يا ابوالريش واخرون قولك: يا علي دفع الله ....... قرط على كده أسمع كلامي احياناً حسن ظنك في المرء يوقعك في الخطأ وعلي دفع الله اول انسان في المعرفة الاسفيرية تشرفت بمحادثته عبر الهاتف بخصوص شول ومرضه
ووجدته رجلاً رقيقاً ولهذا قرأت كلمة (سب) (سحب) وهذا لحسن ظني فيه كدا كويس خليوه يسب دين الله وانتو حررو الحلقة والذنب على صاحب المبادرة وانتم له شركاء والله وتالله لترون في الايام القادمات عجباً ان اصررتم على غيكم هذا وإني ناظر فأنتظرون
03-12-2018, 08:12 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
مش بالله يا جلالدونا نصيحتك سمحا خلاص بمالناسبة قبة مش قباني بالله يا حاقنو انا بقول ليه القبة ما تحت فكي ؟ سبحان الله اسم على مسمى خلي الراجل يسمع نصيحتك وانت تقول: يا قبة ياخ امشى اقتح ليك بوست تانى و سب فيهو الدين زى ماعايز ليته يعي هذا الدعي؟
03-12-2018, 09:34 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
انت يا كنزي ردي علىك فوقو شطّة ولاّ ملحه زايد؟ مالك مطنّشو وانت ما شاء الله البجي بي خشم باب البوست كلّه بتستلمه و تضيفه وتقدّمه وكان واحد عطس ساي قبل يحمد الله بلقاك مادي ليه المنديل تشمّته! أفا يا مجندلهم !! لكن إحسانا للظن بقول ما شفتها, فا شنو: هاكا ليها معادة - بي ضبّانتها
Quote:
Quote: وما كنتُ راغبٌ في إيرادها لو لا عظيم قولكم ورميكم للتهم تعجلاً وجزافاً،
دي شفتها يا دوب ضمير المخاطبين "كم" دا يشملني ايضا إذن انت مطالب بإيراد (عظيم قولي و رميي للتهم تعجلا وجزافا ) من الاربعة او خمس مداخلات لي هنا كإقتباس حتى اتبرّأ و أتراجع عن التهم المرمية تعجلا و جزافا وإلّا تكون اجبت على سؤالي عمّا إذا كنت تقرأ ما تكتب ولاّ بتلخ ساي! بعدين بالنسبة للتعجّل و الجزاف دي فضلة خيرك يا مولانا, وما نطّتك في حلق ابوسن اثر قراءتك الخاطئة لقولة "كبر يا صاحب" إلّا ابلغ دليل على التعجّل وبمناسبة ابوسن! والله لقيته راجل فاضل و يصبر على الأذى و يترفّع على الجهل بس وإلّا قصة التهذيب في الأطروحات الانت طرف فيها دي كان قلتها لزول تاني كان عرفت حاجة!
03-12-2018, 10:47 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
هسّي بمنطق الكنزي أقدر اقول تمّت جندلته وولّى الدبر و مش عارف ايه كونه حتى الآن لم يرد علي وقد مرّ يوم على المداخلة الأصلية وساعات على الاعادة ولاّ نحسن الظن وأستنّى تاني كم ساعة :)
03-13-2018, 12:53 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
اخ محمد البشرى اللهم صلى على محمد آل محمد جبيها تحت عشان خاطرك برد عليك لانو قلت ليك انا ما ملزم بالرد على كل مداخلة فصاحب الطرح اولى بس عشان خاطرك برد عليك بس جيبا تاني تحت هنا وشكراً
03-13-2018, 02:10 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
برضو جبر الخاطر كويس مع ان لا اتفق مع انك غير ملزم بالرد, لامن تقول لواحد (لولا عظيم قولكم ورميكم للتهم تعجلا وجزافا) انت ملزم اخلاقيا باثبات كلامك اللهم إلّا لو حابي تعمل رايح دا موضوع آخر
المهم اهي دي ليها تالت أو رابع ما عارف :
Quote: :
Quote: : وما كنتُ راغبٌ في إيرادها لو لا عظيم قولكم ورميكم للتهم تعجلاً وجزافاً،
دي شفتها يا دوب ضمير المخاطبين "كم" دا يشملني ايضا إذن انت مطالب بإيراد (عظيم قولي و رميي للتهم تعجلا وجزافا ) من الاربعة او خمس مداخلات لي هنا كإقتباس حتى اتبرّأ و أتراجع عن التهم المرمية تعجلا و جزافا وإلّا تكون اجبت على سؤالي عمّا إذا كنت تقرأ ما تكتب ولاّ بتلخ ساي! بعدين بالنسبة للتعجّل و الجزاف دي فضلة خيرك يا مولانا, وما نطّتك في حلق ابوسن اثر قراءتك الخاطئة لقولة "كبر يا صاحب" إلّا ابلغ دليل على التعجّل وبمناسبة ابوسن! والله لقيته راجل فاضل و يصبر على الأذى و يترفّع على الجهل بس وإلّا قصة التهذيب في الأطروحات الانت طرف فيها دي كان قلتها لزول تاني كان عرفت حاجة!
03-13-2018, 02:20 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
فرق كبير يا قبة عمر البشير حكى عن واقع تاريخي وعبر عن طريقة اصلاحه على حد زعمه وانت بطرحك هذا اردت ان تعيد مجرى التاريخ واراك تسب الدين مادام هذا الطرح قائماً لهذا انصحك أن تعود لرشدك وتقبل النصيحة وتسحب الطرح او تعدل عنوانو والامر إليك
03-13-2018, 04:16 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: فرق كبير يا قبة عمر البشير حكى عن واقع تاريخي وعبر عن طريقة اصلاحه على حد زعمه
فرقا شتى بين ناسا عيشها دين مجرورة و تجر تقدح بالأجر و مرة بلا اجر عيشهم كمهو و ديشهم هان قدر و ناسا حالها زين مصنع مصنعين طين في طين و وين ما مرابا مُر بارد همها .. لا يعرق جبين لا وشا يصر عين و الله عين
03-13-2018, 05:15 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
لقاء العمالقة ود البشرى x الكنزي ود البشرى يعتمد على تكنيك اقتبِس لي واقتبِس ليك، و هو تكنيك له فيه باع طويل و قد كسب به العديد من المعارك الإسفيرية السابقة. الكنزي حتى الآن يلعب بخطة اسألوني قبل أن تفقدوني، و لكني اتوقع تغيير في الخطة في الساعات القليلة المقبلة.
