|
|
 مهند الطاهر وضربات الجزاء
|
تنظيرة أولى :
انا ما حارس مرمى لكن يخيل لي حارس المرمى ترتفع عندو إحتمالية صد ضربة الجزاء أو الضربات الترجيحية لنسبة فوق ال 80% لمن يكون اللاعب اللي ح يسدد ضربة الجزاء بيشوت بي رجله الشمال..
مع إنو انا زمااان كده الناس كان عندها وهمة كده إنو البيشوت بي الشمال ضربة الجزاء بتاعتو قون مييية الميية ..
تنظيرة تانية :
ما شرط إنو أي لاعب بيشوت أو بيسدد تسديدات قوية من خارج منطقة الجزاء فده معناها إنو لازم يشوت ضربات الجزاء...
تنظيرة تالتة :
من خلال متابعتي لي مهند الطاهر في السنوات الفاتت دي أو خلونا نقول مننن ما بدا يشوت ضربات جزاء ما حصل مهند شات ليهو ضربة جزاء مطمنة أو مضمونة ..معظم الضربات اللي شجلها من نقطة الجزاء بيكون الحارس حاول معاها أو مشى في إتجاه صاح وكان قريب من صدها..
الخلاصة :
ما عندي إحصائية ثابتة لكن تقريباً مهند في الفترة الأخيرة أضاع أكتر من عشرة ضربات جزاء أو سجلها بي حراق الروح ..ورغم عن كده بلاحظ مهند وما أن يعلن الحكم عن ضربة جزاء إلا ومهند بيجري يحضن الكورة ..سواء مع الهلال أو مع المنتخب القومي..
لبمحيير أكتر إنو في الفريق بيكون في ناس بتسدد بي صورة أضمن وأحسن من مهند ..
يعني في الهلال سادومبا بيشوت بي طريقة دقيقة ومحسنة ..
في المنتخب هيثم مصطفى قد يكون أفضل من مهند..
طيب نحن ما عندنا مدربين؟؟؟ ما عندنا تمارين لي اللاعبين لي ضربات الجزاء؟؟ لسة شغالين بي فكر أولاد الحلة وأوول ما تجي ضربات جزاء بيقوم واحد يكورك ماااين ماااين خلوها لي؟؟
الخوف كلل الخوف إنو جرايد الليلة تقوم تهتف وتقول مهند يمزق شباك الأثيوبي ويحرز هدفين من صاروخين ..
والخوف كل الخوف بي سبب القون التاني يفتكروا إنو مهند جاب قون من تسديدة وليس من ضربة الجزاء..
والخوف كل الخوف يحسب مهند من اللذين غيروا مجرى مباراة السودان لصالح السودان ..
مهند أمبارح كان أسوأ لاعب وكللل وليس معظم بل كللل تمريراته كانت خاطئة ..وتبديله كان كارثة ..
المحيير والمدهش بالجد إنو الناس البنقول عليهم عمرهم الإفتراضي إنتهى وبنطالب بيب إعتزالهم هم كانوا الأفضل وهم من صنعوا الأهداف الخمسة ..
هيثم والعجب..
بالجد الناس ديل ما طبييعيين ..
لمساتهم بي الكورة كلها..
وقفتهم في الميدان ولو متفرجين ساااي بتخليك تتوقع منهم أيييي شي..
التحية لي هيثم والعجب ويا مازدا سيبك من كلام الجرايد وتحلى بالشجاعة ولععب الإتنين مع بعض وصدقني ما بتخسر ..
تخريمة :
أكرم الهادي أثبت إنو إختيار الحضري للأسف هو إختيار صادف أهله..
|
|
  
|
|
|
|
|
| العنوان |
الكاتب |
Date |
| مهند الطاهر وضربات الجزاء | عمر الفاروق | 09-09-12, 06:14 AM |
| Re: مهند الطاهر وضربات الجزاء | المعز ادريس | 09-09-12, 06:29 AM |
| Re: مهند الطاهر وضربات الجزاء | عمر الفاروق | 09-09-12, 06:41 AM |
| Re: مهند الطاهر وضربات الجزاء | محمد عبدالرحمن | 09-09-12, 06:51 AM |
| Re: مهند الطاهر وضربات الجزاء | محمد عبدالرحمن | 09-09-12, 06:57 AM |
| Re: مهند الطاهر وضربات الجزاء | المعز ادريس | 09-09-12, 06:57 AM |
| Re: مهند الطاهر وضربات الجزاء | عمر الفاروق | 09-09-12, 07:06 AM |
| Re: مهند الطاهر وضربات الجزاء | وليد عبد اللطيف | 09-09-12, 07:56 AM |
| Re: مهند الطاهر وضربات الجزاء | الحاج حمد الحاج | 09-09-12, 08:44 AM |
| Re: مهند الطاهر وضربات الجزاء | عبد العظيم احمد | 09-09-12, 09:12 AM |
| Re: مهند الطاهر وضربات الجزاء | وليد عبد اللطيف | 09-09-12, 09:15 AM |
| Re: مهند الطاهر وضربات الجزاء | مأمون | 09-09-12, 09:43 AM |
| Re: مهند الطاهر وضربات الجزاء | جمال السنوسي | 09-09-12, 09:50 AM |
| Re: مهند الطاهر وضربات الجزاء | وليد عبد اللطيف | 09-09-12, 01:57 PM |
| Re: مهند الطاهر وضربات الجزاء | حيدر بشير | 09-09-12, 04:19 PM |
| Re: مهند الطاهر وضربات الجزاء | عمر الفاروق | 09-10-12, 06:18 AM |
| Re: مهند الطاهر وضربات الجزاء | haroon diyab | 09-10-12, 06:34 AM |
| Re: مهند الطاهر وضربات الجزاء | Zomrawi Alweli | 09-10-12, 09:02 AM |
| Re: مهند الطاهر وضربات الجزاء | keiga2000 | 09-10-12, 09:50 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست