|
Re: الحسناء”التي أشعلت السوشيال ميديا بالسو� (Re: Salah Zubeir)
|
Quote: لدفرنش ، الدبرياش ، البوبينا |
الدفرنش : مجموعة التروس التفاضلية وتجدها في السيارات الكبيرة للتعامل مع السرعات المختلفة للكفرين الخلفين عند اللفة . الدبرياش : مجموعة طارة الكلتش واخواتها التي تفصل المحرك عن المجموعة المتحركة عند تغيير السرعات. البوبينة : علبة توزيع النبضات الكهربائية علي أسطوانات الأحتراق في محركات البنزين.
طبعا الاعلاقة واضحة بين اسئلتك وموضوع زوزو
أي سؤال اخر؟
طبعا أي مساعد حلة بكون عارف الابجديات دي . انت كنت وين؟
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: MOHAMMED ELSHEIKH)
|
هههههههههه حبيبنا ود الشيخ
Quote: طبعا العلاقة واضحة بين اسئلتك وموضوع زوزو |
الظنون والافترا ... دي غنيه لطلال الساته .. هههههه اقسمبلاي تعريفاتك دي مافي ميكانيكي سوداني امو بت عم ابوهو بيعرفا ليك ... ههههه تروس تفاضلية ... كفرين خلفيين ... نبضات كهربائية ... اسطوانات الإحتراق ... هههههههه ....
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: الحاج حمد الحاج)
|
تحياتي للكل ما عارف العاجبكم في الزولة شنو؟
زمان لما كنا في الغربة ، أول ما تشوف كل النسوان الفي الصور كلهن سمحات من طرف طوالي تعرف نفسك محتاج اجازة تنزل السودان. الزولة عادية شديد و أوفرسايز كمان، للجماعة المكسرين ساكت ديل اتذكروا أنو المرتبة العالية دايما بتهبد بي سرعة و بعد داك لو نمت فيها بتسوى ليك وجع ضهر، أنا طبعا بقصد المرتبة ما تمشوا بي تفكيركم بعيد.....
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Osama Siddig)
|
Quote: عجبتني ردود محمد الشيخ .. جادي فيها |
عارف يا ابوعاقلة انا عارف انو عارف الحاجات كووولها وعارف انو عارفني انو عارف اني عارف
عشان كدى جبتها ليهو على بلاطة عشان ما يتلولو وانا والله قاصد وما قاصد
لاني عارفو بتاع لولوة
يعني كان ممكن اختصروا ليك في حنانو أقول ليه :" ارجع لنكتة البوبينا و المسطول" بس انت عارفني انا زول بريء وكدا
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: جلالدونا)
|
Quote: Quote: اÙدÙرÙØ´ Ø Ø§ÙدبرÙاش Ø Ø§ÙبÙبÙÙاÙÙعتذر ÙÙأخ زÙÙر ÙØر٠بÙستÙÙÙ Ù
ÙدÙ
ا ... |
غاÙت٠Ùا صÙØ§Ø Ù
ا Ùض٠ÙÙ٠اÙا تسأ٠ع٠غرÙØ© اÙØرÙÙ |
ياجلالونا
أسمهاغرفة الاحتراق
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: زهير عثمان حمد)
|
الدفرنش : مجموعة التروس التفاضلية وتجدها في السيارات الكبيرة للتعامل مع السرعات المختلفة للكفرين الخلفين عند اللفة
دا صلب الموضوع زاتو ومرتكز على خلفية قاعدة معايير بينة بإجماع الخبراء
الخبراء ديل معايرهم إستعصت على وحيرت ليلى علوى كيف لقبوا عربيه بإسمها وليس غزالة .. ولكل دفرنش مقال
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: عماد الدين الطيب عمر)
|
هههههه يا منتصر رافع يدي لي الله ربنا يجمعك بيها في الدنيا دي ٥ دقائق بس ومنها نلقاك مربط في خلوة راجل كدباس ...
Quote: وكلها دفرنشيات يا ود الزبير |
قتا كدا يا اسامه ... ههههه المنطقة تعج بالمتربصين ...
Quote: عجبتني ردود محمد الشيخ .. جادي فيها |
جدية ود الشيخ دي زي بتاع الانقاذ القال دخل الفرد ١٨٠٠ دولار ... يا ود الأصيل اوسكارك قبلنا لكن اقول ليك حاجه من زمان واقفا لي في حلقي ... أنا انعقدت عديييل من بوستاتك ... ياخي بتحسسني إني شهادة عربية ولا IGCSE ياخي تبدا كلامك طيب وبنعرفو تقوم فجأة" تلف زي سواق الرقشة وتجيب لينا كلام الحطيئة وابن الرومي ... هسي انا افهم كلامك دا كيف ... Quote: يلا، دفقة لون و تكية خط: •حكاية "يا عشما في ودكة من دفرنش النملة، ترا حرمت عليك الرشوشة"
|
Quote: فيما عدا القالو صلاح .. |
عاين نوع دا ... يا أحمد محمد عمر إتا بتقول لي محمد سيد احمد دا يا زول امشي افتح بلاغك بتاع الريبة دا وانا جاهز للحليفة حتي لو فوق الليقيريط ولا سيدي الحسن زاتو ... أبشر بالخير ياسر العيلفون وربنا يقدرك .. الحاج ود عمنا حمد الحاج ... تكفيني البراءة التي ذكرتها ...