عند تغيير الكنزي لخطته، اود أن اهدي لصديقي ود البشري تعليق القرود في نكتة عازف الكمان الذي سيطر على اسود الغابة بألحانه إلى أن فتك به أحد الأسود أثنا عزفه في يوم من الأيام.
03-13-2018, 05:26 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
عليك الله دا اسا كلام يا حافظ بشير ود البشرى شنو كمان هنا ما بنكتب عن مباراة الهلال والمريخ التي خرج فيها مشجعي الهلال ببدعة كانت تودي الهلال التوج هنا بنكتب عن واحد قل فهمه وسب الدين واكتشفت انو ملقب ب (قبة) والله اسم على مسمى قبة ما تحتها فكي ولا واطة كمان دي هاوية عديل عشان كدا ود البشرى يزح منها وما يحلم بمقارعة الكنزي يا زول دا في كلو بوست حقي مجندلو لكن النصيحة ليك يا الله في حقت الهلال فاز لانو كرامتي ما اشتغلت تمام لانو القصة كانت محتاجة لوضوء وانا ما اهتميت للقصة دي واسا الهلال بنطيروا لانو ما بنطير برانا
03-13-2018, 05:30 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
يا قبة ها قد بان معدنك على صحته وانت تتلفظ بقول مثل هذا في سنوات ارزل عمرك، واليك قولك لتقرأه ولو كنت تحسن القراءة:
Quote: يعني مصر على قلة الأدب يا كنزي .. ياخ سبيت الدين ... و كان كترتها معاي بصرف ليك انت زاتك يلا دخلني النار ... دي لياقة شنو ...
ما في اي ليقا هنا انت اللايوق السا مصر على سب الدين تصفني بقلة الادب ربما لي حظ من ذلك ولكن ما بالك بمن يقل ادبو على الرحمن الرحيم؟ ح اكترا لمن تعود لرشدك اويسحب الاخ بكري الطرح مؤسف ان يقودك تضيقي عليك ان تتعرف بانك سبيت الدين ولا تهتز لك شعرة وعلى استعداد ان تسب لي الدين وسأنظر بعد هذا ان بقى لك مناصر في هذا الطرح وسترى في مقبل ايامك ما تستحق فإني ناصحك ان تتعجل بالتوبة اما بخصوص النار فهذا امر ربي وليس لاحد غيره قادر بادخال النار الجنة سواه
03-13-2018, 06:52 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يعني يا كنزي القصة لعب و مباريات بالنسبة ليك لدرجة حافظ كمان فلان لاقاك في ياتو بوست وعلان في ياتو مداخلة! يا زول خلاص عفيتك و اكتفي بما بينته من تهافتك و انتصارك لنفسك واتخاذك الذب عن بيضة الدين حركة ساي في شكل وهمة! وأيضا مكابرتك و اصرارك على الاستمرار في الباطل وعدم الرجوع للحق على الرغم من كل الشعارات و المثل الدينية التي لا تتوقف عن ذكرها بمناسبة وبدون مما يذكرني بالقصة التي كتبها احد الصحافيين عن المرأة التي وجدها زوجها تبكي قالت ان العصافير على الشجرة تطلع عليها وهي بدون حجاب على راسها فاعجب الرجل بورعها وقطع الشجرة ثم بعد اسبوع دخل عليها فجأة ليجدها في احضان عشيقها على فراشه! فذهل و ترك البلد لبلد آخر واول وصوله سمع جلبة قيل ان كنوز الملك سرقت وبينما الناس مجتمعين رأى رجل بلحية عظيمة يمشي على اطراف اصابعه رافعا عقبيه من الارض فسأل عن حاله قيل له هذا احد العباد الصالحين يمشي هكذا خوف ان يطأ نملة يقتلها فأمسك بتلابيبه ان هذا هو السارق فاجتمع الناس واخذوهم للملك وبعد التحقيق اعترف الملتحي بالسرقة فتعجب الملك وسأل الرجل كيف عرفه فقال من يبالغ في اظهار الشيئ ويتخطى المعقول هو ابعد الناس عنه!
فا شنو .. وكما قال العبادي الراجل خاف جرى تجري الفبيلة وراه !! اكتفي بهذا القدر و اعتقتك وقت قلت جلا .
