تنظيرة أولى : انا ما حارس مرمى لكن يخيل لي حارس المرمى ترتفع عندو إحتمالية صد ضربة الجزاء أو الضربات الترجيحية لنسبة فوق ال 80% لمن يكون اللاعب اللي ح يسدد ضربة الجزاء بيشوت بي رجله الشمال.. مع إنو انا زمااان كده الناس كان عندها وهمة كده إنو البيشوت بي الشمال ضربة الجزاء بتاعتو قون مييية الميية ..
تنظيرة تانية : ما شرط إنو أي لاعب بيشوت أو بيسدد تسديدات قوية من خارج منطقة الجزاء فده معناها إنو لازم يشوت ضربات الجزاء...
تنظيرة تالتة : من خلال متابعتي لي مهند الطاهر في السنوات الفاتت دي أو خلونا نقول مننن ما بدا يشوت ضربات جزاء ما حصل مهند شات ليهو ضربة جزاء مطمنة أو مضمونة ..معظم الضربات اللي شجلها من نقطة الجزاء بيكون الحارس حاول معاها أو مشى في إتجاه صاح وكان قريب من صدها..
الخلاصة : ما عندي إحصائية ثابتة لكن تقريباً مهند في الفترة الأخيرة أضاع أكتر من عشرة ضربات جزاء أو سجلها بي حراق الروح ..ورغم عن كده بلاحظ مهند وما أن يعلن الحكم عن ضربة جزاء إلا ومهند بيجري يحضن الكورة ..سواء مع الهلال أو مع المنتخب القومي.. لبمحيير أكتر إنو في الفريق بيكون في ناس بتسدد بي صورة أضمن وأحسن من مهند .. يعني في الهلال سادومبا بيشوت بي طريقة دقيقة ومحسنة .. في المنتخب هيثم مصطفى قد يكون أفضل من مهند.. طيب نحن ما عندنا مدربين؟؟؟ ما عندنا تمارين لي اللاعبين لي ضربات الجزاء؟؟ لسة شغالين بي فكر أولاد الحلة وأوول ما تجي ضربات جزاء بيقوم واحد يكورك ماااين ماااين خلوها لي؟؟
الخوف كلل الخوف إنو جرايد الليلة تقوم تهتف وتقول مهند يمزق شباك الأثيوبي ويحرز هدفين من صاروخين .. والخوف كل الخوف بي سبب القون التاني يفتكروا إنو مهند جاب قون من تسديدة وليس من ضربة الجزاء.. والخوف كل الخوف يحسب مهند من اللذين غيروا مجرى مباراة السودان لصالح السودان .. مهند أمبارح كان أسوأ لاعب وكللل وليس معظم بل كللل تمريراته كانت خاطئة ..وتبديله كان كارثة .. المحيير والمدهش بالجد إنو الناس البنقول عليهم عمرهم الإفتراضي إنتهى وبنطالب بيب إعتزالهم هم كانوا الأفضل وهم من صنعوا الأهداف الخمسة .. هيثم والعجب.. بالجد الناس ديل ما طبييعيين .. لمساتهم بي الكورة كلها.. وقفتهم في الميدان ولو متفرجين ساااي بتخليك تتوقع منهم أيييي شي.. التحية لي هيثم والعجب ويا مازدا سيبك من كلام الجرايد وتحلى بالشجاعة ولععب الإتنين مع بعض وصدقني ما بتخسر ..
مهند بيمتاز بشجاعة و هدوء عالي نحو ضربات الجزاء المهمة جدا و الحاسمة و لو راجعت الكم سنة الفاتو حا تلقى حاجات بالمعنى دا ما بتردد في أحلك التحديات و يمكن عشان كدا بيتكلوها عليه مع أنه مؤخرا بقى يبوظ الأعصاب مع ضربات الجزاء البتصد ليها!
إنت في مهند ولا في الدفاع التعيس دفاعنا حا يحدد نتيجة مباراة الإياب!
09-09-2012, 06:41 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا معز.. هي لكن عاد شن فايدة الهدوء إذا كان غحتمال ضياعا 90%؟؟ :) أحسن تجيب زول كبكابة ورجافة بس بعد داك بتضمن إنو يجيبا .. بالنسبة للدفاع فمازدا أمبراح حييرني عديييل.. الزول ده شكلو أمبارح لعب بي فهم غارزيتو تلاتة مدافعين وفي رواية إتنين بس سيف مساوي وسامي.. مازدا وضح جداً إنو بيجامل الهلال والمريخ على حساب المنتخب..وإستغربت جداً غياب بعض من لاعبي الأهلي شندي خصوصاً في الدفاع والوسط!!! مازدا بيجهز الهلال والمريخ لمبارياتهم الأفريقية !!
09-09-2012, 06:51 AM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
هيثم بالذات اخر واحد ممكن يشوت ضربات امبارح دى ... فى الظروف العادية اوكى ..بشوت كويس ..لكن امبارح البعض كان ينتظر فشل هيثم عشان ياكد نظرية ابعادو ... الحمد لله ماشات ...وظهر بمظهر كويس جدا فى المباراة ... الحبيب مهند الطاهر زول بااارد ومركز ..فهو الانسب فى مباراة امبارح ...
