس أمن المعلوماتية. يلا ديل حتهم سجّو و لجُّو فيها ما نقشو فيها و لا طُظ من سبحان الله. قام واحد قاللهم : ياخي نادولكم واحد من السطلنجية ديل الصابنها فوق قيفة البحر . لو المزاج ظابط تمام، ممكن يفكو ليكم الشفرات. أها من جابو وروه ياها قام صرَّ عين و فتح التانية و جر نفس طويل و بعداك قاللهم : غايتو أنا قدرت نقشت ليكم تلات( حاءات ) قالولو : ما قصرتا تب، يلا ألحقنا بيهن و الاتنين الفاضلات الله بحلهن. قاللهم : (ح)بيبتي..أنا (ح) أجي قريب و (ح) أعرسك و نعيش سوا في سبات و سكر نبات..و نخلف صُبيان و بنات. بجاي زولتك البايركس من حيسا قامت تزغرت: يووي؛ و هي ووب عليَّا دا ما (ح)سن(ح)امد --------------
😂😂😂😂😂😂😂😂😂😂 تلقاك جابوك انت ااااا المطموس الله يجازيك يا ود الاصيل
Quote: يا خوي العفو والعافية ... ما عندنا معاك شي شخصي ...
ود الزبير ود التوم ... يا زول شخصي شنو وما شخصي شنو. أظنك ما عرفتني وأنا قاصد أجهجهك، وما حتعرفني. وحياتك ووحيات والدك أنا بستمتع بردودكم دي "يا الشويعي"، وبقراها وبشوف الناس دي دايرة شنو؟ شنو يعني واحد ما عندو حياء وجاب صورة بنت سودانية ليست شخصية عامة، بنت ناس عندها إخوان وأهل وما حصل شغلت وظيفة عامة ولا حتى مرشحة لأي وظيفة زي دي ... والناس قعدت تتغزل فيها؟ البساط أحمدي ... بس داير أعرف آخرها شنو.
يا أيها الصلاح ود عمي الزبير ود التوم ... أنا من أولياء الله الصالحين .... راكب مع الشيخ باسبار فوق سرج واحد. تقوم تعمل كاني ماني ... بديك في التقيل، وأخليك تهضرب أكان ما أخاف الله فيك. أها أكان داير تلاقي واحد من نوعنا دا ... أوصيك برفاعة ... وبالشيخ عمرين تحديداً. أبقى عليه، حتى لو بزق أو اتنخّم ليك في خشمك. اصطغروللاهي. تحياتي لك وللعيال. وما تبقى شويعي. أبعد لينا من الشويعيين ديل وبعداك الأمور بتتصلح.
أبقى عافية
Post: #136 Title: Re: الحسناء”التي أشعلت السوشيال ميديا بالسو� Author: سلمى عبد العزيز Date: 11-25-2019, 08:46 PM Parent: #1
هو التحرش ده كيفنه؟ عيب كبير ما ورد في هذا البوست.
البوست دا كل يوم أتمنى إنه يغطس غطسة ما يقلع منها. بوست مشين حقيقةً يا عزيزنا بابكر ويا أختنا سلمى؛ دحين خلوه يغطس. يبدو إنه صاحبو كتبو بدون أدنى تفكير ولا تشاور مع نفسه. وقد تخلى عنه رواده.