03-13-2018, 07:07 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
اول حاجة يا كنزى زى ما قال ليك ود المدير حسب لغة القرءان مافى سب دين هنا و فعلا مافى سب دين هنا واصلت لياقتك و شعبطتك لامن وصلت قبانى حتة انو ممكن يصرف ليك انت ذاتك يعن لو فى ذنب فى الحتة دى تتحمل انت وزرو كاملا بى سبب مطاردتك الالهية دى ليهو ياخى رسول الله الا اعظم شأناَ من كل العالمين ديل رب العزة قال ليهو انك لا تهدى من احببت داير انت تهدى الناس فى البوست ده يا قائم مقام الله فى المنبر اهو بطريقتك السمجة دى وصل معاك نقطة اللا عوده عاجبك كده !! اها ان شالله تكون مبسوط لأنو بصراحة شايف ابليس فاتح خشمو من الدهشة
03-13-2018, 07:58 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
يا اخ حافظ بشير والله من كل قلبي اعتذر لكل انسان جرحت مشاعره ولو طيفاً ولكن هؤلاء المتستهزئين بايات الله فلا عذر لي عن قول قلته فيهم والرسول صلى الله عليه وآله وسلم كان لا يغضب لنفسه ولكنه يغضب لله وانا كثير من المتداخلين اساء لي اساءآت بالغة لا يستحقها احد من الناس ولكني ترفعت في الرد عليهم وهذا هو (قبة( يقر بسب الدين وهددني بسب الدين لشخصي وما زال بعض المتداخلين متمسكين به وتؤازه على غيه علماً بانني من اول مداخلة اقترحت حلان: الاول ان يعدل العنوان، الثاني : كتبت للاخ بكري بسحب الطرح ولكنه لم ير ما اراه والحمدلله انني حرفت الطرح عن مبتغاه مما كشف نوايا بعض المتدخلين الذين آزروا (قبة( في غيه وضلاله والله المستعان على ما تصفون
03-13-2018, 08:00 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
قريت ردّك على حافظ مرّتين تلاتة وما لقيت أنا رميت التهم تعجلا و جزافا وين؟ فا شنو.. قبل افقدك ولا تفقدني ليتك تجيب عشان الواحد يتبرّأ من التهم الجزافية المتعجّلة الرماها كما قلت و يتراجع و يتوب فا الحق أحق أن يتّبع بلا مكابرة وتدليس وتلاعب بالكلمات
03-13-2018, 09:42 PM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
الباشمهندس قباني وكل الاخوة المتداخلين تحية كريمة تليق بكم جميعاً، ونأسف على المقطوعة الموسيقية التي حولت المنبر إلى الغوطة السورية، أو ربما عنوان البوست الذي اثار حفيظة بعض الإخوة، دعوني أدلف إلى بعض الذكريات الجميلة مع الراحل وردي. حقيقة الفترة التي قضيتها مع الراحل المقيم وردي عازفاً لآلة الأورغ من بداية الثمانينات تقريبا وأنا في سنتي الأولى في معهد الموسيقى والمسرح حتى هجرتي إلى أمريكا كانت من الايام الجميلة التي لا يمكن أن انساها، أقمنا أجمل الحفلات اذكر منها عام 83 حين سافرنا مع الراحل إلى بعض الدول العربية ابتداءً من عدن في اليمن الجنوبية آنذاك وبعض الدول الخليجية انتهاءً بالسعودية حيث العودة بعد إنتفاضة أبريل.ثم حفلات ليبيا آخر محطة لي قبل الهجرة ، هذه الرحلة الفنية الطويلة والتي استغرقت قرابة ً السنتين خارج الوطن كانت من أجمل أيام حياتنا كمجموعة موسيقية وايضا في معية زملائي العازفين الجدد والذين إنضموا إلى الفرقة قبل سفرنا إلى عدن بأيام وكانوا صغاراً في السن كُباراً في العزف مثل الحبيب عمر فتح الله والعزيز عمر منصور شقيق زميلنا في المنبر (تمبس). حقيقة الفرقة كانت تضم مجموعة جميلة من العازفين. في منتصف التسعينات على ما أذكر جانا المرحوم وردي في أمريكا وفي لوس انجلوس بالتحديد وإتلم الشمل مرة أخرى وبدينا عمل حفلات في بعض الولايات الأمريكية ، على ما أذكر قدمنا في نيويورك لاول مرة أغنية القرن الواحد وعشرين مع مجموعة من العازفين المهاجرين الممتازين . أما لو حاولت الكتابة عن صديقى الراحل عازف الاكورديون عصفور فالمسألة حتاخد وقت ، كان فاكهة الفرقة وصاحب النكتة الحاضرة والانسان الذي لا تفارقه الابتسامة. أغنية خوفي منك لم تكن المرة الاولي التي اشترك فيها الاستاذ محمد الأمين والراحل وردي، اتذكر مشينا لحفلة مع المرحوم في بحري والمناسبة كانت زواج مذيع وربما مذيعة وكان الحفل فيهو تقريبا كل الوسط الفني والاعلامي ، وفجأة ونحن في المسرح طلع علينا في المسرح الاستاذ محمد الاأمين وشارك الراحل في أغنية خوفي منك ، وأبدعوا ايما إبداع ، الكلام ده تقريبا سنة 82 لو الذاكرة لسع كويسة ربما يذكرني صديقي عازف البيز وعضو البورد الفاتح يس بالتاريخ المظبوط. ختاماً وعبركم أرسل التحية إلى المجموعة الموسيقية التي قضيت معهم أجمل الايام في فرقة محمد وردي ،- الفاتح يس ، بيز- شاكر عبد الرحيم ، جيتار ، - عبد الهادي ، فلوت- احمد دو، طرمبة والف رحمة على عازف الايقاع هاشم هريدي – المرحوم عبد العزيز عصفور أكورديون - كمنجات : عمر ميشيل ، عوض رحمة، صديق الطيب، عمر فتح الله ، عمر منصور، رياض، وأيضاً عضو المنبر عازف البيز حمد اسماعيل وصلاح عبد الماجد والمرحوم علي ميرغني والمرحوم حمزة سعيد في حفلات ليبيا حيث قضينا أيام جميلة أيضاً. ولكم الود أحمد ساطور
سلام العزيز ساطور الحفلة الانت بتقصدها على ما اعتقد كان زواج المذيعة الراحلة زينب كرم الله أو زواج شقيقها ودي من الحفلات الأسطورية زيها وزي شريط حفلة كوستي لإبراهيم عوض والذي يقال إنها كانت في امدرمان في الثورة رغم الاسم والله أعلم
03-14-2018, 04:38 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الباشمهندس قباني وكل الاخوة المتداخلين تحية كريمة تليق بكم جميعاً، ونأسف على المقطوعة الموسيقية التي حولت المنبر إلى الغوطة السورية، أو ربما عنوان البوست الذي اثار حفيظة بعض الإخوة، دعوني أدلف إلى بعض الذكريات الجميلة مع الراحل وردي. التحية لك يا جميل ...
و سامحنا على ما ورد ... و لكنه حال المنبر و السودان ككل ...
عزائي انك تعلم ما اقصده ... و هذه ليست المرة الاولى التى ارى فيها جمال موسيقاك ...
03-14-2018, 04:55 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
مرحباً قباني وضيوفه الكرام، ما في شك إنك ما بتقصد المعنى الحرفي للعبارة، لكن يبقى أن الإصرار عليها ليس من الأدب في شيء، يعني نكتة عابرة نقولها وفي لحظتها تنطفي، أما أن تكون عنواناً لبوست، فهذا ما لا ترضاه حتى قيم الزمن الجميل التي تربينا عليها، فيا ريت لو غيرت عنوان البوست، وغفر الله لصديقك الدكتور، وسكب على قبره سحائب الرحمة والمغفرة. وخالص احترامي ومودتي التي تعرفها.
03-14-2018, 05:34 AM
جلالدونا جلالدونا
تاريخ التسجيل: 04-26-2014
مجموع المشاركات: 9390
مرحب استاذنا احمد ساطور و شاكر مرورك الكريم و واحده من فوائده انه استعدل مسير البوست و يبقى الحديث عن الراحل المقيم سيد الموقف و بالتأكيد لى عودة و الى حين ذلك اطلب شهادة استاذنا الموصلى و صديق العمر زميل المنبر عبد الرحمن عبد المجيد وردى يا ترهاقا دنيا من نور و ازاهير تدخلها عيونك مفتجة و سمعك جديد و لسانك يلغلغ لامن تطلع تلقى نفسك اعمى و اطرش و ابكم انا لله ياخ
03-14-2018, 07:17 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
يا جمال القوز ـ يا ابن الذي والذين ، ما تتخيل أنا اتكيفت من مداخلتك كيف بعدين ياخي انت جبت كلمة القوز دي من ويين ؟ نحن في في شمال الوادي عندنا مصطلحاتنا ـيعني طلعت بلدياتي
03-14-2018, 08:39 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
بالله يا بدرالدين اسا الردحي والاصرار على سب الدين من قبل (قبة) كما يلقبونه دا خلق مسلم حتى تبلغ به الجرأة والجراءة انه سب الدين وانه على استعداد ان يسب لي الدين وبرضو الناس واقفا في صفو الموعظة الحسنة قلتها له في اول مداخلتي ايها ونصحته بتعديل عنوان طرحه ولم يجب وخاطبت الاخ بكري ابوبكر لم يكن رأيه مثل رأي لهذا سأكيل (لقبة) بالمكيال الثقيل إلى ان يرعوي ويعود للحق والفضيلة فهو عندي انسان آبق وانا له بالمرصاد في طرحه ذاك ولكل من ناصره وهي من علامات الساعة ان تجد للباطل نصيرا ولا تجد للحق نصيراً ولعلي هنا اشكر الاخ صلاح عباس فقير الذي قدم النصح (لقبة) وليته يستجيب فالحق احق ان يتبع وكلكم خطاؤون وخير الخطاؤون التوابون ولا نامت عين كل معتدٍ اثيم (قبة ومن ابتعه هم الغاون)
03-14-2018, 08:39 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
بالله يا بدرالدين اسا الردحي والاصرار على سب الدين من قبل (قبة) كما يلقبونه دا خلق مسلم حتى تبلغ به الجرأة والجراءة انه سب الدين وانه على استعداد ان يسب لي الدين وبرضو الناس واقفا في صفو الموعظة الحسنة قلتها له في اول مداخلتي ايها ونصحته بتعديل عنوان طرحه ولم يجب وخاطبت الاخ بكري ابوبكر لم يكن رأيه مثل رأي لهذا سأكيل (لقبة) بالمكيال الثقيل إلى ان يرعوي ويعود للحق والفضيلة فهو عندي انسان آبق وانا له بالمرصاد في طرحه ذاك ولكل من ناصره وهي من علامات الساعة ان تجد للباطل نصيرا ولا تجد للحق نصيراً ولعلي هنا اشكر الاخ صلاح عباس فقير الذي قدم النصح (لقبة) وليته يستجيب فالحق احق ان يتبع وكلكم خطاؤون وخير الخطاؤون التوابون ولا نامت عين كل معتدٍ اثيم (قبة ومن ابتعه هم الغاون)
03-14-2018, 08:45 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: و برضو شوف لينا بتاعت الآبق دى معاك إستناداً للغة القران البوست دا ما فيهو سب للدين يا الكنزي ... احساسى بقول معاوية قال ما لم يقولوهو كفّار قريش
يأخي أونكِل علي دا يملك مكتبة تضم 6000 كتاب واللففان اللفاهو في بلاد الدنيا دي ابن بطوطة ما لفاهو ؤ بعد دا بوست وصل 3 صفحات ؤ هو ما قادر يعرف كان في سب دين والللآ لا !!!...