09-09-2012, 06:57 AM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
كل مااشاهد بشه فى الملعب بتذكر شطارة صلاح ادريس ...بشه دا لما صلاح ادريس سجلو فى الهلال لم يكن نجم ..ولا احد يلتفت اليه فى الملعب ..فذكاء صلاح ادريس انو شاف الماشافوهو الناس ...بشه صاحب حضور ذهنى عالى ...اتحرك مع شوته العجب للكورة .. جارى مع الكورة لحظة خروجها من رجل العجب ..توقع انو الحارس يصدها او تضرب فى القائم ..وقد كان واحرز هدف ...
الحاجة التانية ...بالله ادونى ميزة واااحد لاحمد الباشا... انا لو مدرب المريخ احمد الباشا مابلعب فى التشكيلة لو (كسر رقبتو) ....بالله الناس ماتتحسس ...
09-09-2012, 06:57 AM
المعز ادريس المعز ادريس
تاريخ التسجيل: 05-18-2009
مجموع المشاركات: 1569
فعلا لاحظت أنه متبع طريقة غارزيتو و لاحظت كذلك أنه الإعتماد على خطة هجومية في أرضنا ثم دفاعية مع الإعتماد على الهجمات المرتدة في أرض الخصم دا حكي فارغ (لاحظ نتائج الهلال, و المريخ, .. و المنخب خارج الأرض و الآداء كذلك دائما بيكون أفضل لأنه بيكون في إعتماد على فكر متوازن بعيد عن صياح الجماهير البيغطي البيلعب دور كبير في (الحماس) لا غير و فجأة كدا تلقاها في الشبكة في عقر دارك!
09-09-2012, 07:06 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا أبو حميد (أربجي لسسسة في حالا أبو صلاح ما بتكتل قلبي ) .. بالنسبة لي هيثم انا اتوقعت يشرد من الأولى عشان الظروف..لكن ضربة الجزاء التانية كانت مقشرة لأنو في الأساس أرتكبت معاهو ..ونحن بي فهم السودان والدافوري عندنا الاعب لو عملوا معاهو ضربة جزاء وشاتا هو وضييعا فعااادي لأنو بيفتكروا إنو هو العملا فماف مشكلة :).. هيثم كان محتاج للقون ده شديد في جوانب النفسية والوهمة الإعلامية .. برود مهند ما مفيد في ظل ضياع الشوت مش؟؟؟ بالنسبة لي بشة فيكفي إنو طالب جامعي عشان كده القصة دي نفعتو في التوقع و المتابعة والحركة بمعدلات مدروسة .. بشة كرر هدف بالكربون كان سجلو في تصفيات المسابقة الفاتت لو ما خانتني الذاكرة .. بالنسبة للباشا فخليني أختلف معاك قياسا بما يقدمه الباشا اليومين ديل.. الباشا لا يقل ذكاء عن بشة وبيعرف يوزع مجهوده كويس جوة الميدان .. الغريبة إنهم اولاد حلة وكورتهم واااحدة بتتشابه :)
09-09-2012, 07:56 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
بالنسبة لي هيثم انا اتوقعت يشرد من الأولى عشان الظروف..لكن ضربة الجزاء التانية كانت مقشرة لأنو في الأساس أرتكبت معاهو ..ونحن بي فهم السودان والدافوري عندنا الاعب لو عملوا معاهو ضربة جزاء وشاتا هو وضييعا فعااادي لأنو بيفتكروا إنو هو العملا فماف مشكلة :).. هيثم كان محتاج للقون ده شديد في جوانب النفسية والوهمة الإعلامية .. ************************ وليد عبد اللطيف
وكم تمنيت ضربة الجزاء التانيه تكون من نصيب الكابتن هيثم مصطفى
يا جماعة هيثم ذكي ، فبعد ظهوره بصورة كويسة و ارتكاب ضربة جزاء معاهو اكيد خت في بالو لو ضيع ضربة الجزاء ح تقلل من الرصيد العملو في المباراة عشان كده دي زوغة معلم!!
09-09-2012, 09:12 AM
عبد العظيم احمد عبد العظيم احمد
تاريخ التسجيل: 05-14-2006
مجموع المشاركات: 3558
Quote: يا جماعة هيثم ذكي ، فبعد ظهوره بصورة كويسة و ارتكاب ضربة جزاء معاهو اكيد خت في بالو لو ضيع ضربة الجزاء ح تقلل من الرصيد العملو في المباراة عشان كده دي زوغة معلم!!