Quote: المرتبة العالية دايما بتهبد بي سرعة |
ههههه يا أسامه صديق دي مرتبة قطن قنطارو بي ٢٠ جنيه ... تعال نديك مرتبة عالية ضمان ١٠ سنة لا بتهبد لا بتتكرمش ... الله يقدرك علي الاستلقاء وما يودوك سنار ...
Quote: سؤالي يا صلاح زبير إنت كيفن عرفتها بنزين؟ |
يا مولانا ... قست المسافة بين الركبه وآخر قطعة لحم بعد المخروقه ... لا لقيتا جاز ولا بنزين ... غاز بس ... والبوبينا digital contact ...
Quote: و يا ريت لو سألت لينا برضو صفيحة الجاز بي كم و البابور اللستر كمان |
يا عماد ياخي الموضوع دا 4HD ... إتا ما وقع في عينك البرزنتيشن بتاع البنيه التحتيه ... حكاية جاز وبابور دي عملو ليها رايت اوف ...
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Osman Awoda)
|
يا زهير التخصصية مطلوبة فما تغالط ساكت فى مكنات الجاز اسمها غرفة الحريق هو اصلا الشغلة الديناميكية كالاتى غرفة حريق فيها بستم شغلتو طالع نازل مع الضغط و شهقة الهوا و رشة الجاز بيتولد الحريق لهب احمر عديل كده و اللهب ياهو الحريق اما الاحتراق ده حراق روح ساكت لو بلوتين واحد بس طفا الا يدوروها بى لزّة و ناس اللزة بعد يلزوك بيقول ليك واحد فيهم يا عم ممكن توصلنى معاك قدام شوية ينفع كده يا زهير
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Osman Awoda)
|
Quote: ياريت يا ود الزبير تشرح للقارئ الكريم ومشعلي الحرائق معايير القياس التي تم استخدامها |
I used the latest simulation software وفي الحالة دي لازم تكون من ملكة الخيال المبدع ... شوفتا كيف الشغالانيه ما ساهله ... تقول لي برضو قياس بالنظر ...
زكرتني البتاني بتفرج في الخواجيات بسبحن في الشاطيء مقابل الخالدية البتاني متفرجخ ويشيل ويتفرج ويردم في الرملة قدامو زي البدفن في مصيبة .. أها جات الدورية ونزل منها البوليس ويشخط في البتاني .. يقوم البتاني واقف علي حيلو ويقوم معاهو كوم الرمله متر قدامو زي التقول شايل ليهو دبيب ... ركز معانا ياخي .. عارفك بتعاين فوق وتكتب ... هن ٥ كلمات دايرات تعديل .. ههههه
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: زهير عثمان حمد)
|
Quote: الدفرنش : مجموعة التروس التفاضلية وتجدها في السيارات الكبيرة للتعامل مع السرعات المختلفة للكفرين الخلفين عند اللفة . الدبرياش : مجموعة طارة الكلتش واخواتها التي تفصل المحرك عن المجموعة المتحركة عند تغيير السرعات. البوبينة : علبة توزيع النبضات الكهربائية علي أسطوانات الأحتراق في محركات البنزين. |
ا يا ود الشيخ ، عرفناك مهندس ، كمان طلعت ميكانيكي سيارات ليلى علوي؟
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Hafiz Bashir)
|
Quote: تعليقات مليئة بالايحاءات |
تحياتي محمد سيد احمد... يا محمد ياخوي دا تزمت أوفر دوس ... يعني إنتا شايف كل يوم عندنا بوست قاعدين نعلق فيهو بي إيحاءات .. ماهي بتجي فنا في الدهر والناس بتحاول تفك رقبتا شويه ... ياخي آخر بوست بتاع ايحاءات بذكرو عملو اب سن أيام عرس الليبرالية مع الكوز ... بعدين الإيحاءات بت الناس دي خليها ... الموقع ملغم بي إعلانات وإعلان عن سايتات بي صورا تودي جهنم عديييل ... يعني بقت علي الإيحاءات بتاعت منتصر دي بس ....
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: زهير عثمان حمد)
|
Quote: يا ود الشيخ ، عرفناك مهندس ، كمان طلعت ميكانيكي سيارات ليلى علوي؟ |
يا ترهاقا المعايش جبارة .
الليلى علوي الموديلات الجديدة بقت اسمها على ما أظن أوباما ماعارف الشبه شنو ؟ جماعتنا ديل بسمو على كيفهم لانو ما استعانو بخبير رباطابي .
احمد ياسين
Quote: اولا بالتبادي ود الشيخ ..بتاع كهربة عامة الوداهو للكفرين الخلفيين شنو؟ |
شرحو .
الليلة الفنانين اتلموا فوقي (مسكين أنااااااااو)
ومعاهم "كيكة"
مولانا
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
Quote: متوقع الناس تكون بتناقش في شهادة ماجستيرها يعني! |
ولما لا يا أبو حميد؟ موش مرشحة لمنصب وزاري في حكومة كفاءات؟ لازم الناس تناقش كفاءتها.