03-14-2018, 10:01 AM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
يا معاوية المدير من شدة المكتبة ما عزيزة علي والله رحلتا من جنيف حتى الخرطوم ولا تدري كم كلف الترحيل وكم كلفتني المكتبة من مال وهي حصاد غربتي تراكمت عن طريق الشراء للكتب من ١٩٧٩ وانا حتى الآن اعلم اول كتاب اشتريته من مكتبة الآن بيطار السوداني الجنسية من اسرة بيطار وهي اضخم مكتبة عربية في غرب اوربا وانا عندما جلبتها للسودان اردتُ ان اقتدي بالشاعر الاخ التيجاني سعيد لانني علمتُ انه يفتح مكتبة في بيته للدارسين وانا والحمدلله عندي صالون كبير جداً اصبح هو الان موقع المكتبة التي سيتم افتتاحها ان شاء الله في الاشهر القادمات للدارسين دراسات عليا وليت الاخوة والاخوات يمدوننا بكتب وان شاء الله بعد نجاح الفكرة ستكون مركزاً منفصلاً عن بيتي وهي لروح زوجتي سماح التي كانت تهوى القراءة والاطلاع والسفر وتحب رسول الله صلى الله عليه وآله وسلم كما هي لروح والدي واسأل الله ان يوفقني في مشروعي هذا وانا الان في حوجة لتنظيم وفهرسة الكتب وهي بثلاث لغات رئيسية عربي | انجليزي | فرنسي وقليل من الكتب باللغة الالمانية كما انوي اقامة ندوة شهرية بمنزلي تتناول طرحاً محدداً
Quote: انت يا الكنزي انت معجب وقاعد تحاول تقلد الاستاذ محمود محمد طه رضي الله عنه
قولك حق ليس معجب به ولكني تأثرت بجزء من حياته خاصة التواضع والتغشف في الحياة وقيمة العطاء للآخر ودعوته لعد اكتناز المال حتى يصل حد النصاب وقد قلت ذلك بل اعترفت بأنني خرجتُ منه بحمل بعير
03-14-2018, 01:15 PM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
ربنا قال: ليخرج الله اضغانهم فها هي ضيغنتك تخرج متبرجة دون حياء وبظن منك وإن بعض الظن اثم لهذا فأنت آثم وآثم قبلك وفي تقديري وليس ظني ان الناس تقف في صف (قبة ) بغضاً للكنزي هل سمعت قول رسول الله صلى الله عليه وآله وسلم عن ابي ذر الغفاري؟ ام هل سمعت قول ابو ذر القفاري عن نفسه وهو يقول:
ما ترك لي قول الحق من صديق. وكذا امر الكنزي لم يترك له قول الحق من صديق
03-14-2018, 05:24 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
الاخ قباني ما اظنو تاني قريبات كدا ترش ول تصرف لي زول .. انا خايفك كتشينة تاني ما تصرفا ..
-------------------- انتو البيلعن دا منو ؟ الانسان عندو قدره يلعن دين انسان ؟ ول قاعد يطلب من الله انو يلعن ليهو انسان في دينو؟ ولكن هنا الدين مش هو دين الله ..؟؟!! الشغلة دي ابت تقع لي .. سؤالي دا شكلو جلا بي حبة هوكينج الليلة مات الله يرحمو ..
.
03-14-2018, 04:17 PM
Osman Mahmoud Osman Mahmoud
تاريخ التسجيل: 09-05-2017
مجموع المشاركات: 581
الشيئ الجميل انو صاحب الساطور شخصيا مر من هنا .. والاجمل انو اعتذر للناس على الجمال القدمو متمثل في مقطوعة موسيقية .. قال لأنها سببت مشاكل بين الاخوان في بوست وااااحد في سودانيزاونلاين .. اذا كان الجميل يعتذر عن الجمال، اها البجي بالشين يسوي شنو ..؟؟؟!!!
تحية واحترام ومحبة خالصة للفنان احمد ساطور ..
-------------------------
شهادة حق: الاخ قباني صرف لي زول متكيف منو .. لا عندها علاقة بي دين او اخلاق او اي شيي تاني ..
--------------------------
الاخ والعم علي الكنزي كان عندي احساس بأنو الاخ قباني يعرف الفنان احمد ساطور معرفة شخصية، بس والله ما كنت قايل الفنان احمد ساطور عضو في البورد " لينا عظيم الشرف نكتب في بورد فيه انتو، كل هذا الجمع الرائع .." عليك الله طلب صغير لو امكن، من هنا نروقها وما نحمل المواضيع اكثر مما تحتمل ..
كل احترامي ومحبتي الاكيدة ليكم جميعا ..
.
03-14-2018, 04:33 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
الابن عثمان محمود قلتُ لك الابن لأنك قلتَ لي العم ييدو انك صاحب خلق وادب وانت تقول وتأمر بالمعروف :
Quote: الاخ والعم علي الكنزي كان عندي احساس بأنو الاخ قباني يعرف الفنان احمد ساطور معرفة شخصية، بس والله ما كنت قايل الفنان احمد ساطور عضو في البورد " لينا عظيم الشرف نكتب في بورد فيه انتو، كل هذا الجمع الرائع .." عليك الله طلب صغير لو امكن، من هنا نروقها وما نحمل المواضيع اكثر مما تحتمل ..
كل احترامي ومحبتي الاكيدة ليكم جميعا ..
واشدد على قولك: عليك الله طلب صغير لو امكن، من هنا نروقها وما نحمل المواضيع اكثر مما تحتمل .. وبرد مختصر: نروقا إذا (قبة) عدل عنوان الطرح، وإلا بقلبا واعذرني لان سب دين الله لا يقبل وسطيه فسيرى الظالمون أي منقلب سينقلبون
03-14-2018, 04:35 PM
MOHAMED EL-BEELI MOHAMED EL-BEELI
تاريخ التسجيل: 06-17-2007
مجموع المشاركات: 442
يا سلام عليك يا البيلى قليل منا من ينطق بالحق وانت تقول كلمة بميزان الدهب صدقني انا اكثر عشقاً لوردي وود الامين وفي صغري المرحلة الاولية والتي تليها كانت فقرتي المفضلة في تقليد وردي وكان الاساتذه يطلبوني إذا تخلفت واخي الاصغر مني وهو الأن استاذ جامعي يحمل الجنسية الامريكية كان يسمى بوردي الصغير ولكن رفض الاتجاه للغناء والموسيقى وإن فعل فكان سيكون له جمهور عظيم اما محمد الامين فيكفي انه كان جاري في الحارة السابعة مدينة المهدية واسمعه حتى اليوم خاصة غنيته دوبا حليل ابوي الي العلوم دراس واعود لتعلييقك ما قل ودل: عنوان غير موفق لبوست جميل
03-14-2018, 05:06 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
يا كنزي ياخي الناس البيجو يقولوا رأيهم في العنوان ديل في إحتمال يكونوا دايرين أجر من الله لكن مؤكد ما راجين شكر منك إنت. فشنو؟ ما كل متداخل تشب ليهو في حلقو و تشكرو في سطر و تحكي ليهو قصة حياتك في عشرة سطور. قصة حياتك دي افتح ليها بوست منفصل ياخي و شوف البيجيك فيهو منو.