فعلا هيثم ذكي ياود حمد بس التانيه دي ما منها خوف لان اي حاجه عايز يعملها عملها ياخي دا لعب ليهو باص قون بس تدخل وتجري الاين ترقص هيثم فعلا معلم التانيه دي كانت فرصة بالنسبة له عشان يثبت لناس الهلال وكمان كلامك منطقى شديد انا لاحظت له ان كب الزوغه من ضربات الجزاء زوغة معلم على قولك
09-09-2012, 09:43 AM
مأمون مأمون
تاريخ التسجيل: 03-05-2002
مجموع المشاركات: 97
رغم إنه البوست عن مهند الطاهر وضربات الجزاء .. لكن بالنسبة للباشا فأنا شايف إنه كان لايص في الملعب بدون دور واضح
في الحقيقة كل لاعبي الوسط كانوا لايصين وما كان عندهم دور في مراقبة أو مطاردة الخصم في الوقت المناسب مما جعل الدفاع مكشوفاوبالتالي دخول ثلاثة أهداف ونحن نلعب على أرضنا..
09-09-2012, 09:50 AM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
Quote: تنظيرة أولى : انا ما حارس مرمى لكن يخيل لي حارس المرمى ترتفع عندو إحتمالية صد ضربة الجزاء أو الضربات الترجيحية لنسبة فوق ال 80% لمن يكون اللاعب اللي ح يسدد ضربة الجزاء بيشوت بي رجله الشمال.. مع إنو انا زمااان كده الناس كان عندها وهمة كده إنو البيشوت بي الشمال ضربة الجزاء بتاعتو قون مييية الميية ..
طبعا اي حارس مرمى ياعمر الفاروق يساره افضل من يمينه اي حارس يتمنى كل زمن المباراه ان تلعب له في يساره سبحان الله عند جميع حراس المرمى في كل العالم وبالزات الاعب البشوت ليهم الكره بيساره دا بكون وقع ليهم في جرج لو ملاحظ حتى الحارس التعبان بتاع المنتخب الاثيوبي تحرك لمهند الطاهر في في ضربة الجزاء الاولى في يساره وقرب يطلعها ..
* مشاركة هيثم غير مبررة لأن قائد المنتخب بعيد عن اللعب التنافسي منذ بداية الموسم
و هذا كل ما جاد به قلم الصحفى مزمل ابوالقاسم عن سيدا فى عموده الراتب فى حين انه قال ما لم يقله مالك فى الخمر عن العجب ( و فعلآ يستاهل الكلام فوقه) بالرغم من اننا قد شاهدنا المبارأة و رأينا ما صنع هيثم فيها يكون مفتكر انه الكورة دى حصرية على قناة الصدى الرياضية
كما انه لم يحمل اكرم الا الجزء اليسير من الهدف الثالث
حالة تحتاج الى علاج
09-10-2012, 06:18 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
وليد يا حبوب: الحكي عن ضربات الجزاء مابينتهي بداية من أيام الدافوري والفلسفة ولعبنا ليها بي الشقلبة والكعب نهاية بي تشوتا في الأوت قاااصد عشان الجماعة خرخرو وقالوا ما بنيلتي .. :)
الحاج يا حاج: أعتقد إنو ضربة الجزاء التانية كان ممكن تتشات عادي وبدون خوف حتى لو ضاعت كان الجمهور ح يقيف مع هيثم ..بس هيثم حسبا غلط في رأيي.
عبد العظيم يا ابو العظمات: أكرم الهادي كان في وادي تاااني وحقيقة هو أغرب إختيار. حراسة المرمى تحدييييدا ما زي باقي خانات اللعب ..عايزا زول يكون مستمر في اللعب التنافسي ..عشان كده نحن بنلاحظ في كل الفرق العالمية حارس المرمى بيلعب الدوري كلو دون إنقطاع .. أكرم الهادي اليوم داك لو شوت فيهو كشك ليمون بيخش..
09-10-2012, 06:34 AM
haroon diyab haroon diyab
تاريخ التسجيل: 06-20-2007
مجموع المشاركات: 23215
Quote: المحيير والمدهش بالجد إنو الناس البنقول عليهم عمرهم الإفتراضي إنتهى وبنطالب بيب إعتزالهم هم كانوا الأفضل وهم من صنعوا الأهداف الخمسة .. هيثم والعجب.. بالجد الناس ديل ما طبييعيين .. لمساتهم بي الكورة كلها.. وقفتهم في الميدان ولو متفرجين ساااي بتخليك تتوقع منهم أيييي شي.. التحية لي هيثم والعجب ويا مازدا سيبك من كلام الجرايد وتحلى بالشجاعة ولععب الإتنين مع بعض وصدقني ما بتخسر ..
والله انا اتفق مع الكلام دا
ورعم هلاليتي الا ان وجود العجب في الملعب مريح للاعصاب وكدا لله في لله بحبو
09-10-2012, 09:50 AM
keiga2000 keiga2000
تاريخ التسجيل: 05-11-2002
مجموع المشاركات: 4119
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
المعز ادريس
محمد عبدالرحمن
وليد عبد اللطيف
الحاج حمد الحاج
عبد العظيم احمد
مأمون
جمال السنوسي
haroon diyab
Zomrawi Alweli
keiga2000
فيس بوك
تويتر
انستقرام
يوتيوب
بنتيريست