هسه يجيك واحد باشمهندس ويشبكك كفاءة المكنة والويرك اوتبت والويرك انبت. نحن لو ختينا المهندسين ديل عوجة ما بتجينا😂
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Hafiz Bashir)
|
لله درُّك صديقي و توءم روحي زهير عثمان حمد و أنت تُبث في روعي شيئاً مما جرى به لسان حال ذاك الميمونٍ الأعشى (و لكنه طالع تفتيحة ؛ و موش عارف لوكان مفتح كويس كان سوَّ شنو) ؛ حين قال بوداع هريرته( البلهاء): يُسمع للحُلي وِشواشُ إذا انصرفت كما استبانبريحٍ عشرق زجِلُ. العشرق: شجيرة مقدار ذراع لها أكمامفيها حب صغار، غا جفت فمرت بها الريح تحرك الحب. فشبهصوت الحُلي بخشخشته زت النسيم .كدليل على هفة خلة ظلها.♤ وليست كمن يكره الجيران طلعتها ولا تراها لسر الجار تختتل) تختتلُ ، أي لا تفعل ذلك للتلصُّص أو التنصُّت لعورات الجيرتن.
♤ و يكاد يصرعها لولا تشددها، إذا تقوم إلى جاراتها الكسل: يقول: لولا إنها تتحامل إذا قامت لسقطت، و (إذا) في موضع نصب ، والعامل فيه (يصرعُها). وروى أبو عبيدة: إذا تلاعب قرنا ساعة فترت..و ارتجَّ منها ذنوب المتن و الكفل) ذنوب المتن: العجيزة (ياهو زاتو دفرنش ود الزبير مع البُمبة و الرفارف ).
♤ صفر الوشاح، و ملء الدرع، بهكنة إذا تأتى يكاد الخصر ينخزل:صفر الوشاح: يعني الزولة دي خميصة البطن دقيقة الخصر ؛ كأنهامنزوعة الحشا (Zer-fat) فوشاحها يقلق عنها فهي مليئة الدرع كونها فارهة، و البهكنة: كان الله في عون خصرٍ ضيقٍ و مزنوق بين طودين عظيمين(الصدر و الكفل).
(عدل بواسطة دفع الله ود الأصيل on 11-14-2019, 11:06 AM)
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: جمال ود القوز)
|
يا ناس إختشوا !!
لو واحد فيكم كانت هذه صورة أخته او زوجته وحدثت مثل هذه الإيحاءات التافهة لقلب الدنيا! اتركوا التحدث فى عروض الآخرين لكى تأمن عروضكم! أرجو من صاحب البوست أن يطلب حذفه وأن يفتّش فى عيب نفسه وأن لا يقوم بنشر صور بنات الناس من مخبئه خارج البلاد ويعرضهن لمثل هذه التعليقات البايخة والتى لا تستطيع صاحبة الصورة الرد عليها.
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: محمد أحمد الريح)
|
يا محمد أحمد الريح
يالك من ساذج أنا موجودعلي الواقع ولدي عنوان واضح وأحمل هوية سودانية و يمكنك مقاضاتي في أرجاء العالم الامر الثاني لسنا هنا في المنبر فقط من نشر صورة المرشحة لسابقة لمنصب وزيرالتعليم أقرأ مواقعنا السودانية وبعد أكتب غثاءك هذا الامرالاخر ليس هنالك أي أيحاء جنسي أومايخل بصورةالمرسحةالامركان فيالعام متي نكون أنضف في دواخل وكذلك نفهم ما يكتب بسريرة سليمة قبل أدعاء الاخلاق والشهامة وهي تعلم بكل تفاصيل ما كتب هنا في غاية السعادة يا محمد احمد الريح أرجو ان لاتكتب أو تجاهر بأمرلا تعرف حقيقته وهنالك لائحة لهذا المنبر لا ولن نسلك سلوك الدهماء وأرازل القوم ونحن علي يقين بأن الحق أبلج والسجال ضلال واضح
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: دفع الله ود الأصيل)
|
في مثل هذا البوست غير الجاد نلتقي بالأحبۃ بعيدا عن الموضوعات التي في غالبيتها محبطۃ اتمني من الذين لم يهبهم الله بروح الدعابۃ ان يتعلموا او يبتعدوا عن مثل هذا البوست ؛ حتي لا يعكروا السماحۃ و اللطف الذين نجدهما في مثل هذا البوست
المتداخلون الذين تجابوا مع العنوان بالتعليق ربما يفوقون صاحب التعليق المعترض تعليما و ايمانا(و لله الفضل) لكنهم يمرحون في حدود المعقول
ببساطۃ لأن نفوسنا شفافۃ
----------------- نسخۃ copy في بريد عوض الجاز و علي عثمان و كل الوجوه المكشرۃ
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: دفع الله ود الأصيل)
|
اختشي إنت الدخلت بوست اسمه الحسناء التي أشعلت السوشيال ميديا أي زول فتح البوست دة داخل عشان يشوف الحسناء دي جني وجن إمام المسجد البدخل الإنداية عشان ينصح السكارى
Quote: لو واحد فيكم كانت هذه صورة أخته او زوجته وحدثت مثل هذه الإيحاءات التافهة لقلب الدنيا! |
كلامك دة تقولوا لإخوانها هي أنا لو اختي عملت جلسة تصوير ونشرتها في الفيسبوك ممكن ألومها لكن ما ممكن ألوم المعجبين والمعلقين لأنه دي طبيعة السوشيال ميديا بلوم اختي لكن ما بلوم بنات الناس لأنه بيئتي ليست الأصل زي ما في بيئات محافظة وبتخاف على البنات من عيون الناس في بيئات بترى حرية بناتها من التحضر وانا ما بفرض ثقافة بيئتي على كل السودان .. احترام التنوع دي حاجة أساسية في أي انسان متعلم ومنفتح على العالم فيا خوي عليك ببناتك ودع بنات الناس لست عليهم برقيب ولست والد الجميع
Quote: اتركوا التحدث فى عروض الآخرين لكى تأمن عروضكم! |
جيب لي واااااحد بس اتكلم في عرض البت دي أو شرفها انت براك الخاتي مسألة الأعراض دي في نواياك
Quote: أرجو من صاحب البوست أن يطلب حذفه |
عشان هو قاصر راجيك تعلمه الأدب؟ ولا عشان المشاركين كلهم صعاليك؟ قوووول اتحذف البوست تحب نحذف ليك كل المشاركين في البوست ونسميهو منبر سودانيز الاسلامي!
Quote: وأن يفتّش فى عيب نفسه |
دة تحقير غريب خلاص يعني أي زول ما بتفق مع رؤيتك في الحياة معناها معيوب وانت الوحيد السليم!
Quote: وأن لا يقوم بنشر صور بنات الناس |
عشان صورة البت عيب تتنشر! يعني العضوات الناشرات صورهم في البروفايل ديل كلهن قليلات أدب! بالله لسة في ناس شايفين المرأة عورة مفروض ندسها جوة البيت!
Quote: والتى لا تستطيع صاحبة الصورة الرد عليها. |
نعلمك للزمن في صندوق مشاركات لقراء الفيسبوك تحت تستطيع من خلاله صاحبة الصورة الرد والتعليق عادي فااااا شوف ليك حنك تاني
نهايته هذه الصورة لم تلتقط خفية ولم نتعدّ على البنت في بطن بيتها ولم نتحدث عن خصوصياتها أو أخلاقها دي اسمها جلسة تصوير فوتوسيشن لو ما بتعرفها أقرأ عنها ولما تنشرها صاحبة الجلسة نفسها يبقى بتعرض صورها للمعجبين والمعلقين احترم حريتها في التصرف في نفسها واحترم حريات الأعضاء في التعليق على ما يرونه مناسباً ولا تنصبك نفسك واعظاً مؤدباً فلسنا قصّر ولا نحتاج نصائحك
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
قوم لف ... اتا ما اختشيت مالك قبل ما تجي داخل هنا ... ما إنتا عارف في شنو داخل البوست ... ولا بعد ما شبعت شوف قتا اعمل فيها سيدنا عيسي ... قوم لف تاني ... قال وزير دفاع ... علي الحلال غفير دفاع ما تنفع ...
جيمي ... هههههههه أااااااي يعني ... ((حتي غير أولي الإربة)) ... وبراك شايف ...
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Salah Zubeir)
|
Quote: في مثل هذا البوست غير الجاد نلتقي بالأحبۃ بعيدا عن الموضوعات التي في غالبيتها محبطۃ اتمني من الذين لم يهبهم الله بروح الدعابۃ ان يتعلموا او يبتعدوا عن مثل هذا البوست ؛ حتي لا يعكروا السماحۃ و اللطف الذين نجدهما في مثل هذا البوست
المتداخلون الذين تجابوا مع العنوان بالتعليق ربما يفوقون صاحب التعليق المعترض تعليما و ايمانا(و لله الفضل) لكنهم يمرحون في حدود المعقول
ببساطۃ لأن نفوسنا شفافۃ |
يا سلام عليك يا دينق عبدالله .... هو كدا بالظبط ... CC :- العايزين يعلمونا دين وأخلاق الكيزان ... اللسان الطويل في المنابر ويذبحون الفضيلة في نهار رمضان ...
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Salah Zubeir)
|
Quote: جيمي ... هههههههه أااااااي يعني ... ((حتي غير أولي الإربة)) ... وبراك شايف ... |
النوعين مصنقرين في البوست يا أبو صلاح .. تختار لامن تحتار .. هههه .. ــــــــــــــــــــــــــــــــــــــــــــــــ
يا أبو حميد بقيت من رعاة البوست وسكانه الرسميين .. هههه .. غايتو الفيك اتعرفت كان انت كان ود الزبير ده .. إنتو الدبل كدي عيبوهو لي يا جماعة .. ولا نقوم نضمكم لذوي الغير .. غايتو الدبل يا من الصنف ابو كديس ده .. يا الواحد يمش ياكل باسطة ويتم الباقي خيال ..