Quote: لا حمل كفك ما عندك من الأستاذ محمود . بثمارهم تعرفونه
كلامك صاح بس انت اسرفت ان يكون حظي مما اخذت من الاستاذ يبلغ مد يد؟ فهذا حمل كثير وحقيقة خرجت من الاستاذ خالي الوفاض ####### ولكن هل تنكر جلوسي في مجلس علمه؟
03-14-2018, 08:38 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
Quote: يا كنزي ياخي الناس البيجو يقولوا رأيهم في العنوان ديل في إحتمال يكونوا دايرين أجر من الله لكن مؤكد ما راجين شكر منك إنت. فشنو؟ ما كل متداخل تشب ليهو في حلقو و تشكرو في سطر و تحكي ليهو قصة حياتك في عشرة سطور. قصة حياتك دي افتح ليها بوست منفصل ياخي و شوف البيجيك فيهو منو.
########## والله قصة حياتي مضايقة ناس كتيرين في المنبر وهي قصة كفاح صبي من الريف وجد له في الارض موطئاً فموت بغيظك لأنك لا تسطيع ان تحكي عن نفسك قليل شئ دع عن كثيره. ######### اما قولك ايها الحسود الاشر عن:
Quote: ا كنزي ياخي الناس البيجو يقولوا رأيهم في العنوان ديل في إحتمال يكونوا دايرين أجر من الله
####### المنبر دا لمن يصبح حقك في وقت زي داك ممكن تقول كلامك دا اما هو منبر السودانيين كما انشاءوه صاحبة فلي الحق ان اقول ما ارى ولا تقرأ مداخلتي التي تؤذيك بما فيها من حقيقة مرة وسم زعاف من ذاقه ذاق طعم الموت. اما الاجر من الله فهذا عطاء ربي يهبه لمن يشاء ويرضى والاعمال بالنيات ولكل امرئ ما نوى ######## فموتوا بغيظكم ايها الاشقياء التعساء الذين ينافحون القاهر فوق عباده وسترى إلى اي منقلب سينغلب صاحب هذا الطرح ومن اصطف معه ونهج دربه غذر جمعه وإن غداً لناظره قريب.
03-14-2018, 09:18 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: والله قصة حياتي مضايقة ناس كتيرين في المنبر
الحقيقة البضايق هو التكرار و حشرها في اي ملف بمناسبة وبدون و الظن أنّها ذات قيمة و اهمية و على الناس حفظها و ترديدها عشرة مرّات بعد اذكار الصباح و سبعة قبل اذكار الماء و ثلاث قبل النوم !
03-14-2018, 09:34 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: الحقيقة البضايق هو التكرار و حشرها في اي ملف بمناسبة وبدون و الظن أنّها ذات قيمة و اهمية و على الناس حفظها و ترديدها عشرة مرّات بعد اذكار الصباح و سبعة قبل اذكار الماء و ثلاث قبل النوم !
أضف إلى ذلك، كل الناس الهنا، كل واحد عندو قصة شايفها مهمة ... وكل واحد ناجح (ما أكثرهم هنا) عاجباهو قصة كفاحو .... لكن ده ما بيعني إنها تهم الآخرين. وزي ما قالوا ليك، أعمل بوست للموضوع ده واكتب مذكراتك فيهو ..... حنجي نشجعك ونثني على كفاحك.
بس لكل مقام مقال
03-14-2018, 09:41 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
يا محمد محمود بالله انت اسا نفسك قائم كدا ليه ومضايق شديد يا زول اعمل حسابك لنفسك تقوم تجيك سقطة قلبية يحصل ليك شلل دماغي يا اخي روق المنقة ومافي داعي تقول:
Quote: من وين لي أنكر و لّا أصدق ؟
##### بالله لا دي لا دي ؟ مالك مجهجه نفسك ؟ خد موقف وانا بقولو ليك، يازول الكنزي دا اكبر كضاب اوعا تصدق اي حاجة بقولا ليك. حتى لو قال الشهادة قول ليهو كضاب فهمتا ######## وبتقول كمان:
###### كان كدا انت زول فائق اكتر من الكنزي يا اخي دا راجل كضاب جنس كضب ليه تهرق نفسك وتقرأ قصصو المملة دي يا اخي دا صاحب خيال خصب كل يوم ينجر لناس سودانيزاونلاين سيبك منو وامشي شوف كتابات تانية صادقة ######### مثلاً اقرأ لقبة سباب الدين ديل بثقفوك وبعلموك حاجات جميلة اسمع نصيحتي فاهم
03-15-2018, 01:52 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
يا حافظ لو سمحت شيل مداخلتك دى وديها بوست اب سن انا داير احكى هنا قبس من قصص حياتى الما فيها التكتح و الامر لا يستقيم مع السفهه دى و يا ودّو هو الحقيقة ما طلق هو راسو داش زول اشتر و اشر
03-15-2018, 07:28 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
قبل ما احكى قصة حياتى عاوز اضيف حاجة قبل البداية شكرا ليك ياخى اديتنى فرصة عظيمة انو ادّى الكنزى ده محاضرة قيمة فى كيفية اجبار ... الآخر .. فى سحب حاجاتو و كراعو فوق رقبتو لعل و عسى يستفيد منها اما بالنسبة لى ود البشرى و ود القوز ديل اغتت نفرين فى المنبر ده و براك شوف .. واحد جا شايل الكبريتة و التانى البنزين و بى بسمه كده قنطروك للسيد المسلمى بس ربك ستر ف شنو ... اوصيك بالحذر