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: دينق عبد الله)
|
هسي دي لو فرضنا حسناء العلم دخلت الفصل دا ...بقيادة صلاح زبير ورهطه جماعة الدفرنشات وهم في اخر الفصل صلاح زبير محمد الشيخ ( دفرنش) جمال ودالقوز ( الاربة) حافظ بشير(إنبت اوت بت) muntasir (فالكاو) جماعة الاشتعال والحرائق: عمر ابوعاقلة ( الفتيل ) الحاج حمد (الاشعال) عماد الطيب( ابوالجاز) جلالدونا (حريق البستم) جماعة الدفع الثنائي: نادر الفضلي (كفرات ) وليد محمود (سرعات) اسامة ميرغني(خلفيات) ترهاقا ( ليلى علوي) ياسر العيلفون ( الاصفر) جماعة السوائل: دينق عبدالله( المريسة) اسماعيل عبدالله (التشحيم) عاصم علي (مؤهلات ) اسامة صديق ( المراتب) احمد محمد عمر (الكشف) جماعة الترطيب: دفع الله ودالاصيل( تخصص) قسم الفضيل ( معلقات)
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: دفع الله ود الأصيل)
|
إبتذال المرأة في المجتمعات المتحضرة
Quote: في المجتمعات الغربية المتحضرة (مع تحفظي على هذا التحضر) تتحسر المرأة على انوثتها بعد ان حولتها الحياة الحديثة التكنولوجية الى ماكنة جنس رخيص وفي اغلب الاحيان يكون مجاناً وبعد حين تكون شبه امرأة ولا تجد ما يُبقيها على قيد انوثتها... ولن احتاج الى امثلة بوجود العم (قوقل) ووجود العم (يوتيوب) ناهيك عن التلفزيون ما يقدمه لنا من دعر ديموقراطي وتعري حضاري لدرجة ان الاعلان عن اي بضاعة جديدة وان كانت اطارات السيارات بالتاكيد يحتاج الى عاريتين او اكثر بحسب رخص المرأة في ذلك المجتمع. |
منقول بي ضبانتو .....
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Salah Zubeir)
|
هوي يا أحمد ياسين إنبت اوت بت دي حقت المهندسين وأنا قلت يختونا بمكناتهم ودفرنشياتهم. 😂
الأخ محمد أحمد الريح تحياتي
Quote: اتركوا التحدث فى عروض الآخرين |
اولاً نثبت أنه ما من احد هنا في هذا الوست قد تحدث عن عرض الآخرين لا من قريب ولا من بعيد. ثانياً أغلب المتداخلين او كلهم لم تجذبه الصورة بقدر ما جذبته اللعة المرحة* المستخدمة في البوست. ثالثاً أتفهم أن يثير البوست بعضاً من إستياءك بسبب النزعة الوصفية لجسد المرأة في البوست من ناحية محتوى إبداعي وليس من ناحية أخلاقية.
أمس فتحت بوست النصري عن خدر وبديت اسمع زهرة السوسن, وواصلت سمعها في العربية وكان معي بعض اقاربي وقريباتي. وبعد زهرة السوسن شغلت اغنية في الخوجلاب يا قلبي وطارق ابو عبيدة ابدع في أداءها مما جعلني اردد معه ولكن عندما وصل إلى "برزن نهودها وعامن في الفضاء مجاهدين وعـلي هـلاك العاشق ديمه مجتهدين" توقفت عن الترديد معه وأحسست ببعض الحرج. هل تعلم يا عزيزي محمد أحمد أحمد الريح أن الشاعر صالح عبد السيد المعروف بأبو صلاح كان قد نظم هذه القصيدة في إمرأة معروفة في الخوجلاب وقد قرأت قبل فترة لقاء في إحدى الصحف مع واحد من أحفادها. الأمثلة كثيرة في أغاني الحقيبة والتي بالتأكيد مرت عليك دون أن تحرك فيك أي شعور بإنتهاك خصوصية الموصوفة. وفي غير الحقيبة تغنى صاحب الربابة "حر الفونج مرق طالب الدبيبة قميصه للتراب حاقبله عيبه خشم تهجة شبيه لبن الكشيبه كفل من تورتو وفي ود دليبه
صب مطر الصعيد وصاح المغرد خفيف القلب من الكركاع بعرد خشم تهجة على الكنداب مجرد مريسة فيتريت وورد أم برد" وتهجة إمرأة معروفة في زمانها ومؤكد أيضاً أن سعاد التي بانت هيفاء مقبلة عجزاء مدبرة كانت أيضاً إمرأة معروفة والأمثلة كثيرة. لقصائد شعر او نصوص تتحدث عن جمال إمرأة معينة دون المساس بشرفها وعرضها.
من ناحية محتوى إبداعي، الناس ممكن تختلف حسب تذوقها لكن في رأيي أنا الخاص تتناول جسد المرأة بشكل مباشر لم يعد عمل أدبي إبداعي جاد. اللهم إلا إذا أعتبرنا مكنكة الجمال عمل فني. والأدب الحديث صار أكثر إبداعية في التعبير عن علاقات الناس وتفاعلاتهم مع ما حولهم من مؤثرات. لذلك أتفق معك في إنو البوست فقير من ناحية موضوع ومحتوى أدبي إبداعي ولكنه ثر وغني جداً من ناحية ونسية وضحكنجية.
________ * يلا يا باشمهندسين صلاح زبير ومحمد الشيخ تعالوا شيل دبرياشاتكم وبوبيناتكم وأدوني سفنجاتي خلوني إتخارج مع ود القوز.
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Hafiz Bashir)
|
يا جماعة والله انا جاد جدا وبسال عن المؤهلات العلمية والعملية التي تمتلكها هذه الشابة اليافعة ( لو خلطت يا ود الزبير شابة مع يا فعة بتطلع ليك شافعة . اوعك تخلط) كم تجربتها لتكون على رأس اخطر وزارة في الحكومة؟ جاوبوني
وبعدين سوو في البت(سووو) فيه
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: MOHAMMED ELSHEIKH)
|
Quote: إتوا ..ذوي الإربة يعني شنو |
جيمي يا ود القوز ... ياخي صاحبي احمد ياسين دا منتظرك ترد عليهو من صلاة الجمعة علي البتاعه الجبتها دي ... هنا كل زول مسؤول من البضاعة القاعد يجيبا .. هسع شوف المصيبة الأنا واقع فيها بي سبب سؤال بريء في لحظة طيش صباحية ... دحين ياخوي رجع سفنجاتك وأدينا شوية ثقافة عن أولى الإربة وما أدراك ....
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Salah Zubeir)
|
Quote: جيمي يا ود القوز ... ياخي صاحبي احمد ياسين دا منتظرك ترد عليهو من صلاة الجمعة علي البتاعه الجبتها دي ... هنا كل زول مسؤول من البضاعة القاعد يجيبا .. هسع شوف المصيبة الأنا واقع فيها بي سبب سؤال بريء في لحظة طيش صباحية ... دحين ياخوي رجع سفنجاتك وأدينا شوية ثقافة عن أولى الإربة وما أدراك .... |
ههههه يأخ انت صلّحت الفول السادة الانا جبتو .. وأديتو شمار وجبنة وزيت سمسم .. فالأولى ترد على سؤال أحمد ياسين انت ده .. خخخ .. ثم بعدين أحمد ده ما جاء لحوار ولا لسؤال .. دي قشرة موز رماها لينا كلنا فالله يخليك انا قلت ليك أنا شلت سفنجاتي اليوم جمعة وممكن حامد بريمة يجي يشوف الصور .. فما أظن ترضى لي أخوك يتزرزر .. فجاوب بالنيابة عني يا ابوصلاح .. هههههه
ويجي قائل يقول ليك المنبر بقى مسيخ .. أنت بالمناسبة دي أبوحسين وين مختفي .. كان شارك في الباصات الثرو دي .. حاكم هو متخصص في الحاجات الزي دي ..
تاااني شلت سفنجاتي ماتكوركوا لي عليكم الله .. حاكم أنا لامن أشوف الصورة ديك .. بتجيني خمة نفس وبنصدم .. وبيصيبني احساس زول اتنشل في المواصلات .. خخخخ .. فما تمسّخوا علينا وحيدتنا دي عليكم الله ...
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: مرتضي عبد الجليل)
|
منتهى الجفاف والتصحُّر والفقر الجمالي. احتمال كبير تكون مشكلة السودان إنه حافي وعريان من أي جمال نسائي. وهذه الأخت المحترمة بنت عادية وأكتر من عادية، وانتو شغالين تتغزلوا فيها وعلى الطريقة العربية الجاهلية: هركولةٌ عطبولةٌ يكاد الخصر ينقطع من الحمل التقيل. انتو الظاهر أظنكم قاعدين في السودان حتى لو كنتو في الخارج. الجوع الجمالي دا واقع مؤكد لأننا وحياة سيدي الحسن كنا في جامعة الخرطوم دي في فترةٍ ما كان كل الطلبة بيعرفوا بت واحدة في مجمع شمبات لأنها الأجمل في كل الجامعة!!!!
الأخت الجبتوا صورتها دي واستبحتوها زي المراهقين ... بنت عندها حياتها الخاصة وعندها أهل ... وما أظنها شخصية عامة حتى الآن. ومن ناحية جمال ... فهي في نظري بنت سودانية عادية للغاية ... ومن مليحات السودان.
عالم جحمان وجيعان ... من كلّو.
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: جمال ود القوز)
|
أنا عندي رغبة أردم جد يا ود القوز ... أردم الناس ديل عكاز في نص الراس. لكن ذخيريتي ما بتساعدني ... أو يمكن أقوم أرطن عديل بالعربي وما يفهموني المردومين.
الناس دي رايح لها شيء والله. اللهم أكفنا شر المجاعات ... ما ظهر منها وما بطن. ناس جيعانية جوع العدو. استحوا يرحكم الله. واستعينوا على جوعكم بالكتمان. الله لا كسبكم. هسه البنت دي ذنبها شنو؟
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: جمال ود القوز)
|
سلام يا شنتير
يخيل لي مداخلتك دي فيها شوية تناقض فلو إتفقنا معاك في فكرة أن التعليق على الصورة وشكل صاحبة الصورة فيه إنتهاك لخصوصية صاحبة الصورة فسيصبح من الصعب جداً قبول تعليقك على الفقر الجمالي للمتداخلين وتعليقك على مدى جمال صاحبة الصورة وما إذا كانت عادية او لا.