03-15-2018, 09:32 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
يا حافظ بشير اراك تبدل كلامك البذئ باعتذار منك قائلاً: تم الحذف بسبب إحتواء المداخلة على كلمات غير لائقة[/red
Quote:
Quote: B]تم الحذف بسبب إحتواء المداخلة على كلمات غير لائقة
اخ حافظ البشير دواخل المرء تعبر عنها فلتات لسانه ، وقد قال تعالى : ولتعرفنهم في لحن القول، فقد اتيت بقول منحول يليق بك ويليق بمن سب دين الله مهتدياً بصديق له توفاه الله مع انه جرى على السنة الناس ان نذكر محاسن موتانا وليس سيأتهم ولكن (قبة الفاهم ) قال قولاً اكثر فساداً مما قلت انت فذكر صديقة قائلاً:
Quote: صديقنا الراحل د. مجدي مصطفى ... كانت مسبة الدين عنده هي الإطراء في قمته
فالشئ الذي عرفناه عن د مجدي رحمة الله عليه أنه كان يسب الدين لهذا احتذى به (قبة) ناسياً حديث رسول الله صلى الله عليه وآله وسلم : من سن سنة سيئة فله وذرها ووذر من عمل بها إلى يوم القيامة فأستحن (قبة) ان يرسل وذراً لصاحبه في قبره بدل ان يرسل دعاء مغفرة ورحمة كيف يعني يقول ليك يا حافظ بشير:
Quote: واحد فيكم، إن شاء الله من باب المجاملة، ما يقول لي الكلام دا ما بشبهك و يحنسني اسحبو.
يا اخي دا مش بشبهك بس دا الخالق الناطق بشبهك وبشبه الطرح الذي تغذرون صاحبه بمشاركتم وصبراً جميلاً والله المستعان على ما تصفون.
03-15-2018, 09:41 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
يا كنزي الكلمات المحذوفة غير لائقة لنظر الإخوة الأعضاء و القراء و لكنها تليق بك تماماً. و لذلك أنا إنتظرت حتى تأكدت من أنها قد وصلت إليك و أنك وقعت على إستلامها كاملة غير منقوصة ثم قمت بعد ذلك بسحبها.
إعتذاري ليس موجهاً لك و اكرر لك: الكلمات المحذوفة تناسبك تماماً
هي من مفرداتك ونتقبلها لاننا تقبلنا ما هو اسوأ منها قولاً وهو سب الدين وبضاعتك يا اخي مزجاة لا شاري لها لهذا ردت اليك ولا احد يغضب لربه مجاملة للقبة ومن جرى مجراه ومجراها هو ما يجري من مكان الكلمة التي ذكرتها لك مني ما تريد وضعني حيث تحب وترضى ولن اجاريك في كلماتك النتنة لأن مفرداتي ليس بها مفردة واحدة من التي عندك واذكرك بالقول الذي يجري على السن الناس إذا بليتم فاستتروا لان الجهر بالسوء مسبة ومنقصة ، اسأل الله ان يسترنا
اما قولك:
Quote: و أبشرك يا كنزي المداخلة قاعدة و محفوظة و في أي وقت لو داير تمتع نظرك بيها بجيبها ليك.
غايتو الكنزي قلاكم قلي الين نار الله الموقدة وح اقلي كل كفار اثيم والكفر ليس بمعنى انكار الدين ولكن الكفر بان لا يرى الانسان ان سب الدين مسبة ومنقصة واعيدها ان احببت فستخرجها من خزينتك وليس من عندي
03-15-2018, 10:08 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
تسلم حافظ وحقك علينا .. وآسفين لو رأيت فينا تقصير .. بالمناسبة أنا أخذت الامر عادي جدا .. ولم أتجاوز به حدود المثل اطلاقا .. ولم ألقِ بأي ظلال أبعد من ذلك .. كما لم يجل بخاطري أي تقييم سالب .. لا لكـ ولا لمداخلتكـ التي تحسست منها .. ما أضحكتي هو اغتنامك للسانحة .. مثلك ده مقارنة بالحاصل في المنبر .. يجعل منك ملاك ذو أجنحة .. وفوقك الرايات البيض .. ثم العين مابتعلى على الحاجب يأخ .. وأجدني أقل مقاماً من نصحك ...
وح اقلي كل كفار اثيم والكفر ليس بمعنى انكار الدين ولكن الكفر بان لا يرى الانسان ان سب الدين مسبة ومنقصة واعيدها ان احببت فستخرجها من خزينتك وليس من عندي الله و أكبر ...
المجاهد علي الكنزي ... ابو دي وهمة ياخ ...
03-16-2018, 01:20 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
حبيبنا ود القوز ياخي كلامي ليك و لود البشرى دا كان مفروض اعمل بعدو كم وجه ضاحك لكنني ضعيف القدرات في إستخدام الإسمايليز فما تآخد كلامي بجدية و أنت تعلم معزتك عندي
03-17-2018, 08:16 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
قباني وضيوفه سلام تعرف يا صاحب في زول كريم كرم لامن اروش .. اها لامن يجيهو ضيف بتلبش هو بالديوان وكواريكو للعيال للاسراع ما بتقيف .. ومرة مرة بقوم يخش للنسوان جوة يستعجلن وكل مرة وتيرة قلقو بتزيد وينادي يا ولد الاكل يا احمد يا علي يا فلان الاكل الاكل الاكل يا اولاد انعل ابوكم وابو الاكل وابو الضيف زاتو !!