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Hafiz Bashir)
|
مرحى مرحى يا مولانا. ما في تناقض في كلامي. أنا أرى أن هذه البنت عادية ولا يمكن أن تشعل أي سوشال ميديا إلا يكون رواد السوشال ميديا ناس ضاربها مجاعة. هذه الأخت لا تختلف في شكلها عن بنات بالألوف في منطقني وفي مناطق كتيرة في السودان ... وما حصل أشعلن أي شيء، ولا راكوبة قش. أنا أقول إنها بنت سودانية عادية. والأهم، للجياع، أن هذه البنت ليست شخصية عامة وليست ممثلة ولا عارضة أزياء عشان تقعدوا تتعولقوا وتتفسحوا فيها كدا. أكبروا شوية. لو كانت شخصية عامة، زي أم سفنحات ديك أو زي خالتي وزيرة الخارجية، بنزل معاهم. لكن دي بنت والله ما فينا واحد بيعرفها. لا يوجد أي تناقض في كلامي. بنت زي دي في السودان بتعتبر جميلة طبعاً... لكن جمال عادي مقارنة بالعالم. واخواننا ديل أنا متأكد إنهم عايشين في الخارج. لكن ضارباهم مجاعة أزلية وما قادرين يتخلصوا منها.
استحوا يستركم الله.
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Shinteer)
|
فرتيقة ام لبوس في قسمين ..الاول ..ياهو العغوي والظريف والخفيف على القلب .. يعلق على الموضوع .بلطف .وبمشي يشوف شغلتوا ..دا ما تخاف منو التاني ..الممكن يهجم الاول ويوصفو بكل الرزائل الفي الارض وتحت الارض وتبقى الحكاية فريق في الجنة ..وفريق في النار..وهم الاوصياء والحيعلمونا الادب والحياء ويفرض عليك ..ان تعلق بجدية ومافيش هظار ..واوعك اتخيل لو ال( حسناء) دي بقت(حشماء) وجات بي توب ولبستو بى حشمة اللحو او التوب حق عبدالقادر سالم..كل ما قلت اترجى ....نارك تزيد وجة واستعدلت في قعدتا كان الامر اختلف.....لانه هنا الحوار ليس عن جمال الوجه او وصف الغيداء او حتى وصف الخنتيلة المافي مثيلة. نجي للجوع ..اها ..طالما نحن في التوب...نساء كردفان غنن سنة ٨٨ ايام المجاعة الصحي صحي قالن: (توب الكرب ما بيغطي الزيف)..
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Shinteer)
|
شينطير ... أو Shinteer إتا يا سيد مش تحدد مشكلتك شنو قبل ما تجي تعمل لينا فيها ضكر بط .. ١ :- هل مشكلتك انو نحنا ما بنعرف نختار الجميلات ومن المفروض نجي ناخد موافقتك وتدينا شهادة عدم ممانعة بفتح البوست بي مقايس الجمال البتختارا لينا إنتا لأننا مصابين بالجفاف والتصحر الجمالي وفقرانين وجحمانين وجيعانين ساي ....
Quote: منتهى الجفاف والتصحُّر والفقر الجمالي |
Quote: انتو الظاههر الجوع الجمالي دا واقع مؤكد |
Quote: عالم جحمان وجيعان ... من كلّو. |
٢ :- ولا مشكلتك إننا كسودانيين حفيانين وعريانين وقاعدين جوا السودان وما عندنا ولا بت واحدة سمحه وبالتالي المفروض ما يكون عندنا أي صلة بالجمال والجميلات ولو تعلقنا بي سيدك الحسن ... ونخلي الحكاية دي ليك إنتا بس ....
Quote: مشكلة السودان إنه حافي وعريان من أي جمال نسائي |
Quote: انتو الظاهر أظنكم قاعدين في السودان .. الجوع الجمالي دا واقع مؤكد |
٣ :- ولا شايف المتداخلين ديل كولهم شوية مراهقين اتغزلو واستباحو حياة البت الخاصه ... يعني المتداخلين كلهم ما عندهم أخلاق زي أخلاقك ... مرة تقول بت عادية ومرة مليحه ... البت القاعدة مخصوص عشان تتصور وبعد ما تصورت نزلت صورتا في مواقع التواصل الإجتماعي ... تفتكر لييييه ...
Quote: وهذه الأخت المحترمة بنت عادية وأكتر من عادية، وانتو شغالين تتغزلوا فيها |
Quote: الأخت الجبتوا صورتها دي واستبحتوها زي المراهقين ... بنت عندها حياتها الخاصة وعندها أهل |
انصحك تراجع طبيب نفسي لأنو عندك خلل واضح في المعايير ...