03-17-2018, 09:19 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
إنت يا ود ابسن جبتها .... إنعل أبوك دي - لغوياً - ما عندها أي معنى. لكن نضع في الإعتبار اللهجة السودانية وتقليب الحروق .... يعني إنعل دي مقصود بيعا (يلعن) ..... اللعن في اللغة هي الطرد من رحمة الله سبحانه وتعالى. لعن الوالدين أو أي شخص عو الدعاء بطرد هذا الشخص من الرحمة.
يبقى ما هو معنى (يلعن دينك) .... هل (طرد الدين من الرحمة) تعني أي شئ؟
هو لغو لا معنى له.
03-17-2018, 09:46 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الفكرة يا ابوالريش ما ممكن تقول الزول دة نبذ واساء لي ضيفو ولا ضيفو زاتو معتبرها نبذة ولا اساءة ف شنو الكلام يقرأ في سياقه هذا هو الانسان ونظرته لشتيمة في مكان مختلف بتجيب دم فما بالك ب رب العزة وتعالي عن المقارنة بل استحالت ان الله ينظر الي القلوب وما تخفي الصدور . اساءة الدين ما بتم بالتلفظ المنفعل والعفوي ورب قارئ للقرآن والقرآن يلعنه ورب مصلي لم تزده صلاته الا بعدا من الله ودونك هذه السلطة تدعي الاسلام وتمارس ما لا يرضاه الاسلام وبل نفرت عنه و رب مدافعا عن الاسلام يسي له وكما قال ذلك الصحابي اللَّهُمَّ إِنْ كَانَ عَبْدُكَ هَذَا كَاذِبًا، قَامَ رِيَاءً وَسُمْعَةً، فَأَطِلْ عُمْرَهُ، وَأَطِلْ فَقْرَهُ، وَعَرِّضْهُ بِالْفِتَنِ.
03-17-2018, 09:56 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
اللهم اغفر لقومي فانهم لا يعلمونك باب تحريم لعن إنسان بعينه أو دابة
1555- وعن ابن مسعود رَضِيَ اللَّهُ عَنْهُ قال، قال رَسُول اللَّهِ ﷺ: (ليس المؤمن بالطعّان ولا اللعّان ولا الفاحش ولا البَذِي) رَوَاهُ التِّرْمِذِيُّ وَقَالَ حَدِيْثٌ حَسَنٌ.
1556- وعن أبي الدرداء رَضِيَ اللَّهُ عَنْهُ قال، قال رَسُول اللَّهِ ﷺ: (إن العبد إذا لعن شيئاً صعدت اللعنة إلى السماء فتغلق أبواب السماء دونها، ثم تهبط إلى الأرض فتغلق أبوابها دونها، ثم تأخذ يميناً وشمالاً، فإذا لم تجد مساغاً رجعت إلى الذي لعن، فإن كان أهلاً لذلك وإلا رجعت إلى قائلها) رَوَاهُ أبُو دَاوُدَ.
1557- وعن عمران بن الحصين رَضِيَ اللَّهُ عَنْهُ قال: بينما رَسُول اللَّهِ ﷺ في بعض أسفاره وامرأة من الأنصار على ناقة فضجرت فلعنتها فسمع ذلك رَسُول اللَّهِ ﷺ فقال: (خذوا ما عليها ودعوها فإنها ملعونة) قال عمران: فكأني أراها الآن تمشي في الناس ما يعرض لها أحد. رَوَاهُ مُسْلِمٌ.
1558- وعن أبي برزة نضلة بن عبيد الأسلمي رَضِيَ اللَّهُ عَنْهُ قال: بينما جارية على ناقة عليها بعض متاع القوم إذ بصرت بالنبي ﷺ وتضايق بهم الجبل فقالت: حل اللهم العنها، فقال النبي ﷺ: (لا تصاحبنا ناقة عليها لعنة) رَوَاهُ مُسْلِمٌ.
03-17-2018, 03:08 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
عجبي منك يا (قبة) انت اساءت لدين الله وترجو من الناس ما يسئوا لود الامين؟ وهذا قولك بالاحمر: رجاء خاص ... عدم استخدام الكلمات المسيئة في حقه ... لان هذه الكتابات ستظل للتاريخ وانت كلامك بمشي مذبلة التاريخ ام التاريخ؟ #### هل قرأت ما قاله جلال الدين الاسيوطي شعراً: مامن كاتب إلا سيفنى ويبقي الدهر ماكتبت يداه فلا تكتب بكفك غير شيئ يسرك في القيامة ان تراه #### اما مداخلة معاوية المدير جاء فيها ما يسرك ويغضب الرب وهو ينقل قائلاً: الزول دا أصلو سغيّل، مرّة كبس لود أُختي دين عشان حاول يصورو، والوآد سغيّر، ؤ برضو شخخت لناس سودانيز اونلآين وانا كنت حاضر ...
Quote: طيب يا كنزي هل يجوز سب آلهة الغير؟؟؟ يعني هل انا ممكن اسب الاوثان لمن يعبدوها وللا لا يجوز؟؟؟
هل يا هيثم جعلتم القرآن مهجوراً؟ الله امرنا ان لا نسب الهة الغير ولا دينهم اقرأوا القرآن لتعلموا فما بالك من يسب ديننا انتو بس اقعدو اسمعو في الغنى والكلام الفارغ واهجروا كتاب الله والله احزن للاسئلة الت ي تطرحونها فهي الف با الاسلام انتو عاشين وين يا عالم بالمناسبة انا لستُ بعالم ومثل اسئلتكم هذه لا تحتاج لعالم ليرد عليها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
محمد أبوالعزائم أبوالريش
Ali Alkanzi
محمد البشرى الخضر
معاوية المدير
يحي قباني
Hafiz Bashir
محمد محمود محمد
ترهاقا
Arif Nashed
جمال ود القوز
Osman Mahmoud
MOHAMED EL-BEELI
عبدالحفيظ ابوسن
Osman Awoda
ارصد محمد جلال
فيس بوك
تويتر
انستقرام
يوتيوب
بنتيريست