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Salah Zubeir)
|
شانتير دة شايت في ياتو اتجاه؟ لأنه شايفه بس ماسك رشاش في الشارع ومدور في كل الاتجاهات بما فيهن رجلينو
انت لو قريت البوست قبل تتفرج كان عرفت إنها شخصية عامة كانت مرشحة لوزارة التعليم العالي بحسب البوست وكان عرفت إنه الصورة دي من جلسة تصوير منشورة يعني مافي فرق بينها وبين عرض الأزياء دحين ياخوي انت موش اتفرجت واتفحصت وأجريت مقارناتك كلها مع بنات حلتك والحلال المجاورة؟ اطلع من سكات مافي داعي لقلة الأدب
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
Quote: * من مليحات السودان * أنا أرى أن هذه البنت عادية ولا يمكن أن تشعل أي سوشال ميديا * لا تختلف في شكلها عن بنات بالألوف في منطقني وفي مناطق كتيرة في السودان ... وما حصل أشعلن أي شيء، ولا راكوبة قش * بنت زي دي في السودان بتعتبر جميلة طبعاً * جمال عادي مقارنة بالعالم |
شغال يوصف بي يدينو وكرعينو ويجي يقول ليك الوصافين مراهقين !! الغريبة إنه تعليقاته تكرار لتعليقات المراهقين ديل !
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
انا معاك شانتير لم يعرف ان الأستاذة دي شخصية عامة لانها مرشحة لاخطر وزارة في نظري\
عاوز اعرف كيف تم الترشيح لها لهذه الوزارة وهي في عمر ما قبل الخبرات؟
مازلت منتاظر الإجابة
لانو ممكن بعد شوية يجيبوا لينا الفازت في القراية ديك وكيلة لوزارة الثقافة والأعلام
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
انا معاك شانتير لم يعرف ان الأستاذة دي شخصية عامة لانها مرشحة لاخطر وزارة في نظري\
عاوز اعرف كيف تم الترشيح لها لهذه الوزارة وهي في عمر ما قبل الخبرات؟
مازلت منتاظر الإجابة
لانو ممكن بعد شوية يجيبوا لينا الفازت في القراية ديك وكيلة لوزارة الثقافة والأعلام
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
Quote: * تتغزلوا فيها وعلى الطريقة العربية الجاهلية: هركولةٌ عطبولةٌ يكاد الخصر ينقطع من الحمل التقيل.
* واستبحتوها زي المراهقين |
انت عندك مشكلة مع الألفاظ المستخدمة في التوصيف باعتبارها خادشة للحياء ياخي دة شعور نبيل أحييك عليه
Quote: أن هذه البنت ليست شخصية عامة وليست ممثلة ولا عارضة أزياء عشان تقعدوا تتعولقوا وتتفسحوا فيها كدا. أكبروا شوية. لو كانت شخصية عامة، زي أم سفنحات ديك أو زي خالتي وزيرة الخارجية، بنزل معاهم. لكن دي بنت والله ما فينا واحد بيعرفها. |
طيب دة شنو الخمج بتاعك الهنا دة! يعني انت معترض على الصعلكة لمجرد إنها شخصة ما عامة لكن لو كانت الوزيرة سمية أو وزيرة الخارجية بتجي تستبيحها كمراهق وتقول وتوصف مؤخرتها عادي انت فاهم روحك بتكتب في شنو ولا بتلخ ساي محل تجي تجي؟
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: أحمد محمد عمر)
|
الحكاية جابت ليها ...جوع وقلة ادب وقالوا غزل... ؟ ..... ايامي وانا بتغزل ناس الحقيبة كانوا بعملوا اشارة لاسم الحسناء او المليحة بالارقام اىبعة ، ستة وستة ، وتسعة وعشرة، واىبعين .. وتسعة وتسعين زي الجروح السببا شينطير.. الى ان الاسم بقى يدخل في صلب القصيدة او بالاحرى (دفرنش) القصيدة بعدين كانوا بسافروا باللوري السايقو سرور عشان يشوفوا حسناء الرماش والحسناوات كانن بتمنن ان الواحدة يتم تخليدها بى قصيدة لدخول تاريخ الفن ومع الاخفاء الذكي دا ..برضو قالوا عنها(حاول يخفي نفسو) والموضوع يطول ممكن نكتب فيهو بوست كامل الدسم والدهن ونلحقو عشرين صفحة المهم هل نحن وصفنا او جبنا سيرة( القونلة). اللقت مكانها في خارطة الشعر هل دا يعتبر غزل؟ حقو تعملوا ساتر ....لاني لو نقلت ليكم ..ماخفى عنكم في هذا العالم ..حتتعوقوا المهم مرة تانية نحن بنسهر ونسمر لامن ديكنا يصيح
| |
|
|
|
|
|
|
Re: الحسناء”التي أشعلت السوشيال ميديا بالسو� (Re: Ahmed Yassin)
|
شانتير و محمد سي احمد و ود الريح على حق صلاح الزبير و من والاهو من شاكلة ناس احمد عمر و احمد ياسين و من لف لفهم مثلهم كمثل الديزيل الصغيرونى داكا الاسمو #################### المحطة و فضاء خيالهم الادبي كصحراء العتمور التى تخلو من خضرة المشاعر يعنى مثلا لو كانت المداخلة التانية فى البوست على شاكلة لها كفل يكاد ينهضها اذا قعدت و يقعدها اذا نهضت كان دخلنا فى سجالات من عيون شعر ابدعتها اخيلة فرسان الشعر فصحى و دارجة لكن نعمل شنو مع خريجى ورش التشليح حرفوا لينا البوست
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|